وردي ومحجوب شريف.. وشروق ابو الناس.. في حته واحدة !!

http://www.rayaam.net/finona/finona.htm

Quote: ورداً على ما أثاره ابنه الموسيقار عبد الوهاب (لن أعيش في جلباب أبي) أشار الأستاذ محمد وردي الى أن ابنه عبد الوهاب يمتلك فكرة التلحين والتوزيع الموسيقي ويمكن ان يبدع في هذا المجال، وأضاف وردي: لكني حذرته من الغناء لأن صوته لا يؤهله لولوج هذا المجال.. وبالنسبة لي اتمنى من كل قلبي ان يكون عبد الوهاب لنفسه شخصية فنية مستقلة لا علاقة لها بوردي وهذا شئ يسعدني، ولكنني بخبرتي الفنية أوكد انه لا مستقبل له في مجال الغناء.

مرحباً يانشأت الإمام

هناك بوست إنتقادي عن الشاعر التجاني وأيضا فيه "هبشة" لمختار دفع الله. أعمال الشاعر التجاني لم تستطع أن تحجب سؤاته الشخصية بينما روائع وردي تدي روعة حتى لبعض سلبياته الشخصية وقطعا كلامه عن أبنه عبدالوهاب ليس من السلبيات التي أقصد..عاش وردي.

Quote: د. الماحي يشيد بـ«هوى» شروق ابان زيارته الأخيرة لدولة الامارات العربية المتحدة للمشاركة في اجتماعات اللجنة التنفيذية للمجع العربي للموسيقى، قام الموسيقار الماحي سليمان رئيس لجنة الألحان بالمصنفات الفنية والأدبية بالسودان بزيارة للمطربة «شروق» بمقر اقامتها بالامارات. . وأشاد د. الماحي بصوت شروق وقام باجازة صوتها فوراً، وحدد لها موعداً في مطلع يوليو القادم لمقابلة لجنة اجازة الأصوات بالخرطوم.. يذكر أن «شروق» أطلت الخميس الماضي في حلقة خاصة عبر برنامج «خليج ونيل» وقدمت فيها منوعات من الفن السوداني والخليجي، وأبرز الأغنيات التي قدمتها «لهواك» وهي من كلمات د. معز عمر بخيت وألحان الموسيقار الموصلي، وينتظر أن تصدر شروق ألبوماً خلال الأيام القادمة يحمل أسم هذه الأغنية.

شروق جمالها "حاد" الملامح وظهورها الأسبوع الماضي على قناة النيل الأزرق جاب اللوم لراكوبة وتمبس والمعز لأنهم ما قالوا لينا حاجة عنه في البورد هنا وتاني يوم ما نزلوا لينا شيء من السهرة ولكن عرفت من تمبس أنه شاف السهرة تاني يوم ونزلها في موقع اسمه عكس الريح والكلام موبايل وانا سايق ما قدرت أحفظ أو اكتب عنوان الموقع. عموما الإمارات كلها مقر إقامتها فهي مغتربة هناك وربما المقصود أن الدكتور الماحي سليمان زارها في بيتهم بصياغة متواضعة. وقبل كم يوم شفت في النيل الأزرق أو الفضائية السودانية مغني شاب اسمه نزار الماحي سليمان وقلت عيني باردة على العائلة الفنانة دي.

بناديها
سلامات
والله "تمبس" ما بقصر، بعدين العنوان بي جاي، وماتتكلم وإنت سايق
شروق في النيل الأزرق _ فيديو

العزيز بناديها..

وردي قامة سامقة في مجال الغناء، وان كان كلامه قاسياً على ابنه..
فذلك لانه لا يجامل.. خاصة من كان له تاريخ مثل وردي..
ومن بعض متابعاتي ارى عبثية عبد الوهاب في تناوله لوالده مما قلل احترامه كثيراً لدى المتلقي..
ولشروق عافية المطر يا بناديها.. فكما يقولون.. صوت وصورة.. وما شاء الله.. برد عينك معاي
ود. الماحي رجل وهب حياته للموسيقى ويتعامل بروح العالم، لذا كان طبيعياً ان يتعامل مع شروق
بهذه الاريحية التي جعلته يزورها ويجيز صوتها .. فله منا كل الاحترام..

نشأت سلامات
الصفحة جميلة ومنوعة، ونتمنى كمتابعين دوام التحديث للصفحة عبر الموقع، ونقل نبض الوسط الفني من أعمال جديدة وشمارات
وسلامات للشباب بطرفك

العزيز راكوبة
مشتاقين اولاً بالتبادي.. وبعد داك سلام الشباب كلو عليك.. خصوصاً والبشاري هذه الايام بطرفنا.. فلك تحياته وتحيات البدوي يوسف
وان شاء الله ربنا يقدرنا على المتابعة لكل ما يجري في الساحة.. والصفحة اسبوعية لانو في صفحة تانيه برضو يوم الثلاثاء.. وفي ملف ثقافي يوم الاربعاء..
يعني من نص اي اسبوع بامكانك متابعة الصفحات التلاته.. وكده بتكون مغطي تقريباً معظم النشاط.. والشمار الفني..

لك غالي المودة

اليوم نرفع رايه استقلالنا

لكم كل الحب والتقدير ومتعكم الله بالصحه والعافية وطولت العمر المديد

يا حليل المرحوم الفنان مصطفى سيد احمد لمن مشى عشان يجيز صوتو واعمالو ناس المصنفات رجعوهو اكتر من تلااااااااااااااااتة مرات ورفضوا ليهو ...
أسة لجنة المصنفات تسافر وتمشي للناس في بيوتا عشان تجيز ليها صوتها !!!!!!
لأ وكمان تطالب بي الإسراع بالحضور للسودان عشان تكمل باقي الإجراءات ....!!!!!
هيييييييييييييييييييييييييييييييييييييييييييييييه دنيـــــــــــــــــــــــا..

تخريمة :
ما قلت ليكم انا مشاتر يا راكوبة ؟؟؟؟
بصراحة كده اكبر غلط يا نشأت إنك تخت التلاتة في حتة واحدة لأنو ما ممكن شروق في المرحلة دي تتخت مع وردي ومحجوب شريف ..
مع كل الإحترام والتقدير للموسيقار الموصلي ودكتور معز..

الحبيب نشأت

تسلم يا رائع على الإهتمام بالمواهب ونجوم المستقبل وحقيقي الصفحة قمة الروعة

__________________________________

الحبيب بناديها

أنا بالجد غلطان في عدم الإشارة للحلقة

لكن صدقني أنا عرفت بميعاد بثها وأنا في الطريق لتقديم أمسية شعرية

ولم أحضر الحلقة..

بالإضافة لإنو ما عندي قناة النيل الأزرق

وان شاء الله نحصل التسجيل كامل ونزلوا قريب

______________________________

حبيبنا عمر الفاروق

سلام يا غالي

أول حاجة في فايروس في إيميلك ما عارف هل انتبهت ليهو ولاّ لأ..

بعدين قصة إجازة الصوت دي مش حاجة رسمية بس صادفت وجود د. الماحي في اجتماع اللجنة التنفيذية للمجمع العربي للموسيقى بالإمارات

وقام بزيارة خاصة للمطربة شروق

وإجازة صوتها من جانبه هي إجازة شخصية وليست رسمية تعبيراً عن الإعجاب بصوت المبدعة شروق

بعدين ايه اليمنع يا ابوعمير انو في صفحة فنية يجي خبر عن وردي ومحجوب شريف وعن شروق ؟؟

كل خبر منفصل عن التاني تماماً..

ولاّ ايه؟؟

_______________________________________________

ختاماً تهنئة وتحية ووقفة احترام واجلال للمطربة شروق صاحبة أجمل صوت نسائي استمعت اليه، خاصة وأنها تتخذ طريقاً جاداً للإبداع

وابشر بلادي بميلاد مجيد لمطربة ستكون نقطة تحول في مسيرة الأغنية النسائية في السودان



التحية والإحترام للجميع

والله ياراكوبة إلا تخلونا نكووووووورك..ولو ما السواقة ما بنلقى فرصة للتلفونات.


وشكرا يادكتور معز واللوم ما عليك على تمبس الشاف الحلقة تاني يوم.

دكتور معز ..
تحياتي يا راقي...
والإيميل ده والله حيرنا طيب ياخ انت ما دكتور فايروسات كدي شوفو لينا مالو
نرجع لي موضوع شروق واقول يا دكتور إنو من الكلام المكتوب في الجريدة يوجد إيحاء ان كلام الماحي سليمان لم يكن بصورة شخصية بدليل انه قطع معها موعد للحضور للسودان ..
قد يكون تصادف زيارة الماحي سليمان ولكن إجراء المقابلة يبدو انه تم بصورة رسمية وليست ودية وإلا لكن الماحي سليمان اجاز نصف اصوات الشباب السوداني لأنه جلس مع اكثر من شاب وشابة بصورة ودية !!!!
ان يتم إيراد إسم شروق في الصفحة الفنية هو شيئ لا نعترض عليه فنحن في الصفحات الفنية يكون لدينا اخبار متفرقة فتجد لقاء مع ود اللمين وفي نفس الصفحة لقاء مع فاطنة الجعلي !!!!!!
لكن الأخ نشأت اورد الخبر وكأن هذا الثلاثي يمكن ان يتم وضعه في مرتبة واحدة وكأن شروق نجم كبير !!!!!!
صراحة يا دكتور معز ومعليش للشترة دي واعتبره راي شخصي ولكن ان يتم إيراد الخبر بهذا الشكل كأنما تقرأ في الفرانس فوت بول خبر مفاده :
اليوم وعلى ملعب الأولترافولد تمتعوا بمشاهدة نجوم الكرة العالمية مارادونا وبيليه وبرشم !!!!!!!!
فهل يعقل ان يكون الرد بأن إيراد برشم يدل على انه مثله مثل مارادونا يلعب كرة القدم ذاتها !!!!!!
مع كل إحترامي وتقديري لك ..

فرصة سعيدة يا جماعة وسؤال يا شباب ، شروق دى خليجية بتغنى بالسودانى؟

ترهاقا

Quote: فرصة سعيدة يا جماعة وسؤال يا شباب ، شروق دى خليجية بتغنى بالسودانى؟

حبيبنا ترهاقا
سلامات يا رائع

ليه جاك الإنطباع ده يا ترهاقا؟

شروق سودانية 100%

لكنها تغني بلهجات ولغات متعددة وبإجادة تامة

ولها صوت في قمة الجمال والعذوبة

ومحاولين ننزل ليها فيديو اللقاء في قناة النيل الأزرق

تسلم يا حبيب

على هذا الرابط مقال تعريفي عنها

وتدريب على أغنية (بروفا) في الخلفية

اضغط هنا

اخي عمر الفاروق
تحياتي
كما ذكرت ايراد خبر للفنانة شروق رديفاً لأخبار العملاق وردي.. والشاعر الوطن محجوب شريف لا غضاضة فيه..
اذ تهتم الصفحات الفنية بمختلف الاجيال الفنية، شيبها وشبابها، رعيلها الأول.. ومن هم على الدرب سائرون..
لكن اود تصويباً لعبارتك:
لكن الأخ نشات أورد الخبر وكأن هذا الثلاثي يمكن وضعه في مرتبة واحدة!
وما أوردته أنا أخي الفاروق، لا يسمى خبراً.. انما هو فقط عنواناً لهذا البوست.. وهناك رابط يقودك للصفحة
الفنية بصحيفة الرأي العام، وعندها ستجد انها أخبار منفصلة، ولا شيء يربط بينها، اذ ان كل خبر تم ايراده
على حده، وهذا ما لزم تصويبه..
ولك الشكر على ابداء ارائك، وليس في الأمر »شتارة« او شيء من هذا القبيل يا عمر، انما هو رأي من حقك
أن تصدح به، ولولا اختلاف الآراء لبارت السلع، او كما يقال..

عمر الفاروق

Quote: اليوم وعلى ملعب الأولترافولد تمتعوا بمشاهدة نجوم الكرة العالمية مارادونا وبيليه وبرشم !!!!!!!!

عليك الله يا عمر ما بالغت

البت اسمها شروق

وزي القمر

ونقول ليك ح تعيد صياغة تاريخ الأغنية النسائية السودانية.......

تقول لي برشم...

نشأت

لحقت ليك البوست بتاعك ده في اللفة

انت وين لافي..

Quote: ونقول ليك ح تعيد صياغة تاريخ الأغنية النسائية السودانية.......

تاريخ الاغنيه النسائيه السودانيه كلو !!


..
..
.

صلي علي النبي يا دكتور

خدر

Quote: تاريخ الاغنيه النسائيه السودانيه كلو !!

وحياتك يا طارق


كللللللللللللللللللو

أنا على يقين كامل من كده

وماااالي يدي كمان

وح تثبت ليك الأيام

Quote: صلي علي النبي يا دكتور

صلى الله عليه وسلم

تحياتي ومحبتي

يا دكتور صباحكـ خير

ما حا ابوظ عليكـ احتفائكـ بالشابه شروق و اقول ليكـ انت اختزلت تاريخ الغناء النسوي
و بلا بلا بلا من النقاشات العادله في مثل هذه الاوقات
انا سمعت لي شروق البروفه الموجوده في خلفيه بوستكـ في عكس الريح
(رغم انها ما بروفه ) و قلت جميل دي بروفه
و منتظر اشراقاتها القادمه

مرحب بي شروق تلميذه نجيبه لسيدات الغناء النسائي السوداني
كده موش احلي !!

خدر

Quote: مرحب بي شروق تلميذه نجيبه لسيدات الغناء النسائي السوداني كده موش احلي !!

خلاص يا سيدي تعمل تسوية..

ونقول التي ستكون نقطة تحول في مسيرة الغناء النسائي السوداني

وبالجد ما تحكم عليها من الأغنية الفي الخلفية

لأنها كانت بروفة وحياتك ولسة بتتمرن عليها

أنا أوعدك أرسل ليك الألبوم بتاعها أول ما يطلع في هولندا

ولأنك راجل فنان ح تقدر تحكم على العمل المتكامل ان شاء الله

يا دكتور :

Quote: عليك الله يا عمر ما بالغت البت اسمها شروق وزي القمر ونقول ليك ح تعيد صياغة تاريخ الأغنية النسائية السودانية....... تقول لي برشم...

تعرف انا قبل ما اكتب برشم دي قلت اخليها حلوة شوية واقول للدكتور هيثم مصطفى
لكن والله يا دكتور ما لقيت غير برشم اسوي شنو ؟؟؟
بالمناسبة يا دكتور خلينا نقول مبدئياً تملك واحد من المقومات التي صارت مطلوبة في غناء اليوم وهو الوجه التلفزيوني ومسحة الجمال التي ربما ستساعده في تثبيت وفرض نفسها كفنانة ..
استمعت لها في بوست قديم كنتم قد انزلتوه هنا وحقيقي لم تكن بذاك المستوى الذي يحتاج لهذه الضجة كما وانني الان استمعت لجزء من الحوار في قناة النيل الأزرق وحقيقي لم اجد اختلاف بينها وبين من يستضيفهم التلفزيون من فناني هذا الجيل الذين بالكاد يخرجون جملة مفيدة واحدة فكل الذي قامت به شروق هو تسميع لأسماء الأغاني في الكاسيت ...
لن نبخس الناس حاجاتهم ولا نود ان نستعجل الحكم ولكن بنفس الطريقة نتمنى ان لا يستعجل الطرف الاخر بالتصريح بانها الصاروخ القادم والناهضة بالفن السوداني و و و ...
تعرف يا دكتور البت الإسمها نهلة عبد المنعم بتاعت عقد الجلاد سابقاً بت فنانة جداً وعندها حضور ما عادي وثقافة عااااااالية واسلوب حواري فريد وحقيقي كانت هي التي ستنهض بالغناء السوداني خصوصاً النسائي لما لها من رؤيا وتخطيط وفهم للغناء إضافة للصوت الجميل ..
ولكن لأنها لم تجد هذا الاهتمام الأعلامي ولأنها وفي ذلة لسان ابدت رأي مخالفاً في الفهم لأغاني الحقيبة اختفت تماااااماً من الساحة الفنية وضاعت كما تضيع امال النور الان ..
ذكرت هذا الحديث عرضاً ولكن على سبيل المقارنة بين ان نراهن بشروق ام نفتش على المضمون في وجود مثل امال النور ونهلة عبد المنعم لنراهن به !!!!

تخريمة :
اشكر الأخ نشأت لرحابة الصدر وتقبل وجهات النظر وانا اعلم ان الخبر يقود لصفحة فنية بها اخبار متفرقة ولكن يجب ان نتفق اخ نشأت بان وضع العنوان بهذه الصورة فيه نوع من الحبكة الصحفية وإشارة إلى ان ننتبه لهذه الشروق بحكم انها جاذبة للجمهور او دعنا نقل بصورة اخرى هي لفت إنتباه للناس ..

مشكورين على تحمل القد بي الطريقة الصاااااااااااااح

حبيبنا عمر الفاروق

ياخي هيثم مالو؟؟

بس الحمد لله ما قلت فلان داك

أخير برشم.. :


لكن عشان برشم دي

ما ح أرسل ليك الألبوم..

حقيقي نهلة عبد المنعم فنانة وأنا كتبت عنها في صفحتي عكس الريح بالأضواء وقبلها لما كانت في الحياة

ونهلة لقت احتفاء كبير جداً بس ما عارفها اختفت وين..

لكن بررررررررررررررررضو شروق زي رونالدينو كدة في برشلونة

ولاّ أقول ليك زي روني الخطير في مانيو..

عمر الفاروق

Quote: ولكن لأنها لم تجد هذا الاهتمام الأعلامي ولأنها وفي ذلة لسان ابدت رأي مخالفاً في الفهم لأغاني الحقيبة اختفت تماااااماً من الساحة الفنية وضاعت كما تضيع امال النور الان ..

الاخت نهلة هاجرت لامريكا ونبارك ليها زواجها اللى حيكون خلال الايام القليلة القادمة.

آفيلقو

يا دكتور:

Quote: ولاّ أقول ليك زي روني الخطير في مانيو

اهاااااااااااااااااااا ..
صدق عرفت لي يا دكتور وجيتني من الحتة البتوجعني !!!!!
من قلت روني والمان يونايتد الكلام وقف ...
فعشااااااااااااااان كلامك ده يا زول شروق مش فنانة لالالالالالالالا دي امكلثوم عدييييييييييييل كده ..
وإيه رأيك كمان دي حا تكون عميدة الفن السوداني ..
شفت روني بيعمل شنو فينا ...
اها بعد كده الشريط بيجيني في الرياض ولا ادور اجيك بي الكبري ؟؟؟

تخريمة :
يا احمد يا ساطور ياخ وين الحي بيك ؟؟؟
انا متابع للبت نهلة واذكر انها في فترة سافرت لألمانيا وعادت مرة اخرى للسودان وفي تلك الفترة ايضاً كانت مختفية ..
عموماً الف مبروك ليها والزي نهلة دي مفروض يكونوا حاظرين إسمها في المطار

عمر الفاروق .. وخدر يا حاقدين..
شوفو واسمعو الملف دهـ:

الله عليك يا تمبس يا رائع

بعد روني ومانشستر يونايتد والملف الخطير ده

عمر خلاص حاصرناهو تماماً


بالله يا عمر أسمع لهواك عافية المطر دي

مش عشان كلماتي أو تلحين فنانا العظيم الموصلي

بس اسمع الصوت وشوف الأداء

الله أكبر وعيني باردة

وما ح أقول أمبارح أنس العاقب قال عن شروق ايه

بس خلوا الألبوم يطلع بس

وما حا أقول كبار المنتجين العرب عاوزين يعملوا شنو

بس خلوها في سركم

تمبس يا رايق:
تعرف اجمل حاجة في الفيديو بتاعك ده هو الماتشنق Matching بين الستارة وتوب شروق بالجد حاجة مباااااااااااالغة ..
اضف إلى ذلك كلمات الأغنية واللحن والعزف ..
لكن اسوأ ما في هذا الفيديو كليب هو صوت واداء شروق وهذا والله للحقيقة ..
ارجو ان تتقبلوا نقدي اللازع ولكني صراحة مع كل صرخة لشروق في العالي اجد ان جلدة شعري قامت او بي الدارجي كده انضرست ....
يا دكتور معز دعنا نكون صريحين فعذرك الأول كان البروفة ولكن يبدو ان هذه الأغنية تؤدى بصورة تسجيل وواضح انها لشريط كاسيت وحقيقة الأغنية جميلة وحقيقي حقيقي لو اني اذني الموسيقية سليمة ( هنا اترك الرأي لي خدر) فإن هذه الأغنية وبكل صراحة انسب صوت يمكن ان يؤديها هي الفنانة ماجدة الرومي وحقيقي انتابني شعور ان هذه الأغنية لماجدة الرومي وتتغنى بها شروق ...
لكن اداء شروق للأغنية افقدها جمالها واضاع كل اللمحات الجمالية التي يمكن ان يضفيها صوت المغني على الأغنية فيظهر اللحن بطلعاته كما تفعل ماجدة الرومي في اغنية كلمات و اغنية ابحث عني واغنية طوق الياسمين وأخيراً أغنية اعتزلت الغرام ...
يبدو ان صوت شروق صوت محدود للغاية ومساحاته الغنائية ضيقة جداً وتعتمد كلياً على الساوند والتسجيل الرقمي ولكن لو اختبرنا شروق على المسامع دون المايك صدقني سيكون الاداء اضعف من ذلك بكثير..
اكرر دوماً انني لست من المختصين في هذا المجال وانا فقط مستمع عادي وبالتالي فرأيي ايضاً عادي ...

