نداء لابناء الكلاكلة بالبورد

Post: #1
Title: نداء لابناء الكلاكلة بالبورد
Author: طارق عبد اللطيف نقد
Date: 12-03-2005, 05:56 AM

هذا البوست نداء للتواصل لكل ابناء الكلاكلة في شتى صقاع العالم
فرقتنا الغربة والهجرةولقمة العيش
تعالوا نتلمة شوية في البوست ده
طبعا الكلاكلة من العزوزاب شمال الي الدخينات جنوب
ومن البحر غرب الى والله شرق ماعرفة وصلت وين0000 احتمال سوبا
يلا انحنا في انتظار التعارف والتواصل
طبعا انا من الوحدة مربع واحد ومحطةواحد بالقرب من دكان البنات

Post: #2
Title: Re: نداء لابناء الكلاكلة بالبورد
Author: saadeldin abdelrahman
Date: 12-03-2005, 06:03 AM
Parent: #1

حباااب الكلاكله واهلها

وعجاجتا الزمااان وعسلا

تسلم اخوي طارق عبد اللطيف نقد
ويسعدني أن اكون اول ملبي

Post: #3
Title: Re: نداء لابناء الكلاكلة بالبورد
Author: عبدالرحمن عبدالله أبوشيبة
Date: 12-03-2005, 06:14 AM
Parent: #2

وأنا تاني الملبين وعشان تعرفني من وين أبدى ليك من ود العقلي مكان جدودي راقدين من أبوي لغاية الجد الثامن فيهم يعني من أهلك العقليين ودالعقلي وفتيح العقليين وام عشر العقليين والشقيلاب وطيبة الحسناب واللدية الشيخ حبيب الله يعني طريق الجبل من الدخينات وانت ماشي عاين يمين وشمال تلقانا موجودين.

أشكرك على هذا البوست الجميل وأرحب معك لمزيد من التواصل لأبناء المنطقة .

Post: #290
Title: Re: نداء لابناء الكلاكلة بالبورد
Author: هشام كمال
Date: 06-01-2006, 05:14 AM
Parent: #2

الاخ طارق ليك التحيه
معاك كلاكلاوى بالميلاد
بس ما من القبه من صنقعت محطة 5 يعنى من انديييييييييناشكرا على الفكرة
هشام كمال

Post: #4
Title: Re: نداء لابناء الكلاكلة بالبورد
Author: عبد السلام أبوشنب
Date: 12-03-2005, 07:34 AM
Parent: #1

طبعا الكلاكلة من العزوزاب شمال

يعنى ناس الذخيرة معاكم؟

وناس الدباسين وكيف الحال

Post: #5
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-03-2005, 08:27 AM
Parent: #1

شكرا للاخوان

سعدالدين
عبالرحمن
عبدالسلام
وشكرا علي الاهتمام
ونعرف انحنا منا وين وقرينا وين
وين الان موجودين في الدنيا الكبيرة دي

Post: #6
Title: Re: نداء لابناء الكلاكلة بالبورد
Author: saadeldin abdelrahman
Date: 12-03-2005, 09:39 AM
Parent: #1

القبة أوروبا

Post: #7
Title: Re: نداء لابناء الكلاكلة بالبورد
Author: ghariba
Date: 12-03-2005, 03:38 PM
Parent: #1

وناس الكلاكلة صنقعت و الوحدة

ناس غريبة

موسى عواض

ومحمد علي

صلاح حسن غريبة - من الكلاكلات

Post: #8
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-03-2005, 04:05 PM
Parent: #1

والله صدفة غريبة ياصلاح غريبة
اخر حاجة كنت اتوقعه
انو يكون عندك علاقة بالكلاكلة
او انك تكون من الغرايبة بتاعننا
لاننا اتربينا سوا وقرينا سوا
وهم من اعز اصداقائي
لكن هم كلهم ناس كويسين وما عندهم علاقةبالنظام والكيزان
وشكرا للمداخلة

Post: #9
Title: Re: نداء لابناء الكلاكلة بالبورد
Author: ghariba
Date: 12-03-2005, 04:17 PM
Parent: #1

الاخ طارق

امسك عندك

احمد غريبة بمحطة 9 بالكلاكلة صنقعت هو شقيقي الاكبر وانا متربي في بيتهم

والباقيين هم اهل الاهل وبخاصة محمد حسن حكومة بالخبر

الخ

ولمن اقابلك واسلم عليك حاكي ليك الكثير والكثير

واسال صديق الجيو عن اهلنا في الكلاكلة القبة

Post: #10
Title: Re: نداء لابناء الكلاكلة بالبورد
Author: saadeldin abdelrahman
Date: 12-03-2005, 04:38 PM
Parent: #1

يا سلام على نجوم الروابط الزمان يا غريبة

طبعا انا مندهش زي طارق ده هههه

Post: #11
Title: Re: نداء لابناء الكلاكلة بالبورد
Author: Gaafar Ismail
Date: 12-03-2005, 07:25 PM
Parent: #1

مولاي الأستاذ طارق

فكرة جميلة تشكر عليها كتير

جعفر إسماعيل (الكلاكلة القبة)

Post: #12
Title: Re: نداء لابناء الكلاكلة بالبورد
Author: صلاح الدين عبدالله محمد
Date: 12-03-2005, 10:32 PM
Parent: #11

جعفر اسماعيل

؟؟؟؟
هل جعفر هو الشاعر
جعفر الاستاذ (المعلم)
شقيق المحامى الشاعر/حسن اسماعيل

؟؟؟

Post: #13
Title: Re: نداء لابناء الكلاكلة بالبورد
Author: Gaafar Ismail
Date: 12-04-2005, 01:35 AM
Parent: #12

مولاي الأستاذ صلاح الدين

شكرا جزيلا على الاهتمام والاستفسار

لست الأستاذ جعفر إسماعيل شقيق الأستاذ الشاعر حسن إسماعيل (إسم على إسم فقط)

مع تحباتي واحترامي.

Post: #14
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-04-2005, 05:31 AM
Parent: #1

صلاح غريبة طبعا انا دفعة معاويةاخومحمد حكومة

مولاي الاستاذجعفر اسماعيل
شكرا للتواصل والاهتمام وياريت نتعرف اكثر
صلاح الدين عبدالله ياريت تكون من الكلاكلة ولو مامنها حنديك انتساب بيت ومرة

Post: #35
Title: Re: نداء لابناء الكلاكلة بالبورد
Author: Gaafar Ismail
Date: 12-06-2005, 06:08 AM
Parent: #14

مولاي الأستاذ طارق

ســلام

(وياريت نتعرف اكثر)
[email protected]

Post: #15
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-04-2005, 04:52 PM
Parent: #1

يا ناس الكلاكلة وينكم
انتو جايين بالمواصلات ولا شنو

Post: #16
Title: Re: نداء لابناء الكلاكلة بالبورد
Author: Mannan
Date: 12-04-2005, 08:57 PM
Parent: #1

يا هلا بأهل الكلاكلات
سكنت فى الشجرة والعزوزاب والكلاكلة القلعة (الارض الحمرا) واهلى منتشرون فى الكلاكلة القبة وصنقعت والوحدة وود عمارة .. النوبيون جعلوا من الكلاكلات وطنا آخر بعد ان طردتهم ارض النوبة المحاصرة من كل اتجاه.. أنا من لاجئى ومشردى منطقة حلفا فى الكلاكلات.. ويشرفنى ان اكون معكم فى نادى بورداب الكلاكلة...

نورى جليلة (نورالدين منان)

Post: #20
Title: Re: نداء لابناء الكلاكلة بالبورد
Author: Gaafar Ismail
Date: 12-05-2005, 03:31 AM
Parent: #16

مولاي الأستاذ الفاضل/ منان

ألف مرحب بيك بين أهلك ناس الكلاكلة، ولنا عظيم الشرف أن تكون بيننا ننهل من علمكم الوافر.

مع تحياتي واكيد احترامي.

جعفر إسماعيل

Post: #17
Title: Re: نداء لابناء الكلاكلة بالبورد
Author: saadeldin abdelrahman
Date: 12-04-2005, 10:21 PM
Parent: #1

انا من الكلاكلة وبحب حلفا وحزني عليها مقيم
ويتجدد في دارفور والشرق كل يوم..
الا تبت يدا كل من ساس الناس لمصالح دنية.

Post: #18
Title: Re: نداء لابناء الكلاكلة بالبورد
Author: samwal ebrahiem
Date: 12-05-2005, 00:23 AM
Parent: #1

أسجل انضمامي بـ نادي الكلاكلة الإسفيري

الكلاكلة المنورة

Post: #19
Title: Re: نداء لابناء الكلاكلة بالبورد
Author: صلاح الدين عبدالله محمد
Date: 12-05-2005, 00:40 AM
Parent: #18

Quote: صلاح الدين عبدالله ياريت تكون من الكلاكلة ولو مامنها حنديك انتساب بيت ومرة

اخى طارق
لك التحيه
كنت منتسب لمنطقه الكلاكله القبه مربع 15(شارع النص) جوار نادى التاكا لفترة من الزمن 4سنوات حتى 1995 (قبل عشر سنوات) هل اعتبر منهم ولى العديد من الاهل والاصدقاءفى تلك المنطقه

البيت عندى
عاوزين المره الثالثه تقبل بى زول عنه 18 من ولد لى بت

Post: #21
Title: Re: نداء لابناء الكلاكلة بالبورد
Author: Gaafar Ismail
Date: 12-05-2005, 03:38 AM
Parent: #19

مولاي الأستاذ صلاح الدين

نعم أنت من اهل الكلاكلة.
ما شاء الله (18 من ولد لبنت) ربنا يخليهم ليك ويزيد ويبارك فيهم.

جعفر إسماعيل

Post: #22
Title: Re: نداء لابناء الكلاكلة بالبورد
Author: خدر
Date: 12-05-2005, 03:39 AM
Parent: #19

طارق سؤال

عزابي سكن فتره و رحل

هل يعتبر من الكلاكلة !!

Post: #127
Title: Re: نداء لابناء الكلاكلة بالبورد
Author: Magdi Galal
Date: 12-31-2005, 08:49 AM
Parent: #22

طارق البركة في سودانيز اون لاين الطمانتنا عليك اولا مبروك العرس0 تانيا مبروك المولود حتي نلتقي مجدي جلال

Post: #23
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-05-2005, 05:05 AM
Parent: #1

ياسلام يامولاي الاستاذ /جعفر اسماعيل
شكلك كلاكلاوي اصيل وشارب موية النيل
نوري منان النوبي الاصيل
وطبعا الكلاكلة يقت الوطن البديل لينا انحنا النوبة
و90% من سكان الكلاكلة من الشمال وتحديدا النوبة
الاستاذ صلاح الدين عبدالله محمد
والله لينا عظيم الشرف
بعدين خلاص التالتة والرابعة علينا
وابشرك كمان حاجزين بت من ال18 ديل وربنا يحفظهم ليك
سممؤل ابراهيم مرحب بيك وبي ناس المنورة وابوادم كلهم
سعد الدين ابراهيم يازول ياجميل والله الحال من بعضة وربنا يجمع الشتات ويحل السلام في وطن عازة الغالي
طارق ابوعبيدة
والله ياشيخنا يجوز طالما قضى العزابي اكتر من سنة
بس العزابي ده مايكون انتة

Post: #24
Title: Re: نداء لابناء الكلاكلة بالبورد
Author: saadeldin abdelrahman
Date: 12-05-2005, 05:15 AM
Parent: #23

اخوي طارق

Quote: وربنا يجمع الشتات ويحل السلام في وطن عازة الغالي

آااامييييين يارب

Post: #25
Title: Re: نداء لابناء الكلاكلة بالبورد
Author: Ahmed El Gasim
Date: 12-05-2005, 07:18 AM
Parent: #24

salam Kalalab
Ahmed Ali Elgasim

ALKALAKLA SANGA3AT( HILAT ALARA3AB)

GHARIBA
IAM TAKEN BY SURPRISE TO KNOW THAT
YOU ARE AHMED GHARIBA BROTHER OF MAHATAT 9.HE WAS KNOWN TO US SINCE WE ARE KIDS AND AGOOD FRIEND FOR MY FATHER AND A CUSTOMER FOR MY MILK
I HOPE HE IS FINE
ALSO IAM ASKING ABOUT FOLUAD MAHJOUB OSMAN? ITHINK NOW HE IS 3EILAFOON!!?

IS KHIDIR TARIG ABUOBAIDA?

ABDELRAHMAN ABUSHEIBA

DEFINETLY WE ARE RELATIVES
MY FATRHER ANCESTORS ARE IN ALGUBA(KHOJLAB)
visit this web site
www.kalakla..com[/B]

Post: #26
Title: Re: نداء لابناء الكلاكلة بالبورد
Author: Ahmed El Gasim
Date: 12-05-2005, 08:13 AM
Parent: #1

Post: #27
Title: Re: نداء لابناء الكلاكلة بالبورد
Author: saadeldin abdelrahman
Date: 12-05-2005, 08:16 AM
Parent: #1

.........ملخص تاريخ قبيلة الكلاكلة

تأريخ الكلاكلة : يرجع تاريخ الكلاكلة الي حوالي 450 سنة تقريبا منذ قدوم الشيخ علي بن محمد بن كنه المشهور بـ(فتاى العلوم) الى منطقة المنجرة ( المقرن حاليا ) قادما من الازهر الشريف وهو من اصل ( كاهلي حميداني ) واولاده يسمون الفتاياب ويرجع نسبه الي الزبير بن العوام كما جاء في نفس العصر الى هذه البقعه حمد الله بن محمد العوضي ( اولاده يسمون الكلاكلة ) ووطنه الاصلي جوير العوضية – غرب شندى فرع الجعليين الحميراب وتصاهر الاثنان وصار يشملهم اسم الكلاكلة.

نزح الكلاكلة القدماء من المنجرة قبل اتخاذ الاتراك الخرطوم عاصمة لهم وحلوا بالارض التي تسمى بالحصى والواقعه جنوب الحماداب وشجرة غردون وكانت خالية تقريبا إلا من بعض قبائل الكواهلة والصواردة الذين كانوا من الرعاة فحل عليهم الكلاكلة وقاموا بالزراعة وقطع الاشجار وعمروها برا وبحرا ونزح عنها الكواهلة والصواردة وبقي بها الكلاكلة.

أصل التسمية : سبب تسمية الجعليين العوضية بالكلاكلة تعود هذه التسمية الى ( كلكلة) وهي اسيرة عاد بها ( حمد الله بن محمد العوضى ) من احدى رحلاته الى المنجرة اثناء متاجرته بالتمور وروي عنها انها كانت مسترجلة وفارسة وهى بنت الملك حسب الله الذى كان يسكن غرب النيل الابيض قبالة منطقة الكلاكلة التى كانت تسمى قديما (جبل المى ضحى) وتسمى حاليا ( فتاشة) وقد جعلها (حمد الله) لكى تدرب اولاده على ركوب الخيل وكانت تقول لهم (كلكلوا الخيل) وهى جملة تدل على ابراز الصدر للقوة والجري ولما سمع الناس منها ذلك اصبحوا يقولون لاولاد ( حمد الله ) اولاد كلكلة وهى فى الحقيقه ليست امهم انما امهم هى فاطمة من بنى الصفر الجعليين .

الكلاكلة فى عهد المهدية : لما ظهر الامام محمد احمد المهدى فى السودان واعلن دولة المهدية كان بالكلاكلة العالمان الشهيران الشيخ عبدالقادر ود ام مريوم بالكلاكلة القلعة والشيخ النذير خالد الماحي بالكلاكلة القبة ولما كان الشيخ عبد القادر اكبر سنا واكثر شهرة في ذلك الحين من الشيخ النذير فقد عينه دولة المهدية اميرا وقاضيا بها وقام بدوره باحضار الشيخ النذير للخليفه عبد الله التعايشي اثر معضلة علمية معينة فظهر علمه في حل تلك المعضلة فعينه الخليفه قاضيا ورفعه في سلك القضاة الى ان وصل في اواخر دولة المهدية الى مرتبة قاضيا للقضاة وبذلك اصبح في الكلاكلة قاضيان بدولة المهدية وعدد من الامراء منهم على سبيل المثال العالم الامير الفكى دفع الله بالكلاكلة قطعية الذى حشد قبيلة الكلاكلة حشدا في ميدان الجهاد .

وتجدر الاشارة هنا الى ان موقع الكلاكلة القريب من الخرطوم وشهرتها بين القبائل في عهد الاتراك العثمانيون جعل الاتراك يصنعون بوابة للقيقر ( الخندق الواقى) للخرطوم من الناحية الجنوبية الغربية اسموها بوابة الكلاكلة وقد عسكر جيش المهدى بقيادة النجومي في هذا المكان وانطلق منه ليلاً ليفتح الخرطوم وموضع بوابة الكلاكلة اليوم هو ( كبري الحرية) والبوابة الاخرى كانت (بوابة المسلمية) ومكانها اليوم كبرى المسلمية وبذلك تكون الكلاكلة قد لعبت دورا بارزا من خلال موقعها الاستراتيجي في تأريخ السودان وتأريخ الدولة المهدية .

الكلاكلة في عهد الاحتلال الانجليزى المصري (1898م) : وعلى اثر سقوط الخرطوم وانقضاء دولة المهدية رجع قاضيا المهدية الشيخ عبد القادر ود ام مريوم والشيخ النذير خالد الي الكلاكلة ووالوا رسالتهم في نشر علوم الشريعة وكان مسجد الشيخ النذير وخلوته معهدا علميا غير نظامي ضم اكثر من (30 طالبا) من خارج الكلاكلة من منطقة الجزيرة والشمالية والنيل الابيض هذا عدا الطلاب المحليين من اهل الكلاكلة وفي الثلاثينات واوائل الاربعينات هاجر الي طلب العلم بالمعهد العلمي بام درمان عدد {8} من ابناء الشيخ النذير واحفاده ومنهم من نال الشهادة العالمية ومنهم من اخذ الشهادة الاهلية ومنهم من واصل دراسته بعد ذلك بمصر ونال شهادة الليسانس من كلية دار العلوم بجامعة فؤاد الاول وهكذا ساهمت الكلاكلة في نشر العلوم الثقافية في السودان .

الكلاكلة والحركة الوطنية : انخرطت قبيلة الكلاكلة في عضوية نادى الخريجين بام درمان وفي حزب الاشقاء بواسطة شابين من الكلاكلة كانا يدرسان العلم في ذلك الحين بمعهد ام درمان العلمي ويسكنان بتوتي وهما الشيخ شريف ابراهيم خوجلي والشيخ ابراهيم جادالله بعد ان اقنعهما بهذا الانضمام شاب من توتي يسمي امام المحسي وكان موظفا بوزارة المالية وبذلك تكونت اول لجنة فرعية لنادى الخرجيين ولحزب الاشقاء جنوب الخرطوم وهي لجنة الكلاكلة القبة انذاك وتوثقت الصلة بين اسماعيل الازهرى ويحيى الفضلي ومبارك زروق بقرية الكلاكلة القبة انذاك وقد حسمت اصوات الكلاكلة رئاسة مؤتمر الخريجين لصالح اسماعيل الازهرى ضد منافسه ابراهيم احمد وهكذا كان للكلاكلة دورها في الحركة الوطنية بوقوفها مع اسماعيل الازهرى الذى اصبح رئيسا للسودان واعلن الاستقلال من داخل البرلمان.

الدور الريادى للكلاكلة في تاسيس المنشات التعليمية والصحية والثقافية :

اسست اول مدرسة ابتدائية في جنوب الخرطوم علي النيل الابيض بالكلاكلة القبة عام (1942م) ولاتوجد مدرسة سواها من الخرطوم الى جبل اولياء في ذلك الحين.

اسست بالكلاكلة القبة اول شفخانه صحيه امتدت خدماتها لجميع القرى المجاورة.

اسست بالكلاكلة القبة اول مدرسة ابتدائيه للبنات عام 1954م .

اسس اول نادي ثقافي رياضي بالكلاكلة القبة عام 1958م وقام بدوره في تطوير المنطقة.

اسس بالكلاكلة القبة اول مركز صحي عام 1968م افتتحه الرئيس السوداني الاسبق اسماعيل الازهري.

افتتح بالكلاكلة في عام (1997م) المستشفي التركي وهو اول مستشفي من نوعه جنوب الخرطوم.

وقد تميزت الكلاكلة الحديثه بتعدد وتنوع قبائلها وسكانها ومساجدها ومؤسساتها المختلفه بعد أن إستقر بها العديد من أهل السودان من مختلف القبائل .

المرجع

تأريخ قبيلة الكلاكلة مأخوذ عن كتاب حصاد القرون للأستاذ سعد الدين محمد أحمد .. إضغط هنا لمزيد من التفاصيل.

http://www.kalakla.com/

Post: #28
Title: Re: نداء لابناء الكلاكلة بالبورد
Author: al-Hameem
Date: 12-05-2005, 08:47 AM
Parent: #1

طارق

أنا من حلة الدناقلة هل يمكن قبول ك عضو مراقب

محمد نقد

Post: #29
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-05-2005, 02:13 PM
Parent: #1

يا سلام يااستاذ سعد الدين عبدالرحمن
والله الواحد ساكن في الكلاكلة لية اكثر من ثلاثين سنة
وما عارف المعلومات دي كلها
والله فيك الخير وربنا يحقق مقاصدك(دي احسن دعوة عند حبوبتي )

الخال محمد نقد
معقولة بس بعد الزمن ده كلة نتقابل في البورد
والله مشتاقين كميات وكيفك وكيف العيال وعندك كم ولد
ولسة في لندن ولا غيرتة
انا طبعا لسة في الرياض السعودية وعندي ولد اسميتة عبد اللطيف تيمنا بالوالد
الله يدية الصحة ويمتعة بالعافية
معليش يا شباب دخلنا شوية في الخاص بس ده خالي ولي اكثر من عشرة سنوات ما قابلتة
وانشاء الله نتقابل في الماسنجر يا خال
والله لينا عظيم الشرف تنضم للكلاكلة ولو ما شالتك علي الرأس والعين ولا شنو ياشباب

Post: #30
Title: Re: نداء لابناء الكلاكلة بالبورد
Author: Ahmed El Gasim
Date: 12-06-2005, 02:18 AM
Parent: #1

up

Post: #31
Title: Re: نداء لابناء الكلاكلة بالبورد
Author: Ahmed El Gasim
Date: 12-06-2005, 04:37 AM
Parent: #30

up
up
up

Post: #32
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 12-06-2005, 05:24 AM
Parent: #31

الكلاكله القبه....لا أدري كيف يمكن لمن سكنها مرة أن يفارقها؟

جئنا للقبه بداية سبعينيات القرن الماضي كانت قرية صغيرة في ذلك الوقت يعرف الجميع فيها الجميع.أهل الكلاكله الأصليون كانوا يطلقون علينا "الأغراب" و كنا نسميهم "العرب".كانت مهنة صيد السمك مهنة معظم أهلها..تذهب الي "البحر" فترى المراكب الخشبية الصغيرة تنشر الشباك بعرض النيل ألأبيض إبتداء من "توير" مرورا "بالتريعه" و إنتهاءا ب"ود العقلي".

نحن رغم كوننا من "الأغراب" إلا أننا مع مرور الزمن صرنا من السكان الأصليين و الأن بيننا نسب و مصاهرة فقد تزوجوا منا و تزوجنا منهم.

التحية من هنا لصديقي العزيز أبوعبيده بله المنصور..وللأصدقاء أسامه مرزوق أبو كساوي,حياتي السيد,أيمن,أمجد,حافظ مصطفى حسن,التهامي الفكي مدني,جاد الكريم البله,عثمان التوم رحمةالله,الجودلي مكاوي و الكثير الكثير من رفاق الطفولة و الشباب-و الله يا أخوانا العبره خنقتني و ماقادر أكمل-

Post: #33
Title: Re: نداء لابناء الكلاكلة بالبورد
Author: saadeldin abdelrahman
Date: 12-06-2005, 05:36 AM
Parent: #32

اكمل ليك يا سيف اخوي

القلتهم ديل كلهم بعرفهم..ديل سانايرنا و اصحاب اخوانا...
وجزء منهم خبلانا وأولاد خيلانا (عارف نسب ناس القبة كيف) كان
سألتني ببقوا ليك كيف ولا افسر زيادة بقول ليك ما عارف...ياخي
احناامكن نكون بنعرف بعض حتى!

كنت بتجي دكان نصر للافراح ? ده قدام بيتنا طوالي

[email protected]

Post: #55
Title: Re: نداء لابناء الكلاكلة بالبورد
Author: ود حماد
Date: 12-08-2005, 05:54 AM
Parent: #32

معقولة بس دكتور سيف النصر بلحمه ودمه لاحولاااااااااا عاش من شافك وسمع اي حاجه عنك مشتاقين والله لايام الطفولة والصبا في ربوع القبةالعامرة

Post: #75
Title: Re: نداء لابناء الكلاكلة بالبورد
Author: جمال سعيد
Date: 12-14-2005, 03:28 PM
Parent: #32

جمال سعيد
الكلاكله القبه
لاعب كوره نادى التاكا سابقا حدود منطقه جوتى
سيف النصر محى الدين انا كنت زميل اخوك عمار فى المدرسه وقابلت فى الصيف السابق صديقك رحمى عباس فى الدوحه وهو بخير وعافيه.

تحياتى لكل اهل الكلاكله القبه

Post: #34
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-06-2005, 05:40 AM
Parent: #1

العزيز احمد علي القاسم
فرصة سعيدة وشكرا اللاهتمام
انتة عرفتة غريبة وطارق ابوعبيدة
طيب انا قراء معاي في المقرن ياسر علي القاسم
دة لو ما اخوك ودعمك
انحنافي حلة ناس احمد صغيرون وحاتم وصلاح موية و

Post: #36
Title: Re: نداء لابناء الكلاكلة بالبورد
Author: عبدالرحمن عبدالله أبوشيبة
Date: 12-06-2005, 08:33 AM
Parent: #34

Quote: الكلاكله القبه....لا أدري كيف يمكن لمن سكنها مرة أن يفارقها؟

جئنا للقبه بداية سبعينيات القرن الماضي كانت قرية صغيرة في ذلك الوقت يعرف الجميع فيها الجميع.أهل الكلاكله الأصليون كانوا يطلقون علينا "الأغراب" و كنا نسميهم "العرب".كانت مهنة صيد السمك مهنة معظم أهلها..تذهب الي "البحر" فترى المراكب الخشبية الصغيرة تنشر الشباك بعرض النيل ألأبيض إبتداء من "توير" مرورا "بالتريعه" و إنتهاءا ب"ود العقلي".

الأخ سيف

لك تحياتي جميل هذا السرد للحال الذي كانت عليه المنطقة قبل نزوح الآخرين (لأغراب ) لتعميرها وهذا الحال مرت عليه جميع بقاع الأرض منذ بدء التكوين .
كان والدي رحمه الله يقول لي لا تستغرب لهذه المنطقة الخالية من البشر فغداً ستكون عاصمة الخرطوم وكنت اكتم في سري ضحكتي مستبعاداً ذلك لكني الآن بدأت أرى أن حلم والدي بدأ يتحقق بعد أن تحولت المنطقة من العزوزاب حتى الأقمار الصناعية إلى مدن عامرة بها جميع مقومات الحياة العصرية من ماء وكهرباء ومواصلات وطرق ومستشفيات ومدارس .

وإن تعليق والدي على أن المنطقة ستكون عاصمة للخرطوم يتجسد الآن في نية الدولة إقامة مطار الخرطوم الدولي غرب النيل الأبيض في الشريط المحازي للمنطقة المذكورة وهذه من أكبر الدلالات على أن المنطقة سيتحول إليها العز وستوصف بأنها من المناطق الاولى مثلها مثل العمارات والرياض والطائف والبراري والصحافات فسبحان القادر فهو المدول للعز وللمجد فهنيئاً لهذه المنطقة التي عانت كثيراً وصمد أبناؤها وعملوا ليلاً ونهاراُ لعلوها ورفعتها وتكابدوا المشاق في سبيل تحقيق ذلك.

التحية والمجد لأبناء المنطقة في الداخل والخارج وما أكثرهم وما أعظمهم العرب منهم والغرباء انصهروا في بوتقة واحدة وكونوا لحمة واحدة وصاروا على لسان رجل واحد .

ومن هنا تحياتي لوالدنا ونسيبنا وعزيزنا الاستاذ سعد الدين محمد احمد الرجل الذي أفرد كتاباً وثق فيه تاريخ الكلاكلات له التحية وأطال الله في عمره ونفعنا بعلمه.

Post: #37
Title: Re: نداء لابناء الكلاكلة بالبورد
Author: معتز تروتسكى
Date: 12-06-2005, 08:46 AM
Parent: #36

خالص التحايا
طارق عبد اللطيف نقد

والجميع من ابناء الكلاكات ومن سكنها ومن مرى بها
لم اسكن بالكلاكله بالرغم من اننا نمتلك بها منزلا بالكلاكلة المنورة
لكن لدى عمنا بالقبه اتردد عليهم كثيرا فى الويكند

اسمع السكنو جبل اولياء كيف معاكم.. .

Post: #38
Title: Re: نداء لابناء الكلاكلة بالبورد
Author: Ahmed El Gasim
Date: 12-06-2005, 10:54 AM
Parent: #37

Dear Tarig

Iam sorry as i do not have Arabic keyboard?
So you are staying near Dokan Albarandat Of Alwihda!!
It seems you mixed up between Atif Ali Elgasim who is my younger brother and Yasir Alarki and both of them studied in Mogran years after I left Mogran as well 1983?Oldie Baldie man !!
I know your area and I know very well Abdelkhalig and Abdelwahid Mohamed Khair
Salah Awad Ahmed Elfaki
Isam Musa
Mudathir Hassan-my friend since we were 5 years till now wa alhamdulilah
Sure I will know you if I see you, that is the least-because in our good old days we used to know all people of alkalaka-those who came to settle between sixties and seventies .
My regards to all of you Wihda People in Saudia-
At present Iam in UAE AbuDhabi

Seif Elnasr Mohieeldeen

Saadeledin

ABUSHEIBA

MY REGARDS TO ALL OF YOU
My email is

Post: #128
Title: Re: نداء لابناء الكلاكلة بالبورد
Author: Magdi Galal
Date: 12-31-2005, 12:37 PM
Parent: #38

الاخ احمد تحياتي اذا كان عثمان علي القاسم شقيقك فله خالص التحايا اذ تزاملنا طيلة المرحلة الدراسية حتي فرقتنا الاقدار اللعينة لك و له مرة ثانية اصدق التحايا مجدي جلال

Post: #39
Title: Re: نداء لابناء الكلاكلة بالبورد
Author: على بطه
Date: 12-06-2005, 11:07 AM
Parent: #1

عزيزي طارق
تحياتي
حقيقة الكلاكلة لها نكهتها الخاصة وسعيد جدا اني من سكان الكلاكلة وحقيقة لها تاثير في مجري حياتي وسلام لكل سكانها وتحديدا القبة سوق ابودومة

Post: #40
Title: Re: نداء لابناء الكلاكلة بالبورد
Author: saadeldin abdelrahman
Date: 12-06-2005, 12:29 PM
Parent: #39

سلام يا على

انتا..على (دفعتي) بتاع حلة الغياظين? هههههه

لو ده انت... الإيميل حقي عندك فوق

Saad

Post: #41
Title: Re: نداء لابناء الكلاكلة بالبورد
Author: Ahmed El Gasim
Date: 12-06-2005, 02:51 PM
Parent: #40

UP
UP

Post: #42
Title: Re: نداء لابناء الكلاكلة بالبورد
Author: saadeldin abdelrahman
Date: 12-06-2005, 06:03 PM
Parent: #1

دي عشان ناكل ساندوتش طع100 في اللفة
ونحلي باسطة في التكسير ولا الرابطه بعد جكة العزوزاب دي [/Green[

Post: #43
Title: Re: نداء لابناء الكلاكلة بالبورد
Author: saadeldin abdelrahman
Date: 12-06-2005, 11:14 PM
Parent: #1

تجو ترفهوا معاي ?
ههههه

Post: #44
Title: Re: نداء لابناء الكلاكلة بالبورد
Author: أيزابيلا
Date: 12-07-2005, 02:16 AM
Parent: #43

سعيدة لان اكون أولى الجندريات قدوما...

أقطن الكلاكلة القبة منذ العام 1989وحتى الآن

درست بمدارس الكلالكلة التريعة الأبتدائية حتى العام 1996

....

أصدقاء واحباب...

أساتذة وأستاذات...

(الدكاكين القريبة)...سوق القبة

محطة (سبعة ونص)...

(ست رسمية واستاذ حمزة...)

الدناقلة والمحس..

قبة القبة...والمقابر التى يرقد فيها جدى لأبى عليه الرحمة

....

هذه أشياء عصية على التجاوز...

...

ولاننى احب التصوير...

أعد كل المهاجرين هنا...بفتوغرافيا للكلاكلة...

فقط ...بعدان أفرغ من هذا اللغط الاكاديمى

...

كونوا جميعا بخير

Post: #46
Title: Re: نداء لابناء الكلاكلة بالبورد
Author: saadeldin abdelrahman
Date: 12-07-2005, 03:20 AM
Parent: #44

ياااااااااه

كنت اسأل نفسي (لفتره) من أي منبع نيلي يهدر موج العذوبة الدفيئ ?

ست رسمية!

ايييييييييك !

جندرية 1000
مره ماشين في شارع النص مع استاذ هلالي وكان بحكي لينا في نكتة كده
وهي ماشة ورانا واحنا ما عارفين....هرشتنا ليك بي أستاذنا ..
النكته ما عجبتا وشدتنا ليك محاضره سريعه وقويه في الاخلاق واعقبتها بشكرا و مضت!
طبعا كنا منتظرين استاذنا يرد لكن هو انسان جميل وفاهم ويدري من هي فسكت احتراما.
استاذ حمزه كان شرسا جدا وقد اكون احد ضحايا تأديبه وجلداته الجماعيه
لم يدرسني طويلا.

في انتظار الصور

Post: #45
Title: Re: نداء لابناء الكلاكلة بالبورد
Author: أيزابيلا
Date: 12-07-2005, 02:16 AM
Parent: #43

سعيدة لان اكون أولى الجندريات قدوما...

أقطن الكلاكلة القبة منذ العام 1989وحتى الآن

درست بمدارس الكلالكلة التريعة الأبتدائية حتى العام 1996

....

أصدقاء واحباب...

أساتذة وأستاذات...

(الدكاكين القريبة)...سوق القبة

محطة (سبعة ونص)...

(ست رسمية واستاذ حمزة...)

الدناقلة والمحس..

قبة القبة...والمقابر التى يرقد فيها جدى لأبى عليه الرحمة

....

هذه أشياء عصية على التجاوز...

...

ولاننى احب التصوير...

أعد كل المهاجرين هنا...بفتوغرافيا للكلاكلة...

فقط ...بعدان أفرغ من هذا اللغط الاكاديمى

...

كونوا جميعا بخير

Post: #47
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 12-07-2005, 03:36 AM
Parent: #45

طارق عبداللطيف نقد ...دفعتي في المقرن الثانوية..كم هو جميل هذا الباب الذي فتحته لنا.
[/QUكنت بتجي دكان نصر للافراح ? ده قدام بيتنا طوالي

سعد الدين:أنا تقريبا يوميا كنت بجي نصر للأفراح و أكيد نكون إتقابلنا

الأخ عبد الرحمن أبو شيبه لك التحايا ..

Quote: أقطن الكلاكلة القبة منذ العام 1989وحتى الآن

درست بمدارس الكلالكلة التريعة الأبتدائية حتى العام 1996

الشاعرة "الكبيرة" إيزابيلا: مدهشة حقا التواريخ المذكورة أعلاه لكنها الكلاكله القبه دوما حبلى بالمبدعين و المبدعات. و بالمناسبة أستاذ حمزه برضه درسني في الكلاكله غرب الأبتدائية.

أذكر أن دخولنا لمدرسة القطعيه المتوسطة كان بداية تعرفنا علي الشباب من الكلاكلات الأخري وتحديدا صنقعت و القلعه...قبلها كنا نترصد أولاد صنقعت عندما يأتون للسباحه في "بحرنا" أو للرحلات في ود العقلي و نفتعل معهم المشاكل إلا أن يكونوا في حماية أحد أبناء القبه و حتى الأن لا أدري لما كنا نفعل ذلك. من الذين درسوا معنا من صنقعت في المتوسطه أذكر بشاره أحمد دريا ,عصام بمبي,ياسر عبد الخاق العركي ,عاطف علي القاسم,يوسف بابكر,صبري جاد كريم,حسن وردي,أحمد حسن خاطر,بكري عكاشه و غيرهم كثير. ومن القلعه أذكر رحمي عباس,رضوان سيد خليل و أبن عمه حسام.

