الشـعر الغـنائـي عند الشـايقـية (شايقية بلاحدود)

إن اهلنا في الشمال وأعني الشايقية علي وجه الخصوص لهم باع طويل في صناعة الشعر والشعر الغنائي تحديدا فهم قد طرقوا كافة مناحي الحياة شعرا وغناء فلذلك نجدهم كونوا صرحا شامخ للغناء الشعبي في بلادي , فغناءهم مفعم بالحنية والحنين والعشق العفيف والنظر إلي ضروب الحياة بريشة فنان بارع يصور الكون بمفردة تجد مسربها إلي الوجدان حيث إن تجد كلماتها تتسم بالبساطة ورقة الإسلوب وسهولة المعاني لأنها إستمدت من مياه النيل وخضرة الجروف و لا سيما إن اهلنا في الشمال يمارسون مهنتي الزراعة ورواويس المراكب وهؤلاء الشعر عندهم حرفة والغناء عندهم هواية محببة ...
لذلك نري بين سطور قوافيهم المنجل والطورية ووالتقند والماروق والجدول وتشتم رائحة الطين وتسرح مع قوقاي القماري في شتيلات النخيل المتاكي علي ضفاف النيل عندما تسمع أحدهم يقول صادحا :

نولف بين ضرا الحبان
ولـف تربـال وطوريـة
سلام يانخلة عز الريح
هوت في إحضانة قمرية
ســلام يامن نقح ريدو
ورواهو وفاوبياض نية
وزرب بالإلفة حيضـانو
وكشـح مـاروقـو حنية
إلا الدنيا فطنة ريـد
بقـت دولار وإيـديــه ((حميد))

ليست غريبة هذه الكلمات علي شباب رضعوا من ثدي النيل وترعرعوا بين احضان الخضرة الكاسيةالجروف
وعندما يتحدثون عن شيئ ما تجد الوصف الدقيق وتسبح في عوالم الخيال لتجد كأنهم يحلقون بك في عالم محسوس وتري لها التصور الكامل .
فعندما يتحدثون عن الغزل نجد في غزلهم عفة ودعابة بطيب خاطر وإيضا نجد في شعر الغزل ريحة الطين والجروف وخضرة الحقول الوارفة ...

نــلاقــيك نـقـول إنــشاالله نــتفــرق
وكان قبلنا منك غادي لي شوفتك بنتحرق
مفرهدي زي خدير لليلي مادنا منو زول ورًًق
ويات من شافوا من غير شورة شال منجلو وطرق
قوافل غربت في دربوا يا نعم العنا وشرق
ما كت يا زمان فراق ومالك ما قدر فرق

ففي هذه المساحة نفرد للأغنية الشايقيةالشراع ونتكئ ونطالع أجمل ما كتب في ذلك العالم الجميل من الشعر في شتي ضروبه... (هذه المساحة مفروده للجميع...)


ود زبيدة

الاخ منتصر
لك التحيه يكفى ان هذه المنطقه انجبت هؤلاء
اسماعيل حسن
عبدالله محمد خير
حسن الدابى
وابنه حاتم
وود ابنعوف
ووووو
ويكفيها هذه البلابل المغرده
النعام ادم عليه الرحمة
يسن عبد العظيم عليه الرحمة
والغريد صديق احمد شفاه الله ووووو
ما يميز شعر هذه المنطقة هو تناوله للحياة الاجتماعيه بحلوها ومرها وتقديمها فى قالب يجعل كل من يستمع الى هذا الشعر متاثرا بصدق وبساطة كلماته.
ولنا لقاء اخر باذن الله

ساعة نحن نتلاقي يفيض بحر الزمان إلفة
يثور موج الفراق زعلان يقلبوا يرجع الضفة
نسافر في بحار الود معاكم نوصل المرفا
نودع قولة آه وحليل نشوفكم والقلوب تصفي
ونقول لأحزانا يلا بعيد دخولك كان زمان صدفة
(إبراهيم محمد خير)

الأخ عبد الغفار عبد الله المهدى

لك التحايا أخي ومرحبا بك لنبحر سويا في هذا العالم الساحر الجميل للكلمة التي من واقع الحياة الكلمة الصادقة النابعة من تلك القلوب الصادقة المفعمة بالحنية والحنين
وفي إنتظار مساهمتك ومساهمات الأخوة

ود زبيدة

ياسـلام علي الجمـال..
نقـرا بكـل أحـاسيسـنا..

مـني عـوض خـوجـلي

up

الف مرحب بيك مني عوض خوجلي
في رحاب الغناءالجميل وتلك المشاعر الفياضة
والحب الصادق والكلمة العذبة التي تعبر عن واقع حالها بأبسط ما يكون
فالف مرحب بيك
مني وفي انتظارك

ود زبيدة

تسلم علي المرور الاخ كوستاوي
فاهلن ومرحب بيك في رحاب الشايقية
ومنتظرين
وتسلم يا رب

ود زبيدة

حواء قالت داير تشرب ما لقيت حتى ريقه
حواء قالت داير تاكل لو لقتلها لقمه نيه
قالوا ليها ان داير تاكلى اكلى فى خاطرك شويه
اضحكيلم وابسميلم تلقى بدل اللقمه ميه
حواء قالت داير تلبس حشمه ما شرطا قيافه
قالوا ليها الداير تلبس الا تقلع توب عفافه
سوت الشاى للعطاله ما جنت غير الرزاله حامت الحلال تغسل
شالوا ناس الحله حاله
هذه الكلمات الرائعه والتى خرجت فى زمن عانت فيه المراه ما عانت
ومن هذا المنبر التحيه للشاعر شقورى

وعد الحبيبة
كلمات : إبراهيم محمد خير إلحان وغناء : صديق أحمد

معا نطالع من أجمل ما كتبه الشاعر عبد الله محمد خير والتي لحنها المبدع صديق أحمد شفاه الله وهي قصيدة وعــــد الحبـيـبة تلك القصيدة المدهشة والتي يحلم الشاعر فيها بلقاء محبوبته وهو يتصيد خطواتها ويلاقيها بنظراته كلما ذهبت إلي مشوار قصيرا كان أم بعيد فهما سيان عنده يتمني لها إن تصحبها السلامة وأن تنعدل عليها وتتوفق في كل خطوة تخطوها وأن يظلل لها الغمام وأن تنظم السحب الممطرة حتي لا تعاني من حر الصيف وشمسه المحرقة أي حب هذا الذي يجعل الانسان يتخيل محبوبته وهي في الطريق تتعثر ويخشي أن يصيبها مكروه فهذه دلالة واضحة لذلك الحب الذي يخرج من بين مكامن الاخلاص
عديلة عليك مشاويرك عديلة
عديلة إكان قصيرة ان كان طويلة
عديلة عليك محل ما تمشي تمشي
ياعديلة أبقيلو زي الغيمة رشي
ويذهب إلي منح أخر في كونها محل إهتمامه وشغله الشاغل وبذلك يصرح بأن كل همه هي راحتها في كل شيئ في حركاتها وسكناتها ومشيتها ونومها وبذلك ينهي به الإهتمام إلأي درجة الطاعة فهو يخاطبها بأن عليها الأمر وهو يكون في منفذا لأوامرها ويصحب هذا التمني في عدم إطالة الغيبة فهو يناشدها بأن توعده بأن لا تغيب عنه طويلا فأنتي تعلمي إيتها الحبيبة كم أنا أعاني من غيابك وكانه يريد أن يقول لها وعد الحر دين عليه
ويؤكد قوله بأنه وعد من أنبل حبيب لأجمل حبيبة فيقف ليحتفل بيوم المني والفرح ويوم السعد الذي يخاله قريبا منه بوعدها والذي طال إنتظاره له وظل يحلم به وكأنه يكذب أحلامه ويطلب من نومه أن يأتيه باللحقيقة ويكرر سؤاله له بأ متي هذا الوعد ومتي تصدق فيه وتكون رؤياك واقعية
ويقول لها هاهي لاأشواق تفرد أجنحتها وتتزاحم علي خاطري ويخاطب الأشواق ويقول لها متي تظلين عابثة ومجاورة قلبي ووكان الزمن هنا عانده والسبب في بعاد المحبوبة ويطلب منه ان يسرع ويطوي ثوانيه طئ ليجتمع بمحنوته مرة لأنه يأس من الفراق والبعاد وقد ملهما
لامتين يا نومي في رؤياك تصدق
لامتين يا شوقي موالي قليبي تحرق
تاني جود باللقيا يازمني المفرق
وتاني ياجمل صباح في عمري اشرق
ويختتم لنا بأمنيات جملية واحلام رائعة يتمناها ان تتحقق في القريب العاجل وعندما تتحققاحلامه ويصدق طموحاته يكنمل الحب يصبح قريب ووالخيال حقيقة ماثلة امامه والريد يكون صافي وعذب كمياه النيل وينتظر الفرح القادم ويحلم بالليالي الطويلة التي يقضيها في كنف الحب والهيام عندما تنبلج وتشرق شمس أول صباح في تاريخ الزواج وبذلك يكون قد تذوق كل طعم وحلاوة من صدق معشر وحبه لليل وحبه للصباح عندما تكون هي التي تطل عليه من صباح يوما جديد ... وبذك يختم رائعته ...


]النص :
عديلة عليك مشاويرك عديلة
عديلة إكان قصيرة ان كان طويلة
عديلة عليك محل ما تمشي تمشي
ياعديلة أبقيلو زي الغيمة رشي
اما أنا الهماني راحتك اولا شيئ
وليك تأمرني وعلي امرك بيمشي
بس عليك توعدني ما تطول بيك غيبة
وعد من انبل حبيب لأجمل حبيبة
فيك شفت الدنيا قاصيها وقريبة
ومنك إتعلمت كيف اقدر اجيبه
لامتين يا نومي في رؤياك تصدق
لامتين يا شوقي موالي قليبي تحرق
تاني جود باللقيا يازمني المفرق
وتاني ياجمل صباح في عمري اشرق
وحلاة العشرة وكتين تبقي صح صح
وحلاة الريدة وكتين تصفي تفرح
وحلاة ليلا معاك ما درنا يصبح
وحلاة صبحا تكون انت المصبح

ولكم حبي وعديلة عليكم
ود زبيدة

التحية للشاعر شقوري
أخي عبد الغفار التحيات

ما اروع ذلك الوصف الحي لتلك المأساة الحقيقة
التي تتكرر في بلادي التي عاني فيها كل اهلها
الصغير قبل الكبير والمرأة قبل الرجل
فالتحية لكل إمراة مناضلة في بلادي
فحقيقة ما أجمل أن يكون الشعر لسان القوم
فلك التحية اخي غفار وواصل قدما

ود زبيدة

احترامى / منتصر حسن محمد
لك التحية وانت تفرد مساحة للحنين والروعة وتضمخ المكان بعبير تلك المشاعر الصادقة التى نزفت بعمق تلك الآهات وحملتها كثير من المثاليات .. إن مفردة الأغنية عند الشايقية تحمل فرحة وزفرة وآهه لكنها تصب فى استنهاض تلك الكوامن المضيئة وحب الناس والارض وكل اشكال الحنين ..
استسمحك وداً فى الدخول من بوابة الحب

(**) ما اصدق العاطفه التى ترجمها اهل الشمال فى روائع نظمهم الشعرى حيث تكاد الحروف تنبض بإحساس السرد وعمق المعنى وشفافية الكلمة كان التناول لجميع انواع القصص العاطفيه بوصف دقيق يجعل الوجدان يختلج فى أوار لهيب الشجن تقاذفتنا تيارات البحت فى الذات إلى احدى القصص المتفرده فى نوعها ... حيث أن صاحبنا فيها رجل متميز والجميع يشهد له بحسن الخلق احب فتاة واحبته لكن كان لابد من اتمام ذلك فهمّ بالسفر بعد أن ارسل إليه أخيه المغترب لسنين طوال عقد عمل بالخارج فكانت بداية المأساه حيث سافر الحبيب مودعاً حبيبته على أمل اللقاء تحت سقف واحد وتواصو على الإخلاص فى الغياب وحفظ ما بينهم من عهود وكان ذلك سر بينهم لا يعلمه احد ... فسافر الحبيب وفى الغربه اصر على اخيه المغترب فى العوده للوطن بعد أن غاب فترة طويله ورجع اخيه لأرض الوطن وكانت سخرية القدر بأن قاد تيار القسمه والنصيب شقيقه تجاه محبوبته وهو لا يدرى بشئ ولم تستطيع الفتاة الأفصاح عن ذلك بحكم العادات والتقاليد وكان ان تم الزواج بين محبوبته وشقيقه .. فأخذ الشقيق عروسته وسافر وكانت المفاجأة بأن راى العاشق ذلك المشهد أخيه ومحبوبته السابقه وكانت الصدمة اكبر من ان يتحملها فجن فى ذات اللحظه (جن الريد // علاء الدين عبدالرحيم ، غناء عبدالرحيم ارقى ...) .

أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
خشت فجأة أميمة حياتو وصارت بينو وبينا محبة
قلبو إختارها عشان معروفة زولة حنينة وراقية وطيبة
دسو الريد في السر بيناتُن وخلّو حبيس دفين ومخبا
وكيف تنضارى متل أشواقن وليه زي ريدُن يوم يتخبأ
وبعد أعوام وصلتلو رسالة جواب مليان تقيل ومعبا
قبال ما يفتحو عرف الراسل باينة وظاهرة رسائل وهبة
أخوهو الليهو زمن متغرب تسعة سنين قضاهن غربه
مرسل ليهو تذاكر وفيزا دايرو يجيهو هناك في طيبه
طار في الأول أحمد فرحه كلم كل الناس والصحبه
لما إتذكر أميمة حبيبتو فجأة إنتابو شعور بالخيبه
لكن قرر إنو يسافر سرعة يعود ويتم الخطبه
لأنو الغربه طريقه قصير وفيها يهون تحقيق الرغبه
جاتو اميمة حزينة توادعو جاتو تجفف دمعو الكبه
جاتو توصي عشان ما يقوى لا ينساها هناك في الغربه
جاتو تطمنو إنو ح يفضل ريده الخالد مهما غبه
حافظه عهود الريدة البينُن ومهما كان ح يظلو أحبه
أهدتلو المصحف شان يرعاهو من العين والهم والكربه
لبّسه عهد الريد في جيده عقد ممهور بصورة الكعبه
قامو إتوادعو زين إتباكو فات خلاها وحيدة وخبا
سافر شال همو وأحزانو بعد أيام في المملكة غبا
لاقو الناس يا زول كيف حالك بالأحضان قام سالم وهبه
قالو نصاح ناس أمي وأبويا مشتاقين راجنلك أوبة
قالو أحمد: سافر يا وهبه غير جوَّك وروِّق حبه
أمك ياخي تلاهي عليك لاخالالا ضريح لاقبه
السودان مشتاقلك كلو ضفاف ورمال سواقي وتربه
وحتى النيل فرحان راجيك تجي وتنهل من مويتو العذبه
بعد أيام كان وهبه هناك بين أصحابو وأهلو وأحبه
في حضن أمو الطول منو في حيشانو الواسعة الرحبه
قالتلو أمو أخوانك كبرو وما فضلنا زول يتربه
بس فضلي أشوفو جديدك وكتين لسع حيه وطيبه
إختارولو بنيي سميحي تشع حيويه ورونق وهيبه
أديبه وراقيه وكلها عفه وبرضو أهل وقراب في الحسبه
يوم العرس الحي صباحي فرح مطبوق والناس منطربه
شاق الليل صوت كم زغروده وحس طنبور ودليبن ربه
إلا في واحده حزينه وباكيه سايله دموعا دوام منسكبه
الفي دموعا سؤال بيحير وفي آهاته أسرار محتجبه
وقالو الناس دي دموع الفرحه وغيرا شنو الحا يكون السِّبه
بعد أيام ساق وهبه عروسو ساقا رجع لي بلد الغربه
سايقو حنين لي كل أصحابو ولي أحمد أخوهو أشواق ملتهبه
وصل الباب كورك يا أحمد فتح أحمد بي لهفه ورغبه
شاف قدامو الما متوقع هم الكون فوق راسو إنصبه
شاف السلسل عهد الريده نفس السلسل وصورة الكعبه
شاف قدامو أميمه حبيبتو كانت قاسيه وقاضيه الضربه
شاف أحلامو تضيع قدامو بعد ما كانت منو قريبه
كانت لحظه تفيض بالدهشه شاف الدنيا كأنها تسبح
كورك أميمه...أميمه وصنقع صنقع ودنقر.. ودّر وغبى
وجن أحمد في نفس اللحظه وجن الريـد ما أظن يتخبا

حـنان يغمـرك مـع كـل حـرف فيـهـا

Quote: وتاني ياجمل صباح في عمري اشرق وحلاة العشرة وكتين تبقي صح صح وحلاة الريدة وكتين تصفي تفرح وحلاة ليلا معاك ما درنا يصبح وحلاة صبحا تكون انت المصبح

وأجـمـل مافي شـعر الشـايقيـة حكـي المـوقف بتفاصـيل الأحـاسيس الـدقيقـة

Quote: بعد أيام ساق وهبه عروسو ساقا رجع لي بلد الغربه سايقو حنين لي كل أصحابو ولي أحمد أخوهو أشواق ملتهبه وصل الباب كورك يا أحمد فتح أحمد بي لهفه ورغبه شاف قدامو الما متوقع هم الكون فوق راسو إنصبه شاف السلسل عهد الريده نفس السلسل وصورة الكعبه شاف قدامو أميمه حبيبتو كانت قاسيه وقاضيه الضربه شاف أحلامو تضيع قدامو بعد ما كانت منو قريبه كانت لحظه تفيض بالدهشه شاف الدنيا كأنها تسبح كورك أميمه...أميمه وصنقع صنقع ودنقر.. ودّر وغبى وجن أحمد في نفس اللحظه وجن الريـد ما أظن يتخبا

مـني

Quote: عديلة عليك محل ما تمشي تمشي

لك التحية : Elawad Eltayeb

يا طيب طيبة أهلنا
وتشكر علي المرور

ابقي علي التواصل دائما

ولك الشكر مكرر
ود زبيدة

السلام عليكم يااحباء
قد تجبر الظروف اهلنا فى الشمال ترك اوطانهم بحثا عن العيش الكريم وتظل المرأه من خلفهم وحيده ولكنهافى شوق الى زوجها,الادب يمنعها ان تبوح برغبتها فى اللحاق به فترسل خطابا فى منتهى الرقه
ياود عمتى ان درته راحتى وجمتى
رسل الجواب قول فيه الأجى
( والقصيده ظويله...لكنها تعنى ان لا راحه لى الا معك)

(**) الحب رباط قوى يجمع بين قلوب تآلفت وانصهرت فى بوتقه عطاء واحده تتنفس الإلفة والمودة .. فى اعماقها الوجد حاديه الشوق يسافر من الوريد إلى الوريد ... فبكل جمال المعانى إلتقيا وسافر الحبيب ليؤمن استمرارية العلاقة بختام يليق وما يحملانه من مشاعر كلٌ تجاه الآخر .. طالت سنين الغربة إلى ست سنوات ... صبرت خلالهما المحبوبة على آمل أن تسعدهما الأيام القادمات تحت سقف واحد ... لكن للقدر رسمه الخاص فكانت الفاجعه بأن يعود الحبيب ويتزوج بغيرها فأحال أيامها إلى سواد ودموع لا تجف .. علاءالدين ابوسير هذا الرائع الذى اغدق آلاف السودانيين بفيض كلماته الجميله التى تدخل القلب دون إستئذان وتفعل ما تفعل بالمشاعر هو رسول الشوق فى رائعته ( حبى أنا ليك كان زادى )

حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
وكـــت بــــرجــاك فــوق الـنــار لما وكت لقانا يحين
نونس فــى بـراءة أطفال وفى الحب نروى ننهل زين
وكـلــمــا يــوم يـــزيـــد البـيــنا لـمـا بقينا قاب قوسين
اتارى أنا كت فيك مخـــدوعه وكم من زي مخدوعين
مــا قــايــلاك حـبــيـــب آلاف وقـلـبـــك قبله للضالين
ومــا قــايــلاك بتـنسي حبيب صبر راجيك سته سنين
وســاهـــر كـم لــيـــالــى طــوال يـتقلب شمال ويمين
كـيــفــن يـهــون عـليك تنساهو زولاً كان عليك حنين
وتـشــغــل بــالـك الأشــواق لــمــّن تـزبــــل الياسمين
كــت دايــراك بـسـمة عريضة فى وجه الزمان الشين
وكــت دايــراك سـاعة الحاجة تبقى ليّ دخرى خزين
كــت دايــراك مـقــنــع حـوبــه وكتين المضارى يبين
وكــت دايــراك فـارس احـلامى تـشاركنى ونتم الدين
وكــت دايــراك أمــل بـســام يــزيــل ألم البعاد والبين
كــت دايـــراك شـريـك الروح واخدمك حافية القدمين
وكــت بـحــلــم بك انت معاي مجرتق بالعديل والزين
جنـبـك فـى يــمــيـنــك قــاعــده نـسمع فى دقر يا عين
تـبــشـــر زيــن مــع الأصحــاب وتتشـبـل من الوزين
أنا الأبـحــرت راكــبه الموج اكيد مرسايا بين موجتين
وداعــاً يـا زمـن ظــالـــــم وبــالأفــــراح عـليّ ضنين
وداعــاً يـا قـــلــب قـــاســـي لا بـيــحـــــــن ولا بيلين
وداعــاً يـا ســراب خــداع محال ما بيروي عطشانين
وداعــاً يـا كــلام معـســول حــدو ومكـمـنـــو الشفتين
وداعــاً يـا سحـابـة صيــف شايلى مطر ضليلا رهين
تبـشــر بـى خـريف جايـيـنا ياما الناس رجوهو سنين
كل زولاً يـفـكــر فـيــهــا مـا مـعـــروفـة تـنــزل وين
وألف سلام عليك يا قلبي المـسـالم وديمه طبعو حنين
يتـاورو الـشــوق ويلعـب بيـهو تنحر فى حشا السكين
تـعــاودو الـذكــري تــنــتـر جوا حالو يحنن المسكين
أخــيــراً مــى لـيــك سلام وقبل ما تجف دموع العين
وقـبــال مـنــى مــا تـعـــدى وقــبــال الفـراق ما يحين
بخيت وسعيد عليك إن شاءالله يـبـقالـك عـمــار وبنين
وقـلـبى أنـــا خـلــى فـى أنـاتو بـعـدك ياما راجى أنين
ولو كــان يــا قـلــب حـبـيـت بـعـدو بعـد قسمت يمين
مـا يـنــتـــمّ لــيــك مــراد لا تضـوق لا حلو ولا زين
وتفضل طول حياتك تبكى طول عمرك تعيشو حزين
وعـمـرك مــا تجـيـك سـعــادة مـا تـتـهـنــا قـول آمين
وتـــانـى الحـب عليك حرمان ووعد الحر أمانه ودين .