تخريمة :
يا تمبس جيت تكحلا عميتا ...
ارجى الراجيك مع خدر بالرغم من إنو كيتاً فيني حا يجي يقول ليكم لا كان كده الزولة دي غنااااااااااااااااااااااااية ...

غايتو يا عمر بااااااااااااااااااااااااالغت

لأنو المتخصصين في الأصوات قالوا غير كلامك ده

وعكسوا تماماً

وعملوا عمايل..

بالذات لما سمعوا الأغنية دي

كدي أشرب ليك كركدي بارد كدة واديها صنة شوية كده

ثم أعد الإستماع..


انت بس كلام تمبس حرقك ساكت..

وان شاء الله يا بركة الله خدر يعملها فيك

عارف يا أبو عمير

الأغنية دي أعز قصيدة عندي

ولو خيرت بين تغنيها ماجدة الرومي وشروق

لما ترددت في اختيار الأخيرة..

Quote: يا تمبس جيت تكحلا عميتا ...

Quote: ارجى الراجيك مع خدر بالرغم من إنو كيتاً فيني حا يجي يقول ليكم لا كان كده الزولة دي غنااااااااااااااااااااااااية ...

والله ياعمر ده بوست ممتع جدا كونو الناس العادية تجي تتفق مع الناس ا لما عادية على الناس الساكت
..
يلالا أقول ليك أنا كمتلقي عادي وعندي شوية مزيكا برضو عندي راي تاني..
انا ما سمعت شروق قبل كدا إلا في الفيديو دهـ .. وبالجد لما اللاقي لي فنان أو فنانة بتدوا بي عمل خاص ليهم .. أول حاجة ببيت حسن النية لانو معظم القامو ف يالدرب دهـ أول حاجة لازم يبدوها ليك بي ( انساك أنت أنت بتتنسي ) .. وما شابه ذلك ..
حتى الاصوات النسائية العندنا مكانك سر دي أول حاجة .. يعني الواحده تظهر فجاة كدا وتاني ما تسمع بيها إلا في ( بيت العدل ) ..
الحاجة التانية شروق دي في بداية المشوار .. وطالما بدت بالطريقة دي فمعناته أنو خطاته حتكون ثابته ( إذا استمرت بنفس الطريقة دي ) ـ بنجي لي مسالة الصوت والشغل التكنيك الصوتي .. وانا بعتقد لو ما ( خدر ) جا قدم عرض لي هنا أنو مساحته ممتازة .. تبقى المسالة بتاعت التمارين ومتابعة مخارج الحروف والتنفس السليم والحاجات الفنية دي .. ودي مسالة مقدور عليها ومع مرور الزمن بتظهر ملامح الاجتهاد.. وده طبعا بحتاج لي وقفة من أي متخصص بجانب شروق وطالما أنو في مبادرة من الموصلي وركز معاها على الجانب ده اكيد بتحصل الفايده..
ملاحظ معاي ( لسارة النور ) في نجوم الغد ؟؟ ملاحظ لمتابعة ( آمال النور ) ؟؟
الشي القاصد انو شروق متوفرة فيها المقومات الاساسية للصوت .. يعني مسالة الشتارة دي . ما واردة بالشكل البتقصدو لانو الشتارة في الصوت ما بتشبه الشتارة في التعبير الحركي .. يعني الاشتر ..اشتر لما يرقص وبيشتر معاهو حتى بتاع ( الطبلة ) كان عاين ليهو ساكت .. لكن الشتارة في الصوت دي معناته النشاز البطلعك بره اي حاجة وبيضرسك .. وطالما انك اتضرست في الحورف العالية لي شروق .. معناته أنت وصلت مرحلة العادية جدا وبقيت ( سمسم خدر )..

Quote: يبدو ان صوت شروق صوت محدود للغاية ومساحاته الغنائية ضيقة جداً وتعتمد كلياً على الساوند والتسجيل الرقمي ولكن لو اختبرنا شروق على المسامع دون المايك صدقني سيكون الاداء اضعف من ذلك بكثير..

كدي أنا الكلام دهـ بحولو لي خدر واشوف وجهة نظرو شنو .. تتذكر قبل كدا قال ليك شنو في ( ولد ابو صلاح ) لما غنا لي عثمان حسين .. ياريت خدر يورينا وجهة نظرو شنو ؟؟
واتمنى انو ما نستعجل بالحكم على شروق سواء كان سلبي أو إيجابي .. فقط ننتظر شوية ونشوف ونسمع عنها ونتابع ..

Quote: كما تفعل ماجدة الرومي في اغنية كلمات و اغنية ابحث عني واغنية طوق الياسمين وأخيراً أغنية اعتزلت الغرام ...

كدي حاول اسمع كلمات دي .. واشوف رايك شنو:

Quote: بالله يا عمر أسمع لهواك عافية المطر دي مش عشان كلماتي أو تلحين فنانا العظيم الموصلي

والله يا دكتور وما طالبني حليفة ومش عشان كاتب القصيدة انت وملحنها الموصلي لكن حقيقي الأغنية واللحن مكتملات تمااااااماً وبالجد ده الإستايل الحا يوصل الأغنية السودانية للقنوات العربية ...
بس موضوع برشم ده كدي انساهو

الحبيب الطبيب الاديب.. د. معز
تمبس الغالي..
وفنانا طارق ابو عبيدة
حضور انيق جداً في هذا البوست ذي الصاحب المتواضع.. وفعلاً امتعتمونا بالحوار الجميل الهادف.. والتحليل الرصين..
وجميل جداً ما يقوم به الاخ عمر الفارق من انتقادات، فهي تفتح نفاجاً للمزيد من النقاشات الثرة..

ساكون هنا.. للمتابعة فقط.. والاستمتاع

تمبس الحلو :
والله البوست ده بقا عامل زي المسلسل المصري يبدا هادئ وفجأة كده يسخن من الحلقة الخامسة

Quote: والله ياعمر ده بوست ممتع جدا كونو الناس العادية تجي تتفق مع الناس ا لما عادية على الناس الساكت

والله جننت الناس جن ووزعتهم زي المرارة

يلللا كفففف بسم الله نجي لي كلامك ..

Quote: الحاجة التانية شروق دي في بداية المشوار ..

إلا إذا كنت تقصد بداية المشوار في الظهور الرسمي للإعلام السوداني..
فحسب ما تكرم بتقديمه الدكتور معز فهي تكاد تكون خبيرة او خلينا نقول شغالة من بدري في المجال ده بالتالي مفروض تكون إتجاوزت حكاية التمارين دي وحكاية إنها يادوب في بداية المشوار فعمره الفني حسب ما تكرم به الدكتور فهو قبل اكثر من عشر سنوات وذلك بإفتراض انها مثلاً بدأت في العام 1996 وذلك لأن الدكتور اشار الى مشاركتها الرسمية في مهرجان دبي في العام 1998 يعني قبل 8 سنوات ..
فماذا فعلت شروق طيلة هذه ال8 سنوات ؟؟؟؟

Quote: وبالجد لما اللاقي لي فنان أو فنانة بتدوا بي عمل خاص ليهم .. أول حاجة ببيت حسن النية لانو معظم القامو ف يالدرب دهـ أول حاجة لازم يبدوها ليك بي ( انساك أنت أنت بتتنسي ) .. وما شابه ذلك ..

يبقا يا تمبس اكيد وقطع شك كانت شروق في هذه الثماني سنوات تتغنى بي (انساك انت انت بتتنسي) و بي ( الامان) ومعاهم (اسمعنا مرة ) ..
وليتك كنت سألت نفسك بطريقة اخرى ماذا كانت تغني شروق قبل ان يحتضنها الموصلي والمعز ويقدموا لها الأعمال والنصح ؟؟؟؟؟؟
هنا ربما سيختلف الوضع وتتغير الأقوال لتصبح ان شروق هي الفنانة الوحيدة التي وجدتها تخضع لعملية التوجيه من اجل تحسين الاداء و الإستقلال بالذات !!!!!
فهمتني يا قريبك في النقطة دي ؟؟

Quote: يعني مسالة الشتارة دي . ما واردة بالشكل البتقصدو لانو الشتارة في الصوت ما بتشبه الشتارة في التعبير الحركي

انا ما قلت شروق شترا بالعكس ماسكا زمن صاح على الأقل في هذا العمل اللحني المعقد وصدقني البيقدر يأدي لحن زي ده دون الشتارة فمعناها زمنو كويس لكن انا إتكلمت عن النشاز في الصوت والذي لم يأتي مرة أو إثنين حتى نقول انه صدفة او إرهاق في الاداء ولكن يا تمبس مع كل طلعة عالية الزولة دي بتفشل في إنها تتخارج من الحتة دي وفي النهاية زي ما بتلاحظ بدت لمن تجي الحتة بتاعت الطلعة بتحاول تغير النغمة للواطي عشان تريح الحبال الصوتية وتمرق من ورطة الشد دي ..

Quote: كدي أنا الكلام دهـ بحولو لي خدر واشوف وجهة نظرو شنو .. تتذكر قبل كدا قال ليك شنو في ( ولد ابو صلاح ) لما غنا لي عثمان حسين .. ياريت خدر يورينا وجهة نظرو شنو ؟؟

في ولد ابو صلاح خدر قال كلام متناقض ففي المرة الأولى اداني إحساس بي إنو الزول ده كامل الاداء وإنو انا الطشيت شديد أو ربما خدر جاهو إحساس إنو ما انا المفروض اعلق على اداء ود ابو صلاح لأنو في المداخلة اللي بعدها بدا خدر يذكر بعض عيوب ود ابو صلاح وإمكن قال نفس الحاجات الأنا قاصدها بس ربما إختلفنا في التعبير عليها ...
وبالمناسبة كلنا راجين خدر يورينا رايو في موضوع صوت البت ده والاداء للأغنية وما حا اكضب عليك إتكيفت من خدر شديد وهو يصارح الدكتور معز برأيه في موضوع شروق ده في وقت حقيقة تكثر فيه المجاملات بين الأعضاء خصوصاً عندما يكون المتداخل ومقدم العمل شخص في قامة دكتور معز (اكيد خدر ومعز فهموا قصدي شنو ) وصدقني ده اللي شجعني في مواصلة الحوار هنا والتحرر نوعاً ما في التنظير الذي ربما يكون (ساي) ...

Quote: واتمنى انو ما نستعجل بالحكم على شروق سواء كان سلبي أو إيجابي .. فقط ننتظر شوية ونشوف ونسمع عنها ونتابع ..

في كل مداخلاتي لم احكم على شروق كفنانة وهل ستستمر ام لا ولكن فقدت تكلمت عن الأغاني الإتقدمت هنا إضافة لموضوع عدم تدريج شروق في طريق الشهرة ولكن القفز بالزانة وبسرعة الصاروخ لولوج عالم الغناء في خارطة الغناء السوداني وخصوصاً النسائي منه ..

Quote: كدي حاول اسمع كلمات دي .. واشوف رايك شنو:

طبعاً يا تمبس انا اول مرة اشوف الحلقة دي واشوف اصلاً إنو شروق جات في النيل الأزرق لكن ما تتخيل اسة إتكيفت كيف إنو ياخ اضاني كويسة ..
لأنو بالجد البت شكلها متأثرة بي ماجدة الرومي وبتحاول بقدر الإمكان تضع بعض اللمسات الرومية في طريقة الاداء وإمكن ده السبب الخلاني اقول الأغنية بتاعت الدكتور كانت حقيقي تناسب ماجدة الرومي لتظهر بشكلها الافضل ..

تخريمة :
غايتو كان خدر خزلني وبقا معاكم فيا دكتور معز روني بتاع الساعة كم ؟؟؟ دي مارادونا عديييييييييييييييييل كده

العزيز جدا صديقي نشأت الإمام
تحيات بالكوم .. ومشتاقين
د. معز .. متابع معاك وخليك هنا لانو البوست دهـ محتاج ليك شديد
..
عمــــر .. طبعا حرقت لي( الاندومي ) .. وانا زايغ من مشروع تسخين ( الفا، صول، لا ) زي ما عارف لسه ما تأهلنا للدوري الممتاز ( لسه بنلعب في الليق ..الله يهديك بس
..

Quote: إلا إذا كنت تقصد بداية المشوار في الظهور الرسمي للإعلام السوداني..

Quote: مفروض تكون إتجاوزت حكاية التمارين دي وحكاية إنها يادوب في بداية المشوار فعمره الفني حسب ما تكرم به الدكتور فهو قبل اكثر من عشر سنوات

بي صراحة انا الحته دي ما قريته والله .. انا كنت مركز على انها أول مرة تظهر في الوسط دهـ على اساس أنو العمل في الكاسيت دهـ أول مرة يقدمه للمستمعين .. حتى وإن كان دي ما مشكلة كبيرة للتقيم .. لانو الكتير من الفنانين المتمكنين وخبرتهم بالسنين في المجال دهـ والواحد فيهم لما يقول الحرف بي صوتو .. بيضربو زي ما جابو الخواجة في البيانو .. برضو بنحترمهم في عمل وفي عمل تاني بيكونو زي ( الو ا ط هـ ) .. وما زلت انا منحاز لي شروق وفي انتظار اني اسمع العمل مكتمل ويا حبذا لو كان باوركسترا كاملة ومصر برضو على انو حكاية الصوت دي يمكن معالجته بشكل اكاديمي بالاضافة لي الملكة الفطرية العندهــا..

Quote: وليتك كنت سألت نفسك بطريقة اخرى ماذا كانت تغني شروق قبل ان يحتضنها الموصلي والمعز ويقدموا لها الأعمال والنصح ؟؟؟؟؟؟

كويس ..
أنا هنا بركز على حاجة معينة طالما أنو شروق بدت بداياته دي زي ما ذكرت قبل كم سنة وكانت هي بعيدة جغرافيا عن السودان وعن الوسط الفني ولونية الغناء السوداني اكيد بتكون اتاثرت بعوامل كتيرة محيطة بيها وزي ما ملاحظ اللونية الخليجية الامتازت بيهاأو السمة المميزة ليها في طريقة الاداء في نموذج ( كلمات ) وفي نموذج تاني لعبد الرب ادريس ( ليلة عمر ) ماتسرح ما عمر أنتراجع الملف المرفق ..
يعني نحن نحاول نمسك من هنا من خلال التجربة دي واظنك اتفقت معانا أنو اللونية دي ممكن تعكس جانب تاني من طريقة الغناء . وممكن برضو تلقى قبول عند المتلقى الغير سوداني زي ما عملت ( اسرار بابكر ) قبل كدا .. تبقى في نقطة مهمة مسالة أنو تتنقل من مساحة الغناء بي السباعي والمفردة .. لي الخماسي بتاعنا ( العادي ) .. وما تجي تمسك لي في الخماسي والسباعي دي تقوم تفتكرني الماحي سليمان .. خليها تمر مرور عادي ..
اها قلنا النقلة النوعية من مكان لي مكان .. وتوظيف الصوت زي ما عملت في اغنية ( عيش معاي الحب ) في نفس الحلقة .. شي ما ساهل يعني التعود والانتقال او الجميع بين اللونيتين بصرف النظر عن إجادة ياتو واحده فيهم اكتر من التانية. فهمتني؟

Quote: لكن انا إتكلمت عن النشاز في الصوت والذي لم يأتي مرة أو إثنين حتى نقول انه صدفة او إرهاق في الاداء ولكن يا تمبس مع كل طلعة عالية الزولة دي بتفشل في إنها تتخارج من الحتة دي وفي النهاية زي ما بتلاحظ بدت لمن تجي الحتة بتاعت الطلعة بتحاول تغير النغمة للواطي عشان تريح الحبال الصوتية وتمرق من ورطة الشد دي ..

طيب كدا وقعت لي يا عمر في نفس المكان القلتو قبيل .. عن أنو المسالة محتاجة لي شوية تكنيك في التعامل مع امكانياته الصوتية وبالذات مسالة أنها كيف تتنفس وكيف تقيف في المكان المفترض تقيف فيهو وكيف ما تورط نفسها زي ما قلت في مكان ما مفترض تدخل ليهو .. وهنا دي المرحلة القلنا انها عايزه فيها توجيه ومساعدة طالما انو مافي ( نشاز ) وطالما انها ما بتضرب ليها حاجة بره السلم المكتوب فيهو الكلام والموسيقى وبيحكمه فيهو التوزيع..

Quote: بدا خدر يذكر بعض عيوب ود ابو صلاح وإمكن قال نفس الحاجات الأنا قاصدها بس ربما إختلفنا في التعبير عليها ...

يا عمــر.. ياخي نحن الناس ( الجرباندية ) ممكن نحس الحاجة فعلا بالطريقة العادية وبتكون بتلاقى ليها حاجة مقابلاها اكاديميا منا قادرين نعبر عنها بالطريقة السليمة بعداك بنقوم نركز فيها شديد .. زي ( الترزية ) الظهرو في الفترة الفاتت الواحد يكون جايب ليهو بتاع اورغ وعامل ازعاج وفوضى وزلزال شديد جدا .. يدخل في مكان كدا يجيب ليك صوت قاطعو من راسو .. تسالو ده شنو .. يقول ليك .. عايز ( اهـــرمن ) يا يقول ليك دي بسموها ( هرمـــنة ) يكون سمع الهادي حامد مثلا أو محمد البدري بيعمل الحاجة دي وهو في قمة الوعي بي احساس كامل .. وبي اكاديمية عالية وصوت ( مصغول ومدرب ) يعني لما يضرب الهارموني بيتطابق مع نفس امكانيات الالات المصاحبة والتوزيع .. وما بيزوغ لي أي مكان تاني .. انا بالمناسبة عجبني كلام خدر المرة الفاتت لما اشتغله معاك نوته وقال ليك ود ابوصلاح قدم العمل في سلم عثمان حسين السابق لما كان في عز نضارة صوتو ووضح لينا أنو امكانية محمد ابوصلاح ما بتاهلو أنو يعمل الحاجة دي مقارنة بي صوت عثمان حسين في الوكت داك .. وفي نفس الوكت احتفظ لي محمد بكامل حقو الصوتي في انو صوت متمكن ويرجى منو الكتير ..دهـ الخلاني اشير لي كلام خدر.

Quote: وبالمناسبة كلنا راجين خدر يورينا رايو في موضوع صوت البت ده والاداء للأغنية وما حا اكضب عليك إتكيفت من خدر شديد وهو يصارح الدكتور معز برأيه في موضوع شروق ده في وقت حقيقة تكثر فيه المجاملات بين الأعضاء خصوصاً عندما يكون المتداخل ومقدم العمل شخص في قامة دكتور معز (اكيد خدر ومعز فهموا قصدي شنو ) وصدقني ده اللي شجعني في مواصلة الحوار هنا والتحرر نوعاً ما في التنظير الذي ربما يكون (ساي) ...

انا برضو والله في انتظار خدر يوقع لينا الكلام دهـ ، ومن جهة تانية أنا عايز واحد فيكم الاتنين عايز اعرف العادي فيكم منو هنا الليلة

Quote: في كل مداخلاتي لم احكم على شروق كفنانة وهل ستستمر ام لا ولكن فقدت تكلمت عن الأغاني الإتقدمت هنا إضافة لموضوع عدم تدريج شروق في طريق الشهرة ولكن القفز بالزانة وبسرعة الصاروخ لولوج عالم الغناء في خارطة الغناء السوداني وخصوصاً النسائي منه ..

تمام يا عمر وقعت لي وجهة نظرك .. واضيف برضو أنو عقد المقارنات لسه ما بنقدر عليهو .. نستمع ليهاوننتظر .. والالبوم مليان خاصة وأنو اتعامل معاها كتاب كتار يستحقون أنو نستمع ليهم الكتيابي ، مدني النخلي والكوباني بالاضافة لي عمل د. معز عنوان الالبوم..

Quote: طبعاً يا تمبس انا اول مرة اشوف الحلقة دي واشوف اصلاً إنو شروق جات في النيل الأزرق لكن ما تتخيل اسة إتكيفت كيف إنو ياخ اضاني كويسة

تعرف انا كان ممكن اتغاتت عليك واعمل ميت بي الملف بتاع كلمات البيظهر تأثره بي ماجدة الرومي لكن قلت ياود خليهو يمتعني شوية
..

Quote: غايتو كان خدر خزلني وبقا معاكم فيا دكتور معز روني بتاع الساعة كم ؟؟؟ دي مارادونا عديييييييييييييييييل كده

غايتو كان عايز كلامي .. شجع ( الصفر ) من حسع دي خدر ما ح يبرد بطنك

الغالي تمبس

وحبيبنا عمر

كان تعليق الدكتور الماحي سليمان على صوت شروق انو صوت في غاية الجمال وبه أبعاد رهيبة

هذا ما ذكره لي بالنص

وبعد الضجة التي أحدثها أداء شروق اتصلت بأنس العاقب وسألته عن رأيه في صوتها فقال أنه لم يسمعه ووعدني بالذهاب لقناة النيل الأزرق والإستماع لصوتها من نفس هذا التسجيل الذي لم يعجب عمر

ومساء أمس (صباح اليوم) تحدثت مع الدكتور أنس العاقب فذكر لي بالنص الآتي:

إنت عارفني يا دكتور ما بجامل في الحاجات دي على الإطلاق

وأنا ذهلت بصوت شروق وحقيقة به إمكانيات هائلة

وح أقوم على كده أعيد توزيع أغنية مع الأيام

(وهي أغنية من كلماتي وتلحين أنس العاقب) لتلائم صوت شروق وسأقوم بتسجيلها وارسالها لكم بالـ DHL

ده كلام ناس متخصصين صوت

وده برضو رأي حمزة سليمان الذي يشرف على انتاج الألبوم بتاعها

ورأي د. كوباني..

