|
|
 قصة لود قاسم/ اللحيمر ،،، صبي حبوبتي أم العندو
|
المبدع الخال ودقاسم نطالب بعودته هنا ،، حتي لا نفقد قلمه الثر
وهاهو يكتب اليوم قصة اخري في منتدي سودانيات
وللجميع اهدي لهم هذة القصة ،
اللحيمر ،،، صبي حبوبتي أم العندو
حبوبتي أم العندو ، وكنا نناديها بحبوبتي ( عندو ) ، ولم اكتشف أن اسمها يتكون من جزئين إلا بعد أن بلغت العشرين من عمري ، بعد أن اصابتني حالة التساؤل عن كل ما حولي ،، كانت حبوبتي ( عندو ) شيخة الإنداية في قريتنا في ذاك الزمن الذي سبق فعل المعتوه نميري حين شعر أنه شبع من المريسة والعسلية ، وأنه قد آن الأوان للتوبة ، وأنه لن تتحقق التوبة ما دامت هناك أنادي مفتوحة ،، فالخوف من الانتكاسة كان دافعه لإغلاق الأنادي في كل البلاد ،،
مالنا والمعتوه نميري هنا ؟
حبوبتي ( عندو) كانت مثلها مثل صاحبات كل الأنادي تستعين ببعض العمالة لإنتاج المريسة بشكل تجاري ولتقديم الخدمة للزبائن على الوجه الأفضل ، فكان هناك من يقوم بإعداد السورج ، والزريعة ، وتعبئة البراميل ، والتصفية ، وترتيب البنابر ، وتقديم المريسة ، وإعداد كوانين الشية ، وطهي اللحم بأنواعه ، وهناك من يقوم بتجهيز متطلبات الزبائن من تقطيع كبدة الإبل ، وإعداد بصلها المشقق ، وطحن الشطة الخضراء ، وخلطها مع الدكوة والأتّي والليمون ،، لكن أهم من تستعين به كل صاحبة إنداية هو ذلك الشخص الذي يعتبر مسئولا عن الأمن في الإنداية ،، وقد كانت صاحبات الأنادي يستعنّ بالرجال السمر الشداد الغلاظ باعتبارهم ذوي سطوة وعيون حمر يخشاها كل من تسول له نفسه تعكير جو الإنداية ،، إلا أن حبوبتي ( عندو ) قد خالفت هذا الحال ، واتخذت اللحيمر معينا لها للقيام بهذا العمل ، وهذا ليس اسمه الأصلي ، لكنه اسم أطلقته عليه حبوبتي (عندو ) منذ صغره نسبة لاحمرار لون بشرته ، ولنحافة جسمه تم التصغير ، فسمي اللحيمر بدلا عن الأحمر ،، ولأن أنداية حبوبتي ( عندو ) كانت الأكبر بين أنادي قريتنا ، ولأن حبوبتي ( عندو ) كانت الشيخة على كل الأنادي ،، فقد كان اللحيمر هو الشخص الأشهر بين ( رجال الأمن ) في إنداية قريتنا كلها ،، وحقيقة قد فات عليّ أن أسأل ، من ذا الذي جعل حبوبتي ( عندو ) شيخة على كل صاحبات الأنادي ، وهل تلك الصفة كانت صفة رسمية أم شعبية أم أنها بوضع اليد ..