Post: #48
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-07-2005, 09:03 AM
Parent: #1

د/سيف النصر محي الدين
يازول ياجميل
شكرا للتواصل حقيقي انحنا كنا اغراب لكن بقينا اصحاب بلد
والله الواحد كل ما يتذكر الكلاكلة يتذكر كل شيء جميل في حياتة
سعد الدين عبد الرحمن
انا العاجبني فيك اهتمامك بالبوست وهذا ان دل علي شيء انما يدل علي
حبك للكلاكلة وارتطاطك بها
عبدالرحمن ابوشيبة
التحية والمجد لأبناء المنطقة في الداخل والخارج وما أكثرهم وما أعظمهم العرب منهم والغرباء انصهروا في بوتقة واحدة وكونوا لحمة واحدة وصاروا على لسان رجل واحد .
ياسلام عليك يا ابو شيبة ده كلام عظيم بعظمتك
والله انحنا كنا فاكرين اهلنل ما عندهم مخ جو رمونا في الخلا ده لكن
كعادتهم دائما ليهم نظرة مستقبلية ودي احسن حاجة عملوها لينا في حياتنا

العزيز تروتسكي
لك الود اجملة
ودائما مواصلنا
والكلاكلة في الويك اند معناها انها سياحية
والله ناس الجبل اهلنا وياما عزبناهم في مواصلاتهم انته ابن البيت

احمد علي القاسم
انا فعلا من حلة البرندات وياسر العركي دفعتي في المقرن وانا في الرياض واكيد ح نتقابل اما هنا او في الكلاكلة واكيد بنعرف بعض

علي بطة
والله الكلاكلة واهلها بتشرفوا بيك وبي امثالك من ابنائها البارين
وتقبل تحيات صديق الجيو

ايزابيلا
مرحب بيك اول جندرية قي البوست
واحسن حاجة انك طلعتي من الكلاكلة
ونحن في انتظار الصور بس دايرن صور من الوحدة كمان

Post: #49
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-07-2005, 07:32 PM
Parent: #1

الرفيق المناضل طارق نقد
التحية لك والتحيةعبرك لكل أبناء الكلاكلة الأماجد
ليس بيننا عربياً أونوبياًفقد إنصهرنا في بوتقة تلك الأم الرؤوم الكلاكلة التي لها علينا ديناً كبيراً - وقد سددنا جزءاً من ذلك الدين حينما كنا ندافع عن الشعب السوداني البطل بإسم هذة المنطقة المعطاءة والتي أحببناها أكثر من أهلها الأصليين الشرفاء الذين كنا نستلهم منهم كل معاني الرجولة والشرف حيث كانت الكلاكلة عصية علي المايويين كما كانت عصية علي زمرةالإسلاميين بلا وعي من الجبهجية وكان شرف علي هذة المنطقة أن تحمل لواء العصيان لعسكر الجبهة القومية اللاسلامية بزعامة دجال العصر الترابي وإن تبدلت المواقف والتي حتماً هي واحدة وهذا هو وعي الكلاكلة ورجالاتها الأشاوس من رجالات الإدارة الأهلية الشيخ عوض الكريم حاج أحمد في القبة والشيخ فرح في الوحدة والضو الهاشمي في القلعة وعليكم الله أسالوا ناس معتصم وصلاح هل شيخ الوسيلة في التريعة هو كوز والموية تكذب الغطاس .
العزيز ورفيق العمر طارق كان دوماً يعتز بالكلاكلة وقد أسس معي ورفاق عزاز بالرياض رابطة أبناء الكلاكلة وفريق الكلاكة العملاق - الذي ظل ملكاً متوجاً بكؤوسه وهو يختال وصارت الكلاكلة رقماً صعب التجاوز بهذة المدينة عاصمة العرب .
لله درك يانقد وأنت تجمعني بأبناء الكلاكلة الحلوين والقامات السوامق من أمثال الدكتور/الهمام والذي يعتبر مفخرة لكل الوطن وليس الكلاكلة فحسب إنه الصنديد الذي لم يكذب أهله قط الطبيب ابلإنسان سيف النصر محي الدين والذي يريد تعذيبى بذكر الماجد أبوعبيدة بله - فلله درك باسيف حتي تذكر هذة الثلة الرائعة بإسم السودان وليس الكلاكلة
لينين والصديق المناضل اليافع الذي ماهان ولا لان الشفيع الطيب وكل هذة الأسرة التي لها مننا كل التقدير خاصة وإن ربها المناضل الذي لاتلين له قناة قد فارق هذه الدنيا ولا رصيد له غير النضال من أجل- شعبه - فاالتحية لعبد الرحمن الطويل وعبد الله عبد السيد ولأولاد العجب ولأولاد بكاب ولكل الشرفاء والمجد والسؤودد لعلي بطة المناضل الصغير ولكل رفاق الدرب الاوفياء لهذا الشعب المناضل الخلاق والتحية عبرك أخي طارق لكل الذين لم تسعفني الذاكرة بذكرهم والمجد لك رفيقى طارق ولكل أبناء الكلاكة العزاز والمجد لوطني السودان .
صديق الجيو - الرياض

Post: #50
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-07-2005, 07:38 PM
Parent: #1

الرفيق المناضل طارق نقد
التحية لك والتحيةعبرك لكل أبناء الكلاكلة الأماجد
ليس بيننا عربياً أونوبياًفقد إنصهرنا في بوتقة تلك الأم الرؤوم الكلاكلة التي لها علينا ديناً كبيراً - وقد سددنا جزءاً من ذلك الدين حينما كنا ندافع عن الشعب السوداني البطل بإسم هذة المنطقة المعطاءة والتي أحببناها أكثر من أهلها الأصليين الشرفاء الذين كنا نستلهم منهم كل معاني الرجولة والشرف حيث كانت الكلاكلة عصية علي المايويين كما كانت عصية علي زمرةالإسلاميين بلا وعي من الجبهجية وكان شرف علي هذة المنطقة أن تحمل لواء العصيان لعسكر الجبهة القومية اللاسلامية بزعامة دجال العصر الترابي وإن تبدلت المواقف والتي حتماً هي واحدة وهذا هو وعي الكلاكلة ورجالاتها الأشاوس من رجالات الإدارة الأهلية الشيخ عوض الكريم حاج أحمد في القبة والشيخ فرح في الوحدة والضو الهاشمي في القلعة وعليكم الله أسالوا ناس معتصم وصلاح هل شيخ الوسيلة في التريعة هو كوز والموية تكذب الغطاس .
العزيز ورفيق العمر طارق كان دوماً يعتز بالكلاكلة وقد أسس معي ورفاق عزاز بالرياض رابطة أبناء الكلاكلة وفريق الكلاكة العملاق - الذي ظل ملكاً متوجاً بكؤوسه وهو يختال وصارت الكلاكلة رقماً صعب التجاوز بهذة المدينة عاصمة العرب .
لله درك يانقد وأنت تجمعني بأبناء الكلاكلة الحلوين والقامات السوامق من أمثال الدكتور/الهمام والذي يعتبر مفخرة لكل الوطن وليس الكلاكلة فحسب إنه الصنديد الذي لم يكذب أهله قط الطبيب ابلإنسان سيف النصر محي الدين والذي يريد تعذيبى بذكر الماجد أبوعبيدة بله - فلله درك باسيف حتي تذكر هذة الثلة الرائعة بإسم السودان وليس الكلاكلة
لينين والصديق المناضل اليافع الذي ماهان ولا لان الشفيع الطيب وكل هذة الأسرة التي لها مننا كل التقدير خاصة وإن ربها المناضل الذي لاتلين له قناة قد فارق هذه الدنيا ولا رصيد له غير النضال من أجل- شعبه - فاالتحية لعبد الرحمن الطويل وعبد الله عبد السيد ولأولاد العجب ولأولاد بكاب ولكل الشرفاء والمجد والسؤودد لعلي بطة المناضل الصغير ولكل رفاق الدرب الاوفياء لهذا الشعب المناضل الخلاق والتحية عبرك أخي طارق لكل الذين لم تسعفني الذاكرة بذكرهم والمجد لك رفيقى طارق ولكل أبناء الكلاكة العزاز والمجد لوطني السودان .
صديق الجيو - الرياض

Post: #51
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-08-2005, 04:03 AM
Parent: #1

شكرا للزميل الرائع
صديق الجيو
علي المداخلة القيمة
والتحية من عبرك لكل ابناء القبة الروائع رفاق النضال في جامعة القاهرة الفرع
يوسف السماني - عادل عمر - ياسر سليمان(جوكس) - وفيصل النفراوي-وعبدالحفيظ عبدالله - عثمان محمد علي - وناصر سورج - عبدالرحمن الطويل -ومصطفي عجب - وجواهر عبدالله -والرائعة خالدة حامد- ونعمات حامد-والجسورة زليخةحسن اسماعيل- وادريس عبدالرحمن0

Post: #52
Title: Re: نداء لابناء الكلاكلة بالبورد
Author: عبدالرحمن عبدالله أبوشيبة
Date: 12-08-2005, 04:21 AM
Parent: #51

Quote: ياسلام عليك يا ابو شيبة ده كلام عظيم بعظمتك
والله انحنا كنا فاكرين اهلنل ما عندهم مخ جو رمونا في الخلا ده لكن
كعادتهم دائما ليهم نظرة مستقبلية ودي احسن حاجة عملوها لينا في حياتنا

العزيز طارق نقد

لك التحية فبكم عمرت الفيافي وأثريتم الساحة بكل جميل حملتموه إلينا من منبع الحضارات .

Post: #56
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 12-08-2005, 05:56 AM
Parent: #52

لا أدري ما الذي حدث للرد الذي كتبته أمس..على كل حال سأكتبه مرة أخرى......

Quote: كنت بتجي دكان نصر للافراح ? ده قدام بيتنا طوالي

قلت أن نصر للأفراح كان مكان تجمعنا لفترة طويلة و من نتائج ذلك فقد تزوج نصر الدين عبد المتعال بنت خالتي. طبعا ولدنا سعد الدين عبد الرحمن ساكن في الجهه المقابلة لدكان نصر و بصراحة أخوه الأكبر من أصدقاء أشقائي الأصغر مني خالد و عمار.
Quote: سعيدة لان اكون أولى الجندريات قدوما...

أقطن الكلاكلة القبة منذ العام 1989وحتى الآن

درست بمدارس الكلالكلة التريعة الأبتدائية حتى العام 1996
....

الشاعرة "الكبيرة" ايزابيلا: كم هي مدهشة تلك التواريخ التي ذكرتيها.للكلاكله أن تفخر ببناتهاإذ أن بينهن من تمتلك هذا الكم من الأبداع.

على فكرة أذكر و نحن طلبة في الأبتدائي تبرعنا بالمشاركة في إكمال بناء الصف الخامس و السادس بمدرسة التريعه الأبتدائية...فكنا يوم الجمعة نذهب إلي هناك منذ الثامنة صباحا ليعمل الواحد منا "طلبه" حتى الثانية ظهرا.

أخي صديق الجيو محب الكلاكلة و أهلها يحمل حبه لهما أينما حل لك التحايا.

دخولنا المرحلة المتوسطة في" القطعيه" كان بداية تعرفنا على الشباب من الكلاكلات الأخرى.قبل ذلك كنا نترصد "لأولاد صنقعت"عندم يأتون للسباحة في "بحرنا" أو للرحلات في ود العقلي و نفتعل معهم المشاكل إلا أن يكونوا في حماية أحد "أولاد القبه".عرفت في القطعية المتوسطة من صنقعت أصدقاء كثر منهم بشاره أحمد دريا ,بكري عكاشه,عصام بمبي,ياسرقسم السيد,ياسر عبد الخالق العركي,عاطف علي القاسم,يوسف بابكر,العوض عمر قسم السيد,حسن وردي,أحمد حسن خاطر و من القلعه أذكر رحمي سليمان ,رضوان سيد خليل و أبن عمه حسام محمود و غيرهم.
و نواصل حتما دفق الذكريات.

Post: #53
Title: Re: نداء لابناء الكلاكلة بالبورد
Author: saadeldin abdelrahman
Date: 12-08-2005, 05:18 AM
Parent: #1

اخت ايزابيل شدي حيلك وبالتوفيق ان شاء الله .

-------------------------------------

الصبر غلبنا قلنا نرفع حاجه صغيييره كدي بس حنينة

الغروب في القبه ....ياااااه هدوء غريب يتخلل مسامك
وانت تودع البيوت خلفك وامامك ذلك الابيض الفسيح الهادئ...
كلام كتير قلناهو آخر اليل سوا

Post: #54
Title: Re: نداء لابناء الكلاكلة بالبورد
Author: عصام الطيب حسن
Date: 12-08-2005, 05:37 AM
Parent: #1

الاخ طارق و بقية الاخوان

تحياتى .....انتمى الى الكلاكلة قطعية بجوار لفة القبة و قد قدمنا الى الكلاكلات فى يوم الجمعة من عام 1976 و كان يومها محاولة انقلابية لا اعلم كيف وصلنا الى بيتنا فى القطعية ................

أحمد على القاسم تحياتى يا دفعة مشتاقين و الله

اعلن انضمامى كبرلوم برضو فى رابطة ابناء الكلاكلات

Post: #57
Title: Re: نداء لابناء الكلاكلة بالبورد
Author: KOSTA
Date: 12-09-2005, 07:43 AM
Parent: #54

الاخ طارق

كل الاخوة المتداخلين/ المتداخلات فى هذا البوست التوثيقى الهام

تحيات و سلام

الكلاكلة ....... هذا الاسم الذى يعنى لكم و لى الكثير و المثير.
مسقط الرأس ... و مرقد الاجداد.
هجرتهم الاولى كانت من الجوير غرب شندى ... استوطنوا اولآ بالمنجرة ( حاليآ المقرن ) حيث كانت حينئذ غابات كثيفة و كانت تنجر فيها المراكب ( لذلك سميت بالمنجرة ) ،
ثم من بعدنزحوا جنوبآ حتى استقروا بمنطقة الكلاكلات الحالية و بالتحديد على النيل الابيض بالقلعة ، و القبة و شرقآ فى صنقعت و قطعية و عمارة .

اهلهاالاوائل جلبوا معهم من مناطقهم حرفة الزراعة النيلية على الجروف و اضافوا عليها الزراعة المطرية و تربية المواشى كشأن جميع اهل السودان فى تلك الحقبة ( يقدر تاريخ الكلاكلات بنحو حوالى 400 سنة ) .

امتاز سكانها الأوائل بحب العلم و النبوغ فيه و كانت الكلاكلة منطقة اشعاع دينى و علمى لكل اهل السودان و خاصة المناطق المجاورة فكانت تنتشر بالمنطقة و منذ مئات السنين خلاوى القرآن و المدارس حتى ان اقدم مدرسة جنوب الخرطوم هى مدرسة الكلاكلة القبة الابتدائية و بعدها الكلاكلة شرق الابتدائية و ذلك منذ اربعينات القرن الماضى ( راجع كتاب الاستاذ سعدالدين محمد احمدعن تاريخ الكلاكلة لمزيد من المعلومات و لمزيد من التفصيل ).

فى منتصف الستينات بدأت هجرة اهلنا النوبيون الى الكلاكلات اثر التهجير نتيجة لانشاء السد العالى ، و بقدومهم زادت الرقعة العمرانية و انتظمت الكلاكلات حراك اجتماعى وديع و هادئ و ما زال كذلك حتى اللحظة.

سأعود لاكتب مجددآ عن زملاء الدراسة بالمثلث الشهير : الكلاكلة شرق الابتدائية ، الكلاكلة المتوسطة ، و المقرن الثانوية . كما سنعرج لنكتب بالتفصيل عن اشهرالأعلام بالكلاكلة صنقعت بالتحديد (من محطة 1 و حتى محطة 17).

Post: #58
Title: Re: نداء لابناء الكلاكلة بالبورد
Author: Ahmed El Gasim
Date: 12-10-2005, 07:25 AM
Parent: #57

ALL THE KALAKLAB
UP
UP

KOSTA
سأعود لاكتب مجددآ عن زملاء الدراسة بالمثلث الشهير : الكلاكلة شرق الابتدائية ، الكلاكلة المتوسطة ، و المقرن الثانوية . كما سنعرج لنكتب بالتفصيل عن اشهرالأعلام بالكلاكلة صنقعت بالتحديد (من محطة 1 و حتى محطة 17).
WAITTING FOR YOU
SAIF ALNASR MOHIELDEEN
ACCEPT ATIF ALI ELGASIM REGARDS

tarig nogod

looking to meet you soon

Post: #59
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-10-2005, 12:53 PM
Parent: #1

سيف النصر
لك التواصل والذكريات العذبة
معاي زميل عتيق لك عرف كل الاحباب الذكرتخم
وقرب بكي من الشجن
عصمت عكاشة مدني اتذكرتة
عبد الرحمن ابوشيبة
والله كل جميل من منبع الحضارات الكلاكلة واجمل الذكريات واعز الاصدقاء
عصام الطيب حسن والله مرحب بيك في البوست وفي رابطة ابناء الكلاكلة
لكن معقولة بس جاينا بي انقلاب شكلك ثوري ومرحب بيك صديق علي المستوي الشخصي
احمد علي القاسم
اكيد اكيد حنتقابل في زمن اجمل (تحايا عطرة من الأخ عصمت عكاشةموصولة ايضاًللاخ عاطف)
كوستا
شكرا للفزلكة التاريخية للكلاكلة ومنتظرين سكب ماضي الذكريات من محطة (1) الى (17) وبس ياريت تمشي قدام شوية وتلحق الوحدة وتميل على القبة كمان.

Post: #67
Title: Re: نداء لابناء الكلاكلة بالبورد
Author: عصام الطيب حسن
Date: 12-12-2005, 11:36 PM
Parent: #59

الاخ طارق و الاخوة اعضاء رابطة الكلاكلة تحياتى

انا انتمائى للكلاكلة تقدر تقول من ( منازلهم ) حيث لم تتح لى فرصة الدراسة بمدارسها العامرة درست الابتدائى بالرميلة الابتدائية و المتوسط بالقوز و الثانوى بالخرطوم الجديدة و جامعة الخرطوم كلية الاقتصاد .... فرصة طيبة ان التقى هنا بالاخ احمد على القاسم حيث كونا فريقا للمذاكرة من النوع الصباحى داك و دى كانت ايام امتحانات الثانوى الشلة مكونة من أحمد على القاسم و اسامة محمد نورالدين ديل اولاد حلة العرب و مدثر حسن و عادل عوض و عماد باابكر من الوحدة و التجانى النور و دكتور رفعت محمد صالح من محطة 12 و عادل خليل من محطة 4 لهم جميعا تحياتى و سلاماتى

Post: #60
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-11-2005, 06:22 AM
Parent: #1

ايزابيلا
شكلك مزنوقة في الاكاديميات
بس اعملي بريك ورسلي لينا شوية صور نتصبر بيها

Post: #61
Title: Re: نداء لابناء الكلاكلة بالبورد
Author: على بطه
Date: 12-11-2005, 08:25 AM
Parent: #1

الاخ طارق
تحياتي
انا بفتش في رفيقى صديق الجيو وحقيقة الجيو من أميز شباب الكلاكلة ولة بصمات ونكهة في رابطة الكلاكلة وكنا اولاد مربع 5 حلة السوق احسن مشجعين في الرابطة وادخلنا في الرابطة اساليب جديدة في التشجيع والعمل الدعائي لفريق الشباب
حقيقة محتاج لعنوان للجيو تلفون أو ايميل
الاخ سعد الدين انا علي ذاتي ود حلة السوق أما الغياظين دا ماعارفة
لكن كنت عارف اسمها حلة هارلم لكن أمكن بقوا غياظين
علي العموم سلام لكل شباب شباب الكلاكلة

الاخ سيف النصر محي الدين سلامات حقيقة أمكن المعرفة بينا ماكبيرة لكن انا جاركم وصديق لناس بيتكم علي العموم سلام ياريت لو رسلت لي في الماسنجر تحياتي لاابوعبيدة بلة اذا عندك ليهو عنوان

Post: #62
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-11-2005, 08:44 AM
Parent: #1

الزميل علي بطة
اليك مني الحب والسلام والتحية
طبعا صديق معانا هنا في الرياض
وجوالة 00966559012944

Post: #63
Title: Re: نداء لابناء الكلاكلة بالبورد
Author: MAHJOOP ALI
Date: 12-11-2005, 08:36 PM
Parent: #1

احمد القاسم
انشاءالله ياكه احمد القاسم ود القطعية
وان لم تكن فيكفى انك كلكلاوى
اخوك كلكلاوى ... وخلى بالك من ( كلكلاوى) دى .... من زمن تشوف مترة حاج حامد وانت فى
لفة الذخيرة
والتحية لاهل الكلاكة قاطبة
محجوب

Post: #64
Title: Re: نداء لابناء الكلاكلة بالبورد
Author: Ahmed El Gasim
Date: 12-12-2005, 09:03 AM
Parent: #63

الاخ محجوب
محجوب اخو ازهري !!
بل محجوب محمد علي ابن حي العودة وجار ناس عبد الله عبد الواحد وعمر عبد القادر
يكفي انك محجوب مقدم الجمعية الادبية في الكلاكلة الابتدائية
واستاز مصطفي احمد حسين الرائع
واستاز حامد وعبد الله النور
والزين علي عمار
وطه المزمل
ومامون مكاوي
والباقر محمد خالد
والاستاز الرائع الزي لن انساه واتمني ان التقيه احمد شيخ ادريس ولي معه وقفة حيث انه كان استاز عربي وجاء الي الفصل( سنة خامسة ابتدائي) وقال تسميع لقصيدة الي الامام لمعروف الرصافي !الما حافظ جلدة والحافظ يكتبها في ورقة اخوك عمل شاطر وبدا يكتب!
وجمعنا الورق ؟وانا مبسوط نظر ا لي الاستاز وقال انت متاكد انك حافظ ؟قلت بكل ثقة نعم؟طيب سمع!! سمعت ال 13 بيت وبعدها جلدني!!؟؟
السبب اني حافظ لكن فطيت بيت ماناسيه من اليوم داك والبيت هو:
ان اليراع ازا وني فالسيف احفظ للزمام!

و استاز عثمان محمد الحسن الزي سمعت منه لاول مرة عن بنعلاديش والشيخ مجيب الرحمن!وكان يادوووب استلم الحكم فيها !!
هؤلاء كانوا مربيين

بعد دة لو مانت محجوب فمرحبا بك فانت اصيل مادمت تزكر مترة حاج حامد التي اصبحت الان لفة الكلاكلات
يحياتي لك ولاسرتك اين ماكانوا
وان لم تكن فيكفى انك كلكلاوى
وان لم تكن فيكفى انك كلكلاوى
وان لم تكن فيكفى انك كلكلاوى
وان لم تكن فيكفى انك كلكلاوى
وان لم تكن فيكفى انك كلكلاوى
لكم الود ابناء كلكلة

Post: #65
Title: Re: نداء لابناء الكلاكلة بالبورد
Author: MAHJOOP ALI
Date: 12-12-2005, 09:32 PM
Parent: #64

الحبيب احمد
لك التحايا والاشواق بلا حدود
انا يانى زولك زاتو.... وبالمناسبة قبل حى العودة سكنا القطعية جوار مسجدها
كان يسارنا الشيخ حاج احمد نبق ويمننا السيدة الفاضلة حبوبة ست البنات عليهما تتنزل
شبائب الرحمة.والزمن داك القطعية كانت عبارة عن منزل كبير( نسبيا) لاسرة واحدة وحدها
من الشمال منزل محجوب مكاوى وزير الدولة للخارجية حينذاك ومن الجنوب منزل الضوء محمد
خالد وحاج عتمان ابو جيلانى
الاخ احمد هل تتذكر اسم الناظر الذى تمرد عليه طلاب الصف السادس وتمه نقله بعد معركة
بالايدى بينه وبين الطلاب والاساتذه
الحبيب احمد
ارجوا ان يتيح لنا هذا الفضاء السبيرى فرص للتواصل مع اكبر عدد من ابناء الكلاكلة
اينما كانوا
تحياتى لك ولكل الاسرة ولكل كلكلاوى
محجوب

Post: #66
Title: Re: نداء لابناء الكلاكلة بالبورد
Author: Ahmed El Gasim
Date: 12-12-2005, 11:01 PM
Parent: #65

الحبيب محجوب
لك الود
الكلاكلة عامرة بابنائها امثالك وامثال نقد صاحب الكرة وسعد وويزابيلا و سيف النصر وهم جيل رائع اتي بعدنا بسنين لكنهم قابضون علي نواجز الكلاكلة وحبها مثلنا وربما اكثر اري ترابطهم فاطمئن اننا-كلكلاب -بخير ولن حواء الكلكلاوية حبلي بجميلين امثالهم ولهم ولك ولكل كلكلاوي كل الشوق والمودة
الناظر الزي زكرت اغلب الظن هو الزين عمار---كوستا افتنا في هزا؟
مثلك اتمني ان يكون التواصل عبر هزا البوست بداية لتواصل دائم وكفي جفا

عصمت عكاشة-سيف النصر ونقد
عاطف علي القاسم بيسلم عليكم وهو بابوظبي وايميله هو
[email protected]

لي عودة للحديث عن اهلي بالقبة

Post: #68
Title: Re: نداء لابناء الكلاكلة بالبورد
Author: يوسف السماني يوسف
Date: 12-13-2005, 11:54 AM
Parent: #1

الرجل الوفي / طارق عبداللطيف
حبببات الندي تتساقط علي بساط الحب الكلاكلي لتريحنا من وعثاء الغربةعلي واحة تساقطت فيها زهرات شبابابنا بين سواعد اخوة في الانسانية ، عادل كابو . ياسر سليمان خليل (جاكسون) صديق ابراهيم (الجيو ) . ناصراحمد سورج . عبدالحفيظ ابوحواء .مولانا علي علي عبداللة .منير زكريا . كنا نغني للعالم ونحلم بالحرية ونمن انفسنا بوطن حر ديمقراطي حتي ليلة الانقلاب المشؤم كنا نتسامر بمنزل الاخ كابو .
عزيزي نقد
اثرت في دواخلي اشجان كامنة منذ امد طويل وافردت لنا مساحة للتواصل لك الشكر ولجميع الاخوة المتداخلين .
الكلاكلة وجد يتجدد دوما .
وانتمائي للكلاكة هومن جدودي اولاد احمد محمود ( شكراللة واخوانة بجميع الكلاكلات )
طالما نحن في حضرة ابناء الكلاكلة فعلينا ان نتادي من فريق اجل فريق الكلاكلة الذي يحمل اسم الكلاكلة بالمهجر برابطة الشرفاء الصالحية ، ويجب ان نفتح باب التبرعات لاعادة الفريق لوضعة الطبيعي في الريادة بين الفرق
ولكم تحياتي
يوسف السماني يوسف (ابورامي)

Post: #69
Title: Re: نداء لابناء الكلاكلة بالبورد
Author: Ahmed El Gasim
Date: 12-13-2005, 12:10 PM
Parent: #68

Quote: اثرت في دواخلي اشجان كامنة منذ امد طويل وافردت لنا مساحة للتواصل .
الكلاكلة وجد يتجدد دوما .
وانتمائي للكلاكة هومن جدودي اولاد احمد محمود ( شكراللة واخوانة بجميع الكلاكلات )

الاخ يوسف السماتي
مرحب بك وانت من اهلنا تب ما دام من ناس احمد ود محمود والعم شكر الله احمد محمود
ونشكر طارق مرة اخري
كوستا
في انتظار توثيقك !

Post: #70
Title: Re: نداء لابناء الكلاكلة بالبورد
Author: KOSTA
Date: 12-13-2005, 01:22 PM
Parent: #69

الكلاكلة شرق الابتدائية

مدرسة عريقة بكل مقومات العراقة .انشئت فى بداية الخمسينات و قبل الاستقلال .
مبانيها قبل السلم التعليمى كانت مبانى نموذجية فى كل شى ،
الصف الاول يبرز هو و الصف الرابع فى البناء عن بقية اجزاء المدرسة ، حيث ان ذلك كان بسبب ان هنالك غرفتين فى الاتجاه المعاكس للصف الاول و الصف الرابع عبارة عن مكاتب للاساتذة ( تجاه الصف الرابع ) بينما الغرفة التى تفتح على الصف الاول هى مكتب الناظر .
الصفوف : الثانى و الثالث كانا يتوسطان مكتبى الناظر و الاساتذة بينما برندة طويلة باعمدة خشبية و ارضية من البلاط تصل مابين الممر بين مكتب الناظر و الصف الاول من جهة الشرق و مكتب الاساتذة و الصف الرابع من جهة الغرب ... و كانت مكاتب الاساتذة و الناظر و الفصلين الثانى و الثالث تفتح ابوابها جميعآ جهة الجنوب و كذلك الباب الخارجى للمدرسة بعكس الفصلين الاول و الرابع اللذيين كانا يفتحان فى اتجاه الشمال .
كانت تحف بالمدرسة اشجار النيم الباسقة من جهات الجنوب و الشرق و الغرب ... و كانت الجهة الشمالية خالية من الاشجار عن قصد حيث كانت تترك كساحة او فناء خلفى للنشاطات المدرسية ( خاصة حصة الاعمال ) و هو على فكرة نهج انجليزى فى المدارس الابتدائية بالذات بان يترك فناء خلفى ( back yard ) للنشاطات الطلابية .
السور الخارجى للمدرسة كان قصيرآ بحيث انك اذا كنت مارآ بالقرب من المدرسة ترى من بداخلها بسهولة ، و لكن فى عهد الناظر المرعب الزين على عمار قرر ان يتم تعلية السور الخارجى للمدرسة بواسطة طلاب الصفين الخامس و السادس و كنا للاسف فى الصف الخامس حينها و كنا نقوم باعمال البناء عقب انتهاء الحصة الخامسة ( مثل مساجين سجن ابو غريب ) .
بالاضافة للبناء الرئيسى للمدرسة المذكور اعلاه كانت توجد فى اقصى الركن الجنوبى الشرقى للمدرسة مزيرة كبيرة توجد الازيار فيها محمولة على صفين متقابلين من قواعد اسمنتية سميكة و المسافة بين الصف و الآخر حوالى مترين و كان بالصف الواحد حوالى ستة ازيار كبيرة اذا لم تخنى الذاكرة . باب المزيرة يفتح على الجهة الشمالية و توجد فتحات للتهوية ( حوالى اربعة فتحات فى الجزء العلوى الجنوبى من المزيرة ( لاحظ مراعاة اتجاه الرياح الشمالية الجنوبية عن قصد فى اختيار اتجاه الفتحات و بوابة المزيرة ) .
كذلك كانت هنالك ( ادبخانات ) فى اقصى الركن الجنوبى الغربى للمدرسةو عددها حوالى ستة تقريبآ خمسة للطلاب و واحدة للاساتذة .

كانت توجد بئر فى منتصف الحائط الشرقى للمدرسة و بالقرب منه و كانت تستخدم لملء الازيار و سقى الاشجار و ذلك فى العهد الاول للمدرسة و قبل توصيل المواسير لها ( عند دخولنا للمدرسة كانت البئر مغلقة لعدم الحوجة لها و لكنها ظلت كأثر من آثار الماضى الجميل ) .

كان هنالك منزلين للاساتذة شرق المدرسة مباشرة ، احدهما للناظر و اسرته و الآخر للأساتذة ( العزاب ) من خارج الكلاكلات .. ، و كان هذين المنزلين فى طرازهما المعمارى مثل سائر بيوت الحكومة المنتشرة فى كل انحاء السودان .

كانت محكمة الكلاكلة الجزئية هى الجار الغربى للمدرسة ، و كان منزل العم الهاشمى يحد المدرسة من الجنوب و بينه و بين المدرسة شارع حوالى ثلاثين مترآ .. بينما من الجهة الشمالية للمدرسة كان ملعبآ كبيرآ للكرة كانت تجرى فيه جميع النشاطات الرياضية للمدرسة و طلابها و اصبح فيما بعد ميدان رابطة الكلاكلة قطعية الشهير .. و شمال هذا الميدان تقع المقابر الخاصة بالكلاكلة قطعية و بها بنيّة الشيخ دفع الله الفكى احمد و التى بنيت فى عام 1936 م و مازالت موجودة حتى الآن .

Post: #71
Title: Re: نداء لابناء الكلاكلة بالبورد
Author: saadeldin abdelrahman
Date: 12-13-2005, 10:14 PM
Parent: #1

كوستا اخوي
سلام
في انتظارك للمرور بالمدرسه المتوسطه حيث درس اكثر ابناء
الكلاكله القطعيه/القبه/ صنقعت وبعض ابناء بقية الكلاكلات...
لا تنسى المسرح والجمعيات الأدبيه والبوفيه (الذي وجدناه نحن في
الركن الشمالى الغربي من المدرسه)..سلمت اخي.

Post: #72
Title: Re: نداء لابناء الكلاكلة بالبورد
Author: MAHJOOP ALI
Date: 12-13-2005, 11:37 PM
Parent: #71

الاخ كوستا
تحية كلكلاوية حارة
وصفك للمدرسة اثاره الشجون والحنين لمرابع الكلاكلة
وعاوز اسالك .... كان يوجد بين المزيرة وباب المدرسة اطلال لشى قد يكون
اقفاص دواجن الا انها كبيرة ومؤسسة بقوائم حديدة ضخمة فهل كانت هناك مزرعة
دواجن فى المدرسة؟
وبالمناسبة نحن الدفعة البنت المسرح .. نحن دى زى ( نحن بتوع الاتوبيس) بفضل
المربى والمعلم الاستاذ مصطفى احمد حسين الذى احال معتقل الزين حامد الى مدرسة
متميزة بالانشطة والفعاليات الثقافية بل نلنا المرتبة الثانية مسرحيا على مستوى
مدارس الخرطوم وبمجهود فردى من الاستاذ وتضامن بعض اولياء الامور. ودفعتنا هم الاخ والصديق العاص عبد القادر محمد خالد سيف اليزل ابوشيبه محمد احمد ابراهيم معتصم الحاج
النيل ادريس احمد عبد القادر سراج احمد ديريه خالد على عثمان واخرين لاتسعفنى الذاكرة
باسمائهم كاملة

Post: #73
Title: Re: نداء لابناء الكلاكلة بالبورد
Author: Ahmed El Gasim
Date: 12-14-2005, 01:42 AM
Parent: #72

كوستا الحبيب
اثرت فينا شجن دفين منز (بداية السبيعينات) ونحن شعب نعشق التاريخ
واصل والله يوفقك

محجوب
Quote: وبالمناسبة نحن الدفعة البنت المسرح .. نحن دى زى ( نحن بتوع الاتوبيس) بفضل
المربى والمعلم الاستاذ مصطفى احمد حسين الذى احال معتقل الزين حامد الى مدرسة
متميزة بالانشطة والفعاليات الثقافية بل نلنا المرتبة الثانية مسرحيا على مستوى
مدارس الخرطوم وبمجهود فردى من الاستاذ وتضامن بعض اولياء الامور. ودفعتنا هم الاخ والصديق العاص عبد القادر محمد خالد سيف اليزل ابوشيبه محمد احمد ابراهيم معتصم الحاج
النيل ادريس احمد عبد القادر سراج احمد ديريه خالد على عثمان واخرين

اخي محجوب
ياااااااااااااه
زكرتني باناس رائعين دفعة قدامنا
وقد فزتم بمسرحية فجر الاسلام وكنت انت في دور الاله والعاص
سيف اليزل صيدلي بالخرطوم
مخمد احمد حاج ابراهيم بولاية الخرطوم-ضابط
ولكن اين سراج؟وجالد علي عثمان الظريف
مصطفي احمد حسين كان ابا واستازا وما زال ربنا يديه الصحة

Post: #74
Title: Re: نداء لابناء الكلاكلة بالبورد
Author: Ahmed El Gasim
Date: 12-14-2005, 02:20 PM
Parent: #73

عصام الطيب حسن
الاخ طارق و الاخوة اعضاء رابطة الكلاكلة تحياتى

انا انتمائى للكلاكلة تقدر تقول من ( منازلهم ) حيث لم تتح لى فرصة الدراسة بمدارسها العامرة درست الابتدائى بالرميلة الابتدائية و المتوسط بالقوز و الثانوى بالخرطوم الجديدة و جامعة الخرطوم كلية الاقتصاد .... فرصة طيبة ان التقى هنا بالاخ احمد على القاسم حيث كونا فريقا للمذاكرة من النوع الصباحى داك و دى كانت ايام امتحانات الثانوى الشلة مكونة من أحمد على القاسم و اسامة محمد نورالدين ديل اولاد حلة العرب و مدثر حسن و عادل عوض و عماد باابكر من الوحدة و التجانى النور و دكتور رفعت محمد صالح من محطة 12 و عادل خليل من محطة 4 لهم جميعا تحياتى و سلاماتى

اخي عصام فلتفخر بالكلاكلة ولتفخر بك!! انتمائك لها 100% وحاوثقها ليك من كل العمد في الكلاكلات :
الشيخ سليمان يحي عؤؤضة
الضو الهاشمي
شيخ دفع الله
شيخ فرح عوض الله
واللجان الشعبية كمان

الله اخي عصام
تلك ايام عشناها وعرفنا قيمة ما فعلنا لاحقا ونلنا منها ما كان لنا ان نناله
شعارنا كتبه الاخ التجاني النور علي :

SUCCESS OR DEATH

والشئ بالشئ يزكر اخونا عصام كان كبكابة وعينو علي اقتصاد الخرطوم وبس!عمل اسبوتنق تاريخ كارب 7 مقالات وبداء يقراء ويحفظ فيها من شهر 1 والامتحانات شهر 3 ورغم اني في مساق عتمي الا اني كنت شايل همو !قال لي يا احمد علي يا اخوي يا ضرب وقفلت ليكم التاريخ يا الموت!ولمن قرب الامتحان اخونا عصام كان مطمئن خالص وكان في الحلة بت ادبية اخوكم قال يساعدها بالاسبوتنق بتاع عصام الكارب وكنت بتمني لو كنت ادبي يومها لان المنافسة بيننا في المواد المشتركة كانت في اوجها--المهم يوم التاريخ عصام قال لي خلاص انا ماشي اجهز شنطتي علي ام نخل(جامعة الخرظوم)اما البنية الادبية فدي جاتها صدمة وقدت تاريخ!!وقالو عادت السنة!!!
عصام درس باقتصاد الخرظوم ومعه التجاني النور علي واخونا مصطفي النقيب
د رفعت ومدثر بمصر(يعملان بالسعودية الان)
عادل عوض ببغداد كلية الهندسة!بالسعودية الان
وقدري ان زهبت لبلاد الهند والسند ومنها لابوظبي منز التمانينات عجايز لكن !
!لك الود اخي عصام واخوتي وعزرا للخصوصية
كان معنا في حافلة المواصلات من القبة اخوان كثر منهم

عماد حسن اسماعيل رجل ضليع في اللغة العربيةوالانجليزية علي ما ازكر

ادريس حسن ادريس(الشايقي)صاحب ابتسامة لاتفارقه واتمني ان لا!

عصام عبد الله اسماعيل(اخصائي معامل طبية)
د عصام حمزة
د محمد عبد الغفار
الاستاز السماني عتمان عبد المطلب
مهندس محمد الطيب سليم(50% كلاكلة)والباقي امدرماني لكنا اولي به حيث ترعرع معنا ولقبه في الجامعة( محمد ايريا)area?ودي سرها بيعرفو محمد الطيب سليم!!له السلام
ومن القلعة
د محمد ابراهيم عيسي وهو رجل ماشاء الله فز وافخر به اخ وصديق وزميل
د نزار محمد عثمان(زميلنا بالبورد)علم وعلامة ليحفظه الله واني لفخور به!
ابو القاسم سيد خليل المحامي(له تحية خاصة اينما كان )!سمعت امريكا!!!
اسامة علي شريف المحامي السعودية
اسامة محمد بن ادريس(وهو اصغر منا سنا)وتخرج من كلية العلوم الرياضية بالخرطوم
الرائع عاصم ابراهيم جمال
د نادر الشيخ عبد الله
د حافظ وردي(يعمل بانجلترا بعد ان تخصص في الروماتيزم) له التحايا
هؤلاء من اتي علي بالي الان للتوثيق والبقية تاتي انشاء الله
اما الزميلات فلهن اجمل التحايا

Post: #76
Title: Re: نداء لابناء الكلاكلة بالبورد
Author: جمال سعيد
Date: 12-14-2005, 03:46 PM
Parent: #73

البوست نزل هنا مرتيين معليش يا شباب

Post: #77
Title: Re: نداء لابناء الكلاكلة بالبورد
Author: جمال سعيد
Date: 12-14-2005, 03:46 PM
Parent: #73

هذا البوست الرائع لا استطيع ان ابعد عنه كثيرا ملهم للافكار ومجتر لكل الذكريات
الاسماء الموجوده بالذات لناس القبه اكاد اعرفها كلهم اما اصحابى او اصدقاء اصحابى او اخوان زملائى فى المدرسه او
لعبنا الكوره مع بعض او اشاكلنا مره فى رابطه القبه او او او

المهم كما كنت دائما رائعا ايها الدكتور سيف النصر لم تخونك الذاكره خالص فى سرد الذكريات الجميله والاسماء الجبتها لينا هنا دى تخلى الزول يجرى جرى يرجع السودان بس يلقى ضمان انو كلهم يكونو موجودين فى نفس الاماكن.....