أما العملاق محجوب شريف فعندما استمع لها في زيارته للبحرين قبل أيام أعجب بصوتها وأدائها أيما إعجاب ووعدها بقصيدة خاصة لها من كلماته

ومن قبل أتت الإشادة بصوتها الجميل من شاعرنا الكبير عبد القادر الكتيابي والذي منحها أكثر من أغنية

وكذلك من الرائع مدني النخلي الذي اتصل بي من السودان بعد أن استمع إليها في النيل الأزرق


والقائمة تطول..

ده طبعاً كلو كوم ورأي أستاذنا وحبيبنا الموصلي كوم تاني

الصديقان تمبس و عمر الفاروق نقاش كليكما مشروع وجيد وكل منكما له الحق في ابداء وجهة نظره بناء علي مثلنا السائر (يغني المغني وكل على هواه) وحقيقة الامر أدهشتني الرؤي الواضحة لعمر الفاروق وقدرته علي ان يبني نقده علي اساس سمعي جيد كما أدهشتني دفوعات تمبس التي تقرأ ليس الحاضر فحسب ولكن المستقبل علي الاخص ويبدو أن تمبس من حزب (الموصلي) قرأءة الفنان علي مدي زمني أوسع فمن منا نحن الفنانون لم يخطئ في الاداء ؟؟
ظروف كثرة قد تجعل الفنان في لحظةما غير قادر علي أداء تعبير فني محدد وقد حدث ذلك لي كثيرا في حفلات وتسجيلات خاصه خصوصا عندما أغيب من الغناء لفترة أو عندما أكون نفسيا غير مرتاح أو عندما أكون مرهقا ولكن بالنسبة لشروق فلننظر ماذا تغني فهي تتغني باغنيات شديدة الصعوبة ولكنها عميقة الاثر وفي هذا تحد كبير ستقدر عليه بمرور الايام وينضح ذلك الصوت بعطر من الجمال بالتركيز علي التمرين والممارسة.

ابو التا :
تعرف يا تمبس غايتو انا وانت شغالين ننظّر ساااااااااااااي الخوف يجي واحد ناقش علم موسيقى ويطلعنا انا وانت ضاربين برة التختة
لكن والله سودانيز اون لاين ده جميل ياخ ..
ما تتخيل انا اسة مستمتع بالنقاش معاك كيف هنا ..
تعرف يا مان يعني لو لاقيتك عدييييل وبراك عارف المسافة بيناتنا فركة رجل لكن صدقني ما حا اكون مستمتع قدر ده وحتى لو لاقيتك اصلو ما حا افتح معاك الموضوع ده ..

Quote: عمــــر .. طبعا حرقت لي( الاندومي ) .. وانا زايغ من مشروع تسخين ( الفا، صول، لا )

انت يا زول اتنازلت عن مشروعنا الحضاري برنجلز والجبنة والطحنية خصوصاً وإنك زول قريب من بندة !!!

اها نرجع للدواس والتنظير وعمر الفاروق مركب مكنة محمد عبد الوهاب ...
انا المرة دي يا تمبس حا اجيك بي نظرية كش من ورا ..وحا ابدا من اخر حاجة انت كتبتها ..
حا ابدا من اخر فيديو وضعته لي ششروق ..
اها يا تمبس بالجد جد هنا البت دي اقنعتني بي إنها غناية ولاحظ حا اقول ليك غناية لكن ما حا اقول ليك اقنعتني بي إمكانياتها الصوتية ..
بالجد البت دي هنا ابدعت في اداء الأغنية بصورة يحسدها عليها الموسيقار عبد الرب إدريس نفسه ولكن كدي تعال كده وبي رواقة وتنظير نعرف ليه البت دي اجادت الأغنية دي كده ..
وهنا يا مان ما تعصر علي شديد لأنو انا حا ابني كلامي على الحاسة السادسة مع ربط بعض المعلومات من كلام دكتور معز واضيف ليهم وجهة نظري الخاصة ..
دكتور معز ذكر في السيرة الفنية لي شروق انها شاركت في برنامج نجم الخليج ووصلت للدور قبل النهائي كويس معاك ..
يبقا قطع شك يا تمبس حا تكون معظم المشاركات إن لم تكن كلها التي تغنت بها شروق كانت اغاني خليجية واكاد اجزم ان هذه الأغنية ستكون واحدة من الاعمال التي قدمتها شروق في المسابقة وهنا انا حا اقول كلام حا يكون في صالحك ( والله كنت داير اتغاتت زيك وما اقولو ) وهو إنو شروق شكلها اتمرنت على الأغنية دي كتير وخصوصا وانك عارف كيف في برامج المسابقات العربية دي الموسيقيين واصحاب الاختصاص بيتعبوا شديد مع المتسابقين لحدي ما يوصلوهم مرحلة إجادة الأغنية (شايف قبضتني بي حكاية التمارين مش ؟ ) لذا اتوقع إنو شروق تمرست على اداء هذه الأغنية كثيراً ..
نقطة مهمة تانية يا تمبس وهو إقامة شروق في الخليج مما يعني تأثر لهجتها كثيراً بالغناء الخليجي بل وربما لو سألنا شروق لقالت ان فنانها المفضل سيكون محمد عبده او ابوبكر سالم هذا ان لم تكن انقادت مع الموضة وقالت شمس او نانسي عجرم اللبنانية ..
شروق إذن تعاني حتى الان عدم القدرة على التحول السريع بين الغناء الخليجي والسوداني او زي ما قلت انت موضوع السلالم ده ..
وتأكيداً لي كلامي لاحظ كيف يؤدي معتز صباحي نفس هذه الأغنية ..ستجده الاداء قمة في الروعة ربما تفوق فيه على شروق نفسها وهنا نرجع لإستقرار معتز بالسعودية بالرغم من ان معتز يحسب له انه حتى في السعودية كان كثير التأثر بالغناء السوداني لذا سريعاً ما تأقلم مع سلمنا ...
ولاحظ العكس لمن فنان سوداني يحاول يغني اغنية عربية او خليجية لاحظ كيف بيكون الاداء ضعيف حتى ولو اعتمد على النوتة الموسيقية ودونك اداء وليد زاكي الدين لأغنية زيديني عشقاً والتي في كثير من الاحيان ينسى نفسه فيغنيها بي الإستايل السوداني...
نوعاً ما تجيد امال النور الغناء لسيدة الغناء العربي (فيروز) وانا اقول فيروز لأنها تستحق هذا اللقب ايضاً وإن كنا نعيب على امال النور إنخفاض روعة الاداء في اخر تسجيل قامت به مع السمندل فلم تكن تلك امال النور التي كانت تغني عصفور طل من الشباك و خبيني جمبك خبيني ..وايضاً محاولات منال بدر الدين ونهلة عبد المنعم في حين كان الفشل زريعاً لسمية حسن في ابوريت الحلم العربي !!!!!
اما رجالياً فحدث ولا حرج فقط تغنينا بالاغاني الخفيفة توأم روحي وسفر سفر سفر وحتى ود اللمين لم يكن بتلك الروعة التي وصفها به الناس فاقنعوا انفسهم بأنه تغنى بها افضل من اسيادها في تحيز اعمى واااضح ...
ربما صغت هذا الحديث يا تمبس فقط لتوضيح ان انتقال شروق من العمل الخليجي للسوداني شبيه بمحاولة غناء الفنان السوداني للحن الخليجي حيث يكون فيه صعوبة ...
ومشكلة شروق انها تحاول ان تبدأ من حيث انتهى الاخرون فبدأت بداية من العيار الثقيل وتعاملت مع شعراء كبار وملحنين عظام وربما يكون هذا سلاح ذو حدين فإما ان يطير بها للنجومية المطلقة أو يهوي بها إلى قاع القاع ...
بالرغم من اننا كنا نعيب على فرفور غناء الجلابية واللبن ابو لي بي إلا ان فرفور ساق الناس بسيييييتة بسييييييييتة ولاحظ اين فرفور الان وماذا اصبح يغني ..الزيارة المهرجان ليالي المقرن ....
واخيراً وصل فرفور ....

Quote: زي ما عملت ( اسرار بابكر ) قبل كدا ..

اها يا تمبس اسة وين اسرار بابكر؟؟؟؟؟؟؟؟؟؟؟؟
اسرار والله صوت ما فيهو اييييييي كلام لكن صدقني برضو ما درجت روحا وفجأة كده بدت تقدم اعمال خاصة بيها في محاولة لخلع العباءة التي تعود بها عليها الجمهور دون ان تختار الوقت المناسب فبدت اسهمها في الإنخفاض وبي صراحة كده مجاهد زاتو حش الفكرة شديد وبقا بينظر للبت دي كتير
عموماً نبشر دكتور معز إنو تمبس ماشي كويس وغايتو لحدي بالليل كدي بيكون جاب راسي والشافني المداخلة الجاية كتبت لي عمر الفاروق اشاكلو مااااااااا كضب

ودالفاروق
هاك المقطع ده من عمود الاستاذ كمال طه

Quote: بدت الفنانة شروق وهي من اسرة مريخابية والدها الاستاذ احمد ابوالناس اكثر اناقة ومظهرا خلال استضافتها مرتديا ثوبا سودانيا اقرب لشعار المريخ00 والخرطوم بلاشك علي موعد مع فنانة جامعية مثقفة وسيكون لها مكان متقدم في الساحة الفنية بالوطن بعد العودة الطوعية او في اجازة سنوية

اها كيف غناية ولا لأ؟

يادكتور معز..
الظاهر لي بعد كدهـ مافي كـــلام..
أنــا عمر دهـ بقدر ليك عليهو
..
راكـــوبة

Quote: اسرة مريخابية

..اهــا شفت زي الكلام دهـ بخلينا طوالي نسمع شعبان عبد الرحيم
..
عمـــر..

Quote: تعرف يا تمبس غايتو انا وانت شغالين ننظّر ساااااااااااااي الخوف يجي واحد ناقش علم موسيقى ويطلعنا انا وانت ضاربين برة التختة لكن والله سودانيز اون لاين ده جميل ياخ ..

يازول انا عارف أننا قاعدين ( نهرمـــن ) ( هـــرمنت ) ترزية زي القلتها ليك قبيل وعادي جدا ممكن حسع يجيك اي واحد يجرك من اضانك .. ويجرني من لياقة الفنله الـ ( لاكوست ) دي ويقول لينا امشو شوفو ليكم كورة تلعبوها .. لكن عادي يازول ( سودانيز أون لاين وطن ما لا وطن لــه)
تعرف:
في المتوسطة.. لما قصر الشباب كان بي خيرو .. مشيت أنا ومعاي اتنين اصحابي ـ قال الأولاد عندهم حس موسيقي وعايزين نطلع مزيكاتيــه .. لما وصلنا النافورة الجوانية قامت نادتني الجينات الوراثية .. عندي ( جدي ) لحدي ما اتوفى كان مركب مكنة أنو اقطاعي ومن ( طبقة النبلاء ) قمت غيرت رائي فجأة وقلت ليهم أنا ماشي اسجل في ( تنس الطاولة ) وبيني بينك أنا كنت واثق تماما أنو كان نحن التلاتة كدا كامل اهليتنا فينا عرق من ( شوبان ) ما ح يسجلونــا في قسم الموسيقى لو نقطنا النوته دي .. وبيني بينك انا ما قلت ليهم الحقيقة دي وكان في شوية دغاله مني لانو القسم دهـ بالذات الوكت داك مافي طريقة ليهو نهائي ..
المهم مشيت انا معزز مكرم .. واصحابي الاتنين كانو محظوظين وعملو ليهم الاختبار الاولي بتاع تحديد انو عندك حاجة والا زول عادي .. بعد شوية الاستاذ بدون ذكر للاسماء مسكم الاتنين ووقف بيهم من بلكونة الطابق الخامس قال ليهم شايفين هنااااك النجيلة ديك ... في زول بيعلم الكراتية امشو قولو ليهو مرسلني ليكم استاذ فـــلان
..
اهــا نواصل ..

Quote: اها يا تمبس بالجد جد هنا البت دي اقنعتني بي إنها غناية ولاحظ حا اقول ليك غناية لكن ما حا اقول ليك اقنعتني بي إمكانياتها الصوتية .. بالجد البت دي هنا ابدعت في اداء الأغنية بصورة يحسدها عليها الموسيقار عبد الرب إدريس نفسه

..
طيب ياعمر طالما هي وصلتك المرحلة دي فده معناتو انها قدرت تطلعنا من مرحلة انها نشاز لي مجيدة لي النوع دهـ تحديدا ( الشرقي ) عملية صعبة جدا والاصعب منو زي ما ذكرت اننا نجيدو على حسب مرجعيتنا العامية أو تعاملنا بالطريقة السودانية البعتقد الكتيرين عدم فهمهم ليها.. طبعا شروق اجادت المسالة دي لانها ربما تاثرت بالبيئة المحيطة واستمدت منها طريقة مخارج الحروف من خلال المتابعة أو ( الهرجة ) الخليجية .. ولو متذكر في مداخله ( بوست ست الريد) قلت ليك علاقة الفنان بالبيئة دائما هي البتشكلو .. وجبت ليك سيرة ( المندلين ) وأنو كيف الجماعة هناك ما بقتنعو بيك اصلووو لو ما شافوهو بي عينهم .. احتمال احساس شروق بالبيئة المحيطة بيها هو الخلاها من وجهة نظرك انها ابدعت .. لكن برضو تاني نرجع لي انو قادره تماما أنها تحجز ليها مكان مميز وسط الاغنية السودانية .. وبي اتفاق الكثير من الذكرهم د. معز من المتخصصين في علم الموسيقى..

Quote: وهنا يا مان ما تعصر علي شديد لأنو انا حا ابني كلامي على الحاسة السادسة

والله ياعمر مافي طريقة ياخ .. أنت الليلة ( حرقت ) لي كيسين اندومي ..

Quote: معظم المشاركات إن لم تكن كلها التي تغنت بها شروق كانت اغاني خليجية

Quote: وانك عارف كيف في برامج المسابقات العربية دي الموسيقيين واصحاب الاختصاص بيتعبوا شديد مع المتسابقين لحدي ما يوصلوهم مرحلة إجادة الأغنية (شايف قبضتني بي حكاية التمارين مش ؟ )

Quote: لذا اتوقع إنو شروق تمرست على اداء هذه الأغنية كثيراً ..

. ايوة كـــدا ..

Quote: شروق إذن تعاني حتى الان عدم القدرة على التحول السريع بين الغناء الخليجي والسوداني او زي ما قلت انت موضوع السلالم ده .. وتأكيداً لي كلامي لاحظ كيف يؤدي معتز صباحي نفس هذه الأغنية

..
تعرف كنت بتمنى أنو اسمعك أغنية ( عيش معاي الحب ) وبرضو كان الاداء قمة في الروعة أو ما بتحس فيهو بالنفس الخليجي خالص .. ( دهـ طبعا لو كنت بتثق في كلامي ). واتفق معاك أنو معتز برضو غناها بطريقة جميلة جدا لكن لاحظ الفرق بين أنو معتز ( سودنــة ) بي احساسو .. وشروق اشتغلته زي ما هي .. يعني هنا في فرق محسوب على معتز في صالح شروق إذا قام اداها مثلا في ( دبي ، ياخميس مشيط ) ممكن واحد عاادي يقول ( وش فيهو الزول ) بينما العكس ممكن يتقبلوها من شروق .. وبي نفس الطريقة ممكن كان غناها معتز في نادي البياطرة ناس ( عابدين واسامة أبو الروس ) يصفقو ليهو شهر لي قدام .. وبرضو كان ادته شروق في نفس المكان برضو بتلاقي نفس الاستحسان دهـ.
أما تجربة محمد الأمين في الدوحة في ( ياناعم العود ) لطلال مداح فدي اثبتت نجاحه مية المية أنت ما سمعت الناس دي كانت بتصفق قدر شنو وقربو يكسرو ليهو المسرح؟؟ انا في بورد عكس الريح ضربت مثل تاني بي حنان النيل في أغنية خليجية من التراث اسمها ( شويخ من أرض مكناس ) سمعتها عند بحريني اسمو على الجميري برضو كان مع سمية حسن في الحلم العربي .. وبرضو حنان ادته بي حرفنة شديدة مع مصاحبة اوركسترا السمندل وبرضو ادهشت فيها الجمهور شديد.. تجربة وليد زاكي الدين للاسف ما سمعتها والله .. المرحوم سيد خليفة كان عندو تجربة في أحدى المهرجانات العربية تغني بمصاحبة فرقة موسيقية شرقية كاملة بقيادة الموسيقار ( هادي بقدونس ) برضو كان الاداء اكتر من مشرف .. تجربة اسرار بابكر برضو .. وبعديها طبعا اختفت كعادة كل من يظهر في الساحة .. اما آمال النور دي حاجة تانية يا عمـــر والكلام عنها بيحتاج لي زول متخصص ما زينا نحن الناس الساكت ديل .. ومنال بدرالدين برضو يحليله.. نهلة عبد المنعم عرضت ليها اكتر من عمل هنا وكان شاهدج على انها محطة لابد من الوقوف عندهــا .. لكن ظروف هجرتها ابعدته كتير من الساحة .. سمية حسن .. بالرغم من اكاديميته العالية جدا ونجاحه في الوسط السوداني إلا أنو برضو كانت جيده بعض الشي في الحلم العربي والشي الجميل أنها مثلتنا بالتوب السوداني الغايب ليهو فترة في المحافل العربية والعالمية..

Quote: غناء الفنان السوداني للحن الخليجي حيث يكون فيه صعوبة ...

صدقني ياعمر انا متأكد أنو ح تقدر .. ويا مستطاب سمعتها عند الاستاذ الموصلي .. وهي كلمات الاستاذ الكتيابي .. ومنتظر اسمعه عندها ح يكون شكلها كيف وده المحك الحقيقي
..
غايتو ياعمر لحدي الآن انا مصر على أنو اسرار بابكر بخير بس يظهر انها مشغولة بي اشياء تانية ومتأكد انها لما تظهر بي نفس اللونية العودت بيها الناس ح تكون اكتر ثبات .. وبرضو ده بينطبق على شروق .. وبتمنى أنو الاتنين يقدمونا بشكل افضل واسرار عملته قبل كدا .. وشروق في نفس السكة .. ربنا يوفقــه وتثبت..

Quote: عموماً نبشر دكتور معز إنو تمبس ماشي كويس وغايتو لحدي بالليل كدي بيكون جاب راسي والشافني المداخلة الجاية كتبت لي عمر الفاروق اشاكلو مااااااااا كضب

قلت ليك انا خايف يجي ( بشاشه ) يطلع لينا ( الهرمنه ) دي كلها كلام ساي
امسك دهـ الكود .. وخلينا نمشي نشوف اشغالنا

Save@Pc

تمبس:
كدي بي تحت تحت كده خت لي اللينك حق الحفظ لي اغنية ليلة عمر دي وبالله اعمل فيها ما شايفني وانا بطلب الطلب ده سمح ؟؟؟
طيب انتو من قبيل ما تجيبو لينا الزي ده

يا دكتور معز وتمبس الحقو راكوبة ده ..

Quote: اها كيف غناية ولا لأ؟

شوفو انا بعد خلاااااااااااااص قربت اقتنع ليكم بي شروق اها قام جا راكوبة اداكم الضربة القاضية والبت طلعت مريخابية !!!!!!!!!!
فعندكم واحد من إتنين يا دكتور وتمبس:
1- تمرقوا راكوبة من البوست ده سريع على ان يقدم إعتذار واااااااضح وصريح وينفي مريخية البت

أو ..

2- بعد كده انا حا اخرمج وابدا من نقطة الصفر

اها الكورة في ملعبكم !!!!!
تخريمة :
اسة عليك الله في ذمتك كان شروق دي مريخابية يا راكوبة اها عاد علوية باروكة تكون شنو ؟؟؟

ودالفاروق الرشاشة

Quote: اسة عليك الله في ذمتك كان شروق دي مريخابية يا راكوبة اها عاد علوية باروكة تكون شنو ؟؟؟

غايتو المطربة "شروق" اتأكدنا منها، الكلام في (علوية باروكة" ياربي تكون شنو؟!

الدكتور معز :
والله ختيتني في حتة بيخاااااااااااااااااااااااااا
يعني اللستة الكتبتها دي والله لو قالت اماني تايوتا فنانة كبيرة ومطربة جماهيرية معناها كلامهم ببقا صاح فما بالك لمن يقولوهو عن شروق؟؟؟؟
هنيئاً لشروق هذه القلائد والوشائح والشهادات من العمالقة ولكن لابد ان تهتم شروق ايضاً بي ناس قريعتي راحت من شاكلة عمر الفاروق وان تضع كلامهم في عين الإعتبار..
نرجو ان لا تتوقع شروق بأن الطريق مفروش بالورود حتى في وجود هؤلاء العملاقة فالطريق امامها وعر ...
لا نود تكسير مجاديفها بقدر ما نود ان تطور الأداء للافضل ونتمنى ان نسمع شروق في القنوات الفضائية العربية ..
تخريمة :
الأغنية يا دكتور معز بمزيد من الإجتهاد يمكن ان يتم وضع كليب لها ينافس في الشاشات العربية فالكلمة واللحن تؤهل لذلك وبمزيد من الإجتهاد والتمارين تضيف لها شروق اللمسة الأخيرة ...

ويا راكوبة الزولة دي هلالابيييييييييييييييييييييية وكان ما مصدقني اسأل عوضية عزاب

ده كلام عظيم يا أبو عمير

لكن كدي قول لي

انت كيف بتشجع الهلال الأزرق

وبتشجع كمان الشياطين الحمر بتاعين أولدترافورد؟؟؟

طيب ما تقول كده من الصباح



انو لبس شروق الأحمر في أحمر والستارة الحمرا قومت ليك الزار ..


