|
أسئلة
|
يؤلمني جدا ختان البنات وضرب النساء وتعدد الزوجات والقول بأن بأن الرجال قوامون عليهن
يؤلمني جدا أن أسأل عن هذا وأنا في بلد أجنبي
لا أعرف بماذا أجيب المحاولة للتغاضي عن هذه الأشياء تنتهي سريعا عند(لا يمكن الأيمان ببعض الكتاب فقط)
أيها المسلمون أنصار سنة كيزان شيعة جمهريون مسلمين ساكت كده
الكلام ده كيف؟؟؟؟
|
|
|
|
|
|
|
|
Re: أسئلة (Re: mohammed alfadla)
|
لؤي ود جيرانا أمس شاهدت فلما عن ختان الاناث من السنغال أسمه MOOLAADE تعرف يا أبو اللول المسألة دي مؤلمة بشكل .. المشكلة انو البيعملوها بقولوا انها من الاسلام ،والمشكلة الأكبر انها مثبتة ببعض النصوص.. ياخي دي مسألة صعبة خالص
| |
|
|
|
|
|
|
Re: أسئلة (Re: mohammed alfadla)
|
يافضلابى كيفك دائماً نطرح اسئلة فى عبارات صغيرة ودلالات كتيرة انتة عارف اقصر اجابة ممكن تقول انا ايضاً مُسلم ولكنى اقف ضد ختان الاناث ولا أُويد تعدد الزوجات ولا ضربهن وغيرها الكثير .... ويمكنك ان تُضيف و هنالك مسملين كثيرين مثلى ولا كيف ؟
| |
|
|
|
|
|
|
Re: أسئلة (Re: راشد يحى مدلل)
|
فاضلابي يا شاب .. أن يؤلمك كل ما ذكرته,فهذا مسلك انساني .. أرجو أن تتمادى فيه . ولا اظنك موفقا بمحاولتك الاجابه على أسئله حول هذا العنف . فانت بريء منه , ولا تحاول أن تكون ناطقا رسميا باسم معتقدات , او وعي جمعي .. فهذا مرهق , ونادرا ما يكون حقيقيا .. كن ما أنت عليه ( ولا تبارح ) . ................
... طلال
| |
|
|
|
|
|
|
Re: أسئلة (Re: طلال عفيفي)
|
عفيفي يا طلال أول حاجة السؤال ده للمسلمين قلنا
ما أظن ،نحنا يا طلال ورثنا طوعا وكراهية أشياء كثيرة عن هذا الدين والمجتمع علينا أن نحاول التعافي الآن أنا عارفك راجل طيب فعلت به الأنسانية والثقافة أفعالها لكن هذا لا يعفيك ولا يعفيني من محاولة التغيير خصوصا وانو السودان (الشقيق على قولك) ما في حل معاهو لاحقنا لاحقنا
| |
|
|
|
|
|
|
Re: أسئلة (Re: راشد يحى مدلل)
|
Quote: انا ايضاً مُسلم ولكنى اقف ضد ختان الاناث ولا أُويد تعدد الزوجات ولا ضربهن وغيرها الكثير .... ويمكنك ان تُضيف و هنالك مسملين كثيرين مثلى |
ما بنفع يا راشد الناس دي قارية والله في مرة نرويجية قالت لي ختان الاناث ده موجود في تلاتة مذاهب المالكي والشافعي والحنفي ذي ده كيف أنا مشكلتي الكلام ده بالجد في الاسلام
| |
|
|
|
|
|
|
Re: أسئلة (Re: mohammed alfadla)
|
Quote: الناس دي قارية والله في مرة نرويجية قالت لي ختان الاناث ده موجود في تلاتة مذاهب المالكي والشافعي والحنفي
|
مش لو وجد في تلاتة مذاهب ان شاء الله كان وقف كل المسمين نفسهم مسلمين ديل و قالوا حلال انا و انت مسلمين مش مذهبيين ايا كان المذهب اسئلتنا نجاوب عليها من فهمنا نحنا لي كلام ربنا نحنا ما محتاجين مترجمين في النص عشان يقولوا لينا اعملوا كدة و خلوا كدة خلوا الائمة ديل يرتاحوا في قبورهم و انسوهم بقى اتذكروا الله واحد و كفاية
لكن عارف مرات بقعد افكر انو معقولة كل السنين دي مافي واحد جرب يسال الاسئلة دي و يفتش ليها حل للنهاية ؟؟ مش كان ريحنا حسي عليك الله على العموم اسأل انت و يمكن يجي بعدك ناس اولاد ناس يكملوا السكة
اعذرنا على التاخير لكن الظروف بقى
يلا سلام
