|
|
 Re: BLACK CONSCIOUSNESS .. الوعى الأسود (Re: Tanash)
|
الحبيب طناش، العيد امبارك.
كعادتك، رميت بي صخرة عاتية ، مرة اخري، يحيل ركود بحيرة تيهنا في هذا الفضاء الي امواج متلاطمة كما نفترض. بحكم الكوما الاحنا فيها كشعب اسود"افتراضا"، كلامك عن "الوعي الاسود" حيعيد فتق الجرح الغائر والمتمدد اخدود في لاوعينا، نتيجة لي استرقاقنا الذي تبع سقوط دنقلا، اخر المعاقل و بوابة الفيضان كما قال Chancellor Williams.
كنوع من التكييف مع مرارة وقساوة واقعنا كقوم سود، لازلنا وحتي تاريخه نعتمد اعتماد اساسي علي اليات تغييب الوعي للانتصار علي الالم كما تقول دعاية كافينول!
طبعا الخطورة دايما كامنة في ادمان مسكن الالم، كان كحول اخوة انسانية"متخيلة"، ولا كان حشيش عروبة"متوهمة".
بخلاف حشيش العروبة، نجد الدعوة لعولمة جديدة متخفية في ثياب اخوة انسانية لا وجود لها الا في دخان كدوس احلامهم، المتصاعد في فضاء يقع خارج كوكب الارض.
من جانبنا نفضل مواجهة واقعنا بي رباطة جآش والتعاطي معه بواقعية وعقلانية، مسلحين بادوات تحليل منحوتة من التراكم التاريخي لي صخور تكوينا الثقافي، حيث لاشرقية ولا غربية، بل مرجعية سودانية افريقية مية المية.
المضحك المبكي لمان نقول كده، يقولوا ليك، انت متطرف!
عجبي!
مضحك لانو البتكلم كده، متشدقا بي هوية الغير،اصلا في روحو ماواقف علي ارضية حقتو كما هو حالنا نحن القادمين من احشاء ملايين الضحايا، من اجل سودان معتد بذنجيته.
حسب منطق هؤلاء، كل من يرفض السطو مثلهم، ليلا، علي هوية الغير، نطا علي الحيط، مصرا علي هويته السوداء او السودانية، فهو متطرف، كما قال لي سناري من قبل!
مبكي من الجانب الاخر، لانو المغرمين "المخمومين" بالاخوة الانسانية، ماواعين لي حقيقية ان هذا "فرنيب"* كلاب اخر، مصمم لخدمة الثقافة والمجموعة البشرية المهيمنة في الظرف التاريخي المحدد.
ثم ليه ولي مصلحة منو دعاة عولمة دريدا البديلة، طبقا لي دكتور بولا، يتم صب ماء بارد علي نار حرقة تطلعنا ان نكون انفسنا، في عالم ديدنه ودينه الاعتداد بالذات القومية للفرد والجماعة؟
بالذات لمن نضع في الاعتبار حالة تيهنا او ضياعنا، كشعب كاره لذاته الذنجية اي السوداء. سراب هذه العولمة البديلة، اخطر بي مراحل من وهم العروبة الذاهب الي مذبلة التاريخ لامحالة.
عشان كده ياحبيب ذي لغتك دي بتضرس سنون ذنوجة هذا الفضا، ولهذا هم يفرون بي "مخدراتهم"، خوفا من نبيح وجع الجرح الغائر او مدفون في اللاشعور.
عشان كده،الجماعة فارين من بوستك ده، فرارهم من الاجرب!
لاحظ كيف كلمة سودان بي معني Black افرغت من معنا تماما!
طول ما الكلمة دي منطوقة بالعربية، وبعيدة عن المقابل بتاعها بالانجليزي او اللاتيني Negro، فانت في امان تام!
فقط عندما نستخدم المقابل الانجليزي Blacks، فاAll all hell break loooooose!
ليه؟،
لانو كده السرج بحك في ضهر الحمار!!!!
علي كده الحمار بروح "منفجط" او يرمي الفوق ليهو، رررررب!