(**) كانت تحسب الايام لرجعته من الغربة وعندما عاد حمل لها العوازل بعض الأقاويل بأنه ينوى الزواج بغيرها وقبل أن تتأكد ثارت لكرامتها فخرجت منها بعض الكلمات الجارحة دون أن تتأكد من حقيقة الأمر أو الحديث لصاحب الشأن .. عثمان عوض عثمان يروى لنا بقلمه الشعرى ذلك الموقف .. قصيدة ( كان أملى )

حى أنا ليها كان أملي وأمانى حياتى فى الدارين
إلا ظـنونا والـعـزال محـو الحـلم الرعيتو سنين
شلت هـواهـو فى الأعـماق وفى قلبى العليها أمين
وفى أحلام ليالى الـغـربة وفى أنات غريب وحزين
وفى فجر الصبـاح الـباكى فـى أهـات يتيم مسكين
وفى أنفاس عـميرى الباقى فى قيم الضمير والدين
واسـترجـع مـعاها الذكرى واشكيلا الفراق والبين
وأحـدثا عـن مآسى الغربة واشواق الفؤاد والعين
واصنـاف العـذاب الـشـايفو والنار البقت نارين
وما كان حبى ليها خداع ولى غيرا الحنان واللين
وأبدا مـا عـشـقت خـلافا وما قلبى البشيل إتنين
ولا ســويــت مـشــاعرى شواطى للتايه من الوزين
ولا شـيدت للـريـد قـبـله بـيهـا ألملم الضالين
وحات البينا كـان عـامــر وحات الجوه لسه دفين
ما حـبـيـت مـعاهـا إنـسـان ولا جـبـت نوم شقين
ومـديـت صبــري فـى الأيام بدل واحد بقن صبرين
ده كلو عـشان أتم مـشوارى وارجع للعديل والزين
وزى ماكـان تـعـد أيـامـا تسـأل عن رجوعى متين
وتحلم بـالـعديل والـحـنه والعش البفوح ياسمين
وتبسم لى خـيال أحـلامــا بى قـلباً ملايـكى حنين
وتـرقــص بالـفـرح تـتـني تـتـمايل شمال ويمين
عليها أنا كان يطير قـلـبى زى عصـفور بلا جنحين
ويـنـزل فـى ديـارا يـغـنى يـتـمنى ويقول آمين
ويمسح من عيونا الدمعه مـن جـوفا وقـليبا أنين
وحتى الروح تسافـر ليـهــا والإحساس رفيق ومعين
شن فضل معاى فى الغربة غير جسدى وسهد العين
يساهرو مع الحبيبه النايمه والعهد الوثاقو متين
ويحلموا بالطبول والزفه والعقد اليباركوا الدين
ويعـملـو لـى تلاقى ارواحنا والفرح البزيل حزنين
ولـمـا وصـلـت قـبـل سـلامى كان الناس بتسأل وين
واتلـمّ الـشــتات فـى دارنا من كل الـقبايل هين
وابتدت الخلوق تـتـبـاري زى الـعادة فى التخمين
أريتـم عرفوا حالى البى واريتم كانوا بس عارفين
إنو هواها روح لى روحى وإنو قـلـوبـنا متعاهدين
وإنى أنـا ما بسـيـب إنسانة شالت ريدي سته سنين
وما بنـسـي البسيـمه الحلوه والسمح الكلامو رصين
والـذكـرى الصـداها بحـسـو فى أعماقى ليهو رنين
الا الـعادة مـا بتـتخلى لـلناس الـدوام فـارغين
لـفـوا الحلى بى أركـانا جـاطـوهـا وملوها طنين
قـالـو تحـت أخـتـرت حـلـوة مـن أجـمـل الحلوين
ليه صـدقـتى يا مـسـكـينه ناساً كان متين صادقين
واسـتعجلتى مـا أتـأكـدتى مـرقتى الكــلام الشين
وقلتى العود خلاص إنشـق والطـق سمعتـو الأضنين
وإنى أنا ما بسـاوى تـرابك السارت علي الكـرعين
وإنى من رموز الكـانوا دايـماً للـعهـود خـاينين
وخـميتي الـرمـاد وبـكـيتى وسيلتى الدموع نهرين
بدل ما تـمد أياديـك زهـرة شـربت من نزيف قلبين
وكـبـرت فـى رعــايـة الـريـدة طـالت طلعت فرعين
بـدل مـا تـقـولى سـلامـه لومـا قـلــتـى مشتاقين
أرهـفـتـى الـســمـع صـدقـتى للناس البجوك واشين
وصــاحـبتي الـبجـوك يـتسـلو ما فكرتى ليه جايين
ورسـلـتى الـعـزول بـرسـالـة حـادة واحد من سكين
وقلـتى خـلاص نهـيـتى البينا قلتى وقلتى لى آسفين
سـفـاينك ما بتلم فى ساحلى والشاطى الهجرتو سنين
وفـى لـحـظـة غـضب إخترتى فى لحظة عذاب وأنين
والـدرب الـصـبــرت عـشـانو فى آخرو اتفرق دربين
ما إنـتى الـبراك ابـحـرتى عـز الهيجة بين موجتين
وحاتك لى قلب مجـروح ومـحـروم من مُنى العاشقين
جـمال الدنيا يـا مغروره إلـفه وريـدة بين إتنين
تعالى نعـيـد سنيا الـضـايعه نرجع للعديل والزين
وأحسن ننسى كل الـفـات قـبـل ما يفوت عمرنا حزين
ومهما يقسى قلبـك إنـتـى ويـفـضـل فى عنادو سجين
بكره مصيرو لى يعـود ويرجـع تـانى لىّ يـلـين
لأنو الريده جمرة نار يعـيـش فى الجوف رمادا سنين

لك التحية عبد المجيد محمود
والدار دارك ودار كل المتداخلين والمساهمين
واصل قدما ولا تنقطع عنا مما في جعبتك من مساهمات
ولك الود والشكر الجزيل
والف مرحب بك ويا هلا

ود زبيدة

ود زبيدة يا مقطوع الطاري
النضم السمح داانا كنت ناوي اقوله في بوست وكنت حا اسميه (الشوايقة بيجيبو الكلام السمح دا من وين)..
بجيك صادي ونزل كلامي في بوستك دا ان بقينا حيين..

Quote: والـدرب الـصـبــرت عـشـانو فى آخرو اتفرق دربين ما إنـتى الـبراك ابـحـرتى عـز الهيجة بين موجتين وحاتك لى قلب مجـروح ومـحـروم من مُنى العاشقين جـمال الدنيا يـا مغروره إلـفه وريـدة بين إتنين تعالى نعـيـد سنيا الـضـايعه نرجع للعديل والزين وأحسن ننسى كل الـفـات قـبـل ما يفوت عمرنا حزين ومهما يقسى قلبـك إنـتـى ويـفـضـل فى عنادو سجين بكره مصيرو لى يعـود ويرجـع تـانى لىّ يـلـين لأنو الريده جمرة نار يعـيـش فى الجوف رمادا سنين

ود جبريل
يحفضك الله يا ابو
كيفنك عساك طيب

Quote: (الشوايقة بيجيبو الكلام السمح دا من وين)..

والله يا ود جبريل الحنية والإحساس المرهف وصدق المشعر وكل القيم النبيلة عندي اهلي ده مبدئيا لكن لي بعدين كدي يمكن نعرف السر إنت بس نزل مساهماتك ونتشاور بعداك

وفتك بي عافية

ود زبيدة

الرائعة مني عوض خوجلي
لك التحية إتها المتابعة بصدق
إن معاني الإحساس عند الشايقية لا تكتفي بعاطفة أو إنفعال في مجال الحب والعاطفة فقط ولكنها تجاوزت ذلك بكثير فهم في كــل شيئ لهم الإحساس الذي يصيغونه حرفا ويدوزنونه نغما شجيا يخالط مكامن الروح في شيئ من الروعة والدهشة لذلك المسرح العظيم وهم ينقلونك من عالم المعنوي إلي الحسوس بكل سهولة ويسر

واصلي ولا تقفي
ولك الود حتي مطلع الفجر

ود زبيدة

دعني احييك اخي منتصر
فقلما يرتاح المرء من عناء طويل ومن قلب ارهقته الغربه وعذبه الفراق ولكن هانذا ارتاح في هذا البوست وعلي هذا الايقاع المحبب للنفس والمروح للقلب والعقل مع هذا الكلمات التي تاخذك الي هناك حيث وجدت في اول وهله
اسمح لي ان آتي الي هنا كلما عذبني الحنين واحرقتني نار البعد لاروي قلبي المتعطش ولنجعلك مرسال الشوق كما يقول عمنا اسماعين
انت اوصف لي درب الريد عشان ارجع والاقيهم يا مرسال مداين الشوق
عليكم الله يا مرسال بحب وحدين وما عارف دريبن وين
وحتي كمان وحاتك انت ما بعرف اساميهن
يا مرسال مداين الشوق انا الضهبان زمن كايس اراضيهم

لك مني الود واتمني ان يعود لنا( ود القرير) بكتاباته واشعاره وحكاويه مع( ابن النخيل)

زدنا من هذه الكلام السمح

لك مني الود

غربة اديناك كتير
ادينا خاطرك يسهــلا
خلينا نرجع بالفضـل
نلحق حياتنا نعــدلا

العزيز الصادق عثمان

لك كل التحايا وتشكر علي المرور وخليك قريب الدار دارك
لك كل الود ولك أن تلقي بعصا ترحالك في دار الشايقية
التي هي دارك


ولك كل الحب ويا هلا فيك
ود زبيدة

لم يقتصر شعر الشايقية فقط علي الحبيبة والتباكي علي الأطلال ..بل تعدي ذلك وتلمس كل الجوانب الحياتية في السودان ,,سوي أكانت إجتماعية أوسياسية ,,

فنجد أن هنالك الكثير من الظواهر الإجتماعية والسياسية التي تطرق لها شعراء الشايقية بإسلوب نقدي .. متفرد .. سلس .. وكاتت قصيدة (الرواسي) التي صاغ كلماتها
الشاعر المبدع حاتم حسن الدابي وأداها الفنان الرائع جعفر السقيد.. تصويرا بديعا لما ال إليه الحال في السودان ,,


مدّر مدّر يا رواسي .. نحن بعاد لحّقنا القيفة
انت مدبّج ونحن نقاسى مربوشين والموج والزيفة
مركبك الماليها مطارق تمشي، تقيف، تسرح بى كيفه
مرة مغارب ومرة مشارق وانت تخاف الريح وحفيفه
ساوّها زينة وفوقها بيارق وانت مدبّج توب وقطيفة
فيها المات والضاربه الفالق والسالمين فى حالة مخيفة
كل الناس ترزح في كفة
وانت وناسك فوق الدفة
الدايشين والراسهم لفة
والشاخصين فى المدى للضفة
ساو طبّالك فوقن ألفا ..جوة الموية وريقن جفّ
من العطش النص اتوفى وباقى النص الفضّل جيفة
....
ضاقوا المر والحال استعصى
الشغال واللاحق الحصة
الواصال للرحم اتقصّ
والهدّاي مو لاقى الفرصة
الرسّاي سافر ما وصى
خلى مُحمد واحمد وحفصة
الاطفال العرفو القصة
سدت جوة حلوقهم غُصة
من الجوع الدم اتمصّ
واصبح كل الحلم رغيفة
.....
كل الراكب شاف احلامه دون احساس ماتت قدامه
فنّ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشّى كلامه
هزموهو اخوانه البى الجوع نامو
وكم خريج ما لاقى وظيفة
.......

يا الفكيتها وقلت لها سيرى
وعارف انه الدنيا دميرى
لا فى ضفاف لا شفنا جزيرى
لا فى الحيرى ولا في الطيرى
كسرت جناحها وقلت لها طيرى
اتملّكت الكانت ميرى
يا السوّدت الناصع وجيرى
ايد الحق صابونة وليفة
......
قبلك كم متعلم وقاري
عكس الريح فكولو الصارى
مشدوهين متعشى وحارى
ريسها شلته والبحارى
كم سنوات علام البارى
واقفى وهم شايفنها جارى
بقينا هلاك والقيف متضارى
لا حُجار لا دوحة وريفة
.....
حسك عينك ما تتمادى
وتنسى الراكب عنده ارادة
الاهوال الشافها وخاضها
كان فى مدرسة ولا عيادة
شفنا الايد الكان اجوادة
يا مبتورة ويا شحادة
وياما رقاب كانت سدادة
علّمت الله من التعريفة
......
يا ريسنا قدُر مِدّيرك
فك الدفة وادّها غيرك
احفظ نفسك ترضى ضميرك
وقّف اوع تواصل سيرك
كان طاوعتنى شن بيضيرك
عرض اكتافك وفك البيرك
لا هنى شكرا وكتر خيرك
وكل انسان في الارض خليفة

أمل من الأخوة التطرق للجانب السياسي والوطني في أشعار الشايقية ,,,,

عبدالرحمن

ود زبيدة

سلامات

أتاريك سكاكيني لي ملاح السبروق يادوب عرفت ليه

بوست رائع

وغنا الشوايقة والطنبور بزكرني البلد والتمر والبحر

ويجدد الحنين

تحياتي

ولا قدام

الاخ عبد الرحمن

لك كل التقدير يا زول يا رائع
الف مرحب بيك في بيتك
واصل ما تقيف فهو متنفس لنا
وحقيقة إن الشايقية مسكونون بالإبداع
فمرحب ويا إهلين

ود زبيدة

القلب النابض
إزيييييييييييييييييييييييك عديــــــــــــــل كده
الشوق بحر يا عملات نادية عثمان
كيفنك إنشاء الله بخير
والله ده حظ طيب الجابك لينا جاي
شدي حيلك وشاركينا الرأي كان نقد كان تحليل كان طرائف ... الخ
وتعالي لينا صاده بي هني كل مرة
وفتك بي عافية يا بت امي
ود زبيدة

ماريكم في هذا الابـــــــــــــداع



مناى كل لحظة اشوفك مناى شوفتك كل ساعة
فراقك هدّاهو قلبى وكتل فى نفسى القناعه

أطرى يوم ودّعتك الله وعيونك باكى دماعه
قلبنى اقلدك واودع حمتنى عيون الجماعة
حسيت بى كبدى واجع غرز سكينو قطاعة
وانا اتيتّم بى فراقك يتم شافعا فى الرضاعة

كتير سرحت بى الوساوس همومى غرقت فى قاعه
بقيت بين أقعد واسافر شكوك نفسى واقتناعه
ان قعدته الناس ما بتريح فراقك مالو استطاعه
غايتو قسمه وقسموها لينا آبتردها ايد الضراعه

زمانى الصبق الأمانى غدرنى وفات بى سراعه
مالو كان اتأخر شوى ما هو عارف الفرقة لواعه
داير اعاين أمتّع عيونى وعيونى وراك وا ضياعه
وان شا الله ما آخر نظره لى فى وجيها كاسيه الوداعه

وحاتك مجبور أودع وداعا مو بى قناعه
ابيع روحى انا ليكى وامشى ومنو القبلى انا روحو باعه
مالكاها ومالى زاته السمع ليكى انت والطاعة
ربيعه انت وعز شبابه وحياته بلاك شن نفاعه

قدر ما تفرح تبكى وحقيقه الدنيا خداعه
تلمك لامن توالف تفرقك فى أى ساعه
تخبى اقداره فى ايامه وتلف حولك بى براعه
تزجك فى غور عذابه وشقاها البعقب متاعه

وداعا تمرة فؤادى ودعتك أمين الوداعه
وحاتك ما بنسى كلمه العصير شاقين الزراعه
ولا بتحلالى غير سيرتك وكت نمشى انا والرباعه
وان هدولى الجنى بى حوره القى فيكى نفيستى طماعه

وهااااااااااااااااكم تاني



تصدقي يا محاسن لمن خبرك جاء وصلني
انا جيت ابارك جراحي تنزف لدياركم ساحبة ظني
*
بي بشيشكن يا عيوني يا دمعوع لا تفضحني
طالما الأقدار بتحكم غصب عنك وغصب عني
جيت في ليلة زفافك برضاي ورغبة مني
أنا جيت اضم الشوق واقالد وانضم الأشعار واغني
جيت في فرحك اشارك جيت اقول مبروك واهني
جيت امد ايدي البترجف لي ايادي ملاني حني
انا جيت اعاين واملا شوقي
في العيون العذبني
انا جيت اودع في خدودك البي صفاهن جرحني
كان مناهن اعيش معاهن أه دا لو كان بالتمني
قسمة والاقدار ارادن يحرمني ويحرمني
التمن املي البنيتو حتىلي شوفتك امني
ادي حالي انا يا ليالي لي بكاي ماك دار تحني
كنت في عتمت همومي اللبن ما يرحمني
وانتي في عش السعادة أه انا الشوقك كتلني
ابكي في زحمة سنيني في الليالي العاكسني
الوداع الوداع الوداع يا نور حياتي يا امل خاب فيهو ظني
بي بشيشكن يا عيوني يا دمعوع لا تفضحني
طالما الاقدار بتحكم غصب عنك وغصب عني

خالد العطا
تسلم يا رائع
ومزيدا مما تحفظ
ولك كل الود والشوق
الف الف مرحب بيك
أرجو ذكر المغني والشاعر والملحن مع إسم القصيدة

إنظر للوحات الجمالية وإستعرضها للقارئ وتزليل بعض صعوبات المفرده الشايقية
لو أمكن ذلك
ولك الحب


ود زبيدة

خالد العطا
سلام عليط يافنان
في ناس هنا في محلك ده الدموع فضحتم
بالله الكلام الجميل ده حق منو
عمك حسن

واخيرااااااااااااااااا
كيفـن أصبـر قليبـى.. وكيفـن أعمـل حسابـى
ما دام عشمى فى نظرة .. والعندو النظـرة مابـى
بجرو غنايا أحكى ليكم .. تعالو أسمعوا يا صحابى
حكاية الشافعى البريدا .. وريـدا شقايـا وعذابـى
أحن لها حن القمـارى .. تقوقيبـا أوتـار ربابـى
واهوى الهوى فى هواها .. وهواها قرايتى وكتابى
منو القال ليكم عقلـتَّ .. وحاتكـم جنيـت دابـى
بقيت لمان ليها أفارق .. أفارق عقلـى وصوابـى
أضيق لمتين ليها أرجع .. أخاف مايطول بى غيابى
أعاين زين فيها وأشبع وأزيد إعجاب على إعجابـى
أشرِّق وين ما أغرِّب .. وأشيـل همـى وإكتئابـى
محل ما أمشى ألاقى طيفاً.. مشتت فكرى وحجابـى
تطير روحى بعيد تغازل.. خدودك زهر الروابـى
تتعلق بين عيونا .. ورموشـا البـى فوقـا كابـى
قليبى يفارق ضلوعى .. يلاهـى عليهـا ويشابـى
بعيد مابيقـدر يقـاوم.. بريـق البسمـة السحابـى
صديرن لما يتفرَّ .. تبق نـار الله فـى أعصابـى
وقديلتن كيتن على .. وا نشاف ريقى وخم ترابـى
حنينى ومرات بتقسى .. تقول فى نفسهـا اتغابـى
إتغابى العرفة فيهو .. وا زرف دمعى ووا خرابـى
صحيح أصبحت مملوكا .. أسوِّى أورادى وأزنابى
متل ما ملكت فؤادى .. أنا ملك شيطـان الكتابـى
أخاف ما بقدر أعاتب .. أقول تزعل مـن عتابـى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُرَّة .. عشانا مهمِّـل عقابـى
عرفت الله فى عذابك .. إنتَّ خاف الله فى شبابـى

,

Quote: غربة اديناك كتير ادينا خاطرك يسهــلا خلينا نرجع بالفضـل نلحق حياتنا نعــدلا

وفي قلب الشـمالية بين النيـل والنخيـل...
دايره

الحق حياتي اعــدلا



مـني

لي فوق وشكرا يا منتصر

الأخ الكريم منتصر...سلام محنه
ياللروعه...بوست يحكى عن أهلى الحنان....هيجت فى دواخلى حنين إلى المتره...الجدول...الصفورى...رائحة البرسيم...جنائن المنقه...شتلات التمر....الدميره...القمارى ساعة الضحويّه....شاى المغرب...
الشعر عند الشوايقه لوحه جماليّه محتشده بالصور....أتمنى لو إستطعت إيراد نص شعرى عن فترة ما بعد الفيضان(198....وكيف تم تصوير المأساه فى ذلك الوقت بصوره عجيبه....
مع معزتى

الأخت الحنونة
سحر عبد الرحمن
الف مرحب بيك وبي أهلي الشايقية علي إمتداد العالم

Quote: الشعر عند الشوايقه لوحه جماليّه محتشده بالصور....أتمنى لو إستطعت إيراد نص شعرى عن فترة ما بعد الفيضان ( 1988 ) .... وكيف تم تصوير المأساه فى ذلك الوقت بصوره عجيبه....

فعلا أختي كلهم من النجوم فلهم القدرة علي تصوير اللوحة الإبداعية على هذا الابداع الجميل والثراء الفنى المدوزن بعبق النيل الخالد
ولقد تم تصوير المسأة التي ذكرتينها علي قلم المبدع محمد الحسن حسن سالم (حميد)
في رائعته (الضو وجهجهة التساب) التي ‘عدك بان أورد نصها كاملا

ولك كل الشكرررر الجزيل

وياريت تكوني معانا

ود زبيدة

الرائعة

مني عوض خوجلي
إسمي آيات الشكر ليك يا مرهفة

وحقيقة الطمبور صديقنا وعزنا وملجانا
مما قمنا نسمع فيهو لا مليناهو لا ملانه
بيهو نفاخر كل الشعوب عربانها والرطانه
ونزداد فخر وحنين لو كنتي إنتي معانا
نكتب في الحنين للمرأة ياها هي (منانا)

ود زبيدة

العزيزة
نجوووووووووووووود


الشايقية حنان بالحيل وقليبهم رهيف واحساسهم مرهف

تشكري علي المرور

ود زبيدة

يعني مشاركتي دي كلها ما عجبتكم .

ود زبيدة

باكر بجيك قاطع مسافات العشم
شايل معايا هوى العيون
وامالى فى احسن نغم

الشواااايقه ماف احن منهم ولا ماكدى

العزيز خالد العطا

انشاء الله عافية

Quote: يعني مشاركتي دي كلها ما عجبتكم .