درست الابتدائى فى مدرسة الكلاكله القبه الابتدائيه اولا انا جيت القبه دى سنه 1971 اظن
المهم سنه اولى كان ابو الفصل استاذ يسن محمود ( جاركم يا دكتور سيف) وبرضو كان فى سنه تانيه ابو الفصل حقنا
وبعد داك صلاح تيراب وعبدالله عبد الباسط واستاذ سهل الرياضى الخرافى واستاذ حمزه وعاصرت بدايات استاذ عبد الجليل واستاذ عصمت واستاذ احمد عبد الكريم

طبعا انا كنت الالفه فى الابتدائى وكراس الغياب موجود الى الان بس فى السودان

وللبوست بقيه
وتحياتى لكل الشباب

Post: #78
Title: Re: نداء لابناء الكلاكلة بالبورد
Author: جمال سعيد
Date: 12-15-2005, 00:59 AM
Parent: #77

اذكر فى هذه الخاطره صديق الكل المرحوم معاويه قسم (قسم السيد)
حارس النسر والمقاول المشهور( اعتقد انو برضو لعب فى الشبيبه فى عهدشوقى وفى واحد تانى اسمو رايح منى)
ادعوا له معى بالمغفره والرحمه

Post: #79
Title: Re: نداء لابناء الكلاكلة بالبورد
Author: Ahmed El Gasim
Date: 12-15-2005, 06:57 AM
Parent: #78

[B][
Quote: حارس النسر والمقاول المشهور( اعتقد انو برضو لعب فى الشبيبه فى عهدشوقى وفى واحد تانى اسمو رايح منى)
ادعوا له معى بالمغفره والرحمه
[/B
له ولاخونا شوقي محمد حامد الرحمة
و الرحمة والمغفرة للاخ الصديق المهزب وزميلنا د معاوية الشيخ مضوي ا
واترحم علي العم عكاشة مضوي وهو رمز ومن رجالات الكلاكلات المشهورين
لهم الرحمة و انا لله ولنا اليه راجعون

Post: #80
Title: Re: نداء لابناء الكلاكلة بالبورد
Author: Ahmed El Gasim
Date: 12-15-2005, 07:07 AM
Parent: #79

عصام الطيب حسن
Quote: الاخ طارق و الاخوة اعضاء رابطة الكلاكلة تحياتى

انا انتمائى للكلاكلة تقدر تقول من ( منازلهم ) حيث لم تتح لى فرصة الدراسة بمدارسها العامرة درست الابتدائى بالرميلة الابتدائية و المتوسط بالقوز و الثانوى بالخرطوم الجديدة و جامعة الخرطوم كلية الاقتصاد .... فرصة طيبة ان التقى هنا بالاخ احمد على القاسم حيث كونا فريقا للمذاكرة من النوع الصباحى داك و دى كانت ايام امتحانات الثانوى الشلة مكونة من أحمد على القاسم و اسامة محمد نورالدين ديل اولاد حلة العرب و مدثر حسن و عادل عوض و عماد باابكر من الوحدة و التجانى النور و دكتور رفعت محمد صالح من محطة 12 و عادل خليل من محطة 4 لهم جميعا تحياتى و سلاماتى

الله اخي عصام
تلك ايام عشناها وعرفنا قيمة ما فعلنا لاحقا ونلنا منها ما كان لنا ان نناله
شعارنا كتبه الاخ التجاني النور علي

SUCCESS OR DEATH

والشئ بالشئ يزكر اخونا عصام كان كبكابة وعينو علي اقتصاد الخرطوم وبس!عمل اسبوتنق تاريخ كارب 7 مقالات وبداء يقراء ويحفظ فيها من شهر 1 والامتحانات شهر 3 ورغم اني في مساق عتمي الا اني كنت شايل همو !قال لي يا احمد علي يا اخوي يا ضرب وقفلت ليكم التاريخ يا الموت!ولمن قرب الامتحان اخونا عصام كان مطمئن خالص وكان في الحلة بت ادبية اخوكم قال يساعدها بالاسبوتنق بتاع عصام الكارب وكنت بتمني لو كنت ادبي يومها لان المنافسة بيننا في المواد المشتركة كانت في اوجها--المهم يوم التاريخ عصام قال لي خلاص انا ماشي اجهز شنطتي علي ام نخل(جامعة الخرظوم)اما البنية الادبية فدي جاتها صدمة وقدت تاريخ!!وقالو عادت السنة!!!
عصام درس باقتصاد الخرظوم ومعه التجاني النور علي واخونا مصطفي النقيب
د رفعت ومدثر بمصر(يعملان بالسعودية الان)
عادل عوض ببغداد كلية الهندسة!بالسعودية الان
وقدري ان زهبت لبلاد الهند والسند ومنها لابوظبي منز التمانينات عجايز لكن !
!لك الود اخي عصام واخوتي وعزرا للخصوصية
كان معنا في حافلة المواصلات من القبة اخوان كثر منهم
عماد حسن اسماعيل رجل ضليع في اللغة العربيةوالانجليزية علي ما ازكر
ادريس حسن ادريس(الشايقي)صاحب ابتسامة لاتفارقه واتمني ان لا!
د عصام عبد الله اسماعيل
د عصام حمزة
د محمد عبد الغفار
الاستاز السماني عتمان عبد المطلب
مهندس محمد الطيب سليم(50% كلاكلة)والباقي امدرماني لكنا اولي به حيث ترعرع معنا ولقبه في الجامعة( محمد ايريا)area?ودي سرها بيعرفو محمد الطيب سليم!!له السلام
ومن القلعة
د محمد ابراهيم عيسي وهو رجل ماشاء الله فز وافخر به اخ وصديق وزميل
د نزار محمد عثمان(زميلنا بالبورد)علم وعلامة ليحفظه الله واني لفخور به!
ابو القاسم سيد خليل المحامي(له تحية خاصة اينما كان )!سمعت امريكا!!!
اسامة علي شريف المحامي السعودية
اسامة محمد بن ادريس(وهو اصغر منا سنا)وتخرج من كلية العلوم الرياضية بالخرطوم
الرائع عاصم ابراهيم جمال
د نادر الشيخ عبد الله
د حافظ وردي(يعمل بانجلترا بعد ان تخصص في الروماتيزم)
هؤلاء من اتي علي بالي الان للتوثيق والبقية تاتي انشاء الله
اما الزميلات فلهن اجمل التحايا

Post: #81
Title: Re: نداء لابناء الكلاكلة بالبورد
Author: جمال سعيد
Date: 12-16-2005, 02:12 AM
Parent: #78

( اعتقد انو برضو لعب فى الشبيبه فى عهدشوقى وفى واحد تانى اسمو رايح منى)

الزول الانا نسيت اسمه فوق اسمه سالم

Post: #88
Title: Re: نداء لابناء الكلاكلة بالبورد
Author: جمال سعيد
Date: 12-18-2005, 04:40 AM
Parent: #81

طبعا على زكر فريق التاكا العظيم نترحم على المرحوم عمك الخير وابنه ياسر لاعب الزهره وكبتنها.
ارسل التيات من خلال هذا البوست لصديق الجيو فى السعوديه
ولنا عوده

Post: #82
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-16-2005, 09:32 AM
Parent: #1

الزملاء محجوب علي
جمال سعيد
لكم التحية والود
وشكرا للتواصل الجميل
ولنا عودة
والي الملتقي

Post: #83
Title: Re: نداء لابناء الكلاكلة بالبورد
Author: KOSTA
Date: 12-16-2005, 01:18 PM
Parent: #82

مدرسة الكلاكلة شرق الابتدائية

فى عهد الناظر الفذ ( أمد الله فى ايامه ) الاستاذ داؤد احمد هابش كان يتم تنفيذ اعمال الفلاحة المدرسية و من ضمنها كان نشاط تربية الدواجن داخل اقفاص حديثة جد
آ و كان القفص كبيرآ فى المساحة و بداخله توجد اكالآت و شرابآت حديثة للدواجن . و كان هذا القفص كما ذكر الاخ محجوب على يقع فى المنطقة الشمالية للمدرسة ما بين الباب الخارجى لها و بين المزيرة .
كان تنظيف القفص و شراب و اكل الدواجن كل اسبوع على فصل من الفصول خاصة الفصول من الثالث و حتى السادس على ما اذكر ... و فى نهاية هذا الاسبوع يتم توزيع البيض الذى جمع طيلة الاسبوع بالتساوى بين جميع تلاميذ المدرسة .

من اميز و اشهر الاساتذة الذين مروا على هذه المدرسة العريقة
( من الذين عاصرناهم و من الذين سمعنا بهم ) اذكر هؤلاء :

الناظر الشهير المرحوم : مكاوى عثمان (من ابناء الكلاكلة قطعية )
الناظر المرعب : الزين على عمار
الناظر التربوى الفاضل : داؤد احمد هابش
الناظر : على سلطان.
الناظر : طه مزمل

و من الاساتذة :
الباقر احمد خالد ( الكلاكلة قطعية )
حسن الخير ( الكلاكلة قطعية )
فتح الرحمن سراج الدين ( الكلاكلة قطعية )
مصطفى حمد ( الكلاكلة قطعية )
مأمون مكاوى ( الكلاكلة قطعية )
الاستاذ مصطفى الطاهر ( الكلاكلة صنقعت )
الاستاذ المرحوم عبدالله النور ( الكلاكلة عمارة )
الاساتذة : دكين ( و هو صاحب الشكلة الشهيرة عندما اطاح بيمناه لكمة للناظر الزين على عمار داخل مكتبه ) ، والاستاذ الشيخ : و هذان الاستاذن من ام ادرمان..

استاذ حسن ( من الجيلى )
استاذ الزبير ( لا ادرى من اين )
استاذ الفاضل ( من جبل اولياء )
استاذ حامد ( استاذ الرياضيات و لكن لا اذكر من اين )

اما اهم الحاجات اللآى كن يبعن الفطور خارج سور المدرسة فهن :
حواء النبى ، زينب ، و فاطنة : جميعهن من الكلاكلة قطعية
و فى السبعينات و اثناء زيارة النميرى للمنطقة اهدى للعم الهاشمى جار المدرسة كشك على ناصية بيته كشك يبيع منه كل مستلزمات التلاميذ من الفطور و العصير و المستلزمات المدرسية الاخرى .
كذلك كان دكان القاسم و اخته فى وسط قطعية و على مقربة من المدرسة و كان يمتاز بجودة الفول و الزيت و ( الفتة ) المدنكلة.
كما كان دكان العم عبدالماجد بالقرب من لفة صنقعت الحالية من الدكاكين المهمة فى حصة الافطار .
اما اشهر الدكاكين على الاطلاق فهو دكان العم ( ود نبق ) و كان دكانه جاذب لجميع الطلاب خاصة فى نهاية اليوم الدراسى و هم فى طريق العودة لمنازلهم خاصة طلاب الكلاكلة صنقعت و الذين كان طريق عودتهم يمر من امام دكان ود نبق ... و كان الدكان يعج بانواع النبق و الدوم و اللالوب و الحلويات بانواعها المختلفة .

نواصل

Post: #84
Title: Re: نداء لابناء الكلاكلة بالبورد
Author: Ahmed El Gasim
Date: 12-17-2005, 05:23 AM
Parent: #83

كوستا لك الشكر

ما زلت تثير فينا شجون السبيعينيات والايام الجميلة

الحاجة المرحومة حواء النبي كانت بتعمل سندوتش سلطة اسود ماسالها في اجعص شامي!ا( ودي بشهادة اخونا النيل ادريس والاخ عوض الطيب والرحوم ططش كانوا زباين دايمين ليها )لله يرحمها
وماتنسي دكان حسب الرسول سراج الدين برضو كان عندو فطور ولكن للبعد ماكان مشهور
ومن مشاهير المدرسة العم الرحوم عبد الله وهو حارس المدرسة ووالد الاخوان والاصدقاء الشيخ وعادل ولهم التحية

كوستا

واصل في الحفر ونحن معاك!!!
سلام

Post: #85
Title: Re: نداء لابناء الكلاكلة بالبورد
Author: KOSTA
Date: 12-17-2005, 06:06 AM
Parent: #84

التحية لزميل الدراسة العتيق الاخ صلاح شاطر محمد فرح و هو من ابناء الكلاكلة صنقعت الاوفياء النجباء .
فقد ارسل لى رسالتين على الموبايل و اخبرنى بان استاذ حامد الذى ذكرته ماهو الا الاستاذ حامد محمد تورين وزير التربية و التعليم الاسبق .
و الحقيقة كان الاستاذ حامد هو من يدرسنا مادة الرياضيات بالمدرسة ، كما ادخل لنا لعبة الكرة الطائرة فى ذلك الزمن و قد كانت اللعبة لا تزال تحبو حينها ... و قد كان لاعبآ ماهرآ فيها ... له التحية من هنا فهو نعم المربى .

الاخ الزميل صلاح شاطر

حسب المهاتفة بيننا اتوقع منك مداخلات ثرة و صدقنى ستكون فى غاية الروعة ... و لو كمان كتب لينا اخونا و صديقنا الحبيب احمد محمد احمد هاشم تكون الدائرة قد اتسعت و بريق الزمن اللامع قد بدأ يومض من جديد....مع وعد لكما بان نسرد اسماء كل رفقاء الدراسة ( على وزن زملاء السلاح فى برنامج القوات المسلحة الشهير ) .

الاخ احمد القاسم

لك التحية

شكرآ لتذكيرك لى بالعم عبدالله ( رحمه الله ) فقد كان من رموز المدرسة و لا تذكر المدرسة الا و يذكر هو .
و قد كان برغم تقدم السن نشطآ و لا يعيقه تقوس ظهره بعامل السن من ان يهرول مسرعآ فى خفة و رشاقة كلما استدعاه احد الاساتذة .... يرحمه الله
0 ساعود لسيرته مع > المطارق < لاحقآ )

Post: #86
Title: Re: نداء لابناء الكلاكلة بالبورد
Author: منعمشوف
Date: 12-17-2005, 07:54 AM
Parent: #85

التحيات الزاكيات يا شباب كُلكُلة الربَّاطة الشايلة عصاطة فى أباطة.
والله حركتم فـىَّ شجون للكلاكلة التى صاغت وجدانى وكونتى كإنسان.

إيــه (دى زفرة نفس شحمانة كدا) .. تمام إنو النت قرَّبت المسافات وكثيراً

تعرفت على معظم الناس المصنقرين على هذا البوست المجيد، ناس قدرى وناس
أصغر منى وناس لقيناهم قدامنا فى الكلاكلة كالعزيز جداً صديق الجيو، سلامات
يازول يا زين وعلَّك والأهل طيبين. طارق عبداللطيف سلامات وشكراً على براعة اللفتة
لكن أنسألك: ياكا طارق الساكن جوار الركن الجنوبى الشرقى للمركز الصحى ولا زولاً تانى.

ومن الذين سعيد جداً بوجوده بينكم زميل الدراسة أحمد على القاسم، إزيك يا شاب يا جميل
وعلَّك طيب، سنة 91 جيت بومبى وبونا زيارة وقابلت عادل صدفة فى قاعة نهرو وبعد المطايبة
سألتو منك ومن النيل ومامون بابكر وقال إنك خلَّصت وغادرت لابوظبى. تحياتى مجددا يا صديق.

كوستا، سلامات ياخى وعلَّك طيب، بالله طلعت كلكلاوى وانا القايل روحى عرفتك وصاحبتك فى حوش
بكرى وبوست العيون الشهير، أها بعد سردك التاريخى دا مابعيد نكون إتزاملنا فى القطعية المتوسطة، تحياتى يازول
يازين، وحتماً حنواصل الحكى يا شباب وشكراً طارق عبداللطيف مجدداً.

عبدالمنعم إبراهيم/ الكلاكلة القبة مربع 5 / شمال محطة السبيل

Post: #87
Title: Re: نداء لابناء الكلاكلة بالبورد
Author: KOSTA
Date: 12-17-2005, 08:17 AM
Parent: #86

الاخ منعمشوف

لك التحايا

فعلآ منذ زمن بعيد لم " نتقاطع " فى احدى حيشان بكركى الواسعة دى ...ظروف العمل و فحيح الغربة

و انا مثلك لم اتوقع فى طيلة هذه الفترة ان تكون " كلكلاوى " و من القبة محطة السبيل كمان .
هنيئآ للكلاكلة بهذه الكوكبة الرائعة و المبدعة من ابنائها .

Post: #89
Title: Re: نداء لابناء الكلاكلة بالبورد
Author: KOSTA
Date: 12-18-2005, 06:08 AM
Parent: #87

وصلنى هذا الايميل من الزميل صلاح شاطر محمد فرح و هو عبارة عن مداخلة طيبة عن ذكرياته فى الكلاكلة شرق الابتدائية .... و انقلها هنا حرفيآ فله منا الشكر و التقدير :

( مدرسة الكلاكة شرق الابتدائية ( مدرسة المديرين):-

في اجازتى السنوية قبل الاخيرة وكنت في مناسبة عزاء للاستاذ نجم الدين و كان يسكن في منزل المدرسين دخلت الى فناء المدرسة وتركت من كانوا معي داخل السيارة خارج المدرسة ورحت اتجول داخل المدرسة وانا اتذكر قول الشاعر:

بُليت بلى الاطلال ان لم اقف بها ،، وقوف شحيح ضاع في الترب خاتمه..

تملكنى حنين وشجن وحزن وانا اتذكر تلك الفترة الذهبية في كل شي بكل ما تحمله الكلمة من معنى ايام ( قرش الفطور)... اليوم هل يعلم الكثيرون القرش او التعريفة؟؟؟؟ او الفريني؟؟ او حتى الجنيه؟؟؟

قبل الاستاذ الزين على عمار كان المدير الاستاذ داود احمد هابش وكان المرحوم الاستاذ جمال محمد على قائمقام ايضاً مديراً لعدة شهور مع الاستاذ داود وكانو معاً في مكتب المدير ( مدرسة المديرين).. والاثنين كانوا من( اندينا...)

ولاننسي ونحن نتذكر تلك الكوكبة عمنا عبدالله عليه رحمة الله والذي كان غفيراً للمدرسة يقوم بملء الازيار باكتافه( بالجوز) لعدة اعوام قبل توصيل المياه للمدرسة..

ولا ننسي ايضاً الاستاذ الرائع عثمان وكان من امدرمان على ما اعتقد صاحب المقولة المشهورة ( يا حليلك يا النايم على حيلك )..وذلك اذا وجد احد الطلاب لم يحفظ او لم يكتب الواجب..

ولا انسى ذلك اليوم المشهود والذي تٌوج فيه احد زملاءنا دكتوراً ( طبيباً) من قبل الناظر المرعب الزين على عمار وذلك عندما اٌكتشفه وهو يقوم بتزوير توقيع الطبيب في دفتر المركز الصحي ويكتب للهاربين من حصة التسميع( علاج وراحة يوم).... ولا انسى والحديث هنا عن الاطباء الدكتور الشيخ( المساعد الطبي) بشفخانة الكلاكلة القبة والذي توفي فجأة بصدمة كهربائية

عليه رحمة الله وقد حزن الجميع عليه حزناً عميقاً لما كان يمتاز به المرحوم من صفات ومواقف تجاه الجميع..

واقف قليلاً عند الاستاذ حامد واعتقد انه حامد محمد تورين وزير التربية السابق واحد القيادات السياسية لاقليم دافور

كان الاستاذ حامد من اكثر الاساتذة المحبوبين للطلبة وهو اول من ادخل الكرة الطائرة بالمدرسة وكان مشرفاً على مشروع الدواجن بالمدرسة .. وكنا ننتظر نهاية الاسبوع بفارق الصبر لاستلام نصيبنا من البيض..

وكان الطلبه يحبونه لانه يوزع لنا البيض نهاية الاسبوع وكان هذا سبباً لحبنا لمادة الرياضيات التى كان يدرسها..

عفواً يا كوستا هذه بعض الخواطر والذكريات الغير مرتبة لتلك الفترة الذهبية وارجو المواصلة في توثيق تلك الفترة الذهبية وارجو الاستمرار في الكلاكلة شرق الابتدائية بتركيز اكثر قبل الانتقال للثانوية العامة والمقرن العليا والتى لنا فيهما ذكريات خاصةً مع الاخوة في الكلاكلة القبة والكلاكلة القلعة . ورابطة الكلاكلة القلعة حيث كان لنا فيها صولات وجولات .. وفرق الكلاكة القبة والتى كانت تشاركنا ونشاركها في مختلف المناسبات ..

واترك لك يا كوستا ذكر اسماء الزملاء في تلك الفترة وعنوانيهم الحالية اذا امكن..

وهكذا كانت الكلاكلة ملتقى الشعوب والحضارات حيث التقى الناطقين بها مع غير الناطقين بها في وحدة واخوة صادقة وعلى رحابها تفتقت العبقرية الفذة للنوبيين لتحولها من قرى صغيرة مبعثرة(( تستخدم وسيلة مواصلات واحدة حيث كنا نركب الباص من صنقعت ومنها للوحدة ومنها للتريعة ومنها للقبة ومنها للفة القطعية ومنها للخرطوم عبر العزوزاب والشجرة)) الى مدينة بها كافة الخدمات العصرية في الوقت الحاضر...

مع التحية والتقدير للاخ طارق عبد اللطيف والذي اتاح لنا هذه الفرصة..

صلاح شاطر

كلاكلاوي بالتجنس(1968م).

اذا لم اكن نوبياً لتمنيت ان اكون نوبياً او كلاكلاوياً على اضعف الايمان ) .

Post: #90
Title: Re: نداء لابناء الكلاكلة بالبورد
Author: محمد حامد جمعه
Date: 12-18-2005, 06:33 AM
Parent: #89

لى ادعاء عريض ان من لم يسكن المنطقة الواقعة ما بين ديم الباسطاب بجبل الاولياء وحتى مدخل الخرطوم جنوب من تلقاء ابو حمامة لو يتذوق طعما لهذا البلد وللخرطوم تحديدا .. الكلالكات ... جوتى ... صنقعت .. محطة 3 ... مربط وركيزة الحلفاويين ... العم فكرى اوية .. والحاجة المرحومة مياسة ... وسمارة فى الوحدة ... وميدان الباصولة ... وسوق الجو ... وهناك القبة ... التاكا والنمسا ... ابراهومة وناس ياسر الخير ... وعكاشة مضوى ... والقلعة الدكتور حمد وود ابو مريوم .... وود البكرى مشجع الكرة الذى اكاد اجزم ان حتفه سيكون بتصويبة تطش الطريق من مرمى خصمه الى روحه .. العزوزاب .. حاج التكل وطارق درليش .. وسعيد تلى ...واستاذ شونا ... وود عجيب .. الحى العجيب .. الحاج قرض ... والرابطة وفريق النجوم .. شارع النص ... اولاد جبون ... الدباسين ... ناس اسرة همت (العتارسة ) والحاج عبد العزيز ابراهيم كنة ( رمز السكين ) والعم شتيوى .. والسهام والشعلة ... عوض شعلة وفضل كرفوس ... واستاذ صلاح واستاذ موسى ... والكضمى .. وقصص وحكايا ... الله يجزايك يا الفتحت البوست دا وفتحت فينى مسام الذكريات والحكايات

Post: #91
Title: Re: نداء لابناء الكلاكلة بالبورد
Author: Ahmed El Gasim
Date: 12-18-2005, 06:55 AM
Parent: #89

Quote:
ومن الذين سعيد جداً بوجوده بينكم زميل الدراسة أحمد على القاسم، إزيك يا شاب يا جميل
وعلَّك طيب، سنة 91 جيت بومبى وبونا زيارة وقابلت عادل صدفة فى قاعة نهرو وبعد المطايبة

!!!
عبد المنعم ابراهيم
معقوووووووووووووووووووول؟وطلعت شووووووووووووووووف بالله والله مريت عليك كتير وقريت ليك لكن ما متخيلك زولي ياااااااااااااه دنيا؟
تحياتي لك وللاسرة كلها
اسف اخبرك ان عادلحسب الرسول (ططش)توفي في حادث حركةبالسعودية مز سنتين وادعو له بالرحمة
مامون بابكر الامين مازال بامريكا-النيل ادريس(حاج شكسبير) بابوظبي

Quote: كوستا، سلامات ياخى وعلَّك طيب، بالله طلعت كلكلاوى وانا القايل روحى عرفتك وصاحبتك فى حوش
بكرى وبوست العيون الشهير، أها بعد سردك التاريخى دا مابعيد نكون إتزاملنا فى القطعية المتوسطة، تحياتى يازول
يازين، وحتماً حنواصل الحكى يا شباب وشكراً طارق عبداللطيف مجدداً.

عبد المنعم
كوستا ابن خالي لزم عديييييييييييل كدة
الاخ صلاح شاطر
لك التحية فانت كلكلاوي قح ثم نوبي فنحن نفخر بكم اهلنا النوبة فبصماتك علي المنطقة لاتخفي علي احد
اضم صوتي لكوستا وانادي وابلغ التحايا
الاستاز احمد محمد احمد هاشم
ولالباحث محمد جلال هاشم وهو غني عن التعريف

Post: #92
Title: Re: نداء لابناء الكلاكلة بالبورد
Author: KOSTA
Date: 12-18-2005, 12:00 PM
Parent: #91

الاخ محمد حماد

سلامات

اتفق معاك جدآ فى ادعائك العريض :

" لى ادعاء عريض ان من لم يسكن المنطقة الواقعة ما بين ديم الباسطاب بجبل الاولياء وحتى مدخل الخرطوم جنوب من تلقاء ابو حمامة لو يتذوق طعما لهذا البلد وللخرطوم تحديدا .. الكلاكلات ... جوتى ... صنقعت .. محطة 3 ....... الخ "
و هذه المنظقة تعتبر الآن الخرطوم الجديدة .

و ماشاء الله باين عليك مسحت المنطقة من جبل اولياء و حتى طرمبة ود الحسين .

لك الشكر على المرور الجميل من هنا .

Post: #93
Title: Re: نداء لابناء الكلاكلة بالبورد
Author: elnadeif
Date: 12-20-2005, 09:34 AM
Parent: #1

up

up

Post: #94
Title: Re: نداء لابناء الكلاكلة بالبورد
Author: جمال سعيد
Date: 12-20-2005, 01:06 PM
Parent: #93

طبعا على زكر سيره الكوره كانات ايام رائعه ما اظن ترجع تانى فى رابطه الكلاكله القبه:
وانا طبعا تاكابى يعنى كنت بلعب فى طريق التاكا وكان فى التاكا بخلافى ( جمال دفار)
جمال محمد احمد لعب فى فريق الاهلى وفريق ينك التضامن
جمال عبدالواحد (ابو شلخه) وهو موجود فى السعوديه على ما اظن
جمال على النور (العربى) وموجود فى المانيا فرانكفورت
المدافعيين فى ازمان مختلفه
يوسف حمد او يوسف القصير
الصافى ابو جوله
صابر الخير
خالد حبشه
عصام الذاندى
زكريا حسن بدر
صلاح عبدالخالق (شقيقى الاكبر)
عوض الله
صديق الجيو
حراس المرمى
ناجى نوكونو
اسامه سيداحمد (فنان التاكا وشاعر اللحضه) اعب ايضا فى السهم القضارف
محمد محمد خير لبط ( بدون غوث فى مغامراته فى رابطه العزوزاب فى اخر دقيقه بين التاكا وفريق السهام)
المرحوم........ الطيب (الاسم راح منى)
كمال خميس ( لعب ايضا فى فريق ابوروف)
عبد الرحيم زووف
اسامه الطيب (ود العافيه) زمن الاشبال
سيف الدين عبد المتعال (البربرى) ( ايضا بدون تفاصيل التحديات مع ابراهومه فى الدافورى)

ولنا عوده
ومشكور يا طارق عبد اللطيف نقد على الفرصه الرائعه دى

Post: #95
Title: Re: نداء لابناء الكلاكلة بالبورد
Author: Khalid Saeed
Date: 12-20-2005, 01:35 PM
Parent: #1

التحية والتقدير للأخ / طارق عبد اللطيف
الكلاكلة في الوجدان .. مكان .. وأهل .. وأحباب .. نتمنى دايماً التواصل

Post: #96
Title: Re: نداء لابناء الكلاكلة بالبورد
Author: saadeldin abdelrahman
Date: 12-20-2005, 02:56 PM
Parent: #1

سلام يعني ياحمال انت اخو صلاح و طيب جمال دفار ده قصدك الجناح القصير اازمااان داك ?

تحياتي لدفعتي سعيد اينما كان ..

نحن كنا طبعا في الكوره جيرانكم ياناس التاكا و النجوم...
في ميدان (طيبه)وكده....حلييل ايامكم

Post: #97
Title: Re: نداء لابناء الكلاكلة بالبورد
Author: أيزابيلا
Date: 12-21-2005, 05:57 AM
Parent: #96

Quote: عبدالمنعم إبراهيم/ الكلاكلة القبة مربع 5 / شمال محطة السبيل

بالطريقة دى نحن جيران عديل يا منعم

Post: #324
Title: Re: نداء لابناء الكلاكلة بالبورد
Author: محمد زمراوي عبدالعزيز
Date: 11-11-2006, 11:25 AM
Parent: #97

نحن نوبيون الاصل محسيو المولد كلاكلاويو السكن بمحطة النادي صنقعت لمن تلف من عند دكان عمك علي عثمان كدا شوية. يعني احنا البنينا الزاوية واعدنا بناء نادي العودة وبنجيب الفول من دكان عمك علي

Post: #98
Title: Re: نداء لابناء الكلاكلة بالبورد
Author: KOSTA
Date: 12-21-2005, 06:03 AM
Parent: #96

وصلتنى ايضآ هذه المداخلة عبر الايميل و هى من المهندس / عمر الدريرى نورالدين فله الشكر و نتمنى ان يداوم على الكتابة :

" الشكر الجزيل للاخ طارق عبداللطيف على هذا البوست الرائع ، ولجميع ابناء الكلاكلة العريقة وكل من شارك فى هذا الموضوع .

ومداخلتى وهى من اشجان مدرسة الكلاكلة شرق الابتدائية وحيث اثرى الاخ كوستا والجميع تلك الذكريات الشجية بالتوثيق الادبى والسرد التاريخى لمعالم تلك المنارة التى خرجت أفذاذ ابناء الكلاكلات ولكن اذكر بعض الاساتذة الاجلاء ومنهم :

1) عمنا واستاذنا الجليل مصطفى عبدالرحمن ناظر المدرسة التربوى الفذ متعه الله بالصحة والعافية.

2) الاستاذ الجليل الشفيع عبدالقادر - استاذ التربية الاسلامية ومن اشهر ذكرياته وهى عندما كان يكون الحصة تسميع حيث يلوح بعصاه الشهيرة ومن الشباك يامر احدى طلاب الفصل بالبدء بالتسميع ثم ينادى عند دخوله باب الفصل و يصيح ( اليوم يوم البؤس والشقاء ) لله دره ذلك الرجل المربى الفاضل ومن محاسن الصدف ان التقيته فى احدى الاجازات ومازال
يذكرنى وبقية ابنائه الطلاب .

3( استاذ الرياضيات أبوبكر وكان من الافذاذ فى كرة القدم وكان يسكن فى منازل المدرسة المجاور لمنزل الآستاذ محمد خير المشرف التربوى على ما اذكر .

وللذكريات بقية انشاء الله فى فرصة قريبة ودمتم اوفياء لأرض الجدود ومراتع الصبا الكلاكلة الجميلة .

م.عمر الدرديرى نورالدين - محطة 1 - حى وسط - الكلاكلة صنقعت " .

Post: #180
Title: Re: نداء لابناء الكلاكلة بالبورد
Author: mo
Date: 01-19-2006, 08:45 PM
Parent: #98

(النوبيون جعلوا من الكلاكلات وطنا آخر بعد ان طردتهم ارض النوبة المحاصرة من كل اتجاه.. أنا من لاجئى ومشردى منطقة حلفا فى الكلاكلات.. ويشرفنى ان اكون معكم فى نادى بورداب الكلاكلة...)

فأنا من هؤلاء الذين عناهم الاستاذ نور الدين منان ..يعني من الكلاكلة شرق حيث أقيم واسكن مهاجرا أليها من النوبة الشمالية .. والرحيل مابختياري ...

Post: #264
Title: Re: نداء لابناء الكلاكلة بالبورد
Author: محمد عبد المنعم عمر
Date: 03-19-2006, 02:52 PM
Parent: #98

سلام ليكم

انا من الكلاكله القبه
محطة السوق والمعروفه بي ابو دومه
مربع 5 حي هارلم او حي الشباب
والتحيه للجميع
ولنا عوده

Post: #100
Title: Re: نداء لابناء الكلاكلة بالبورد
Author: جمال سعيد
Date: 12-21-2005, 06:40 AM
Parent: #96

اظنك سعد جعفر!!!
نعم انا جمال دفار اخو صلاح وسعيد (الموجود الان فى السعوديه)
ويا حليل زمن دافورى ميدان طيبه واذكر من الرموذ
حسن وعوض بلوله وقذافى (اخو استاذ عصمت) ومحمد عوض الكريم

سلامى لك ولكل الاسره فى اليابان والدوحه(اذا كنت سعد جعفر)

Post: #99
Title: Re: نداء لابناء الكلاكلة بالبورد
Author: حمزاوي
Date: 12-21-2005, 06:17 AM
Parent: #1

الكلاكلة الوحدة
مربع 3 جوار المركز الصحي
جيراني ناس حلوين
تشوف الطيبة والكرم والاخوة
فيهم

Post: #101
Title: Re: نداء لابناء الكلاكلة بالبورد
Author: عبدالخالق محمد خير
Date: 12-21-2005, 07:08 AM
Parent: #99

الاعزاء أبناء الكلاكلات
صاحب البوست الذى جمعنا وابن الجيران طارق نقد
إليكم محبتي والمحبة موصولة إلى جميع من شارك هنا
والشكر إلى الاستاذ بكري الذى سنح لي بالتواجد وسط أهلي وعشيرتي من أبناء الكلاكلة كنت من المتابعين دوما" لسودانيز اونلاين كزائر وعند مشاهدتي لهذا البوست تقدمت بطلب للتسجيل بدعم من ابن الكلاكلة الوفي أحمد على القاسم فله المودة.
أسكن الكلاكلة الوحدة مربع 1 مقابل دكان البرندات وإن لم تكن لي الحظوة بالدراسة بمدارسها العريقة وأنا جد نادم على ذلك وإلا كنت تعرفت على هذه الكوكبة الراقية من خريجيها.
أدعو معي بالرحمة والمغفرة لصديقي ورفيق دربي أحد أبناء الكلاكلة الوحدة (أنور صالح ابراهيم) أسال الله له الرحمة.

سعيد بالتعرف عليكم جميعا" ولي عودة مع الزمن الجميل.

Post: #102
Title: Re: نداء لابناء الكلاكلة بالبورد
Author: جمال ادريس
Date: 12-21-2005, 07:27 AM
Parent: #99

العزيز طارق نقد
تحياتي

شكرا كثيرا علي هذا الاندياح الكلاكلاوي

انا من سكان الكلاكلة صنقعت محطة خمسة
ويظهر انو ناس الكلاكلة اغلبية هنا ...

انا من سكان صنقعت محطة خمسة .... حي ترهاقا
درست المرحلة المتوسطة بمدرسة القطعية العريقة ايام استاذ عماد الشهير
ودرست الثانوي بالتريعة ....
تحياتي للجميع
وسأعود ...

Post: #103
Title: Re: نداء لابناء الكلاكلة بالبورد
Author: KOSTA
Date: 12-21-2005, 01:52 PM
Parent: #102

الكلاكلة شرق الابتدائية

بعد ان استعرضنا المبانى و الاساتذة و البيئة المحيطة بالمدرسة آن لنا ان نذكر طلاب هذه المدرسة العريقة .

على سبيل الوفاء لزملاء الدراسة ، اذكر اسماء بعض من دفعتنا بالكلاكلة شرق الابتدائية :

من الكلاكلة صنقعت " حى وسط " :

محمد عبدالله محمد سعيد.
عصام احمد صالح
امام احمد امام
ياسين احمد الدرديرى
حيدر الشيخ نورالدين
عادل بابكر سليمان
مبارك بابكر عبدالله
سيف الدين محمد على
احمد الهاشمى ادريس
عصام عبدالله حمد
مجدى الشيخ نورالدين
مجدى طلب ابراهيم
حسن احمد صالح
على آدم
فتح الرحمن عبدالله حمد
حسن الطيب العوض
حسن حسب الرسول
عبده حمد
حاتم سرالختم حمدالنيل

الكلاكلة صنقعت : " حى ترهاقا و حى الصفا"

فتحى عبدالله حسن
احمد محمد احمد هاشم
صلاح شاطر محمد فرح
فتحى عبداللطيف
عبدالمنعم احمد عبدالكريم
محمد ابراهيم صادق اويه
محمد جمال اويه

الكلاكلة صنقعت : "محطة 11 ، 12 ، 13"

عويس عثمان عويس
عوض صالح عبدالحليم
المرحوم /الهادى عوض عبدالحليم
عادل دهب عبدالحليم
محمد عبدالمجيد

الكلاكلة صنقعت " محطة 15"

فيصل محجوب طاهر فزع
ازهرى صالح

الكلاكلة الوحدة :

المرحوم / عادل ابوالعلا محمد
عبدالعزيز مصطفى
صلاح محمد عمر عمراب ( امنتقو )
هاشم احمد عمر عمراب
مصطفى محمد احمد
عوض النضيف الحسن
صالح محمد احمد صالح

الكلاكلة قطعية :

فؤاد عبدالله
السر شبانة
صلاح عبدالرحمن سعيد
عزالدين حمد ابراهيم
الصادق بابكر سراج الدين
عزالدين عبدالماجد حمزة
عبدالقادر احمد البشير
عبدالمجيد رضوان
حاتم الخير
بدرالدين الهاشمى

الكلاكلة عمارة :

جلال مضوى
محجوب قسم الله
عبدالحفيظ جادالله
عزالدين محمد احمد

الدخينات :

حسن يوسف حسن
بابكر محمد الامام
يوسف المنا

فتيح العقليين :

صديق احمد الخليل
النور الامام
صلاح حاج النور
صلاح سعيد
عبدالرحمن مضوى
ياسين حسب الرسول

Post: #104
Title: Re: نداء لابناء الكلاكلة بالبورد
Author: KOSTA
Date: 12-22-2005, 00:10 AM
Parent: #103

و من الدفعة ايضآ من صنقعت وسط :

عادل احمد عبدالله
حامد محمد على
اسماعيل الدخرى ( الصعيدى )

Post: #105
Title: Re: نداء لابناء الكلاكلة بالبورد
Author: Ahmed El Gasim
Date: 12-22-2005, 08:37 AM
Parent: #104

الاخ عبد الخالق
مرحب بيك في حوش بكري والف شكر لبكري الزي اتاح الفرصة
وعبد الخالق رجل رائع وخلوق (يوم شكرك ما يجي)
بالمناسبة رشحنيالاخ سمؤال شلبي والاخ لمحمد سيد احمد لبكري وشلبي من صنقعت بالقرب من جامع وسط ولهما الشكر ايضا
جمال ادريس
نحن من حلةالعرب وانتم اهلنا
اسكن محطة 2-4 ؟مرات ننزل في محطة 2 ومرات 4 لكن 4 هي الاقرب (يعني جيرانكم واهلكم)
وهناك من اهلي من يسكن بها (ابن عمي الرحوم عبد الله عثمان القاسم واخوانه)
من الزين اعرفهم ب محطة 5
محمد سيد شتيوي
عبد الرحمن حسن
عبد الخالق الامام
طارق عنف!
اسرة ابراهيم وصالحين اوية
ناس غانم الاخ د. عبد المنعم غانم وصديقي عزالدين غانم
اسرة خليل عبدة حاج
لهم كل التحايا ابناء كلاكلة
اين قايد الاسطول طارق! وسعد وسيف وايزابيلا!
نزار محمد عثمان لك التحايا!

Post: #108
Title: Re: نداء لابناء الكلاكلة بالبورد
Author: متوكل بحر
Date: 12-22-2005, 05:05 PM
Parent: #99

الاخ طارق نقد
اوصل لكم تحيات الاخ محمدعبد الحميد من ابناء الكلاكلة
وهو يقول لكم نحن هنا .... الى الامام لجمع الشمل

Post: #109
Title: Re: نداء لابناء الكلاكلة بالبورد
Author: ABUZEEGH
Date: 12-22-2005, 06:00 PM
Parent: #99

أنا أخوكم محمد صدّيق عبد الله.
شقيق عثمان صدّيق (العربي)، والحاج صدّيق، وعمر صدّيق (العربي) وعلي زلطة.
الكلاكلة القبّة مربع 5.
الابتدائيّة: الكلاكلة القبّة المزدوجة.
المتوسطة: الكلاكلة قطعيّة.
الثانويّة: المقرن.
الجامعة: الخرطوم.

Post: #132
Title: Re: نداء لابناء الكلاكلة بالبورد
Author: Magdi Galal
Date: 01-01-2006, 10:18 AM
Parent: #109

معقول محمد صديق بنفسه ااااا معاك مجدي جلال اتمني ان نتواصل

Post: #133
Title: Re: نداء لابناء الكلاكلة بالبورد
Author: Magdi Galal
Date: 01-01-2006, 10:21 AM
Parent: #109

معقول محمد صديق بنفسه ااااا معاك مجدي جلال اتمني ان نتواصل

Post: #110
Title: Re: نداء لابناء الكلاكلة بالبورد
Author: ABUZEEGH
Date: 12-22-2005, 06:12 PM
Parent: #99

أنا أخوكم محمد صدّيق عبد الله.
شقيق عثمان صدّيق (العربي)، والحاج صدّيق، وعمر صدّيق (العربي) وعلي زلطة.
الكلاكلة القبّة مربع 5.
الابتدائيّة: الكلاكلة القبّة المزدوجة.
المتوسطة: الكلاكلة قطعيّة.
الثانويّة: المقرن.
الجامعة: الخرطوم.

Post: #106
Title: Re: نداء لابناء الكلاكلة بالبورد
Author: saadeldin abdelrahman
Date: 12-22-2005, 09:32 AM
Parent: #1

سلام يا كلكله

جمال سعيد..
ازيك يا حبيب و اخبارك و اخبار الحله و التاكا و الكوره
و ابراهومه وابو الشووووء و كل الناس الكاسترد..

شوقنا خرافي لكل هبة نسيم تزودنا بانفاس النيل و اللوبيا
وزي ما كان بغني الاستاذ الجابري رحمه الله : يا بحر حلتنا..

ايزابيل..
انتي يا اختي ساكنه جوه الماهونه ولا شنو ..مره في التريعه و مره
جنب السبيل...جننتي السواقين جن!... ما تردي على سؤالي
...لكن ياشباب
ورونا النصيبه دي (الماهونه) عملو فيها شنو ?... ردموها?
قلبوها حفرة دخان لنسوة من بلاد العماليق ?....
ادونا الخبر الله يهداكم/ن

Post: #107
Title: Re: نداء لابناء الكلاكلة بالبورد
Author: KOSTA
Date: 12-22-2005, 01:29 PM
Parent: #106

احمد القاسم

لك التحيات و السلام

و نحن نتنسم و تتقيح مساماتنا ملح ذكريات الكلاكلة الثبج لا نملك الا ان نترحم على روح امام جامع صنقعت وسط العتيق الشيخ عبدالله عثمان القاسم و الذى كان هو ايضآ مأذون شرعى للمنطقة و تمت على يديه العديد من الزيجات المباركات ، كما كان من رجال العمل الاجتماعلى و الخيرى العام لجميع اهالى الكلاكلات ... نرجو ان نتعرض لسيرته العطرة عند تناول اعلام الكلاكلة صنقعت فى هذا البوست التوثيقى .

تحياتى لعاطف و شكسبير

Post: #111
Title: Re: نداء لابناء الكلاكلة بالبورد
Author: saadeldin abdelrahman
Date: 12-22-2005, 06:21 PM
Parent: #1

محمد صديق العربي العقلي!!!!!

سلام ليييييييك ولي ناس البيت خصوصا دفعتي عثمان

يا سلاااااااام..انطردنا مره انا و العربي من حصه
بسبب اصرارنا عل تبادل النكات.. و انجلدنا آخر الحصه...
تحياتي لأستاذنا الجميل بالقطعيه المتوسطه (At the time)..
استاذ/ احمد عوض والذي اعتذرت له بعدها عن قلة ادبنا.

Post: #112
Title: Re: نداء لابناء الكلاكلة بالبورد
Author: KOSTA
Date: 12-23-2005, 06:31 AM
Parent: #111

مترة حاج حامد ( الكلاكلة قطعية )

لا تذكر الكلاكلات الا و تذكر مترة حاج حامد
هذه المترة ( المترة تعنى البئر السطحية ) و التى كانت عبارة عن مزرعة ضخمة تحيط بها اشجار النيم العالية من جميع نواحيها.
كان العم حامد و هو من اهالى الكلاكلة قطعية الكرماء صاحب هذه المترة و هو رجل مربوع القامة فاتح اللون وسيمآ وكان يتميز بلبسه الجعلى المميز و هو الثوب الذى يلف حول الجسم فى شكل اكس و سروال طويل ، .. و قد زرعها بعرقه و خبرته الطويلة فى الزراعة و البستنة .. و الشاهد ان العم حامد لم يترك شجرة فاكهة الا و زرعها و بكميات تجارية فى مزرعته هذه
( مانجو ، برتقال ، قريب فروت ، جوافة ، موز ..الخ ) هذا بالاضافة لاشجار النخيل المنتشرة بطول و عرض مزرعته .