بعدين حاجة مهمة جداً

أغنية لهواك عافية المطر ناقصة أروع مقطع فيها وهو الأخير

وين وديتو يا تمبس؟؟

Quote: أغنية لهواك عافية المطر ناقصة أروع مقطع فيها وهو الأخير وين وديتو يا تمبس؟؟

ده التسجيل يا بروف زي ما جا في النيل الازرق

يا تمبس أنا عندي مسجلة كاملة من قناة النيل الأزرق

و برضو كانت كاملة في الإعادة في المرتين

لازم حصل شي في التسجيل

دكتور معز
في التسجيل العندي ، آخر شي برضو
"لحجبت وجه النار عنك باضلعى
و حملت عنك الوجد وعدا صادقا
لست أكتمك الخبر
"

راكوبة

Quote: دكتور معز في التسجيل العندي ، آخر شي برضو "لحجبت وجه النار عنك باضلعى و حملت عنك الوجد وعدا صادقا لست أكتمك الخبر

كده صاح يا راكوبة

لكن في ملف تمبس بتنتهي قبل كدة

طيب ما تنزلها لينا من عندك؟

راكوبة

Quote: يابروف كدي اسمع الملف ده (صوت بس)! Save @ PC

حبيبنا الغالي راكوبة
أيوة كدة يا سيدي

في الملف ده الأغنية مكتملة

لكن كنا عاوزنها صورة وصوت..

Quote: يا تمبس أنا عندي مسجلة كاملة من قناة النيل الأزرق

والله يا بروف دي زي ما سجلتها من التلفزيون
احتمال أنو يكون حصل ليها حاجة في التحميل .. احتمال وارد برضو..
المشكلة أنو الملف الرئيسي في جهاز تاني .. في مدينة تانية وانا ما بقدر اتحصل عليهو
حاول شوف الملف العندك وإذا في طريقة تحملو من جديد يكون كويس

ادهشنى جدا صوت شروق...







همسة صغيرة ....

استمعى و تمرنى كثيرا على الغناء السودانى ...

امنيات بمزيد من التوفيق..

الحبايب

ســـــــــلام

أه رايي بينفع ؟؟

أنا متخصص صوت ومعادل شهادتى فى هولندا!!

عبدالعزيز خطاب

عبدالعزيز خطاب

Quote: الحبايب ســـــــــلام أه رايي بينفع ؟؟ أنا متخصص صوت ومعادل شهادتى فى هولندا!!

انت يا عزو بالتحديد
رايك في غاية الأهمية

ودي عايزة كلام

ولاّ انت محتاج استئذان!!

وبما انك متخصص صوت فحيصلك الألبوم فور طلوعه

وعد مني ان شاء الله أول ما تجيني نسخ منو

بس رسل لي العنوان على الخاص هنا أو هناك

وبعدين حنكون منتظرين منك رأي متكامل ودراسة في العمل


كل الحب والإحترام

Quote: الدكتور معز : والله ختيتني في حتة بيخاااااااااااااااااااااااااا يعني اللستة الكتبتها دي والله لو قالت اماني تايوتا فنانة كبيرة ومطربة جماهيرية معناها كلامهم ببقا صاح فما بالك لمن يقولوهو عن شروق؟؟؟؟

يا وهم
كلامكـ ده ما صاح غايتو عندنا في المزيكه
لو عندكـ رائ مخالف لي استاذكـ تقولو طوالي
و تحكها معاهو لمن تجيب الدم
بالمناسبه الاساتذه اعلاه كلللللللللللللللهم درسوني
استاذنا الماحي درسني دراسات شرقيه + صاحبي و بريدو جدا
واستاذ العاقب درسني هارموني
لكن عندي رائ بقولو حتي لو كان مخالف ليهم


الوكت إتأخر اسه .. برجع ليكـ باكر
عوضيه عذاب !! يا هابط











د: معز و تمبس و عمر
اعتذر عن تأخري .. والله المشغوليه كتيره
يادوب الليله انتبهت لي البوست .. و علي وعد ..
غدا بتحليل و رائ في ( الامر الذي فيهو تستفتون )

سلام يا اصدقاء

Quote: انت يا عزو بالتحديد رايك في غاية الأهمية ودي عايزة كلام ولاّ انت محتاج استئذان!! وبما انك متخصص صوت فحيصلك الألبوم فور طلوعه وعد مني ان شاء الله أول ما تجيني نسخ منو بس رسل لي العنوان على الخاص هنا أو هناك وبعدين حنكون منتظرين منك رأي متكامل ودراسة في العمل كل الحب والإحترام

يابروف ياعظيم

الحب كله والتقدير ليك

هذا تأكيد لوعد سابق وسأكون ممتنا لك ..

وأتمنى أن أسمعها فى تسجيلات من حفلات حية لأن الغناء الحى يظهر الأمكانيات الحقيقة للفنان

تسجيلات الأستديوهات الآن أصبح الكمبيوتر يلعب فيها دورا كبيرا فى إزالة أى ( إفيكت ) وفلتره للصوت وإضافات تقنية ورفع السلم الى درجة أعلى وكثير من فنيات التسجيل والتقنية المتاحة تجعل من العمل غير طبيعى .. والمقياس الطبيعى لأى فنان هو مواجهة الجمهور والغناء الحى ..

وصيتى لشروق أن تكثر من الأستماع للغناء السودانى وأن تهتم بدارسة الصولفيج الغنائى مع دارسة الصوت..

ستجد يابروف العنوان فى عكس الريح مع رسالة خاصة..

محبتى وإعتزازى

عبدالعزيز خطاب

Quote: يا وهم كلامكـ ده ما صاح غايتو عندنا في المزيكه لو عندكـ رائ مخالف لي استاذكـ تقولو طوالي و تحكها معاهو لمن تجيب الدم بالمناسبه الاساتذه اعلاه كلللللللللللللللهم درسوني استاذنا الماحي درسني دراسات شرقيه + صاحبي و بريدو جدا واستاذ العاقب درسني هارموني لكن عندي رائ بقولو حتي لو كان مخالف ليهم

يعني أسة انت خليت الشقة كلللللللللللللها وساكن في أوضة واحدة ؟؟؟
يعني يا خدر كلامي الفوق ده كللللللو تخليهو وتجي تكنكش لي في الحتة دي ..
إنتو ناس متخصصين في المجال ده وبالتالي بيكون عندك الخلفية وقوة الحجة عن مقارعة الناس ديل ..
انا لو الناس ديل جو زنقوني هنا بي مصطلحاتكم القاطعنها من راسكم دي بتبقا مشكلة فعشااااااان كده انا لمن لقيتك معاي في نفس الراي قلت خلاص انا اتكلم كلام اولاد الحلة ولو جا زول زنقني خدر يديهو في العلمي اها يا اللخو لمن انت ما جيت انا قلت اخفف شوية
وكدي راجع مداخلاتي الفوق دي وبتقدر تاخد فكرة كاملة عن رايي في الموضوع مع العلم إنو الراي حقي زي ما قلت ليك راي مستمع بسيط ..

Quote: عوضيه عذاب !! يا هابط

هو جنس هبوط لكن !!!!!
وإضطراري كمان ...
كيف ليك ..
ولسة ياما في الجراب يا حاوي فانا استمتع بهجيج اماني تنس وعلوية محطات وتهاني برينسة ..

Quote: سلام يا اصدقاء

طبعاً اخوك برة اللعبة دي مش؟

عموماً وبالجد انا شخصياً منتظر رأيك في الموضوع وصدقني ما عشان وافق شن طبقة لكن يا قريبك لأنو الموضوع اخد جانب تاني وبقيت انا في جانب وتمبس والدكتور في جانب تاني فزي خليتك انت حكم بيناتنا ولك الحق في استخدام الكروت الملونة مع تحديد الوقت الإضافي وربما نحتاج لضربات الجزاء لفض الإشتباك ..

تخريمة :
مبدئياً كده وللضمان ...
سلام يا صديق...

Quote: الحبيب الطبيب الاديب.. د. معز تمبس الغالي.. وفنانا طارق ابو عبيدة حضور انيق جداً في هذا البوست ذي الصاحب المتواضع.. وفعلاً امتعتمونا بالحوار الجميل الهادف.. والتحليل الرصين.. وجميل جداً ما يقوم به الاخ عمر الفارق من انتقادات، فهي تفتح نفاجاً للمزيد من النقاشات الثرة.. ساكون هنا.. للمتابعة فقط.. والاستمتاع

اخونا نشأت سلامات ياخي
و شكرا علي المساحة الهادئه و النقاش الراقي
من الجميع وياخي رائيكـ مهم عندنا
يدل نعال ندلي بدلونا

عمر (الصديق) و تمبس
باصاتكم جميلة .. استمتعت بيها جدا
بالمناسبه يا عمر .. تمبس غالبكـ لحدي اسه

ما تخش يا عمر دقيقه انا عاوز المساحات التلاته الجايه

لمن علقت علي كلام معز فوق كان اعتراضي علي جمله ان شروق ستعيد صياغه الاغنيه النسويه
في السودان وهذا حديث لا علاقه له بشروق و كنت سأقوله ايضا اذا كان العرض المطروح هنا هو
حنان النيل شخصيا ... كان فقط اعتراض علي جملة بالنسبه الي مرفوضة تماما إذ لا ولن توجد من
ستعيد صياغه الغناء النسوي في السودان ,, فدعامات مهلة العباديه و مني الخير و عائشه الفلاتيه و اخريات
كافيه للاساس الذي جلسن و سيجلسن عليه كل شابات الجيل الماضي و الجيل القادم و هذا من باب الاقتناع
بفن الرائدات اعلاه اولا و من باب التقدير و العرفان لتراث غنائي عظيم و شاهق

لم ارد افساد احتفاء معز بمثل هذا الجدل و اكتفيت بغمزه صغيره و معز التقطها و ذهب
كل منا لحال سبيله .. وكان ذلكـ يكفيني تماما

نجي لي غناء الاخت شروق
شروق عندها خامه صوت جيده زي ما سبقوني بعض الزملاء و لمن اقول خامه يعني المقومات
الاساسيه متوفره و من المؤكد ان شروق ستضيف جديد و ستطرب حواسنا كما اطرب جمالها اعيننا
فقط لو
تمرنت بشكل جاد و مكثف لان واضح في اغنيات ( عيش معاي الحب - ليله - لهواكـ عافيه المطر )
انو الحجم المليان في الهارديسكـ كبير يا تمبس و ده بتضبطو التمارين و بالمناسبه شروق عندها
كنز معاها في الامارات .. اخونا حمزه سليمان .. يا شروق اقبضي في حمزه قوي تمارين و بأستمرار
و صدقيني حايمرق الجوهره من صوتكـ بسهوله فحمزه فنان جدا

بشأن التسجيلات اعلاه .. التسجيلات هذه لا تعطي رأي قاطع اولا و ثانيا نحن هنا لسنا من اجل الافتاء
بصلاحيه شروق ام عدم صلاحيتها .. اعتقد اننا هنا للاحتفاء بمقدمها اضافه الي ان هذه
اول التسجيلات التي نسمعها لها + انها كانت خايفه من الكاميرا فوارد جدا حدوث اخطاء و
دي اخطاء عاده ما بتحسب .. بتزكر مره انو وردي في تسجيل اذاعي قال انو بخاف لحدي الليله
كل ما يطلع المسرح فدي رهبه مسرح ساكت يا عمر يا حاقد

Quote: بالمناسبه يا عمر .. تمبس غالبكـ لحدي اسه

..
حالتي ياخدر قاعد اكتب في الكيبورد بي ( يدي الشمال بس )

..
عمر دقيقــه .. نسمع كلام خدر دهـ ..
لكن انا دخلت علشان اسجل موقف بس

تمبس

Quote: علشان اسجل موقف بس

وهدف جديد ويا عمر الصاعد هابط

سلامات يا خدر

Quote: اول التسجيلات التي نسمعها لها + انها كانت خايفه من الكاميرا فوارد جدا حدوث اخطاء

هل ما كنا نسمعه كان غناء مباشر أمام الكاميرا؛
ام كان تسجيلاً مهندساً؟

أحب مانشستر يونايتد أنا

وأموووووووووووت في الشياطين الحمر..

قضيه تانيه يمكن هي السبب الاساسي لدخولي البوست
دكتور عمر اخوي .. لاحظت انكـ بصدد حمله كامله العتاد لتجهيز ودعم شروق اعلاميا و ده
واضح من البوست ده + بوست اخر في سودانيز اونلاين + بوستين في عكس الريح
العاوز اقولو انو شروق و تبعا للتسجيلات المطروحة اعلاه ليست في (الفورمه) زي مابقولو
ناس الكوره لانو واضح انو التدريب مهم جدا او زي ماقال عمر الفاروق في تحليلاته اعلاه
و بالمناسبه رأي عمر ده حقو تاخدوهو .. و عمر نفسو حقو تتعاملو معاهو كـ (بوينتر)
انا قاعد اعمل كده كل ما اعمل لحن عندي ( عمر) هنا بمشي ليهو و بسمعو اللحن و بشوف
رأيو شنو و بعد داكـ ما بعمل بي رأيو
ليه .. زي رأي عمر ده هو السائد .. السائد الذي يجب مراعاته لكن ليس بالضروره الالتزام
به وده طبعا لانو الفنان هو البسوق الناس موش العكس
العاوز اقولو انو الحمله دي يا دكتور وانا بتابع في كتاباتكـ جاني احساس انكـ بتعلم في
شروق ( ركوب العجله ).. لكن ولانكـ مستعجل عليها ..الحيحصل انكـ حا تدفرها لمن تقع بي
الطريقة الانت ماشي بيها اسه دي .. حقو تشرب شروق للمستمعين قطره قطره .. مافي حاجه
اسمها صناعه فنان .. في حاجه اسمها صناعه نجم و دي بتكون بعد تخطي مرحلة الفنان و شروق
اسه في مرحلة الفنان دي .. حقو تساعدوها في التجويد و (الجقرله) الكتيره لحدي مايمرق
صوتها بملامحو الواضحه و بعد داكـ تبدا الحمله الجميله اعلاه

شروق كل تمنياتي لكـ بمستقبل فني جميل قادم .. انا علي ثقة من انكـ ستصلين اليه
دكتورنا .. شكرا لسعة صدركـ لنقدي

ممكن يا تمبس و دكتور معز و الشباب تنزلو لينا لحن استاذ يوسف الموصلي
لانو مالاقيهو خالص في كل الاغاني اعلاه
ياريت اسه لانو ( لقاء ) نايمه و عندي زمن

Quote: هل ما كنا نسمعه كان غناء مباشر أمام الكاميرا؛ ام كان تسجيلاً مهندساً؟

ملاسي
ملاحظتكـ ذكيه جدا و خليتني ارجع تاني واسمع
يخيل لي انو التصوير Playback shotting لانو في المقابله
الي هي اتسجلت في نفس المكان .. المايكـ فيهو RAUS واضح في الوكت الفيهو
تسجيل الاغنيات نقي جدا
ولا شنو يا دكتور معز ؟؟

سلام يا خدر

وتشكر على المجهود المقدر والرؤى النقدية المفيدة

وان شاء الله تسمع عمل شروق المكتمل عما قريب وتشوف رد الفعل الجماهيري

والأنا براهن عليهو تماماً وبنيت من أجلو كل ما كتبت في الصحف

فشروق هي المطربة الوحيدة بين كل من استمعت لهم من مغنيات سودانيات على مختلف العصور من منحني استمتاعاً مدهشاً وطرباً لا يحد

هذا سواء كان هناك قصور في صوتها أم لا وأنا حقيقة لم أشعر بأي شيء من هذا القبيل

بل على العكس أرى أنه صوت في غاية الجمال ولم أجد له مثيل فيمن استمعت إليهن في السودان حتى الآن

لكن أكاديمياً فهو أمر لا أستطيع أن أفتي به



بالطبع هذه رؤية خاصة لا تقلل من استمتاع الآخرين ببقية المطربات عبر الأجيال الذين لا أنكر دورهم بالتأكيد لكنهم لم يسجلوا حضوراً كبيراً في وجداني مثل ما فعلت مطربات عربيات وغربيات ومثل ما تفعل شروق الآن..

مع محبتي وشكري الجزيل
..

لحن الموصلي في مداخلة راكوبة موجود صوت

كدي شوف هنا:

أضغط هنا

التحكـــــــــــــــــــــــــيم فاااااااااااااااااااااااااااااشل..
التحكـــــــــــــــــــــــــيم فاااااااااااااااااااااااااااااشل..
التحكـــــــــــــــــــــــــيم فاااااااااااااااااااااااااااااشل..
التحكـــــــــــــــــــــــــيم فاااااااااااااااااااااااااااااشل..
التحكـــــــــــــــــــــــــيم فاااااااااااااااااااااااااااااشل..

تخريمة :
خلاص يا خدر كملت عشان نبدا نشارك ؟؟؟؟
خذلني الشيوخ وخذلني الشباب

يا عمر ..
بس خليهم عليكـ الله يسمعونا يا مستطاب لانو الشغل ده انا سمعتو بي اكتر من صوت
و عاوز اسمعو بصوت شروق .. ممكن !!

يلا اتفضل جوطها

طيب جيتكم صادي..
وعايز ابدا مع خدر المرة دي قبل شروق..

Quote: لمن علقت علي كلام معز فوق كان اعتراضي علي جمله ان شروق ستعيد صياغه الاغنيه النسويه في السودان وهذا حديث لا علاقه له بشروق و كنت سأقوله ايضا اذا كان العرض المطروح هنا هو حنان النيل شخصيا

...
فعلاً كان من الواضح إعتراضك على جملة إعادة صياغة الأغنية النسوية واوافقك الرأي لكن بس في الحتة دي انا عندي وجهة نظر..

Quote: إذ لا ولن توجد من ستعيد صياغه الغناء النسوي في السودان ,, فدعامات مهلة العباديه و مني الخير و عائشه الفلاتيه و اخريات كافيه للاساس الذي جلسن و سيجلسن عليه كل شابات الجيل الماضي و الجيل القادم و هذا من باب الاقتناع بفن الرائدات اعلاه اولا و من باب التقدير و العرفان لتراث غنائي عظيم و شاهق

وما تحته خط هو مربط الفرس..!!!
ما عارف ليي حسيت بيك هنا زي العصرت شوية على الجيل الجديد من المغنيات البنات وإن إفترضنا جدلاً إنو الأصوات اللي جات بعد ناس الفلاتية كانت مش ولا بد طيب ليه قلت ولن دي؟؟؟
هل لأنك خلاص عمل إطار للأغنية النسوية وكل حدودها فقط تلك التي رستها منى الخير والفلاتية ؟؟
ام هل لأنو ما قامت به الفلاتية ومنى الخير هو اخر دعامات للفن النسوي يمكن ان نصل ليها ؟؟؟
ام إنك ما بتعشم كتير في الأصوات النسائية القادمة بحكم التوجه التقليدي الذي ينتهجه جيل الفنانات ؟؟؟
طيب يا خدر نفس الكلام ده لو قمنا عكسنا الاية فيهو وجينا نتكلم عن الأصوات الرجالية وقمنا وضعنا الراحل مصطفى سيد احمد كفنان حاول ان يعيد صياغة الأغنية (ولا ادري لماذا لا تسمي الأغنية بالرجالية بينما توجد نسائية) فهل كنا حا نقول للراحل مصطفى سيد احمد إنو إطار الأغنية الرجالية وضعوهو كرومة وسرور ام نعتبر إنو مصطفى عمل ليهو إطار جديد ؟؟؟؟
طبعاً انا هنا مؤيد تماااااااااماً لي كلامك بي إنو ليست شروق من ستعيد إطار الأغنية النسوية لكن ده ما معناهو إنو ما ممكن تجي واحدة تعيد الإطار ده !!!
نرجع لي موضوع الصوت ..

Quote: نجي لي غناء الاخت شروق شروق عندها خامه صوت جيده زي ما سبقوني بعض الزملاء و لمن اقول خامه يعني المقومات الاساسيه متوفره و من المؤكد ان شروق ستضيف جديد و ستطرب حواسنا كما اطرب جمالها اعيننا

انا صراحة ما قاعد اقدر أميز خامة الصوت الجيدة في العنصر النسائي لمن يكون صوت البت بيشبه صوت كل البنات أو بالتحديد صوت كل البنات البيغنو..
قلتها في مرة سابقة إنو معظم البنات السودانيات صوتهم بيتشابه شديد يعني اختك في البيت لمن تكون بتغني بيشبه صوت بت جيرانكم وبيشبه صوت واحدة معاكم في الجامعة عاملة فيها فنانة وبيشبه صوت تالتة تكون جات معزومة في قعدة في الحدائق وقررت تسمعكم الامان !!!!
صراحة انا حسيت في اغاني شروق السودانية (اكرر الأغاني السودانية ) إنو صوتها من شاكلة بقية اصوات بني جنسي من البنات الفنانات وإمكن الكلام ده برضو خليتو ينطبق على سارة النور (يا تمبس ما تضاربني في سارة النور دي ومشيها لي سمح؟)
طيب يا خدر عشان اوضح ليك فهمي بي صورة تانية حا اضرب ليك مثل بي بعض الفنانات العربيات ..
يعني الأيام دي لو فتحت القنوات الفضائية حا تلقا اكثر من مليون بت بتغني واي واحدة شكل لكن لو ركزت في صوتهم تكاد تلقاهو بيتشابه وحتى ما بتقدر تميز هل هي صوتها سمح ولا لأ ..
لكن تعال شوف من بين المليون صوت النسائي ديل حا تلقا إنو مثلاً اصالة نصري صوت مميز ..
وحا تلقا ديانة حداد صوت مميز ..
وحا تلقا فعلاً نجوى كرم صوتها جبلي ..
وحتى اليسا دي بالمناسبة صوتها لو ركزت فيهو بالجد صوت حنييين ومميز بغض النظر عن الضجة الإعلامية الماخداها من جوانب تانية ..
اها شوف انا قدرت ذكرت ليك اسماء كتيرة لكن بالجد في السودان الصفة دي ماف ..
هاجر كباشي وبالرغم من إنها ما بتغني اغاني (دعامات اغنية نسائية ) إلا إنها صراحة صوت مميز ..
وعابدة الشيخ بالرغم من إنو برضو مرات بحس بيها عندها إستايل غريب إلا أنو صوتها مميز ..
امال النور صوت مميز ..
حنان النيل صوت ملياااااااااااااااااااااااااااااااااان وبالجد انا حنان النيل دي بتديني إحساس إنو صوتها ما فيهو فراغ (ما عارف حا تفهم لي فراغ دي انا قاصد بيها شنو ولا لأ لكن ده فهمي بي العامية) ..