مشاركاتك علي العين والرأس وتسلم وواصل في مشاركاتك مع ذكر الشاعر والملحن والمغني إن وجد
ولك كل التقدير
ود زبيدة

يا عيونك لما تبسم
بسمة الام الحنينة
الفرح بالفرحة يرسم
لوحة تتبسم في حينا
. . . .
لما تتكلم عيونك تسكن الضجة السكينة

Quote: أموت أحسن من هى تزعل .. أو تزرف دمعة كابى عشانا أنا كم ضُقْتَّ مُرَّة .. عشانا مهمِّـل عقابـى عرفت الله فى عذابك .. إنتَّ خاف الله فى شبابـى

الف مرحب بي مرورك ahmed abdelati
ونرجو المداومة علي الحضور والمشاركة
وتسلم يا ررررررب

ود زبيدة

ود زبيدة كيفنك يا الحبيب

Quote: القلب النابض إزيييييييييييييييييييييييك عديــــــــــــــل كده الشوق بحر يا عملات نادية عثمان كيفنك إنشاء الله بخير والله ده حظ طيب الجابك لينا جاي شدي حيلك وشاركينا الرأي كان نقد كان تحليل كان طرائف ... الخ وتعالي لينا صاده بي هني كل مرة وفتك بي عافية يا بت امي ود زبيدة

الزولة دي بت خالي رسمي عايزك تهتمابا شديد


لا زلت عند وعدي وبجهز في قصايد اهلي الحنان بالحيل بس عندي طلب يا ريت لو في زول عنده القصائد التالية وينزلها لانها من الروعة بمكان:
- زينوبة كل ما افتح كتاب القاكي في اول سطر (محمد كرم الله/حميد)
- الزول الوسيم في طبعه دايما هادي (النعام آدم)
وبجيك صادي ان الله طول في العمر..

طارق جبريل
بركلاوي

يا ود زبيدة
سلامات

ويا طارق ود عمتي سلامات تاني

في خاطري الايامات دي "فاوضني بلا زعل ياخي فاوضني بلا زعل"

"طمني انا عندي ظن"

اتذكرت لما عماتي يجونا من البلد وباقي قراصة التمر الرائعة نقرضها قروض

وقرقوش البلد اللذيذ بالشاي والجرم

وقعدة شاي الصباح لامن الضل يكمل

يااااااااه

وصوت صديق أحمد من المسجل في شباك المطبخ

إما حكاية

تحياتي
لكما

طـــــــــــــارق ود جبريل
وبت خالك
إنشاء الله طيبن
والله أنا مابقصر فيها تب لا إنت لا هي ما بقصر فيكم
والله معلومة هي بت خالك دي عرفناها ,, لكن أنا ذاتي ما ود خالك ...
إنا بحاول أنزلك قصايدك الطلبتها دي
لكن بت خالك شايفها الايام قالت داير ليها في راسها ( ياخي فاوضني بلا زعل )
دي لزوم القمة الأفريقية ولا شنو يا قلبنا النابض
فتكم بي عافية
وتسلمو يارررب من كل بلا
وربنا يحفضكم
ود زبيدة

شعر شايقي
.................
ست ريدي في ذاتك عبدت الله... وزاد إيمان قليباً ليا قبلك تاه
........................
مشارع الحب كتير أنا واردا.... حتى بالآهات رئاتي مقدده
...................................
مين خلاني متلك يا عقد.... لابنسعل ولا بتنشد
ما إنت بين رمانتين تهز
.................
حلات العقلة أم ضفيرة...تداعب رمان صديره
إنت يا زهرتنا النضيرة..إنت لى تاجوج ماها سيرة
...........................
منو القبالى خالف قسمتو وغلبا..قدر غير طريقا وبددلا وقلبا
قبلك قيس على عبلة الدموع سكبا.. أرض الريد سقاها وحووشا وزربا
لمان شاف ثمارا واستوت رطبا.. لاجنى للثمار لاضاق حلات تعبا
لو كان القسم بالليد هى محتسبا...كنا نحقق الآمال زمن طلبه
إتأخرتا ما اتقدمتا لى طلبا... تراها جبال بني شنقول كمل دهبا
قسمتا شالا غيرك والإله كتبا.. يا محمد نصيبك ابا
..............
البليلي ام ملحاً نضيف.. حبي لوبا وحبي عيش ريف يا حلاتك في الشلاليف
...........................
قوافل درجن بي جاي... طالبات المدينة مناي
عصاتنا البشربوا الدكاي...مع الصديق سديس الراي
....................
الليلة حن قلبي ورزم على الرسول في الحرم
...................
الماحي المكرم ديمة في بالى يا الرسول سيدي الغالى
....................
بالله يا سرب الحمام لمان تروح دار ودقمر
....................
تلت إيدا ومالت شمالا... وميلت حفلتنا بي حالا
القوام مليان لى نعالا ومن عيون الناس ري لالا
.....................
قمر دورين وفجا.. الرقيص بعدك وقف ياستي ادي الداره قجا
مافي زول قال طولت ورقيصا مجا..إنطرب فنانا صاح بي صوتو وجا
...............
تايهة خصلك فوضجية..شاربة من لون العشية
الله عالم يا بنية وداري بالحالة العلية
....................
سماحتا قالوا فايتي الحد
محاسنا ذاتا ما بتتعد
سماحتا في سبيب اسود
ممدد فوق قفاها رقد
سماحتا لما تتنهد
ويتنهد فوق صديرا نهد
سماحتا لما تتعقد
وشامة خدو تتورد
سماحتا لما تتعقد
تقول لى بي شوية صد
شيل إيديك بعيد يا ود
..................
مقتطفات فقط من عشر الشايقية الرائع.. التفصيل يحتاج لوقت..

Quote: سماحتا قالوا فايتي الحد محاسنا ذاتا ما بتتعد سماحتا في سبيب اسود ممدد فوق قفاها رقد سماحتا لما تتنهد ويتنهد فوق صديرا نهد سماحتا لما تتعقد وشامة خدو تتورد سماحتا لما تتعقد تقول لى بي شوية صد شيل إيديك بعيد يا ود

Quote: سماحتا قالوا فايتي الحد محاسنا ذاتا ما بتتعد سماحتا في سبيب اسـود ممدد فوق قفاها رقد سماحتا لما تتنـهـد ويتنهد فوق صديرا نهد سماحتا لما تتـعقد وشامة خـدو تتورد سماحتا لما تتعـقد تقول لى بي شوية صد شيل إيديك بعيد يا ود

أكـيــد.

أحمد الشايقي
ســـــــــــــــــــــــــلام
راجين مشاركتك لينا
مما تحفظ
وتسلم علي المداخلة والمرور
ود زبيدة

العزيز المنصوري
الف شكر لك علي مرورك
وتكرم يا رب

Quote: مقتطفات فقط من شعر الشايقية الرائع.. التفصيل يحتاج لوقت..

يا أخي بي راحتك كده ونحنا محتاجين للتفصيل والشاعر والملحن
واصلنا ما مستعجلين
دحين ما تنقطع واصل معانا في وكت فضاك
ود زبيدة

ود زبيدة سلامات
بنت الخال القلب النابض كيفنك

شغل نضيف شديد

انا وا مغستي رحل تلوت الليل

اماني يا شبا والبركل ما مكتول فيكن زول

سلام يا الحيبان ,

وسلام على الناس العزاز وحنان ,

ونضمكون دا اسع جابنى من تحت بعد ما كت مندلى وسايقى بيهيماتى على التقا !

ورجع للجرف حشيتلهن قبضة برسيم وحلب شوخب الليبينى ,

عيللى ما قدر افوتكون تب !

وصلاة النبى عينى باردى

عليى الشاقى الصفوف واردى

صغيرى وبحديثا جاحدى

تقسمو بالواحدى واحدى

والضفيرى يمين طولا ياردى

صلاة النبى عينى باردى !

---

وجاياكون صادى قطع شك !

وشكرا يا اخوى منتصر ,

وسلامين يا منى بت خوجلى اخيتى ولا تنوهدبى شئ ضومة , وابقى لاجاى .

ست البنات .

اهلنا الشايقية اللماحين , الفطنين ! ما خلوا شئ ما كتبوا فيهو شعر ! واحد عمنا عتودا ليهو ضبحوا اصحابوا كتب فيهو معلقة !واتداولتها تنقاسى كلها فى عجب !

ودا نموذج للفصاحة واللباقة :

ثمارك باكلو ولا القسمة تمنع

يا شادية ما عارف اللت الله

ترانى بزرع !!!

-----

وصادى تانى باذن الله ,

ست البنات .

ست البنات

سلام مروي بي موية جروفنا

سلام كتير يا غالية

تشكري علي المداخلة وقلمك ما ينقطع مننا
وتسلمي يا ست البنات لي حدهن إلا واحدة بس لو عذرتيني

وما تنقطعي

ود زبيدة

وأزيدكم تانى من النضم السمح ,


عينيك يا اعز الناس

عينيك فيها اجمل ماس

عينيك فيها علم الطب

عينيك علمتنى أحب

عينيك علمن عينى

عينيك ابكى منيى وليى

عينيك أه انا من حنان عينيك

عينيك روعة يا اخلاص

--------------

و صادى تانى بأذن الله ,

ست البنات .

نطالع في هذه السانحة من روائع فارس الكلمة محمد سفلي .. ويعطينا نموذجا لأنفة الرجل والثائر لكبريائه في صورة رائعة لعزته المهدورة من قبل فتاته التي تأكد لها إنه صار لايبقي بدونها وتعلق في حبال حبها وإنها وحيدة زمانها في دينته المفعمة بالحب والجمال فصارت تهجره إمعانا في إن تنفصل منه وهي توحي له بإنها تخاف عليه بعد الفراق رغم الوعود التي كانت بينهم لكنها تنكرت له ..ويأتي هو رافضا بكل كبرياء ذلك الإستغلال للحب رافضا ومانعا لها من الخوف عليه فهو لا يريدها أن تخاف عليه من آهاته التي يعانيها بعدها فهو صاحب عزة نفس كبيرة ويعرف كيف يدير أموره مما إكتسبه من هذه التجربة .. إن ريدها قد لا يهزه مرة إخرى لما رأءه منها ويخبرها بأن له القدرة علي مفارقة اقرب الأقربين إليه مقابل أن لا يزرف دمع ولا يتألم
فينشئ قائلا :
لو خايفالي من آهاتي وأحزاني البعيشها وراكي
أعرفي إنو عزة نفسي أكبر من مدار إدراكي
وتاني لا بتهزني ريده ولابرجع بجيك متشاكي
قادر حتي افارق ضلي بس رمشي أنا ما يدمع باكي

كيف لا يستطيع إن يفارق ضله وهو الذي تعلم من جور هذه الدينا إن يجد في كل خطوة معها هلاكه لذلك يخاطبها متسائلا بشيئ من السخرية ماذا يعني لوتنكرت لذلك الحب الجميل ويفيدها بأن الدنيا مستمرة وإن ذهبت فإن روحه ستكون موجودة فيه لا تبارحه خلفها ولا حتي قلبه إن مارست عليه شيئ من التعنت والتسويف إنه ليس بإمكان إنتظارها, وهذه الدنيا العبوس ما زالت بخيرها فحذاري من تتخيلي إنك وحيدة زمانك فما أكثر بنات حواء
من جور الظروف إعتدت في كل خطوة اشوفو هلاكي
أيه يعني إن قسيتي وجرتي وإتنكرتي ليهو هواكي..!؟
لا الدنيا بتقيف كان فتي لا روحي بتفوت بي وراكي
لا قلبي العليه إن دهدهتي قادر لحظة يستناكي
الدنيا العبوس بي خيرا إياك من تظني إياكٍِ
ياك قمر الزمان في سمانا يالسمحة إتخلقتي براكي

ويأتي هنا بكل آيات الإحترام التي تنم عن صدقه وإنه قد يستطيع إن يخرجها من دواخله لأنها صارت لا تعني له شيئ وأن لها الشكر لأنها علمته أن يرفع رأسه عليا فوق رأسها لأنه الوفي وهو المحافظ علي العهد وهي الخائنة التي تنكرت علي عهودها والإستحالة تكون في رفقتهما معا مرة أخري فهو يرحب بالضياع والوحدة من أن تقوده خطاه مرة أخرى في دربها

عذرا لو عليك قسيت أو مات في دواخلي غناكي
عفواً ما بقت تسكرني النسمة اليجيبا شذاكي
وشكرا منك إتعلمت أرفع راسي فوق لسماكي
وأهلا بالضياع والوحدة لو رفقت خطاي خطاكي

ويأتي ويلخص لها في الابيات التالية بأنه غير نادم علي ماضيه في تلك التجربة المجردة وإنها فارقها إلي غير رجعة فلتكن الأيام التي راحت هي فداء لك من رجل له كرامة ويرسل لها في أخر خطابه بإن الريدة لا تكون زلة له وأن ظنها قد خاب في ذلك ويبتعد أكثر من ذلك في تحدي واضح بإنها لو حملت قلبه فإنه لا يزل لها مهما كلفه الأمر

وما ندمان علي ما ضينا وايامنا اللي راحو فداكي
وما عشمان اعود من تاني وارجع من جديد القاكي
ولو قايلة بتزلني ريده واتحمل غصب يا ملاكي
خاب ظنك وحاة البينا هاكي قليبي واتحداكي

إي كبرياء وأي تحدي الذي يجعله يعترف لها بأنها ملاكه ولكنه لا يزل لها ولا حتي له الإستداد لإعادة التجربة مرة أخري
فإنها حقا قصيدة رائعة لإنسان ثائر لكرامته التي هدرت بفعل الحب وكبريائه الذي راح بسم العواطف
الشاعر : محمد سفلي .... لم تلحن حتي وقت قريب ولكن في طريقها إلي التلحين
النص:

لو خايفالي من آهاتي وأحزاني البعيشها وراكي
أعرفي إنو عزة نفسي أكبر من مدار إدراكي
وتاني لا بتهزني ريده ولابرجع بجيك متشاكي
قادر حتي افارق ضلي بس رمشي أنا ما يدمع باكي
*** *** *** ***
من جور الظروف إعتدت في كل خطوة اشوفو هلاكي
أيه يعني إن قسيتي وجرتي وإتنكرتي ليهو هواكي..!؟
لا الدنيا بتقيف كان فتي لا روحي بتفوت بي وراكي
لا قلبي العليه إن دهدهتي قادر لحظة يستناكي
الدنيا العبوس بي خيرا إياك من تظني إياكٍِ
ياك قمر الزمان في سمانا يالسمحة إتخلقتي براكي
عذرا لو عليك قسيت أو مات في دواخلي غناكي
عفواً ما بقت تسكرني النسمة اليجيبا شذاكي
وشكرا منك إتعلمت أرفع راسي فوق لسماكي
وأهلا بالضياع والوحدة لو رفقت خطاي خطاكي
وما ندمان علي ما ضينا وايامنا اللي راحو فداكي
وما عشمان اعود من تاني وارجع من جديد القاكي
ولو قايلة بتزلني ريده واتحمل غصب يا ملاكي
خاب ظنك وحاة البينا هاكي قليبي واتحداكي .....!


ولكم حبي
والقاكم

ود زبيدة

منتصر اخوى سلام وحبابك ,

وزبيدى ان شالله تنبارك وتنعدل عليها شيقيش ما تقبل ان كان وليدا ليها فرحنا بيمتل النصم السمح دا !

نان باقيلك ما كنا محتاجين للاستراحة دى !

الله ياسع ايامك ا المبروك !

---

دهب شيبون القمر المضوى الكون وا نارى انا منو !

----

فاوضنى بلا زعل يا اخى فاوضنى انا عندى ظن !

----

ويا منتصر بس الويحيدى دى كرمتها ليكا ومانى ستها فيشان خاترك !( يا ربى فهم شى ؟!)

وصادالكون باذن الله ,


ست البنات .

بت البلد
ست البنات وزينتن
الف مرحب مجدد

Quote: ويا منتصر بس الويحيدى دى كرمتها ليكا ومانى ستها فيشان خاترك !( يا ربى فهم شى ؟!)

والله فهمتك يا بت عمي والويحيدي دي هي ما زبيدي إنت قايلها منو ..؟

لاتكوني مشيتي بعيد يا بتي ...؟

Quote: وزبيدى ان شالله تنبارك وتنعدل عليها شيقيش ما تقبل ان كان وليدا ليها فرحنا بيمتل النصم السمح دا !

دعواتك لها وربنا يسامحها ويرحهما ويسكنها فسيح جناته
ولا تنقطعي من صالح الدعوات لها ..
فهي بحق كانت إمرأة بقامة الكون

وتشكري كتير

فاوضنى بلا زعل يا اخى فاوضنى انا عندى ظن !


وياريت تكون عندك وتنزليها لينا


ود ربيدة

منتصر اخوى سلام تانى ,

وان شاء الله ست البنات وزبيدى ربنا يجعل الجنة مثواهن , ويرحمن , ويقدرنا ندعيلن ونترحم عليهن صباح ومساء ,

وربى يغفرلهن ويجعل الرحمة وسادتن , ويتقل موازين حسناتن ويجازيهن بالفردوس .

وسامحنى يا اخوى عدم العرفى باقى كعب .

وكلنا محرقين بى نيران الحشا , عيللى ياهو حال الدنييى يا صباح الخير , وربنا بس فتح عليك بالكلام السمح دا وخلاك تفح سيرة

الشايقيى دى فيحال نترحم عليهن ويكرمن من جودو وكرمو !

ست البنات .

Quote: وان شاء الله ست البنات وزبيدى ربنا يجعل الجنة مثواهن , ويرحمن , ويقدرنا ندعيلن ونترحم عليهن صباح ومساء , وربى يغفرلهن ويجعل الرحمة وسادتن , ويتقل موازين حسناتن ويجازيهن بالفردوس .

آمين آمين آمين
وربنا يرحم أمنا ست البنات وينزل عليها شآبيب الرحمة ويغسلها بالثلج والبرد ويجعل الجنة مسواها ولا يحرمكم من أجرها ولا يفتنكم بعدها ولكم حسن العزاء والسلوي
إنا لله وإنا إليه راجعون

ود زبيدة

عابره يا بت المدائن والمدن ما فيها عشره
يا حليل ايام وراحت خلفت جوايا حسره

اخرى
يا عابره عبر الدم شايلك شرايينى


اخرى
حبا بلا جدوى متعثر الخطوه
دقيتلو مليون باب من غير ما يلبينى
يا عابره حتلاقى لو فى العمر باقى

هيا زيدونا وللعابرات اطرقوا وفى هذا السامر انثروا لقد حركتم كوامن القلب والتى تعطلت عندنا بسبب مصائب ومواجع الدهر
استحلفك بالريد اوعك تفارقينى
بالخوه حق الجار اوعك تفارقنى
الله ما اجمل ان تبحروا بنا فى هذا البحر الجميل الواحد بطول الزمن نسى كثير من النصوص والتى كان يحفظها فارجوا من جميع الاخوه وعلى راسهم ابو زبيده عدم التوقف وعليكم الاسترسال فى هذا البوح الجميل
يا وفا ليه بتردى المويه ما حرام عليكى تشيلى
ما كان حقو تملى الباقه عشان هى فاضى عليكى تقيلى
ايدك تتعبه الهبابه والعين متعباله قبيلى
انظروا هذه الكلمات الجميله البسيطه المعبره

ود قرنين في علو
يا خلايق الله خلو
عندي صيدا في الكرو
خايف العين لا تحصلو
اصلو السمح والزين كملو

الله يرحمك يا الطيب ود قرنين

استئذنكم واضيف رائعة الثنائي علاء الدين وعبدالرحيم ارقي


عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا
بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا

Quote: استئذنكم واضيف رائعة الثنائي علاء الدين وعبدالرحيم ارقي

أبو عثمان الدار دارك تدخل بلا إستئذان والف مرحب بيك

فتلك الرائعة التي أتيت بها هي من أجمل ماقيل في تربية الأبناء ومعاناة الأم منذ أن تتمني أن يكون لها إبن مرورا بتربيته و إلي أن يصير رجلا ليتخذ رأيا واضحا في مغادرة تلك الأم التي ما بخلت عليه البتة وهل هنالك أم تبخل علي إبنها من التربية إلا التي لا تعلم معني الأمومة ولتكن تلك الرائعة رسالة لكل إبن يأخذ ولا يعطي عندما يأتي دوره للعطاء ... فهي تعمل علي التقويم السوي للأبناء من صدق عاطفة الأمومة فتجد فيها كل الدروس والعبر التي تبث إلي الأبناء لكونوا علي علم بما يتحملهن الامهات .. فهذا النوع من الشعر هو إمتداد لكل المدارس التربوية في حياتنا لا تنقص شيئ عن تلك المدارس ذات الفصول والكنب .. فهو حقا لسان القبيلة والناطق بسمها في سهولة لفظ ويسر معني وصدق تعبر
ولك كل الود وواصل في عطاءك ( فاليكن غير محدود )

ولك كل الشكر وتسلم يا ابو عثمان

ود زبيدة

وفي هذه الإتكاءة اليوم نطالع لأحد الشعر الذين إهتمو بقضايا الوطن والنضال من أجل هذا الشعبولم يكن عطاءه قاصر علي قبيلته فقط ولكن بإمتداد كل الوطن وكل الإنسانية في العالم
فهو شاعر أكبر من يصف بالكلمة ,,,,, وتاتي قصائده معبرة عن ما تحويه بكل صدق .. ولنأخذ له نموذجا عن تلك الرسائل التي ظهرت بظهور الشعر العربي فهو يجسدها بلغة القبيلة بكل يسر
لتخدم قضية الوطن وتظل إلي يومنا هذا واحدة من أميز ما قاله حميد :


رسائل ست الدار بت احمد جابر
للزين ود حامد
( تلغرافات )


محمد الحسن حسن سالم (حميد )


( جواب أول )

باسم الحاضر والمستقبل
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
ولا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا ..
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاصل البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا
ولا نبقالك مشغولية
زيك واحد مستورين وما ناسين المسئولية
هي يا الزين زغرد
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا غباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير

أم أولادك ست الدار بت أحمد جابر



رد منه ( جواب أول )

ست الدار بت أحمد كيفك
جاني جوابك مفتوح شارع
جاني جوابك وانا بتذكر في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف المصنع فيهو خساير
وقالوا يخفضوا مئتين عامل
مئتي عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي العاد تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عشناهم جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراق في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان



(جواب ثاني )

( بعد الحاصل والإتحصل ست الدار بت أحمد تكتب ) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. أرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما هزوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض .. بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيط؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ام اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطاة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار أحمد جابر


تلغرافات :
تلغرفين في وقت واحد :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد والواطاة جعفر طالق فيها بهايمو
ست الدار بت احمد جابر

نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد


لله درك إيها المبدع حميد


ود زبيدة

من تنقاسى والبركل ولى العفاض

من عند أوسلى لى الحوشاب

لى عند نورة والحيران

قشابى الشامخى والكرفاب

ومروى السمحى ماب تنفات

كريمى السوق ولى الدومات

وتغشى الزومة والحاجاب

قريرنا النايرى أم شتلات

حزيمة وكورتى شيخ وراق

الكنيسى العامرى بالأيمان

ولا مساوى والدبة

حجير ومقل

بخيت وشرق

دبيبى وبقعة ابرنات

----------

الشايقية ليسو بشعراء فقط , بل فكهون وسريعو بديهة ,وسأعود ببعض فكاهاتهم ...