تفريغ مصطلح سودان من معناهو الحرفي، والتارخي، كان مهم بل ضرورة حتمية لملئ المصطلح بي معاني الهوية العربية المستعارة، كمخرج من جحيم ان يكون الواحد منا سودان او Black بالانجليزي، Negro بالاسباني والبرتقالي، Niger عديل كده باليوناني!
يكفي للتدليل علي وضاعة ان تكون سودان، شتم صحابي وفي حضرة رسول الاسلام، لي جدنا بلال بي صيغة ابن السودان او السوداء!
الوضاعة المشار اليها اعلاه، عزيزنا القارئ، هي من باب الاعتراف بي واقع نكابده كقوم سود، اين ما حللنا علي وجه البسيطة.
قطعا هذا لايعني اننا نؤمن بذلك من جانبنا.
لاابدا، ادوات تحليلنا ومرجعيتنا السودانية او السوداء، تعلمنا، ان الحضارات دول، تسود وتبيد، تولد وتموت، حسب قوانين الانتخاب الطبيعي، حيث البقاء للاصلح.
فلان السيادة الثقافية لاي مجموعة لاتدوم، فهاهي تؤول لمن كانو عبيد لنا حتي القرن الخامس عشر قبل الميلاد!
طبعا المركزية الاوربية ليست بهذه الدرجة من الغباء، لتقر بي حقيقة تاريخية كهذه، تنسف مفهوم سيادتها الحالي، باعتبارها ازلية، من الاساس!
وطبقا لقانون "ان دامت لغيرك"، نجد الصينيين او الجنس الاصفر بسخن، تمهيدا لي تغيير الاعب الغربي، في دوري الحضارات!
* فرنيب: شرك للكلاب يتسم بقسوة متناهية.
|
|
 
|
|
|
|
|
| العنوان |
الكاتب |
Date |
 BLACK CONSCIOUSNESS .. الوعى الأسود | Tanash | 11-20-04, 10:54 AM |
| Re: BLACK CONSCIOUSNESS .. الوعى الأسود | د. بشار صقر | 11-20-04, 02:16 PM |
| Re: BLACK CONSCIOUSNESS .. الوعى الأسود | Tanash | 11-23-04, 10:33 AM |
| Re: BLACK CONSCIOUSNESS .. الوعى الأسود | Bashasha | 11-20-04, 02:29 PM |
| Re: BLACK CONSCIOUSNESS .. الوعى الأسود | Tanash | 11-24-04, 05:11 AM |
| Re: BLACK CONSCIOUSNESS .. الوعى الأسود | د. بشار صقر | 11-20-04, 02:36 PM |
| Re: BLACK CONSCIOUSNESS .. الوعى الأسود | Abdel Aati | 11-20-04, 03:41 PM |
| Re: BLACK CONSCIOUSNESS .. الوعى الأسود | Tanash | 11-24-04, 10:05 AM |
| Re: BLACK CONSCIOUSNESS .. الوعى الأسود | Omer54 | 11-20-04, 10:00 PM |
| Re: BLACK CONSCIOUSNESS .. الوعى الأسود | Ishraga Mustafa | 11-23-04, 10:52 AM |
| Re: BLACK CONSCIOUSNESS .. الوعى الأسود | Tanash | 11-25-04, 07:45 AM |
| Re: BLACK CONSCIOUSNESS .. الوعى الأسود | Tanash | 11-27-04, 03:40 AM |
| Re: BLACK CONSCIOUSNESS .. الوعى الأسود | Bashasha | 11-23-04, 01:23 PM |
| Re: BLACK CONSCIOUSNESS .. الوعى الأسود | Ishraga Mustafa | 11-24-04, 00:34 AM |
| Re: BLACK CONSCIOUSNESS .. الوعى الأسود | شمهروش | 11-24-04, 05:29 AM |
| Re: BLACK CONSCIOUSNESS .. الوعى الأسود | Omer54 | 11-27-04, 04:37 AM |
| Re: BLACK CONSCIOUSNESS .. الوعى الأسود | hala guta | 11-27-04, 06:18 PM |
|
| |
Bashasha
فيس بوك
تويتر
انستقرام
يوتيوب
بنتيريست