تخريمة :

Quote: ياريت اسه لانو ( لقاء ) نايمه و عندي زمن

عليك الله تاني لمن تجي ترد نووم لقاء دي لأنو عندي إحساس كده إنو في مداخلات كتبتها ولقاء صاحية خصوصاً حكاية تمبس غالب دي !!!

يا دكتور دي اغنيه لهواكـ عافيه المطر
انا عاوز يا مستطاب الحان و توزيع موصلي
منتظركـ



عمر برجع ليك، و كويس انكـ ذكرتني بالجزء الانا نسيتو

سلامات يا شباب ..
عندي مراجعات صغيرة قبل البداية ..
..

Quote: شروق عندها خامه صوت جيده زي ما سبقوني بعض الزملاء و لمن اقول خامه يعني المقومات الاساسيه متوفره و من المؤكد ان شروق ستضيف جديد و ستطرب حواسنا كما اطرب جمالها اعيننا فقط لو تمرنت بشكل جاد و مكثف لان واضح في اغنيات ( عيش معاي الحب - ليله - لهواكـ عافيه المطر ) انو الحجم المليان في الهارديسكـ كبير يا تمبس

تمام يا خــدر .. ده المحور الرئيسي في البوست دهـ .. والحاجات التانية دي مقدورعليها..
..

Quote: بشأن التسجيلات اعلاه .. التسجيلات هذه لا تعطي رأي قاطع اولا و ثانيا نحن هنا لسنا من اجل الافتاء بصلاحيه شروق ام عدم صلاحيتها .. اعتقد اننا هنا للاحتفاء بمقدمها اضافه الي ان هذه اول التسجيلات التي نسمعها لها + انها كانت خايفه من الكاميرا فوارد جدا حدوث اخطاء و دي اخطاء عاده ما بتحسب .. بتزكر مره انو وردي في تسجيل اذاعي قال انو بخاف لحدي الليله كل ما يطلع المسرح فدي رهبه مسرح ساكت يا عمر يا حاقد

والله ياخدر دي برضو من الحاجات الختيته في بالي .. ونسيت أني اذكرهـ لانو احيانا الصوت كلووو بروح .. الكاميرا والمسرح ومواجهة الجمهور دي حاجات صعبة جدا .. يعني ياعمر عاملة زي كورة القــدم .. واكيد ياعمر عارف التفاصيل دي عامله كيف يعني مثلا لما تكون لاعب ضــد.. الهلال وأنت في فريق ( البواسل ) بتكون ماسكاك ( أم هله هله ) من قبل اسبوع وبطنك طامه زي العندكم ( تسميع ) .. ولما تنزل الميدان بتكون ما عارف اي حاجة .. بالرغم من أنك ممكن تكون رونالدينو..
..
راكـــوبة
وخـــدر برضــو

Quote: وهدف جديد ويا عمر الصاعد هابط

كلام اقولو لأول مرة .. بالمناسبة عمر الفاروق .. يمتلك موهبة صوتية خطيرة جــدا ربما هو ما يكون عارفــه .. واحتمال يندهش من الكلام دهـ .. وكــدا ياراكـــوبة غالبنكم تلاتة صفر..
ياعمـــر .. كنت عايز اصنف ليك خامة الصوت لكن بس خفت عليك د من ناحية ومن ناحية تانية خايفك تسمع كلامي دهـ .. تمشي تكلم ( مصعب ) تطلعو شيرنق تشترو ليكم أورغ Yamaha وبعد يومين نسمع بيك في حفلة في الفحص الدوري .. ويسموك ( عمر الحائر + مصعب المانيا )

Quote: ممكن يا تمبس و دكتور معز و الشباب تنزلو لينا لحن استاذ يوسف الموصلي لانو مالاقيهو خالص في كل الاغاني اعلاه ياريت اسه لانو ( لقاء ) نايمه و عندي زمن

ياريت والله لو عندي يا مستطاب .. كنت استشهدت بيها برضو ..
وخلص بلاي التزاماتك العائلية دي وتعال لينا

يا خدر أغنية يا مستطاب ما مسجلة عندي

لكن ان شاء الله لما يطلع الألبوم ح أرسلو ليك

وان شاء الله تسمعها هناك

عدل لمراعاة تتابع المداخلات

يا تمبس :

Quote: يعني ياعمر عاملة زي كورة القــدم .. واكيد ياعمر عارف التفاصيل دي عامله كيف يعني مثلا لما تكون لاعب ضــد.. الهلال وأنت في فريق ( البواسل ) بتكون ماسكاك ( أم هله هله ) من قبل اسبوع وبطنك طامه زي العندكم ( تسميع ) ..

والله دي كتلتها كتل !!!!!!!!!
ياخ زمان لمن نكون لاعبين ضد القراقير كان عندهم مدافع إسمو " طبج " ما عارفك بتعرفوا ولا لأ .. اها اخوك كان بيلعب قدام وطبج ده زول ضخم خلاص وشلاليتو برة والله لمن يزيعوا التشكيلة والكوتش يقول لي يا عمر انت راس حربة تلقاني بقول ياااااااا الله طبج ما يكون لاعب
اها يا قريبك لمن تخش وتلقا طبج ده اساسي بتكون عايز ليك اقل لي ربع ساعة وجع البطن يروح وطبعاً بتكون مدسي من الكورة وما عايز اييي زول يلعب ليك باص

Quote: كلام اقولو لأول مرة .. بالمناسبة عمر الفاروق .. يمتلك موهبة صوتية خطيرة جــدا ربما هو ما يكون عارفــه ..

مشكلتك يا مان سمعتني بغني وانا قاعد استحمّ
وخدر سيد العارفين لمن تخش الحمام صوتك بيكون مباااااااالغة اها يا تمبس انا لمن اكون ماشي اغني في اي حتة بشيل معاي الحمام
والغريبة قبل كم يوم بقول لي حميدة ياخ نمشي لي احمد ساطور ده عشان قالوا عندو إستديو بتاع صوت وبيجضم ليك تسجيل والله يخليك بس فريد الاطرش
فغايتو يا ساطور جهز لينا البرنامج وشوف لينا الجهاز البيخلي الصوت سمح وانا وتمبس وحميدة جاييييين نعمل شريط وحا نسميهو :
الزمن الرمادي

تخريمة :
يا دكتور معز الحكم فكّ الكورة وبي الطريقة دي نحن حا نغلبكم ونبقا في :
يا درمة درن لي ...
ويا راكوبة نحن شعارنا بااااااااااااااااقووووووووووووووووووون في الممتاز

عمر الفاروق

Quote: تخريمة : يا دكتور معز الحكم فكّ الكورة وبي الطريقة دي نحن حا نغلبكم ونبقا في : يا درمة درن لي ...

ح تشوف يا ود الفاروق ح تشوف
قون المغربية أخير من مية..
وشروق مش ح تغير تاريخ الأغنية النسائية

ح تشطبو عدييييييييييل وح تعيد صياغتو من جديد

وتقعد انت تقول والله ما بعرف شنو..

لكن برضو عشان انت غالي


ح نجيبك تلعب مع التيم (باك ورا القون) تجيب الكورة لما تطلع آوت..

يا بتاع أرسنال يا رشاشة..

وانا اقول وين الناس الحلوووين ...


الدكتور وتامبا والفاروق وكمان روني ورنالدينيو ... ياخي دهـ احلى بوست ..



العجب والسعودي برضو حاجة عجيبة ...


التحية لجيمع المتداخلين ...

الحبيب ود المايقوما

منور الدنيا وحياتك يا حلو

طيب ما تزورنا هنا

أي زول دمو ضعيف ما يدخل هنا..

بس أوع تجيب معاك ود الفاروق..

تعرف يا نشأت
سألوا ناقدا:
* ما الذي يميز صوت المطربة فلانة؟
قال:
ــ ساقيها..!

Dear Friends
This is a good post I will be back Tuesday to participate. Any way this discussion should be considered positive in Shurooge’s side.
Anytime people have a conflict about an artist that is a great thing, but the bad signs that no one talking about you.
I will come back Tuesday speaking analytically about this issue and thanks all.

موصلي يا عظيم

نحن في انتظارك يوم الثلاثاء

يسعدني ويشرفني أن أنقل تعليق الرائعة تماضر في بوست شروق الآخر هنا:

Re: أي زول دمو ضعيف ما يدخل هنا..

Tumadir

Quote: فعلا البت دى جميلة ..ظاهر وباطن.. فنانة مكتملة وصوتها جميل بس الاغنية ما عجبتنى شديد.. لكن قدرت المس ..موهبتها العالية ونضجها الفنى من خلالها ..وده براه عجب. شكرا يا دكتور على الشروق

وقد كان ردي عليها:

Quote: الغالية تماضر هذا حقيقة ما تحتاجه شروق كلمات مشرقة وإحساس صادق من امرأة بقامة وطن قلبها النقاء وصدرها السماء شكراً لطلتك البهية دائماَ وحضورك المقدس النبيل

My dear friend and brother prof Moiz I will come in sha Allah

to give my opinion about this issue, thanks for your support to Shorooge.

وجدي الكردي

Quote: تعرف يا نشأت سألوا ناقدا: * ما الذي يميز صوت المطربة فلانة؟ قال: ــ ساقيها..!

قطعت جهيزة قول كل خطيب

والله انت ألذ زول يا كردي..

وجدى يازميل

Quote: سألوا ناقدا: * ما الذي يميز صوت المطربة فلانة؟ قال: ــ ساقيها..!

اها الناقد ده بالذااااااااااااات انا زى البعرفو كده !!(وجه به تلاتة عيون غامزة )!!


يانشأت

صفحتك ابدااااااااااااااع لكن !!


معز وشوشو اها الامور ماشة كيف وهل كل حاجة فى محلتها ؟!!

خدر وتمبس وعمر الفاروق ياخ انتو لعيبة زى الورد وباصاتكم زاتها روعة .. احب الروح الحلوة فى الحوار انا !!

يا دكتورنا:

Quote: ح تشطبو عدييييييييييل وح تعيد صياغتو من جديد وتقعد انت تقول والله ما بعرف شنو..

انت عارف يا دكتور انا بعدين حا اعمل ليكم مع شروق دي زي ما محمد عبد الوهاب عمل مع الست ام كلثوم ..
اسة اقعد اداقرها ليكم كده واشيل وانتقد فيها واشيل وانظر ليكم فيها وتقوووم كده يا دكتور انت تعمل لينا زي جمال عبد الناصر وتلمنا في لقاء السحاب واقوووووووم كده اهدي لي شروق عمل من الحاني يكون اشدّ من انت عمري
تخريمة :
يا دكتور نحن اولاد السير فريجسون ما تلخبط الكيمان وتودينا لي ارسين فينقر..
عندك بطاقة صفرا واي احتكاك تاني بوديك المدرجات

Quote: الحبيب ود المايقوما منور الدنيا وحياتك يا حلو طيب ما تزورنا هنا أي زول دمو ضعيف ما يدخل هنا.. بس أوع تجيب معاك ود الفاروق

اكيد بوجودك منور ...

انا شايف البوست بس انا قلبي خفيييييييييف ...

ليك ولصاحب البوست الف تحية ...

صباح الورد يا شباب
عمر و تمبس راجع ليكم بي اجوبه و امثله

Quote: speaking analytically

و كويس انو الكجونكا الكبير جا عشان عندنا ليهو اسئله
و عاوزين نسمع تحليلو لي اغنيتو ذاااااااتها

(1)
عمر .. كدي ركز معاي
انا قلت

Quote: إذ لا ولن توجد من ستعيد صياغه الغناء النسوي في السودان

انا اعترضت في كلام دكتور معز علي الاطلاق الذي اختزل به خارطة المساهمات النسائيه في
السودان (ارجو انكـ تنتبه للجانب اللغوي في الجملة)
ده معناتو انو مساهمات رواد الاغنيه النسائيه قد وضعن الاساس الذي لا يحتاج احد الي
اعاده صياغته .. قد يضيف او لا .. لكن في كل سيكون امتداد طبيعي لمجهودات الرائدات .
إذن شروق و حنان النيل و هاجر كباشي و مصطفي سيد احمد و كل المبدعين الذين اتو في
فترات لاحقة لرواد الحقيبه و المدرسه الفنيه الاولي و اغاني القبائل السودانيه الاصليه
هم امتداد طبيعي وليسو الغاء .

Quote: وحا تلقا ديانة حداد صوت مميز .. وحا تلقا فعلاً نجوى كرم صوتها جبلي .. وحتى اليسا دي بالمناسبة صوتها لو ركزت فيهو بالجد صوت حنييين ومميز بغض النظر عن الضجة الإعلامية الماخداها من جوانب تانية ..

انت بس كان ختيت الرحمن في قلبكـ اسه حنان النيل صوتها مميز و هاجر كباشي صوتها مميز
و كثيرات غيرهن والسبب طبعا انو المطرب/ه بتمرن و يغني كتير لحدي ما يلقي صوتو البحمل
نكهتو و بصمتو و دي اهم حاجة في مسأله الغناء و دي هي الاضافه الانا بقصدها .. حاجه تانيه
الفنانات العرب لقو الاهتمام (التمويل) اللازم + الاعلام الكبير وانتو شروق دي جاتكم هنا
كسرتو مقاديفها .. ادوها فرصه ياخي و حاتشوف صوتها لو مابقي (جبلي ) تعال لومني

(2)

تمبس

عمر الفاروق ده ما عندو غير لسانو ده .. ما قلت ليكـ فوق انا عندي (عمر) صغيروني كده
بمشي اسمعو الالحان الجديده
بعدين ماتنسي القاعده الذهبيه ياخي .. ( البعام) عمرو مايبقي ( ياي )

(3)

استاذ الموصلي


اذكر انكـ حدثتني كتيرا في واشنطون العام الماضي عن شروق و مدحتها لي كثيرا
ولمن سمعتها هنا فهمت تماما انها تستحق مدحكـ و دعمكـ و دعمنا كلنا و كويس انكـ
جيت براكـ .. لانو لو ماجيت كنا حا نعمل ليكـ محضر ضبط و إحضار

الاغنيه دي فيها مشاكل كتيره رغم انكـ لحنتها و اشرفت علي تحفيظها لي شروق
هل .. ؟
الاورغن المصاحب كان ما مدوزن ام المشكلة في التنفيذ ام في عدم ملائمه الاسكيل لي
مدي شروق الصوتي ؟


تحياتي

غايتو يا خدر ظهرتها عاااااااااااااااااااااااملة ..
يعني ناس كجونكات وناس بعامات ؟؟؟
تخريمة :
قررت الجلوس في مقاعد البدلاء لإكمال بقية المباراة من على المدرجات وجبنا ليكم المنجم استاذنا الموصلي ..
ولحدي الوقت داك انا ما بقطف زهورك بس بعاين ..
ويا خدر ياخ الأورغن والله شغلو سمح لكن عاد مدوزن ولا ما مدوزن دي ما بعرفا ليك

الفنان المطبوع خدر
نعم لقد حدثتك كثيرا عن شروق وهي مبشرة جدا ولكن فانني أتفق معك بان الفنان لا يتكرر
فمني الخير لن تتكرر والفلاتية لن تتكرر والبلابل بسجلهن الرهيب لن يتكررن وآمال النور بقدرتها الفذة نادرة المثال علي التنويع للجملة اللحنية الواحدة لن تتكرر وهذا قطعا لا يمنع شروق من أن تكون لها بصمتها الخاصةولا يمنع ايضا ملاحظاتكم فهي في صالحها وليس بالعكس.
أو تذكر ياصديقي حينما تهجموا عليك في تجربتك الاولي مع شريط د الفاتح حسين (الغيم) وهم بعض رفاقك
انهم لم يكونوا يعرفون بأن كل هذه الالحان الرائعة تموج بداخلك وهذا نتاج طبيعي للمارسة والتمرين والصقل والتدريب.

محبتي

الحبيب عزيز

ليس بالضرورة أن نقيس الفنان بالحفلات لان الحفلات أحيانا تكتنفهاظروف صعبة جدا
(هسع بتقدر تغني في حفله جات فيها كتاحه في الخرطوم) كما أنه مهما كان فان التسجيل لن يجعل من غير المغني مغنيا فالناس اذنها قد أصبح أنظف من الماس.
أتفق معك فليس شروق وحدها يلزمها التدريب المستمر بل نحن جميعا أليس كذلك؟؟

.
الأخ نشأت ..
تحياتي .. وشكرا لهذا البوست الجميل .. شفتو اليوم بس ..
الأخوة ..نشأت ..بناديها .. راكوبة ..عمر الفاروق .. الشاعر الدكتور/ معز عمر بخيت .. خدر .. تمبس
استمتعت بحواركم اكثر من استمتاعي بصوت " شروق " .. وسأتابعكم ..

ود الفاروق

Quote: لكن اسوأ ما في هذا الفيديو كليب هو صوت واداء شروق وهذا والله للحقيقة ..

لو خضت انتخابات لرئاسة " المستمعين العاديين " لاعطيتك صوتي بدون اي تردد ..
.

يا حاتم :

Quote: لو خضت انتخابات لرئاسة " المستمعين العاديين " لاعطيتك صوتي بدون اي تردد ..

كان بخوض ليك ...

.

ود الفاروق

Quote: كان بخوض ليك ...

لو كنت مكانك لخضتها
فأنت تملك ( الجرأة ) لقول ما تتقبله (اذنك )
كثيرون غيرك - وأنا منهم - يحتفظون برأيهم لأسباب كثيرة ربما من بينها الخوف من اتهامهم بأنهم " شُــتُر "..

أمثلتي على (جرأتك ) كثيرة .. ومن بين ما اتفقت معك فيه ( دون افصاح ):
- رأيك في (صوت) الطفل الواعد ( العزاااااف ) حفيد ابو صلاح ..
- رأيك في الضعف الذي شاب صوت الأستاذ الرائع محمد ميرغني ( الطروب ) في " أمسكي عليك عيونك ديل " التي جاد بها علينا الأخ راكوبة قبل أيام ..
- وأخيرا رأيك في شروق الشمس ..

لهذا قلت بأنني سأعطيك صوتي
تحيتي ..
.



- ليتك تراجع الماسينجر الداخلي..

لقد كان قراري بالصبر وعدم الدخول في هذا البوست حكيما حتي أقرأ
كل الأراء ولكني قد صدمت بالراي الغريب للاخ وجدي الذي لاعلاقة له بما نحن فيه
فان كان هذا ديدننا فعلي النقد السلام. أناشده وكل الذين علقوا علي رأيه بسحب تلك البوستات فهي لاتليق بناقد ولا بانسانة غاية في التهذيب مثل شروق أبو الناس انسانة لايعرف الاخ مجدي قدرها ولا اسرتها الراقية علينا أن نكون حذرين في كتاباتنا .
قد يتعذر البعض بانها قد أصبحت شخصية عامة ولكن حتي الشخصية العامة لا نتعرض لها بهذا الاسلوب غير الكريم.
وسأعود لموضوعي

كانت أول مرة ألتقي فيها بشروق بالقاهرة في مطلع التسعينيات وسمهتها تتغني في حفل علي ما اذكر باغنيتي رساله الي أمي فشدني صوتها بتلك الخامة الطيبة وخاطبت نفسي قائلا لو قدر لي العناية الفنية بها لحققت من خلال صوتها فكرة فنية جيدة.
وكنت وقتها قد خاطبت والدها الرجل الجميل فوجدت فيه انسانا يتمتع بوعي جدير بالوقوف عنده كثيرا وفي احدي زياراتي للخليج استقبلتني تلك الاسرة الكريمة بطريقة تنبئ باحترام للفن قل أن يجود الزمان به وقطعا للتعليم الاثر الكبير في ذلك وظل ذلك الامل يراودني كل ما تذكرت شروق الي أن جاءت رحلتي الاخيرة الي الخليج والتي لعب فيها صديقي وأخي العزيز بروفيسور معز عمر بخيت دورا بارزا بعد أن جمع بيننا هذا النت الذي يعج بالجمال وبالقبح أيضا.
فوجدتها وزوجها الخليج في استقبالي بالمطار ومعها كوكبة رائعة من نجوم الادب والموسيقي اذكر منهم علي سبيل المثال لا الحصر الدكتور الشاعر عز الدين هلالي
والشاعر الفذ عبد القادر الكتيابي وموسيقار الاجيال القدمة في نظري حمزه سليمان وغيرهم من الشخصيات الرائعة.