| |
|
|
|
|
|
|
Re: أسئلة (Re: koki)
|
والنساء برضو يا كوكي البنات ديل للآن بطهروهن حبوباتن للآن راجين العريس البصرف عليهن ويعرس فوقن وينهرن
| |
|
|
|
|
|
|
Re: أسئلة (Re: mohammed alfadla)
|
فاضلابي كوكي قال ليك:
Quote: انهم معشر الرجال ......!!!! |
وانت قلت ليهو:
Quote: والنساء برضو يا كوكي البنات ديل للآن بطهروهن حبوباتن للآن راجين العريس البصرف عليهن ويعرس فوقن وينهرن |
المرأة نحن خليناها مرآة لعكس أمزجتنا عشان كدا الحبوبات متمسكات يهذه العادة يعني الواحد تلقاه ما بيصلِّي ويطهر بناته (سنة)!!! وبعدين إتضح إنو الحكاية دي سنة تقريرية وما ثبت إنو اتعملت لبنات الرسول (ص) و... عارف الكلام كتير والراس جايط خلاصة الموضوع: من كل ما سبق حكمت المحكمة ببراءة حبوبتي وثبوت التهمة على جدي الله لا كسبك يا جدو
| |
|
|
|
|
|
|
Re: أسئلة (Re: mohammed alfadla)
|
عارف يا فاضلابي كان في بوست قبل تلاتة أسابيع كاتباه رودا للدكتور نزار أنا ناسي إسم البوست لكن أعتقد (سؤال للدكتور الشيخ نزار عن الخفاض السنة) حاول فتش البوست دا مفيد جداً والبوست دا هو الوثيقة الاستندت عليها المحكمة في مسألة براءة حبوبتي وثبوت التهمة على جدو حقيقي بوست مفيد جداً
| |
|
|
|
|
|
|
Re: أسئلة (Re: mohammed alfadla)
|
Quote: أيها المسلمون أنصار سنة كيزان شيعة جمهريون مسلمين ساكت كده
الكلام ده كيف؟؟؟؟ |
ايها الفاضلابي لاتسال عن اشياء ان تبدو لك تسيئك خصوصا في شهر رمضان الذي واللذي واللذي نفس بيد وقلم وعقل ورؤية وتحليل وتكذيب وتجريم وتقتيل وتكفير وربما هجره ابتعد احزر التصوير فهذه الاماكن خطرة والاسئله قاتلة لامحال اذن ابحث بسكات واعمل بسكات وانجز علي الملأ فسنشهد جميعا حينها بحقك في الاسئله وواجبهم في الرد وليس اكثر من ذلك فقط يا اهل السودان اتحدوا
| |
|
|
|
|
|
|
Re: أسئلة (Re: mohammed alfadla)
|
Quote: عمليات الختان فى رأيى هى عمليات كثيرة الشبه بعمليات الإخصاء ، وتشابهها فى المضمون والهدف ، هى عمليات إخصاء لفرض "العفة" حسب مفهوم المجتمع الرجالى طبعاً ، لفرض هذه "العفّة" على النساء ، ولن أتعمّق هنا فى الحديث عن البشاعة التى كانت تمارس بها عملية "الذبح" هذه وأظنّنا نعلمها جميعاً ، وقد قرأت كثيراً عن حوادث كانت تموت فيها البنت المختونة بسبب الجهل وبسبب إجراء العملية "المرفوضة أصلاً" بصور لاتمت للإنسانية ولا للعلم بصلة .. ولو تحدّثنا عن النواحى النفسيّة وعن ماتسببه تلك العمليات من خلل فى الشخصية والتصرّفات والمعتقدات لدى الفتيات لما انتهت الامثلة ، هذا غير ماتعانيه الكثير من النساء عند الوضوع بسبب هذه "الإبتداع" .
من الغريب ان كل هذا وغيره من مختلف انواع صور التحكُم فى النساء يتم تحت إسم العفّة والشرف ومسميات اُختير فهمها من منطلق نظرة رجالية بحتة لها ، وعملية الختان التى شبهتها بعملية الإخصاء لاتختلف كثيراً عمّا كان يُمارَس فى عصر "العبودية" على "الرقيق" وذلك حتى يضمن "الأسياد" عدم إقتراب "الرقيق" من الرجال من نساء "أسيادهم" ، وليس غريب على مجتمعات استعبدت الناس وفعلت بهم مافعلت ((ولاتزال)) ، ليس غريب على رجالها ان يستعبدوا المرأة ويمتلكوها مثلما كان لهم الحق فى امتلاك "العبيد" .