مساحة المزرعة كانت ضخمة و موقعها الحالى ما بين لفة القبة و لفة صنقعت و تمتد بالطول فى اتجاه الكلاكلة القبة و فى موازاة شارع الاسفلت المؤدى للقبة بطول نحو 2 كلم
كما انها توازى مباشرة طريق الخرطوم جبل اولياء و تمتد بالعرض حوالى كيلو و نصف تقريبآ .

و نحن طلبة فى الكلاكلة شرق الابتدائية كنا نفرح فى حصة الجغرافيا عندما تكون الزيارة فى ذلك اليوم الى المزرعة .. حيث يأخذنا استاذ الجغرافيا مباشرة من المدرسة الى مترة حاج حامد و التى لا تبعد كثيرآ من المدرسة . و اذكر ان زيارتنا لهذه المزرعة غالبآ ما تكون عقب حصة الفطور ( الحصة الثالثة ) .. و كلما زرنا هذه المزرعة كنا نجد العم حامد عليه رحمة الله و هو ممدآ على عنقريب ( هباب ) تحت احدى اشجاره الظليلة الضخمة و فى وسط مزرعته يطالع فى احوال اشجاره و زراعاته و يتفكر فى عظمة الخالق ..و ما ان يرانا حتى ينهض واقفآ و يحيى الاستاذ و يداعب الطلبة و بعد جولة طويلة يشرح لنا فيها كل التفاصيل عن الاشجار و البئر و المزرعة و كان يتحفنا عقب انتهاء الزيارة بكل انواع الفاكهة بعد ان يأمر احد عماله بقطف كميات وافرة لنا و للاستاذ .

كانت اشجار المزرعة بالاضافة الى اشجار المدرسة الابتدائية ( بنين و بنات ) و كذلك اشجار محكمة الكلاكلة من المعالم التى تظهر بوضوح للقادم من و الى الكلاكلات من جهة الخرطوم او من جهة جبل اولياء و ذلك لضخامتها و طولها الفارع ..فكنت مثلآ و انت قادم من جهة الخرطوم تظهر لك هذه الاشجار ابتداءآ من نهاية الشجرة و بداية العزوزاب ... و من جهة جبل اولياء لا ابالغ ان قلت انها تظهر لك قبل الاحتياطى المركزى الحالى .

بعد وفاة العم حامد لم تعمر المزرعة طويلآ حيث انه وبعد الزحف العمرانى على اللفة منذ نهاية السبعينات و بداية الثمانينات و لارتفاع سعر المتر بمنطقة اللفة اضطر اولاده لبيعها بالتجزئة و موقعها اليوم مابين لفة صنقعت شرقآ و حتى موقف الحافلات و الباصات الجديد بسوق اللفة المركزى وسوق اللحوم غربآ .

Post: #113
Title: Re: نداء لابناء الكلاكلة بالبورد
Author: طارق عبد اللطيف نقد
Date: 12-23-2005, 09:23 AM
Parent: #1

الاخوة الاعزاء
مساء الخير
اسف للتأخير علي الرد والترحيب
المتاخلين الجدد
عبدالخالق محمد خير
جارنا العزيز
كيفك وكيف عبد الواحد السمين
قالوا رجع نهائي
وكيف اخبار باقي ناس البيت
وانا معيد في السودان انشاء الله نتقابل في الكلاكلة
جمال ادريس

مرحب بيك كتير
وانا قريت الفرع مع ناس اشرف واكرم بكابو صبري عبدالغفور و احمد دودو وعفاف نوري و و و و و كثيرين
ومنتظرين اندياحك
متوكل بحر
اهلا بيك كتير
واعتبر نفسك من ناس الكلاكلة
ويا ريت نتعرف بيك اكتر
والتحيات لمحمد عبد الحميد برضو عرفنا بيهو اكثر

Post: #114
Title: Re: نداء لابناء الكلاكلة بالبورد
Author: Ahmed El Gasim
Date: 12-24-2005, 02:53 PM
Parent: #113

كوستا
واصل الحفر والضرب علي وتر زاكرتي الخربة
الله يقدرك
لفوووووووووووووووووووووق
عبد المنعم ابراهيم( شوف)
رسلت رسالة في الماسنجر!

لك كل التحايا وياخي اظهر وبان عليك الامان!
اولاد الكلاكلة
لكم لشوق

Post: #115
Title: Re: نداء لابناء الكلاكلة بالبورد
Author: saadeldin abdelrahman
Date: 12-24-2005, 04:45 PM
Parent: #1

What is wrong with the images nowadays guys!

I will come back after i fix it in shalah
Sorry

Post: #116
Title: Re: نداء لابناء الكلاكلة بالبورد
Author: saadeldin abdelrahman
Date: 12-24-2005, 04:51 PM
Parent: #1

Whilte Nile
هذا النهر اللغز.. الذي خطف و يخطف خيرة الشباب فى كل دميره

النيل الابيض فى الكلاكله القبه

Post: #117
Title: Re: نداء لابناء الكلاكلة بالبورد
Author: Ahmed El Gasim
Date: 12-25-2005, 06:16 AM
Parent: #116

في الزكري الثانية
صورة ابن الكلاكلة البار المرحوم
عادل حسب الرسول العوض(عادل ططش
ttp://www.uparab.com/512/ 1135507754.jpg

Post: #118
Title: Re: نداء لابناء الكلاكلة بالبورد
Author: KOSTA
Date: 12-26-2005, 01:58 PM
Parent: #117

ندعو بالرحمة و المغفرة للمرحوم عادل حسب الرسول احد شباب الكلاكلة صنقعت وسط ( محطة 4 ) و الذى توفى بحادث حركة فى جنوب السعودية قبل عامين تقريبآ ... فلنترحم عليه و ندعو له فان كل ميت يحتاج الى دعواتناو استغفرانا له .

لقد كان الفقيد صاحب خلق رفيعو ابتسامة عذبة لا تفارق شفاهه ابدآ ، و قد انهى تعليمه العالى بالهند ( بونا ) حتى مرحلة الماجستير و كان من قيادات الطلاب البارزة حتى انه الّف كتاب عن الحركة الطلابية بالهند ( منشور فى احد البوستات بهذا المنتدى ) .. و له مؤلفات اخرى سنحاول البحث عتها و انزالها ايضآ .

الا رحم الله الفقيد و اسكنه فسيح جناته .

Post: #119
Title: Re: نداء لابناء الكلاكلة بالبورد
Author: Ibrahim Adlan
Date: 12-26-2005, 11:32 PM
Parent: #1

الاخوه اباء الكلاكله البرره

احي بوستكم العامر

نشأت و ترعرعت في حواري الديوم الشرقيه , ابتعدت عن الوطن معظم فترة الطغيان الحاليه
في غيابي عن الوطن جرت بعض الاحداث علي المستوي الاسري
كان ابرزها انتقال الاسره بكاملها الي منزلنا بالكلاكله الوحده جوار مسجد مربع 6 بعد ان خسر اشقائي معركة البقاء في الديم ز
توفي الوالد رحمة الله عليه ودفن بالكلاكله و من طيبة اهل الكلاكلة ندم الاشقاء عن عدم الرحيل باكرا
تعمقت الصلات بيننا و كانما ولدنا بالكلاكله

لكم كل الحب

Post: #120
Title: Re: نداء لابناء الكلاكلة بالبورد
Author: saadeldin abdelrahman
Date: 12-28-2005, 02:22 AM
Parent: #1

مسجد الشيخ النذير خالد آخر قضاة المهديه كما جاء في طبقات ود ضيف الله

رحمه الله.

ناسا مواريثم كتاب الله ... وسيفا حداه درع
وساقية تصحي الليل مع الفجراوي و وشيخا في الخلاوي ورع
........
حتى الطيف رحل خلاني ما طيب لي خاطر.

Post: #121
Title: Re: نداء لابناء الكلاكلة بالبورد
Author: Ahmed El Gasim
Date: 12-28-2005, 07:08 AM
Parent: #120

Quote: ناسا مواريثم كتاب الله وشيخا في الخلاوي ورع

اخي سعد
لك التحايا يابن الكلاكلة ولك الشكر علي هزه الاشراقات لك الود

Post: #122
Title: Re: نداء لابناء الكلاكلة بالبورد
Author: متوكل بحر
Date: 12-28-2005, 11:06 AM
Parent: #121

الاخ الفاضل / طارق نقد
لك التحية ثانية ... يظل اصرارى على ربط الشقيق
محمد عبد الحميد برابطة الكلاكلة فقد كان يلعب لفريق الوحدة
يسكن شارع سمارة (بوتيك نشوى )
لك التحية وشكرا على منحى شرف الانتساب لرابطة الكلاكلة فهى معبرنا من
الخرطوم الى مدينة الدويم يعنى فى رابط مشترك
وشكرا ثانية

محمد يسأل عن اميل طارق

Post: #123
Title: Re: نداء لابناء الكلاكلة بالبورد
Author: عبدالخالق محمد خير
Date: 12-29-2005, 03:58 AM
Parent: #122

كوستا مازلنا في الانتظار
الاخ طارق
اتمني لك إجازة سعيد في ربوع الوحدة وكل عام وانت بألف خير (عبدالواحد) متواجد حاليا" بالسودان

Post: #124
Title: Re: نداء لابناء الكلاكلة بالبورد
Author: Ahmed El Gasim
Date: 12-29-2005, 04:15 AM
Parent: #123

الاخ متوكل بحر

Quote: [ الاخ الفاضل / طارق نقد
لك التحية وشكرا على منحى شرف الانتساب لرابطة الكلاكلة فهى معبرنا من
الخرطوم الى مدينة الدويم يعنى فى رابط مشترك
(عدل بواسطة متوكل بحر on 28-12-2005, 12:28 م

كلنا اولاد بحر ابيض و اهل
نتشرف بك كلكلاوي انتساباوانتظاما ولا تحرمنا من طلتك
وقد سردت معكم في بوست ابناء الدويم (شات)ونتشرف بالدويم الراقية الحبييبة واهلنا كثر فيها ولي فيها زكريات وكزا كوستا
اتمني ان تري روايتك(المشروع)النور قريبا ..........تحياتي لك ولاهلنا في الدويم شات
كوستا
وينك انت؟وينك انت الطال غيابك

Post: #125
Title: Re: نداء لابناء الكلاكلة بالبورد
Author: متوكل بحر
Date: 12-29-2005, 11:01 AM
Parent: #124

العزيز احمد القاسم

الكلاكلة شرف نتمنى ادراكه وشموخ لايطال
اما بخصوص الحكى فاراضينا اصابها الجفاف ربما لابتعادنا عن النيل
ولكن سأحاول الاستمرار

لك تحياتى

Post: #126
Title: Re: نداء لابناء الكلاكلة بالبورد
Author: saadeldin abdelrahman
Date: 12-29-2005, 10:50 PM
Parent: #1

دميرتنا و عرش بيتنا

Post: #129
Title: Re: نداء لابناء الكلاكلة بالبورد
Author: Ahmed El Gasim
Date: 12-31-2005, 04:43 PM
Parent: #126

الاخ مجدي جلال
لك التحايا

Quote: الاخ احمد تحياتي اذا كان عثمان علي القاسم شقيقك فله خالص التحايا اذ تزاملنا طيلة المرحلة الدراسية حتي فرقتنا الاقدار اللعينة لك و له مرة ثانية اصدق التحايا مجدي جلال

شكرا لك وعثمان هو اخي الاكبروهو الان بالسعودية وهو ايضا عضو في المنبر من فترة ولكن يبدو انه في بيات شتوي ؟
اعرفك حق المعرفة وازكرك تماما (دفعتين وراكم)وتحياتي لاخوتك جميعا:
د محمد جلال
والاستاز وليد
اوطاهر جلال وابناء عمومتكم الاستاز احمد محمد احمد هاشم
وكنت علي اتصال بالصديق د حسن مكاوي (في سلطنة عمان)وانقطع الاتصال؟ اتمني ان يكون كل الاهل بخير ورد الله غربتنا ظافرين انشاء الله [/B]

Post: #131
Title: Re: نداء لابناء الكلاكلة بالبورد
Author: Magdi Galal
Date: 01-01-2006, 10:11 AM
Parent: #129

الاخ احمد شكرا ردك الذي اسعدني كثيرا قول لعثمان لقد انقضي الشتاء فليستفيق اذ من حقنا عليه معرفة اخباره عسي ان تكون بخير د حسن ما زال بالسلطنة لكن للاسف لا املك له عنوان انا مقيم في فرنسا في مدينة صغيرة علي الحدود الايطالية علي ساحل المتوسط و التواصل عبر الانترنت ملاء علي فراغا عريضا فالتحية لصاحب الفكرة الاخ طارق عبد اللطيف حتي لقاء اخر دمت مجدي جلال

Post: #130
Title: Re: نداء لابناء الكلاكلة بالبورد
Author: طارق عبد اللطيف نقد
Date: 01-01-2006, 08:10 AM
Parent: #1

الروائع
احمدعلي القاسم
كوستا
سعدالدين عبدالرحمن
شكرا للتواصل الجميل
واحمد محمداحمد هاشم(دودو) يغريكم التحايا والسلام
الزميل ابراهيم عبدلان ابن الكلاكلة الوحدة الجديد مرحب بيك في الكلاكلةواكيد انحنا اهل ونتمني ان نتواصل بشكل اجمل ونحن الان بالرياض السعودية اين انت
متوكل بحر شكرا لاهتمامك المتواصل وسلام وتحايا للاخ محمد عبدالحميد وقول ليهو كنا قايلنك اخوناس عاطف واسامة الكا وماهر عبدالله مدني بسأل منك والايميل[email protected]
عبدالخالق شكرا للتواصل وحتما سنلتقي

Post: #134
Title: Re: نداء لابناء الكلاكلة بالبورد
Author: متوكل بحر
Date: 01-01-2006, 02:44 PM
Parent: #130

Tarig, Atif , Mohamed Abedlhamid and Ausama Elka, are my best friends.
Mahir is my cousin, thank you for sending his email.

I do apologize for writting in English, because I dnot have an arabic keybard.
thank you Tarig for the nice board.
BMillion Salam to Atif, Asama, mohamed Abdelahamid and Mahir and all the friends in
Elsaudia
by the ways I live in Elkalakla Elwihda since 1978.

Mohamed Abdelhamid Abdoun

Post: #135
Title: Re: نداء لابناء الكلاكلة بالبورد
Author: متوكل بحر
Date: 01-02-2006, 02:23 AM
Parent: #134

الاعزاء
دعوة لان نتذكر ابناء الكلاكلة الذين رحلوا عنا
منهم صديقى العزيز :
عماد عبدالله (دوبا)

عاطف تيفا
مدثر حلزونى

بواسطة محمد عبد الحميد

Post: #136
Title: Re: نداء لابناء الكلاكلة بالبورد
Author: جمال سعيد
Date: 01-02-2006, 12:24 PM
Parent: #135

Quote: الاعزاء
دعوة لان نتذكر ابناء الكلاكلة الذين رحلوا عنا
منهم صديقى العزيز :
عماد عبدالله (دوبا)

عاطف تيفا
مدثر حلزونى

لا حول ولا قوه الا بالله
اذكر منهم صديق اخى الاكبر ورفقتى فى الكوره مدثر حلزونى وايضا رفقتى فى رحله بالبر من القاهره الى الكلاكله له الرحمه والمغفره لا اله الا الله لم اعرف بوفاته الا من هذا البوست

Post: #137
Title: Re: نداء لابناء الكلاكلة بالبورد
Author: Ahmed El Gasim
Date: 01-02-2006, 01:18 PM
Parent: #136

الاخ ابراهيم عدلان
Quote: نشأت و ترعرعت في حواري الديوم الشرقيه , ابتعدت عن الوطن معظم فترة الطغيان الحاليه
في غيابي عن الوطن جرت بعض الاحداث علي المستوي الاسري
كان ابرزها انتقال الاسره بكاملها الي منزلنا بالكلاكله الوحده جوار مسجد مربع 6 بعد ان خسر اشقائي معركة البقاء في الديم ز
توفي الوالد رحمة الله عليه ودفن بالكلاكله و من طيبة اهل الكلاكلة ندم الاشقاء عن عدم الرحيل باكرا
تعمقت الصلات بيننا و كانما ولدنا بالكلاكله

مرحبا بكم وبكم اخا واهلا لنا في الكلاكلة وهزا ديدن اهلنا في الكلاكلات (فالكلاكلة بوتقة انصهرنا فيها جميعا)مرحبا بكم وسط اهلكم ومرحبا بك اخ وصديق

Quote: Quote: الاعزاء
دعوة لان نتذكر ابناء الكلاكلة الذين رحلوا عنا

لهم الرحمة والمغفرة

Post: #138
Title: Re: نداء لابناء الكلاكلة بالبورد
Author: Ahmed El Gasim
Date: 01-02-2006, 01:22 PM
Parent: #137

شكرا اخي مولانا طارق

Quote: الروائع
احمدعلي القاسم
كوستا
سعدالدين عبدالرحمن
شكرا للتواصل الجميل
واحمد محمداحمد هاشم(دودو) يغريكم التحايا والسلام

تحياتي الشديدة للاخ الاستاز احمد محمد هاشم وياريت لو عندك ليه تلفون رسلو علي الايميل او الماسنجر
لكم الود

Post: #139
Title: Re: نداء لابناء الكلاكلة بالبورد
Author: shaheen shaheen
Date: 01-02-2006, 03:27 PM
Parent: #1

هذه بصمتى على بورد الكلاكلة الحى الذى كان شعبى سابقا , وقال الصديق ( عادل خليل ) اشهر سمسار اراضى فى العالم ان الاسعار قد ارتفعت بنفس مستوى الرياض وكده يعنى ,, ولم يبقى لنا سوى ( العشش ) . هذه الكلاكلة ( سكرت فى حاناتها , جرحت فى مشاجراتها , صاحبت موسيقارها العجوز فى تواشيح الغناء ) كما قال رسول الشعر الحديث امل دنقل
شاهين محمد سليمان شاهين
ابن الدكتور البيطرى د. شاهين
صنقعت محطة3 شارع وردى

Post: #140
Title: Re: نداء لابناء الكلاكلة بالبورد
Author: Ahmed El Gasim
Date: 01-03-2006, 03:30 AM
Parent: #139

الاخ شاهين
اكاد لا اصدق نفسي!
اقسم بالله العظيم ان اسمك لم يغب عني شككت في ان تكون انت بكتابتك هنا! الحبيبة و التراتيل المسيحية
واكثر ما جعلني اشك في انك انت هو بوستك(تختخ لوزة نوسة محب عاطف)فرقعوا من هنا نعم فقد قراءت معك كثيرا من الالغاز في منزلكم العامر!!
اخي شاهين
ربما لم تزكر اسمي ولكن صورتك امامي واسرتك الكريمة ووالدك د محمد سليمان شاهين؟والدك كان معروفا لاهلي قبلي!
تزاملنا في الدراسة!!وازكر اننا كنا نتناقش يوما وكان الاغتراب قد اجهد البلدوقلت ليك لازم الناس تقعد وتطور بلدها!!وازكر انك كنت اوعي وقلت لي بعدين الزمن يزنقك وتكون اول المغتربين فينا!!ضحكنا يومها وصدق كلامك(اخوك مغترب منز 17 سنة اي من تخرجي ومازال!)
شاهين
اثرت في ايام جميلة واغفر لي ان كان هنالك لغز لم ارده لك وابن خالتي الطيب اسماعيل
تحياتي لاخوانك واخوتك والوالد والوالدة واخوك الاصغر شريف!!
ااااااااااااااه يا زمن
Quote: وقال الصديق ( عادل خليل ) اشهر سمسار اراضى فى العالم

افتقد هزا الشخص؟واخباره مقطوعة مز سنين عدة؟تحياتي له
يمكنك مراسلتي علي الايميل
[email protected]
اخوك احمد علي القاسم-الكلاكلة صنقعت محطة 2 3 4 (حلة العرب)

Post: #141
Title: Re: نداء لابناء الكلاكلة بالبورد
Author: saadeldin abdelrahman
Date: 01-03-2006, 07:50 AM
Parent: #1

اخوانا جمال دفار و احمد الفاسم

لا حول ولا قوة إلا بالله.. ناس معاوية قسم السيد و شوقي ديل اتوفوا متين ?
إنا لله وإنااليه راجعون!

انتو قصدكم شوقي قريب كمال شداد و لاعب النسر والشبيبه مش كده

Post: #142
Title: Re: نداء لابناء الكلاكلة بالبورد
Author: جمال سعيد
Date: 01-03-2006, 12:32 PM
Parent: #141

Quote: اخوانا جمال دفار و احمد الفاسم

لا حول ولا قوة إلا بالله.. ناس معاوية قسم السيد و شوقي ديل اتوفوا متين ?
إنا لله وإنااليه راجعون!

انتو قصدكم شوقي قريب كمال شداد و لاعب النسر والشبيبه مش كده

سعد:
المقصود شوقى الكان شغال فى المركز الصحى وكان بيلعب فى النيل سيردباك واظن برضو اغترب فى الدوحه فتره له الرحمه والمغفره
والله يطول عمر شوقى بتاع الشبيبا والتحرير فهو عايش والحمد لله.
بين قوسيين يا سعد انت لسع ما وريتنى انك اخو سيف وسامى والا لا ....

Post: #143
Title: Re: نداء لابناء الكلاكلة بالبورد
Author: saadeldin abdelrahman
Date: 01-03-2006, 07:00 PM
Parent: #142

نعم يا جمال ياني انا زاااتي وكتبت ليك فوق..

اللهم ارحم موتانا و موتى المسلمين

تحياتي لأخي سعيد

مودتي.

Post: #144
Title: Re: نداء لابناء الكلاكلة بالبورد
Author: طارق عبد اللطيف نقد
Date: 01-04-2006, 07:35 AM
Parent: #1

كل سنة وانتم طيبين
والجميع بخير وعافية وربنا يجمع الشتات
انقل لكم تحيات الصديق العزيز العريس بسام امين
وبالمناسبة هو حنتو في الكلاكلة الوحدة يوم الاحد القادم
يعني قبل العيد بيومين والكل مدعو من الان
وانا طبعا معيد في الكلاكلة وانشاء الله اي واحد معيد هناك نتقابل
والعندو وصايا نمشي ليهو للاهل ونسلم عليهم ونتشرف بي معرفتهم

Post: #145
Title: Re: نداء لابناء الكلاكلة بالبورد
Author: Ahmed El Gasim
Date: 01-04-2006, 07:48 AM
Parent: #144

الاخ طارق
ربنا يكتب سلامتك وسلم علي اهلنا في الكلاكلة والغابة والسودان
وكل عام وانتم بخير
احمد علي القاسم

Post: #146
Title: Re: نداء لابناء الكلاكلة بالبورد
Author: Ahmed El Gasim
Date: 01-04-2006, 08:13 AM
Parent: #144

الاخوة ابناء الكلاكلة
ارحب بالاخ العزيز شاهين محمد سليمان شاهين وهو من سكان الكلاكلة صنقعت قرب منزل وردي...........رغم انو شاهين واسرته الطيبة سكنوا قبل وردي بفترة طويلة.....لم التقي به منز 25عاما وربما اكثر لكنني ارحب به وهو ابن الدكتور الاديب محمد سليمان شاهين وكان يكتب في الصحافة(علي ما ازكر)
شاهين اديب وله اشراقات بالبورد انقل منها هزا النموزج وياشاهين شكرا لك واسمح لي بان انقل منك واهديها لابن خالي كوستا فاعرفه محبا لشعر ابراهيم طلب واحمد فؤاد نجم(بتاع البتاع)ولكم :
Quote: مساء الخير ... يا زميل يا جميل

ومساء الخير ... يا زميل يا جميل ... يا اصيل فى الزمن الوجعو كتير ... وبديع , زول مابى يبيع ... وبشيل , شيال ان نخوا الشيالين ... معجون من طين الاستفهام ... مجنون بى بكرة وما هو أت ... وعنيد احلام ... احلام اكبر من سنه ونضارته وجيبه الفاضى من الاموال ... درويش فى كلامه الدرابات ... مدمن بومبان ... وزبون معروف للمعتقلات ... بيعشى حبيبته سياسة وفول ... ويحلى بموية وكيس تمباك ... مليان اصرار ... اصر , يصر , بقى ملحاح ... شغال كى ياتى علينا صباح ... وصباح الخير على شجرة نيم قصوها تطول ... متفائل , مؤمن انو الليل بيزول .

شاهين

لكم التحية
احمد علي القاسم

Post: #147
Title: Re: نداء لابناء الكلاكلة بالبورد
Author: طارق عبد اللطيف نقد
Date: 01-04-2006, 08:46 AM
Parent: #1

الرائع احمد علي القاسم
تحية محبة وود لك وللزميل الرائع شاهين
واليكم هذة الاسطر الانيقة للصديق بسام امين
الوفاء 000 هو لغة التواصل بين ابناء الكلاكلة اينما حلوا 000
فأبناء الكلاكلةكمكعبات السكر..يذوبون يتلاشون
لكنهم يبفون في الكون حتي أخر رشفة..
هكذا علمهم الوفاء أن يبقوارغم سخونة القهوة..
فشكراً جزيلاً يارواثع..
وشكراً جزيلاً ياكلاكلة..
شكراً لأيام التسكع تحت أفواس الوفاء..
شكراًلأيام التمتع بفخر صدف الإنتماء..
شكراً لميلاد التأمل والتواصل والرجاء..
أعزائي وأحبائي أبناء الكلاكلة..يامن تحتلون مساحات الوجدان..
ويامن تنسابون في عمق الشريان..أسمحوالي بإسمكم جميعاً أ، أحيي
صاحب الفكرة والمدهش حد الإقناع أخونا وصديقنا الرائع طارف عبد اللطيف
والتحية من بعد لكم هذا التالف والتفاعل والإنصهار...فشكراً
لهذا الحضور الطاغي.. وشكراً لهذا التفرد والتوهج والبريق..

Post: #148
Title: Re: نداء لابناء الكلاكلة بالبورد
Author: KOSTA
Date: 01-04-2006, 01:24 PM
Parent: #147

الكلكلاويون

تحية لكم اينما ما كنتم
و حيثما حللتم
و أيآ كان مبتغاكم ( طلب علم او طلب رزق )
فى جزر المالديف او على شاطئ " ود العقلى " بيتش

كل عام و انتم بألف خير
و عسى ان يكون عام 2006 عام حصاد وفير ، و خيرآ كثير
عسى ان يجمعنا الرحمن بأمنا الرؤم الكلاكلة
فلقد اهترئت منا الافئدة
و صدئت النفوس بفعل طول الجلوس ...... خارج اطار الزمن ،

فكل لحظة لا تكتحل فيها عيناك برؤية اللفة او سوق محطة 3 او موقف الحافلات فى محطة12
او مشاهدة مباراة فى ميدان رابطة الكلاكلة صنقعت ،
او امتطاء لاحدى الرقشات فى حوارى الوحدة مرورآ بعيادة د. امام و محطة سماره ،
او سماع صوت " ساوند سيستم " لأحد " بكاسى الغناء الجديدة " عند المغربية ( و غالبآ ما تبدأ الحفلة باغنية حقيبة معتقة .. و تنتهى باحد اغانى حمادة بت الهابطة و عندها يكون الغبار قد حلّق عاليآ ) كما الافلام الهندية المحفوظة ميلودراميآ ،
فهى لحظة ضائعة من اعمارنا و ضائعة من بقية الحنين المتوارث بدواخلنا .

هل لشتيت بأجتماع ؟؟؟؟

Post: #149
Title: Re: نداء لابناء الكلاكلة بالبورد
Author: KOSTA
Date: 01-06-2006, 07:17 AM
Parent: #148

الكلاكلات :

الكلاكلة صنقعت
الكلاكلة القبة
الكلاكلة قطعية
الكلاكلة القلعة
الكلاكلة عمارة
الكلاكلة التريعة
الكلاكلة الوحدة
الكلاكلة المنورة

Post: #150
Title: Re: نداء لابناء الكلاكلة بالبورد
Author: shaheen shaheen
Date: 01-06-2006, 09:53 AM
Parent: #1

احمد على القاسم
شكرا على الكلام الجميل شكرا جزيلا اتمنى ان نتقابل فى الكلاكلة قريبا

Post: #151
Title: Re: نداء لابناء الكلاكلة بالبورد
Author: Ahmed El Gasim
Date: 01-06-2006, 10:27 AM
Parent: #150

شاهين
Quote: شكرا على الكلام الجميل شكرا جزيلا اتمنى ان نتقابل فى الكلاكلة قريبا

اتمني ان تتحف بوست الكلاكلة ببعض من نفحاتك
اتمني ان نلتقي قريبا في مصر التي اطل عليها من حين لاخر
لك ولاسرتك كل الود
احمد علي القاسم

Post: #152
Title: Re: نداء لابناء الكلاكلة بالبورد
Author: KOSTA
Date: 01-06-2006, 12:57 PM
Parent: #151

ود القاسم :

مشتاقيين

كنا نحلم بان نراك بين ظهرانينا .... و ما زلنا

شكرآ ليك و للاخ شاهين على ابداعاته و التى نتمنى الا يبخل بها علي كل
ابناء كلكلة .

اذ ينقطع الخيط الواصل ما بين الرغبة و الاحساس
تتفجر منك امامى كل ينابيع البؤس
و كل صفات الاجناس
يتساوى فيها الغابر بالناتئ
و الميت بالحساس

الشاعر حسن طلب

Post: #153
Title: Re: نداء لابناء الكلاكلة بالبورد
Author: saadeldin abdelrahman
Date: 01-06-2006, 03:05 PM
Parent: #1

بعضاً من مظاهر عيد الأضحى بالكلاكلة و كل عام وانتم بخير

Post: #154
Title: Re: نداء لابناء الكلاكلة بالبورد
Author: saadeldin abdelrahman
Date: 01-06-2006, 03:10 PM
Parent: #153

يا بحر حلتنا

بحر ابيض

Post: #155
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 01-06-2006, 05:41 PM
Parent: #154

سعد الدين

أنت صورتك دي اتصورتها في الماعونه والا شنو؟

Post: #156
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 01-06-2006, 05:48 PM
Parent: #155

جمال سعيد

تحياتي.....أنا يادوب عرفتك طبعا أخوك صلاح عبدالخالق كان من رموز دفعتنا في الكلاكله غرب الأبتدائية و بعدين جا أتزوج في حلتنا...سلامي للرجل الظريف جدا جدا الطاهر عبد العاطي إذا كنت بتواصلو.

Post: #157
Title: Re: نداء لابناء الكلاكلة بالبورد
Author: saadeldin abdelrahman
Date: 01-06-2006, 07:01 PM
Parent: #156

د. سيف النصر العزيز
هههههه.. لا لا دي صورة البطل الحاج/ مالك X (مالكوم) في الاهرامات..
بعتبروا راجل قدوه لينا وكم انا حزين لنهايته المأساويه على أيدي
ابناء جلدته/ نا المتواطئون مع ذلك النظام العنصري.
الماعونه انا سألت منها في البوست ده و مافي زول هبب لي..سووا فيها شنو ?

الأخت ايزابيل طبعا عملت نايمه..دي امتحانات ولا خدمه الزاميه

Post: #158
Title: Re: نداء لابناء الكلاكلة بالبورد
Author: جمال سعيد
Date: 01-06-2006, 07:07 PM
Parent: #157

Quote: الماعونه انا سألت منها في البوست ده و مافي زول هبب لي..سووا فيها شنو ?

سعد
الماعونه قاعده وموجوده وما حصل فيها اى حاجه( انا مشيت ليها مخصوص برقشه فى الاجازه بدايه السنه الفاتت)
بس الدافورى بقى يلعبوه اولاد صغاااااااااااااار كدا
سعد تقبل سلام سعيد عبد الخالق الذى يبعث لك السلام الكتير من السعوديه فى الرياض

والمناظر هى زاتها والصور نفس المشاهد

Post: #159
Title: Re: نداء لابناء الكلاكلة بالبورد
Author: saadeldin abdelrahman
Date: 01-06-2006, 07:11 PM
Parent: #158

يا سلااام عليك يا دفار يا عجيييب

طيب وقت جيت
آااي ياخي انا عرفت العملاق شوقي الله يرحمه ويجعل الجنه مأواه.

بالمناسبه ده انت زاتك جمال سعيد الرائع بتاع الراكوبه.نت

Post: #161
Title: Re: نداء لابناء الكلاكلة بالبورد
Author: جمال سعيد
Date: 01-06-2006, 07:19 PM
Parent: #159

Quote:
آااي ياخي انا عرفت العملاق شوقي الله يرحمه ويجعل الجنه مأواه.

بالمناسبه ده انت زاتك جمال سعيد الرائع بتاع الراكوبه.نت

والله يا سعد ما تعرف احنا اتاثرنا كيف لفراق الغالى شوقى الله يرحمه ويغفر ليه
انا جمال دفار عندى بعض المساهمات فى منتدى مزيكا سودانيه
وبالمناسبه تانى انا لاقيت كرم وسامى قبل 3 شهور فى الدوحه

Post: #160
Title: Re: نداء لابناء الكلاكلة بالبورد
Author: جمال سعيد
Date: 01-06-2006, 07:13 PM
Parent: #156

Quote: سلامي للرجل الظريف جدا جدا الطاهر عبد العاطي إذا كنت بتواصلو.

الدكتور سيف النصر
لك الود والتحايا والاحترام
صلاح والطاهر موجوديين فى الدوحه وانا كنت معاهم فى اجازة الصيف الفاتت
صلاح بقى زول كبيرا كدا واتملى شيب كتير والطاهر الا من قريب تعرفه
تحياتى لعمار وخالد

Post: #162
Title: Re: نداء لابناء الكلاكلة بالبورد
Author: saadeldin abdelrahman
Date: 01-06-2006, 07:42 PM
Parent: #1

Quote: انا جمال دفار عندى بعض المساهمات فى منتدى مزيكا سودانيه
وبالمناسبه تانى انا لاقيت كرم وسامى قبل 3 شهور فى الدوحه

اها تعرف الطيبين ديل واحد فيهم ما لاقيتو لي عشره سنه والتاني
اكتر من كده بس بيننا التيلفون بعد مرات..
ويا دفار انا خايف ابهتك لكن بتذكر طشاش طشاش كده انك مره في
دافوري كده دفرتني علي حيـطة ميدان الطوب ديك تلقاك قلت الشافع
المعصعص ده! هههه

ياخي كويس ما تطربنا هنا بحاجه لي مصطفي ولا ابوعركي و لا ود الأمين
ولا الناشئه البدور اعرسها ريماز ميرغني

Post: #163
Title: Re: نداء لابناء الكلاكلة بالبورد
Author: KOSTA
Date: 01-08-2006, 05:07 AM
Parent: #162

الاخ جمال
الاخ سعدالدين
الاخ سيف النصر

سعداء نحن بتواصلكم " الحميمى " هذا ، و انتم تمثلون الاهل و الاخوان فى الكلاكلة القبة فى هذا البوست التوثيقى الجميل .. و نتمنى ان يتواصل هذا اللقاء
و كل سنة و انتم بألف خير

Post: #164
Title: Re: نداء لابناء الكلاكلة بالبورد
Author: saadeldin abdelrahman
Date: 01-08-2006, 05:51 AM
Parent: #163

الأخ الفاضل كوستا
سلمت و دمت لكلكة والسودان
وكل عام و انتم بألف خير و القابلة على أمانيكم ان شاء الله

Post: #165
Title: Re: نداء لابناء الكلاكلة بالبورد
Author: جمال سعيد
Date: 01-08-2006, 07:42 AM
Parent: #163

كوستا
كل سنة وانت والجميع بخير ودامت مساحات التواصل بيننا

Post: #166
Title: Re: نداء لابناء الكلاكلة بالبورد
Author: KOSTA
Date: 01-08-2006, 08:14 AM
Parent: #165

حصة الجغرافيا بالكلاكلة شرق الابتدائية

اولآ الزيارات :

كانت تتم فى حصص الجغرافيا زيارات تعريفية لكل من التاجر بالحى و الجزار و النجار و المزارع ( صاحب المزرعة ).
اما زيارة مزرعة المرحوم حاج حامد فقد تعرضنا لها سابقآ . زيارة التاجر كانت اما لدكان عمنا عبدالماجد او دكان ودنبق و هما الاشهر بالكلاكلة قطعية حيث كانوا اثناء الزيارة يشرحون لنا ما عندهم من منتجات للبيع و هى عبارة عن مشروات البقالة اليومية مثل السكر و الشاى و الفول و العيش و البهارات و الزيت و البصل ...الخ و يشرحون لنا طريقة عمل الميزان ( ابوحمامتين ) و كيف يتم الوزن و كذلك انواع الاوزان من الوقية و الرطل ...الخ .
اما النجار فكان عمنا عبدالله و هو والد زميلنا بالصف " الخير عبدالله " و اذكر انه كان اسمر البشرة معتدل الجسم و يرتدى نظارات بعدسات سميكة و كعادة النجارين يضع خلف اذنه اليمنى قلم رصاص لزوم القياسات .... و قد كان يشرح لنا فى زيارتنا له ادوات النجارة التى يستعملهاو كيفية عملها ، كما كان يرينا بعض من منتجات ورشته من السراير او الطاولات وبعض المنتجات الصغيرة الاخرى .

Post: #167
Title: Re: نداء لابناء الكلاكلة بالبورد
Author: KOSTA
Date: 01-08-2006, 09:03 AM
Parent: #166

ثانيآ : البحث عن الكنز

من احد نشاطات حصة الجغرافيه العملية كان البحث عن الكنز و هو تطبيق عملى و تحفيزى عن كيفية قراءة الخرائط قراءة صحيحة . و لاختبار تمكن الطلاب من تمام مهاراتهم فى قراءة الخرائط كان يتم توزيع الفصل الى حوالى خمسة مجموعات و على كل مجموعة كان يتم تعيين رئيس لها لبقودها و بواسطة الخريطة للبحث عن الكنز .
يقوم استاذ الجغرافيا برسم الخرائط المصغرة لكل مجموعة من المجموعات الخمسة و يسلمها لرئيسها و هذه الخرط تحتوى على المعالم الرئيسية من طرق و مركز صحى او مدرسة و كذلك بالطبع الاتجاهات الرئيسية و الشوارع الفرعيه و التى تقودك و بواسطة الأسهم الى الكنز " الثمين " .
و اذكر اننى كنت على رأس احدى تلك المجموعات و استلمنا الخريطة الخاصة بنا من استاذ الجغرافيا و بعد توجيهها الوجهة الصحيحة ( اتجاه الشمال الجغرافى ) بدأنا مسيرتنا الظافرة للعثور على الكنز و خرجنا من المدرسة و بعد المرور ببعض الشوارع و الأزقة وصلنا للمتجر ( الدكان ) المرسوم على تلك الخريطة و من ثم عرجنا على بعض المعالم المرسومة بالخريطة .. المهم و انه و بعد العديد من المنعرجات ( بسقط اللوى ) و بعد متابعة الخريطة متابعة صحيحة و دقيقة ارجعتنا الأسهم الى المدرسة مرة اخرى ... و هناك كانت المفأجاة و هى ان الاستاذ كان قد دفن الكنز فى الركن الجنوبى الغربى للصف الاول الابتدائى و من الخارج ... و بالبحث و الحفر فى ذلك الركن عثرنا على الكنز :
كيس من الحلوى ( حلاوة ريا ) الجميلة ... و ذهبنا بالكنز و نحن فى غاية الفرح اذ تمكنا من العثور على الكنز اولآ ..و ثانيآ كان الكنز حلوى يعنى " كنز ثمين "
لم يخيب الاستاذ ظننا فأشاد بمقدرة مجموعتنا الفائقة على العثور على هذا الكنز و كان من اصعب الكنوز و استخدم الاستاذ فيه كل " الغتاتة " و البراعة فى " الدفن " و " الدس " .. و أهدى لنا كيس الحلوى ليتم توزيعه بين افراد مجموعتنا بالتساوى .

ترى اين منا هذا النوع من التعليم " التطبيقى " الآن ؟؟؟

Post: #168
Title: Re: نداء لابناء الكلاكلة بالبورد
Author: محمد عبد المنعم عمر
Date: 01-09-2006, 09:30 AM
Parent: #1

سلام للجميع وعام سعيد واتمني ليكم دوام الصحه والعافيه
انا اسكن الكلاكله القبه بجوار سوق ابوا دومه
وسلام خاص الي العزيز عمار محي الدين وادم حامد الطيب وابوعبيده بله وتيسير حسن وكل الاصدقاء ولنا عوده

Post: #169
Title: Re: نداء لابناء الكلاكلة بالبورد
Author: KOSTA
Date: 01-10-2006, 01:50 AM
Parent: #168

اليوم اول ايام عيد الاضحى المبارك

و كل سنة و جميع ابناء الكلاكلات بالداخل و الخارج بألف خير يارب .