ست البنات .

اهلى الحنان وعلى راسهم ست البنات..طالبكم بالصطفى حميد عندو حاجة بقول فيها:

هزى سعن البينا كنك

الرسول الحافظ الشى دى ينزلها هنا ولو مقاطع ..باذن الله سوف اعود،،،

أستاذنا صديق الموج

الرجل المرجعية في عالم غناء الحقيبة ودرر الفن السوداني
الف مرحب بيك يا استاذ

وطلبك مجاب ..... ويا هلا

والرسول قلم ما ينقطع مننا

ود زبيدة

السلام عليكم
وِلاد بَلَدّي
عَرَارِيقُن سَرَاوِليُن جَبَابيدٌن سَنَانيرٌن....
.............
بنات بَلَدّي
طريحاتِن مناديلين رقيصلتِن شبابيلِن
..............
نعلّكٌم طِيبّي

جاييكم صاد
وما الناس إلا هالك وأبن هالك *** وذو نسب في الهالكين عريق

Quote: قلنا نجيب المداحين طنطن .. أنا جاي من الحج

الف مرحب بيك يا زول الزوول

يازول يا رائع

الف مرحب بيك وبي صدتك لينا ونحن حارسنك

ويا هلا

ود زبيدة

السلام عليكم
إهداء للأخ صديق الموج وللجميع
ضهر المعزّة ( محمد الحسن سالم ( حميّد) )
ـــــــــــــ
يا عضُم ضَهر
المعزَّة
يا تُقل زولاً
براهو
يا مرقتو مع
الجماعة
يا ستر حالو
وضراهو
في الزمانات
الجفيلة
...
يا شدير الخير
في صنك
ياك سراباتي
البظنك
والشموش طعمني
حنك
ياتو ريح تنتفني
منك
يا مواثيقي العليهن
تاكِل أحلامي
العديلة
زي شرف تكّايو
إنتي
يا شرف كمِّين
قبيلة
خشي سعن البينّا
أكنك
يا هجيرية
وظليلة
...
تشبهي العيد
في بلدنا
بالمسافرين
البجوهو
والبطينين التمدِّر
في غرق فرحاً
رجوهو
...
البشارات التضرِِّس
في صدور
الأمهات
التهز سعف
الحناجر
التجبد أغنيات
عند دغيش الليل
تفقِّش في
الدياجر
زغردات
تبهل الزين
والعديلة
من شُرف دخلة
صباحك
يا هجيرية وظليلة
...
ما حصل جيتك
لقيتك
إلاّ عازمالك
سحابة
في خلا البلد
السقاهو
يبدا من عطش
الغلابى
وينتهي بك
يا ترابه
يا سماواته
ونخيلة
وفي النخل
شِن مابيفرح
هيلا
يا أبنوسة
هيلا
...
ذات وطن
والناس حيارى
والحمائم صان
هديله
قلتَّ يا ليل
جو السكارى
والغناوي المرخي
خيله
...
قلت يا نيل
جو الصحارى
والقساوي الشادي
حيله
وسنت الربذة
الحجارة
وشكعت فوق فجري
ليله
وجاني ظلم الدنيا
جاري
لما جيت قافر
الغفاري
يا غفارية وجليلة
...
يا طعم عرق
الشغيلة
والأيادي
التندهيله
وتندهك
شبهك شبهنا
خيلنا من غلبك
صهيله
وياتو ريح
تنتفنا منك
وفي الأصابع
ألف حيله
هزي جزع البينا أكنك
غنوة يتساقط
وأشيله .

وما الناس إلا هالك وأبن هالك *** وذو نسب في الهالكين عريق

الحبان سلام ,

وسلام خاص لمنتصر الشفيف ,

وتحية ومراحب بالعمدة ولد العمد , ولد السماعريت السيطون مالى البلد ,

شرفنا العزيز ابن خالتى الشاعر الفذ عمر سمعريت بمدينة مالبورن وضوت ليالينا , صدح النهار أفراح وغنت قمارينا !

وأقدم لكم مشاركة من شاعرنا عمر سمعريت الفكه , والملم بكل مداخل ثقافة الشايقية , وكما قيل : لا يفتى ومالك بالمدينة ,.

وعمر سمعريت لمن لا يعرفه وهم قله , هامة وقامة فى مجال الأدب الخاص بمنطقة الشايقية وبالتحديد منطقة تنقاسى السوق وتنقاسى سمعريت وما

حولهما من مناطق الشايقية .

وقد شرع الأخ عمر فى تأسيس صالون سمعريت الأدبى بمدينة مالبورن على أمل تعميمه فى المدن الأسترالية جمعيعها , ملحقا ذلك بتأسيس

رابطة تضم كل أبناء مروى حاضرة العالم حين كان العالم يرزح تحت ظلام البداوة والتخلف !

قصيدة من بت ود خير الشاعرة من المقل , وبت ود خير كانت فى زمانها لا تقل شعرا عن شاعر الشايقية المعروف حسونة , والشاعر حسن

الدابى , والشاعر محمد العبيد , وعبدالله محمد خير , وسيد أحمد الحاردلو الذى يتمنى له الأخ سمعريت عاجل الشفاء حتى لا نحرم من

ابداعاته .

اصبرن يا حبايب عندى كلمات

وكدى ارسن يا الحبايب عندى كلمات

حبابكن ميى ميى عليى شويات

وحبابكن تولتوميى عليى شويات

وحباب أقدامكن الهن علينا مارات

عاين للوجوه خفن المرايات

طرقكن توتل وقربابكن دباجات

كدى اركزى يا أم نعيم لا تاخدى نجات

وكدى اركزى يا أم نعيم ساعة العرض جات

واصلو يكسانى العرض مالا الريالات

انا داقى رطل صعوط وميتين سجارات

وعبارتى خمارة ليى مرق الكفايات

وكبشى كبش بلد مو الليل غروبات

انتن تاكلينو يا حبايب مستسرات

وعاد وكت جونا الرجال اهل البيانات

ونحنا جبناهو الصحن ووردنو الشيكات

ونتعاود جميع يا اخواتى فى فرح الوليدات

---

مناسبة القصيدة :

الشاعرة بت ود خير عملت عزومة , ومن عادت الناس بمناطق الشايقية دفع القروش فى مثل هذه الناسبات , ولكنها سمعت بعض النسوة يتحسرن لعدم استطاعتهن المساهمة , فجادت قريحتها بتلك الكلمات تطمينا لهن لحفظ ماء وجوههن .

عمر سمعريت .

الخلوقة ست البنات ست الدار
لك التحية مجددا وعبرك إلي كل آل السماعريت
وتحية خاصة جداللشاعر الفذ عمر سمعريت

فهو رجل شفيف عبر كتابته وشعره المغني بين أهلي
فله كل الشكر وخالص الود

ود زبيدة

اضافة مشاركة من شاعرنا عمر سمعريت :

من أغانى الفنان الراحل النعام ادم وكلمات الشاعر حسن الدابى عليهما رحمة الله :

يا عيونى كفاكن دموع قالوا شوف ناس اسيا ممنوع

اسيا من البال ماب تغيب والنفوس غيرك ماب تطيب

عودها من الغصن الرطيب الحديث احلى من الذبيب

بيها تفتخر المصلحة واللبس رسمى مسمحها

وللمريض شوفتها مفرحة

من جبينك يسطع النور

الخدود باقات الزهور

يا الغفير اسمحلى مشكور بالدخول

وانت اطلب زى ما تدور

قاللى وقت الشوف انتهى

والزيارة دا ما وقتها

وللدخول الكتور نهى

ويا قلبى ويين تلقى الردتها

---

عمر سمعريت .

طلبتكون الله يا الزينيين حشولى قنديل

صبيتين او تلاتى بلا عراجين

وجيبولى الطرد من الدكاكين

يسافر بالبحر يمشى الدبازين

محومد ود بنات سيد الطواحين

وتغروهو السلام وقولولو طيبين

--

ست البنات .

ماك غلطان !!!!!

غلطان زمنكْ

واصلاً وطنكْ

ياها جراحو وعندك شاهدْ

رَفْضَك .. سَجَنَكْ ..

شان الكادح

والمتكادح

يلقى صراحو .... ويبرأ السّاعِدْ

تهتف لامن تقضف دم ..

وشارعك هازيء ..

يهز اصفاحو .. وبرضو تجاهدْ ؟؟؟

لامن صَقّرْ سن منقارك ....

لامن طايرك قصو جناحو ....

وخرّ يكابدْ

ما حَسّابَكْ ... إلا عذابكْ ..

وليلاً دائماً كارمه صباحو ..

ونجمك ساهدْ

لما بديت تفرز لي عيشتك ..

لاكو عويشتك ..

واجمعوا جملة بأنك تالفْ

وانو سقطت .. مع أنك واقفْ

فوق اسمنت وتحتك عملة

هم ساقطين في البرد الناشف ..

وجاهم زاحف قوز الرملة

الإملاق العيش الشاظف ..

وفي ظلمات الزمن العاصف ...

قاسي عبور اليم ... يا نملة !!



وهسه غلابا الدنيا الكنت بتتعب غنية عشان يرتاحو ..

المنك راحو ..

الكجنو حِنّك ... وعنك أشاحو

ضراعم غادي

عليك يتجارو .. بدون ما تنادي ..

وصاروا نفيرك وقت حصادك .. ورابى نصيبك

هرِّب ..

هرِّب ..

خير بلادك برة وسيبكْ

يا أوعية البلد القطّتْ ..

ما بيسقيك الدم الفاسدْ

ويا أودية الولد الشطّتْ ..

ما بيشفيك اليمّ الراكدْ

إلا الدم البدأ يلقّط ..

واحد ..

واحدْ

إلا اليم أب غيماً نقّط .. وجاييك قاصدْ

يا محبوبة في وضع خريف ..

شالع دجلو ..

وكضباً راعدْ

بيت راكوبة ..

وحوشو صريف ..

سَوّسْ مِرْقو ..

وسقفو يناهدْ

احسن تحت المطرة نقيف ..

بي كفيك ..

كفّي ..

والسّاعدْ

وراسنا ...

نضاري الطفل الواعدْ

لامن يبقى سمانا نضيف ..

من تخويف ..

تسويف ..

من زيف

ونلقى الوطن الحِنْ ..

مو الطاردْ

واللا الموت

الدغري

الواحدْ

الأخ الفاضل ahmed abdelati

لك التحية ولمرورك الكريمة ومزيدا ...


ود زبيدة

منتصر أخوى والمتداخلين سلام ,

ويا منتصر أبشر البوست محروس وماب نديه عوجى تب !

وهاكم مشاركة :

عهد الديمقراطية كان

طفلا رضيع لا شب لا مشى لا حبا

هجمت عليهو الغولة كف

قطمت ريقيبتو وقصتا

واصبحنا من بعدو خراب

عشعش على بيوتنا الفراب

لا دخلا زرزور لا قطا

وطيورنا هاجرت الدغيش

هردت لأماتها الحشا

فردت جناحها وغربت

ضاعت من ايدا هويتها

وسمانا غطاها السراب

لا شال مطر لا بان تخا

رمالنا غطاها اليباب

خلت حقول قمحك خلا

صبحت ديارنا بلا عقاب

الخير نضب وعم البلا

سميه عهد الظلم

عهد القهر عهد الأنفلات

وبلدنا غابت فرحتها

الصابرين الكادحين

كمين سنة باتوا القوى

رافعين ايديهم للكريم

راجين خزاينو الفاتحها

طالبين كمان كابوس يزول

أدمى العيون

جرح نفوس كانت كريمة معززة

جوع بطون

خلا الجميع بقوا فى زهول

مشغولة أمة بأكملها

بالجاء وزكز فوق قلبها

طأطأ رءووس هامات رجال

كانت بتزأر زى أسود

فجر ينابيع محزنة .

---

ست البنات .

والله يا منتصر وحشنا سمبتيكو الراقى وذوقو العالى !

كان بس سجل فى البوكان دا طنبورا للنعام ادم ولا أرقى وصديق احمد !

وكان تم المراد والبهجى !

الله يجيبوا لينا يفرحنا !

دحين أساعيتى ما نلقالنا زولا يسمعنا طنيبير يا اخوانى !

باقيلكون البيكيين دا بلا حس دليب بيبقى ؟

ووين ود القرير والشايقى وباقى الشايقيات والشايقييى ؟

ويا صديق الموج صباح الخير , الله يطراك بالخير .

وجاياكون صادى ...

ست البنات .

ردة روح في بوست الحِن ،،


سماحة كلام،،

Quote: مسافة السكة أرجع ليك معاي الشوق و غنواتو،، أنا البهواك و قلبي عليك و أنا الزول البريد زاتو،،

Quote: مسافة السكة مهما تطول برضو مصيري أرجع ليك إلم حزن السنين الفات و أقيل في ظلال عينيك أخاف أحزاني ترسي عليك ألم باقي العمر تحنان و أقول لي الناس حكاياتو

Quote: ما يهمك كلام الناس وحاتك إنت ما ناسي أنا البحسب عشان ألقاك ثواني الفرقة وأنفاسي وأعرف لوعتك يا روح كيفن و إنت بتقاسي وأعمل أيه مع الأيام مع قلبي و صباباتو

Quote: مرافيك وين عشان ارتاح و أعوض قلبي عن صبرو معاك بحصد من الأفراح حصاد زولاً زرع عمرو أنا الراجيك و كلي جراح مناي بي إلفتك يبرو بلاقيك في زمن نشوان تصب لي الحب غماماتو

Soumeta

الف مرحب بيك كتير وبي مرورك


ود زبيدة

(**) عوض صبى صغير لا يكثر من الحديث ولكن تجدوه دائما مبتسما الجميع يرون فيه شئ من الصلاح والدروشة اختفى عوض عقب فيضانات 1988م ولم يعثر له على اثر فرسم حاتم حسن الدابى لوحة الفقد بريشة حزينة ..

من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويلة مع الأيام
درويشاً صغير عشرة أعوام
الزول زول الله من الصلاح الرفعت عنهم الأقلام
من غرس الرسل الدارو الآخرة أم خيرن دام
التركو نعيم الدنيا الزابل للعبدوها والحكام
متجلبب بى تيبان الرحمة غتا وهندام
متنعلت بى ارض الله الواسعة خطى الأقدام
متزود شايل خير الزاد تقى وإلهام
يا سارى الليل ما شفتا جناح جبريل
غتاهو بقالو مظلة جلوس وقيام
يبقالى نجع متوجه قاصد أرض الشام
ما شفتو هناك مع الحجاج لا بس الإحرام
بين يثرب ومكة وفى بيت الله المكسي رخام
يبقالى هناك يكون مندسى مع الخدام
يا سارى أبل جهدك نحن فتشنا فى كل بكان
فتشنا سماء أرض م شفنا منام
فى التمر الشايل تكا سبيطو مدلول خام
فى الجرف الأخضر فى لوبيهو وفى النجام
فى جدول جارى تسرسر مويتو نغيماً دام
يا سارى الليل أنا داير أوصيك وأديك كلام
الروح إن صعدت لى باريها وفى جنات الخلد مقام
لو لاقيتو فى إى مكان فى اى زحام
روح كلمو قولو الحلة بكت من شوقا إليك تغريك سلام

(**) الإغتراب شر لابد منه تحت ضغوط الحياة .. وحين تنغلق جميع النوافذ والمنافذ أمامك للرزق الطيب الكريم .. وسعياً لتغير الوضع لأفضل ... وثمنه غالى جدا يدفع بالتقسيط مع مرور الزمن فربما تجد الحلول المادية ولكن تنفتح بعض ابواب المشاكل الأخرى منها على سبيل المثال لا الحصر تربية الأطفال وهذه المشكلة عانت منها الكثير من أسر المغتربين وهى مسئولية مشتركة بين الأم والأب والأسرة على المستوى الأكبر (الأهل ، الأقارب ، الأصدقاء ، المحيط الدراسى ، ... الخ) .
وهذا واحد من أولئك الذين ساقهم القدر إلى الغربة وترك مسئولية التربية على زوجته التى أرهقها الواجب بمرور الزمن وتقدم الأطفال فى السن فلما شعرت أنه ربما ينفرط عقد الأولاد ويضيعو من بين يدها كتبت هذه الرسالة الرائعة التى تجسد لمحة من الدور العظيم للمرأة السودانية فى التربية والإهتمام بالأبناء ... فماذا يقول المبدع الشاعر الفذ / حاتم حسن الدابى فى معالجته الشعرية (لسان الحال) :

معذرة لو معاك منى الكلام حره ومعليش الخطاب كتباهو مضطرا
حرام والله مننا إنت تتبرا خمسة سنين تفوت تجى فيها فد مره
وراك أنا كم شقيت وعـشتا فى مره وتعبت من البطان الهم للعيون غره
بيخاف الغرق الغاص وراء دره وقالوا أدب الصغار والعقدة من خدره
حليلى أنا الزمن ضى خاطرى ما انفرا وخمسة سنين غياب ما بتحملن حره
أنا الحاضنة العذاب وآمالى محتضره وإنت الفى النعيم ماخات حسـاب بكره
مسكينة التقول فى الإغتراب ستره وتتـنـاسى الـقــروش فى يوم تكون ضره
حليل زمنك وكت عـايـشـنا بالأجره يا ريت لا عـرفـت ولا مـرق بــره
الـكاتـما فى جـواى كـتـيـر متملك الجوف والعصب
ماكـنـتا دايره أقـول ليك لكـن لسـان الحال غلب
مـا بـنسـي يوم ودعـتـنا وســافـرتا فى غرة رجب
خـليت وراك الـدارحزيـن يـتـبـاكى والدمع إنسكب
أعـذرني والله الـعظيم لو ما الضـروره أنا ما كتب
وأن خـايـفه يكون فى بعدك الضاع هو نصف المكتسب
اليومه داك نــاس البلد حـيونى شـايـقيـة وعرب
قـالــو لى مـبـروك خير وجاك يكتب سلامتو الإغترب
قـالـو لى دوب نجـم الـسـعـد طلاكى من بعد إحتجب
يا دوبو بالك يـســتريح وتـنسي العذابات والتعب
فضـلت أحـسـب فى الشـهـور قاعدالى فوق نيران لهب
صابرة وحريصة على العيال لا يبقول للريح فى المهب
سـديـتا خـانتك من مـشـيت قايمابو واجبى كأم وأب
والأسـرة يـضـنيهـا المسـير تتهاوى لو ما فيها رب
والله ما بنكر جـمـيلك بـرضـــو لـيـنـا ثناك وجب
مـوكب هـداياك ما انقطع كان سترة فى الزمن الصعب
ماكلين ولابـسـيـن والـنعـيـم كايلنا فى يوم مانضب
وعـايشـين معـيشـة المتـرفين طولنا والطبع إتخرب
حامدنوا كان قـلتا الأكل والله للـتـيــــن والعنب
أما الجنـائن شـيــلا كــاب وافـرين فواكه والعنب
الـبـيت مـفروش بـالحـرير مـلـيـانه إيدى بالدهب
لـكـن خـساره على محل عاش سيدو خمسة سنين عزب

الشـئ الـمهـم مـاقـلـتـو لـيـك وليهو إنت ماظنيت حسب
كـبـرو الـصـغـيـرونـيــن خـلاص خايـفالن الطبع الكعب
وصــلــوهـا مـــرحــلــة الـخـطـر والأمن مازال مستتب
وانــا كــت قـادراهـم زمـان لـكـن بعـد كـبـرو إتغلب
حــصـلـنـى قـبـل الـجــد يـفـوت دوبـنـهـم فوق العتب
قـبـــال نـحــصـد الخير ندم وما بيجدى كان لمت وعتب
خايـفـالم الطيش فى الدروس وما برضى لو واحد رسب
خـوفى المـتعـبـنى الـكـبـيـر بـعـديـن يمرقو بلا أدب
وريـتــك الـحــاصـل عـلـى لافـيــهــو ثـورة ولا غضب
شــان الـحـديـث مـا يـبقـى نـى والواحة يكتنفا الجدب
أنــا قـلـبى مـازال لـســه حـى ونـجـمو الملهج ماغرب
بـاكر كــلامـى تـردو لــى لا ابـقــى بـكـره أنا السبب

رد على قصيدة لسان الحال
رد الخطاب

عـذرتـك فـى الـخـطـاب الـجايى .. منـك شكوى مـُــرة
يحـكى مأسـاة بعــدى عنِّك .. وكل سطـورو مآسى تترى
والـدمــوع غـطـت جـوانبو.. وكل كلمـة معاها عبـــرة
زادت الحزن البعيشو .. وســـــــود لياليى زادو غبرة
وصرت ألعن فى ظروفى وجور زمانى الزادنى حسرة
وقلت لازم بكـــرة أرجع .. بكـــــرة توصل ليكى بشرى
داير أقفـِّـــــل باب عذابنا وليك أعود يا أحلى زهرة
ونـنـسـى أيام الـتـعـاسـة .. ونهنى بين عثمان وسمرة
ما شفتى فى الغربة .. العذاب زايد على شــــد العصب
وأنا ما قصــد رد الخطاب بس السكــــات زاد التعــب
وماكى البراك يا ست هواى عندك لسان الحـــال غـلــب
أنا بعدى عنك نار مولقدى فى حشاى عديـــــــل لهــب
من قمت فارقت الديار .. وركبت فوق درب الصعـــــب
وخليت ناس غاليين عزاز .. هم عندى أغلى من الدهـب
مردومة فوق راسى الهمـوم وفى غــرفة الشقى إنصـلب
ما كنت عارف كيف أكون .. وأنا للنتايج ما حســــــب
أنا مانى راضى أفوت وأسيبكم لكنى مجبور واتغصـب
جبرتنى ساقتنى الظروف .. والعيشــــة والحــال الكعب
وطلباتك الما ليهــا حـد .. وحـال العيــال الإتقلــب
بنيت آمـــالى العراض .. للمال ألم ..واقــضــى الإرب
وأبنى القصور ليك والعيال .. غرفن تكون متحف لعـب
وأبقى المعلم فى البلد .. وراس مالى يا عجب العجـــب
لكن خطايا اتعثرت .. وحظى التعيــــس كان الســـــبب
وأسع وكت جانى الخطـاب .. شلّ الفكــر وعقلى انسلب
وخلانى فوق جمر العذاب إتقلــــَّى شقــــــيش ما اتقلب
زاد العلى .. نوحى وشقاى وخلانى من حتفى اقتـــــرب
وقررت أعـــود .. قبـــل الندم وقبال يضيع المكتــسب
وطايرى القروش وكتين تكـون فى هد حياتنا هى السبب