أما اللحيمر فقد تساءلت عنه كثيرا ،، وقد كان أجمل رد تلقيته كإجابة لتساولاتي المستمرة عنه هو رد خالي إدريس ، حين قال لي :
إنت مالك بتسأل من الزول ده كده ، داير تعرّس ليهو بتك ؟؟
روايات عديدة تروى عن اللحيمر في قريتنا ،، بعضهم يقول إنه جاء هكذا فجأة ، وكأنه نزل من كوكب آخر ومباشرة إلى وسط الإنداية ، فالتطقته حبوبة ( عندو ) ، وأصبح جزءا من القرية ،، وبعضهم يقول أن اللحيمر جاء من المدينة المجاورة ، هاربا من تبعات جريمة ارتكبها ، ووجد في إنداية قريتنا مخبأ وملاذا أبديا له ،، وبعض ثالث يقول أن اللحيمر ينتمي إلى بعض ( الترك ) ويقصدون الأتراك ، ويقولون أن عائلته تركت المنطقة ، لكنه رفض الانتقال معهم وبقي هنا في القرية التي ولد فيها ،، لكن حبوبتي ( عندو ) كانت لها رواية مختلفة ، فقد قالت :
اللحيمر ولدي ، ربيتو بي إيدي ، لمّن بقى راجل ،،
ونسأل حبوبة ( عندو ) :
ولدك من بطنك يا حبوبة ؟
ترد :
والله ولدي ، وأشدّ من ولد بطني ،، أولاد بطني نفعوني بي شنو ؟
طيب يا حبوبة هو جا من وين ؟
شوف يا ولدي ، اللحيمر ده أنا لقيتو صغيّر قاعد في طرف بيتي ،، سعلتو ،، إت وليد منو ؟ قال لي : أنا أهلي جو هنا ، وفاتوا خلوني ، ، سعلتو ،، وأهلك ديل ناس منو ؟ دنقر راسو في الواطا وقال لي : بسموهم الحلبة ،، وهسة فاتوا بعيد ، وأنا ما عارف أمشي وين ،، أها ، قمت دخّلتو في بيتي ، وأديتو أكل ، وشرب ، ومشيت السوق جبت ليهو هدوم ، ، وقعد مع وليداتي زيّو زيّهم ، لمّن بقى راجل ،، وبعدين قال لي يمة أنا ما داير قعدة البيت دي بلا شغل ، أنا بشتغل معاك في الإنداية ،، ومن اليوم داك لي الليلة هو ماسك الشغلة دي معاي ،، ونفعني بلحيل ، أي شغلة في الإنداية بعرفا ،،
لم يكن اللحيمر يستخدم القوة المفرطة مطلقا في عمله ، لأنه أصلا لم تكن لديه البنية التي تؤهله لذلك ، ولم يكن يتمتع بعيون حمر تجعل الناس يهابونه ،، لكنه كان يدير الأمن في الإنداية بذكاء مختلط بالخبث ،، وكان اللحيمر يمتلك ابتسامة فيها مكر عنيد ، يطلقها في الوقت المناسب ، ويسحبها أيضا في الوقت المناسب ،، يقول الكلمة ويحمّلها عدة معان ،، ينادي الناس بكلمات تنم عن احترام ، دون أن يكتشف الناس زيف هذا الاحترام ،، يعاملك وكأنه صديق وفي وما هو بوفي ،، لكن اللحيمر كان يكن لحبوبة ( عندو )احتراما ووفاء لا حد لهما ،، وكان يدافع عنها بكل مكره وبكل خبثه ، دون أن يدخل في مشادة أو اشتباك بالأيدي مع اي من رواد الإنداية ،، ومن مميزات اللحيمر أنه كان غاية في الطرافة ، يتخذها لأسر قلوب الناس ، دون أن يترك فرصة لأحد ليأسر قلبه ،، كما أنه تعلم بعض الكلام المنمق ، والمسجوع ، وحفظ شيئا من اشعار رواد الإنداية ، خاصة ما يسمى بالدوبيت ،، وعند العصر ، حين يخرج الناس إلى ظل النيمة الكبيرة في وسط الأنادي ، حيث تقام العرضة ، وترتفع أصوات الدلوكة ، ويتمايل الرجال ، وتتراقص النساء ، كان اللحيمر يكون حاضرا ومشاركا ومتفاعلا ، لكنه كان يراقب عن بعد ويهتم بسلامة حبوبة ( عندو ) أيما اهتمام ،، وكثيرا ما كان يصرح :
أمي ( عندو ) دي أنا ما بلعب فيها ،، البيرشها بالموية برشّو بي الدم .
والناس في قريتنا لا يعرفون هل هم كانوا يحبون اللحيمر أم يكرهونه ، لكنهم يعلمون أنه فرض نفسه عليهم بحلاوة لسانه التي تدس السم في العسل ، وبابتسامته التي تخبئ خلفها خبث الدنيا كلها ، وبلطفه الفتعل .