مع فجرية العيد تنتظم حركة نشطة لجميع المنازل بالاحياء المختلفة ، و عقب انتهاء صلاة الفجر بقليل تيدأ التكبيرات و التهليلات المعتادة فى العيد فتسمعها من جامع صنقعت وسط العتيق و كذلك مسجد العودة و جامع انصار السنة و جامع البصاولة فى صنقعت شرق و مسجد المجمع الاسلامى للشيخ ابراهيم الزين بمحطة 2 و كذلك بقية المساجد بالمنطقة .

عقب اداء الصلاة فى مسجد صنقعت وسط و بعد تلقى التهانئ و تبادلها مع جميع المصليين من تعرفه و من لا تعرفه كنا نذهب لخلوة الكلاكلة صنقعت القديمة ( خلوة جدنا الفكى محمد عووضة والتى تم تأسيسها منذ عهد الاتراك العثمانيين و كان يدرس بها القرآن و بعض العلوم الشرعية و الفقهية ... و ما زالت حتى تاريخنا هذا تقوم برسالتها فى تحفيظ و تعليم علوم القرآن و الحديث بالاضافة لتوسعها فى القيام ببعض الانشطة التعليمية مثل فصول التقوية للمراحل المختلفة لكل ابناء الكلاكلة صنقعت باحيائها المختلفة و من هنا احىّ الشباب الاوفياء و الشيوخ القائمين على امر هذه الخلوة العريقة ) .. و الشاهد ان الجميع عقب صلاة العيد كان يذهب لساحة هذه الخلوة حيث تكون هنالك اذكارآ و مدائح تصاحبها ايقاعات " النوبة " و الطار و تستمر لمدة ساعتين تقريبآ يكون بعدها الافطار قد تم اعداده و تجهيزه فى منزل الشيخ على القاسم( و هو من حفظة القرآن و والد زميلنا بالبورد احمد القاسم ).حيث يكون معظم اهل الحى كبيرهم و صغيرهم حضورآ فى تلك الساحة
يتبادلون تهانئ العيد و يتسامرون فى منظر بهيج .

و من ثم يبدأ الطواف على بقية الاهل و الجيران و الاصدقاء فى الاحياء الاخرى او فى بقية الكلاكلات .

ضحية موفقة و " كاربة " للجميع مع اطيب الامنيات ب " مرارة " و " شية " و " ضلوع " فاهماااات .

و دمتم .... و كل عام و انتم و اهلنا بالكلاكلات بخير.

Post: #170
Title: Re: نداء لابناء الكلاكلة بالبورد
Author: saadeldin abdelrahman
Date: 01-10-2006, 06:41 AM
Parent: #169

البلــوم في فرعو غنا
طرانا يا الحبان أهلنا..
......
يا دموع لمتــيـن تلاقي
ابكي يا دموعي السـواقي
حظنا العاثر حرمنا
...

يا المسافرين بالسلامه
بلغوا الحال لي أهلنا

Post: #171
Title: Re: نداء لابناء الكلاكلة بالبورد
Author: جمال سعيد
Date: 01-10-2006, 10:34 AM
Parent: #169

كل عام والجميع بخير
وربنا يحقق امانينا وامانى الجميع
ويجمعنا كلنا فى الكلاكلات بدون تحديد

Post: #172
Title: Re: نداء لابناء الكلاكلة بالبورد
Author: Ahmed El Gasim
Date: 01-10-2006, 02:11 PM
Parent: #171

[B]اخواني واهلي

كل عام و انتم و اهلنا جميعابالف بخير.
كوستا
بارك الله فيك وتحياتي لك و لاسرتك
احمد علي القاسم

Post: #173
Title: Re: نداء لابناء الكلاكلة بالبورد
Author: KOSTA
Date: 01-10-2006, 02:26 PM
Parent: #171

بعض ابرز اساتذة الكلاكلة شرق الابتدائية :

الاستاذ الناظر الفذ : مكاوى عثمان

مدير مدرسة الكلاكلة شرق الابتدائية لسنين عددا
من الكلاكلة قطعية .
كان استاذآ مهابآ، حازمآ ( فى غير ما قسوة ) ، مربيآ فاضلآ
كان يستخدم " المطرق " عند اللزوم ، و عندما ينادى على فرّاش المدرسة " عم عبدالله الذى تقوست ظهره بتقادم سنين خدمته بالمدرسة " يعرف الجميع ان هنالك " شقى " ستتم معاقبته بلا هوادة ....... و كنا نرأف لهذا " الشقى " من ويل ما ينتظره .
بالرغم من انه كان من الاقرباء لمعظم طلابه الا انه لا يجامل احدهم داخل فصول الدراسة او حتى فى فناء المدرسة . فاذا قابلهم خارج المرسة او فى احد المناسبات الاجتماعية رايته يتبسم فى وجوه طلابه و يفتخر بهم .
تخرج على يديه الكثير من الطلاب( منهم الآن بروفسيرات و اساتذة جامعات و اطباء و مهندسين و زراعيين و محاميين و محاسبين و اساتذة بمراحل التعليم المختلفة ) و الاساتذة ايضآ تعلموا منه فن الادارة و الحزم اللازمين لتسيير دفة التربية و التعليم بالمدارس فى ذلك الزمان الطيب .

لهذا المربى العظيم( رحمة الله عليه ) كل تحية و عرفان و ألف رحمة تنزل على قبره .

Post: #174
Title: Re: نداء لابناء الكلاكلة بالبورد
Author: KOSTA
Date: 01-10-2006, 02:37 PM
Parent: #173

الاستاذ مصطفى اجمد حسين
من الكلاكلة ضنقعت

هذا الاستاذ لم احظى بشرف تدريسه لى و لكنى عاصرت مجهوداته الخارقة و هو استاذ و مدير فى نفس الوقت لمدرسة الكلاكلة صنقعت الابتدائية فى الثمانينات .
آل على نفسه ان تتقدم المدرسة الصفوف الامامية فى نتائج الشهادة الابتدائية بالخرطوم سيما و ان الدفعة التى ستمتحن لذلك العام من المدرسة كانت هى اول دفعة .
بذل جهد خارق خاصة و ان المدرسة كانت جديدة و لم تكتمل بنيتها التحتية على الاخص فى جانب المعلمين .
قاد التدريس بنفسه و معه عدد قليل من المعلمين ( الاستاذ معاوية ابراهيم حامد و الاستاذ المرحوم حسب الرسول جادالله و الاستاذ اسماعيل )، صابروا و بذلوا جهدآخرافيآ .
كان الاستاذ مصطفى احمد حسين يتفقد طلابه الممتحنين للشهادة الابتدائية فى منازلهم فردآ فردآ ، و يناقش مع الطالب و اسرته ضرورة حصول ابنهم على مجموع عالى فى الامتحان .

لم تذهب كل هذه الجهود الضخمة ادراج الرياح . يوم ان ظهرت النتيجة بكى الرجل بكاءآ عظيمآ .... فقد احرزت مدرسته المرتبة الاولى على مستوى مدارس الخرطوم و بنسبة نجاح بلغت 100% .

تحية خاصة مفعمة بالوفاء و الامتنان لهذا الاستاذ العملاق و الذى ما يزال يؤدى رسالته التعليمية بكل تفانى و اخلاص .

Post: #175
Title: Re: نداء لابناء الكلاكلة بالبورد
Author: KOSTA
Date: 01-10-2006, 02:43 PM
Parent: #174

الاستاذ مصطفى الطاهر
من الكلاكلة صنقعت

مثله مثل الاستاذ مصطفى احمد حسين لم نتشرف بتدريسهم لنا ... و لكن و عقب انتهائنا من المرحلة الابتدائية كنا نسمع عنه و نرى افعاله و نسر لذلك كثيرآ .
كان يهتم بتدريس مادته اهتمامآ كثيرآ و لذلك كانت حصته محط انظار لطلابه و ينتظرونها بفارق الصبر .
تخرج على يديه العديد من الاجيال بالسودان و خارج السودان .
كان من الرعيل الاول للاساتذة السودانين الذين انتدبوا للعمل بسلطنة عمان ، و ترك ايضآ بصمة ناصعة للاستاذ الفذ الذى يعشق عمله و يتفانى فيه ... و لانه كان لاعب كرة ممتاز فقد كان لاعبآ فى نادى السيب الرياضى بالسلطنةفى نفس فترة اعارته للتدريس ... و لذلك و عند عودته فى اجازاته السنوية كان اصدقاؤه يطلقون عليه ساخر الدعابات : ( الى ثكناتك يا قابوس ).

بعد التقاعد ، ظل يمارس هواياته بعد ان استقر به المقام " و لا زال " بدولة الامارات العربية المتحدة و تتمثل فى : حب التجوال و السفر حول العالم ..، و لعب الشطرنج .
فى نهاية الثمانينات قام الاستاذ مصطفى برحلة حول العالم مع اسرته و ذلك باستخدام سيارته فى تلك الرحلة التى بدأها من الامارات و طاف بسيارته حول العالم و قد كتبت صحف الامارات عن ذلك كثيرآ و اجرت معه حوار شامل ( صحيفة الخليج الاماراتيه ) .

تحيات و امتنان من كل الاجيال للاستاذ مصطفى الطاهر .. لاعب الكرة الحريف و صاحب الهوايات و المواهب المتعددة

Post: #176
Title: Re: نداء لابناء الكلاكلة بالبورد
Author: KOSTA
Date: 01-10-2006, 03:27 PM
Parent: #175

الاستاذ الناظر / داؤد احمد هابش
من الكلاكلة صنقعت

وهو نوبى عريق من اقاصى الشمال ...هادى الطبع ، وقور و مربى من الطراز الاول .
كان يدرسنا مادة التربية الاسلامية ،
لا يستخدم العصا للضرب ... كانت له طريقة متفردة فى العقاب : يضع بين اصبعيك الاوسطين قلم رصاص ثم يضغط يديك بشدة و عندما تتألم قليلآ يسحب القلم ، و كأنه يعتذر لك عما سببه لك من ألم. و فى اغلب الاحايين كان عقابه لك خاصة ان لم تكن تحفظ الآيات و الاحاديث هو " وخزة " باليد على مؤخر الرأس ثم يتبعها بعبارة : " يخرب بيتك يا شيخة ".

زرت الاستاذ داؤد احمد هابش قبل سنين عديدة فى منزله بمحطة 6 بالكلاكلة صنقعت و كانت المناسبة وفاة كريمته .... لم ينسى ان يسألنى عن مجموعة كبيرة من الزملاء و بالأسم و سألنى ايضآ عن احوالهم .

لهذا الاستاذ العظيم اهدى باقة عطر و نسمة وفاء و متعه الله بالصحة و العافية.

Post: #177
Title: Re: نداء لابناء الكلاكلة بالبورد
Author: KOSTA
Date: 01-10-2006, 03:42 PM
Parent: #176

مازلت مع الناظر الفذ مكاوى محمد عثمان .

و نحن بالصف الثالث الابتدائى كانت لنا معه حصة " أعمال " او " فنون " بالمعنى الحالى .
و كانت تسمى اعمالآ لان التلاميذ فعلآ يقومون بالعمل بأيديهم ( اعمال طين ، اعمال ورق ، ..الخ ) ، و الشاهد ان حصة الاعمال مع استاذنا مكاوى كانت اعمال ورق .

وزّع الاستاذ مكاوى على كل طالب منا ورقة كبيرة مسطرة مربعات ( A3 ) ... ثم وزّع على كل منا بعد ذلك مقص جديد ( STAINLESS STEEL ) و قال لنا :
" لا اريد من اى طالب ان يفعل اى شئ قبل ان آذن لكم و سأشرح لكم فى البداية كيف تقومون بعمل فنى بهذا الورق و بواسطة المقص ، ... مفهوم يا اولاد ؟؟؟ "

الفصل جميعآ و بصوت عالى : " مفهوم يا استاذ " .

ثم بدأ يشرح شرحآ وافيآ ... و انا هنا بدأت اسرح مع المقص الجميل و الورق المخطط مربعات ... و زاد السرحان ثم بدأت استخدم المقص لقطع الورق " الطايع " و وجدت الامر ممتعآ و لذيذآ فلم اتوقف الا على صوت نهرة قوية من استاذ مكاوى :
" انت يا ولد هناك اقيف على حيلك ، جاك الهم " .
و تلفت الجميع الى حيث كان ينظر الاستاذ مكاوى و الكل يتمنى ان لا يكون هو المعنى بهذا التوجيه الخطير .
قام الطالب الذى كان يجلس امامى و قال و هو يؤشر بأصبعه على صدره : "انا يا استاذ ؟؟"
قال الاستاذ مكاوى : " لا ، الوراك ".
وقفت انا و قدماى لا تكادان تحملانى : "انا يا استاذ ؟؟ "
الاستاذ مكاوى : " ايوه انت ".
عقب ذلك التفت الاستاذ مكاوى للفصل و سألهم سؤال ( تقريرى ) :
" يا اولاد انا قلت ابدأو العمل ؟؟؟ "
اجاب جميع الفصل و بصوت جهورى عالى : " لا يا استاذ ".
مرة اخرى سأل الاستاذ : "انا قلت قصوا الورق ؟؟؟ "
و بنفس القوة اجاب الفصل بأجماع ( غير سكوتى ) : " لا يا استاذ ".
الاستاذ مكاوى موجهآ كلامه الىّ : "طيب انت القاليك قص الورق منو ؟؟"
طبعآ لم اقوى حتى على اخراج كلمة واحدة من فمى و لزمت الصمت الرهيب .
استاذ مكاوى مناديآ على عم عبدالله ( الفرّاش ) : " عم عبدالله "
حضر عم عبدالله مهرولآ برغم تقويسة ظهرة و فى سرعة لا تتناسب و سنه و ذلك لرهبته هو ايضآ من استاذ مكاوى : " نعم يا استاذ"
استاذ مكاوى : " جيب لى ( مطرق ) من النيمة بسرعة " .
و ذهب عم عبدالله مسرعآ لاحضار ( مطرق ) الدق الشامل .
و عدّت علىّ لحظات قبل حضور عم عبدالله اشبه بالسنين ، و زاد من رهبتى ان الفصل جميعه لا تكاد تسمع له حسآ.... ثم اننى تفكرت فى المصير الذى ينتظرنى و انفجرت بالبكاء المر .

كان يجلس بجانبى ابن عمى ( المهندس حيدر الشيخ نورالدين ) و كنا نلازم بعضنا اينما ذهبنا و علاقتنا حميمة لابعد الحدود ، فلما سمع بكائى و علم بمصيرى الاسود... لم يتمالك نفسه هو الآخر و انفجر باكيآ وسط دهشة الاستاذ مكاوى قبل دهشة بقية الفصل .

احضر عم عبدالله ( المطرق ) و استدعانى الاستاذ مكاوى للمثول امامه و امام الطاولة الخضراء الكبيرة التى تكون امام الفصل وفى واجهة السبورة و طلب منى ان ( انبطح ) على الطاولة .... عندها زاد بكائى بصورة مؤثرة .... و زاد بكاء ابن عمى من داخل الفصل تضامنآ روحيآ و معنويآ مع المحنة التى تمر بى جزاه الله خيرآ على ذلك .

جلدنى الاستاذ مكاوى حوالى خمس جلدات و لم تكن مؤلمة و يبدو انه قد تأثر جدآ لبكائى قبل الجلد .. و لكنى كلما نزل بى " سوط " و على برودته كنت ازيد من بكائى ليخفف الاستاذ مكاوى اكثر من وطأة الجلد .
عقب انتهاء مراسم ( الدفن ) اقصد ( الجلد ) نزلت من الطاولة و تيممت ناحية درجى الذى اجلس عليه وسط عيون ( حنينة ) كانت تتابعنى و ما زالت بقايا الدمع عليها ... انه ابن عمى حيدر .

و من يومها و لم اخالف اى استاذ فى اى توجيهات ... اللهم الا الآراء و و جهات النظر .

Post: #178
Title: Re: نداء لابناء الكلاكلة بالبورد
Author: Shalabi
Date: 01-18-2006, 09:54 AM
Parent: #1

الأعـزاء الغاليين ،،
تحياتي ،،،
الغالي أحمد القاسم ،،
شكر خاص للمبادرة بفتح بوست لسكان الكلاكلة ما يسهم في مزيد من التعارف و توثيق الصلات بين البورداب ..
أنا غايتو البوست ده ماشفتو إلا (حسي) .. أنا من سكان الكلاكلة صنقعت - حي الأسرة جوار مسجد صنقعت وسط (جامع العرب) محطة 12 ...
الأخ علي بطة ،،
تحياتي ،،
علي بطة .. القبة ... سوق ابودومة .. !!! إنت شقيق (عمر) و(أبوبكر) عبد المنعم خريجي الهند ؟؟؟
تحياتي للجميع ،،،،

Post: #179
Title: Re: نداء لابناء الكلاكلة بالبورد
Author: Ahmed El Gasim
Date: 01-19-2006, 04:31 AM
Parent: #178

الحبيب شلبي (العريس) النفض الكيس!
سلامات ليك وللعروسة ومبروك تاني في (بيتك)
مرحب بيك في بيتك الكلاكلة
والبوست دة الفضل لله وصاحب المبادرة الاخ طارق نقد الله سلام له وهو بين اهلنا في السودان ونتمني ليهو اجازة سعيدة
اخي كوستا
واصل....سلامي للاسرة
باشمهندسين: زاهر احمد سليمان وعمر الدرديري بطلوا (متاوقة)من بعيد اتفضلوا مرحب بيكم!
لكم التحايا

Post: #181
Title: Re: نداء لابناء الكلاكلة بالبورد
Author: mo
Date: 01-19-2006, 08:50 PM
Parent: #179

(النوبيون جعلوا من الكلاكلات وطنا آخر بعد ان طردتهم ارض النوبة المحاصرة من كل اتجاه.. أنا من لاجئى ومشردى منطقة حلفا فى الكلاكلات.. ويشرفنى ان اكون معكم فى نادى بورداب الكلاكلة...)

فأنا من هؤلاء الذين عناهم الاستاذ نور الدين منان ..يعني من الكلاكلة شرق حيث أقيم واسكن مهاجرا أليها من النوبة الشمالية .. والرحيل مابختياري

Post: #182
Title: Re: نداء لابناء الكلاكلة بالبورد
Author: saadeldin abdelrahman
Date: 01-20-2006, 01:14 AM
Parent: #1

..الــقـــــوووووووومـــــــة ليـــــــك يـا وطـــــنـــــي !

احبك يا وطـنــي
اريـــدك يـا وطـنـي!

Post: #183
Title: Re: نداء لابناء الكلاكلة بالبورد
Author: saadeldin abdelrahman
Date: 01-25-2006, 08:39 PM
Parent: #1

كرة قدم على شاطئ الكلاكلة القبة... Algobba Beach
الإهداء : لكل اهلنا بالجزيرة بإستثناء اخونا (زمان) ابقوتة
وكل الما بتعجبو الكلاكلة وناسا!

Post: #184
Title: Re: نداء لابناء الكلاكلة بالبورد
Author: saadeldin abdelrahman
Date: 01-25-2006, 11:20 PM
Parent: #183

أنا فيـك عشقت الروعة مـا احلاها فـي الدل والدلال
والمعـانـي الراااسمة نور اشراقة فـي عين التلال (احتلال)
وابتسـامتـك لما تأسر قلبي تحكـي عـن المحـالــــــ
تحـكي عن شوقك اليـا تحكــي عـن بعـد الوصـال
يا (ربوع) الدنـيا!

التحية لنصف القمر الأستاذ/ عثمان حسيـن مدالله في عمره
وخالدته (يا ربيـع الدنـيـا)

Post: #185
Title: Re: نداء لابناء الكلاكلة بالبورد
Author: KOSTA
Date: 01-30-2006, 01:30 PM
Parent: #184

الاخوة ابناء الكلاكلة الاوفياء
الاخ سعدالدين عبدالرحمن

لكم التحايا و الاشواق

آسف لغيابى القسرى عن هذا البوست الرائع و الشجى و لكن كان ذلك لظروف خاصة بجهاز الكمبيوتر و الحمد لله استتب الأمن الآن .

وصلتنى عبر الايميل رسالة ذكريات عبقة من الزميل و الاخ العزيز احمد دودو و هو دفعة اعتبارآ من الصف الرابع الابتدائى و حتى الثالث الثانوى ( دراسيآ ) ، و زميل حياة و سكن و غربة و كفاح حتى تاريخه ( يحلنا الحلا بله من القيد و المذله ) . و لى عودة لرسالة الأخ احمد دودو لاحقآ .‍

" ذات يوم ونحن فى الصف السادس دخل علينا الفصل الاستاذ الزين على عمار والشرر يتطاير من عينيه كالعادة وقام بتدريسنا إحدى السور فى الحصة الاولى وقال أن التسميع سيكون فى الحصة الخامسة من نفس اليوم ، وسيكون هنالك عقاب رادع لغير الحافظين ، فإسودت الدنيا امامنا خاصة بأنه ليس هنالك أي مجال لتدعيم جنوب الجسد ببعض القوات من كراتين ومخدات وخلافه كما كان يحدث وعلى الفور أعلنا حالة الطواريء وضحينا بالطبع بالفطور وانزوى كل طالب بكتاب الدين فى ركن قصي ، ولم نكتفي طبعا بالحفظ فقط ولكننا دعمناه أيضا بآية الكرسي والمعوزتين لكي يمر اليوم على خير رغم أن كل الدلائل كانت تشير الى غير ذلك ، وفي اللحظة الحاسمة أتى الزين ومعه كوكبة من نجوم الجلد بالمدرسة بقيادة الاستاذ عبدالله النور (رحمه الله) الذي كان يمارس الجلد مصدرا بعض الاصوات بصوته الجهوري (أرح) ، واتوا بكل أسلحة الدمار الشامل في ذلك الوقت من صوت عنج ونيم ولا أحسب أن هنالك نيمة لم تقوم بارسال مندوب لها فى ذلك اليوم المشهود ، وتحين ساعة الصفر ويعلن الزين وهو بالكاد يظهر من خلف ترسانة الاسلحة جملة كانت كافية بان يخرج معظم الفصل ويقفون خلف الاساتذة وأصبح المشهد مثل كورال معهد الموسيقى وكانت الجملة (الما حافظ يطلع برة من هسع) ، وعندما كررها للمرة الثانية مضيفا بان العقاب سيكون مضاعف للمصرين بأنهم حافظين إذا ثبت العكس ، وعندها خرج باقي المعظم العاقلين الا خمسة أو ستة أشخاص للاسف كنت واحدا منهم ، وبدأ التسميع بشخصي الضعيف جدا آنذاك وبدأت بصوت مرتجف مغلوب على أمره أمام نظرات الزين والتي تضاهي نظرات صدام حسين للشهود هذه الأيام وهذا الجمهور الكبير الذي أمامي وبينهم بعض القيادات التى نكن لها كل تقدير خاصة بعد الانتخابات التى اجريت قبل هذا اليوم بأيام قلائل وكان موضوع التصويت أيهما أسرع (تيمس العركي أم الانترناش ) وكان يقود الحزب الاول حامد محمد علي والثانى صديقي العزيز الرائع حاتم سرالختم والذي رغما عن قناعتي التامة آنذاك بأن باص حلتنا هو الاسرع الا أنه مارس علينا ضغوطا مكثفة لكي نقف فى صفه وقد كان ، وحتى هذه اللحظة لم تعلن النتيجة ، المهم وصلت لاحدى الآيات وقلت " والذي بدلا عن الذي " وهنا صرخ الزين صرخة مدوية قائلا كمان بتزيد فى القرآن ، فأيقنت لحظتها بخطورة موقفي وسأحاكم بجريمتين بدلاعن واحدة بعدم الحفظ والتزوير كمان وبالفعل تم إيقافي بمكان خاص بعيدا عن الآخرين ، فقلت فى نفسي ماكان أحسن أطلع مع الجماعة الا أنني جازفت على طريقة من سيربح المليون ورجعت للالفين ريال ، وإنهالت بعدها الأصوات والأنامل على أجسادنا الهزيلة المدعومة بسلطة الاسود من كشك عم الهاشمي وشوية نبق ودوم لزوم التحلية وأحسب بأننا جميعا نمنا واقفين تلك الليلة كما أجزم بأننا فقدنا الاحساس منذ ذلك التاريخ واصبحنا لا نكترث لاي شىء والدليل ما نحن عليه الآن ، المهم ظللنا على تلك الحال ولم نتنفس الصعداء الا بعد حدوث ثورة دكين ولاداعي للتفصيل لدواعي ألامن والسلامة .

أحمد محمد احمد هاشم "

Post: #186
Title: Re: نداء لابناء الكلاكلة بالبورد
Author: KOSTA
Date: 01-31-2006, 02:42 AM
Parent: #185

شكرآ صديقى احمد على هذه السياحة عبر حوالى 30 عامآ مضت
الزين على عمار ( حجاج مدرسة الكلاكلة شرق الابتدائية ) و مرعب تلاميذها و اساتذتها الافاضل .... رحمه الله حيآ كان ام ميتآ ...فقد مارس علينا ارهاب ( المدرسة ) على وزن ارهاب ( الدولة ) ... و لو كانت هنالك منظمات مجتمع مدنى ( ناشطة ) فى تلك الفترة لتم ايقافه عن الادارة و التدريس بالمدرسة و لتم تقديمه لمحكمة العدل الدولية فى لاهاى من بعد ذلك ...

المساجلات التنافسية بين الطلاب فى تلك الفترة كانت تبعث بالكثير من الحيوية و الحماس لدى الطلاب و تكسر حاجز التوتر الناشئ من الاحساس بالارهاب الممارس ضدهم من مدير المدرسة .. و على ذلك فقد كانت تلك المساجلات على بساطتها تمثل متنفس لا باس به لطلاب الفصلين الخامس و السادس الابتدائيين على وجه الخصوص فى تلك الفترة .
و اذكر ان ثلاثة من العمالقة عندنا بالمدرسة كانوا دائمآ ما يتنافسون فى حصة الفطور فى ايهما يلتهم اعدادآ اكبر من الساندوتشات فى فترة زمنية قصيرة ، و كان بقية الطلاب يشاهدون هذا التنافس بكل شغف و حماس و بتشجيع منقطع النظير لايجده حتى منتخبنا القومى ( البائس ) ... وكان هؤلاء الثلاثة هم :
سيد الحاج
عبدالوهاب رضوان
حامد محمد على ..
و اذكر ان الغلبة كانت دائمآ ما تكون للاخ سيد الحاج و ذلك لتمرسه و خبرته الواسعه فى التهام الساندوتشات بانواعها و اطوالها و دسامتها المختلفة و كذلك لتمتعه بفم واسع و مرن .. ، و لو كان برنامج ( تلى ماتش ) الألمانى الشهير متواجدآ فى تلك الفترة لفاز فيه هذا الفتى ( لا فض فاه ) بالعديد من الجوائز .

ترى اين هو سيد الحاج الآن ؟؟

Post: #187
Title: Re: نداء لابناء الكلاكلة بالبورد
Author: عصام الطيب حسن
Date: 01-31-2006, 10:10 AM
Parent: #186

الاخ كوستا

تحياتى لك و للاخ الزميل اسامة محمد نور الدين و للاخ محمد الدرديرى زملاء الكفاح الثانوى

أرجو ان تشمل السيرة العطرة التى تدونها لرجالات التعليم المغفور له باذن الله الاستاذ عيسى الحاج على و هو من رجالات التعليم و الذى خدم الكلاكلات بكل تفانى و اخلاص جعلها الله فى موازين حسناته

و كذلك الاستاذ / محمد خير قرشى والد صديقى الاخ عبود محمد خير

و لك تحياتى

Post: #188
Title: Re: نداء لابناء الكلاكلة بالبورد
Author: KOSTA
Date: 01-31-2006, 02:03 PM
Parent: #187

الاخ عصام

لك التحايا

يبدو انك دفعة اخى اسامة و ابن عمى محمد الدرديرى فى النيلين الثانويةالتجارية .. و سيصل سلامك اليهما باذن الله .

الاستاذ عيسى الحاج على من الاساتذة الذين تركوا بصماتهم واضحة على العديد من طلاب الكلاكلات و ذلك لتفانيه فى عمله و اخلاصه و لحبه لابناء الكلاكلات عمومآ و لحبه للمنطقة و اهلها.. و لقد تناولت سيرته العطرة فى بوست بعنوان : ( الى استاذى مع اعتزازى ) و ان شاء الله عند التطرق الى الحديث عن مدرسة الكلاكلة المتوسطة سنعيد سيرة الاستاذ المرحوم عيسى الحاج على مرة اخرى و بالتفصيل و بما يستحقه من الوفاء و التبجيل .

الاستاذ محمد خير قرشى حقيقة لم اتشرف بتدريسه لى و ان كان ابنائه الكرام عبود و د. عادل من الاصدقاء الذين نعتز بصداقتهم و معرفتهم ... و ارجو ان يتم تناول سيرة هذا الاستاذ من قبل طلابه الذين تتلمذوا على يديه و لابد انهم كثر ..مع تحياتى للاستاذ محمد خير و لابنائه الكرماء.

و التحايا من بعد لك ياخ عصام.

Post: #189
Title: Re: نداء لابناء الكلاكلة بالبورد
Author: KOSTA
Date: 02-01-2006, 11:34 AM
Parent: #188

الاخ سعدالدين عبدالرحمن

صورة رائعة حقآ لشاطئ النيل على الكلاكلة القبة
و يا ما لعبنا على هذه الرمال الجميلة
و يا ما تاهت خيالاتنا فى شواطئ النيل الخالد

هل من عودة هل ؟؟؟؟

Post: #190
Title: Re: نداء لابناء الكلاكلة بالبورد
Author: KOSTA
Date: 02-02-2006, 03:23 PM
Parent: #189

كان امتحان الشهادة الابتدائية فى مركز جبل اولياء حينها
و كانت مدرستى الكلاكلة شرق و الكلاكلة غرب الابتدائتين هما مركز المركز و قلبه النابض
و كانت اول مرة تلتقى فيه المدرستان على رحاب الخزان الجميل
و كانت اول مرة نرى زملاؤنا فى الكلاكلة غرب الابتدائية .. و لم نكن ندرى انه ستجمعنا بهم مدرسة واحدة بعد عدة اشهر
و كانت النتيجة مدهشة.... اكتساح كامل شامل للمراكز الاولى مناصفة بين المدرستين و لم تنافسهما اى مدرسة من مدارس المركز الاخرى .... و تقريبآ اكثر من 90 بالمائة من الممتحنين قد نجحوا و اجتازوا الابتدائى عبورآ للمتوسط .

و تقابلنا مجددآ فى مدرسة الكلاكلة المتوسطة ......... عالم آخر من الذكرى المختلطة
و سنعيد تقاسيم ملامحها معآ..... ،

Post: #191
Title: Re: نداء لابناء الكلاكلة بالبورد
Author: Ahmed El Gasim
Date: 02-02-2006, 05:00 PM
Parent: #190

[B]
Quote: أرجو ان تشمل السيرة العطرة التى تدونها لرجالات التعليم المغفور له باذن الله الاستاذ عيسى الحاج على و هو من رجالات التعليم و الذى خدم الكلاكلات بكل تفانى و اخلاص جعلها الله فى موازين حسناته

انا لله وانا اليه راجعون
رحم الله استازنا عيسي الزي لم بوفاته الا منك اليوم اخي عصام !!والعزاء لاخوانه استاز بلال الحاج علي و صديقي باشمهندس كامل الحاج علي ولاسرته وتلاميزه بالكلاكلة وابوقوتة
وانا لله وانا اليه راجعون ولا حول ولا قوة الابالله العلي العظيم
احمد علي القاسم

Post: #192
Title: Re: نداء لابناء الكلاكلة بالبورد
Author: KOSTA
Date: 02-03-2006, 07:04 AM
Parent: #191

احمد القاسم

تحياتى

كل المغفرة و الرحمة للاستاذ الفاضل المرحوم عيسى الحاج على
لافراد اسرته و لاخوانه العزاء و السلوان.
مثلك لم اعلم بوفاة المرحوم الا مؤخرآ .

تحياتى للاسرة و لعاطف و لشكسبير

Post: #193
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 02-03-2006, 12:39 PM
Parent: #192

التحيه لكل أبناء الكلاكلات بمختلف سحناتهم و مناطقهم التي جاءوا منها ..الكلاكلات صورة مكبرة للوطن الكبير.

Post: #194
Title: Re: نداء لابناء الكلاكلة بالبورد
Author: Ahmed El Gasim
Date: 02-04-2006, 05:34 AM
Parent: #193

الاخ د سيف النصر
اخي الاصغر واظنه زميل دراسة لك عاطف علي القاسم يبلغلك التحايا وبيقول ليك اتواصل معه علي البريد

[email protected]

لك التحايا

Post: #195
Title: Re: نداء لابناء الكلاكلة بالبورد
Author: KOSTA
Date: 02-04-2006, 01:57 PM
Parent: #194

الفرق الرياضية بالكلاكلة صنقعت

فريق السهم الرياضى بالكلالكة صنقعت وسط

اقدم فرق المنطقة و اعرقها ، تأسس قبل الاستقلال فى 1955 م و ذلك عند بناء و تكوين نادى الكلاكلة صنقعت فى ذلك العام او قبله بقليل .
كان للنادى ميدان فى منطقة حى العودة الحالية ... بعدها و فى نهاية الستينات تحول الميدان الى موقعه الحالى فى صنقعت شرق فى حى الصفا.
للفريق صولات و جولات عديدة مع فرق المنطقة و فرق الكلاكلات و فرق روابط الديوم و جبره و العشره و الشجرة و العزوزاب و كان يمتاز بلعب الكرة الجميلة .
ويمتلك الفريق نخبة من النجوم الرائعون اشهرهم : المرحوم احمد عبدالرحمن حارس المرمى المشهور و الذى لعب لفريق الاهلى العاصمى ، و الحارس العملاق هجو الطاهر و الذى لعب لفريق المريخ العاصمى ، و اللاعب الشهير سليمان محمود و الذلى لعب لفريق هلال بورتسودان
و شقيقه اللاعب الفنان درة ملاعب الكلاكلات عثمان محمود و الذى رفض التسجيل للعديد من الفرق الكبرى .. كذلك اللاعب الاستاذ مصطفى الطاهر و الذى لعب اثناء اغترابه بفريق السيب الرياضى فى سلطنة عمان و كان من اللاعبين السودانيين المبرزين بالسلطنة و كان دايمآ ما تنشر اخباره و صورته فى الصحافة العمانية خاصة فى النصف الثانى من السبعينات . ... و زامله ايضآ فى اللعب للفرق العمانية اللاعب المهندس الفاتح نورالدين .
و من اللاعبين ايضآ : على مضوى و حامد البلولة و اللذيين لعبا لفريق وادى النيل ( درجة تانية ) بالخرطوم و كذلك اللاعب عمر سليمان .. و من الاجيال اللاحقة عبدالمنعم الطيب و الذى لعب لفريق الموردة و الحارس محمد ابا و الذى لعب ايضآ لفترة فى فريق الموردة... كذلك لاعب اشبال المريخ المشهور ياسر بستم .

فى بداية التسعينات تم تسجيل فريق الكلاكلة صنقعت ضمن فرق الدرجة الثالثة بولاية الخرطوم و قد حقق الفريق فى بداياته نتائج ممتازة و لكن مؤخرآ تدهور مستوى الفريق كثيرآ و اعتقد انها فرصة طيبة و من خلال هذا البوست ان ندعم هذا النادى العريق ليتبوء مكانته اللايقة به .

Post: #196
Title: Re: نداء لابناء الكلاكلة بالبورد
Author: KOSTA
Date: 02-07-2006, 01:54 PM
Parent: #195

فريق الحرية الرياضى بحى الجمعية الخيرية

من الفرق التى تأسست فى السبعينات و هو فريق قوى و يعتبر الند التقليدى لفريق السهم و كانت مبارياتهما تتسم بالندية و بروعة الاداء و بالتنافس الشريف و كان الجمهور يحضر مبكرآ لحضور اى لقاء يجمع الفريقين .
من ابرز اللاعبين بفريق الحرية سعيد دهب ، محمود خيرى ، ابوالقاسم خيرى ، محمد امام ، سهيل ، المهندس عبدالكافى ، عادل و آخرين لا تسعفنى الذاكرة لذكرهم .
لفريق الحرية نادى هو نادى الجمعية الخيرية بمحطة 11 و ما زال النادى يؤدى رسالته و لكن اعتقد ان نشاط فريق الحرية ما عاد مثل الاول و اعتقد اهن هجرة معظم لاعبيه و اداريه للخارج اثر كثيرآ فى مسيرة الفريق و ذلك مثلما حدث تمامآ لفريق السهم .
نتمنى ان ترجع الطيور المهاجرة لاوكارها و تعيد النشاط الرياضى الرائع الذى كانت تتمتع به الكلاكلة صنقعت .

Post: #197
Title: Re: نداء لابناء الكلاكلة بالبورد
Author: KOSTA
Date: 02-08-2006, 02:04 PM
Parent: #196

مدرسة الكلاكلة المتوسطة بنين

تأسست بالعون الذاتى المشترك فى عام 1968 و قد كانت فى البداية فى منزل الشيخ احمد الهاشمى دفع الله بالكلاكلة قطعية و الذى تبرع بهذا المنزل لتؤسس عليه المدرسة لحين تشييد مبانيها الحالية .
ثم انتقلت بعد ذلك فى بداية السبعينات الى منزل الضو محمد خالد و الذى استمرت المدرسة فيه لشهور كانت خلالها مبانيها الحالية قد اكتملت او شارفت على الانتهاء حيث اذكر اننا قد بدأنا العام الدراسى الاول لنا فيها بمنزل الضو محمد خالد ثم قبل نهاية العام انتقلنا الى مبانى المدرسة الحالية على طريق الخرطوم جبل اولياء ( حاليآ و قبل فترة ليست بالقصيرة تحولت المدرسة المتوسطة الى مدرسة الكلاكلة الثانوية ) .
و قد كانت اللجنة التى قامت مشكورة بتشييد المدرسة بالعون الذاتى تتكون من :

عبدالله جاد الله عبدالله رئيس اللجنة
مصطفى نورالدائم سكرتير اللجنة
الاستاذابراهيم حسين التيجانى عضوآ
عبدالرحمن الجاك عضوآ
الجاك الطاهر خوجلى عضوآ
عباس عبدالحفيظ عضوآ
عبدالرحمن ابراهيم هجيو عضوآ
الضو محمد خالد عضوآ
النعيم محمد بابكر عضوآ
سليمان يحى عووضة عضوآ
ابراهيم احمد حسب الرسول عضوآ

جزاهم الله خيرآ جميعآ و لمن مات منهم عليه الف رحمة فقد شيدوا لنا هذا الصرح العظيم بالجهد و المال و العرق و بالعون الذاتى .

و منذ تأسيسها نشأت هذه المدرسة عملاقة و كانت مدرسة نموذجية بكل ما تحمل هذه الكلمة من معانى ... و سنتناول انشطتها الاكاديمية و الادبية و الثقافية بالتفصيل خلال هذا البوست ... كما سنستعرض سيرة بعض من اساتذتها الاجلاء ..

Post: #198
Title: Re: نداء لابناء الكلاكلة بالبورد
Author: KOSTA
Date: 02-09-2006, 12:09 PM
Parent: #197

نادى الاخوة بصنقعت شرق

كان هذا النادى من الاندية التى انشئت فى السبعينات تقريبآ
و كان به لاعبين اشاوس امثال صلاح محمد صباح ، الحارث و جماع و الحارس الشهير المهندس يوسف ...... و بسفر و رحول عدد كبير من لاعبى النادى و اداريه اعتقد انه قد توقف هذا الفريق .

Post: #199
Title: Re: نداء لابناء الكلاكلة بالبورد
Author: KOSTA
Date: 02-09-2006, 12:16 PM
Parent: #198

نادى الهلال بحى ترهاقا

من الاندية المشهورة فى حى ترهاقا و رابطة صنقعت
حقيقة لا ادرى متى نشأ بالظبط لكن اعتقد فى نهاية السبعينات و بداية الثمانينات
من لاعبيه : احمد دودو ، و عزيز
ارجو ان يمدنا اخونا احمد دودو بمعلومات اوفر عن هذا الفريق .

Post: #200
Title: Re: نداء لابناء الكلاكلة بالبورد
Author: KOSTA
Date: 02-09-2006, 12:20 PM
Parent: #198

فريق السلام بحى السلام بصنقعت ( محطة 17 )

من الفرق التى انشئت فى منتصف السعينات و كان لهم ميدان بمحطة 17 قبل سوق محطة 17
من ابرز لاعبيه المحامى محمد عبدالوهاب ، انور عابدين ، بهاءالدين ، محمود اسماعيل
و قد لعب الفريق فى روابط صنقعت و الوحدة و قطعية .