رد على قصيدة لسان الحال
رد الخطاب
عـذرتـك فـى الـخـطـاب الـجايى .. منـك شكوى مـُــرة
يحـكى مأسـاة بعــدى عنِّك .. وكل سطـورو مآسى تترى
والـدمــوع غـطـت جـوانبو.. وكل كلمـة معاها عبـــرة
زادت الحزن البعيشو .. وســـــــود لياليى زادو غبرة
وصرت ألعن فى ظروفى وجور زمانى الزادنى حسرة
وقلت لازم بكـــرة أرجع .. بكـــــرة توصل ليكى بشرى
داير أقفـِّـــــل باب عذابنا وليك أعود يا أحلى زهرة
ونـنـسـى أيام الـتـعـاسـة .. ونهنى بين عثمان وسمرة
ما شفتى فى الغربة .. العذاب زايد على شــــد العصب
وأنا ما قصــد رد الخطاب بس السكــــات زاد التعــب
وماكى البراك يا ست هواى عندك لسان الحـــال غـلــب
أنا بعدى عنك نار مولقدى فى حشاى عديـــــــل لهــب
من قمت فارقت الديار .. وركبت فوق درب الصعـــــب
وخليت ناس غاليين عزاز .. هم عندى أغلى من الدهـب
مردومة فوق راسى الهمـوم وفى غــرفة الشقى إنصـلب
ما كنت عارف كيف أكون .. وأنا للنتايج ما حســــــب
أنا مانى راضى أفوت وأسيبكم لكنى مجبور واتغصـب
جبرتنى ساقتنى الظروف .. والعيشــــة والحــال الكعب
وطلباتك الما ليهــا حـد .. وحـال العيــال الإتقلــب
بنيت آمـــالى العراض .. للمال ألم ..واقــضــى الإرب
وأبنى القصور ليك والعيال .. غرفن تكون متحف لعـب
وأبقى المعلم فى البلد .. وراس مالى يا عجب العجـــب
لكن خطايا اتعثرت .. وحظى التعيــــس كان الســـــبب
وأسع وكت جانى الخطـاب .. شلّ الفكــر وعقلى انسلب
وخلانى فوق جمر العذاب إتقلــــَّى شقــــــيش ما اتقلب
زاد العلى .. نوحى وشقاى وخلانى من حتفى اقتـــــرب
وقررت أعـــود .. قبـــل الندم وقبال يضيع المكتــسب
وطايرى القروش وكتين تكـون فى هد حياتنا هى السبب

عبد المجيد محمود
ســــــــــــــــلام يارائع
لك شكر الجهد المقدر
وتسلم أخي المفضال

ود زبيدة

طلبتكون الله يا الزينيين حشولى قنديل

صبيتين او تلاتى بلا عراجين

وجيبولى الطرد من الدكاكين

يسافر بالبحر يمشى الدبازين

محومد ود بنات سيد الطواحين

وتغروهو السلام وقولولو طيبين


ياحليلك ياست البنات مالك فـوتي وخليتي خيتك المشتهاكي?
أنـا من بـوكـاني ده بس ماني زاحي...اتي كمـان خـيتي أبقي معاي نسـمع في الحـديث السـمح ده..واحـلالي بيكم كلكم

مـني

Quote: من يوم البحر الجانا وتسب وقام يوم دخل الحلة وهدم بيوتنا ترا وهدام صبحنا ضيوف ما خلاّ وراهو صلة أرحام يوم داكا عوض خلاها مرق سفره طويلة مع الأيام درويشاً صغير عشرة أعوام الزول زول الله من الصلاح الرفعت عنهم الأقلام من غرس الرسل الدارو الآخرة أم خيرن دام التركو نعيم الدنيا الزابل للعبدوها والحكام متجلبب بى تيبان الرحمة غتا وهندام متنعلت بى ارض الله الواسعة خطى الأقدام متزود شايل خير الزاد تقى وإلهام يا سارى الليل ما شفتا جناح جبريل غتاهو بقالو مظلة جلوس وقيام يبقالى نجع متوجه قاصد أرض الشام ما شفتو هناك مع الحجاج لا بس الإحرام يأأأأأه يا منتصر شكرا ليك أبكتني هذه مرات عديدة ولم استطع اكمالها الان شكرا لك ولمني عوص وللأخ عبد المجيد وسوميتا وكل زوارك أبقو قاعدين في بوكانكم دا ياني الماشا وجاياكم تحياتي بين يثرب ومكة وفى بيت الله المكسي رخام يبقالى هناك يكون مندسى مع الخدام يا سارى أبل جهدك نحن فتشنا فى كل بكان فتشنا سماء أرض م شفنا منام فى التمر الشايل تكا سبيطو مدلول خام فى الجرف الأخضر فى لوبيهو وفى النجام فى جدول جارى تسرسر مويتو نغيماً دام يا سارى الليل أنا داير أوصيك وأديك كلام الروح إن صعدت لى باريها وفى جنات الخلد مقام لو لاقيتو فى إى مكان فى اى زحام روح كلمو قولو الحلة بكت من شوقا إليك تغريك سلام

سوقنى معاك ياحمام
كلمات محمد الحسن سالم حميد
غناء محمد النصري


سوقنى معاك يا حمام
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ماالمحنة
وأيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا نرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقراية
خزين مدخور للجِسام
تتمر نيتو التخاية
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساط أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
... ...
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

الأخ منتصر
ممكن تكمل هذه القصيدة
ود الدابي مالك ساكت ماشفت الجلي السواها
شال محبوبتي سافر بيها كيف عاد أعيش لولاها
حسن

الأخ حسن
الف مرحب بيك كتيررررررررر
وطلباتك مجابة
وتشكر علي المرور

ودزبيدة

الأخ منتصر (ودزبيده)

اهديك واهدي المتداخلين هذه القصيده المفأجاه

وهي من كلمات الفنان المرهف الانسان محمد جباره- واستميح الصديق محمد جباره عذرا" لنشر هذه القصيده هنا لاطلاع المتداخلين علي حجم الابداع الذي يسكن بدواخل هذا الرجل

ارجو ان تنال اعجابكم



صفن بقن على الوطن
كما اللبن
بدأ التصافي فى العلن
بشائر الفرح بدن

كما السماح لغي السلاح
بدينا صاح
كما العلاج صبح متاح
بدينا صاح
من الصباح نقوم رباح
علي الفلاح شداد نصاح
لاعلل ولاكلل
لاقهر لاغلب
لارسوم علي الكتب
لافصل بينقفل
امام طفل
فصل اساسو مكتمل
طفل حفل
ح يحتفل
في الحصص روي القصص
عن الوطن
بكل نفس ح تنغرس
محبة كاملة للدرس
ولا المعاني تلتبس
ولا الغناوي تنحبس
غناوي هادفة تلتمس
ظروف مواتية تنعكس
علي البلاد نما وغرس
علي الولاد لبس لبس
علي الشباب عرس عرس
وطن مكانو فى الرمش
نمش نباهي بي الشمس

التحية مرات ومرات العزيز منتصر
ولكل الرائعين الذى ينثرون روائع الكلم والنغم
ولى قدام

عشا البايتات قفاك اعوج تعال راجع تعال
وراك مرق الصبر سوس واكيد كل الرصاص واقع تعال راجع
بخاف لك من قفاك يضيع وراك زي ما هناك ضايع
مشتت لا فهم لا راي شبعان والوراك جايع تعال راجع
سحابا شتتو الاعصار مسافر في سماك صابع
تتاجر في العمر وايامو خسران شاري او بايع تعال راجع
زمان كنت القعر والراس نازل في البلد طالع
واسع حليلك حليلك يا البقيت تابع تعال راجع


كيف الزول يقاسي الغربه ..ما بين نوح انين وشقا
يلقي رويحتو ودر عمرو لا ارتاح لا مراضو لقا
كم من فينا شال احلامو شالع بالامل برقا
قام قاصد الريال وبهاه سوا الحج قتا ودرقا
باع الفي المراح والمسري حتي الفي الايدين مرقا
خجلان قال تقيلتي وراي يحفظا ربنا الخلقا
كم من فينا همل دارو اسرتو للضياع طلقا
غرقت في الديون خلاها مكشوف للخلوق ورقا
فينا الام ولادو وراه باعت سلسلا وحلقا
شالت فوق هموما الفوقا شوقا وحرقتا وقلقا
الله من مرارة الغربه من دفيرا من صبقا
من تعب شبابنا الزاهي اياموالنضار محقا
فيها جراحنا كل ما تبري ما نعرف شنو الفتقا
اما الروح من الشايلاهو تمرق لو في زول نتقا
غايتو انا من بلاد الغربه روحي الله خلاص عتقا
راجع لبلادا ديمه حامدي وراضي بي رزقا
للجد الوريفه الرحمه للعرجونه للابقا
للوسط الاهل تلقاها لو كان حتي بي مرقا
مشتاق لتراب اوطاني لاحساسا لصدقا
للبهم التصيح في مراحا للنيل التسابو بقا
لقوز الرمال والشله لقعدتنا في حلقا
لختفة تعوس الوالدي قبال ما تصل طبقا
اعرض في البلد بي بطولا دي الماليني تبع وشقا
لاخوف هيبه من الكشه لاقي النوم من الشفقا
انعم فيها بالحريه دي المن غيرا مافي لقا
والمو شاد رحالو وراي مويتو علي السراب دلقا
نسلم فيك ياسودانا من مسك الارض عزقا
شتت في التراب دم قلبو بي حن الابوه سقا
يسلم فيك من ضارك شالك في العيون حدقا
دنقر لتقيلتك شالا عندو امانا ما سرقا
لو باقي لي يوم في الدنيا ومنو وتزبل الصفقا
مابندم بعد القاك وانزر روحي ليك صدقا
اخر امنياتي بقولا لو بيناتنا مافي لقا
اسمك خشمي لو كان متا يبقي اخر حروف نطق

الاخ ابو عثمان

سعدنا كثيرا بمرورك
والتحية للرائع محمد جبارة

Quote: بكل نفس ح تنغرس محبة كاملة للدرس ولا المعاني تلتبس ولا الغناوي تنحبس غناوي هادفة تلتمس ظروف مواتية تنعكس علي البلاد نما وغرس

وطن مكانو فى الرمش
نمش نباهي بي الشمس


ولك التحية
وما تنقطع

ود زبيدة

ود زبيدة كيفنك
تعرف انا منبع استغرابي في حلاوة شعر الشايقية انه البيئة بتاعتهم جافة وصعبة بصورة غير عادية يعني لولا النيل لما كانت لهم حياة يعني الناس ديل لو كانوا في منطقة تانية ومخضرة ما عارف كان حا يقولوا شنو..

شوف الكلام دا:
الله إن جابك يا عشاي
جيبلي راس سكر وتمنة شاي
نصه للبنوت المعاي
نصه لي أمي حبيبة قساي
بلالي متين يجي آآآيمة

الرسول يا ود عمتي
إن دُرتَ راحتي
إن دُر جمتي
رسل التسريح اللجي
بلالي متين يجي آآآيمة

نركب البيسابق الريح
نمشي في الخرطوم نستريح
الخدامة تسوي التبيخ
وكل جمعة نزور الضريح
بلالي متين يجي آآآيمة

الرسول يمة البدايي
قولوا لامي ماني جايي
كنا نشرب لبن السعايي
بقينا نشرب لبن الشرايي
الميي بالماسورة جايي
تبيخنا في الحلة أم غتايي
بلالي متين يجي آآآيمة

ود جبريل
كيفنك يا اخوي

وين انت
والله قالو المعاناة تولد الابداع


وتصبح طيب

ود زبيدة

السلام عليكم
إنتو عارفين آ جماعة
الليلي بوستكم ده وراني حاجي عجيبي خلاس.. وطلعت لي بي نظريي جديدي..
أول مرة أعرف اني ممكن احدد التاريخ المرق فيهو الزول من السودان من تعليقو في البوست ده..وممكن احدد عمرو كمان... بس دي بتجيبلها مشاكل عشان كدي مافي داعي ليها..
يعني المثل البيقول كل زول بيعجبو الصارو
ينطبق عليكم تمام التمام
فهمتو شيء..
اول بالتبادي الزول لامن يكون قاعد في السودان بيكون متابع الغٌنَا والشعر
وبعد ما يمرق يكون قاسي عليهو يتابع ويكون آخر شيء حافضو المرقبو من السودان
اها لامن يجي بوست زي الليلكم ده يقعد يتذكر في الكلام العاجبو...
وقدر ما ينحت في طايقو ما يمرق .. عِلَّي بالمرقبو قبيل من السودان..يقوم يكتبو لينا هِنِي ..
عليكم الله شوفو كلام سيد البوست ده
عديلة عليك مشاويرك عديلة
عديلة إكان قصيرة ان كان طويلة
و
نــلاقــيك نـقـول إنــشاالله نــتفــرق
وكان قبلنا منك غادي لي شوفتك بنتحرق
مفرهدي زي خدير لليلي مادنا منو زول ورًًق
ويات من شافوا من غير شورة شال منجلو وطرق
الناس التفتيحة عارفين زي الغنيات ديل اشتهرن متين
اسع ده والله زي الشايفو طالعلو فوق كرسي في نادي الباسا اوائل التسعينات يسمع في صديق أحمد
.....................
اخيتي منى خوجلي يا حليلها ..اظنها طولللللللللللت من البلد ما قدرت تجيبلها شىء عِلَي عاجبه الكلام وكاتلاها الحنيي ساكت
...........................................
ناس عبد المجيد محمود ديل ناس علاء الدين وعبدالرحيم ارقي
و
أحمد معروف بالطيبة حسن أخلاق وعليها إتربه . .
تكفي شهادة ناس الحلة إنو خلوق وخجول ومُربّه
رغم حداثة سنو لبس تهذيبو أصالة وهيبة
أدي الناس الحب أدوهو حسن الظن بيناتن شبا
و
حـبـى أنــا لـيــك كـان زادى وكـان جوه الحنايا دفين
كـتّ بـضـــارى مـن الـنـاس وخايفه عليهو من العين
عـلـيــهــــو كــت بصــوم وافطر عليهو بكابد النارين
كـــت بـحــســب سنـيـن الغربة لما تعود تجينى متين
ديل جيل آخر أواخر التسعينات
..................................................
خالد العطا و يس عبدالعظيم ( الله يرحمو)
مناى كل لحظة اشوفك مناى شوفتك كل ساعة
فراقك هدّاهو قلبى وكتل فى نفسى القناعه

أطرى يوم ودّعتك الله وعيونك باكى دماعه
قلبنى اقلدك واودع حمتنى عيون الجماعة
حسيت بى كبدى واجع غرز سكينو قطاعة ( الصاح حسيت بي كبدي واقعي )
وانا اتيتّم بى فراقك يتم شافعا فى الرضاعة
و
تصدقي يا محاسن لمن خبرك جاء وصلني
انا جيت ابارك جراحي تنزف لدياركم ساحبة ظني
وزولكم تاني رجع للصَارو...يس عبدالعظيم ....
كيفـن أصبـر قليبـى.. وكيفـن أعمـل حسابـى
ما دام عشمى فى نظرة .. والعندو النظـرة مابـى
بجرو غنايا أحكى ليكم .. تعالو أسمعوا يا صحابى
حكاية الشافعى البريدا .. وريـدا شقايـا وعذابـى
اها يا خالد العطا اكان ما اخاف الكضب اقول انت سافرت في اوائل التمانينات...مو صح؟؟
.................................
منصوري يا قديم
السر عثمان الطيب و محمد جبارة
ست ريدي في ذاتك عبدت الله... وزاد إيمان قليباً ليا قبلك تاه
حسن الدابي ومحمد كرم الله والرايقة شتيلة قريره
مشارع الحب كتير أنا واردا.... حتى بالآهات رئاتي مقدده
و
حلات العقلة أم ضفيرة...تداعب رمان صديره
إنت يا زهرتنا النضيرة..إنت لى تاجوج ماها سيرة
وأوائل أغاني صديق احمد..يا زول انت ما طولت خلاس؟ مرقت من البلد متين؟
سماحتا قالوا فايتي الحد
محاسنا ذاتا ما بتتعد
سماحتا في سبيب اسود
ممدد فوق قفاها رقد
سماحتا لما تتنهد
ويتنهد فوق صديرا نهد
سماحتا لما تتعقد
وشامة خدو تتورد
سماحتا لما تتعقد
تقول لى بي شوية صد
شيل إيديك بعيد يا ود
........................
ست البنات ..
لا حوللللللللللللللللا
انتي لا هسع في غٌنا ود اليمني..انتي آ زولة ما طوّلتي طَبْ
وصلاة النبى عينى باردى

عليى الشاقى الصفوف واردى

صغيرى وبحديثا جاحدى

تقسمو بالواحدى واحدى

والضفيرى يمين طولا ياردى

صلاة النبى عينى باردى !
ودي عالم الله ماني عارف فنانا منو عِلّى عاجباني
ثمارك باكلو ولا القسمة تمنع

يا شادية ما عارف اللت الله

ترانى بزرع !!!

..................................
يا جماعة الشيء هذار معاكم ساكت ..ما تاخدوا فيها شىء


تحياتي

__________________________________________


وما الناس إلا هالك وأبن هالك *** وذو نسب في الهالكين عريق

Quote: وقررت أعـــود .. قبـــل الندم وقبال يضيع المكتــسب وطايرى القروش وكتين تكـون فى هد حياتنا هى السبب

سلام ياناس ـ
داير اشارك ممكن ـ

بس ماني عارف ابدأ من وين ـ
من أحمد فرح و يا سايق القطار قوم بينا ـ لي ارض الشمال ودينا يا سايق.. ولحنها العذب الذي ييقتلني بالحنين منذ طفولتي ....ـ
واللا ابدأ بإسحاق كرم الله واغنيته فرصة سعيدة هي الجابتني ليكم ياالحارقين فؤادي وما عليكم ...
واللا النعام ومادام طار جني الوزين يادوب قل نوم العين ...ـ
واللا أقول اليمني والفوح عبير غمر المكان الليلة الـ منير فاجأنا بان ...ـ
أو ود جبارة والحنين وداني جيت بالساقي سادر قلت اسأل ناسا عن زولي المسافر... ـ
واللا ود كرم الله و مسخت عوم البترطن في جروفها آه يا خلاي فجولي الاشوفا... ـ
واللا اتذكر لكم معاوية ود عمتي ونحن صغار ونتغالط احسن ودجبارة واللا ود كرم الله ويقول لي اسع اسحن تقع من الحمارة وتكسر ايدك ويجبروها ليك واللا يدوك حلاوة كرملة !!! ــ
واللا اجيب لكم سيرة صديق و اللمبة ان قالت بق ...ـ واللا يالناسينا حبك في ربيع دنيانا شال نور ... بطراك والقميرا معاي تشاركني الهموم تسهر ـ نعسان انت يا محبوبي وضوها في وشيك نور .. يالناسينا ... ـ واللا غنيته ديك البقول فيها تحير الشاعر في وصفك يالشايل شعرك فوق كتفك ـ و..و.. خطوة امامك واتنين خلفك ونصك سيبه يقابل نصك !...ــ
واللا نقول لكم عيسي بروي و خسارة وياخسارة عصفوري من ايدي طارا ...ـ
واللا اجيكم علي ناس معتصم ابراهيم وابوك يا اسامة سافر وين بلودو لا رسل خبر لا جاب ردودو ...ـ
وإن دايرين ناخد لنا رجعة لجدودنا زمان ناس الله الليل واللينا الله الليل يا الله الليل والليلة الامان يا ناس ....ـ والله الله .. الله الليل يا الله .. الله... ـ وليلي انا.. الله الليل.. والليل رايقة هوي ...غنا ذكر ساآآكت ...ـ
وناس القال : لا تاخدي المصوبن يجري طافر .. يرمي حمله فوق اهلك يسافر و يسوي لك سواة النار للكافر ...ــ

أما القال : لا بصوم انا لا بصلي ولا بجاور خلوة فكي ... و..و..و لي حساب الآخرة الله في !!!! .. دا حيرني عديــــــــــــل كدي !!! ـــ

وعليك السلام
الاخ منير
نتشرف بي حضورك
وابدا من حيث لمست الأغاني الشايقية وجدانك ونحن بنتابع معاك
اخي منير يبدو أنك تحفظ الكثير فزودنا مما لديك

Quote: والفوح عبير غمر المكان الليلة الـ منير فاجأنا بان ...ـ

بس إنشاء الله ما تنقطع مننا كتير والبيت بيتك وتشارك متي ما تحب
ويا الف مرحب

وتشكر كتير

ود زبيدة

الزووووووووووووووووووووووول


سلام يا صحبي

إنت فكرتك الشي ده كان اكون انا فيها حالة إستثنائية
عشان قااااااعد في البلد دي وما مااااارق تب وبعدين أنا ما مرتبها بي حقب زمنية

تخريمة :
بلالي متين تجي


طارق جبريل ده يكون مرق متين


ولكم الشوق

ودزبيدة

اخيتي منى خوجلي يا حليلها ..اظنها طولللللللللللت من البلد ما قدرت تجيبلها شىء عِلَي عاجبه الكلام وكاتلاها الحنيي ساكت


صـدقت خيي... ياآآآ حليلك ..انـا بس دوبي شفت حـديثـك ده..ضـحكـت لمن فترت..