ظل اللحيمر على هذا الحال ، سنين عددا ،، ولما أغلقت الأنادي بكى بكاء مرا ، وانزوى في دار حبوبة ( عندو ) لا يفارقها ليلا ولا نهارا ،، ولا يجالس أحدا غيرها ،،
كان فعلا وفيا لها ، وكان الساعدا الأيمن لها ، وكان ابنها الذي لم تلده ، وكان أكثر الناس بكاء عليها يوم رحيلها إلى رحمة مولاها
|
|
 
|
|
|
|
|
|
|
 Re: قصة لود قاسم/ اللحيمر ،،، صبي حبوبتي أم العندو (Re: سجيمان)
|
| Quote: وترتفع أصوات الدلوكة ، ويتمايل الرجال ، وتتراقص النساء ، |
و ترتفع
و ترتفع
و ترتفع
و يتمايل الرجال، و تتراقص النساء ....
ثم تخفت
و تخفت
و تخفت
و يستمر تمايل النساء و النساء
ثم تصمت
و تصمت
و تصمت
و يستمر تمايل النساء و النساء
ابداع حقيقي يا سيد ود قاسم؛ و شكراً يا حنين على نقل هذا الابداع لهنا؛ فهكذا قصص؛ تذهب عناء و معاناة النفس اللوامة.
| |
|
|
|
|
|
|
|
|
|
Re: قصة لود قاسم/ اللحيمر ،،، صبي حبوبتي أم العندو (Re: Hussein Mallasi)
|
الله يجازي شيطانك يا ود قاسم من وين حفرت القصة دي وأيه الفكرك بي الانادي ... أنا كل البذكره إننا كنا بنقول منلوج في المدرسة على قرار أغنية الحقيبة (في الضواحي وطرف المداين)
في الأنادي وطرف المداين يلا نشرب كاس الصباح
***********
يا ود حنين أنت زول مشاكل أبعد من خالنا ود قاسم وخليه في حاله هو مش ناقصك
وكفاية الناس البتدفر في البوست
| |
|
|
|
|
|
|
|
|
|
Re: قصة لود قاسم/ اللحيمر ،،، صبي حبوبتي أم العندو (Re: محمد حسن العمدة)
|
| Quote: كانت الخنازير التى فى قريتنا ياودقاسم تستمرى التهام كل ماتجده من نبات أو حيوان، وحتى فى بعض المرات أكلت حذاء جارنا على، اكلت حذاءة الوحيد عندما جاء الى حظيرتها زائرا |
| Quote: أن على هذا أتى من كوكب بعيد، نفس الكوكب الذى أتت منه أول زوج من الخنازير التى تعيش معنا! |
سلامات يا ود العمدة؛
شكراً على الزيارة و المشاركة
بالله يا ود العمدة؛اعرب لنا ما تحته خط - ان استطعت -
حتى يسهل علينا الفهم .....
و بعدين منو القال ليك انو الكاتب قاصد علي ؟؟؟
الكاتب ياخي قاصد على ....
دا على بتاع عليّ و على أعدائي
و الارض بتتكلم عربي .... عربي جداً ..... جداً جداً
| |
|
|
|
|
|
|
|
|
|
Re: قصة لود قاسم/ اللحيمر ،،، صبي حبوبتي أم العندو (Re: Hussein Mallasi)
|
بالله يا ود العمدة؛اعرب لنا ما تحته خط - ان استطعت -
حتى يسهل علينا الفهم .....
و بعدين منو القال ليك انو الكاتب قاصد علي ؟؟؟
الكاتب ياخي قاصد على ....
دا على بتاع عليّ و على أعدائي
و الارض بتتكلم عربي .... عربي جداً ..... جداً جداً
عارف يا ملاسي اظن صاحبنا حنين يا دوب فهم كلام رودا عشان كدا ما اظن يجيك وربنا يقدرنا على رفع البوست دا وجهز نفسك للفلايت والقطائع برير لي هسي مسكين ما لاقي التعالجو
وكمان اظن ود قاسم فهم من يوم قرر يهاجر المنبر الجماعة ديل بيكتبو ساي وماشين في الزفة غايتو الله يديناالصبر دا قدرنا
غايتو روضا عملت ليهو نظام من دقنو وافتلو وزي ما قال ليك اذا كان ربة البيت بالدف ضارب فشيمة اهل البيت ......
| |
|
|
|
|
|
|
| |
ahmed haneen
سجيمان
Hussein Mallasi
محمد الامين احمد
Habib_bldo
شرووم
yasiko
هاشم نوريت
فيس بوك
تويتر
انستقرام
يوتيوب
بنتيريست