Post: #201
Title: Re: نداء لابناء الكلاكلة بالبورد
Author: KOSTA
Date: 02-10-2006, 08:22 AM
Parent: #200

مدرسة الكلاكلة الثانوية العامة ( المتوسطة )

تم توزيعنا عقب ظهور نتائج الشهادة الابتدائية بهذه المدرسة العريقة و وقتها كانت تسمى المدارس المتوسطة بالثانوية العامة . .. اقول تم قبولنا بهذه المدرسة و كان جل طلابها من مدرستى الكلاكلة شرق و الكلاكلة غرب الابتدائيتين ... مع عدد قليل من طلاب الكلاكلة القلعة الابتدائية و عدد اقل من طلاب مدارس الشجرة الابتدائية .

درسنا الصف الاول ( النصف الاول منه ) عندما كانت المدرسة مستأجرة فى منزل الضو محمد خالد بقطعية ..، و قد كان الصالون الكبير فى ذاك المنزل الرائع هو الفصل الذى بدأنا به حياتنا الدراسية المتوسطة و ذلك لكبر عدد المقبولين فى ذلك العام ، بينما كان عدد الطلاب القدامى بالصفين الثانى و الثالث فى فصول اقل سعة... و قد كانت هذه الدفعة تتكون من :

من الكلاكلة شرق الابتدائية :

فتحى عبدالله حسن
صلاح شاطر محمد فرح
احمد محمد احمد هاشم
صديق محمد نورالدين
محمد عبدالله محمد سعيد
فتح الرحمن عبدالله حمد
الهادى عوض عبدالحليم
فيصل محجوب طاهر
عويس عثمان عويس
المرحوم / عادل ابوالعلا محمد
عوض صالح عبدالحليم
عزالدين حمد ابراهيم
عبدالصادق بابكر سراج الدين
عزالدين عبدالماجد
عبدالوهاب رضوان
عثمان عمر محمد
صلاح عبدالرحمن سعيد
حاتم الخير
عبدالمنعم احمد عبدالكريم
صلاح احمد عمر عمراب
صالح محمد احمد صالح

من الكلاكلة غرب الابتدائية

المرحوم / معاوية الشيخ مضوى
ابوشرا محمد الشيخ
فتحى عبدالله اسماعيل
محمد يعقوب ابراهيم
مكى عبدالفتاح
سايرين مصطفى
عادل عبدالرحمن
بدرالكمال على
منير شكرالله احمد
ازهرى مختار
الجيلى محمد خالد
ابوشرا محمد حمد
قمر الدولة الفكى
منير جادالله رحمة
محمد الامام الفضل
الجيلى نورالدائم
عبدالمنطلب ابراهيم
محمد الملك

من الكلاكلة القلعة الابتدائية

عاطف احمد الامين
المرحوم الشاعر / عمر كرار الدرديرى

من الشجرة الابتدائية

ادريس ..... و جمال..... ( لا اتذكر الاسماء كاملة فالمعذرة ).

من مدارس اخرى او منقولين :

محمد طه الياس
شمس الدين مكى ابراهيم ( منقول من عطبرة )
حمزة بشير
احمد حسن
عبدالرحمن الامام
المرحوم محمد بابكر

Post: #202
Title: Re: نداء لابناء الكلاكلة بالبورد
Author: KOSTA
Date: 02-11-2006, 02:40 PM
Parent: #201

فريق العودة بحى العودة بصنقعت غرب

تكون فى نهاية السبعينات و كان هذا الفريق يلعب فى روابط الكلاكلات كثيرآ خاصة فى فترة الثمانينات و بداية التسعينات من لاعبيه : سراج و رمضان دريا ... عادل عنكل ايهاب و امير و ابراهيم حبشى الكوتش على ... و آخرين

Post: #203
Title: Re: نداء لابناء الكلاكلة بالبورد
Author: KOSTA
Date: 02-11-2006, 03:26 PM
Parent: #202

نادى اتحاد الوحدة - الكلاكلة الوحدة

من الفرق العريقة بالكلاكلة الوحدة و هو فريق قوى جدآ و كان مهابآ فى كل الروابط خاصة فى رابطة الوحدة ... اعرف من لاعبيه : احمد صغيرون و قرعم

Post: #204
Title: Re: نداء لابناء الكلاكلة بالبورد
Author: Ahmed El Gasim
Date: 02-12-2006, 03:06 PM
Parent: #203

Quote: :

فتحى عبدالله حسن
صلاح شاطر محمد فرح
احمد محمد احمد هاشم
صديق محمد نورالدين
محمد عبدالله محمد سعيد
فتح الرحمن عبدالله حمد
الهادى عوض عبدالحليم
فيصل محجوب طاهر
عويس عثمان عويس
المرحوم / عادل ابوالعلا محمد
عوض صالح عبدالحليم
عزالدين حمد ابراهيم
عبدالصادق بابكر سراج الدين
عزالدين عبدالماجد
عبدالوهاب رضوان
عثمان عمر محمد
صلاح عبدالرحمن سعيد
حاتم الخير
عبدالمنعم احمد عبدالكريم
صلاح احمد عمر عمراب
صالح محمد احمد صالح

من الكلاكلة غرب الابتدائية

المرحوم / معاوية الشيخ مضوى
ابوشرا محمد الشيخ
فتحى عبدالله اسماعيل
محمد يعقوب ابراهيم
مكى عبدالفتاح
سايرين مصطفى
عادل عبدالرحمن
بدرالكمال على
منير شكرالله احمد
ازهرى مختار
الجيلى محمد خالد
ابوشرا محمد حمد
قمر الدولة الفكى
منير جادالله رحمة
محمد الامام الفضل
الجيلى نورالدائم
عبدالمنطلب ابراهيم
محمد الملك

من الكلاكلة القلعة الابتدائية

عاطف احمد الامين
المرحوم الشاعر / عمر كرار الدرديرى

من الشجرة الابتدائية

ادريس ..... و جمال..... ( اتذكر الاسماء كاملة فالمعذرة ).

من مدارس اخرى او منقولين :

محمد طه الياس
شمس الدين مكى ابراهيم ( منقول من عطبرة )
حمزة بشير
احمد حسن
عبدالرحمن الامام
المرحوم محمد باب

من
هزه الدفعة النيرة ازكر اخونا د فتحي عبد الله وكان دوما يشجعنا علي القراية ورد الله غربته بايرلندة حيث يعمل الان ووفقه الله.
والاستاز مكي التوم رحمة الله كان يدرسنا اللغة الانجليزية ونحن علي اعتاب الشهادة السودانية وكان وقتها طالبا باقتصاد جامعة الخرطوم
والمهندسين(طلاب الهندسة ايامها)ابشرا محمد الشيخ وسيف الدين الطيب موسي فلهم منا كل تقدير واحترام وابلغ التحايا اينما كانوا.
ومن الزين عرفتهم في الجامعة الرجل السنير الحلو المعشر م. الجيلي محمد خالد و الظريف ازهري مختار جاد الله وحيدر الشيخ نور الدين و صديقي ورفيقنا في الهند الرحوم د. معاوية الشيخ مضوي وله الرحمة والغفران.
ولن انسي الرجل الزي ترك بصمات حبه معنا ورحل !! الاخ الحبيب المرحوم عادل ابو العلا له الرحمة ولنا الصبر والسلوان
اخونا شمس الدين ود المكي ابراهيم ود حاج علي له التحايا بابو ظبي

كوستا
انا ما دفعتك بس عرفت كتيرين وحبيت احفر معاك شوية
وارفع البوست الجميل
لك الحب كلاكلاتنا

Post: #205
Title: Re: نداء لابناء الكلاكلة بالبورد
Author: KOSTA
Date: 02-14-2006, 06:24 AM
Parent: #204

الاخ احمد على القاسم

لك التحايا

هذه الدفعة من اميز الدفعات و كما سنرى قيما بعد فى هذا البوست الى اين وصل هؤلاء النبلاء فى مسيرة حياتهم العملية .... و احببت ان يكون السرد متسلسلآ من الابتدائى و حتى الثانوى و من ثم نوضح تخصصات و مهن المتخرجين من هذه الدفعة النيّرة و لذلك تلاحظ للآن اننى لم اضع اى لقب علمى امام اى من طلاب هذه الدفعة الى ان ينتهى التوثيق المتسلسل لها ..... و اتمنى لو يقوم كل واحد منا بالتوثيق لدفعته و لو باختصار و يوضح اين هم الآن و ما مناصبهم او القابهم العلمية و القصد ان يتم التواصل و معرفة الاخبار بين هذه الاجيال عبر هذا البوست التوثيقى الذى قد لا يتكرر مرة اخرى .... و من هنا ادعو الجميع للمساهمة بالتوثيق و التواصل بين ابناء احياء الكلاكلات المختلفة و فى كل المجالات الحياتيه.

Post: #206
Title: Re: نداء لابناء الكلاكلة بالبورد
Author: KOSTA
Date: 02-15-2006, 12:39 PM
Parent: #205

مدرسة الكلاكلة المتوسطة - ( المبانى ) :

اول ما تم انشاء هذه المدرسة كانت مبانيها تتكون من ثلاثة فصول مبنية من الشرق للغرب و هى تقع فى منتصف فضاء المدرسة العريض و على بعد حوالى عشرين متر فى اتجاه الشمال من تلك الفصول كانت تقع مكاتب الاساتذة و هى ايضآ مبنية فى اتجاه الشرق و الغرب ... و قد كانت الفصول على شكل مبنيين بينهما فرندا فى الوسط .... و فى اقصى الجزء الشمالى الغربى من المدرسة كان البوفيه و فى و سط الجزء الجنوبى لسور المدرسة كانت دورات المياه .
كانت المدرسة تطل على شارع الخرطوم جبل اولياء من الجهة الغربية و تلك البوابة الرائعة و التى تنام على اعلاها لافتة رائعة بخط جميل تحمل اسم المدرسة . من الجهة الجنوبية للمدرسة كانت محكمة الكلاكلة الجزئية و من الجهة الشرقية كان ميدان رابطة الكلاكلة قطعية ، اما من الناحية الشمالية فكان فى ذلك العهد فضاء واسع يصل الى مزرعة سعد بحر ( صار هذا الفضاء الشمالى الآن : المبانى الفخمة لمحلية الكلاكلات ) .
تم زراعة اشجار بطول مدخل المدرسة و الى بداية الفصول و تمر من امام مكاتب الاساتذة .
بعد فترة من بناء المدرسة تم انشاء ميدان الكرة الطائرة و ذلك فى الفضاء الواقع شمال الفصول و على الجهة الشرقية للمدرسة و اذكر ان من اميز لاعبى هذه اللعبة الزميل عصام مزمل و هو شقيق استاذنا بالمدرسة الابتدائية طه مزمل .
بعد سنوات من بدء الدراسة بهذه المدرسة العريقة تم انشاء ثلاثة فصول اضافية اخرى و ذلك نسبة للتوسع فى اعداد الطلاب المقبولين بها و اصبحت المدرسة تستوعب طلاب الكلاكلات جميعها بالاضافة للعزوزاب و الشجرة و الدخينات و حتى طيبة الحسناب ، كما تمتعت المدرسة بسمعة اكاديمية رفيعة على مستوى المدارس المتوسطة بالعاصمة .

Post: #207
Title: Re: نداء لابناء الكلاكلة بالبورد
Author: KOSTA
Date: 02-15-2006, 12:55 PM
Parent: #206

مدرسة الكلاكلة المتوسطة ( الاساتذة ) :

الاستاذ حسين ابراهيم التيجانى

مدير مدرسة الكلاكلة المتوسطة منذ انشائها
مربى فاضل و استاذ مطبوع عالى الاخلاق و متفهم لمهنته.
و هو مع مهامه الادارية الجسيمة كان مدرسآ للغة الانجليزية .
لا ازال اذكر اول حصة لللغة الانجليزية مع هذا الاستاذ
كان جميع الطلاب بالفصل فى تشوق عارم لاول تجربة لهم مع اللغة الانجليزية خصوصآ و هم القادمون من الابتدائى و لا يعلمون من هذه اللغة الا الاسم .

و حين دخول الاستاذ للفصل قام جميع الطلاب فى همة و نشاط و ابتسامات عريضة تعلو الوجوه
بعد ان اذن لهم الاستاذ بالجلوس ، بدأ فى تقديم الدرس الاول لللغة الانجليزية و لم يكن يتحدث باللغة العربية قط الا فيما ندر و للضرورة فقط.
كان له اسلوب اخاذ فى نطقه لحروف و مخارج كلمات اللغة الانجليزية
كان عندما ينطق : Now , listen please carefully او عندما ينطق حرف ال "O" تخال نفسك تستمع الى هيئة الاذاعة البريطانية تعليم اللغة الانجليزية سلسلة " everyday - English " .لقد حبب هذا الاستاذ الرائع مادة اللغة الانجليزية لجميع طلاب الصف و لذلك فقد عشقوها منذ اول يوم و برع معظمهم فيها .

انقطعت بنا الايام بعد نقل الاستاذ حسين الى مدرسة اخرى و لم نسمع عنه شيئآ من بعد .

له اذكى التحايا و باقة شكر و وفاء لما قدمه لنا من علم و تربية .

Post: #208
Title: Re: نداء لابناء الكلاكلة بالبورد
Author: KOSTA
Date: 02-15-2006, 01:03 PM
Parent: #207

وصلنى اليوم اتصال هاتفى عزيز من الامارات من الاخ عادل سيد دهب و هو من الكلاكلة الوحدة و ذكر لى انه يتصفح هذا البوست لاول مرة و عندما يفرغ من التصفح سيقوم بالمساهمة ببعض المداخلات حيث انه درس الابتدائى بمدرسة الكلاكلة صنقعت الابتدائية و لديه العديد من الذكريات .... التحية للاخ عادل و نحن فى انتظار مساهماته .

Post: #209
Title: Re: نداء لابناء الكلاكلة بالبورد
Author: KOSTA
Date: 02-16-2006, 07:37 AM
Parent: #208

الاستاذ عثمان ادريس هبانى

مدرس التاريخ و اللغة الانجليزية بمدرسة الكلاكلة المتوسطة
من مدينة العلم العريقة " الدويم " .
كنا و نحن بالصف الاول المتوسط نراه يمازح و يلعب الكرة و الكرة الطائرة مع تلاميذ الصفين الثانى و الثالث المتوسط ... كنا نرى محبة طلابه له .
عندما بدأ يدرسنا مادة التاريخ عرفنا لماذا يحبه الطلاب .
لم يك فظآ بل كان دائم الابتسام و له مقدرة مذهلة على خلق جو رائع داخل الفصل .. اذا لاحظ ان الجو العام للطلاب بالفصل مكفهر لا يبدأ التدريس بل يحكى لهم نكتة و كانت له نكات غاية فى الطرافة .
فى احدى المرات حكى لنا النكتة التالية :

( تلاتة مصريين واحد اسمه " ماحدش " و الثانية ايضآ اسمه " ماحدش " و الثالث اسمه " عبيط " . و حدث ان " عبيط " كان فى سط العمارة و " ماحدش " كان يسكن فى اعلى العمارة ، بينما " ماحدش " الآخر كان يسكن فى الطابق الارضى من العمارة ... و صادف فى احد الايام ان صب " ماحدش " الماء من اعلى العمارة على " عبيط " ، فضحك "ماحدش " الآخر على ذلك مما ادى الى زعل " عبيط " فقرر الذهاب الى القاضى و عمل بلاغ ضد ماحدش 1 ، 2 .
و فى المحكمة تم استدعاء " عبيط " للنظر فى قضيته فدار الحوار التالى :
القاضى : ما هى قضيتك ؟؟
" عبيط " : يا " بيه " انا كنت قاعد فى البالوكونة بتاعة شقتى ... بعدين " ماحدش " فوق كب على الميه ، و " ماحدش " تحت ضحك علىّ .
نظر اليه القاضى بسخرية و قال له : انت عبيط ؟؟
" عبيط " : ايوه يا بيه .... بس انت عرفت اسمى ازاى ؟؟ ) .

كان استاذ هبانى كما كنا نسميه بسيطآ متواضعآ يأكل مع طلابه و يلتحف الارض من اجل " الفتة " ... كان لاعبآ حريفآ فى لعبة الكرة الطائرة ..تأثر به العديد من الطلاب و ما زالوا يذكرونه بكل الخير و الحب .

تحيات عطرات و وفاء خاص لهذا الاستاذ الفريد .

Post: #210
Title: Re: نداء لابناء الكلاكلة بالبورد
Author: KOSTA
Date: 02-16-2006, 02:06 PM
Parent: #209

الاستاذ الجاك مهدى
من الكلاكلة القبة

استاذ الرياضيات و العلوم بالمدرسة .

استاذ غيور على تلاميذه و يحرص على توصيل المعلومة اليهم بشتى السبل.
من نوع الاساتذة الذين يحببوا لك المادة و خاصة الرياضيات ... كان يشجعنا على عمل كراسين لحل تمارين الرياضيات ، الاول للمدرسة.. و الثانى خاص بكل طالب لكى يحل التمارين اكثر من مرة و لكى يتمرن على كيفية حل المسائل المعقدة و ذلك بالممارسة.

ذو نشاط ملحوظ و الى جانب التدريس كان يهتم جدآ بالنشاط الرياضى و استطاع ان يكون فريق كرة قدم مهاب للمدرسة .

كثيرآ ما اقابله فى اجازاتى ... و لا زلت اتعامل معه كأستاذى فى المتوسطة والذى حبب الىّ مادتىّ الرياضيات و العلوم .

له التحايا و الوفاء ،،،،

Post: #211
Title: Re: نداء لابناء الكلاكلة بالبورد
Author: KOSTA
Date: 02-17-2006, 06:49 AM
Parent: #210

الاستاذ الفاضل / بخارى محجوب ابشر

من مدينة العلم السامقة الدويم
مدرس اللغة الانجليزية
و هو من فرسانها الاشاوس
خلفية علمية جبارة ... و مهارة فائقة فى التدريس اكتسبهما من معهد العلم التليد : بخت الرضا .
عمل بالتدريس لفترات طويلة و اهمها معاهد تأهيل المعلمين و المعلمات .
بقدومه للمدرسة استطاع فى فترة زمنية وجيزة ان يرفع مستوى الطلاب فى اللغة الانجليزية الى عليين . فقد ادخل لنا نظام الامتحانات التجريبية على نسق امتحانات الشهادة فى ذلك الوقت .. و هو من ادخل لنا نظام الدوائر الامريكى فى الاسئلة ( CIRCLES ) .

قابلته فى اوائل التسعينات فى مناسبة عزاء بالدويم ... و قدمت له نفسى على اننى احد تلاميذه بالكلاكلة المتوسطة ... توهج وجهه و اضاء ببريق الاستاذ الذى يفخر بما قدم .. و ما زال يعشق تلك المدرسة و الايام التى امضاها بها.

لشدة ثقته فى نفسه كان يقول لنا فى الحصة :

“و الله انا ياولدى " I know English "
و الله انا يا ولدى I know English more than any one in this school “

و كنا لا نستنكف عليه هذا القول المعتد لاننا فعلآ كنا امام استاذ فذ .

للاستاذ بخارى الف تحية و سلام و احترام .

Post: #212
Title: Re: نداء لابناء الكلاكلة بالبورد
Author: ابو طويلة
Date: 02-17-2006, 06:55 AM
Parent: #1

الاخ العزيز طارق عبداللطيف اولا احيك على هذه المبادرة الرائعة للم شمل ابناء الكلاكلات واجترار الذكريات الجميلة سواء الدراسية او الاجتماعية والرياضية لابناء هذه المنطقة العزيزة على قلوبنا واخص بها ابناء منطقتي (الكلاكلة الوحدة) والتي اصبحت لناوطن مصغر داخل الوطن الكبير .
انا يا عزيزي طارق, بهاء الدين محمد خير ود حلتكم اخو عبد الواحد محمد خير وعبدالخالق محمد خير الذي شارك في هذا البوست وهو الذي لفت انتباهي له,انامتواجدايضا بالامارات ويوجد العديد من الكواكب من ابناء الكلاكلة على راسهم الاخ العزيز عادل سيد دهب واخويه دهب (حربي) ومحمد(حمو)وفتحي عبد الرحيم(الديبة),كمال(جنو),عماد علي صاغة,عمادلطيف ,عصام عبد الله,عبد الرازق عيسى(هبشة),احمد علي القاسم وعاطف علي القاسم,ياسر حسن علي(جحا),امام بتاع حلة العرب كان بلعب بنادي السهام, وانتهز هذه الفرصة لتحيتهم هم وكل ابناء الكلاكلات في هذا البوست والى الاخ العزيز طارق ابو عبيدة وهو اول من تعرفت اليه من اولاد الكلاكلات في هذا المنبر العام

Post: #213
Title: Re: نداء لابناء الكلاكلة بالبورد
Author: KOSTA
Date: 02-17-2006, 07:37 AM
Parent: #212

الاخ بهاء الدين ( ابوطويلة )

شكرآ ليك على المرور من هنا
الاخ طارق يبدو انه ما زال فى اجازة بالسودان له التحايا
يا ريت يا اخ بهاء ان تداموا على المداخلات لاثراء هذا البوست و عددكم بالامارات ما شاء الله ليس بقليل .
اضيف ليك من ابناء الكلاكلة صنقعت وسط بالامارات :

احمد و عاطف على القاسم و انت ذكرتهم ،
النيل ادريس ( شكسبير ) ، امام احمد امام ، الباقر الطاهر ، عصام احمد صالح ، الاستاذ مصطفى الطاهر( خطفها ) ، حرس مرمى المريخ السابق هجو الطاهر ، احمد حامد ابراهيم ( كمد ) و شقيقه ابراهيم حامد ابراهيم ، حسين الناجى .

و نتمنى من الجميع التواصل معنا عبر هذا البوست مع تحياتى لك يا اخ بهاء و لشقيقك عبدالخالق و الذى اختفى من المشاركة و انقطع عن التواصل .

Post: #214
Title: Re: نداء لابناء الكلاكلة بالبورد
Author: KOSTA
Date: 02-17-2006, 04:56 PM
Parent: #213

و من الاساتذة ايضآ :

الاستاذ حسونة ( استاذ رياضيات )
الاستاذ ملاوى ( استاذ رياضيات )

و الاستاذ صلاح الحلفاوى و هو يدرس اللغة العربية و كانت لنا مع الاستاذ صلاح حكاوى سأعود اليها لاحقآ.

Post: #215
Title: Re: نداء لابناء الكلاكلة بالبورد
Author: KOSTA
Date: 02-21-2006, 08:18 AM
Parent: #214

الاستاذ صلاح الحلفاوى

من اقصى الشمال من وادى حلفا

فى الصف الاول المتوسط كان الاستاذ صلاح يدرسنا اللغة العربية ،
و كان قصير القامة ممتلئ الجسم يرتدى نظارة سميكة و كان ساخرآ و دائمآ تعلو بسمة شفتيه

كانت الممرات بين ادراج الفصل ضيقة ، و كان الطلاب يزينون جنبات الادراج بالطباشير بحيث اذا مر الاستاذ صلاح بين الادراج ( و كان غالبآ ما يقوم بذلك ) اتسخ بنطاله بالطباشير فكنت ترى الاستاذ صلاح فى نهاية الحصة و قد امتلأ بنطاله بالطباشير من كل الالوان .

و هو يضرب الامثال لشرح قواعد اللغة العربية كان يستخدم اسمآ مؤنثآ واحدآ لجميع الامثال و هو : سعاد

فيقول : سعاد جميلة جدآ
سعاد شعرها طويل ... و هكذا
و فى يوم طلب من الفصل ان يعطيه مثال على احدى قواعد اللغة العربية و لا اذكر بالظبط ما هى ، فأنبرى له زميلنا المشاغب عوض صالح و خرج من الصف الى ان وصل الى السبورة و كتب بخط جميل :

سعاد شعرها قصير .

فصرخ فيه الاستاذ صلاح : يخرب بيتك مين قاليك

Post: #216
Title: Re: نداء لابناء الكلاكلة بالبورد
Author: KOSTA
Date: 02-21-2006, 04:08 PM
Parent: #215

رابطة الكلاكلة صنقعت ( رابطة الكلاكلة شرق ) :

انشأت فى السبعينات ( كانت تسمى رابطة الكلاكلة شرق ) عندما بدأ نشاط الروابط الرياضية ينتظم العاصمة و الاقاليم.
و لما كانت الفرق الرياضية فى صنقعت فى تلك الايام تتكون من فريقين فقط هما السهم و الحرية فقد كانت الرابطة تتكون منهما .
اذكر و نحن صغار كان نشاط ( توتو كورة ) هيئة المراهنات الرياضية على اشده .
و كانت من ضمن المباريات التى تلعب فى توتو كورة بعض المباريات بين الروابط المعروفة فى الخرطوم... وشاءت الاقدار ان تكون من ضمن تلك المباريات فى توتو كورة مباراة مشهورة جدآ بين رابطة الكلاكلة شرق و رابطة الديوم الشرقية و طبعآ لقوة رابطة الديوم الشرقية فقد رشحها جميع المتراهنين فى الفوز على رابطة الكلاكلة شرق .
تقبل الكوتش احمد النور - و هو مدرب فريق السهم وقتها - التحدى و قام بتكوين فريق الرابطة من فريقى السهم و الحرية و فعلآ قام باجراء التمارين و التدريبات الشاقة حتى وصل فريق الرابطة لشكله النهائى من حيث التجانس بين لاعبى الفريق و من حيث اللياقة البدنية و الذهنية المطلوبتين لمثل تلك المباريات التنافسية ... كذلك الكوتش احمد النور من ابناء صنقعت وسط الذين امضوا جزء كبير من حياتهم بالديوم الشرقية قبل ان يستقر نهائيآ بصنقعت و لذلك فهو يعرف فرق رابطة الديوم الشرقية جيدآ و يعرف طريقة لعبها فأستطاع ان يضع الخطة و التكتيك المناسبين للمباراة .
كانت المباراة على ملعب الساحة الشعبية بالديوم الشرقية و قد حضرها جمهور غفير من جماهير توتو كورة .
كان فريق رابطة الكلاكلة شرق يتكون على ما اذكر من هجو الطاهر لحراسة المرمى
و فى الدفاع احمد حامد و محمود خيرى و احمد سليمان محمد امام و فى الوسط عثمان محمود و سعيد دهب و فى الهجوم عادل و سليمان محمود و مصطفى الطاهر و آخرون لا تسعفنى الذاكرة لذكرهم .
المهم مارس فريق رابطة الديوم الشرقية هجومآ كاسحآ منذ بداية المباراة و تقدم بهدف و سرعان ما عادلت رابطة صنقعت الهدف و تقدمت الديوم مرة اخرى و كذلك مرة اخرى تم احراز التعادل و سجلت الديوم الهدف الثالث و مع نهاية المباراة و بعد ان تيقن الجميع ان النتيجة هى لصالح رابطة الديوم استطاع اللاعب سليمان محمود ان يباغت لاعبى الديوم بهدف التعادل و بعدها بثوانى اعلن الحكم نهاية المباراة بالتعادل 3/3 مما حدا بمشجعى رابطة صنقعت بالهتاف :
طرشقت التوت يا ابوداؤد ( و كان اللاعب سليمان محمود يلقب بابى داؤد ) .
فى هذه المباراة التاريخية استطاع حارس المرمى هجو الطاهر ان يزود عن مرماه ببسالة نادرة و انقذ اكثر من هدف فى حالة انفراد كامل مما ادى ذلك الى تسجيله عقب المباراة فى كشوفات نادى المريخ العاصمى

Post: #222
Title: Re: نداء لابناء الكلاكلة بالبورد
Author: ابو طويلة
Date: 02-23-2006, 03:10 PM
Parent: #213

الاخ العزيز كوستا تحة ود لك ولكل كلاكلابي , لك مني الف شكر على ردك لي وبالمناسبة دي وانا بقلب في اوارق قديمة وجدت صور لفريق الوحدة بالكلاكلة الوحدة واعتقد انها في منتصف ثمانيات القرن الماضي وانشاء الله سوف اقوم بانزالها لهذا البوست في القريب العاجل

Post: #226
Title: Re: نداء لابناء الكلاكلة بالبورد
Author: KOSTA
Date: 02-25-2006, 06:57 AM
Parent: #222

ابا طويلة

لك التحايا ايها الوحداوى
اتمنى فعلآ ان تنزّل صورة فريق الوحدة فى الثمانينات لان ذلك سيعيد ذكريات حبيبة للكثيرين الذين يتابعون هذا البوست .. كما ارجو التواصل حتى نوثق لهذلا الوطن الكلكلاوى الصغير .... و دمت .

Post: #217
Title: Re: نداء لابناء الكلاكلة بالبورد
Author: saadeldin abdelrahman
Date: 02-22-2006, 05:01 AM
Parent: #1

ابن كلكلة البار استاذي كوستا
يا لوفائك يا رجل!
بصراحة لقيناك كلكلاوي اكتر من اي واحد فينا..
و احببت سردك و ذاكرتك الوفية لزملاء دراستك..
لك ولنا الله يا اخي من قبل هذه الكلكلة الرؤوم..

هذه الشجرة و هذه النقطة بالتحديد من شاطئ النيل الابيض لي معها ذكريات وغرام
كما لي حديث طويل مع بقع اخرى طاهرة في ذلك الوطن الأشم
هذا المكان يقع مباشرة خلف مسجد جدنا الشيخ النذير خالد و هنالك شارع محازي
لذلك البيت الاصفر يؤدي مباشرة للمسجد.. كم سبحنا ولعبنا الكرة و تعاركنا هناك
و هذا البيت الاصفر الماثل امامكم سيداتي و سادتي..صامد منذ اوائل الثمانينات ضد
ثورات هذا (البحر) ابيض ( الهادئ عادة)..و لنحذر غضبة الحليم الابيض.. لازلت اذكر
نفير الشباب والشيوخ في موسم الدميرة..و الشباب ينافح غضب بحر ابيض بالشوالات المعباة
بالرملة و احيانا برصف اجسادهم لسد ثغرة صنعها نيلنا العظيم في ردمية هذا الشباب
الباسل.. ويا نيلنا..غضبك جميل زي بسمتك

محبتي

Post: #218
Title: Re: نداء لابناء الكلاكلة بالبورد
Author: Ahmed El Gasim
Date: 02-22-2006, 06:21 AM
Parent: #217

الاخ الحبيب
سعد الدين عبد الرحمن
احسن الله عزاكم في عمكم اسماعيل وتقبله بقبول حسن
وانا لله وانا اليه راجعون

Post: #221
Title: Re: نداء لابناء الكلاكلة بالبورد
Author: KOSTA
Date: 02-22-2006, 03:21 PM
Parent: #218

احمد القاسم

التحايا و الاشواق
يبدو انك لا تزال مشغولآ .
عمومآ مل تطول الغيبات
تحياتى الشديدة للجماعة العندكم .

Post: #219
Title: Re: نداء لابناء الكلاكلة بالبورد
Author: KOSTA
Date: 02-22-2006, 07:02 AM
Parent: #217

الاخ سعدالدين

منظر البحر جميل و اكاد شم رائحة الاشجار و اسمع صوت العصافير خاصة عندما تأتى للمقيل او عند الصباحات و المغارب ....
القبة على البحر تذكرنى دائمآ منزل خالتى الكائن بابى دومة و ذكريات جميلة مع ابنائها المرحوم الطيب و المرحوم مأمون و مجدى و عاطف و الشيخ و هم ابناء عمنا مختار عباس
و يجاورهم منزل المرحوم عبدالقادر عباس و اولاده الكرماء احمد و عطا و يوسف
كنا و نحن صغار عندما نزور ابناء خالتنا نذهب للبحر الذى لا يبعد عن منزلهم الا امتار معدودة و لا نأتى الا للوجبات فقط .
الغريبة ان هذا البحر قد ابتلع قبل سنين قليلة ابن خالتى مأمون و هو السباح الماهر الذى لا يشق له غبار فله الرحمة و لعمك اسماعيل الرحمة مرة اخرى .
و بالله يا سعد الدين كتّر لينا من متل هيك صور .
و لك التحاياو الشكر .

Post: #220
Title: Re: نداء لابناء الكلاكلة بالبورد
Author: saadeldin abdelrahman
Date: 02-22-2006, 10:17 AM
Parent: #219

اخي كوستا

تحية ود و تقدير

رحم الله ابن عمك مامون و عمي اسماعيل..وتقبلهما قبولا حسنا.

كوستا اخوي..

ابدومة دي كلها اهلي..و لو ركزنا شوية حا نكون معرفة او قد
اكون دفعة احد ابناء عمومتك الاصغر.

وهذا هو مسجد الشيخ النذير خالد..الذى لو سرت فى الصورة اعلاه
حتى وصلت البيت الاصفر ( كنا نسميه كذلك) ثم انحرفت يسارا بحذائه
لوجدت باب المسجد الشمالي بعد حوالى مائة متر على ميمنتك

Post: #223
Title: Re: نداء لابناء الكلاكلة بالبورد
Author: Ahmed El Gasim
Date: 02-24-2006, 03:10 AM
Parent: #220

Quote: ?رحم الله ابن حالتك مامون

كوستا ابن خالي
والله لم اسمع بوفاة مامون مختار عباس الا اليوم!!له الف رحمةوانا لله ونا اليه راجعون
كنت اعرف بان الطيب مختار(تاور كما كان يحلو لي ولاسامة اخوك ان نناديه) توفي
لهم الرحمة ولنا وللجميع السلوان وانا لله وانا اليه راجعون

Post: #224
Title: Re: نداء لابناء الكلاكلة بالبورد
Author: KOSTA
Date: 02-24-2006, 12:28 PM
Parent: #223

احمد على

يا رجل مأمون مختار ابتلعه البحر قبل اكثر من ثلاث سنوات وينك انت ؟؟؟
اصحى يا بريش
مضاعفات الخرف المبكر نتيجة للاغتراب المبكر

لك و للاسرة التحايا

Post: #225
Title: Re: نداء لابناء الكلاكلة بالبورد
Author: Ahmed El Gasim
Date: 02-24-2006, 03:46 PM
Parent: #224

[
Quote: QUOTE]اصحى يا بريش
مضاعفات الخرف المبكر نتيجة للاغتراب المبكر

...صدقت اخي كوستا
هل تصدق كوستا انها اصبحت اكثر من 22 سنة من غربة دراسة لعمل والحمد لله!؟
ما زلت ازكر نصائحك لي ونحن علي اعتاب الشهادة السودانية...كنت قدوة دراسية لنا
اسفي علي مامون وربنا يرحمو ويعوض شبابه الجنة

Post: #227
Title: Re: نداء لابناء الكلاكلة بالبورد
Author: KOSTA
Date: 02-25-2006, 04:03 PM
Parent: #225

احمد على

22 سنة بالله يا احمد مرت من عمرنا
لا زلت اذكر سفركم انت و اسامة و شكسبير للدراسة و كأنه الامس القريب
و من ديك ... و عييييييييييييييييييك و اللى شبكنا يخلصنا .

بس حقيقى برافو احمد لاستفادتك القصوى من تخصصك العلمى فى مجال عملك و لمزيد من النجاحات .... تحياتى لكم .

Post: #228
Title: Re: نداء لابناء الكلاكلة بالبورد
Author: سيف النصر محي الدين محمد أحمد
Date: 02-25-2006, 04:53 PM
Parent: #227

أخي سعد الدين

تقبل عزائي في وفاة المغفور له عمك و عمنا عثمان له الرحمة.

Post: #229
Title: Re: نداء لابناء الكلاكلة بالبورد
Author: KOSTA
Date: 02-27-2006, 04:06 PM
Parent: #228

الاخ سيف النصر

لك التحايا

مع الامنيات ان لا تنقطع من هذا البوست

Post: #230
Title: Re: نداء لابناء الكلاكلة بالبورد
Author: منعمشوف
Date: 02-28-2006, 02:06 PM
Parent: #229

سـتة بنات ومراكبى
شاطى ودالعقلى جنوبى الكلاكلة القبة
مغارب يوم الأتنين 23.02.2006

Post: #231
Title: Re: نداء لابناء الكلاكلة بالبورد
Author: KOSTA
Date: 02-28-2006, 02:24 PM
Parent: #230

العزيز منعمشوف

حمد لله على السلامة

المركب ما عندكم لكن
و بعدين ليه عدد البنات سته و المراكبى واحد؟؟ لو لا قدر الله حصلت حاجة طارئة مين بيساعد المراكبى ده ( السلامة و الامن النهرى )
من تاريخ الصورة باين انها حديثة 23/2/2006 و شكلك كده موجود فى الكلاكلة ..

ذكرتنا بود العقلى ( ود العقلى بيتش ) اجمل الشواطئ على طول النيل الابيض
ايه رأيك نعزم البورداب ديل كلهم رحلة على هذا الشاطئ الجميل ( عشان يآمنوا )

لك التحايا و ما تطول الغيبات ... و تحايا خاصة للاهل بالكلاكلة القبة

Post: #232
Title: Re: نداء لابناء الكلاكلة بالبورد
Author: منعمشوف
Date: 02-28-2006, 02:38 PM
Parent: #231

العزيز جداً كوستا
Quote: 23/2/2006
خطأ مطبعى شحمان
والصحيح 23/1/2006 ، كنت هناك بعد غياب يقارب العشرة سنوات
جيت مليان همبريب وريحة بحر،
ومفعم بلقاء ناس زى الليل.

Post: #233
Title: Re: نداء لابناء الكلاكلة بالبورد
Author: KOSTA
Date: 02-28-2006, 03:08 PM
Parent: #232

جيت مليان همبريب وريحة بحر،
ومفعم بلقاء ناس زى الليل.

منعمشوف

هذا تعبير راقى و صادق و مفعم بالعاطفة الملتاعة

الله يرجعك ليهم تانى

Post: #234
Title: Re: نداء لابناء الكلاكلة بالبورد
Author: منعمشوف
Date: 02-28-2006, 03:20 PM
Parent: #233

آآآآمين يا كوستا
تعرِف، ننسق الجية الجاية نتلاقى هناك كلنا ونعزم البورداب.
لكن لازم نعمل ورشة قبل العزومة بيوم وننضِف المكان، لانو جمهور
الرحلات بستعمل المكان بطريقة مضرة تماماً ببيئة المنطقة .
( يعنى حضِّر كركك يا كوستا من أسى)

Post: #235
Title: Re: نداء لابناء الكلاكلة بالبورد
Author: KOSTA
Date: 03-01-2006, 07:08 AM
Parent: #234

علم يا منعمشوف

جارى التنفيذ و التنسيق .

تعرف يا منعم المنطقة دى ليها مستقبل رهيب اذا ما علمنا ان هنالك مشروع كورنيش على النيل الابيض من الهيلتون شمالآ و حتى جبل اولياء جنوبآ... تخيل معاى ود العقلى و عليها كورنيش حديث .... و تخيل معاى ود العقلى و الكورنيش و المطار الجديد على الضفة الاخرى من النيل ... كيف بيكون الحال ؟؟؟ .... تجئ نستثمر منذ الآن يا منعم ؟؟

Post: #236
Title: Re: نداء لابناء الكلاكلة بالبورد
Author: Ahmed El Gasim
Date: 03-01-2006, 07:19 AM
Parent: #235

كوستا
فاكهة ابناء الكلاكلة بالبورد وقايد الاسطول بعد اختفاء الربان طارق نقد الله في ظروف(اجازية بالسودان منز 3 اشهر) لك التحايا...اها واصل
عبد المنعم ابراهيم(شوووف)
حمد لله علي السلامة يا رجل يا رائع
باشمهندس بهاء الدين(ابو طويلة) مرحب بيك في دارك
ولفوووووق

Post: #237
Title: Re: نداء لابناء الكلاكلة بالبورد
Author: KOSTA
Date: 03-01-2006, 07:44 AM
Parent: #236

احمد على

اخونا طارق ( رد الله غربته ) فتح الطاقه الحلوة دى و سافر
و طوّل الغيبة بلحيل ... ياربى يكون عملها من ورانا و نحن ما عارفين ؟؟؟
التحية له اينما يمم شطره .

حاجز ليك شاليه " استثمارى " فى ود العقلى بيتش ... و الحجز بالدوررار.