مـني

الاخوة والاخوات سلامات وتحيات طاعمات.. الافتراض هنا انه اى زول بساهم فى هذا البوست شايقى. وهو افتراض قائم الى حين اثبات العكس!
اسمحوا لى ان اشارك بهذه القصيدة الملحمة لحميد
_________

تفاصيل ما حدث

محمد الحسن حسن سالم
**حميد**

Quote: سكتّ .. نضم غُناي .. ورّاك .. بدابك باتّكالي عليكْ خَتَمْ بِكْ .. بي هروبي إليكْ وكيف طفّرت صقر الآفة .. ما يلفح جناياً ليكْ ولا يدخل مجال عشاً .. نسجتِ حنانو فوق إيديكْ وكيف كوترت ريح الآهة .. ما يقرب فرح عينيكْ وراء جبل الصّبر .. فضّيتو والمطر الِحرِد .. رضّيتو سُقتو على البلد ورّيتو .. ما لمّابا .. لمّا بياّ ... لمّا بيكْ هادي الحفرة .. كانت بير .. وكان متكابي فوقها حراز وتحتو الصخرة كانت حوض .. وكانت للقبيلي ملاذ كانت ملتقى العُربان .. وكانت مُتّكا الِحبّانْ ومركز دورة الإنسان مِنّها هبّت الفرسان .. وعندها ربّت العرسان وكم شِهدت غرام وغرام وحِفضت كم كلام وكلام تعكّر حين خصام وملام تروّق حين وئام وسلام تراشق أعين الأطفال .. تراهق للعصافير يوت ترشرش لي تياب بنوت جنّها من أعزّ بيوت لا رفعت عليهن سوط .. ولا رفعهن عليها الصّوتْ حين تملا القِرَبْ .. تِنْمَنّى .. تدّها صَنّة ... حتى تفوتْ تسوِّي الصّجْ .. تَلِمْ الطّورْ مديح الحج .. غُنا الطّمبورْ تقوم تحتجْ .. تقيف طابورْ هنا الشُّفع .. يمينك دورْ هنا المارشات .. هنا الدّستورْ هنا اللِّبّيشْ .. تدور وتدورْ قريش يا قريش .. حبابا قريش نزل مَلْك الحَبَشْ والدّيشْ تدور وتدور .. قواها تخور تلم أنفاسا زي عصفور تِنَفّضْ ... تمش بالدور بشيش وبشيش .. تشاقق بين تقانت العيش وبرسيماً .. سمح مفروض وما تهبش دوابا قشيش بِنيّات الغُبُش شقيش تودّي تجيب .. مع الدّوبيت تِنْضَكّرْ خِدِمْة البيت .. مشى الواقود .. في كل عصير لُقا المريود .. بدور بِدّيرْ من الأخّير.. تخاف وتخاف .. تخُب السّير عشان في كلام وراهو كتير عشان باكر تعود وبخير عويش في عويش بنالو عشيش حِدَيْ وجناهو ربّى الرِّيشْ جناحو هبيش .. تملِّي ينيشْ طفش قُمرِينا طار شقّيشْ مطر يا خير .. مطر ورا طرف الُحقاب كان روض .. وكان بيناتو خاوي غديرْ كل الصحراء كانت غابة .... بي شُدرا الكتير وغزيرْ صباح وهجير .. يهبهب ناز .. حلاتا وفرفرات الطير .... وقت يغشاها مرة رذاذْ قطيع غزلان .. نعام وأسود .. وروض وورود دليبن رازْ مَترَْ مد البصر جنّات .. خُدر رباها تور الساقية .. حرقت حين جاء بابور جازْ دغيش في دغيش حصدنا العيش طلعنا مطالبين الخيش والبتشوفو من أطلال .. دي كانت ذات وطن حَلاّلْ بيوت ناساً كُرام وعُزاز .. سوا سوا في رخا واملاق منطقوا لوعة الإخفاق .. قدر ما ظنّو في الجايين .. تمطّقو روعة الإنجازْ حويش في حويش .. سكنّا الدّيشْ أوضنا بقت نقاط تفتيشْ هادي المملكة المحروقة .. كانت جيهة وكنا نجيها مستشفانا .. كم كفانا .. منو نطيب ويتوفانا كانت نادي ... كانت ورشة .. بوسطة ألّتنا كانت مدرسة وقبلتنا لي حِلّتنا كانت سُوقا لا وقعت صواقع فوقا لا غضب الله شلّ عروقا ما من حرب قامت فيها .. لا سقطن قنابل وغازْ كريش في كريش .. سِعِرْ درويش دوانا علمنا بات مافيش كُنّا وكُنّا .. ياما عُزازْ ولحظات التلاقى لُذاذْ هِلِكْنا وكت وِكِرْ تورنا .. ودهتنا بصيرة الإنقاذْ هويتنا إتلغت فينا .. بقينا اعجازْ زمن خاوي وحقيقتو مجازْ بشيش في بشيش غلبنا نعيش قبض والي البلد بقشيش في الزول الخرب لي بيتو غالطني المطر .... هَدّيتو لاواني الفراغ .... لاويتو وكان أقوى الفراغ ما لاي شَهّدتَ البرق .. مَضّيتو نشّن قوس قزح ... تالاي اندرقتّ باللاّشيء .. وبالمافي اتحويت في قفاي وقعتَ وراي .. رفعني يقين .. وَقَفْ فوق راي بأنو الحال مغير زين .. مغير كان قِصِرْ كان طالْ وإنو الأرض للكادحين ... ومفتاح الحياة العُمّالْ رَكَزْتَ على غناوي الفال .. لساني سنين .. وحاضر بال فنّا لي التعب .. موّالْ شهرت على المناحة غُناي فزع صبر الغلابة معاي وكت ناديتو كيد الكايدين رديتو خاواني المطر .. خاويتو فوق ضهر الهوا .. الشدّيتو سقتو من الخراب .. وديتو لي تالا العمار منصاب فما كان العمار قدامو .. غير قَلَبَاتْ حلمنا الخابْ طشّ ضباب .. رهاب ورهاب .. شال نفسو المطر .. ختاهو زي ممكون خَنَسْ .. لحظة خنس قُتْ مات .. رفس تَوّر بخاراً باظْ رطن بي كل لغات الكون .. وبوّخ .. دوّخ الألفاظْ كيفن كان .. وكيف حا يكون .. تافقني الغُلُب حين قالْ : هربتو ونمتو .. قمتو اعجاز إنورطتو يوم فرطتو في ماريل بنية الماظْ ترباية عِزّها التاريخ .. ضراع الكُدّح الأفذاذ حبيبة جملة الشهداء .. الصِّح الإعجاز قال قولو المطر .. وانعدّ فوقي بخار ركضت وراهو حتى النار وانترتعت بين التار وبين الشارع الما ثار وسدّ قصاد عيوني شعار رافعاتنو في إصرار .. نقابات الهوى الأشجار بنات ال واطة والأنهار خيوط العنكبوت .. وحمامة خَبّو الصاحبين في الغار رافعاتنو حتى الشوق وقع من فوق ... وجاهِن تار صرخت .. فركت للأشجار في الأنهار نفخت النار بالهواء .. يا جماعة الغار .. اعصروا على بعض ساريتنا لا تنهار نشد الحيل .. نعد الخيل .. نسن الصارم البَتّارْ وكلها كمّها الربّاطة .. بي لُقاطا واحنا كتارْ صفاً واحداً كالنيل .. وقلباً حارْ نضاري ال واطة بالضرعات .. من الزمن الكركي الضّارْ وهاكُن شتِّتُوني بِذارْ صرخت .. صرخت .. حتى النار كشحت على الطناش مسدار أجابني الصّي .. وأبو التي تي .. كلاب رمل الهجير الحارْ وبديت احتارْ انا نمل المهل قد ضاق .. أم ارضة وجربت حُجّارْ بديت احتار .. وقام فيني الجرح تاوارْ رجعت نزفت .. صابني دوار قضفت حشاي .. جرت بطني .. ووقعت جنازْ تحت صوت الصنين الراز بقيت بين الأرض والغيم .. والدم الجمد والغازْ مطفح زي هتاف مهزوم .. مطلوح طوف نجاتو الضيم جبدت جنازتي للحجرة ..و وقدتها نارْ لمحت وراء دخانا غبار خيول كاكية تنخابت .. يكون من تاني دفتردارْ طريت تاريخي في لحظة .. نسيت ما طريت .. وفي طيف بيت دُمى واصنام تكلت جبيني تالا السام جعرت شديد .. وبي ساسوية ... فكيت راسي من قدام لقيتو ضلام لقيت ذاكرتي معطوبة ومعضّي كلام مفوتة في انفلاتة سلام صدى الأيام معمّاها خواخي الكتمة غاماها خيوت النسمة مشطوبة خطوط النسمة مشطوبة .. ومداراها حطام خفت من انفصام .. قوام قفلت دماغي واستلقيت على طوبة ورجالة غفيت نجيت من سهد كمين عام باعجوبة .. غشاني منام في أول دفرة في الأحلام حلمت .. جمعت في راس خيط .. أمان وسلام حلمت صحيت وطن منضوم بلا حظرِ وطواريء تحوم أتَكْرِن بالخبر لفيت .. شوارع المدهشة الخرطوم نطحت من الفرح للطابية .. طرت دموم فَتْ .. فتّحت وانشلوحت .. عِن جفلة حمار النوم على الحصحاص .. شهق بي احساس حماس في كل جيهة حماس وما من راس فجيعة الناس وانا الراس الفجيعتو الناس نخجت براي .. بكيت وبكيت بُكاي قلب الغضب تبكيتْ انلفتّ غادي وجاي تبنت أساي في الوضع الحطب لا فاس معاي لا قشة من كبريت ولا من يرفع الأنقاض .. يثبت بي لمينة القُدرة مِرْقْ البيت تفاديت الصنين الفاض .. وِكِرْ في دوشة الديناميت نتقت خطاي .. تجاهي جريتْ جريت قدام .. لقيت ساقيني دون أقدام رجعت أمام .. بركت حبيتْ وفي حجرة غناي الغاض .. وحلت جريتْ جبدت ايديني في اصرار .. تجيني كُدُر بلا كفين اتحسست للما فيّ ... شكيت إني حيّ .. ما حيّ شكيت إني جيت ما جيت وكيف ومتين .. ورايح وين رقص وسواسى واللاّوازْ رقص في سخف ... باستفزازْ على النيل التمطّى جنازْ رقص بالسونكي والسكين .. وسوط الدين صرخت معاذ .. ندهت معاذ معاذك يا وطن .. يا فازْ جناك منّك .. عليك وملاذْ خطاوي الكفت إيدا جوازْ مكثت صراع ترابلة وطين أقاوم في الغبينة سنين ولا قدميني لاالكفين ... ومقطوع راسْ لا نوبة وزنوج وحجازْ لا بجة لا كُتُر طيبين .. ولا عُكّازي لا حجازْ ولا زال المطر في سماهو في طور الدعاش ورذاذْ قرضت عمر غُنايا لقيتو ... باقي فرد وتر مشدود .. ضحكت حزين أنا المسدود في فتح مبين وأنا الفاتح سدى الجايين شفقت على الشُّدر في حين عِرِق فالوا اطمئن .. تحين تباشير الصباح ويبين بعد ما نموت .. بعد ما نشيخ أبيت حتمية التاريخ بلا عرقاً يخدر ودم وانا الباغتني ريح الغم وابيت انغم وصادَنِّي الجراح الجم وابين إنجم ما بضّعت .. لا ساومت فيك مين كان تعبت من المطر خليتو ما بين البيوت الطين .. وما بين التضوي قزازْ يرايي ويبدي .. وين ينحازْ ولى يات جيهة يبقى حبيب ولى يات جيهة يبقى حزازْ غرست انفاسي في الزيفة .. الخريفا بجيك معطر بي لهث شفتيكْ خمشت من الدعاش لونو وهرعت إليكْ لقيت كبد البلد مقشور .. وغامدة عينيكْ دخلتك بي مسام الرعشة .. من فرقات اصابع ايديكْ مَرَقْ بِكْ .. وفُتّ بِكْ .. تالاك .. مضبلن والمطر جا عليكْ أتيرب في أوج العينة .. تربال التوحّدو فيكْ إرادة وقدرة الإنسان وقد يبقى انبعاثو وشيكْ

الف مرحب بيك
عادل عثمان

وتشكر كتير بي مرورك
وتسلم للمساهمة التي هي الأولي ( والحسابة بتحسب )


أما أن كل المتداخلين هم من الشوايقة قد يكون غير صحيح لأن الأغنية الشايقية إنتشرت بصورة واسعة ضاحدة كل الأقوال التي تزعم بأن شعر القبيلة لا يلقي طريقه لكافة الشعوب بل يكون قاصرا علي القبيلة المعنية .... ولكن الشعر الشايقي والغنائي تحديدا قد تجاوز القبيلة والإقليم والوطن بل أصبح يسمع علي المستوي العربي وفي طريقه للعالمية ...
(نتمني ذلك ..) لذلك احسب أن كل المتداخلين قد لا يكونوا كلهم من ابناء الشايقية


وفي إنتظار مشاركاتك


ود زبيدة

ود زبيدة كيفنك
انت الوييييييييييييين غاتس

وبعدين شنو الكلام دة:

تخريمة :
بلالي متين تجي


طارق جبريل ده يكون مرق متين


مرقنا من حفرو البحر

وبجيك صادي

طارق جبريل

الزوول ده قاعد يحسب علي حسب التاريخي الزمني لظهور الاغنية يكون الخروج

بعدين إنت قمت جبت ليك غنية قديمة خلااااااص من الروائع الأولي للأغنية الشايقية

ولو نظريتو صحيحة يا زوووول تكون مرقت من زمن الزمن كان زين والشعر مغطي الاضنين

تخريمة :
إنت حاضر زمن حفرو البحر ..؟
طيب تراب البحر ده ودهو وين ....؟ أووع تقولي كرتوم بأرري بنو بي سنو .؟

ولك حبي
ود زبيدة

ست البنات

إين أنت .... إيتها الشفيفة ...؟


كل المتداخلين
لحضوركم طعما خاص
ولكم حبي

ود زبيدة

Quote: لامتين يا نومي في رؤياك تصدق لامتين يا شوقي موالي قليبي تحرق تاني جود باللقيا يازمني المفرق وتاني ياجمل صباح في عمري اشرق

ود زبيدة كيفنك

بجيك صادي وانكتلك جنس كلاما قبل ما يفكروا في حفر البحر..

مسعول من الخير انت شوقي ادري غتس وين والهيئة اخبارها شنو..

طارق جبريل
ود عشة بت ابودية

ودعشة بت أبو إدية

سلام كتير خلاص مكنتل شوق وحنية

نكت لينا القديم المدفون ده
وذي ما قال حميد نقي من القديم السوس


الود ابو الشوش ده غاتس وين ما عارفه
لكن انا برضو بسأل منو هو وست البنات

الغربية مني خوجلي قبل أسأل منها لقيت مداخلة ليها...!

لكن برضو بسألها كنتي وين غاتسة ... ؟

ولكم حبي
كل المتداخلين
ود زبيدة

سنفرد في هذه الإتكاءة شراع الكلمة مواصلة للإبداع ونري أن للشعر ايضا نبوءات والشاعر يتقدم الجميع إلي موطئ الاحلام والي مشارف الوعد الجميل وربما لحلمه المستمر بعوالم تضئ لياليها اغنيات العديل والزين وتحمل فجرها شموس الخير والنماء والعزة وتحرك ايامها أجنحتة الافراح
وحميد بوعيه المبكر كان يدرك بحاسته السادسة إن الاحلام التي يدونها لا بد أن يأتي عليها يوم لتكون واقعا ملموسا فكتب قبل سنين عديدة كتب رائعته ( بين الموجة والخزان حلم إنسان )

وكان يعلم ان الخزان هو القادر علي إحداث ثورة اقتصادية واجتماعية التي يتمني حدوثها لكي لا يكون الناس اسري الفضيان تارة يخزلهم وتارة يغرقهم وتارة يهدمهم ..
عندما كنت اقرأ هذه القصيدة فبل سنين طويلة لم اكن اعرف حجمها ولكن تكون اليوم قد اكتملت اللوحة بعد قيام خزان الحمداب (سد مروي)

يقول حميد :


هردت لهاتي بالغنوات
وقت يبرد حشاك ياامي
من التعب البلا صالح
تفيقي ..تروقي .. تنجمي
تسوي مكانسك المطرة
تضوي البيت وتنحمي
تمرقي صبوحة للجيران
قدح فوق ايد وفي ايد المي
يلاقوك شفع الكتاب
نضاف وظراف بلا النسمي
ويغنولك غناوي الساب
وفي بيوضة مافي سراب
جبال كجبي وفيافي الكاب
تميد بالخضره منقسمي
لا هو غبار ولا هو سحاب
وتنهجمي
من الدهشة وتحاحيهن
غناكن ني غنا الوهمي ...

تأملوا تلك الروائع في ذلك الوصف الدقيق لتلك الحياة المنتظمة التي يتمناها بعدالخلاص من التعب البلا صالح ليتكون لها بعد ذلك الإنجمام والاستراحة من عناء العمل ..
وتاملوا هذا المشهد
اطفال المدارس في كامل نظافتهم وظرافتهم يغنون تلك الامنيات التي كانت بعيدة في بيوضة مافي سراب فقد تحولت من ارض جرداء قاحلة إلي روضة غناء لا سبيل لأن يجد السراب فيها موطنا وبالتالي وصفها حميد بأمه تري أن ذلك الغناء مجرد اوهام بعد ان ابدت دهشتها منه وحاولت تفريغ موكب الاطفال الا انهم واصلوا نشيدهم بقوة مما جعل حميد يصف هتافهم كهتاف كلاب الحي علي الاغراب
ويقول حميد
ويهتفوا ذي كلاب الحي
علي الاغراب
حوافي الصي وبيوضة
البراسيم فيها مفروضة
خدارا يراري شوف عيني
علي الابواب
قماريها وحواريها وطواريها
بقت روضة
بقت تشرب من الحامداب
تشربي عافية من ايدي
تسوي اليويا بي حشمي
تقولي السي وتبتسمي
تشوفي رهاب بعد نجمي
واشوفوا قريب قرب نضمي

وحميد هنا في حالة مغالطة مع البلد التي يوصفها بـ(أمه ) فهي تري ما يقوله مجرد خيال ( تشوفي رهاب بعد نجمي ) اما هو فيراه اقرب من كلامه إليه (واشوفوا قريب قرب نضمي ) ثم يواصل في رؤاه
اشوف العالم التحتاني
هيلاهوب وقف ناهض
دك عمايد الاحزان
وجوة الجب رمي العارض
وفي السابو الدمار افراق
عريق الحب نبض قابض
متل قبض الحروف في اسمي
غناوينا القبيل رقراق
علينا تصب برد قارض

ليك طيناتا من دمي
وارملها من عصب عشاق
وانط تلب واجيك عارض
بحبل الشعب تتفرق
ظلمة فيها تتحرق
صرمة قالوا ليك قسمي

وحميد يري ان قسوة الطبيعة يمكن ان تلين إذا عالجتها إرادة الانسان وان ما اعتبره البعض قسمتهم ليس اكثر من ركون للهزيمة واستسلام بائس ويائس إن توحد الشعب تجاه امر معين قادر علي إنجازه مهما صعب وسد مروي شاهد علي ذلك فهو الذي سيحيل الصحراء إلي نسمة باردة وظلام الليالي الي نور ساطع ويفتح شهية الارض للإنجاب وشهية الشعب للعمل ويعيد صياغة السودان من جديد كبلد واعد تنظر إليه الامم الاخري وفي بالها مآكلها ومشربها
وحميد مازال يهتف :
هيا إنحزمي
هيا إنخلقي
هيا إنعتقي
متين مو دايرة ري تسقي
ولا في إيد الخريف تبقي
ولا في إيد النزيف تبقي
ولا الفيضان يبضع بك
ولا في القيفة تنهدمي
ولا إن جات خارة تنهزمي
ولا يغشي الغلب قلبك ولا تشقي
ولا انتي تخافي لا تدمي
ضراعك يرمي ما يدمي
فيا حزن البلد عووك كر
ويا سعد الولد ضرضر مع النسمي
ولي قيمة العمل عمي
وافتحي ظلمتك للضي ...

وحميد يختم رائعته هذه بتأكيد عزة هذا الشعب الابي وتمجيد عظمته وشموخه
وهو يقول :

بليلتي ولا ضبائح طئ
قليلتي ولا كتر سمي
وطني ولا ملي بطني
سكاتي ولا الكلام الني
سلااام يامي سلام ياامي
سلام لا هكمي لا دكمي

وختاما نقول نتمني أن يكون سد مروي احدي دعامات الاقتصادوان يحقق الفائدة المرجوة منه إلي اهلي في شمال البلاد علي وجه الخصوص والسودان عموما وتتقي الله حكومتنا في شعب المناصير
الذين تركوا ديارهم من أجل المشروع ( فيا حكومة بلادي ردي المعروف بالمعروف )



ولكم حبي

ود زبيدة

السلام عليكم
قلنا نطنبر البوست شويي
بعد ما ختّيت ود النصري تاني غيرتو، قتا كلكم يكون عندكم
قتا نسمعكم التسجيل النادر ده
اكان يرجع لنا ست البنات والباقين

للحفظ بجهاز الكمبيوتر أنقر بالزر اليمين ثم اختار : Save Target as ومن ثم اختار المكان المناسب
Save @ PC




اتمنى تعجبكم

واكان ما عجبتكم نجيب غيرها
_________________________________________

وما الناس إلا هالك وأبن هالك *** وذو نسب في الهالكين عريق

يا سلام يا زووول يا رائع

والله تسلم عديل كده


والسلام للفي كل بلدان العالم

وتسلم انت ياااارب

انا ندهت الصالحين
ولي رب للعباد برفع قضية
يجمعوا بالغياب وكل الغياب بدون فرز


وتسلم

ود زبيدة

وهناك في اخر الديار

راكوبة حرها احر من حر النهار

وتلات عناقريبن ضغار

كرابي متقطع نزل

والنوم من البفوقها روح

تب جفل

راقد هناك كوم من ضياع

مركب مسافري بلا شراع

ودموع ضياع تجاري من غير انقطاع

الرائع خليل او khaleel


تسلم علي المشاركة

وزيدنا من عندك كتيرررررررر
وتسلم علي المرور

ود زبيدة

التحايا لكل الناس الظريفين ,

وتحية خاصة للشفيف منتصر ,

وللجميل الزول , وشكرا لترنيمات اليمنى النقلتنا لتنقاسى ,

وسلام خاص من شاعرنا عمر سمعريت ,

ومشاركة من ولد سمعريت :

قصيدة الشاعر اسماعيل حسن المسماة الرسالة , قيل انه كتبها فى ابن الشاعرة بت ود خير , ولكنها بت ود خير ردت نفيا بأن ما وصفه الشاعر اسماعيل حسن لا يتناسب وابنها ولا صلة له بما جاء فى القصيدة , فكتبت قصيدة ردا على رسالة اسماعيل حسن , :

اسماعين حسن ساجدات عقولو

سعلت المولى ينفض لى شرورو

اسماعين انا كت قادرى أخود بحورو

ورجعت براى قلت كدى الألومو والأشورو

سعل من بيتو قالو لى ساكن فى قصورو

وقاللى ا حاجى ادخلى شوفى السور ونورو

قتلو انا الحردانى السور كيف دخولو ؟

ما شفنا الزول عديل يسغر بى زولو

يلبس ليى وليدى هديما ماهو هولو

يقول اسم فرطاقا ما وفرها لا حولو

وفى درب البنات خارش طنبورو

وعاد كمان ناس ود صليلييح شن ببقولو !