كان ياسر معترضا علي غناء شروق لانه لم يكن لديه الاحساس باهنالك حركة جادة للعناية بها فاشار لي بانه سيسمح لها فقط بالغناء ان كان ذلك سيكون تحت اشرافي وكان هذا شرف لي ايما شرف. وبدات في مشروعي معها فعرفتها الي البروفيسور معز عمر بخيت وبدأت معها مشروع اختيار مجموعه من الاغنيات وبدأت مع الشاب الفنان المطبوع أسامه علي ذو العقلية الموسيقية المطبوعة وصاحب الفكر الثاقب في مجال التعامل مع الموسيقي التحضير لذلك المشروع وعملنا فيه باخلاص لايتطرق اليه الشك. تحدثت مع شاعرنا الفذ الكتيابي وبعد سفري الي الدوحة طلبت من العزيز مدني النخلي ان يمدني بقصائد تناسبهافوافق مدني فورا. وقضيت مع أسامة ليال طويلة في التمهيد والاختبارات وزارتنا شروق في الشارقة مشكورة وبدأت ملامح المشروع تبين في ديموقراطية رائعة وتناسق جميل فالاغنية التي لاتعجبها تحذف فورا وهي قد كانت علي اتم الاستعداد للتدريب وكنت قد اتفقت معها علي أن بحث عن أستاذ لمادة الصوت والغناء لتدريبها علي أداء المناطق العالية والواطية في الصوت لان كل الفنانين يكون لديهم مثل تلك العيوب فيتم معالجتها بالتدريب العلمي.
ونواصل

بمجرد وصولي الي أميركا بدا التواصل مع شروق بغية السير في هذا المشروع علي قدم وساق فاتصلت بي هي قائلة بان هنالك شركة اقتنعت بان تسجل لها وقد اتصلت بي من مكتب تلك الشركة اللبنانية فشعرت بجدية في صوت صاحب الشركة وفي صوت شروق جعلتني اعود الي ديوان شعر صديقي معز عمر بخيت الملئ بالقصائد من ذوات السهل الممتنع لاختار قصيدة تلحن خصيصا من أجل شروق لتقديمها للوطن العربي كما تنازلت عن قصيدة أخري كنت قد اقترحت موضوعها للشاعر الجميل مدني النخلي تتحدث عن جمال السودان وأهله لتكون المدخل
لها الي اهلي الطيبين في السودان وتركت كل شيئ وبدأت في تلحين الاغنيتين في آن واحد
وساعدني في ذلك أن كل واحدة منهما ذات اسلوب مختلف وموضوع مختلف وكنت أريد لاغنية مدني النخلي أن تصور كفيديو كليب ولاغنية بروف معز لتكون أغنية المهرجانات وأتصلت بالعديد من الجهات لاجل هذا المشروع الحلم بصناعة نجمة.

أنزلت بوست في كل المواقع التي اشارك فيها بعنوان (

(بحب الليل ) وتحذير محب للفنانه الرائعه شروق ابو الناس؟؟؟؟؟؟!!!!!!!!

ولكن للاسف شروق لم تساهم في البوست الخاص بها وبصورة تحيير المابتحير فقد دخلت الي ذلك البوست مرة واحدة بينما خاطبها اناس كثيرون وتعللت بانها مشغولة في حين أنها كانت ترد علي بوستات أخري وفي نشاط تحسد عليه(فتوغوشت) (واتخضيت) وخفت أن تحذيري السابق لها بان الغرور ربما قد ينال منها مأرباوبالفعل نزل بوست آخر لاغنية أخري لها فسرحت فيه ومرحت كما تريد اذا (فالموصلي قد أصبح مشكلة)

ونواصل

كنت قد كلفت واحد من انجب عازفي البيز جيتار ليضع الخط الايقاعي بكامل هيئته الايقاعية للنقر والبيز والجيتار للأغنيتين إيمانا مني باهمية احترام التخصصات فوضع لهما خطوط غاية في الجمال لأنني كنت أهدف الى أن أقدم شروق الى العالم كله في حلة وصورة حديثة وقد اجتهد نادر وقدرت جهده ثم ارسلت الشكل الكروكي للعمل الي شروق من أجل ان تتمرن عليه وتتقنه وأيضا من أجل أن يساعدها أي كيبوردست في فهم المقام أوتغييره حسب مقتضيات المدي الصوتي لها.
فماذا حدث جاء عازف أورغ اسمه مهند ولكنه يبدو أنه في عجالة مع شروق حاول التصرف في أغنيتي حسب طلب شروق ثم اشار الاخ سمبتيكو في بوست بعكس الريح الي أنه سمع لحنا فريدا من ألحاني وكلمات صديقي بروفيسور معز وهنا عرفت بان اللحن قد سمعه بعض الناس قبل الرجوع الى شخصي فطالبت شروق بارساله لي وعند الارسال فجعت بسماع شيئ لم يكن الشيئ الذي بنيته ولم يكن الشيئ الذي اردته فأرسلت تحليلا للعمل بصورة الي بروفيسور معز باعتباره صاحب النص البديع لاغنية (لهواك) وهاكم له بتصرف لأنه يتطابق تماما مع ما تفضل به الاخوان هنا

أخي العزيز ياسر والعزيزة شروق

Quote: أليكم تحليلي أولا أولا اشكر شروق علي مجرد المحاولة ولها أجر ذلك ولنأتي إلي التحليل من منظور اللغة العربية ممتاز جدا بل شكرا لتصحيح خطأي وذلك بتصحيح خبر (ظلت) وذلك بفتح كلمة (مسدلة) وكنت قد رفعتها كما، أيضا صححت كلمة (أدرك) التي فتحتها أنا وذلك بالضم وربما هنالك أخطاء أخري لغوية ارتكبتها دون وعي المقدمة الموسيقية الجديدة لا لزوم لها البتة فهي تقليدية في الأغنية العربية كما أنها لا تمت بعلاقة حميمة لمتن اللحن. الهارموني لقد حاول الأخ مهند إن كنت قد تذكرت الاسم أن يغير الهارموني الموضوع المصاحب للحن الأساسي واعتمد علي حسه التذوقي فقط وفشل في خلق جو هارموني مناسب وأدخل ما نسميه Non Harmonic Tones مما أدي إلي جر شروق الحساس إلي خروج عن المقامية في كلمة (وانتصر القدر) و(دروب العشق) Out of Tune وهنالك عدة فنانين رائعون ولكن لديهم حساسية تجاه الأصوات الخارجة ونشاز الآلات منهم آمال النور وشخصي أيضا لذا فعدم المعرفة بالهارمونية يوقع عازفي الاورغ الجيدين في مثل هذه المزالق تغيير اللحن في كل من (وتدور في فلك المني) و(ونظرت حولك هائما هائما) أوقع التسلسل المنطقي فبدلا من أن تصبح هذه المنطقة هي القمة فقد انعكس الأمر وأصبحت السفح وشروق لا تريد أن تزور تلك الآفاق اللحنية العالية هذه ليست شروق التي أريدها، أن في ذهني شروق أخري كما أن تغيير السرعة ونوع الإيقاع قتل حيوية الأغنية وبذا فقد أنتهي اللحن كمعادل موضوعي للنص الشعري وأصبح غريبا عنه وافتقر إلي أهم عناصر التماسك فيه وتفتت إلي خلايا بعد أن كان جسما محسوسا ملموسا أحبتي هذه لمحات سريعة

ونواصل

وبعدها تحادثت مع شروق احاديث جميلة وودية واتفقنا علي الا يتم تسجيل أعمالي بدون اشرافي عليها وبدون توزيعي فاعمالي هي في مقام أولادي فلذة اكبادي فأنا لم أنل من هذا العالم الا انتاجي الفني هذا ولا افضل شيئا عليه ولامجال للعب فيه أي لو أن هديل بنتي فلذة كبدي قد لعبت فان حسابي معهالن يكون سهلا وتمت طمأنتي ولكنني فوجئت بالاعلانات عن حلقة النيل الازرق فقلت اللهم اجعله خير وليت شروق قد تغنت باغنيات مألوفة ثم أعلنت في الحلقة أنها آتية الي الجمهور باغنيات جديدة وكان هذا سيكون عين الحكمة فتغنت شروق باغنية خليجية ثم باغنية لهواك وقد صغتها لها لتغنيها للعالم والعالم العربي واصبح مظهرها وكأنها تتغني بالغناء ذو المقامات الشرقية فقط أما ثالثة الاثافي فانني اسمع صوتها تتحدث عن الاغنيات وأسماء الشعراء ولم تتبرع بذكر اسم الشخص الذي تتغني له بثلاث ألحان وأقولها بكل فخر ثلاث من أجمل الاعمال التي بنيتهاوكان هذا شيئا محبطا يخيب فيك كل الآمال.
تحليلي أن معز وشروق قد أعتمدا علي عمق العلاقة التي تربطني بهما وغامرا ببث لحني بتلك الطريقة.
نعم فان طلبت مني شروق وصديقي بروف معز أي شيئ وأي تضحية لما توانيت فهما من أحب الناس الى قلبي ولكل منهما علي أفضال لاتحصي.

ولكن أغنياتي دونها (فنائي) من على هذه البسيطة.

وبناءا علي هذه الاحداث فقد قررت عدم السماح لأي فنان باداء ألحاني أو تسجيلهابدون موافقتي المكتوبة وسوف ارسل مكتوبا للجنة المصنفات الفنية بهذا الامر.

وساعود للحديث عن شروق نفسها كفنانة وكخامة صوتية جيدة ورؤيتي حول التعامل مع الخامات الجديدة

الحبيب الغالي الموصلي،

إنت طبعاً عارف محبتي ليك وإيماني العظيم بروعتك

ياخي أنا أعمل أي حاجة إلا أغامر بإحساسك تجاه أعمالك الأنا عارف معناها وقيمتها عندك

انت عارفني الكلام الأكاديمي الفوق ده كلو أنا ما بفهم فيهو

لكن الشي الأنا بعرفو إني لما سمعت شروق بتغني الأغنية دي اتكيفت كيف ما حصل وقربت اقلب هوبة..

وكمتلقي عادي ما شعرت بأي مشكلة

ولا حسيت انو بث الأغنية حيكون فيهو مشكلة

بل كنت مقتنع وما زلت إنها ح تكسر الدنيا

لكن ده رأي زول ما عندو خلفية أكاديمية في الموسيقى


المهم يا سيدي عشان نمشي لي قدام الشيء الأساسي من اللحن موجود وما أعتقد تكون في اي مشكلة انك تشرف على الأغنية لتخرج بالطريقة الصحيحة عشان نحن بالجد عاوزينها تمثلنا في كل المحافل وما يكون فيها ثغرات

لأنها دي ما أغنية كشا مشا ساكت..

دي أغنية مسكوب فيها كل عصارات الإبداع الإنساني ممزوجة بعصير الشمس ونكهة العذوبة

ومغطاة بندى البنفسج.. وحفيف الشجر..

عشان نكون عمليين 100% فما هي أحسن طريقة لتشرف على أغنياتك في ألبوم شروق الجديد؟

في رأيي إنك تحضر بأي طريقة خلال الأسبوعين القادمين للإمارات وأنا متبرع بالتذكرة

والإقامة في رموش عيونا والله..

أما إذا ما في طريقة تحضر ياسر يرسل ليك تسجيل الأغنية وانت تعمل التعديلات بسرعة البرق وشروق تعيد تسجيلها وترسلها ليك

أها رأيك ايه؟؟

حاولت اتصل بيك لكنك ما بترد وتركت ليك رسالة في الـ Voice Mail..

يا زول والله نحن بنحبك وبنحترمك لامن تقول كفى..

وخدك دي هدية مني (طالعة هسسسسسسة دي):

ليل هواي

شايل هواك في ليل هواي
غيمة ومطر
حاضن مشاعرك في دماي
شارة خطر
بركان مولّع بي شقاي
صدرو انشطر
***
وانا بين سنين وعدك مناي
وانا بين حنين زاهي وقدر
راسم صباحاتك مساي
همسة شذى ورنة وتر
يوم هجرك اتوسد سماي
نبض الفرح خاطرو انكسر
***
الليل رحل وانا جيت براي
لا نجمة ضوّت لا قمر
حتى المسافات المعاي
سابتني تايه في ممر
لا قدرت أسترجع خطاي
لا لحقت في دربك سفر
***
لو آخر الآهات بكاي
كان دمعي ليك دفق بحر
ولو كنت قدامي ووراي
واحساسك المكتوم ظهر
ما كان بتوه جنبك مداي
ولا شوقي ليك قلبو انفطر
***

ده الكلام وده معز البنعرفو وبنعزو وحرم أناأنا كنت موفر الخمسة عشر يوم للسودان وبجيكم ليها من أجل العمل وخليني انسق مع ناس الشغل هناوأجيكم وحنتراسل.

وسبحان الله انا ماقريت بوستك وبكتب في البوست السابق.

القصيده حربيه وموصليه

بجيك راجع

أشكرك يابروف فانت بذلك تثبت حرصك علي عدة أشياء اولا ظهور شروق بالمظهر الرائع
خروج لحني وتوزيعي بالطريقة التي اريدها وأحبها لان رؤية الفنان غاية في الاهمية
الحرص علي ان يخرج نصك في أجمل حله وأخيرا لان بيننا مشاريع كثيرة فلن نسمح لسحابة عابرة بان تظلل سماءنا بمظر من الغشاوات.
تقبل فائق محبتي دائما ولازلت حزينا لفقدي الالحان الخمسة لقصائدك بالخراب الذي حدث للشريط ولكن لازالت مختزنة في دواخلي وستخرج باذن الله.
سأوافيكم بكل شيئ خلال يومين

القصيدة تنضح بالتعابير الجميلة والعواطف الجياشة وهي ملحنه براها

نعم من حقها أت تحلم بان ترتاد كل الآفاق الفنية وأن تكون قائدة للتجديد في مجال الاغنية النسوية أو مجال الاغنية عموما مثلها في ذلك مثل اي فنان طموح فهي تملك الخامة الجيدة بل الرائعة والتي بشيئ من الصبر والتمرين الشاق سوف تصل الي مبتغاها.
والفنان الجديد يحتاج منا الي دعم معنوي ويحتاج منا الي انتظار فالفنانين لايمكن قياسهم بضربة البداية ولا الوسط ولكن مابعد الوسط تجاه النهاية حيث تتبلور النتائج
ويظهر طموح الفنان ويظهر ان كان ذلك الفنان (الفنانة) في تطور بمرور الزمن ودونكم تجارب كل الفنانين الآخرين محمد وردي محمد الامين ابو عركي عثمان حسين زيدان حنان النيل البلابل ألخ ألخ. لذا فالحكم القاطع قد يوقع صاحبه في مشكلة كبري.
والفنانين لايغيرون التاريخ بضربة واحدة ولكن بعمل شاق وحثيث ولكن هل هذا يعني باننا نخنق بروفيسور معز في رأيه لا.
قطعا في اول ايام ظهور الكاشف كان سيكون من سيتحدث عنه بهذه اللغة الواثقة كما فعل بروفيسور معز مع شروق سيواجه اعتراضات ولكن هاهو الكاشف يثبت بما لا يدع مجالا للشك
ماهو اكبر مما قيل عنه .
والسؤال هل احدث ذلك التغيير الكاشف لوحده أم كانت تقف معه مؤسسات قوية لها قدم راسخة في علوم الموسيقي وخبرة كبيرة فيها مثل مصطفي كامل الموسيقار المصري العبقري
وهل كان بامكان أم كلثوم أن تكون كوكب الشرق بلا عبد الوهاب والسنباطي والموجي والشعراء العظام
احمد شوقي وابي فراس الحمداني.
وهل كان بامكان مصطفي سيد أحمد أن يفعل مافعل بدون الشعراء المطاليق؟؟
أحبتي الفن ليس خبط عشواء ولا بالبلدي (ضربو رماه) انه دم ودموع وابتسامة.

محبتي للجميع وشكرا لشروق التي اوضحت لي بان الكلام كان مبتورا وأعتذر لها مقدما وللبروفيسور معز .

تغيير السرعة ونوع الإيقاع قتل حيوية الأغنية
وبذا فقد أنتهي اللحن كمعادل موضوعي للنص الشعري وأصبح غريبا عنه وافتقر إلي أهم عناصر التماسك فيه وتفتت إلي خلايا بعد أن كان جسما محسوسا ملموسا



الاستاذ الموصلى
لك المدى
اقدر حزنك لوفاة لحن (هل كل الفنانين يتعاملون مع اللحن كمعادل موضوعى للنص الشعرى؟)

الصديق هشام
ربما يريد البكثير من الفنانين أن يخاطبوا عقلية معينة وبشكل معين ولكن الثبات في رسالية الفنان مهمة جدا نعم فان الكاشف بسبب ثباته لم يعرف ان الناس قد اكتشفوا عبقريته بعد رحيله وهاهو الان يعشعش في دواخلنا ويقيم بصفة دائمة بينما رحل كثيرون الي عوالم النسيان ولكنني
أعتقد بأن شروق قد استمعت لصوت العقل الفني لان النجاح المؤقت سهل ويحتاج لتنازلات
مثل ما حدث في القاهرة لبعض المطربات ولكن من سيتذكرهم بعد ذلك؟؟

تحياتي

1

الأستاذ الموصلي:
مشكور على العودة كما وعدتنا وكان كل خوفي من مشكلة المواعيد عند السودانيين وعشاان كده انا كنت عامل Reminder لي يوم الثلاثاء ده واول ما جيت قلت اجي اديك لكزة واقول ليك عووووق يا موصلي الليلة الثلاثاء ..
اثبت لي بهذا الموقف يا استاذنا الكبير إنك كبيييييير والكبيير كبييييييييير ما تتخيل الزول البيحترم مواعيدو ده بيريحني كيف ..تعرف يا موصلي معناها انت زمان كنت في السودان النوع البيجي الحفلة قبل الجمهور والمعازيم وخوفي تكون النوع البيكون الحفلة خلصت والعريس والعروس ما جو مش زي فنانين الايام دي (الكبار منهم والصغار) يجوك الساعة 10 مساء ويغنوا ليك لحدي الساعة 11 مساء ويشيلو السمينة (الكاش)..

الجزء المهم في الموضوع عايزين نستفسر هل ما كتبت الان قابل للنقاش ام هي معلومات اردت تمليكها للناس لأني شعرت انو الموضوع فيهو جانب من الحساسية وخوفنا ان نتداخل فتحسب علينا من ضعاف النفوس بالرغم من إنو ما لدينا كثير في ما كتبت يا استاذنا ..

لك التحية وللدكتور معز وحقيقي لفت إنتباهي ملاحظتك عن عدم ذكر شروق لإسمك في التسجيل المرفق وما حبيت اثير الموضوع في بادئ الامر لكن يبدو ليس انا الوحيد من لاحظ ذلك !!!
تحياتي وفي الانتظار ..

الصديق عمر الفاروق

محبتي اخوك من شدة مواعيدو كويسه بخاف من روحي ذاتها
وكتيرين بخشو معاي في حرج وعندي جنس حكاوي

يمكنك المناقشة فلقد عرفت ان شروق سعيدة جدا بالجدل خصوصا بعيدا عن الاساءات
فالجدل ليس له معني غير ان هنالك شيئ له قيمة ما جدير بالنقاش
وقد أخطرتني شروق تلفونيا بأنها ودكتور معز تحدثا عني طويلا وسترسل لي الحلقة
وقد عاتبتها علي بث التسجيل الذي كنا نعتقد أنها يمكن أن تقدم أحسن منه
شكرا لك علي نقاشك وسأحاول الرد علي كل من في هذا البوست

مرحب بك ياعمر

الصديق نشات شكرا لبوستك الجميل

راكوبه دوما تسجيلاتك رائعة

الاحبة
ملاسي
ود المايقوما
بت العمه الحلوه(ناديه عثمان بورو)
حاتم ابراهيم
فيصل44
الفنان (ترهاقا)
بناديها
محمد الشيخ

بصرف النظر عن اختلاف الاراء فيما اتيتم به الا أنه عظيم الفائدة لفنان جديد

وليستمر الحوار

I hope that I haven’t knocked the post down by my interfering.

الاستاذ الجميل الموسيقار الموصلي
يا الله يا موصلي.. لو كان لمن يقومون بانتاج الاغنيات في السودان
عشر معشار حرصك هذا لما جاءتنا هذه الركاكة التي تطيح الان بكل
ما شاده العمالقة في زمن الغناء الجميل..
التعاون مطلوب.. وليس التهاون.. فانت رجل بقامة مديدة في الابداع
وكل ما يكتب باسمك ستسأل عنه يوماً.. سيسألك تاريخ الأغنية السودانية
عما احدثته فيها.. وعما قدمته لها..
لك التقدير وانت تحرص على التجويد..