Post: #238
Title: Re: نداء لابناء الكلاكلة بالبورد
Author: KOSTA
Date: 03-02-2006, 07:30 AM
Parent: #237

مدرسة المقرن الثانوية
الثالوث المتقدم فى المثلث الشهير :

الكلاكلة شرق الابتدائية
الكلاكلة المتوسطة
المقرن الثانوية

ماذا اقول عن هذه المدرسة الرائعة ؟
هل اتحدث عن مبانيها الشامخات ؟
عن طلابها النابهين ؟
عن اساتذتها الافاضل ؟
عن خريجيها الذين يمشون فى الارض الآن ؟؟

ماذا و ماذا ؟؟

سأعود

Post: #239
Title: Re: نداء لابناء الكلاكلة بالبورد
Author: KOSTA
Date: 03-04-2006, 07:54 AM
Parent: #238

المقرن الثانوية

المبانى :

تقع مدرسة المقرن الثانوية فى الخرطوم غرب ، و يحدها شمالآ مبنى سينما الخرطوم غرب و ميدان رابطة المقرن ومن الشمال الغربى استاد الخرطوم ، و يحدها جنوبآ مبانى السكة حديد و الورش الخاصة بها ، و من الشرق تحدها مدرسة الخرطوم غرب الابتدائية و بعض منازل الخرطوم غرب ، اما من الغرب فنجد جزء من مبانى معهد الكليات التكنولوجية ( المعهد الفنى سا بقآ و جامعة السودان حاليآ ).
للمدرسة سور مبنى من الاسمنت السابق التجهيز PRE-CAST و لها بوابتان احداهما شرقية و تفتح على مدرسة الخرطوم غرب الابتدائية و دكان الفاضل المريخابى الشهير و اخوه عصام
و الآخر يفتح جهة الجنوب على السكة حديد.
على الجزء الشمالى الشرقى توجد عمارة تتكون من ثلاثةادوار : الدور الارضى عبارة عن مكاتب لشعب التاريخ و الجغرافية و اللغة العربية ، و الدورين الاول و الثانى عبارة عن فصول دراسية ( حوالى اربعة فصول )، شرق العمارة كان يوجد ستة فصول دراسية ثلاثة فى كل جانب و بينهما حديقة فى الوسط و بعض الازيار للشرب .
غرب العمارة توجد ثلاثة فصول ممتدة طوليآ فى اتجاه الغرب حتى مبنى الادارة . و كان مبنى الادارة يتكون من مكتب الناظر و الوكيل و شعب العلوم و الرياضيات و اللغة الانجليزية و التربية الاسلامية ...كذلك كانت بمبنى الادارة مكتبة كبيرة للاطلاع ... و كانت المكاتب بمبنى الادارة على ثلاثة اضلاع من الجهة الغربية و الشمالية و الشرقية ، اما الشمالية فكانت مفتوحة و كانت هذه المكاتب تفتح على صالة كبيرة فى الوسط يتم استخدامها ايام الامتحانات كمركز .
امام العمارة مسرح ارضيته مرتفعة حوالى متر من الارض و مبنية من البلاط و فى منتصفه درج و كان الناظر يخاطب طلاب المدرسة فى بداية و نهاية العام من خلال هذا المسرح كما كان يستخدم فى الحفلات والمسرحيات و التجمعات الطلابية الاخرى .
فى الجهة الجنوبية من المدرسة كانت توجد ثلاثة معامل كبيرة مجهزة تجهيزآ كاملآ و هى :
معمل الفيزياء و هو فى الجهة الشرقية و يلتصق به معمل الاحياء و فى الغرب معمل الكيمياء و يطل بابه قريبآ من البوابة الجنوبية للمدرسة( هذه المعامل الثلاثة كانت متجاورة و ملتصقة ).
جنوب المعامل و على نهاية السور الجنوبى للمدرسة كانت توجد غرفة الفنون و هى ايضآ مجهزة جيدآ لحصص و اعمال الفنون .
شمال العمارة و الفصول الدراسية القريبة منها كانت توجد غرفة للموسيقى و بوفيه و المسجد .
اما الملاعب فكانت تتوزع كالتالى :
فى وسط المدرسة و امام العمارة الرئيسية ( جنوبها ) كان الميدان الرئيسى للسلة و لكرة اليد و شرقه مباشرة ميدان الكرة الطائرة . اما فى اقصى الشرق و فى محازاة السور الشرقى فكان ميدان كرة القدم و كان صغيرآ ( سداسيات فقط )..
امام الفصول الغربية و ما بين هذه الفصول و المعامل كانت توجد اشجار للنيم و اللبخ بطول هذه الفصول و حتى قريب مبنى الادارة .

Post: #240
Title: Re: نداء لابناء الكلاكلة بالبورد
Author: KOSTA
Date: 03-06-2006, 02:07 PM
Parent: #239

الطلاب

كان القبول فى مدرسة المقرن و بقية المدارس الثانوية فى العاصمة فى ذلك الوقت جغرافيآى ، اى ان يتم توزيع طلاب كل مدرسة متوسطة الى اقرب مدرسة ثانوية و يراعى بعد و قرب وسائل المواصلات للمدرسة الثانوية . و عليه فكانت مدرسة المقرن الثانوية يترشح اليها طلاب المدارس المتوسطة للمناطق التالية :

الخرطوم غرب و جزء من الخرطوم شرق و بعض من طلاب توتى .
الخرطوم جنوب ( السجانة ، الحلة الجديدة ، القوز ، النيلين و المايقوماو بعض طلاب الديم )
الشجرة و العزوزاب و جزء من جبرة و الصحافات
الكلاكلات
جبل اولياء

Post: #241
Title: Re: نداء لابناء الكلاكلة بالبورد
Author: KOSTA
Date: 03-07-2006, 12:27 PM
Parent: #240

طلاب الكلاكلة المتوسطة الذين درسوا بالمقرن الثانوية فى نهاية السبعينات :

فتحى عبدالله حسن
صديق محمد نورالدين
ابوشرا محمد الشيخ
فتحى عبدالله اسماعيل
محمد يعقوب الفكى ابراهيم
عبدالمنطلب عثمان
صلاح شاطر محمد فرح
احمد محمد احمد هاشم
محمد عبدالله محمد سعيد
منير شكرالله احمد
ازهرى مختار
فتح الرحمن عبدالله حمد
فيصل محجوب طاهر
ابوشرا محمد حمد
منير جادالله رحمة
محمد الامام الفضل
بدرالكمال على
عوض صالح عبدالحليم
الهادى عوض عبدالحليم
عاطف الامين
صلاح احمد عمر
المرحوم/عمر كرار الدرديرى
المرحوم/ معاوية الشيخ مضوى
المرحوم/عادل ابوالعلا محمد

Post: #243
Title: Re: نداء لابناء الكلاكلة بالبورد
Author: KOSTA
Date: 03-07-2006, 05:03 PM
Parent: #241

وصلنى هذا الميل الرائع من الاخ العزيز سمير شكرالله احمد محمود و هو من ابناء الكلاكلة القبة المبدعين و يعمل حاليآ بالسفارة السعودية فى دولة الامارات العربية المتحدة ... و لهذا الرجل المتعدد المواهب و الغزير الثقافة روائع عديدة نتمنى ان لا يبخل بها علينا .... فهو شاعر و كاتب و مغنى رائع ، بالاضافة لانه كان من اميز الطلاب السودانيين فى مادة الكيمياء و كان من النوابغ فيها و درس فى كلية العلوم بجامعة بونا بالهند و يشتهر ب " سمير بونا " و كان من اوائل السودانيين الذين هاجروا طلبآ للعلم بالهندفى اواخر السبعينات ... التحية للاخ سمير

إلى عالم ال Bit

بمحض إرادتي دخلت القفص الذهبي وتراني الآن أتحسس طريقي لدخول الشبكة الإلكترونية: سبحانه مغير الأحوال من قفص إلى شبكة ولا أدري مستقبلا لدخولي عوالما أخرى من الأقفاص والشباك:وما زلت سعيدا أن أتخطى محطة يسميها العامة السجن ويدعوها الخاصة دار الأبطال ويطلق عليها البعض مقبرة العمر وما هي سوي قفص كبير يشبه ما نراه في حدائق الحيوان أو مرابط الدجاج الأنفلونزي: لا أدري ربما تتلاقح المراحل والمحطات.

قبلها انتابني شعور غامض لمعرفة عالم الكمبيوتر الممدد بين الخيال والواقع لا يشبه مدارس المذياع أو دهاليز الخلايا الضوئية التلفزيونية لكنه رحلة هلامية خلال سراديب الترانزستورات والدايودات وأشباه الموصلات الإلكترونية شئ من أحاديث وقصص وصور أحرف وأشكال وأنماط مراسم التحول من الكهرباء إلى الصوت إلى الضوء إلى شفرات الترددات والمغناطيسية المشبعة بالضجيج والصمت: تواصل وانقطاع واتصال ملايين من الخلايا التي تحمل شفرات التخزين والربط والحل التقت جميعها في تناسق رائع له صفة الأجهزة من دوري إلي تناسلي إلي بولي ومشابك المنطق البولوني والجبر والهندسة وأصول الرياضيات ولا يشبه أي منها إنه جهاز الكومبيوتر وفقط.
هاتفني عند المساء صوت قادم من مرقد الجدة حواء: صديق وأخ إمتد بي الزمن دون لقائه ثم انكمشت السنوات فجاءة لأجد نفسي أسمع صوته الصافي الذي بدأ وكأنه يلقي محاضرة ثم ما لبث أن إنحنى ليشعرني بأن كلماته أقرب إلى من القريب وكانت ضحكته البسيطة تحاصر فجوات الربكة في عدم معرفة هويته ثم تركني محاولا تجميع تشابه الأصوات مع بعد المسافات وتواتر العمر وتراكم صنوف الأيام.

إنسان ينسج من الكلمات نغمات رائعة يطوعها بلا تكلف ويعطيها مساحة من الأمل وحب الآخرين:لم يكن فعل ماضي ناقص هكذا كان فكيف يكون الآن؟.بعث في نفسي روح الأدب من جديد وأمدني بالطاقة التي إفتقدتها طويلا منذ أن رست أقدامي عوالم الجفاف والبعد والبعاد. ربما كان مخدوعا بوصفي هذه الصفات الراقية لكنه كان صادقا في تعابيره فأمتد بيننا الوصل عبر الهاتف كأننا لم نفترق يوما:نثر روح الأمل وأمدني بشجاعة صارخة كسرت حاجز الصمت الطويل فقررت دخول الشبكة هذه المرة دون كروت دعوات أو دكاكينيات أيام الحناء أو شهور العسل وعاقبة المسرات : دخولها بلا مهر.

إستمديت من النيل بريدي الإلكتروني وعلى شواطئه كان العود أحمدا وقاسما مشتركا للوصال.وهاأنذا أتمدد من جديد رغم اعترافي الكامل أنني ما زلت مبتدئا في عالم الأدب ورضيعا يحاول الإمساك بمراضع الثقافة والاضطلاع.

كلمة (بت) كما هو معروف مصطلح لطول الكلمة في مساحة التخزين الإلكتروني داخل جهاز الكومبيوتر لكنها في مصطلحنا السوادنى نغمة فرايحية تشبه عطرا في زمن غابر إسمه ( بت السودان) هذا البلد العظيم.

Post: #242
Title: Re: نداء لابناء الكلاكلة بالبورد
Author: saadeldin abdelrahman
Date: 03-07-2006, 04:02 PM
Parent: #1

يا لوفائك يا كوستا

-----

الاخوة الافاضل احمد القاسم و د. سيف النصر

البركة في الجميع و لا اراكم الله مكروها في عزيز لديكم.

Post: #244
Title: Re: نداء لابناء الكلاكلة بالبورد
Author: KOSTA
Date: 03-07-2006, 05:24 PM
Parent: #242

الاخ سعدالدين

كلكلة تستاهل اكثر من الوفاء ، فهى امنا الرؤوم
و اراك ايضآ وفيآ و مخلصآ لهذه الكلاكلة يا سعدالدين و نتمنى ان نوفى جميعآ لهذه البلدة الطيب اهلها .

Post: #245
Title: Re: نداء لابناء الكلاكلة بالبورد
Author: KOSTA
Date: 03-07-2006, 05:33 PM
Parent: #244

الاخ د. سيف النصر محى الدين محمد احمد

هاتفنى الاخ متوكل بدر " كجو " فى موبايلى و بيسأل عنك بشدة و بيتمنى الحصول على عنوانك او هاتفك للتواصل معك .
حاولت الحصول عليهما من البروفايل تبعك و لكن لم اجد به اى معلومة .
رقم هاتف الاخ متوكل بدر هو :

009745851497

Post: #246
Title: Re: نداء لابناء الكلاكلة بالبورد
Author: KOSTA
Date: 03-09-2006, 06:39 AM
Parent: #245

الاساتذة
من الاساتذة البارزين بمدرسة المقرن فى ذلك العهد:

اللغة العربية

استاذ محمد حسن ( بلية )
استاذ سعدالدين ( الاعشى )

اللغة الانجليزية

كمال سليم ( مترجم الرئيس الراحل الازهرى )
العطبراوى
محى الدين جبرة

الرياضيات

عبدالله كوجاك : رئيس الشعبة( ماجستير رياضيات جامعة لندن )
الفكى سراج الدين
استاذ مقلد
عبدالله رفعت ( مصرى )
استاذ عادل ( مصرى )

اللغة الفرنسية

استاذ الهادى

الكيمياء

رفاى
حياتى

الفيزياء

نشأت ( مصرى )

الاحياء

محمد الطيب ( اشهر استاذ احياء فى العاصمة )

التاريخ

استذ منير

الجغرافيا

محمد عبدالقادر

Post: #247
Title: Re: نداء لابناء الكلاكلة بالبورد
Author: Ahmed El Gasim
Date: 03-11-2006, 05:01 AM
Parent: #246

العزيز كوستا
للتوثيق للمدارس التي سبقتونا لها
الكلاكلة شرق الابتدايئة دفعة 1971-1977
من ابناء صنقعت
الطيب اسماعيل
المرحوم عادل حسب الرسول العوض(ططش)(توفي 2004 بعد نيله للماجستير وعمل بالسعودية-له الرحمة )
المرحوم محمد احمد يحي(جاد الله)(من انبغ ابناء الكلاكلات علي الاطلاق رحل مبكرا عليه الرحمة)
محمد الدرديري نورالدين
النيل ادريس(شكسبير)
فتحي مدني حسن
المرحوم التاج الامين حسن(توفي 2002 -له الرحمة )
عمر عبد القادر حمد السيد(جاء منقولا من الشوال)
عمر جمعة بحيري(منقول من الشوال)
مامون بابكر الامين
احمد العركي حمد النيل
نادر عبد القادر عمر
مامون حمد النيل احمد الفكي
عوض احمد سليم(الزنجي)
عبد الحليم محمد نور الدين
مجدي مضوي حسن
عبد الباسط السماني
نبيل مصطفي (كان يسكن في محطة واحد وبعدها رحل وما زلت اسال عنه!!)
صلاح عوض (ود الجزار)
ماجد علي يحيالتجاني النور علي(منقول من الفاشر)
من اباء الوحدة
مدثر حسن محمد سليمان شكري
عادل عوض عدلان(الهورس)
عماد محمد بابكر
حيدر فرح عوض الله
عبد الرازق محمد الحاج
محمد الفاتح عطية
ربيع شريف طه
المرحوم محمد صلاح الدين داؤد بدري
عادل بدري داؤد بدري
داؤد سيد احمد
نصر الدين عبد الفتاح عبد التام(اب قرشين وقع!)
فريد عبد المطلب
من حي العودة
عوض حسن عبد السلام
عثمان محمد عبد الله
اشرف شريف الطاهر
اسامة محمد عبد المجيد(دبلنجي)
مالك عيدروس
محمد حسن الامين(اكو)مازال ظريفا كما كان!

من الدخينات
حسب الرسول التوم
الحاج محمد احمد الامام(بقي نسيبنا!! )

من الكلاكلة قطعية
الشيخ عبد الله الفكي(ابن عم عبد الله حارس المدرسة )
عبد الوهاب عبد الله الفكي
الشيخ الهاشمي
غريب محمد حامد بابكر
الهادي عبد الماجد
عبد الرحمن الفكي ابو القاسم
ابوزيد حامد !

ابناء عمارة
زين العادين الطيب
العركي قسم السيد
حي ترهاقا
عزالدين غانم غزالدين
عصام محمد ابراهيم
بدري سايح التمام!(من البصاولة)
الخير محمد ابراهيم
اسف جدا لمن تاه عني في اللحظة
احمد علي القاسم

Post: #248
Title: Re: نداء لابناء الكلاكلة بالبورد
Author: KOSTA
Date: 03-11-2006, 07:22 AM
Parent: #247

الاخ احمد على

هذا وفاء طيب و توثيق هام لابناء دفعتكم بالمدارس .
الغرض من استعراض ذلك هو اتاحة اكبر قدر من التواصل مع هؤلاء و التعرف على احوالهم و اخبارهم الحالية ، و ذلك هدف اصيل من اهداف هذا البوست و هو اتاحة التواصل لابناء الكلاكلات بالمهجر و الداخل .
سيكون جميلآ لو انك افدتنا عن اين هم هؤلاء الآن ؟؟ و ماهى عناوينهم ؟؟ و اين يعملون او يدرسون ؟؟ و ارقام هواتفهم لو امكن ذلك ؟؟

الشكر مجدد يا ود القاسم

Post: #249
Title: Re: نداء لابناء الكلاكلة بالبورد
Author: KOSTA
Date: 03-11-2006, 03:25 PM
Parent: #248

اتصل بى امس من امريكا ( ولاية كنتكت ) الاخ العزيز عبدالرحمن ادريس و هو جار و زميل دراسة ( الدفعة التى تلينا ) .
الرجل كان يعمل بالرياض ثم عن طريق اللوترى ذهب لامريكا منذ 2001 و مستقر هناك .و عبدالرحمن كان سعيدآ جدآ حسب ما ذكر لى و هو يتصفح الذكريات المحببة للنفس عن الكلاكلة فى هذا البوست لدرجة ان دموعه قد كادت ان تطفح من فوق عينيه من شدة التأثر و لوعة الشوق و مرارة الغربة اللئيمة.

عمومآ و للفائدة و لمن يريد التواصل مع الاخ عبدالرحمن ادريس ادناه رقم هاتفه الجوال :

001806557932

Post: #250
Title: Re: نداء لابناء الكلاكلة بالبورد
Author: Ahmed El Gasim
Date: 03-12-2006, 09:21 AM
Parent: #249

[B]مدرسة الكلاكلة المتوسطة 77-80

من ابناء صنقعت
الطيب اسماعيل(كان طاليا زكيا تعلم الانجليزية مبكرا دوننا ولم يعاني في المتوسطة منها مثلنا!)يعمل بتقنية المعلومات بالسعودية
المرحوم عادل حسب الرسول العوض(ططش)(توفي 2004 بعد نيله للماجستير وعمل بالسعودية-له الرحمة )
المرحوم محمد احمد يحي(جاد الله)(كان تاني منطقة بين النيلين ايامها) -عليه الرحمة توفي 1981
محمد الدرديري نورالدين-درس بالقاهرة الفرع -السعودية
النيل ادريس(شكسبير)-ماجستير لغة انجليزية يعمل مترجم بابوظبي
فتحي مدني حسن-السعودية
م.عمر عبد القادر حمد السيد
( عمر جمعة بحيري؟؟؟
عثمان عبد الرحمن فرح-بالسعودية
مامون بابكر الامين-تخرج من الهند واستقر بامريكا من نهايىة التمانينات؟
نادر عبد القادر عمر-محامي
مامون حمد النيل احمد الفكي -خريج مدارس تجارية
مجدي مضوي حسن-جامعة القاهرة فرع-السعودية
عبد الباسط السماني-قانوني ونظامي
صلاح عوض (ود الجزار)بالسودان
ماجد علي يحي-محاسب خريج الهند-اكاديمىة الخرطوم الطبية
التجاني النور علي-تخرج من اقتصاد الخرطوم-يعمل بامريكا
د.حافظ محمد وردي(منقولا من الشجرة)...اخصائي عظام يعمل بانجلترا
عادل حافظون-يعمل بالمارات
ياسين عبد الحليم؟
محمد ابراهيم سعيد-نظامي بالقوات المسلحة-عقيد!
ياسر حامد احمد حسب الرسول-يعمل بالسودان
عبد المنعم الطيب عمر(منقول من الدويم.. قريبنا وبقي نسيبنا برضو)-السعودية
من ابناء الوحدة
مدثر حسن محمد سليمان شكري-مهندس زراعي بالسعودية
د.رفعت محمد صالح-طبيب تخصص بايرلندة ويعمل بالسعودية
عادل عوض عدلان(الهورس)-مهندس بالسعودية
حيدر فرح عوض الله-بالسعودية
المرحوم يوسف علي(حبة)
عبد الرازق محمد احمد الحاج-؟؟؟
محمد الفاتح عطية-درس التجارة؟
ربيع شريف طه-كان بالكويت ؟؟
المرحوم محمد صلاح الدين داؤد بدري-بداء دراسة التجارة وتوفي بحادث
عادل بدري داؤد بدري؟؟؟
حسن احمد حسن(قريب فيصل محجوب طاهر فزع)؟؟؟
حيدر محجوب محمد فضل(المرحوم)توفي قبل سنين بحادث!!له الرحمة
علي ادريس علي ادريس-مدير لفرع بنك بالسودان
محمد محجوب محمد علي-يعمل بالمنظمات الخيرية بالسودان!رجل اصيل ومواصل له الف شكر وتحية
فؤاد محجوب عثمان(انتقل للعيلفون...وانقطعت اخباره مز زلك؟؟)له التحية اينما كان
خالد عوض جعفر__له التحية ويعمل الان بالسعودية...قمة الوفاء!!

من حي العودة
مجدي مصطفي احمد نمر؟
عوض حسن عبد السلام-
عثمان محمد عبد الله-استاز رياضيات معروف الان
اشرف شريف الطاهر؟؟
اسامة محمد عبد المجيد(دبلنجي)؟؟؟
مالك عيدروس-؟؟
محمد حسن الامين(اكو)مازال ظريفا كما كان!-
حالد حسن عبد السيد-رجل اعمال
عبد الله عبد الواحد محمد احمد(منقول من القوز)-بالسودان
عادل عبد الواحد محمد احمد(منقولا من القوز)_يعمل بالسعودية

لهم التحايا

من الكلاكلة قطعية
الشيخ عبد الله الفكي بالسودان وما زلت التقيه ونضحك كايام زمان..
عبد الوهاب عبد الله الفكي؟
غريب محمد حامد بابكر؟
الهادي عبد الماجد؟
يعقوب علي ابراهيم؟

ابناء عمارة
زين العادين الطيب؟؟؟؟
العركي قسم السيد؟؟؟
عوض عيساوي(جاء ساكنا والان تزوج منها واستقر )؟؟
حي ترهاقا
عزالدين غانم غزالدين-يعمل بسلطنة عمان
عصام محمد ابراهيم؟
الخير محمد ابراهيم-صاحب صيدلية
ياسر حمد علي-تخرج من العلوم رياضيات؟
عادل خليل عبدة حاج-اصبح صاحب عمل حر

من الكلاكلة القلعة
د.محمد ابراهيم عيسي(من اميز الطلاب اكاديميا تخرج من طب الخرطوم وتخصص ويعمل بالسعودية)
عاصم ابراهيم جمال(تخرج من القاهرة واصبح رجل اعمال )
د.نادر الشيخ عبد الله-طبيب بيطري
عوض محمد احمد (العجوز)-بالسعودية؟
محمد جلال عيسي-درس بمصر ويعمل بدبي
اسماعيل حمد علي؟
راشد عبد الصمد؟
منير علي البشير؟
حمدي محمود ابوزيد-عمل ببنك الشمال والاعمال الحرة
م.ناجي احمد ابوزيد(منقول من مسقط)-بدا بكلية طب الاسنان ثم تركها للمعمار ...عشقا.. يعمل بعمان
ياسر علي؟
عيدحمد محمد احمد(طالب زا ادب جم)؟؟

ابناء الكلاكلة القبة
السماني عثمان عبد المطلب-استاز
د.عصام عبد الله اسماعيل-تخصص تحاليل طبية بالسودان
د.عصام حمزة حسن-طبيب بالسودان وله عيادة خاصة باركويت
م.محمد الطيب سليم(الان شهير بايريا مهندس وله كتاب مسارات السراب في الاسواق...دعاية مجاني!!)يعمل بشركة السنط
ادريس حسن ادريس-؟؟
عماد حسن-استاز وصحفي
م.عادل عبد الله حجازي(مهندس بتلفزيون ابوظبي)
عبد المنعم ابراهيم(منعمشووف)زميل بالبوورد
حمادة احمد حماد كمندجو-خريج الكلية الحربية
بلة احمد عبد الله-استاز
عثمان احمد عبدالله؟
عماد الدين الفكي لقمان؟
محمود (من التريعة)؟
علي جار النبي؟
د.محمد عبد الغفار_؟؟
عادل؟؟(يعمل بمطار الخرطوم)
والبقية تاتي واعتزر ان خانتني زاكرتي في كثيرين ولهم العتبي حتي يرضو

Post: #251
Title: Re: نداء لابناء الكلاكلة بالبورد
Author: منعمشوف
Date: 03-12-2006, 01:03 PM
Parent: #250

العزيز أحمد على القاسم،
تحياتى ياصديق لك ولكوستا قلب البوست ولبقية الشباب المتداخلين.
نقول ماشاءالله على الذاكرة المتقدة يا أبوحميد
ما نقوم كمان نطقق بعين أهلنا الرباطاب ديل
ومنتظر رسائلك على المسنجر.

والله ذكرتنى زملاء دراسة أعزاء حتلوا فى قعر الـ RAM لهم جميعاُ
التحايا أين ما كانوا، ونسأل اللطيف للمتوفيين أن يتغمدهم
بواسع رحمته ويجعل الجنة مثواهم الأخير.

تصحيح وإضافات:
د.عصام حمزة عبدالمجيد-طبيب بالسودان وله عيادة خاصة باركويت (له التحية)
عمادالدين حسن إسماعيل-استاذ بالسعودية وصحفي وشاعر لا يشقُ له غبار(له التحية)
عبدالمنعم الفكى-مقيم بالدوحة وهو رجل فنان ومازال يمارس الموسيقى(له التحية)
القمر عبدالله-أعتقد بالسعودية(له التحية)

بعدين شكلك كده نسيت أحمد موسى حارس مرمى المدرسة الشهير له أيضاً التحية والود.

وواصل ياصديق،

Post: #252
Title: Re: نداء لابناء الكلاكلة بالبورد
Author: KOSTA
Date: 03-12-2006, 03:04 PM
Parent: #251

Ahmed Ali

well done !!! plz keep up the good work
it seems that you were having a good and clever class mates

و أضيف لقائمتك اعلاه :

احمد على القاسم خريج كيمياء من جامعة بونا
و مدير لشركة طبية كبيرة فى ابوظبى

منعمشوف

وينك يا ود العم ؟؟
ابقى اظهر شوية من المنافى البعيدة التى تأخذك منا و من الكلاكلة كل حين
لك الود

Post: #253
Title: Re: نداء لابناء الكلاكلة بالبورد
Author: KOSTA
Date: 03-12-2006, 03:15 PM
Parent: #251

عفوآ مكرر

Post: #254
Title: Re: نداء لابناء الكلاكلة بالبورد
Author: Ahmed El Gasim
Date: 03-13-2006, 03:18 AM
Parent: #253

Quote: أضيف لقائمتك اعلاه :

احمد على القاسم

شكرا كوستا
وحياتك والله نسيتو؟!!وبعتزر ليهو بشدة!!
عبد المنعم ابراهيم
شكرا يا حبيب
عينك باردة علي وحياتك
الرباطاب نسايبي(متزوج من رباطاب امدرمان)
راجع ليكم انشاء الله

Post: #255
Title: Re: نداء لابناء الكلاكلة بالبورد
Author: KOSTA
Date: 03-13-2006, 04:00 PM
Parent: #254

احمد القاسم

و

منعمشوف

انا يا تارينى اقول العلاقة الشديدة بين احمد و منعمشوف دى ما علاقة زمالة ساى

اتاريهو الحكاية حكاية نسب ؟؟؟

اها نطلع منها بره بقى

Post: #256
Title: Re: نداء لابناء الكلاكلة بالبورد
Author: طارق عبد اللطيف نقد
Date: 03-14-2006, 01:42 AM
Parent: #1

جيناكم يا حبايبنا بعد غربة وشوق
كل سنة وانتم طيبين
والكلاكلة بتسلم عليكم وفاقداكم
وانشاء ربنا يرد غربتنا ونرجع كلنا ويتلمة الشمل من جديد
الرائع حد الثمالة كوستا
اليك مني الحب والسلام والتحية
والمواصلة الجميلة والذكريات العذبة والسرد الثر
لله درك يا كلاكلاوي يااصيل يا شارب موية النيل
والتحية موصلة للعزيز احمد علي القاسم للتواصل الجميل
ولي الدكتور سيف النصر محي الدين
وللغالي منعم شوف وطبعا اتقابلنا في الاجازةومشيت معاة البيت لكن كنا علي عجل
لكن القادم احلي
ابو طويلة
وينك يا بهاء الدين
والله مشتاقين كميات
والحلة رايقة والناس حلوين
وناس البيت بسلموا عليك
وطبعا عبد الواحد السمين بقي من سكان امدرمان
والتحية والتقدير للاخ العزير سعدالدين
فلك التحية والتجلة والتواصل الجميل بجمال كلاكلتنا

Post: #257
Title: Re: نداء لابناء الكلاكلة بالبورد
Author: Ahmed El Gasim
Date: 03-14-2006, 06:54 AM
Parent: #256

طارق
حمد الله علي السلامة
ودي باين اجازة طوووييييييييييييييييييييييييلة كانت يا بختك!
البوست فقدك
والف مرحب بيك....في بوستك!
منعمشوف
لك الحب
احمد علي القاسم

Post: #258
Title: Re: نداء لابناء الكلاكلة بالبورد
Author: KOSTA
Date: 03-14-2006, 07:23 AM
Parent: #257

الاخ طارق

الف حمد لله على السلامة
و ان شاء البلد بألف خير؟
الاجازة الباين عليها كانت حلوة لانك طولت خالص
عمومآ عودآ حميدآ و البوست فى انتظارك ... و أكيد جايب معاك بالاضافة للاشواق الكثير من المواضيع و الاخبار عن الكلاكلة ... نحن فى الانتظار.

Post: #259
Title: Re: نداء لابناء الكلاكلة بالبورد
Author: Ahmed El Gasim
Date: 03-14-2006, 08:19 AM
Parent: #256

[B]

Quote: تصحيح وإضافات:
د.عصام حمزة عبدالمجيد-طبيب بالسودان وله عيادة خاصة باركويت (له التحية)
عمادالدين حسن إسماعيل-استاذ بالسعودية وصحفي وشاعر لا يشقُ له غبار(له التحية)
عبدالمنعم الفكى-مقيم بالدوحة وهو رجل فنان ومازال يمارس الموسيقى(له التحية)
القمر عبدالله-أعتقد بالسعودية(له التحية)

بعدين شكلك كده نسيت أحمد موسى حارس مرمى المدرسة الشهير له أيضاً التحية والود.

اسف جدا للهفوة ....ويبدو انه الكبر ...
عمادالدين حسناسماعيل نتمني ان يتحف البوست والمنبر بادبه(من الان تزكية لبكري)!
عبد المنعم الفكي مدني...اسف يا قريبي(وكان جده عمي المرحوم الفكي مدني ووالدي اصحاب واولاد خالات!!)له التحية والعتبي حتي يرضي..
قمر الدولة عبد الله...عزرا صديقي...
احمد موسي بابكر(ابا)....اسف لزلتي وسقوط
واضيف
قمر الدولة الطيب...وهو صوفي مادح...علي ما ازكر
امير محمد عبد الرحيم(درس بالخرطوم الاميرية بعدها....وبقي برضو نسيبنا؟؟ احمد حسبو..)
ومن الزين سقطوا سهوا ابن الخالة الريح حمد النيل(انتقل للخرطوم الاميرية)
ومن ابناء القبة النيرين محمد نايل الفكي(فضل الخرطزم الاميرية)
ابو عبيدة ربيع صالح.(تلميز نجيب ومؤدب)
.لهم العتبي مني

لكم الود
نلتقي مع اساتزة تلك الفترة
والدفع التالية ليكتمل التواصل
احمد علي القاسم

Post: #260
Title: Re: نداء لابناء الكلاكلة بالبورد
Author: Ahmed El Gasim
Date: 03-14-2006, 08:19 AM
Parent: #256

[B]

Quote: تصحيح وإضافات:
د.عصام حمزة عبدالمجيد-طبيب بالسودان وله عيادة خاصة باركويت (له التحية)
عمادالدين حسن إسماعيل-استاذ بالسعودية وصحفي وشاعر لا يشقُ له غبار(له التحية)
عبدالمنعم الفكى-مقيم بالدوحة وهو رجل فنان ومازال يمارس الموسيقى(له التحية)
القمر عبدالله-أعتقد بالسعودية(له التحية)

بعدين شكلك كده نسيت أحمد موسى حارس مرمى المدرسة الشهير له أيضاً التحية والود.

اسف جدا للهفوة ....ويبدو انه الكبر ...
عمادالدين حسناسماعيل نتمني ان يتحف البوست والمنبر بادبه(من الان تزكية لبكري)!
عبد المنعم الفكي مدني...اسف يا قريبي(وكان جده عمي المرحوم الفكي مدني ووالدي اصحاب واولاد خالات!!)له التحية والعتبي حتي يرضي..
قمر الدولة عبد الله...عزرا صديقي...
احمد موسي بابكر(ابا)....اسف لزلتي وسقوط
واضيف
قمر الدولة الطيب...وهو صوفي مادح...علي ما ازكر
امير محمد عبد الرحيم(درس بالخرطوم الاميرية بعدها....وبقي برضو نسيبنا؟؟ احمد حسبو..)
ومن الزين سقطوا سهوا ابن الخالة الريح حمد النيل(انتقل للخرطوم الاميرية)
ومن ابناء القبة النيرين محمد نايل الفكي(فضل الخرطزم الاميرية)
ابو عبيدة ربيع صالح.(تلميز نجيب ومؤدب)
.لهم العتبي مني

لكم الود
نلتقي مع اساتزة تلك الفترة
والدفع التالية ليكتمل التواصل
احمد علي القاسم

Post: #261
Title: Re: نداء لابناء الكلاكلة بالبورد
Author: KOSTA
Date: 03-14-2006, 02:44 PM
Parent: #260

احمد القاسم

( سهوك معاك )

على وزن عذرك معاك .

و يا لهذا الزهايمر

Post: #262
Title: Re: نداء لابناء الكلاكلة بالبورد
Author: Ahmed El Gasim
Date: 03-15-2006, 01:00 PM
Parent: #261

Quote: و يا لهذا الزهايمر

اخاف من الزهماير فقط....ان لا اتواصل مع من احب...امثالكم
اعتزاري للجميع عن كل هفوة حصلت واسم سقط(زهمايريا...كما قال كوستا الحبيب)
لكم الود الزي لاينقطع...
احمد

Post: #263
Title: Re: نداء لابناء الكلاكلة بالبورد
Author: KOSTA
Date: 03-19-2006, 11:01 AM
Parent: #262

مدرسة المقرن الثانوية

صول المدرسة :

بالاضافة لمهمتهم الاساسية و هى التدريب العسكرى للطلاب فيما كان يعرف بفرق " الكديت " كانت لهم مهام يومية روتينية :

الصول عبدالفضيل و هو يتواجد دائمآ ببوابة المدرسة الشرقية و ينفذ عقوبات " الجلد " المفروضة على الطلبة ، و بالرغم من ذلك فهو صديق لمعظم الطلاب و محبوب من الجميع لبشاشته .

و هنالك صول آخر نسيت اسمه و مهمته هى التنقل بين الفصول و تلبية طلبات الاساتذة ن طباشير او اى ادوات دراسية اخرى و لتأثره بالعسكرية فكان حين يدخل اى فصل يقوم بتحية الاستاذ الموجود فيه تحية عسكرية صارمة و يردف ذلك بقوله : " و الله يا اولاد استاذ فلان ده احسن استاذ فى المدرسة " . و كان يكرر ذلك مع كل الاساتذة حتى كدنا نصدق ان كل الاساتذة لدينا هم من احاسن الاساتذة .

Post: #265
Title: Re: نداء لابناء الكلاكلة بالبورد
Author: طارق عبد اللطيف نقد
Date: 03-19-2006, 04:06 PM
Parent: #1

يديكم العافية ياشباب
والمناسبة السعيدة انا برضو
قريت في المقرن الثانوية
بس بعدكم بي دفعتين
ومن اجمل ايام الدراسة المقرن
خاصة ايام تسجيلات اللعيبة
لانة كنا بندك الحصص
والمقرن العظيم فيها دفعتها من طيبة الحسناب حتي توتي
والله ايام اها ايقاع
واذكر الاساتذة
عبالله جبر
والتهامي الاحياء
واسماعيل ازهري جغرافيا
وعبدالله الحسن عربي
ومرادونا رياضيات
وعوجه دين
واسماعيل تاريخ
ولنل عودة

Post: #266
Title: Re: نداء لابناء الكلاكلة بالبورد
Author: Ahmed El Gasim
Date: 03-22-2006, 01:52 AM
Parent: #265

Quote: والمقرن العظيم فيها دفعتها من طيبة الحسناب حتي توتي
واذكر الاساتذة
عبالله جبر
واسماعيل ازهري جغرافيا
وعبدالله الحسن عربي
واسماعيل تاريخ[/QUOTE ]
لنا عودة وتعريج علي كل زلك لان البوست دة باين عليهو(موكب زكريات)من سن 30-الي60؟
المقرن بداءت كمدرسة في الستينات واستمرت حتي ...اصبحت الان جزء من جامعة السودان
اعتصر زاكرتي لاستحضار ما استطيع عن اساتزتها وطلابها...وفاء لهم وشوق لكل من علمنا حرفا ولكل زميل
لكم الود
ولفووووق

Post: #267
Title: Re: نداء لابناء الكلاكلة بالبورد
Author: KOSTA
Date: 03-28-2006, 08:32 AM
Parent: #266

اتمنى ان ننشئ " بيلوغرافيا " لكل ابناء الكلاكلات بالخارج عن :

الاسماء
التخصصات العلمية
الخبرات العملية
عناوين واماكن الاغتراب الحالية
ارقام الهواتف
البريد الالكترونى
اى معلومات اخرى
و اقترح ان بتم الحاق ذلك بموقع الكلاكلة على الشبكة العنكبوتيه حتى يسهل الرجوع لهذه المعلومات و كذلك حتى يسهل التواصل .

Post: #268
Title: Re: نداء لابناء الكلاكلة بالبورد
Author: Ahmed El Gasim
Date: 04-01-2006, 02:49 AM
Parent: #267

Quote: اتمنى ان ننشئ " بيلوغرافيا " لكل ابناء الكلاكلات بالخارج

Post: #269
Title: Re: نداء لابناء الكلاكلة بالبورد
Author: منصوري
Date: 04-01-2006, 03:36 AM
Parent: #1

الحقيقة أنا شفتا البوست دا كبير كدة.. ومن زمان كل ما يغتس لى تحت أهلو يرفعوهو لافوق.. قلتا لازم تكون فيهو حاجة سمحة..زبس جيت داخل..
أول ما أسمع اسم الكلاكلة يتبادر الى ذهنك الحلفاوين والمحس والدناقلة فيها كمية كبيرة من المحس منهم...
...........
الحقيقة الكلاكلة أنا لا أكرهها ولا أحبها.. بس قاعد امشي ليها كتير. لو عددت الأفراد من المناصير فيها لوجدت عددهم يزيد على ألف فيها...
أهلنا فيها اشتروا بيوت من سنة خمسة وسبعين وتوالى عددهم..
مربوع القبة
...بت عمتي وزوجها أحمد الحسين الحسن
ثاني مربوع القبة:
أحمد العمراني.. عندهم زرايب فحم وخشب كان في اللفة
جبريل الحسين الحسن:
التريعة
عبد الواحد محمد أحمد
كلاكلة لفة
محمد طه محمد طه..محسي.. كلاكلة قطعية
هاشم الحسن نصر الدين...كلاكلة صنقعت
زمراوي محمد سليمان.. كلاكلة قطعية
أسرةالفنان عبد الرحيم البركل واخوانهم... كلاكلة صنقعت
عندنا مكتبة( القناويت) على شارع الكلاكلة
دكان زيت في الكلاكلة اللفة
مكان تصليح ثلاجات..سوق اللفة
.......
حسن كديس..فني ثلاجات في اللفة زميل مهنة
...........
وغيرو وغيرو..
....................
ظهرت حاجة جميلة في دكاكين الكلاكلة اللفة تشتري دكان وفوقو تبني شقة صغيرة.. في ناس مننا سكنوا كدة..
............
لما أكون في السبعينات جاي من الهلتون للكلاكلة كنتا اشوفا سفر.. اول ما أشوف شجر المزرعة بتاع البان داك العند اللفة بفرح بقول خلاص قربنا نصل الكلاكلة..كانت بعيدة وفيها جنس تراب ناعمة سفاية كدة طينية توسخ الهدوم وتربط على الجلد كدة ومع السخانة والحر تعمل ريحة مميزة تشبه الكلاكلة

Post: #270
Title: Re: نداء لابناء الكلاكلة بالبورد
Author: Ahmed El Gasim
Date: 04-01-2006, 05:11 AM
Parent: #269

باشمهندس منصوري
لك التحايا و مرحب بيك وبكل اهلك في الكلاكلة...التي ولد فيها اجداد اجدادنا!!ولها عشق معنا!وبنحبها عشان كلامك دة
Quote: وفيها جنس تراب ناعمة سفاية كدة طينية توسخ الهدوم وتربط على الجلد كدة ومع السخانة والحر تعمل ريحة مميزة تشبه الكلاكلة

اعرف معظم من زكرت خاصة بصنقعت وقطعية
Quote: حسن كديس..فني ثلاجات في اللفة زميل مهنة

وهو رجل صديق وتلاجاتنا ما بتخلي غيرو يهبشها!!له التحاياولاسرته
ولك الود اخي منصوري

Post: #271
Title: Re: نداء لابناء الكلاكلة بالبورد
Author: saadeldin abdelrahman
Date: 04-15-2006, 04:09 AM
Parent: #1

التهنئة موصولة لإبنة الكلاكلة اختنا وزميلتنا
الدكتورة ايزابيلا على تخرجها طبيبة من جامعة الخرطوم.