أنا ولدى الظابط الصاغ بى دبورو

ودا زمنو الكان معاى بيوريك دورو

دا بى بقرو الحومر وسسع مسورو

وقشا مراحو ورضضع ليى عجولو

وعاد وكت العيش انعدم وغلقن سعورو

مرق العيش مهرش فى مطمورو

ووكت جوهو التجار يتحابسولو

وقالوا نادونلنا الصمد دايرين حضورو

ودفعولو الألف والفضل هولو

دا عاد قايم بى بقرو ما سرحولو

ونحنا جبنالو الكبار ينجودولو

وقال عيللى يمشى الديش هناك ويدخل طابورو

وهممل ليى بوابيرو وشتولو

وعاد وكتين رووح مصر

وطالن دهورو

وكلامى ليى الجنين بالهظار ساكت بقولو

اسماعين حسن وقعلو فى عرضو وفى طولو

وبأمو حد الزين وبى جدو البزورو

يقلب الرد يوصلو بى أصولو , مع تحيات عمر سمعريت .

الغالية بت ست البنات

إنتي كنتي غاتسة وووووووين ...؟ جاوبي سرررريع ..

تحياتي العميقة للشاعر المرهف عمر سمعريت ( تحية خااااصة بالله عليك)

ست البنات
الم تلاحظي يأختي بأن للشايقية باع طويل في مجال المجادعات الشعرية والردود
وفيها من الطرائف ما لايحصي ولا يعد ... (موضوع دراسة شاملة )

ما تنقطعي اكررر

والشوق الشوق من هنا لي عندك

ود زبيدة

عقلي يروح مع نورة لما تكمل الرقصة
تقلب توبافوق راسا وتقول كدي تجري تندسا
فوقا تلبش اللبسة جمالاً خمسة من خمسة
أشيل طمبوري اباريها وانقرش أباري رجليها
أتوه في طاسة وشيها
أدور بي طرفي أغتيها
عشان عين زول ما تجيها
وندق الكف ليها رسة
معاي القمرة تاريها
وتعاين ودايرالا فرصة
.....................
شايف مني خوجلي شرقانة بالبوست دا؟ هسه توم تقطع كلماتي دي...
..............
بعدين يا زول.. بي مقياسك أكون غبتا من السودان كم لمان أذكر هذه الكلمات أدناه وهي
.............
النار أم لهيب جذابة
يازهرة جناين الغابة
.......
يومو اللبسو الدبابة
سجل في قليبي إصابة
.................

الأخ العزيز منتصر ....سلام محنه

على سبيل التحيه...المتابعه والإعجاب

تحياتى لجميع المتداخلين

مع معزتى

منقاية الروح وثمار المشتل

سحر عبد الرحمن .. سلام يا عبق الاريج

مرورك ومتابعتك لها طعم خاااص

فكوني قريبة

ولك الود

ود زبيدة

المنصوري

الرجل الزين كيفنك

مشاركتك اسعدتني كثيرا ما تنقطع

ولك حبي

تخريمة :

يا الزوول إنت المنصوري ده يكون مرق من البلد متين بعد الغبار في البوست ده


ود زبيدة

السلام عليكم

منصوري

Quote: يومو اللبسو الدبابة سجل في قليبي إصابة

قبضتك !!!!!
انت من ايام الدبابة ؟؟؟
غايتو حسب علمي واكان ما اخاف الكضب
موضة الجزمة (الدبابة) كانت مع موضة البنطلون (الشارلستون) والقميص( تحرمني منك)
1975—1980
اها رأيك شنو؟ ما ختري؟؟

تحياتي لمنتصر وللجميع
_______________________________

وما الناس إلا هالك وأبن هالك *** وذو نسب في الهالكين عريق

الزول أنا كمان.. قبضتك؟ إنتا قستها بظهور جزمة الدبابة والشارلستون؟ في السبعينات لا.زكضب الكاضب.. المرة دي جليييت يا الزول.. الأغنية دي ما ظهرت في هذا الوقت..ظهرت بالتحديد في أواخر عام1959 وبداية ستين.. واتسجلت في برنامج ربوع السودان عام 1961
وكان يغنيها الفنان الرائع صاحب الصوت المتميز.. إسحاق كرم الله شقيق الفنان الرائع ايضاً محمد كرم الله.. واسحاق رجل رقيق وحساس .. إمتلأ بالنزعة الصوفية وترك الغناء مبكراً.. كما فعل محمد كرم الله..هى عائلة كلها فنانة ورقيقة .. ولاتزال هذه العائلة تتواصل سلسلة الفن فيها..
والدبابة يا الزوول هذه وفي هذا الوقت ما ظهر معاها الشارلستون وإنما ظهر معاها توب اقرب الى التطريز..إسمو( القوات المحمولة جواً) يبدو كان عاجبهم الإسم دا عشان كدة سموهو كدة.. المحمولة جواً دي ذكرتني واحدة بلدياتنا جاية من ريفي مروي توضع بتها هنا وبعدين يبدو إنو أول مرة تركب طيارة فهي معجبة بكلمة( الهبوط التدريجي).. فكل ما يجو ضيوف يسألوها عن البلد والخزان.. تدخل كلمة الهبوط التدريجي دي.. وكل ما يتجدد الضيوف تروح رامية ليهم كلمة الهبوط التدريجي السمعتا من الكابتن دي.. بنتها قالت ليها يمة الحمد لله إنت شفتي الهبوط التدريجي الحمد لله ما شفتي الهبوط الإضطراري.. يمة عليك الله الكلمة دي خليها تاني..
أها يازول الدبابة.. موش جزمة هي دقة دهب يلبسوها في اليد زي أحفظ مالك زي كدة..

كان سويت غناك في عود
كان خدر ملا الواطه
وماكان الزمن طاطا
ولا وقع اتحزم واقود
حميد

يمه كان الليل طواك
قشي دمعك بي نجومو
شيلي صبرك من عزيمتك
واشدهي الجنيات ينومو
عشي صاحيهم غناوي
عن زمن كان ليلو ضاوي
عن زمانن فيهو نحلم
نبكي نضحك بالتساوي
السفلي

مديت يميني اساعدها
مدت يسارا تباعدا
قالت لي ابوي
وفر ضراعك للبلد
ادخر مروتك ياولد
الموت ولا العيش المهين
الموت نفاد الما نفد
اختاها جنة مع الفقر
وادخل جحيم المتعبين
وان ما قدرت على ده
ابوى ربيلك دقين
حمدنا الله الحنون جيدا خلقنا بلا دقون
السرة بت عوض الكريم حميد

سلااااااااااام
يا فايضة شوق حنية
سلام يا مسكونة وفاء وبياض نية

سلام يا Asma Ali


مرحب بالمرور

وزيدينا من عندك زيدينا

ود زبيدة

المنصوري ... والزووول

سلام من هنا لي عندكم


شكرا المنصوري علي التوضيح ففعلا غناء الشايقية يعكس ثقافة كل جيل
واصل علي الشرح

تخريمة :

والله يالزوول المنصوري ده قطعوا معاك عديل كده ...

كدي غير الخطة بتاعتك دي وتعال سريع قبل يمش

طلع ليك الدبابة إسورة دهب شفت كيف


وتسلموا يا حلوين

ويا الزوول أنا بحذرك ما تغيب من البوست ده
سمح

ود زبيدة بت حسن حسين

السلام عليكم
منصوري
نان ما سكتّني ضمة ضمة

Quote: وإنما ظهر معاها توب اقرب الى التطريز..إسمو( القوات المحمولة جواً) يبدو كان عاجبهم الإسم دا عشان كدة سموهو كدة..

تعرف يا منصوري مواضيع اسماء التياب والموضات دي براها موضوع كارب ويمكن يكون مجال بحث عديل كدي..فيهو العجائب والغرائب
البيبدا يسمي منو ، وعلى أي اساس ، وكيف بتنتشر بالسرعة دي..
عموماً استمتعت جداً بسردك التاريخي واللفتة التعريفية باسحق كرم الله
تحياتي
______________________________________________

وما الناس إلا هالك وأبن هالك *** وذو نسب في الهالكين عريق

... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وترابا نرميهو قام

I love all of you
I have no Arabic keyboard

سلام

yasiko

Quote: I love all of you I have no Arabic keyboard

ونحن إيضا جميعا نحبك

داوم علي المتابعة والمشاركة حالما تتيح الفرصة امامك

كون بخير

ود زبيدة

حقيقة بوست جميل وشيق وهذه مساهمة مني على عجل لقصيدة لشاعر شايقي مغمور غناها عثمان اليمني في أواخر الستينيات، ولي عودة لكتابة قصة القصيدة والتي هي أروع من القصيدة ذاتها.

الكلبة
اصغو لي واسمعو يا زمالة
حقيقة وحاصلي مو ساكت قوالا
كلبة والدي فوق كوم الزبالة
محجوب كلموه وفات مشالا
مستعجل.. قبل ياخد سؤالا
بي فد طلقة أتم بي عيالا

بعد سلخوها واجتمعو الرجالة
كل الشافلو قوطة سميني شالا
أخويا لينا شغال في ام جلاجلا
قال ناولوني ماعون حتى ان كان شوالا

بعد شحدو البرش وطوالي فرو
فرحان بابكر مما يسره
صفق ايدينو قال يا اخوانا ترو
وكل الما هو داير ما نضره
اكلو وخلو والماباقي شرو
بعزل حقي في منديل اصرو
اليعضي ولادنا لا بد من نضره
اصلو سعرا حايم الله يكافي شرو

عبلة وصدفة حردانات يحدرو
وحداد لا مدة اسبوع ما ينرو
ولا ان شافو الحرامي وراهو يجرو
ولا في السهلي من الحوت يفطرو


الحقيقة هي لونا أزرق وصوفا يرهز
وكل الشافا أول مرة قال عز
اتاري الدنيا ماشي عليها حز حز
من واحد عيار نافوخا بزبز

كمان عبد الرحيم احمد حضيري
قال سيبو الغلبة والحجي الكتيري
اللحم جيبوهو جوة من الهجيري
الراس اوعكم تدوهو غيري
انا زولا نفسي بالتقسيم جديري
انتو شوفولي المكرضمي والكبيري

الحوش كتمة مرتفعي الحرارة
فضيل يهرج موقف فوقنا غارة
قال ادوني كوم لي وكومين لي جبارة
العشرين قرش راحت خسارة
حضر بي غفلة عثمان ود بشارة
فرش طرفو قال جيبو المرارة

سلمان اصلو شارف وزيو مافي
جاهم واحدي لابسي وواحدي حافي
لا قولة سلام لا قال عوافي
فتحة خشمو قال بي ديل قفافي
ادوني الافوت شوفو الخلافي
نص كوم كستليتة وباقي صافي

عمي الحاج كمان راجلا مصلي
قال يا ابني نظرك مو مجلي
تنشين لا هو واطي ولا معلي
بس لكن قوي وماب يتوكلي

شويتين مو كتير جاهن خليفة
قال الراس اسلخوه وسوو نيفة
يتوكل بي وحدو ولا مع رغيفة
صفو المرقة في الباطن نضيفة

التوم كومو قال ظلموه فيهو
جا شايلو براهو دايرو يسلقو ليهو
ساد حوشو ومتاقي الباب عليهو
فشان لا ضيف ولا شحاد يجيهو

أحمد حمزة قال حصانو جراي
يفج في الناس يعاين جاي وبي جاي
فرصة سعيدة قال بعملكم راي
نعملا شية تستاكل مع الشاى

كما عوض الكريم يبدا ويراي
شاف اللمة قال أشنو الحكايي
هسي دي كرامة ولا محل سمايي
الأروح البيت أجيب ما عوني جايي

سيد احمد بعيد لكنو عشمان
ماب يقدر يصل حارسلو دكان
ارسلو كومو صحبة أي انسان
بالتقررو المجموعة قبلان

عبد الرحيم الحاج ينقنق وما هو راضي
قال كومين قليلي علي ولادي
ممحوق واشوا من لحم الجدادي
انتو شوفو طريقة سوو لي الزيادي

باقي سعيد فضيل بالحيل مدروش
يمط القوطة طول مترين وينتش
قال والله مو هش
مزة متل دايري الزول يغبش
جا عبد الله اخوه بالليل بيهرش
قالب عينو جمرا ومابي يرمش
قال اصلو خوتكم بقت غش
محل تقسيما وينو نروح نفتش
بدل نقمح من الرمرام نقرمش
أتاري السر يلوم في الناس وينبش
غضبان يتركض متل المتلبش

خدر ود حمد نور بالحيل اتغش
بعد ما جاب صلصتو وبصلو حشا
لقاهم شالو خلو الواطا غبشا
طنطن ما رضا وسالو دوشة
غمد بالزعل من بيتو طش

فضل الله ما كان في حد طاري
قال جاني المرسال بعد ما جب خداري
زرقا لا ني حاري ولا ني داري
هو شايلو يمشي والضبان مباري
وقال بقسم منو لي عبد الله جاري

كل زولا ذكرتو ومني زعلان
أصلو راس القايدي عثمان عبد الرحمن
هو يشجع فيي وأنا برضي شفقان
محاول يحفظا ويعمل لها الحان

عطا قرمان لحم قال كلو سيبو
اليوم جمعة كان عازم نسيبو
جدع القفة غادي وفر توبو
الطايوق مشكنو في جيبو
لا كبير اخوانو لملمو بي خبوبو
وكمان داسي الجلد ورافد يجيبو

الشايقي

الشايقي يا رائع

سلام يغشاك بكان ما تكون

إنني سمعت هذه القصة منذ نعومة اظافري وكانت مسجلة في شريط كاسيت

والله هذه الرائعة لها قصة مثيرة جدا وبترك لك مساحة لتسردها بتفاصيلها

وفيها من الدعابة والمرح في زمن كانت فيه النفوس صافية ...

عموما لا تغيب كثيرا عن تفاصيل القصة ونحن في إنتظارك

بعض المفردات التي قد تصعب علي المتداخلين علي حسب رأي ورغبة البعض منهم

مشالا : ذهب إليها
قوطة : قطعة حلم
ترو : تنحو قليلا
عبلة وصدفة : هي أسامي لبعض كلاب الحي
ينرو : درجة من نباح الكلاب

عبلة وصدفة حردانات يحدرو
وحداد لا مدة اسبوع ما ينرو
ولا ان شافو الحرامي وراهو يجرو
ولا في السهلي من الحوت يفطرو

المعني الكامل للبيت : هو الإعتصام التام لكل كلاب الحي بسبب قتل تلك الكلبة هذا الاعتصام متكامل فهم أسبوع يعلنون فيه الحداد ولايصدرون فيه نباحا .. وإضراب عن العمل وذلك في عدم مطاردة اللصوص وإضراب عن الطعام ...( ولا تعليق )


عز : شاه ( غنماية )
شارف : أي نفسه صغيرة وبها طمع وهلع
قفافي: جمع قفة ( سلة تصنع من السعف ) ومفردها قفه بضم القاف
نيفة : الباسم والمعني واضح ..... ( تحمير الرأس بعد إستخلاص الشوربة منه)

مزة متل دايري الزول يغبش : طعام كهذا يتطلب الخمر والسكر (بضم السين في السكر)
لا كبير اخوانو : إلي كبير أخوانو : ويعني المصران الغليظ
مشكنو في جيبو : أي أدخله في جيبه
بي خبوبو : أي بإتساخه وما يحويه


وتشكر كتيير يالشايقي وفي إنتظارك

ود زبيدة

سلام يا أهلنا

أيضاً وبكل أسف على عجل لشدة المشغولية هذه الأيام والله مزنوق للآخر، بس هادي القصة وبإختصار وإن لقيت وقت ممكن أتوسع أكثر:

القصة حدثت في أواخر الستينيات وفي حي العزوزاب وتحديداً أمام منزل عبدالرحيم أحمد حضيري، من القرير، وقد سكن هذا الحي عدد لا بأس به من أهالي القرير والذين ذكرت أسمائهم في القصيدة.
الشاعر: عطا رجل مغمور لم اسمع له غير هذه القصيدة وهو حي يرزق أطال الله في عمره ويسكن الحاج يوسف.
كان وقتها يقوم بتجهيز الزبالة لعمل بياض للمنزل الذي يسكنه عمنا حضيري إستعداداً للخريف على عادة الناس في ذلك الزمان تحصيناً للمنازل المبنية من الطين.
المنازل في هذا الحي معظمها مملوكة لسماكي يدعى عجبين
"كلبة في بيوت عجبين سكونه".
"تتحدوها وتدخلوا في شئونا"

وخلف هذه البيوت في بيت عجبين يباع السمك نيء ونجيض ولذلك نشأ تجمع من الكلاب تعيش على فضلات السمك، وكلبتنا هذه تركت مكان التجمع وولدت صغارها جوار كوم الزبالة الذي يعمل على تجهيزه عطا شاعر القصيدة.
أعتدت الكلبة على الأولاد الصغار ويبدو أنهم حاولوا الوصول لجريواتها ودافعت عنهم، فخاف حضيري على الضغار واستدعى جارهم محجوب والذي كان يعمل في البوليس (الشرطة) فأحضر البندقية لقتلها.
وقف عطا موقفاً شهماً وعاطفياً تجاه الكلبة وصغارها ورفض قتلها وبشدة ولكنهم أصروا ونفذوا الإعدام وقد بكى عطا عندما شاهد الكلبة وقد قتلت وتجمع صغارها حولها يتصايحون؟؟؟
وزعل وترك العمل في الزبالة وذهب بعد أن هدد الحضور قائلاً" "والله البسويها فيكم إلا يتحدثوبا الناس".
وقد كان إذ قال هذه القصيدة وأعطاها عثمان عبدالرحمن اليمني والذي شجعه على إكمالها وقام بتلحينها وكان يتغنى بها في الحفلات الخاصة والتي تجمع أهل القرير ثم أخيراً تم تسجيلها في أحد البرامج بالإذاعة.
والواضح في القصيدة أنه أتهم الجماعة بذبح الكلبة وتقسيم لحمها وأكله، ولكنه في الجزء الأخير قام باللإعتذار لكل المجموعة وإدخال نفسه بأن نعت نفسه بأنه "عطا قرمان لحم قال كله سيبوه" "واليوم جمعة وكان عازم نسيبه" الخ....

كل زولا ذكرتو ومني زعلان
أصلو راس القايدي عثمان عبد الرحمن
هو يشجع فيي وأنا برضي شفقان
محاول يحفظا ويعمل لها الحان


عطا قرمان لحم قال كلو سيبو
اليوم جمعة كان عازم نسيبو
جدع القفة غادي وفر توبو
الطايوق مشكنو في جيبو
لا كبير اخوانو لملمو بي خبوبو
وكمان داسي الجلد ورافد يجيبو

-----------------------
طبعاً شعر الشايقية الهذلي كثير جداً وغالباً لم يأخذ حصه في الإنتشار وأيضاً إذا وجدت وقت سأكتب عن هذا الجانب ومن هنا أدعو أخونا مامان عضو المنبر فهو أعلم مني في هذا المجال فاليتقدم ويدلي بدلوه هنا.
وهو مامان الذي قال فيه حسن الدابي:
شبيه الند ده مشتول في قريره
ومامان غنى نشوان بي عبيره

كذلك السر عثمان الطيب في قصيدته التي كانت عبارة عن خطاب وهو في الجامعة إلى مامان في مروي الثانوية مطلعها:
يا مامان عساه قريرنا بي خير وإنبساط وسرور
بتك إنت عاد والله تمشيله في كل دور

لي عودة...


الشايقي

بقيت مسحور عيوك ديل إتحجر بقيت تمثال
أفتش في مكانك وين لقيتك في قليبي هنا
تقولي أنا .. أنا المأسآتي مابتنقال
أنا الجرب مآسي الغي تعال شوف كيف حفن كرعي
وانا أتبشتنت يا خلاي فوق درب الفريع الني
بتقتلني مع العيون قصة مخلفة فوق جروحي الكي
خيالن مادوام نافر يحلق فوق خلاة الصي
ولاقادر أسيب وأرجع ولاقادر أداري البي
وأشوف غيمك أنا العطشان وأقول هسع يجيني الري
حليلي أنا . حليل أيام سعادتي معاك
وقت كان الزمن بسام يشاور لي دوام ضحاك
يضمنا كان هدوء الليل ولاحس همسة لاكوراك
حقيقي غناكم يالشواقية سمح ذي تمركم ..
إلا ببكي الوالدة العزيزة / كل ماتسمع يارمال حلتنا زولاًً كان بيوالفك ياحليله .. تبكي وتبكينا .
تحياتي لك أيها الأخ العزيز منتصر
خالد سعيد الأرباب

العزيز خالد سعيد
سلام والفين سلام يا الارباب اخوي

نعم أخي غني الشوايقة فيه من الحنين ما تدمع له العين وفيه من الوصف ما يعجز الكي بورد عن وصفه وهو عالم ساحر فيه كل ما يدور في فلك الشعر ..

وسوف اورد لك القصيدة السابقة كاملة ومرتبة إن شاء الله

كون بخير وتحياتي للوالدة حفظها الله

ود زبيدة

Quote: ود زبيدة كيفنك تعرف انا منبع استغرابي في حلاوة شعر الشايقية انه البيئة بتاعتهم جافة وصعبة بصورة غير عادية يعني لولا النيل لما كانت لهم حياة يعني الناس ديل لو كانوا في منطقة تانية ومخضرة ما عارف كان حا يقولوا شنو..

ود جبريل
جبت الكلام دا من وين!
الشايقة أهل النخل الفدع العراجين وأهل الجزاير التكاكى وزين!
والله يا ود زبيدة أنا مستمتع بالبوست دا ومتكيف جبنة وشاى وكل مرة بديهو طلة وإتزود منو
باقى اخوك جنى وسالى وشاعرنا إبراهيم أبنعوف ما بيخفى عليك
عبنيك سيوفة سنينى حاجبن ماسكن سفاح
مانى الوحيد خلينى قبلى مكتلى الأرواح
تبسم لى كتير تغرينى أحاكى البلبل الصداح
ومرة تجور على بالسهر تورينى ليلا ما لقيتلو صباح
تبسم لى كتير تغرينى أقول يبقى الخريف طارينى
يتفرق عصار ورياح
الوزن مختل والذاكرة خربة
اكيد إنت حتوزنه وتدوزنه كمان
باقى طارق زعلنى بلحيل بالله الشمالية غير الخضرة والماء والوجه الحسن فيها شنو!
وزيادة قول الرسول الكريم :من بات آمنا فى سربه معافى فى بدنه يملك قوت يومه فكأنما حيزت له الدنيا بحذافيرها
ودا كله عندنا
تحيات أوسلى من الحرازة للحرازة لكل المتداخلين
جنى

الود جني

شوق الشوق يا الرائع جني
سلام يغشاك كلو الفيهو ومحني

والسلام لي شاعرنا ابنعوف وكل شعراء بلادي وتسلم للمتابعة وخليك قريب مننا وخلي مشاركاتك تكون اقرب

طارق لا يزعلك إنت كلامك صاح وهو كلامو صاح بدون زعل
الشمالية خضرتها بتنحصر علي ضفاف النيل أما المناطق البعيدة منه فهي كما اوردها طارق جبريل قاحلة وجدباء وذات طبيعة قاسية
اما التي بمحازاة النيل فهي كما وصفتها انت

شكرا علي التوضيح جني أخوي بس بدون زعل ...

