نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: نتيجة أمتحانات الشهادة السودانية (Re: ود حماد)
|
المهم بعد أنتهاء ألأمتحانات وأنتهاء فترة الدلع وألأهتمام الزائد المصاحبة لها وبعد مرور اسابيع قليلة تبدأ لهجة المخاطبة في التغير وتبدأ مرحلة جديدة وشكل مغاير في التعامل واليكم بعض النماذج للمثال لا الحصر : ...راقد اليوم كلو في البيت قوم فتش ليك شغل .... ؛انت أصلك مانافع نحنا لامن كنا في عمرك فتحنا بيوت وكنا بنساعد ابواتنا......عملتها كلها حوامة مع ناس الجبهة الديموقراطية خليهم هسي يدخلوك كلية الطب.......جاري اليوم كلو تشرح لبنات الحلة وتديهم في الحصص كلو حايظهر في النتيجة يا ابو العريّف....وهكذا دواليك من الكلام المحبط وفي الغالب يلحق ذلك الكلام بطنطنة و حنفشة من جانبنا في بداية الامر ولكن بعد التعود نصاب بشيء من تخانة الجلد ويدخل الكلام من الأذن ليخرج في نفس اللحظة من الاذن الاخري (كبري..بضم الكاف) دون حدوث تأثير مباشر أو غير مباشر ودون حدوث اي خدوش بالكرامة. من ثم تبدأ المرحلة الثانية حيث نتعدي مرحلة القول الي مرحلة الفعل والتنفيذ و يتفنن الآباء في ابتكار المشاريع ليشغلوا وقتك (الفاضي وضايع بلا فايدة) وحتي يتم لك تبرير الركلسة وألأكل المجاني؛ في الغالب تكون هذه المشاريع من نوع الحرف اليدوية والعمل البدني المرهق(اهو برضو تتعلم ليك صنعة تاكل منها عيش بدل الترقد من ضل لي ضل)..ويدخل في ذلك كل انواع التصليحات بالبيت من تكسير حيطة الشارع المايلة وبناءها من جديد مرورا بزيادة الردمية داخل الحوش(الميلان لازم يكون علي جهة باب الشارع عشان موية المطر تمرق اول باول) الي فتح السبلوقات وضرب الشبابيك بوهية وتجيير الصالون و...و....و... هذا بالاضافة الي انجاز كل المراسيل للسوق والدكاكين(عشان تعرف أنو الحياة ما لعب كوتشينة وقشرات في المغربية).
|
|
|
|
|
|
|
|
|