الاديب الطبيب د. معز
ياها دي المحرية فيك.. انصاتك للموصلي.. واستعدادك التام لمراجعة العمل
هي الروح التي نتمناها ان تسود جميع من يهتمون باخراج عمل يليق بالسودان..
وشروق بكل هذا الزخم الذي تتناوله من اشعار راقية والحان رائعة ستكون مؤهلة
باذن الله لتحدث النقلة التي يتحدث عنها البعض في مسار الأغنية السودانية والخروج
بها من ايغالها في المحلية إلى براحات العالم..
ونحن في انتظار هذا الجميل القادم من رحم الغيب عله يحمل لنا من البشريات ما يزيل
كدر سنوات كسيحة قضيناها ونحن نجتر الذكرى فقط لفن نجزم بانه الأول على كل النطاقات
ولكن سوء التخطيط دوماً يقودنا إلى سوء المنقلب..
اذن فلنجر هذه الورشة.. وليقدم كل منا ما لديه حتى يخرج هذا العمل في كامل أناقته.. لا يهم
ان تاخر.. شهر.. شهران.. ثلاثة.. المهم ان يخرج كما نرضى

الاخوة المتداخلون..
الشكر الجزيل على هذه الاضافات الثرة التي جعلت من النقاش مثل هذه الفوائد التي نجنيها الان
اذ كنتم حادين لركب هذا البوست، وكل ما تمخض عنه من فكر وآراء.. وأخيراً كل هذا الجمال الذي
نراه ماثلاً أمامنا..
للجميع خالص احترامي وودي وتقديري

شكرا لك عزيزي نشات علي حديثك العاقل وان كان في حديثي وسردي بعض القسوه علي الفنانة الجادة شروق فانها (قسوة الحرص) علي نقل هذه الخامة الفنية القيمة الي درجة لهاوقع وأثر في دواخل جماهير السودان الحبيبة والعالم الخارجي ولها مني تحية الحريص ولها مني وعد بالتواصل كما أشكر اخي وصديقي العزيز بروفيسور معز لتفهمه حرصي التام فهو رجل علم ويعلم أن خلل ما في بحث أو تحليل ما قد يؤدي الي كارثة.

محبتي وليتواصل الحوار وانا علي اتم استعداد

أستاذى الجميل الموصلى

مودتى ومحبتى..

كنت قد ذكرت بأن شروق محتاجة لسماع الغناء السودانى وبكثافة لكى تكتسب خاصية الموسيقى السودانية وهى الخماسية .. إن شروق الآن واقعة فى الوسط بين ما نشأت على سماعة وهو اللون الخليجى من الموسيقى وما فرضته عليها سودانيتها .. وهذه مشكلة يعانى منها أبنائنا الآن..
أعزى عدم مقدرة شروق على إعطاء النوتات كامل درجات ذبذباتها عند الصعود والهبوط للثقافة الموسيقية التى عاشتها وتأثرت بها.. وهذا لا يعالج إلا بالسماع الكثير والمران الأكثر
كما ونصحت بدراستها للصولفيج الغنائى ودراسة الصوت وأضيف الى ذلك سماعها للإيقاعات السودانية المختلفة من دليب ومردوم وجرار وسيرة وتم تم وسامبا الخ ..

كما أسمحوا لى بأن أسأل سؤال قديم جديد..

هل لكى تكون عندنا أغنية نشارك بها فى المهرجانات العربية بأسم السودان هل يجب أن تؤلف على المقامات التى تحاكى أو تقترب من الموسيقى الشرقية أو الخليجية أو تلك الشامية أو حتى الظاهرة اليوم على الساحة الغنائية؟؟
أم يجب أن نوصل للعالم العربى موسيقانا بنكهتها الخماسية وإيقاعاتها المميزة؟؟
إن كانت شروق تجيد الغناء الخليجى إفتراضا .. لماذا لا نتركها تغنى الأغانى الخليجية المحببة للخليجيين لتفت اليها الأنتباه ثم توصل من خلال ذلك موسيقانا بكل ثقافاتها؟؟
أحد الأخوة المعلقين أعلاه ذكر بأن الأغنية الجميلة التى أصيغت شعرا وتأليفا إعتقد بأنها لماجدة الرومى!! ما هو تفسيركم لهذا؟؟

هذه مساهمة منى لأثراء الحوار والنقاش ، والمستفيد فى الآخر هى شروق..

مودتى

عبدالعزيز خطاب

My friend Aziz
Thanks for your participation but I totally disagree with you in some points

and I will come tomorrow with Arabic in detail.

سلام ومحبة للجميع

وتحية وانحناءة لرائعنا العظيم الموصلي

وفي انتظارك على ضفاف الخليج

بروف معز لك الانحناءة علي هذا الاهتمام

وقبل اربعة ساعات من الان كنت أغط في نوم عميق

ولم اصحو في الرابعة صباحا كالمعتاد

ستسير الامور علي مايرام ان شاء الكريم

الحبيب عزيز بعد المحبة

هاهي نقاط الخلاف معك

Quote: كنت قد ذكرت بأن شروق محتاجة لسماع الغناء السودانى وبكثافة لكى تكتسب خاصية الموسيقى السودانية وهى الخماسية ..

لو استمعت الي شروق تتغني بالعيون السودة لانتابك تفكير بانها ابنة صاحب الاغنية الفنان التاج مصطفي وقد ورثت عنه تلك النبرات فشروق تتشرب الموسيقي السودانية منذ نعومة أظافرها.

Quote: هل لكى تكون عندنا أغنية نشارك بها فى المهرجانات العربية بأسم السودان هل يجب أن تؤلف على المقامات التى تحاكى أو تقترب من الموسيقى الشرقية أو الخليجية أو تلك الشامية أو حتى الظاهرة اليوم على الساحة الغنائية؟؟ أم يجب أن نوصل للعالم العربى موسيقانا بنكهتها الخماسية وإيقاعاتها المميزة؟؟

أعتقد أن موسيقيونا وقعوا في (شرك) أن موسيقانا خماسية فقط ولكن أن يقع فيه خريجو المعهد فان هذاربما يجعلنا نقف عند هذا الامر.
تري ياصديقي عزيز العزيز وصل تاثير أعلام وسط السودان (أمدرمان) الي هذه الدرجة في الاقناع للدارسين.
ان موسيقانا الشعبية الاصيلة في شرق وغرب السودان لا تخلو من المقامات العربية فان تداولناها فان ذلك هو عين الاصالة وقد ثبت من خلال كثير من الابحاث التي أجريت خصوصا بحث (تصنيف وتحليل المقامات في شرق وغرب السودان باعتبارها مادة خام للتاليف)
وقد تم تدوين وتحليل 300 من شرق وغرب السودان مناصفة حيث ثبت ان المقامات العربية موجودة في كل الغرب تقريبا ولدي قبائل الرشايدة والدناكل علي الساحل الشرقي. كما يوجد بالشرق مقامات لاهي عربية ولاهي خماسية ولكن نوع آخر خاص بالبجا والارترين والاحباش.
واعتقدأنني قد نجحت علميا في اضافة المقامات الجديدة وأعطيت موسيقينا فرصة الانطلاق والتحرر من نير الخماسية فقط.

Quote: أحد الأخوة المعلقين أعلاه ذكر بأن الأغنية الجميلة التى أصيغت شعرا وتأليفا إعتقد بأنها لماجدة الرومى!! ما هو تفسيركم لهذا؟؟

نعم لقد صاغها شعرا بروف معز وصغتها لحنا وتوزيعا لتكون في ذلك المستوي وماجدة الرومي فنانة رفيعة جدا.
عموما وبشكل عام أنا من أنصار ان ينطلق الفنان الي رحاب التعبير الحر بعيدا عن الانغلاق غير المفيد مع محبة خاصة لخماسينا ايضا وتقبل فائق

المعزة

Quote: خدورى ليك وحشه راجنك تجي ولا هسع اخلي بارعه ترسلك الدكان

أستاذى الجميل الموصلى

الحب كله والتقدير

Quote: لو استمعت الي شروق تتغني بالعيون السودة لانتابك تفكير بانها ابنة صاحب الاغنية الفنان التاج مصطفي وقد ورثت عنه تلك النبرات فشروق تتشرب الموسيقي السودانية منذ نعومة أظافرها.

أول عمل أستمعت فيه لشروق كان عيش معاى الحب وكنت فى لهفة لسماعها من حديثك عنها وبروف معز.. ولكن لم يكن العمل فى مستوى الحديث وانا أتحدث من مجال تخصصى البحت وهو الصوت ( مع جمال خامتها ) وحرصا على تشجيع المواهب ومساهمة منى وتقديرا لك وبروف معز كاتبتها موضحا ملاحظاتى ثم كاتبت الأخ بروف معز ووضحت له وجهة نظرى وهو دوما فنانا فى حسه وخلقة فرد رسالتى بألطف منها وذكرت له بأن يوصل لك ملاحظتى علها تسهم فى سير مستقبل شروق.. وأنت أستاذى الخلوق تعلم مدى تقديرى لعلمك وفنك وآرائك .. وتعلم مدى محبتى للمساهمة لأى موهبة ممكن أن أسهم فى صقلها وتقديم الأفضل بتجرد كامل.. ولى مكاتبات مع بروف معز فى ذلك الخصوص..

Quote: أعتقد أن موسيقيونا وقعوا في (شرك) أن موسيقانا خماسية فقط ولكن أن يقع فيه خريجو المعهد فان هذاربما يجعلنا نقف عند هذا الامر. تري ياصديقي عزيز العزيز وصل تاثير أعلام وسط السودان (أمدرمان) الي هذه الدرجة في الاقناع للدارسين. ان موسيقانا الشعبية الاصيلة في شرق وغرب السودان لا تخلو من المقامات العربية فان تداولناها فان ذلك هو عين الاصالة وقد ثبت من خلال كثير من الابحاث التي أجريت خصوصا بحث (تصنيف وتحليل المقامات في شرق وغرب السودان باعتبارها مادة خام للتاليف) وقد تم تدوين وتحليل 300 من شرق وغرب السودان مناصفة حيث ثبت ان المقامات العربية موجودة في كل الغرب تقريبا ولدي قبائل الرشايدة والدناكل علي الساحل الشرقي. كما يوجد بالشرق مقامات لاهي عربية ولاهي خماسية ولكن نوع آخر خاص بالبجا والارترين والاحباش.

وكيف لنا أن ننسى ما درستمونا اليه ثم ما علمناه من دراستنا وسماعنا وملامستنا واقع الموسيقى السودانية وتاريخها ..
نعم أستاذى فى غرب السودان مقامات عربية وفى شرقه أيضا مع تداخل مقامات القبائل المداخلة بين أثيوبيا واريتريا والقادمة عبر المحيط الهندى والبحر الأحمر وأيقاعات سكان السوداحل وموسيقاهم ومقاماتهم . ولكنى عندما ذكرت الخماسى أقصد به موسيقى الوسط والتى شاعت كل السودان حتى أصبحت ذوقا عاما فى السودان..
أما الأذن السودانية مازالت غير قادرة على تذوق ربع التون أما نصف التون فوجد مكانة فى الموسيقى السودانية بشكل أكثر وضوحا فى العقدين الأخيرين أويزيد قليلا بعد أن توليتم قيادة التأليف الموسيقى ..

Quote: واعتقدأنني قد نجحت علميا في اضافة المقامات الجديدة وأعطيت موسيقينا فرصة الانطلاق والتحرر من نير الخماسية فقط.

أبصم على هذا وأفخر بأننى أحد تلاميذك..

إن مداخلاتى القصد منها المساهمة وليس النقد الذى يحط ويحبط شروق..

أعتقد بأنها فى مرحلة تحتاج الى كل ملاحظة وكل توجيه والفنان يجب أن يعلم أولا بأنه لن تتوافق الآراء عليه ، ويجب أن يكون ذلك دافعا للمزيد من الأجتهاد والبذل .. والتواضع هو مفتاح نجاح الفنان.

مودتى كاملة والحب
عبدالعزيز خطاب

الحبيب عزيز

لولا أن نقاشك علمي وصافي النية لما استمر هذا الحوار من أساسه فانت رجل له راي معتبر كدارس لعلم الصوت وتكنيكه.

وقولك

Quote: .. وأنت أستاذى الخلوق تعلم مدى تقديرى لعلمك وفنك وآرائك .. وتعلم مدى محبتى للمساهمة لأى موهبة ممكن أن أسهم فى صقلها وتقديم الأفضل بتجرد كامل.. ولى مكاتبات مع بروف معز فى ذلك الخصوص.

أنني اعلم صدقك وأمانتك ومعزتك وأعلم انك تنقد للمصلحة العامة وللنقد أهمية كبري لقدامي ومحدثي الفنانين.

Quote: أما الأذن السودانية مازالت غير قادرة على تذوق ربع التون أما نصف التون فوجد مكانة فى الموسيقى السودانية بشكل أكثر وضوحا فى العقدين الأخيرين أويزيد قليلا بعد أن توليتم قيادة التأليف الموسيقى

أتفق معك ونحن جميعا نستخدم نصف التون برغم وجود بعض الارباع في الاداء الشعبي مردها عدم ضبط الالات بطريقة سليمة وفي نظرية بلا بارتوك يتم الاشارة الي هذا (بسهم) صعودا او هبوطا.

Quote: أبصم على هذا وأفخر بأننى أحد تلاميذك.. إن مداخلاتى القصد منها المساهمة وليس النقد الذى يحط ويحبط شروق.. أعتقد بأنها فى مرحلة تحتاج الى كل ملاحظة وكل توجيه والفنان يجب أن يعلم أولا بأنه لن تتوافق الآراء عليه ، ويجب أن يكون ذلك دافعا للمزيد من الأجتهاد والبذل .. والتواضع هو مفتاح نجاح الفنان.

نعم أتفق معك وحاشاك ان تكون غير ذلك أيها الخلوق ولك عميق الشكر علي مساهماتك القيمة دوما.

شروق صوت عزب وقوى يجب ان لا نحبطها قبل ان تبداء
ويكفى ان استاذ الموصلى خلفها ولا اعتقد بان الموصلى سيضحى بأسمة وتاريخة الفنى من اجل لا شئى ويا خدر اخوى انتة اول زول مفروض تشجع شروق لانك بديت من القمة يعنى من طالب فى سنة اولى وقبل الصقل واكمال الدراسة جاتك الفرصة بالبوم الفاتح حسين واجهتك كمية من الانتقادات والحرب وقيل عنك نفس ما قلتة الان عن شروق بالنص ولكنك اثبت للجميع بانك صوت قوى ومبشر ولك الان جمهورك ومستمعين من كل مكان يعرفون من هو طارق ابو عبيدة.
اعطو شروق الفرصة بعيدا عن العدائية الغير مبررة لن تمحى خارطة الاغنية كما قال دكتور معز لكل فنان لونية خاصة واسلوب خاص ونحن يفرحنا ان نستمع للون اخر مختلف, تعبنا من التكرار
تكرار الاصوات
تكرار اغانى الغير
التقليد الغير مفيد ولا يضيف شئى للآصوات الجديدة ولا للمستمع السودانى
ان كان هناك جديد يخرجنا من التكرار فلنستمع ونحكم بعد ذلك.

شوشووووووووووووو


عارفاك انتى وياسر الوجيه وايمكن لارا زاتها متابعين البوست ده باهتمام بالغ حد المبالغة !

اها وانا بنتهز هذه الفرصة ومع انى (ماانتهازية) واقول ليك وينو الهناى ياخ ؟!!

لو زول سألك الهناى شنو ماتردى عليهو سمح ؟!!

بالمناسبة تلفونى عندك ولا ضاع من ياسر ؟!!

الحبيبه هاديه

اتفق معك أن شروق رائعة وأتفق معهم في ان كل مطرب جديد يحتاج لعناية فائقة
فالذهب الخام يمكن ان يتشكل الي حلي رائعة الجمال او الي كتل صماء

لك الحب كله علي هذا الحب الاصيل

والدفاع الرقيق

الاخت هاديه
التحيات الطيبات
هاديه كتبت

Quote: ويا خدر اخوى انتة اول زول مفروض تشجع شروق لانك بديت من القمة يعنى من طالب فى سنة اولى وقبل الصقل واكمال الدراسة جاتك الفرصة بالبوم الفاتح حسين واجهتك كمية من الانتقادات والحرب وقيل عنك نفس ما قلتة الان عن شروق بالنص ولكنك اثبت للجميع بانك صوت قوى ومبشر ولك الان جمهورك ومستمعين من كل مكان يعرفون من هو طارق ابو عبيدة.

هاديه اختي .. اعتقد انكـ ما قريتي كلامي عن شروق كويس
اولا انا دخلت البوست معترضا علي جمله قالها معز و شرحت لاحقا ان لا علاقه لها بالاخت شروق
..
ولم اعود للبوست إلا بعد تنبيهي لي انو الشباب عاوزين يسمعوا رأي في صوت شروق .
لم اتعود ان اقول رأي في اي صوت طوال حياتي و ده ماعندو علاقه بي الهجوم الحصل لي إبان
طرح البومي الاول في الاسواق .. لم اتعود الإدلاء برأي لانو انا ماعندي صكوكـ نجاح او فشل
بوزعها للناس (ده رغما عن دراستي لماده الصوت ) مسأله جودة او عدم جودة مطرب بحددها
الجمهور لذلكـ تجديني متحفظا دائما عن اصدار مثل هذه الاحكام

Quote: نجي لي غناء الاخت شروق شروق عندها خامه صوت جيده زي ما سبقوني بعض الزملاء و لمن اقول خامه يعني المقومات الاساسيه متوفره و من المؤكد ان شروق ستضيف جديد و ستطرب حواسنا كما اطرب جمالها اعيننا فقط لو تمرنت بشكل جاد و مكثف لان واضح في اغنيات ( عيش معاي الحب - ليله - لهواكـ عافيه المطر ) انو الحجم المليان في الهارديسكـ كبير يا تمبس و ده بتضبطو التمارين و بالمناسبه شروق عندها كنز معاها في الامارات .. اخونا حمزه سليمان .. يا شروق اقبضي في حمزه قوي تمارين و بأستمرار و صدقيني حايمرق الجوهره من صوتكـ بسهوله فحمزه فنان جدا بشأن التسجيلات اعلاه .. التسجيلات هذه لا تعطي رأي قاطع اولا و ثانيا نحن هنا لسنا من اجل الافتاء بصلاحيه شروق ام عدم صلاحيتها .. اعتقد اننا هنا للاحتفاء بمقدمها اضافه الي ان هذه اول التسجيلات التي نسمعها لها + انها كانت خايفه من الكاميرا فوارد جدا حدوث اخطاء و دي اخطاء عاده ما بتحسب .. بتزكر مره انو وردي في تسجيل اذاعي قال انو بخاف لحدي الليله كل ما يطلع المسرح فدي رهبه مسرح ساكت يا عمر يا حاقد شروق كل تمنياتي لكـ بمستقبل فني جميل قادم .. انا علي ثقة من انكـ ستصلين اليه

شوفي يا هادية انا كتبت شنو عن شروق .. ما اظن في حرص علي شروق اكتر من كده

شكرا جزيلا هاديه

الأستاذ الموصلي وكل الحلوين :
صباحات الله بي خيرا ..
استاذنا الموصلي حقيقي توقعنا منك الكثير بخصوص الأخت شروق وفعلاً كنت قد بدأت حديثاً اعتبره انا بداية قوية وكان لابد لشروق ان تسمعه ولكن نوعاً اراك بدأت تشفق عليها نوعاً ما ولا اقول نوعاً من المجاملة خوفاً من تنكسر عزيمة شروق فرجل بقامتك يخاف على الحانه اكثر من ابناءه لا يجامل وهذا واضح من حديثك ..
استاذنا الموصلي والاستاذ معز حقيقة اقولها لكم دون تغليف تواجهنا مشكلة المجاملة في الفن بصورة عامة ودون تخصيص وفي بعض الاحيان تواجهنا مشكلة عدم الإلتفات للمستمع البسيط ضاربين برأيه عرض الحائط ومعتمدين في حديثنا عن العلمية سواء في الصوت او اللحن أو الكلمة ..
إجتهاداً مني في هذا الموضوع إتصلت على بعض الأخوة " السمّيعة " في دولة الأمارات من اصدقائي السودانيين المقيمين هنالك ..
عرفوا شروق وقالوا لي انهم إستمعوا لها كثيراً وقالوها لي بالحرف الواحد :
" يا عمر الزولة دي في الخليجي خطرة عديييل لكن بس ما تغني سوداني !!! "
يبقا يا استاذنا الموصلي ده رأي الجمهور وطبعاً ليس المقصود ان الجمهور فقط هم الذين يعرفهم عمر الفاروق لكن يبقا هذا رأي مجموعة ..
وهنا يا أستاذ الموصلي أستدل بمثال بسيط :
لو افترضنا وجود شخصين درسا علم الإلكترونيات وتخرجا في نفس الدفعة احدهم كان الأول على الدفعة في المواد بينما الاخر يحمل ثلاث مواد كل سنة لكنه خطييير في العملي ومشهود له بصيانة معظم اجهزة الجامعة ..
تعطّل جهاز التلفزيون عند الموصلي فهل يذهب لمن هو شاطر في الكتب وحل المسائل الحسابية ام يذهب لمن هو خطير في العملي!!!!!!!
هذا بالضبط ما يمكن مقارنته بغناء شروق فانتم اهل العلم والموسيقى والتخصص ربما ترون اشياء علمية موجودة في صوت شروق بينما نحن العامة تغيب عندنا هذه الاشياء ولا نستطيع حسها مبدئياً كده في الوضع الحالي ..
النقطة الاهم يا استاذ الموصلي والملاحظ عندما يقول لكم شخص ان شروق واضح انها لم تغني في (الأغاني الموضوعة حالياً في البوست) بصورة جيدة اراكم تقولون له :
" ليتك سمعتها وهي تغني الأغنية الفلانية " العيون السود أو أو أو " .."
والمفروض يا استاذنا الموصلي وحسب المتعارف عليه ان لا يكون المغني فقط يجيد بعض الاغاني دون غيرها خصوصاً عندما يكون هذا الفنان مبتدئ إذ يمكنه ان يتغنى بمعظم الاغاني وهنا انا لا اعني مثلاً انه يتوجب على الموصلي ان يتغنى بذات الشجون لي ود اللمين ويجيدها او انيتغنى شرحبيل احمد بالاماني السندسية للموصلي ويجيدها لأن هؤلاء فنانون عمالقة وحددوا هويتهم الفنية مبكراً ..
اما في حالة شروق في من المفترض ان تكون تغني معظم الاغاني المنتشرة ولجميع الفنانين ولا ادري يا استاذ الموصلي كيف سيجاز صوت شروق في المصنفات وهي تجيد غناء اغاني بعينها دون الاخرى ونحن نعلم ان للمصنفات اغاني صعبة جداً لتمرين الصوت !!!
فهل ستقول لهم شروق (اسمعوني وانا اغني العيون السودا وانسونا من الباقي؟؟ "..
لست هنا في وضع المنتقد لشروق ولا في وضع المخالف لك وللدكتور معز بقدر ما انا اكتب بصوت المستمع البسيط وكما يقول اخونا خدر " البعاااااااااااااااااام " ..
ولا يعتقد البعض إنو الموضوع مشى معاي "باسطة " عشان كده بقيت اتلايق فيكم وكل مرة اجيكم ناطي بي فن جديد
المقارنة بحالة الاستاذ الكاشف وشروق صعبة يا استاذنا الموصلي وبالرغم من الدرجة العلمية لشروق والأمية للراحل الكاشف إلا ان المحك الحقيقي والذي جعل الكاشف يعبر كما نقول هو الموهبة الربانية يا استاذنا الموصلي...
لا اعرف عن شروق ولكن لا اعتقد انها تتمتع بالحس اللحني مما يجعلها تغني وتلحن ..
شروق مثلها مثل الكثير من الاصوات النسائية التي ظهرت على الشاشة ولا اعتقد ان هناك ما يميزها بصورة لافتة يجعلنا نراهن بها في محافلنا الدولية ونقلتنا إلى العالمية والوصول بالسلم الخماسي للقنوات الفضائية ..
نتمنى استاذنا الموصل ان توضحوا لنا ما هي المقومات الصوتية التي ستجعل من شروق الفنانة التي ستنقلنا للعالمية وما هي المميزات التي ربما تجعل من شروق الفنانة التي ستتفوق على حنان النيل وامال النور ونهلة عبد المنعم ..
تخريمة :
إن كان هنالك من موهبة فاتمنى حقيقي ان تكون قد استمعت للموهبة الصوتية والتي توقفت عن الغناء الموهبة ملاك الأمين ..
ولا اعتقد ان هناك من سمع بملاك الامين لكن هذه الملاك عملت شغل جميل خلال ظهورها على الشاشة منذ ان تغنت باغاني الاطفال ..
وللذين لا يعرفون ملاك الامين فهي قد ظهرت في فقرة غنائية مع حنان ابراهيم وعبير في اغنية يا بت ملوك النيل وكانت تلبس ثوب اخضر ولكن للأسف توقفت هذه الفنانة عن الغناء لا ادري إن كان بسبب الدراسة أو الأسرة ..
الفنانة ملاك هي شقيقة للمثل الكندي الامين والفنان ذو الصوت الجميل صلاح الامين ولا ادري اين هي الان ..

