نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: نتيجة أمتحانات الشهادة السودانية (Re: ود حماد)
|
في ليلة وضحاها يتم تجريدك كما رأينا أعلاه من كل مخصصاتك المادية والادبية بهذا الشكل العنيف والمجافي لكل اتفاقيات الامم المتحدة لحقوق الانسان والحيوان وتواجه بحقيقة أن زمن (أكل ومرعي وقلة صنعة) قد انتهي الي غير رجعة فيزيد ذلك من تعلقك بقشة نتيجة الشهادة السودانية رغم علمك التام بأن النتيجة في الغالب مخستكة لكن يامعلم احتمال تجيب في الاحياء نتيجة تغطي ليك الفرق في الكيمياء بس أنا خايف من نتيجة العربي لانو لو (قديت) ماحايكون في نتيجة زاتو؛ الرياضيات جات ساهلة وخصوصا حساب المثلثات وأقل حاجة يا ابو الشباب 90 درجة مضمونه ودي بتعادل نتيجة الفيزيا لو مسألة الضو ماضربت ؛الكهربية كانت ساهلة ونص الضو متأكد منه ميه الميه بس لو تضرب معاي مسألة الضو ديك يازول حا أخش ليك الجامعة بالمزيكة ..... وتجد الواحد منا متفرجخا في نص العنقريب وفي يده ورقة من كراسة قديمة كانت أرشيفا للكتشينة (أحداث الاسنافيك مع توقيعات الشهود) ويحسب طول النهارفي النسبة مرة وفي ال(بوكسينق) مرات ومرات . الغريب في الامر ان نتائج تلك التحسيبات تختلف يوما عن يوم ولكن الطابع العام يتوالي تنازليا بمعني ان المخطط البياني العام يتجه نحو نقطة السقوط رغم محاولات الوالدة لاضافة شيء من التفاؤل وال (بووشينق) لافتراضاتي المتشائمة.
نواصل وفي انتظار ذكرياتكم عن تلك المرحلة وما واجهتموه من (أرهاب) خلالها.
|
|
 
|
|
|
|
|
| |
ود حماد
فيس بوك
تويتر
انستقرام
يوتيوب
بنتيريست