يرفع هذا النداء لتجديد موسم الشوق لكلكل و الأخوان هنا
و أخص كوستا و احمد ابوالقاسم و جمال سعيد و صاحب النداء
طارق.

Post: #272
Title: Re: نداء لابناء الكلاكلة بالبورد
Author: Ahmed El Gasim
Date: 04-15-2006, 06:09 AM
Parent: #271

[B]الاخ سعد الدين
تعرف امس حدثني كوستا قائلا(شايف البوست حتل...غطس!)واتفقنا الليلة نرفع البوست...وكنت سباقا... لك الشكر
التهاني لبت الكلاكلة الاخت والابنة الطبيبة القيادية ايزابيلا محمد
وايضا معها اهنئ
كوكبة من الاطباء في الكلاكلة تخرجوا مع ايزابيلا
د. عمر عباس ابراهيم
د. مازن القاسم
ومبروك للكلاكلة
ومرحبا بكم اطباء لتضمدوا وتخففوا الام الناس
ووفقكم الله جميعا

Post: #273
Title: Re: نداء لابناء الكلاكلة بالبورد
Author: Mohamed Abdelgaleel
Date: 04-15-2006, 09:35 AM
Parent: #272

الأخ طارق نقد والاعزاء .. تحياتي لكم ..

طبعاً أنا ما من الكلاكلة .. ولا ينبغي لي .. بل من الريف الواقع في ضل العاصمة .. وهذه مقدمة ضرورية حتى لا يسمع صديق الموج فيعتقد أنني أتغول على حقهم المكتسب بفلاحة أهلهم الذين جاءوا من سقط لقط وسكنوا العاصمة ..

والله يا طارق ما شاء الله .. أتاريها الكلاكلة كبيرة خلاص .. يعني لو دخلتو قسمة ثروة وسلطة ما تقول رحنا فيها ..

هنيئاً لكم بهذا التواصل الحميم وتحياتي لكم جميعاً ..

Post: #274
Title: Re: نداء لابناء الكلاكلة بالبورد
Author: ظبية
Date: 04-15-2006, 12:02 PM
Parent: #1

سلاااااااااااااااااام ليكم جميعاياأهلى الحنان بالحيل ياناس الكلاكلةوحقيقة لاحظت اختفاء العنصر النسائى فى البرمجة الكلاكلية دى وقلت أشارك وعلما لمن لايعرفونى ,ظبية من قدامى ناس البورد واعذرنا يابكرى ومن هنا ومن الكلاكلة القبةوصنقعت كمان ليك الف سلام ,الكلاكلة القبة عشت فيها أحلى ايام ربنا يجمعنا وأهلناقريبا انشاءالله ...شكرالله أحمدمحمود...محمد حامد...عبدالله الجاك(رحمه الله).. عبدالماجد الجاك..عكاشة مضوى..عبدالله جادالله (رحمه الله)..مختارجادالله..مالك جادالله..سليمان جادالله..مصطفى هاشم..عثمان هاشم..ولى عوده وشكرا ياأخ طارق للبوست المميز.

مع تحياتى

ظبية

Post: #275
Title: Re: نداء لابناء الكلاكلة بالبورد
Author: طارق عبد اللطيف نقد
Date: 04-17-2006, 11:03 AM
Parent: #1

مرحب بيك الف
الاخت ظبية
اليك منا التحايا النواضر
ونتمني ان يتواصل سيل مداخلاتك
وتكوني اضافة ثرة للبوست
الزميلة ايزابيلا
او الدكتورة ايزابيلا
الف 000 الف 000مبروك النجاح والتخرج
وبعدين افتحي لينا عيادة في اللفة
ومزيد من المشاركة من بنات وطني الصغير الكلاكلة
والبوست ده ما بتاع عزابة
وشكرا للتواصل الجميل من الاخوة
كوستاو احمد علي القاسم وسعدالدين عبدالرحمن

Post: #276
Title: Re: نداء لابناء الكلاكلة بالبورد
Author: MAHJOOP ALI
Date: 04-18-2006, 10:00 PM
Parent: #275

مبروك لاطباء الكلاكلة
وكان مارحنا منها كنا اضفنا ليكم واحدة
كلاكلاوية مولدا ومنشا تخرجت العام الماضى
تحياتى لكل الكلكلاويين
وسلام خاص لاحمد ابوالقاسم
وبالمناسبة يااحمد اخونا كوستا فيه
ملامح ناس احمد حسب الرسول والريح وعمر
وحاجة من النيل ادريس
وتحياتى للجميع

Post: #277
Title: Re: نداء لابناء الكلاكلة بالبورد
Author: طارق عبد اللطيف نقد
Date: 04-19-2006, 07:32 AM
Parent: #1

Quote: كانت بعيدة وفيها جنس تراب ناعمة سفاية كدة طينية توسخ الهدوم وتربط على الجلد كدة ومع السخانة والحر تعمل ريحة مميزة تشبه الكلاكلة

معقولة بس يا منصوري يا الجاي من الهلتون!!!
في البدء قبل الاسترسال
لك التحية علي المشاركة
ومرحب بك صديق لابناء الكلاكلة الودودين
ولكن يبدو انك طولت جدا من الكلاكلة
هذة المدينة الوادعة التي ترقد علي جنبات النيل الابيض العظيم
والذي ذادها رونقا وجمالا بنسيمة العليل تحسدها علية الكثير من مناطق
السودان والعاصمة
التي اصبحت قبلة لكل السياح من المناطق خصوصا ايام الاعياد والعطل
الذين يأتون زرافاتا ووحداناليستمتعوا بهذا البيتش الرائع في
ود العقلي والتريعة والدخينات والقبة
ويجدون كل الترحاب من اهلها بدون رسوم او ضرائب
بل يجدون كل العون بسخاء وبشاشة وروح جميلة

Post: #278
Title: Re: نداء لابناء الكلاكلة بالبورد
Author: طارق عبد اللطيف نقد
Date: 04-19-2006, 07:57 AM
Parent: #1

Quote: كوكبة من الاطباء في الكلاكلة تخرجوا مع ايزابيلا
د. عمر عباس ابراهيم
د. مازن القاسم
ومبروك للكلاكلة

احمد علي القاسم الرائع الشفيف
لك كل الود والتحايا والشوق ابعاد

Post: #279
Title: Re: نداء لابناء الكلاكلة بالبورد
Author: طارق عبد اللطيف نقد
Date: 04-19-2006, 08:10 AM
Parent: #1

Quote: والله يا طارق ما شاء الله .. أتاريها الكلاكلة كبيرة خلاص .. يعني لو دخلتو قسمة ثروة وسلطة ما تقول رحنا فيها ..

هنيئاً لكم بهذا التواصل الحميم وتحياتي لكم جميعاً
..

محمد عبدالجليل
شكرا ليك يازول ياجميل للتواصل الرائع
ومرحب بيك صديق حميم وعضو في
منبر الكلاكلة السودان المضغر
وعشان كمان تتقاسم معانا السلطة والثروة
الاستاذ محجوب علي
شكرا للمرور والاهتمام
وبرضو الدكتورة من الكلاكلة مش لو رحلتو؟

Post: #280
Title: Re: نداء لابناء الكلاكلة بالبورد
Author: Ahmed El Gasim
Date: 04-20-2006, 03:20 AM
Parent: #279

Quote: [ وبالمناسبة يااحمد اخونا كوستا فيه
ملامح ناس احمد حسب الرسول

الاخ محجوب
لك الف شكر اخي الرائع ...وتحياتي لاسرتك بالسودان وامريكا
كوستا هو المهندس صديق محمد نورالدين=ابن خالي لزم!وشقيق اسامة محمد نورالدين وابن عم المرحوم الزبير الشيخ نورالدين و لو بتزكر الخال الدرديري نورالدين(ديل اهل كوستا لابيه واهلي لامي...) النيل ابن عمي والريح ابن عمي...
احمد حسب الرسول هو ابن عمة كوستا صدقت يا فارس!---وبالمناسبة توفي العم حسب الرسول الشهر الماضي رحمه الله

طارق نقد
شكرا جميلا ولنت تعود لقيادة البوست الجميل
ونرحب بثاني الجندريات ظبية

Post: #281
Title: Re: نداء لابناء الكلاكلة بالبورد
Author: KOSTA
Date: 05-12-2006, 08:48 AM
Parent: #280

ابناء كلكلة اللاوفياء

لكم تحايا و اشواق بالكوم
و نأسف للغياب ( القسرى ) فى طيلة الشهر و نصف الماضية و ذلك بسبب مشغوليات العمل اللامنتهية .
و عودآ على بدء نقول :

اولآ : مرحبآ بعودة اخونا طارق من الاجازة و مواصلته فى الاشراف على البوست و قيادته
ثانيآ : التحية للاخوة عبدالرحمن و محجوب و احمد القاسم على تواصلهم الحميم فى هذا البوست
ثانيآ : لاخونا محجوب اقول ان الاخ احمد على قد فسر اسباب الشبه و لك الود

ثالثآ : التهنئة الصادقة لابنة الكلاكلة الدكتورة ايزابيلا على التخرج و كذلك للدكاترة عمر عباس ( ابن اخت احمد القاسم ) ومازن قاسم القاسم( ابن اخ احمد القاسم ) ، واضيف اليهم:
بنت اختنا الدكتورة هبة احمد فضل و بنات عمنا بابكر الفاضل الدكتورات : سلفانا بابكر و سولارا بابكر الفاضل و اخيهم دكتور محمد بابكر الفاضل .. نسأل الله ان يوفقهم فى عملهم و يجعلهم دخرآ للوطن و للكلاكلة .

نتمنى ان يستمر التواصل لابناء الكلاكلة فى هذا البوست ...لهم جميعآ التحية والمودة

Post: #282
Title: Re: نداء لابناء الكلاكلة بالبورد
Author: KOSTA
Date: 05-13-2006, 02:13 PM
Parent: #281

و للكلاكلة فى دم كل ( كلكلاوى ) يد سلفت ، و دين مستحق

Post: #283
Title: Re: نداء لابناء الكلاكلة بالبورد
Author: saadeldin abdelrahman
Date: 05-13-2006, 02:41 PM
Parent: #1

يا بحر حلتنا

ازيكم يا روعة

Post: #284
Title: Re: نداء لابناء الكلاكلة بالبورد
Author: طارق عبد اللطيف نقد
Date: 05-14-2006, 03:27 AM
Parent: #1

سعد الدين عبد الرحمن
يا زول يا نيل
لك الود لتواصلك الرائع
وبالمناسبة موية الكلاكلات بقت عسل عديل كدة
لأنهم وصلوا خط من النيل للشبكة

Post: #285
Title: Re: نداء لابناء الكلاكلة بالبورد
Author: طارق عبد اللطيف نقد
Date: 05-15-2006, 06:38 AM
Parent: #284

سلامات ياشباب
وين الناس
الاخوان
كوستا
احمدعلي القاسم
منعم شوف
اصحوا شوية
وجيبوا لينا اخبار الكلاكلة

Post: #286
Title: Re: نداء لابناء الكلاكلة بالبورد
Author: Elkalakla_sanga3at
Date: 05-15-2006, 08:56 AM
Parent: #285

سسسسسسسسسسسسسسسسسسسسسسسسسسسسسسسسسلام
بدون فرز ليكم الف سلام و ماخليثو حاجة لينا نقولة معاكع اديكوم العافية وبنجيكم

Post: #287
Title: Re: نداء لابناء الكلاكلة بالبورد
Author: طارق عبد اللطيف نقد
Date: 05-15-2006, 11:09 AM
Parent: #286

مرحب بي صنقعت
من محطة اللفة ومحطة واحد
المحطة 3 والسوق
المحطة 11 و12 والمدرسة الابتدائية العريقة
ورابطة صنقعت
وميدان السهم وميدان الزهرة
وحلة العرب
وحلة المحس
والى الملتقى
نحن في الانتظار

Post: #288
Title: Re: نداء لابناء الكلاكلة بالبورد
Author: KOSTA
Date: 05-31-2006, 02:45 PM
Parent: #287

وين الناس ؟؟؟

Post: #289
Title: Re: نداء لابناء الكلاكلة بالبورد
Author: أيزابيلا
Date: 05-31-2006, 10:52 PM
Parent: #288

ولا زالت المياه تجري أسفل الجسر
والحكايا والأسماء
والشوارع التي أتصفحها صباح مساء
وأختزنها في ذاكرتي خشية أن يداهمني الغياب
‏_شكرا لمن باركوني وصديقي العزيز مازن
شكرا ظبية
فقد آنست وحشة الجندر في هذا المكان

Post: #291
Title: Re: نداء لابناء الكلاكلة بالبورد
Author: Ahmed El Gasim
Date: 06-01-2006, 09:52 AM
Parent: #289

ابناء الكلاكلة
لكم التحية اين ماكنتم
التحية للجندريات ظبية وايزابيلا
كوستا
غيابك طاااااااااااال؟
طارق نقد
ابقي عشرة علي بوستنا ما تخليهو يغطس تاني!!
الكلاكلة صنقعت
صنقعت عديييييل كدة؟معقولة؟ومرحب بيك ومفروض تبقي سيد البوست انت يا سيد الاسم
سعد الدين
ما تغيب يا اخوي!
ولكم الود جميعا
وابقو عافية

Post: #292
Title: Re: نداء لابناء الكلاكلة بالبورد
Author: طارق عبد اللطيف نقد
Date: 06-03-2006, 01:21 PM
Parent: #1

مساء الخير يا شباب
والجندريات اصبحوا يحلوا البوست
وشكلوا ح ينتعش
وبالمناسبة انا جابوا لي بنت والسماية كان امبارح
والعرسان كتار اتقدموا ليها
لكن انا داير ليها عريس من الكلاكلة
يالا شدوا حيلكم
ودمتم

Post: #293
Title: Re: نداء لابناء الكلاكلة بالبورد
Author: ghariba
Date: 06-03-2006, 01:47 PM
Parent: #1

الاخ طارق
الكلالكة صنقعت

لي فيها الكثير من الذكريات وجزء من تاريخ حياتي
وفيها تزوجت

وكل هذا من بيت شقيقي أحمد غريبة في محطة 9

واولاده ياسر ويوسف ومحمد وغيرهم

صلاح غريبة

Post: #294
Title: Re: نداء لابناء الكلاكلة بالبورد
Author: Ahmed El Gasim
Date: 06-03-2006, 04:21 PM
Parent: #293

(وبالمناسبة انا جابوا لي بنت والسماية كان امبارح
والعرسان كتار اتقدموا ليها
لكن انا داير ليها عريس من الكلاكلة)

الاخ طارقالف مبروك وتتربي في عزكم وجعلها الله من الصالحات العابدات
لو السماية امس يمكن عبد الخالق يكون حضرها (بالمناسبة عندو عريسين ماشاء الله)الا تابي بنتك!!
لك التحية

صلاح غريبة
لك التحية وازي ما قلنا ليك اخوك احمد احمد حسن غريبة رجل معروف وسط اهلنا وله التحية(ربما لم اقابله من 24سنة؟)له تحية صحة وعافية
وماتنقطع من هنا ما دام قلت ( لي فيها الكثير من الذكريات وجزء من تاريخ حياتي
وفيها تزوجت )
مرحب بيك وبكل ال غريبة وحكومة
وفوق...

Post: #295
Title: Re: نداء لابناء الكلاكلة بالبورد
Author: طارق عبد اللطيف نقد
Date: 06-12-2006, 01:20 PM
Parent: #1

صلاح غربية
لك الود وشكرا علي المرور
والغرايبة اهلنا وناسنا وعشرة عمر
احمد يا جميل
السماية كانت في السعودية -عفيف
واولاد عبد الخالق اولاد حلتنا
وزوي القربي اولى بالمعروف
ودمتم

Post: #296
Title: Re: نداء لابناء الكلاكلة بالبورد
Author: KOSTA
Date: 06-14-2006, 02:18 PM
Parent: #295

الكلكلاويون
الكلكلاويات

تحايا بعشم الخاطر
لولا كثير و عسير مشغوليات ما انقطعنا عن هذه الدوحة
كل المنى للجميع بمتعة الصحة و العافية

طارق
مبروك الفارسة
والفرسان لزوم يجمعوا مهر الاميرة منذ الآن

ود القاسم

باااااالغت عديل كده
انا مشغووووووول ، انت مالك ؟؟؟
ادينا هلو ضرورى

غريبة الكلكلاوى

تحايا بطعم هذه الارض الرؤوم
مع تحياتى

و للجميع باقات ورد و عبق بزنابق الصباح الطرى

Post: #297
Title: Re: نداء لابناء الكلاكلة بالبورد
Author: saadeldin abdelrahman
Date: 06-26-2006, 10:29 AM
Parent: #1

الاخوان الافاضل

كوستا و احمد
و صاحب البوست و جدل الهوية (موضوع حيوي) طارق

و الاخوات الحبيبات

نحن و نحن الشرف الباذخ دابي الكر شباب النـيـل

لكم التحايا التي تشبه وفائكم
و حبنا للنيل و الجروف و الناس الطيبة

---

طارق

البنية تتربى في عزكم ان شاء الله
و تشرب من موية كلكل التي بشرتني بها

محبتي

Post: #298
Title: Re: نداء لابناء الكلاكلة بالبورد
Author: طارق عبد اللطيف نقد
Date: 06-28-2006, 05:48 AM
Parent: #1

يا روائع مشتاقين
كوستا والله واحشنا عديل كدة غيابك طول
والله البت دايرين ليها الستر بس
بنشتري راجل المهر كم ما مهم
العزيز سعد الين عبد الرحمن
لك الود والشوق
طال غيابك
وارجوماتهملوا البوست
وخلوا دايما في الصفحة الاولي في البورد
احمد القاسم وينك يا عزيز

Post: #299
Title: Re: نداء لابناء الكلاكلة بالبورد
Author: Ahmed El Gasim
Date: 06-28-2006, 07:39 AM
Parent: #298

اخوة الكلاكلة
سلام
شكرا لكم
سعد الدين....مسجل غياب غير مالوف!! لك الود وتحيات البنيات ليك يا ظريف..
كوستا يا زول والله مشتاقين...
طارق نقد...شفناك ....شفناك...في صورة وداع ود قاسم!! عبد الخالق ما زال بالكلاكلة....بالسلامة
منعمشوف...اتصلت بك مرتين ولم نجدكم؟نرجو الحاولة مرة اخري..

Post: #300
Title: Re: نداء لابناء الكلاكلة بالبورد
Author: عصام الطيب حسن
Date: 06-28-2006, 07:54 AM
Parent: #1

الصبر قاسى و الكلاكلة سفر

ناس الكلاكلة ازيكم ،،،،

أحمد على ،،، حسى لو طالبناكم بترسيم حدود الكلاكلات حترجعوا بينا لحدود 56 ولا كيف ....اتذكر عند قدومنا للكلاكلة فى عام 76 م كانت الحدود الجغرافية واضحة بين الكلاكلات حيث كانت القلعة بيها و بين القبة فاصل ( اصبح يعرف لاحقا بالكلاكلة المعلقة و حاليا حصل تلاحم انعدمت فيه الحدود ....كذلك ضاعت الحدود بين ابو ادم و القطعية و ود عمارة ...) حقوا يسموها بعد دا الكلاكلات المتحدة

أتمنى أن يثمر هذا البوست عن افكار تساهم برضو فى تطوير الكلاكلات بحكم ان اهل مكة أدرى بشعابها و مشاكلها و احتياجها للخدمات

لكم التحية

Post: #301
Title: Re: نداء لابناء الكلاكلة بالبورد
Author: طارق عبد اللطيف نقد
Date: 06-29-2006, 03:05 AM
Parent: #1

احمد القاسم يا عزيز سلامات
واأتمنى أن يثمر هذا البوست عن افكار تساهم برضو فى تطوير الكلاكلات بحكم ان اهل مكة أدرى بشعابها و مشاكلها و احتياجها للخدمات لله احتفال ودقاسم
كان رائع بروعة بورداب سودانيز اولاين
بس افتقدناكم
وعقبال ما نتقابل علي الطبيعة
Quote: واأتمنى أن يثمر هذا البوست عن افكار تساهم برضو فى تطوير الكلاكلات بحكم ان اهل م

شكرا ليك يازول ياجميل علي مرورك ومساهماتك ولاعدمناك

Post: #302
Title: Re: نداء لابناء الكلاكلة بالبورد
Author: طارق عبد اللطيف نقد
Date: 07-01-2006, 03:25 PM
Parent: #1

فوق فوق الكلاكلة فوق

Post: #303
Title: Re: نداء لابناء الكلاكلة بالبورد
Author: Ahmed El Gasim
Date: 07-01-2006, 05:05 PM
Parent: #302

الكلاكلة فوق
جاييكم...
...البرازيل مغصتنا..وزيدان وفرنسا يستاهلو..
مجدي جلال مبروك عليكم ربع النهائي..
نقد
شكرا جميلا ليك
لكم التحايا

Post: #304
Title: Re: نداء لابناء الكلاكلة بالبورد
Author: مبشر إبراهيم أنور
Date: 07-03-2006, 05:15 AM
Parent: #303

احيكم على البورد الظريف دا ...

ما تسألوني ظريف كيف؟؟ عشان أنا ذااااااااتي ما عارفو ظريف كيف!!

لككن ما دام خشت فيها الكلاكلات وهلمجرا .. دخلوني معاكم..

مبشر إبراهيم أنور
الكلاكلة صنقعت محطة12 آآآآآآآآآآآآآآآخر محطة

بس قولو دايرين مبشر وهم بيجيبوكم.
حتقولو لي منو الحيجيبنا مش؟؟
أي زول بيجيبك لي ...

Post: #305
Title: Re: نداء لابناء الكلاكلة بالبورد
Author: عصام الطيب حسن
Date: 07-03-2006, 05:29 AM
Parent: #303

أحمد على و الشباب

تحية كلكلاوية بشوقى مروية

بمناسبة طرحك الرياضى دا ....شايف فى اجازتى الفاتت انو ميدان الرابطة الذى كان يذخر سابقا بالنشاط الرياضى قد تمت محاصرته فى اضيق نطاق و اصبحت كل الطرق لا تؤدى اليه ......... مدرسة و مقابر و قسم شرطة ...... ما عارف هم تم انشاء ميدان رابطة بديل ولا الحاصل شنو

Post: #306
Title: Re: نداء لابناء الكلاكلة بالبورد
Author: Ahmed El Gasim
Date: 07-03-2006, 09:45 AM
Parent: #305

عصام الطيب حسن قال
(واأتمنى أن يثمر هذا البوست عن افكار تساهم برضو فى تطوير الكلاكلات)
يا طارق نقد
الطرح الجميل دة من بنات افكار الظريف اللطيف صديقي اللدود عصام الطيب حسن..رغم انو 20 سنة كدة مااتلاقينا لكن زي الماافترقنا..
وبالمناسبة هو من الرياض...ترخيص الصين!
وانا اثني يا عصام...

ويا مبشر
محطة 12؟مرحب بيك يا ظريف علي الطلة
انت معناها جار ناس علي (طروش) وناس ابا يزيد وناس اب ضلع(بيتهم كان فاتح علي المحطة من الجهة الغربية) ؟ودكان عبد المطلب(ناس فريد)؟وناس بدري داؤد(عادل بدري واخوانه)والرحوم محمد صلاح الدين بدري...
وصيدلية وديع (الكلاكلة)؟قرب المركز...وصلنا ولا انا طولت من الحلة ديك وصفيت...وبيني وبينكم الكبر حصل
وابقي طلنا..

Post: #311
Title: Re: نداء لابناء الكلاكلة بالبورد
Author: مبشر إبراهيم أنور
Date: 07-04-2006, 03:01 AM
Parent: #306

احمد القاسم ...

وصلت تب...

ياني زولك زااااااااااااتو....

ناس أب يزيد ديل جيرانا..

عندك أي وصية..؟؟؟

نكرر التحايا على البورد الجميل دا

Post: #312
Title: Re: نداء لابناء الكلاكلة بالبورد
Author: Ahmed El Gasim
Date: 07-04-2006, 07:39 AM
Parent: #311

مبشر
شكرا علي التحية
وسلم علي الاهل والجيران
وابقي قريب
سلام يا ظريف

Post: #307
Title: Re: نداء لابناء الكلاكلة بالبورد
Author: عصام الطيب حسن
Date: 07-03-2006, 10:25 AM
Parent: #1

أحمد على و الله التقول بتاع ( عوائد )

ما شاء الله عينى باردة ....أى زول مطلع ليه شهادة بحث

Post: #308
Title: Re: نداء لابناء الكلاكلة بالبورد
Author: Ahmed El Gasim
Date: 07-03-2006, 01:23 PM
Parent: #307

Quote: أحمد على و الله التقول بتاع ( عوائد )

ما شاء الله عينى باردة ....أى زول مطلع ليه شهادة بحث

عينك باردة علي يا حبيب من زماااااااان
بس البوست محتاج لمعرفين واحمد اخوك ممكن يكون منهم والحمدلله

Post: #309
Title: Re: نداء لابناء الكلاكلة بالبورد
Author: KOSTA
Date: 07-03-2006, 02:45 PM
Parent: #308

الكلكلاويون
الكلكلاويات

تحايا كثيرة و اشواق

عشمنا ان تكونوا جميعكم بخير و عافية

تحايا خاصة للاخوة :

طارق
سعدالدين
احمد على القاسم
محجوب على
عصام حسن

و الجميع من اهل الكلاكلة بلا فرز

اعذرونا للمشغوليات ( فوق العادية )

خاطرنا و تخاطرنا معكم بلا انقطاع

و تبراكم العافية

Post: #310
Title: Re: نداء لابناء الكلاكلة بالبورد
Author: KOSTA
Date: 07-03-2006, 02:45 PM
Parent: #308

الكلكلاويون
الكلكلاويات

تحايا كثيرة و اشواق

عشمنا ان تكونوا جميعكم بخير و عافية

تحايا خاصة للاخوة :

طارق
سعدالدين
احمد على القاسم
محجوب على
عصام حسن

و الجميع من اهل الكلاكلة بلا فرز

اعذرونا للمشغوليات ( فوق العادية )

خاطرنا و تخاطرنا معكم بلا انقطاع

و تبراكم العافية

Post: #313
Title: Re: نداء لابناء الكلاكلة بالبورد
Author: KOSTA
Date: 08-27-2006, 03:45 PM
Parent: #310

وييييييييييييييييييييييييييييييييييييييين الناس ؟؟؟؟؟

Post: #314
Title: Re: نداء لابناء الكلاكلة بالبورد
Author: منعمشوف
Date: 09-01-2006, 08:20 AM
Parent: #313

ana huna ya shabeeba

thanx a lot 3ala also2al ya

ahmed ali algasim
kosta
isabella
tarik a.lateef

and every kalaklest in alpost alsha7man
i'll try to come soon in arabic, taslamoo

Post: #315
Title: Re: نداء لابناء الكلاكلة بالبورد
Author: ابو طويلة
Date: 10-26-2006, 04:58 AM
Parent: #1

السلام عليكم وكل عام وانتم بخير وربنا يحقق الاماني ويجمعنا في ساعة خير ياكلآكلأب

********( بهاء الدين محمد خير عبد الله)*********

Post: #316
Title: Re: نداء لابناء الكلاكلة بالبورد
Author: Sayed Bekab
Date: 10-26-2006, 12:35 PM
Parent: #1

سيد عبدالرحمن بيكاب جزيرة صاي - الكلاكلات بكل انواعها
[email protected]

كل عام و إنتم و جميع اهل الكلاكلة بخير

التحية كلا التحايا لزملائي دربي و اهلي فى الكلاكلة سكنت فى صنقعت بوافر محطاتها و الوحدة و القطعية سوق الجو و حومته الكلاكلة من سوق اللفة حتي زلط ابو عواض فى الوحدة علي كرعاي يا سلام كلاكلة الآمان و الناس الحنان و رحلات يوم الجمعة لود العقلي و الجبل وباسطه صنقعت سوق محطه تلاته و قعده دكان بيرم و حفلات امير الخلا و حله البصاوله و ترحيل رابطة ابناء الكلاكلة بجامعة الخرطوم و نادي ترهاقا ايام ليتها تعود لتعود البهجة و الفرحة غبت عن الكلاكلة منذ عام ٢٠٠٠ و زرتها مؤخرا فى عام ٢٠٠٦ وياله من تغير قد طرا علي هذة المدينة العريقة بجيكم راجع بعدين باطرف موقف حصل لي فى زيارتي الإخيرة و التحية لكم جميا

Post: #317
Title: Re: نداء لابناء الكلاكلة بالبورد
Author: ابو طويلة
Date: 11-02-2006, 03:49 AM
Parent: #1

*********************************************************************************************************
*********************************************************************************************************
***************************************** *******************************************
***************************************** فوق فوق يا كلاكلاب فوق*******************************************
***************************************** *******************************************
*********************************************************************************************************
*********************************************************************************************************

Post: #318
Title: Re: نداء لابناء الكلاكلة بالبورد
Author: ابو طويلة
Date: 11-07-2006, 07:45 AM
Parent: #1

الاخوة الاعزاء السلام عليكم وخاصة الاخوة الكلاكلاب في اثناء عملية الجرد الغير منتظم للحاجات الجبتها من السودان كتزكارات وقعت في يدي الصورة النادرة دي والرائعة جدا جداوهي تخص اخي الاكبر عبد الخالق ( ازيك يا فردة) جات عندي كيف انا ما عارف , المهم طبعا الشباب ديل دفعتك وهم من اليمين وقوفاعماد علي صاغة (عمدة) , عوض ارباب من ابناء الشجرة وكان بلعب في فريق الوحدة ومن اليمين جلوسا خالد حسن الخير(خالد كيج) وحامدعقرب .
والصورة دي اعتقد انها في بداية التمنينات (83 او 84 ) في دورة المرحوم زيادة فقيري والتقطت في ميدان رابطة الكلاكلة الوحدة والمباراة كانت بين فريق الوحدة وفريق الجهاد (الهدف حاليا)
اما الصورة بتاعت الامجاد دي في لفة الكلاكلة القبة جنب طرمبة كونكورب

Post: #319
Title: Re: نداء لابناء الكلاكلة بالبورد
Author: ابو طويلة
Date: 11-07-2006, 07:51 AM
Parent: #318

Post: #320
Title: كلاكلاوي اصلي
Author: يسرى صلاح
Date: 11-10-2006, 01:49 PM
Parent: #1

التحية لجميع ابناء الكلاكلات بالبود وحقيقي
سعيد انا جدا بهذا التواصل الجميل .
طبعا معاكم شيخ الكلاكلة والشيخ عبدالقادر
ودامريوم طبعا لوانتو كلاكلاوين اصيلين حاتجو
تاخدو البركة والمعترض يعمل حسابو .
سعيد انا بهذا التجميع واتمني ان يدوم تواصل
ابناء كلكلة .

الشيخ يسري صلاح منصور مناع

الكلاكلة القلعة

Post: #321
Title: كلاكلاوي اصلي
Author: يسرى صلاح
Date: 11-10-2006, 01:54 PM
Parent: #1

التحية لجميع ابناء الكلاكلات بالبود وحقيقي
سعيد انا جدا بهذا التواصل الجميل .
طبعا معاكم شيخ الكلاكلة والشيخ عبدالقادر
ودامريوم طبعا لوانتو كلاكلاوين اصيلين حاتجو
تاخدو البركة والمعترض يعمل حسابو .
سعيد انا بهذا التجميع واتمني ان يدوم تواصل
ابناء كلكلة .

الشيخ يسري صلاح منصور مناع

الكلاكلة القلعة

Post: #322
Title: ابناء الكلاكلات
Author: يسرى صلاح
Date: 11-10-2006, 02:11 PM
Parent: #1

سعيد انا بتواصل ابناء الكلاكلات طبعا معاكم
شيخ الكلاكلات ( ود الشيخ عبدالقادر ودامريوم )
الكلاكلة القلعة بالمناسبة انا ماعرفت واحد
فيكم ربما لظروف انقطاعي عن الكلاكلة لمدة تصل
الي حوالي 20 عام .
المهم تجوا كلكم تاخدو البركة من ودالشيخ ماذا
والا

تحياتي لجميع ابنا الكلاكلة الطيبون
واتمني ان يدوم تواصلكم

يسري صلاح منصور مناع

الكلاكلة القلعة

Post: #328
Title: Re: ابناء الكلاكلات
Author: Ahmed El Gasim
Date: 11-15-2006, 09:07 AM
Parent: #322

Quote: سعيد انا بتواصل ابناء الكلاكلات طبعا معاكم
شيخ الكلاكلات ( ود الشيخ عبدالقادر ودامريوم )
الكلاكلة القلعة بالمناسبة انا ماعرفت واحد
فيكم ربما لظروف انقطاعي عن الكلاكلة لمدة تصل
الي حوالي 20 عام .
المهم تجوا كلكم تاخدو البركة من ودالشيخ ماذا
والا

تحياتي لجميع ابنا الكلاكلة الطيبون
واتمني ان يدوم تواصلكم

يسري صلاح منصور مناع

يسري
مرحب بيك لكن والله قايلين نفسنا شيوخ الكلاكلة؟طيب بركاتك يا ود مناع(يا نسابينا!!) ممكن ناخد منك البركات....... بس عندي سؤال(انت في الصورة بتغني ولا بتمدح يا قريبنا)؟
الحب لكل اهلنا في القلعة بدء من العمدة الضو ود شيخ الخت(ط) وال الزبير وال مناع وال عبد القادر والي اصدقائي ودفعتي واهلنا: اسماعيل حمد...عيد حمد محمد احمد...مختار شمس الين....دز نادر الشيخ عبد الله واخوه د. عادل ومنير علي البشير! وراشد عبد الصمد!
وصديقي عاصم ابراهيم جمال صادق واسرته وابو القاسم سيد خليل واخوانه ومحمد جلال عيسي واسرته
ود محمد ابراهيم عيسي واسرته..وحسن عزالدين(امريكا الان) واسرته واترحم هنا علي اخونا المرحوم محمد عزالدين ....
ويا يسري مرحب بيك وما تنقطع وسلامي للاهل بقطر ناس ابراهيم بلة والكلاكلات
احمد علي القاسم...صنقعت

Post: #335
Title: Re: ابناء الكلاكلات
Author: يسرى صلاح
Date: 11-27-2006, 09:54 AM
Parent: #328

شيخ احمد نحنا شيوخ الكلاكلة القلعة وانتو شيوخ صنقعت
ماتزعل ياخ بالمناسبة الناس الذكرتهم ديل كلهم اهلي
واصحابي لاكين حقيقي نحنا طولنا من الكلاكلة والواحد
بقي يجي فيها غريب عموما ربنا يجمعنا في الكلاكلة جميعا
بالمناسبة في الصورة قاعد اقراء في نشرة الاخبار
تحياتي للاسرة

ابومناع

Post: #323
Title: Re: نداء لابناء الكلاكلة بالبورد
Author: MAHJOOP ALI
Date: 11-10-2006, 11:28 PM
Parent: #1

اجمل التحايا
لكل كلكلاوى
وعلى راسهم العمدة كوستا
وشيخ الخط احمد القاسم

Post: #330
Title: Re: نداء لابناء الكلاكلة بالبورد
Author: Ahmed El Gasim
Date: 11-15-2006, 09:14 AM
Parent: #323

الاخ محجوب محمد علي
لك الود والتحية
تقبل تحيات الاخ النيل ادريس وهو يعمل هنا بابوظبي ايضا...قابلت العاص شهر 9 الماضي بالسودان وكنا في سيرتك...تحياتي لاهلك بالسودان وامريكا؟اين ازهري محمد علي؟له السلام اينما كان...
تعرف يا محجوب والدتي في الاجازة زكرتني بالاخ بدري بشري؟من حلتكم؟اظنه بليبيا!
ومن منطقتكم نزكر:
اسامة محمد عبد المجيد
عثمان محمد عبد الله
د زهير عبد القادر
عمر عبد القادر
د عمر محمد عبد الله
عبد الله وعادل عبد الواحد اشقاء المرحوم عصام (استشهد بالجنوب87)
اشرف شريف الطاهر
سراج احمد درية
بشارة احمد درية
خالد حسن عبد السيد
ياسر حسين
التحايا لهؤلاء والعتبي والسلام لمن سقط سهوا في هزه السانحة
ويبدو انو الكبر حصل جد جد
وفقكم الله
ولكم الحب

Post: #325
Title: Re: نداء لابناء الكلاكلة بالبورد
Author: ابو طويلة
Date: 11-12-2006, 06:57 AM
Parent: #1

الاخوة الاعزاء السلام عليكم وخاصة الاخوة الكلاكلاب في اثناء عملية الجرد الغير منتظم للحاجات الجبتها من السودان كتزكارات وقعت في يدي الصورة النادرة دي والرائعة جدا جداوهي تخص اخي الاكبر عبد الخالق ( ازيك يا فردة) جات عندي كيف انا ما عارف , المهم طبعا الشباب ديل دفعتك وهم من اليمين وقوفاعماد علي صاغة (عمدة) , عوض ارباب من ابناء الشجرة وكان بلعب في فريق الوحدة ومن اليمين جلوسا خالد حسن الخير(خالد كيج) وحامدعقرب .
والصورة دي اعتقد انها في بداية التمنينات (83 او 84 ) في دورة المرحوم زيادة فقيري والتقطت في ميدان رابطة الكلاكلة الوحدة والمباراة كانت بين فريق الوحدة وفريق الجهاد (الهدف حاليا)
اما الصورة بتاعت الامجاد دي في لفة الكلاكلة القبة جنب طرمبة كونكورب

Post: #326
Title: Re: نداء لابناء الكلاكلة بالبورد
Author: ابو طويلة
Date: 11-12-2006, 07:18 AM
Parent: #1

والصورة دي لنجوم الوحدة صغرتها عشان ناس بكري ما يدقو جرس

Post: #327
Title: Re: نداء لابناء الكلاكلة بالبورد
Author: ابو طويلة
Date: 11-15-2006, 07:03 AM
Parent: #1

(والله ايام يا زمان ببكي واتحسر عليك)

الاخوة الاعزاء السلام عليكم الصورة لفريق الوحدة وهي بتذكرني بانسان عزيز وغالي لدي جميع من عرفه هذا الانسان انتقل الى جوار ربه نسال الله له الرحمة والمغفرة رحمك الله يا انور صالح وادخلك في فسيح جناته مع الانبياء والشهداء والصديقين والصالحين وحسن اولئك رفقياكان انور صالح وهج من النشاط وكانت الابتسامة وروح الدعابة لا تفارقه.....
ومن هنا احي جميع شباب الكلاكلة الوحدة واسرة الراحل المقيم في دواخلنا مهما حيينا

Post: #329
Title: Re: نداء لابناء الكلاكلة بالبورد
Author: Ahmed El Gasim
Date: 11-15-2006, 09:12 AM
Parent: #327

الاخ
باشمهندس بهاء الدين
لك التحية وانت تنير بوست الكلاكلة...لكن بعجت لينا البوست بالصور الكبيرة د ي صغرها شوية !!
الرحمة للمتوفين من ابناء الكلاكلة والرحمة لاخونا انور صالح.....

Post: #331
Title: Re: نداء لابناء الكلاكلة بالبورد
Author: ابو طويلة
Date: 11-16-2006, 01:27 AM
Parent: #1

برضو ناس نادي الوحدة
الاخ العزيز احمد علي القاسم لك الود والتحية الصور دي لو صغرتهاما حتقدرو تميزو الناس الفيها لانها من سنة اسكت وانا مراعي عامل السن خليها مستورة يا (حاج)

Post: #332
Title: Re: نداء لابناء الكلاكلة بالبورد
Author: ابو طويلة
Date: 11-27-2006, 05:51 AM
Parent: #1

up

Post: #333
Title: Re: نداء لابناء الكلاكلة بالبورد
Author: صالح عبده
Date: 11-27-2006, 06:10 AM
Parent: #1

شكرا اخى طارق لاهتمامك بهذا الحى الجميل واهله. وياريت كمان تعمل ليك جمعيه ولانادى
لابناء الكلاكله.
صالح عبده......... الوحده. محطة سماره

Post: #334
Title: Re: نداء لابناء الكلاكلة بالبورد
Author: ابو طويلة
Date: 11-27-2006, 06:49 AM
Parent: #1

الاخوة الاعزاء البورداب تحياتي لكم واخص بالتحية ابناء الكلاكلة(قلعة,منورة, قطعية , قبة, صنقعت.وحدة, شرق, الدخينات)
الاخ صالحعبده وين في محطة سمارة وين من نادي الوحدة والسوق انا ساكن الوحدة شارع سمارة