والغريب أيضاً ان الرجال ومجتمعنا الرجالى يفرض "العفّة" على النساء والتحكُم فى رغباتهن بينما الرجال "أحرار" يستمتعون برغباتهم فى أبشع الصور ويزاوجون النساء بالاعداد ويملأون المجتمع بأطفال لا ذنب لهم فى ظروفهم سوى انهم/ن أتوا للحياة من آباء "أحرار" ، والأعجب ان يشكو الرجال من برود النساء وكأنهم لايعرفون لذلك سبباً .
|
Re: إعتراف .. (( انا ماراجل ))
ـــــــــــــــــــــــــــــــــــــــ [email protected]
| |
|
|
|
|
|
|
Re: أسئلة (Re: mohammed alfadla)
|
الأخ محمد تحايا عطرة
النصيحه الممكن أسديها لك إنك تعطى مثال آخر للانسان المسلم المتحضر. ذلك يتم ليس بالكلام وإنما
بما تفعل بكيف تعيش حياتك وتتعامل مع الأشياء. الشئ الوحيد الذى يجب أن تقوله و تصر عليه هو
إنك مسلم وإنك لست وحدك بل يوجد الكثيرين مثلك ولاكن الاعلام
لايسلط الضوء إلا على غرائب الأشياء. وكان بعد ده كله غلبك رسلهم
لى وأنا ما بعيده منكم كلها ساعه وشويه بالطائره
ورمضان كريم
| |
|
|
|
|
|
|
Re: أسئلة (Re: Ana Zaty Omdur)
|
Quote: الشئ الوحيد الذى يجب أن تقوله و تصر عليه هو
إنك مسلم وإنك لست وحدك بل يوجد الكثيرين مثلك ولاكن الاعلام
لايسلط الضوء إلا على غرائب الأشياء. |
الكلام ده لكن ما في الاسلام بالجد،أتؤمنون ببعض الكتاب وتكفرون ببعضه ياخي في كفارة اسمها عتق رقبة،وفي حاجة اسمها ما ملكت أيمانكم... امدر انت ذاتك الكضب حرام....!
| |
|
|
|
|
|
|
Re: أسئلة (Re: Nada Amin)
|
Nada Amin
Quote: تعجبني أفكارك الجريئة و الرؤية الثاقبة و متابعة كل كتاباتك! |
أنا أيضا أقرأك جدا شكرا على المرور الجميل
| |
|
|
|
|
|
|
Re: أسئلة (Re: mohammed alfadla)
|
الإبن العزيز محمد الفاضلابي
أشعر بسعادة لا توصف كل ما وجدت شباناً من ابناء وبنات جيلكم لهم القدرة على طرح الأسئلة الصعبة، ونجوا بجلدهم من قبضة التطرف ومن الهوس الإنقاذي، واختاروا طريق الاستنارة. لو كان منهم فائدة لما اضطررت لطرح هذه الأسئلة. وعلى كلٍ، لن يأتوا. وإن أتوا، فذلك ليحلوا سفك دمك في الأشهر الحرم. ولأكون عادلة، سأستثني منهم الجمهوريين، الذين كسروا حاجز الصمت أمام عددٍ من الأسئلة. فلهم أجر! لك التحية نجاة
| |
|
|
|
|
|
|
Re: أسئلة (Re: Nagat Mohamed Ali)
|
أستاذتنا نجاة شكرا على المؤازرة والمرور والتعليق لكننا لم ننج تماما من الانقاذ،يكفي هذه الغربة التي تثقل الكاهل ..علينا أن نبقى بها الى أن يمن الله علينا بجواز حصين،يقينا شر أهلنا ان قررنا العودة الجرح غائر والأسئلة كثيرة الله يهون
| |
|
|
|
|
|
|
Re: أسئلة (Re: mohammed alfadla)
|
Quote: أنا أيضا أقرأك جدا |
طيب يا فاضلابي لو "بتقرأني" جدا ليه ما شفتك "حايم" قبل كده في واحد من بوستاتي just kidding
| |
|
|
|
|
|
|
Re: أسئلة (Re: Nada Amin)
|
والله يا ندى طواااالي في بوستاتك،وأول ما أشوف اسمك بخش توش المرة الجاية بقول ليك حاجة مادام الموضوع بقى فيهو (أتيندانس)
| |
|
|
|
|
|
|
|