خليك قريب

ود زبيدة

أخترته من دون العيون ياغاليه عينك أعشقه
إخترته شوفتك كل يوم لو حتى شوفتك أسرقه
لكني مالاقي الفرح لافي البعاد لا في اللقاء
مامن هواك أنا أصلي عاد خلقوني من طين الشقاء
أنا مديت كتير حبل الصبر لمن فقدت أنا أولو
من غير صبر بقدر اساي ياغالية أنا بحملو
بس لوسمحتي ومرة بس داير قليبك اسالو
حافظ معزتو ذي زمان والله الحصل كان بدلو
والله يانور العيون أصعب سفر سفر الأمل
تلقاك تعاين في الهدف ماداري إنت متين تصل
كل الدروب جربتها سافرت فيها عشان أصل
في كل مرة ألف وأعود من تاني لي نفس المحل
تحياتي لك أيها الشايقي الحنين منتصر ولغناكم ولي نخيلكم ولي تميراتكم
أخوك خالد سعيد الأرباب

مرحب كتير بي مرورك يالارباب
وواصل بدون إنقطاع ايها الشفيف
خالد سعيد الارباب
وتسلم الوالدة يارب
ود زبيدة

ود زبيدة كيفنك
جيتك صادي
ويا جيني الشي القالو ليك ود زبيدة دا الانا قاصدو يعني ان بقيت اديت ضهرك للتمر ما تشوف غير الصحراء والجبال لكن بلدنا رغم دا حلوة وسكر ودفيق طعمو طعم عسل..

بالله عليكم الله شوفو الزولة دي قالت لي ولدها في الجواب شنو:

السلام يغريك انت يا الزين
السلام ليك وللمعاك في الأوضة جالسين
السلام يغري الطرابيش والقلاشين
السلام من عين شمس لا حد فلسطين
انا ما بوصفك يا صباحي بخاف من العين
انت من عين الحسود وادعاك جبرين
انت بالعافي التخصك في المصارين
تبقالك هدم يا سيدي سروال ونعلين
انت يا سيد البسوق ارقوق موازين
انت يا سيد الجزيرة تكاكي وزين
انت يا سيد الحصص صمد النمرتين
انت يا سيد الشتيل التكة العراجين
انت ماك عارف قليبن لي مجينين
ما بترسل لي جوابا فيه سطرين
وما بتقول لي نعيم صباح امو اشتغل وين
وجواب السلامة وكت يجيني اطولي شبرين
وانبسط لي انبساطة فايتي على القوانين
والله من خلاني اطير واحصلو الحين
والقاه عند القهوة قبل الرسمي جالس في الدرابزين
وانسر بينكم يا الحبيبين
انا منطبقات علي تلاتي واتنين
وختي ربع جنيه وبعضا تلاتين
وقالوا ما بنقبل دايرنو في الحين
وانت في تلاتة سنة ما بدوك سبوعين
طلبتك بالله من حق الله ترسل لي جنيهين
ان سألت من المقد ما جابلو مدين
والعشريف مبوص وما مرق هين
اصلو لا تمرا مرق ولانا سايقين
الليلة لا تقول الجواب دا جاييني من وين
الكلام نضم ام نعيم مو دايري تلقين
والكتب وراق حسن اسطى في الطاحونة تاجر في الدكاكين
انت قعدت مع السلامة وان جيتنا يا الزين
وانت ان ما جيت بننتظر الصغيرين
انت شكرك عندي راقد بالجرانين
وكت دايري ازيد الا الجواب يا خيري اتملأ بالصفحتين

ود جبريل

إنت غاتس وين


سلااااام مليان شوووووق

ماتطول الغيبة

ود زبيدة

... والله غناكم سمح ذي بلحكم .. إلا ببكي الوالدة العزيزة كلما تسمع يارمال حلتنا زولاً كان بوالفك ياحليله .. قام رحل من بلده روح لي ديارن ماها هيلو .. ويبكينا معاها

Quote: بالله عليكم الله شوفو الزولة دي قالت لي ولدها في الجواب شنو:

يا جماعه الزوله ست الجواب ده هي الشاعرة الشهيرة بت ود خير وهي إبنة عم الراحل أحمد خير المحامي والذي شغل منصب وزير الخارجية لنظام الفريق عبود (1958-1964).

ورد الجواب قاله الشاعر الراحل المقيم اسماعيل حسن وقد أدى ذلك إلى غضبها من الرد وفي وقت لاحق سأحاول إنزال رد الجواب.

الشايقي

ود زبيدة كيفنك
انا قاعد اغتس عشان اجيبلك الكلام السمح بالحيل دا عشان تقول طارق دا مرق من زمن ترهاقا..
تحياتي
طارق جبريل
ود عشة بت أبودية

السلام عليكم

نعَلّكم طيبْي
بعد ما غيرنا الغنوة الفوق ديك للحفظ عشان ما تلخيت علينا
قلنا نختار قصيدة الكلبي
والسبب عشان شوفت الناس تعبانيين في الشرح للكلمات الصعبي ( وجه يبتسم ويشير بيده لود زبيدة)
التقول نحن جايين من واشنطون دي سي ( دي عاجباني ساكت يا منصوري زي القوات المحمولة جواً)
غايتو السمع اسهل من القرايي

Save @ PC
مو صح؟
تحياتي للشايقي وأرجو أن يلحقنا بالقصة
وما الناس إلا هالك وأبن هالك *** وذو نسب في الهالكين عريق

الزوووول

لله درك يا رجل

والله إجتهاد مقدر يعجز الكيبورد عن الشكر
والله ذي ما قلت السمع إخير من القراية (وجه خانو التعبير ينظر للزوول وعاجباهو فكرة الأغاني كتير ويتوسل للزوول للمتابعة بالأغاني ) شفت الوجه ده قدر شنو ..؟

وااااصل
والغني ده مسعوليتك

وإن شاء الله تكون طيب

كون بي عافية

ود زبيدة

فتيات نوبيات (شايقيات) فى كورتى. بريشة الرسام ديفيد روبرتس، 1847

عادل عثمان

تسلم وانت تمكل المشوار معنا لحصر إرثنا الثقافي

كون كما اتمني ولا تغيب كثيرا وجودك له طعم خاص

ود زبيدة

يااهلنا سلام عليكم وطولته منكم لكن الله يهون علينا الضغوط والغربه,ومشكور
ياودزبيده لانك ركبتنا لورى ورجعتنا البلد_......

اهدى ليكم قصيده للشاعر شقورى والفنان محمد النصرى المبدع لكن ماتقولو عجوز لانو الغنيه جديدة


وقفت بعد حلبت لبينة الشاى تكورك ياالحسن
ياام الحسن وينو الحسن
ولمن صفت رغوة شخيبات اللبن
فى حلتا المبنيه من طبق السكن
واقفى فى حوش البهائم لسع تكورك ياالحسن
وتلاوى فى الحمل العنيد جاها حسا من بعيد
مارق من القاطوع ورا قال ليها خير يا الحاجة خير
قالتلو خير تعالى جاى دايراك تعنون لى جواب ياالراسى لى ولدى الخضير
ما تبقى زى شافع السرير يقوللى زين يايمةزين وزين تبقى بعد شهير
وان جانى يكتب فد سطير اقولو يا سجم السجم انا زى قرايتك ما قريت
لكن عويناتى بيفرزن الوريقة البيضاء من لون القلم

وبعد المغيرب بى شوى جاها الحسن تعبان يسير
بعدعشاغنمو من الدرب وسرقت ندى وشو الهجير
سوتلو شاي بى لبن قرض معاهوحرف فطير
قالتلو بسم الله قوم واكتب وصيتى انا للخضير
الزمن يا ولدى ماحقاهو السنين البعيش فى الدنيا ما بعيش مرتين
العمير فاضلى بس منواليقين وانته طول فى البنادر يا الحبيب لى متين
تعال اوريك حق ابوك الجم حقيق حاج الامين
ان عرفتو بلا عمار يقولوولدن عندو طين
العلاج لاتنسى رسلو لى دحين و العوينات يا جناى شوفن ضنين
سلامى انا ليك مطرز للبنيات والبنين
ولوالارض يا ولدى تنشال فى الليدين انا كت برسلا ليك فى لورى الخزين

الفنجري يا فنجري

سلام يغشاك وين ما كنت

سلاااااام من كيبوردي لي كيبورديك

وما تطول الغيبة

ود زبيدة

التحية لكل المتداخلين....وهذا الرابط به بعض الاغنيات..........>
http://www.gmrna.net/dlel/go.php?id=2483

تسلم كتير يا البعيو


والف مرحب بيك

سامحني واصفح يا حبيب ... وعابرة .... ومسافة السكة ....اسامة ... وبحبك من زمان

وتسلم يا رب

ود زبيدة

ود زبيدة كيفنك نعل طيب
جيتك صادي تاني ومعاي الزاد:

Quote: قسمتا شالا غيرك والإله كتبا يا محمد نصيبك أبا منو القبال دا خالف قسمتو وغلبا قدر غير طريقا وبدلا وقلبا المقسومة حارة شديدة في لهبا لكن الصبر يهدي ويطول يغبا صحيح فرقة ولف بعد السنين صعبا أصلو الريد موهبة والإله وهبا لو كان القسم بالريدة محتسبا كنا نحقق الآمال زمن طلبا ياما عنتر أمثال في الغرام ضربا وراك للسنين الرايحي ما حسبا مسكين منو ضاعت وضحوا في دربا وبكت سحب الخريف والبادية بي عربا قبلك قيس علي ليلى الدموع سكبا أرض الريد سقاها وحوشا وزربا ضاق المر تعب لم استوت رطبا لا جنى للثمار لا ضاق حلات تعبا كتير من زول دخل روض الغرام خربا يا قطف الزهور إما سرق عنبا اتأخرت ما اتقدمت في طلبا تراها جبال من الشنقول كمل دهبا لو كان النصيب بينكم وقف عقبا دي قسمة ربنا تاباها شن ضربا جاها الفي النصيب العجبتو وعجبا اختارت براها ومافي زول غصبا كتار المعجبين بدلها وأدبا تاجوج في القرير فازت هي بي لقبا كان القسمة ودتا لي بعاد غربا برضها بتنا وإنت آبتدور كعبا

قرأت بوست رائع جداً للأخ أبوشوك عبر هذا الرابط
الدلالات الرمزية في شعر الشايقية الغنائي: بت البلد نموذجاً

طاريق جبريل

سلالالالالالالالالالالالالالالالالالام خاص
وتغتس وتقلع علي كيفك

كون بالف خير


الاخ / yasiko

إيضا إستمتعت بالمرور وأعود للتعليق لاحقا
علي هذا الرابط للأخ ابو شوك
فله التحية ولك مثلها

ود زبيدة

كل سنة وانتو تيبين يا رب


بسأل من ست البنات إن في زول عارف محلها
ولا عارفلو منها خبر يورينا


سلام كتير ليكم

ود زبيدة

Up

up

مني عوض خوجلي

وyasko

وكل المتداخلين معذرة للتأخير
ولكن ظروف العمل والجري في الفانية

كونوا بالف خير

ودزبيدة

الأخوة والأبناء صاحب البوست والمتداخلين

خاصة عشاق شعر حميد ...

أبحث عن قصيدة لحميد حكى فيها قصة (حمتو) الحلبي العاش في بلدهم (نوري) وعانى من المعاملة الدونية باعتبار أنه ما شايقي وما من أهل البلد والأهم (ما عنده طين) ..

رجاء من لديه هذه القصيدة أن ينزلها وإن كان من غير الأعضاء فيمكنه أن يرسلها عبر البريد الإلكتروني: [email protected]

الشايقي

Quote: أبحث عن قصيدة لحميد حكى فيها قصة (حمتو) الحلبي العاش في بلدهم (نوري) وعانى من المعاملة الدونية باعتبار أنه ما شايقي وما من أهل البلد والأهم (ما عنده طين) ..

الشايقي التحياتي يا راقي

اسف للغيبة عن المنبر

...........

الاغنية التي تبحث عنها بصدد إنزالها


كن بالف خير


ود زبيدة

~*¤ô§ô¤*~عافيــه منـــك ~*¤ô§ô¤*~

ك/ علاءالدين عبدالرحيم
غ/ عبدالرحيم البركل

عـــافــيـــة مــنــك وراضــيــة عنــك سـو رضايـا
ومـــا بـيــخــــيـــــب الـرضــا والـدتــو يـا جــنـايـا
أنت مـن يـا دوب صـغــيـــر مـن زمان دايماً مـعايا
أنــت ديـمـه أمـامـي سـايـــر مـا بخـليـك بـي قـفايـا
ما بتغيب من عيني لحــظـة ولا حصـل سبتك ورايا
لا من الله يشيـل أمانتوا أنا بـبـقي خاصاك بالرعـاية
ليَ يــرعــاك الـبـيـــرعـي لـيَ بـيــك يبـــرد حشايـا
أصــلـك أنــت هـديــه مـنـو والله بـيـك أجزل عطايا
جيـتــنـي واحـد مـالـي تــانى رحمـه في آخر صبايا
قـبــل مــا أفــقــد قــدرتـي وقـبــل مـا تنـهـار قـوايـا
جيـتـنـي ذي بــدر منـور وفجـأة طلـيــت فـي سمـايا
انـت لــمـا خـلاص كـبـرتـا دار تسيبني أعيش برايا
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
خـيـرو وافـر أبــوك يحـمـدوا مراحو مليـان بالسعايا
وبالـقروش الجـيــب مـجكن ولسه برضو الجايا جايا
بـرضـي مــنــك مـا بـقـصـر بـحـفــر أديـــك المعـايا
كــان ده كـلــو كـمــان شُـويّ بـتلقي في دهبي الكفايا
أصـلـي مـن ســويـتــو نــاذرا إبـقـي لــي أيـام قسـايا
خـاتـــا للــزمــن البـعــانـد لـي سعــادتــك يــا عشـايا
أنـت مـن شبـيـت صـغـيــر راسـي مـا بتحتاج وصايا
مـا حـصـل خيـبـتــا ظـني ولا فشــل فيـك زين غنـايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
دايـري أقـضـي عـمـيـري جنـبـك أصـلو قارب للنهايا
خـايـفـي كـان ســافرتـا ترجع تلقي فـاضي البيت بلايا
حـيـنــا مـا بتـنـفـع قـروشـك وما تجـيــب لك أم سـوايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه
ما بعاتبك وما بلومك لو رحلت بلـقي في الأمثال عذايا
عـلـي حـجــر دايـمـاً قليـبـك وقليـبـي كـله عليـك جنـايا







وكمان اغنيه لي / جعفر السقيـــــد
رائعــــــه ...

~*¤ô§ô¤*~سافــــــر~*¤ô§ô¤*~

عليك الله سافر عليك الله
شيل الاماني معاك
وشوف البيبكي عليك او حتى يترجك
انا تعتب خلاص من جورك انت على
تزعل بدون اسباب وتاني ترجع لي
خليك معاي واضح لا يبقى قولك نيء
يا انت ابقي معاي يا انت ما ليك بي
رغم الحصل والكان ياما صبرت عليك
كان العشم جواي تصدق معاي عينيك
لكن غرورك فاض كتل البراءة الفيك
خلاك تقول مجبور انا بكرة برجع ليك
اوعك تظن في يوم انا قلبي برضى الذل
او يستكين هيمان ويرجاك عند الضل
انت الفتحت الباب وقلت للخصام ادخل
وانت الزرعت الشوك وقلعت شجر الفل
انا في النهاية انسان مرهف رقيق حساس
وداير اعيش في امان واصافي كل الناس
لكن اذا جريت فوق الكرامة وداس
مجبور اقول القول القالو بو فراس
في شعروا قالو كلام مدهش جميل يسبي
لا تملك الحسناء مهما تكون قلبي
انا برضي زيو كمان اعلنت لي حربي
وعايش قليبي يقول يا اخوانا ايه ذنبي
والله ياالمريود خليتني فيك محتار
مرات بشوفك نور مرات بحسك نار
مرسالي وقتين جاك قابلتو باستهتار
وما تنسى أي حديث دائما بدايتو شرار
يا قلبي اصبر قلبي اصبر قلبي اصبر
اصلو الظروف قاصداك
معليش اذا جا الليل وخيم على دنياك
عذرا اذا الاحلام اكبر من الادراك
وعفوا اذا حبيت زول ما عرف معناك

حبي انا ليك كان زادي وكان جوه الحنايا دفين
كنت بضاريهو من الناس وخايفه عليهو من العين
عليه انا كنت بصوم وافطر عليهو بكابد النارين
كنت بحسب سنين الغريه لما تعود تجيني متين
كنت برجاك فوق النار لما وقت لقانا يحين
بتونس في براءة اطفال في الحب نروى ننهل زين
كل يوم يزيد البينا لما بقينا قاب قوسين
اتاري انا كنت مخدوعة فيك وكتير من زي مخدوعين
ما قايلاك بتلعب بي تعيش اللحظة بس والحين
ما قايلاك حبيب آلام وقلبك قبله للضالين
وما قايلاك بتنسى حبيب فضل يرجاك تسعة سنين
كيفن هان عليك تنساهو زولا كان عليك حنين
تشغل بالك الاشواق لما تذبل الياسمين
كنت دايراك شمعة تضوي في وجهه الزمان الشين
كنت دايراك وقت الحاره تبقى لي دخري خزين
كنت دايراك مقنع حوبه وقت المضاره تحين
كنت دايراك فارس احلامي تشاركني ونتم الزين
كنت دايراك شريك الروح اخدمك حافية القدمين
كنت بحلم بيك وانت معاي مجرتق بالعديل والزين
وجنبك في شمالك قاعده نسمع في دقر يا عين
تبشر زين مع الاصحاب وتتشبل من الوزين
وانا الابحرت راكبه الموج اكيد مرساي بين موجتين
وداعاً يا سراب خداع محال ما بروي عطشانين
وداعاً يا حلم عابر يسعد يفرح النائمين
وداعاً يا سحابة صيف شايله مطر وضل و رهين
تبشر بي خريف جاينا يا الناس رجوه سنين
كل زولا يفكر فيها ما معروفه تنزل وين
والف سلام عليك يا قلبي المسالم وديمه طبعو حنين
يتاوره الشوق ويلعب بيهو تنخر في حشاهو السكين
تعاوده الذكري تنتر جواه حالو يحنن المسكين
واخيراً ليك الف سلام قبل ما تجف دموع العين
قبل مني ما تعدي قبل الفراق ما يحين
بخيت وسعيد عليك انشاء الله يبقى ليك عمار وبنين
قلبي انا خليهو في اناتو بعدك يا ما راجيه انين
لو كان يا قلب حبيت بعده بعد قسمت يمين
انشاء الله ما ينتم ليك مراد لا تضوق حلو لا زين
عمرك ما تجيك سعاده ما تتهمى قول آمين
وتاني الحب عليك حرمان ما وعد الحر امانه ودين




الطييييييييييييييييييف

حتى الطيف رحل خلاني ما طيّب لي خاطر
أما النوم أبا وجافاني .. وأصبح داجّي ساهر
*
قليل يا طيف أقيف وأرجاني .. وين فايتني عابر
شن حارس وراك أنا تاني.. ياني معاك مسافر
*
لا لا .. لا تقول لي .. كدي استناني.. أمشي وأجيك باكر
يبقى أنا ما ألم فيك تاني.. مين عارف المصاير
*
هاك اسمع رنين ألحاني .. وأبقى معاي سامر
خفف لي قليل أحزاني .. ياما أنا عشت صابر
*
شوف كيفن يسوي زماني .. ديمة علي جاير
آه مر العذاب وراني .. سهمو في قلبي غاير
*
شوف الليلة كيف بستاني .. دا الكان باشّي ناضر
من حر السموم بيعاني .. طيرو يفر يهاجر
*
جفّ يبس صبح صناني .. لافح حرو كافر
عدمان الضليل سواني .. مجنون قالوا شاعر
*
كل ما تمر تعدي ثواني .. منو اسراب تغادر
رحلوا الفيهو صر وحداني .. نازل ومرة سادر
*
أحوم .. أرجع .. أصد لبكاني .. مقطوع راسي حاير
وين أحبابي وين خلاني .. آه يا الله قادر
*
ما عارف العلي تراني .. فوق كرعي ساير
وأسكت أسوي في أوزاني.. أشعار مالا آخر
*
وإت ياطيف عليك أحزاني .. ليّ شوية كابر
عشان خاطر قليبي عشاني.. لحظات بس تخاطر


لا شوفة تبل الشوق ولا ردا يطمّن
غناء الراحل .... النعام ادم


لا شوفة تبل الشوق ولا ردا يطمّن
أريتك تبقى طيب إنت ، أنا البي كلو هين
قليبا لي رهيّف عارفو ماب يحمل حنيّن
إنت ماب يغباك حالو الفيهو كل البيهو بيّن
بقيت مالي غير أشعاري أكتبه فيك وأدوّن
أقول يمكن تزيل ما بي ولاّ قليل تهوّن
ومالكن يا قماري بتشدن إيش لازمة تغنّن
نغيماتكن تهيج أشواقي للعينين يبكّن
بدّيكن وصية أمانة لي سيد روحي طيرن
ترا الحال العي شفتنو قولن ليهو أحكن
قوليلو السحب في روضو ما عادن يكبّن
وأضحى محل خراب ما فيهو غير زهرا مضبلن
قولن ليهو ليلو طويل .. طويل.. طولا يجنّن
لا قمرا ظهر في سماهو ، لا نجمات يضوّن
وكل ماليهو يتصبّر يقول أيام يعدن
يمنّي لنفسو بي لقياك ولاّ ترد لو يمكن




وكمان هاكم دي قمه...

اشتقت ليك اشتقت ليك
ورجع لقيت كل البلد تسال عليك
زرات تراب الحلي تسال عن مجيك
ما الحلي كلها مشتهاك ما بس قليبي المشتهيك
حتي الدريب الكان زمان معتاد عليك
الليلي يسال عن مجيك
نوار بريسيمنا التحت قال مشتهيك
شخلوب سبيطك المشرق المتلاقي كان دايرك تقبلو او يقبل وجنتيك
نغم الطنابير الحنان كان مره لامس مسمعك
كان رجعك... كان رجعك
صدر امك الدافي الحنون الرضعك
كان رجعك... كان رجعك
منهل وجودك ومنبعك كان رجعك... كان رجعك
ياريتو يقدر يقنعك كان رجعك
محبوبك اليوم الفراق اتباكي قلبو يودعك
ياسيدي ريدك لوعه خلي ريدنا يلوعك