تحياتي ..

عمر الفاروق

Quote: استاذنا الموصلي والاستاذ معز حقيقة اقولها لكم دون تغليف تواجهنا مشكلة المجاملة في الفن

يا أبو عمير يا حبيبنا أسمع كلامي ده كويييييس:

شروق صوتها خرااااااااااااااااااافي ومدهش وقمة في الروعة والجمال

وهل يخفى القمر يا عمر ياخي؟؟

الموضوع بالنسبة لي ما مجاملة والله

وحتى لو مجاملة برضو صوتها جميل جداً جداً..ده رأيي وإحساسي بصوتها ودي حاجة أنا مقتنع بيها مليون في المية

مش كدة وبس..
ما في أي صوت نسائي في السودان زمان ولاّ هسة (برضو في رايي) أجمل من صوتها.. على الإطلاق .. لا تقول لي منو ولاّ منو

Quote: إجتهاداً مني في هذا الموضوع إتصلت على بعض الأخوة " السمّيعة " في دولة الأمارات من اصدقائي السودانيين المقيمين هنالك .. عرفوا شروق وقالوا لي انهم إستمعوا لها كثيراً وقالوها لي بالحرف الواحد : " يا عمر الزولة دي في الخليجي خطرة عديييل لكن بس ما تغني سوداني !!! "

الكلام ده يا عمر ما ليهو علاقة بالصوت
ده ليهو علاقة بالبيئة والتذوق وطريقة الأداء بتاع الغنا السوداني

وشروق ح تغني غنا سوداني بطريقة جديدة

وامال قلنا ح تشطب داك وتعيد صياغتو ليه؟؟

ما هو فنانا الأول في السودان (محمود عبد العزيز) بعض الناس عندهم فيهو راي لما يغني أغنيات الآخرين ويقولوا ليك بس يغني أغنياتو ويقيف لأنو ببوظ الحقيبة وببوظ غنا الناس

يا عمر شروق ح تعيد صياغة تاريخ الغنا النسائي السوداني ح تعيدو..

لأ.. وقبل ما تعيدوا ح تشطب داك عديييييييل كده.. ..

وبعد كده مافي ليك أي لقاء سحاب

Quote: يا عمر شروق ح تعيد صياغة تاريخ الغنا النسائي السوداني ح تعيدو.. لأ.. وقبل ما تعيدوا ح تشطب داك عديييييييل كده.. ..

يا معز تاني نطيت من كلامكـ ولا شنو !!
up

خدر

Quote: يا معز تاني نطيت من كلامكـ ولا شنو !!

لكن انا أعمل شنو يا خدر مع محمد عبد الوهاب حقنا ده..

Quote: لكن انا أعمل شنو يا خدر مع محمد عبد الوهاب حقنا ده..

ههههههههههه
قِر قِر قِر قِر
قِر قِر قِر


وااااااااااااااااااااااكـ






5/صفر

خدوري اها جيت خفت من المرسال

هيييييييييييييييييع

الحبيب عمر حتي اعود يو م الاثنين ارجو ان تقرا ردي علي الصديقة هادية بعناية


وتفسرو لي هنا

Quote: الحبيبه هاديه اتفق معك أن شروق رائعة وأتفق معهم في ان كل مطرب جديد يحتاج لعناية فائقة فالذهب الخام يمكن ان يتشكل الي حلي رائعة الجمال او الي كتل صماء لك الحب كله علي هذا الحب الاصيل والدفاع الرقيق ?????? ..

الصديق عمر الفاروق
دعني اولا اشكر فيك هذه الروح الجميله في الاختلاف وما حواركم هذا الا ومزيد من التقييم لشروق فمتي دار حوار عن فنانة في بداية طريقها هكذا؟؟؟.
قلت ياعزيزي

Quote: استاذنا الموصلي حقيقي توقعنا منك الكثير بخصوص الأخت شروق وفعلاً كنت قد بدأت حديثاً اعتبره انا بداية قوية وكان لابد لشروق ان تسمعه ولكن نوعاً اراك بدأت تشفق عليها نوعاً ما ولا اقول نوعاً من المجاملة خوفاً من تنكسر عزيمة شروق فرجل بقامتك يخاف على الحانه اكثر من ابناءه لا يجامل وهذا واضح من حديثك ..

وها قد سمعت شروق واوقفت التسجيلات وانتفض معز طالبا مني الحضور للامارات متكفلا بالمشوار كله وهاأنذا أترك واجب السفر لابنائي في ايوا لحراستهم الي حين عودة والدتهم من السودان تاركا المهمة لمحمود ابني طالب (الطب بجامعة ايوا) وهديل تومته طالبة علوم اللغات (Linguistics) وهما قدر المسئولية ان شاء الله موفقين ناهيك عن وضوح الرؤية بان شروق تحدثت عن الحاني باسهاب ولكن الاخوة الكرام هنا لم ياتوا بكل الحلقة.
وقلت

Quote: استاذنا الموصلي والاستاذ معز حقيقة اقولها لكم دون تغليف تواجهنا مشكلة المجاملة في الفن بصورة عامة ودون تخصيص وفي بعض الاحيان تواجهنا مشكلة عدم الإلتفات للمستمع البسيط ضاربين برأيه عرض الحائط ومعتمدين في حديثنا عن العلمية سواء في الصوت او اللحن أو الكلمة ..

هو عليك الله ياعمر الفنان بيخلق العمل الفني عشان (يسمعوا براهو)؟؟؟ أبدا وطبعا لا لا لا
شفناهو بيكد وبيجتهد عشان يسمع كلمه أما حلوه من المستمعين او نقد بناء من النقاد
وكلاهما الحالتين احلي من رفيقتهاولكن لماذا ترفض ياعمر مسالة العلمية هذه؟؟ هسع كان ما العلمية هذه كنا بنتجادل علي النت من مسافات كانت خيالية في زمان ما ولا حلال في حته وحرام في حته

وقلت

Quote: إجتهاداً مني في هذا الموضوع إتصلت على بعض الأخوة " السمّيعة " في دولة الأمارات من اصدقائي السودانيين المقيمين هنالك .. عرفوا شروق وقالوا لي انهم إستمعوا لها كثيراً وقالوها لي بالحرف الواحد : " يا عمر الزولة دي في الخليجي خطرة عديييل لكن بس ما تغني سوداني !!! " يبقا يا استاذنا الموصلي ده رأي الجمهور وطبعاً ليس المقصود ان الجمهور فقط هم الذين يعرفهم عمر الفاروق لكن يبقا هذا رأي مجموعة ..

والله ناسك ديل رايهم محترم بس عندي سؤال ليك ياخي شروق السودانيه الخطره عديل في الخليجي مابتقدر تتعلم تغني بالسوداني كدي فكر معاي برواقه كده وزي ماقلت ليك الفنان لايقاس وهليا (له أو عليه) ولكن يقاس بمعيار قدرته علي تطوير نفسه علي مساحة زمنية معقولة.

وقلت

Quote: وهنا يا أستاذ الموصلي أستدل بمثال بسيط : لو افترضنا وجود شخصين درسا علم الإلكترونيات وتخرجا في نفس الدفعة احدهم كان الأول على الدفعة في المواد بينما الاخر يحمل ثلاث مواد كل سنة لكنه خطييير في العملي ومشهود له بصيانة معظم اجهزة الجامعة .. تعطّل جهاز التلفزيون عند الموصلي فهل يذهب لمن هو شاطر في الكتب وحل المسائل الحسابية ام يذهب لمن هو خطير في العملي!!!!!!!

ذكرتني بهذا الحديث موسيقي سوداني توفي الله يرحمه يؤمن براييك هذا اسمه صلاح أبايزيد
وهو برغم ذلك اكاديمي وشاطر في الموسيقيى وكنت توا عائدا من القاهرة فور نيلي ماجستير التوزيع والتاليف من كونسرفتوارها وقررت ان ادرس في اجازتي مادة اللحن المضاد (كاونتربوينت) للاتية اسمائهمبناءا علي رغبتهم
ابوعركي البخيت
أحمد ربشه (عليه شىبيب الرحمة)
درديري محمد الشيخ مغني البلوستارز الخطير
وانضم لهم المرحوم صلاح ابا يزيد
ولكن فجاه قال لي صلاح انه ليس بالضرورة تدريس الكاونتربيون فانه يمكن بالاحساس (العملي) عمله
فكتبت له جمله لحنيه علي اليبورة
وقلت له (ارجوك ألف لهذه الجملة( لحنا مضادا بالطريقةالعكسية التقهقرية) فبهت.
ليس كل اللحم تأكله الطيور ياعزيزي عمر.

وقلت

Quote: النقطة الاهم يا استاذ الموصلي والملاحظ عندما يقول لكم شخص ان شروق واضح انها لم تغني في (الأغاني الموضوعة حالياً في البوست) بصورة جيدة اراكم تقولون له : " ليتك سمعتها وهي تغني الأغنية الفلانية " العيون السود أو أو أو " .." والمفروض يا استاذنا الموصلي وحسب المتعارف عليه ان لا يكون المغني فقط يجيد بعض الاغاني دون غيرها خصوصاً عندما يكون هذا الفنان مبتدئ إذ يمكنه ان يتغنى بمعظم الاغاني وهنا انا لا اعني مثلاً انه يتوجب على الموصلي ان يتغنى بذات الشجون لي ود اللمين ويجيدها او انيتغنى شرحبيل احمد بالاماني السندسية للموصلي ويجيدها لأن هؤلاء فنانون عمالقة وحددوا هويتهم الفنية مبكراً ..

ردي كان علي عزيز بانه يجب ان تتدرب علي السوداني/ بانه لو سمعها تغني العيون السوده للتاج مصطفي لطن أنها ابنته لا علاقة له بالطريقة التي تفضلت بها هنا هذه واحدة ولكن من اين أتيت بهذا الافتراض بانه يجب علي الفنان أجادة كل الاغاني لا ياعزيزي فهنالك أغنيات اسلوب واستايل معين ينفع مع صوت الفنان ويقع الفنان في خطأ كبير ان ظن أنه بتاع كلو (Stile makes fights) علي حد قول الملاكمين الامريكان.

وقلت

Quote: ولا يعتقد البعض إنو الموضوع مشى معاي "باسطة " عشان كده بقيت اتلايق فيكم وكل مرة اجيكم ناطي بي فن جديد المقارنة بحالة الاستاذ الكاشف وشروق صعبة يا استاذنا الموصلي وبالرغم من الدرجة العلمية لشروق والأمية للراحل الكاشف إلا ان المحك الحقيقي والذي جعل الكاشف يعبر كما نقول هو الموهبة الربانية يا استاذنا الموصلي...

الكاشف هو استاذي العظيم بلا شك
وشروق ايضا موهبة تحتاج لعناية من الموسيقيين وعندها سيكون لكل حادث حديث وأها انت قلت الجمهور قال ليك انها خطره جدا في الخليجي فبالله كم فنانين السودان لديهم هذه الموهبة الربانية؟؟؟

Quote: وقلت إن كان هنالك من موهبة فاتمنى حقيقي ان تكون قد استمعت للموهبة الصوتية والتي توقفت عن الغناء الموهبة ملاك الأمين ..

لم اتشرف بسماعها ولمن تلقاها واسمعها وأقتنع ستجد مني كل عون.

أخيرا اليك مثال عبد الحليم شبانه اي (عبد الحليم حافظ) الذي كان يعزف الابوا
والكلارنيت وراء شقيقه المغني الخطير اسماعيل شبانه ولكن اسماعيل لم يكن يحب الفن بالدرجة التي يحبها عبد الحليم برغم الفارق الشاسع بين صوتيهما من ناحية الموهبة الربانية ولكن سبحانه وتعالي اهدي عبد الحليم موهبة اخري هي موهبة الذكاء فتفوق علي كل اقرانه الفنانين العرب.

قطعت نفسي ياخ هسع ماشي لي ردك التاني

يا دكتورنا :
والله حيرتني معاااااااااااااااااااااااااك ..
ياخ مانشستر وقلنا ضربة حظ اها محمود عبد العزيز ده شنو ؟؟؟

Quote: ما هو فنانا الأول في السودان (محمود عبد العزيز) بعض الناس عندهم فيهو راي

دي أصحّ جملة يا دكتور تقولا من ما دخلت الجامعة
يعني شفت جملتك الفوق دي لا تقول لي بحوثاك ديك لا يحزنون وجملتك دي والله قرررررررررربت تخليني خلااااااااااااااااااااص اقتنع ليك بي ماسكة الإستيكة (على وزن حافية القدمين)
..
تعرف يا دكتور انا لمن كنت خارج اسوار مدينتكم سودانيز اون لاين قمت انت ختيت ليك صورة ليك مع محمود ..
اول تعليق انا قلتو:
" والله دكتور معز لقاها "
بختو بيعرف محمود
ما تتخيل الصورة دي كيفتني ليك كيف وقلت ايوة محمود بقوا الدكاترة بيقتنعوا بيهو بعد ما الناس كانت وبكل اسف تصنفوا فنان الشماشة (ناس نحن ..)
غايتو يا دكتور راجع موضوع المريخ ده الله يرضى عليك ..

Quote: وبعد كده مافي ليك أي لقاء سحاب

انت دايرنا نتلاقا في السما ولا شنو ؟
والمشكلة ملاقاة السما بس حا تكون في الليلة ديك
عموماً يا دكتور انا بجي البحرين إن شاء الله مخصوووووووووص عشان احددا معاك وبي المرة اديك اخر اعمالي عشان تديها للموصلي وتعملوا لي ورشة إن شاء الله في المنطقة الصناعية
تخريمة :

Quote: ههههههههههه قِر قِر قِر قِر قِر قِر قِر وااااااااااااااااااااااكـ 5/صفر

يا خدر ما تنسى في مباراة إياب ويا راكوبة ما تجيني ناطي وتقول لي حا تبقا زي ناس الهلال وتتمها فليق
بالمناسبة نحن عندنا في الحلة كانت بتكون 9/صفر فزي إنت ما قصرت معاي وعملت لي تخفيض بمناسبة العطلة الصيفية وشلت اربعة ..
مكسب ..

I haven’t seen your answer yet dear Omer

+++++

الاستاذ الموصلي:

Quote: الحبيب عمر حتي اعود يو م الاثنين ارجو ان تقرا ردي علي الصديقة هادية بعناية وتفسرو لي هنا

طبعاً يادوب شفت الكلام ده ..
وبما إنو يوم الإثنين لسة ما جا فزي عندي فرصة لسة
عموماً كلامك لي الأخت هادية إضافة لي مداخلاتك معانا ماشة بي مبدأ :
لا تجعل يدك مغلولة ولا تبسطها كل البسط ..
وزي خليت الكلام عايم يا استاذنا فلا قدرنا نعرف شروق قطعة ذهبية تم تشكيلها كحلي وجواهر ام هي كرات صماء !!!!!!!
كل ما اعرفه الان ان شروق تظل في مرحلة تجمير هذه الكتلة الذهبية ونحن في إنتظار ان تتبين هذه الملامح لهذه القطعة الذهبية وكم نتمنى ان تكون
تبري وجمروهو والنار إنطفتلو طالع في الهجيرة والقمرة تأدبت لو ..

وكم نتمناه ان يكون من بني شنقول ...
وكل الخوف ان يصبح هذا الذهب من النوع الذي يتم إضافته في رقاقات الكمبيوتر ICs..
أو يطلع دهب ابو مرين ...

مبدئياً كده وللضمان الزولة دي يادوووووووووبة دبلة ..
وفي إنتظار كرسي جابر
تحياتي..

لفوق لحدي ما يجي الموصلي تاني يا عمر ويجمر ليك السبائك العندو

نشات شكرا اها انا جيت هو كمان عمر قايلني

رئيس الهلال أفو انا (يوسف ود عثمان ود محمد ودبلال ود النور)

هييييييييع

Quote: عموماً كلامك لي الأخت هادية إضافة لي مداخلاتك معانا ماشة بي مبدأ : لا تجعل يدك مغلولة ولا تبسطها كل البسط ..

الصديق عمر
أن لست عدو لشروق ولكنني حبيب لها فهي انسانة خلوقة بنت اسرة خلوقة
أقسو عليها حينما تكون القسوة واجبة ولمصلحتها واربت علي كتفها حينما تكون جديرة
بذلك وأغنياتي لا العب بها وأنا البزهج ومرات اخاف من الطائرات حاركب من شاطئ المحيط الباسفيكي عابرا امريكا ثم المحيط الاطلنطي ثم افريقيا واروبا وصولا الي الخليج العربي
من أجل التاكد والاشراف علي اغنياتي.
(مارايك في هذه الجدية.
وأنا كما قلت سابقا فقد سمعت شروق في التسعينيات وآمنت بانها تحت عناية ليس الموصلي فحسب وانمااي موسيقي سوداني جاد فانها ستكون فنانة ذات شان معتبر.

Quote: مبدئياً كده وللضمان الزولة دي يادوووووووووبة دبلة .. وفي إنتظار كرسي جابر

شروق منجم خام للذهب غني

وبجدها ومعاونة الموسيقيين والله من قبل ومن بعد

سوف تنوء مخازن محلات الخليج عن حمل الحلي التي ستخرج بها.

الموسيقار الموصلي
التحية لك.. وانت تشد من ازر شروق عابراً بها هذه البدايات التي ربما تبدو مربكة..
نتمنى أن يحذو الجميع حذوك في الأخذ بيد الاجيال القادمة من أفق الشمس
شكراً جميلاً.. ونبيلاً

نعم هي تستحق عزيزي نشأت
وانا بحمد الله قد أخذت بايدي الكثيرين قبلها فسميه حسن اول من تغنت برسالة الي أمي وآمال النور اول من تغنت بالاماني السندسية قبل أن تشتهر الاغنية ثم شاركت معي في سفر العيون ومني السيد تغنت معي في شريطي شوق الهوي فكرمني اهلها خير تكريم ثم اختتفتها عقد الجلاد ونيفين المصرية غنت معي لاول مره في طفل العالم الثالث وهي الان فنانة كبيرة بمصر وحنان النيل لحنت لها الفرح المهاجر فكان عنوان شريطها(يارزينه وصي عينيك الحنينه وجاء وقت شروق ثم تليها اسرار بابكر أحبهم جميعا.
أها نقول ليك الرجال كمان في المرة القادمة

التحية لشروق

مطربة الزمن الجميل

والعصور الساطعة

والتجلة والإنحناءة ليك يا موصلي

والمحبة كلها للجميع

ويا نشات الخرطوم موعودة في يوليو بالرائعة شروق

وان شاء الله ستكون لنا لقاءات عجيبة في منتديات الوطن الثقافية والفنية معها:

قبل الشمس (شروقك) بطلع
وشمس الدنيا تقيف ترجاك
وانتي الشمس العالي مقامها
وانتي صباح ايامنا هواك

تشكر يابروف كتير علي أهتماماتك المتعددة والمفيدة
الصديق العزيز
عمر الفاروق تحياتي لك وانا في انتظار حواراتك الشيقة دوما

لك المودة