كتب الكاتب الفاتح جبرا المتوفرة بمعرض الدوحة
|
Re: مبروك انورKing يودع العزوبية (Re: Abu Mariam)
|
الحبيب المرهف... ابو مريم...
ان شاء الله بيوتنا كلها سعد وسعادة ...
ومشتاقين نشوف عودكم الاخضر دا فى المراسم ان شاء الله... والاسرة الكريمة... صادق هاله و مريم..
تقبلوا تحياتنا...
أنور وسماح...
| |
|
|
|
|
|
|
Re: مبروك انورKing يودع العزوبية (Re: hammama)
|
Dear friend Anwar I want to congratulate you for your excellent choice Samah I'm sure you have many many happy years ahead of you I hope that you have a great wedding and I hope that your marriage will last forever . Oh I start typing I can’t even stop I just keep going- Congrats you two- and going like what I am doing right now----- ok stop -----now -----ok stop-Bye
Anwar Ahmed
| |
|
|
|
|
|
|
Re: مبروك انورKing يودع العزوبية (Re: Anwar Ahmed)
|
شكراً كل الحلويييييييين وما زال الليل طفل يحبو ومعانا الاستاذ الموصلي ويا شباب الرقصة الجاية حقت الوزير بليييييس شكرا استاذ موصلي وخساره عرسناقبل ثورة الانترنت الواحد كان لقي ليهو اغنية حلوة زي دي الاخت رودا شكرا لحضورك الجميل واخوان أنور كتيرين اتمني افرح بيك قريب الاخت رجاء حمد لله علي السلامة وبركه بي الطلة نفرح معاك وبي وجودك دايماً يا رب نصار ما زلت اذكر حنتك الحلوة في البال توك كانت حدث لكن مافي شئ اكبر من مكانتك عندنا يا جميل بقية الشباب طبعا انتو اهل العروس دقيقة بس .... يا ولد اكرم الناس ديل مرحباً بالجميع مرة اخرى
| |
|
|
|
|
|
|
Re: مبروك انورKing يودع العزوبية (Re: hammama)
|
أها هسع دي ما يستاهل عليها لفت نظر وإيقاف تلاتة شهور عشان يجد ويسرع ويكمل ؟ كلامك وفتيشك طلع سايبرسيرش سااااااااااااي يعني .. خليتنا نحلم ونعشم وشكلها دايرة ليها رجعة السودان إجازة
دامت أيامكم أفراحاً يا حميدة
أبنوسي
| |
|
|
|
|
|
|
Re: مبروك انورKing يودع العزوبية (Re: tabaldy)
|
العزيز الصديق ابنوسى... الف شكر يا حبيب واكيد من الحاضرين انت والاسرة الكريمة ان شاء الله...
بالله اظبطوا الاجازة بتاعتكم من هسع....
يا أخوى قالوا الحبيب من الاشارة يفهم... انا أعلنت ليكم فشلى فى لقاء الحبيبة عبر الأون لاين...
ومازلت مصراً على ان سودانيز (أون لاين)... لسع بدرى شوية يا ابنوسى..ولا تغشنكم حالات استثنائية وتقيسوا عليها....
تقبل تحياتنا...
أنور وسماح...
| |
|
|
|
|
|
|
Re: مبروك انورKing يودع العزوبية (Re: بدرالدين شنا)
|
الصديق الحبيب بدر الدين شنا...
لك الف شكر... وان شاء الله من الحاضرين للمراسم..انت وأسرتكم الكريمة...
وسهام كيوبيد دا راجل...زول لذيذ جداً...صاحب حمامة...
ليهو زمن داير يدخل أسمو فى حتة عشان يسطح بينا...لكن انا نقشتو... ...
مافى عذر للغياب بعدين يا بدرالدين...وكلم معاك ناس فلاينغ وينق من هسع...
أنور
| |
|
|
|
|
|
|
Re: مبروك انورKing يودع العزوبية (Re: hammama)
|
العزيز حمامة... أولاً تقبل تحيات وشكر سماح لبوستكم الجميل... والله يبارك فيييك وعليك الله ما تنسى تجهز التذاكر لسنين العسل (شهر العسل) الجاية قريب ان شاءالله..
لك الحب ودامت ايامكم أفراحاً ان شاء الله...
أنور و سماح...
| |
|
|
|
|
|
|
Re: مبروك انورKing يودع العزوبية (Re: Nagat Mohamed Ali)
|
الخالة العزيزة الفاضلة نجاة...
أولاً الف شكر لك منى ومن سماح... ثانيا نسعد بحضوركم المراسم ان شاء الله انت وعمى بولا وكل الاسرة الكريمة... ثالثا نسعد مرة أخرى بشهر العسل في باريس إنشاء الله.
ومن رابعاً الى ما لا نهاية لك مليون تحية واحترام...
تحياتنا...
أنور وسماح...
| |
|
|
|
|
|
|
Re: مبروك انورKing يودع العزوبية (Re: AnwarKing)
|
انووووووووووور الحنيـــــــــن .. مبرووووووووووووووووووك ود امى الف .. الف . الف مبرووووووووك وبيت مااااال وعيااال .. وسماح السمحه ان شاء الله تتهنا بيك وتتهنا بيها وتسعدوا يا رب كده برضو يا انور نقرا فى البورد ..لكن برضووو الفرحه مغطيه على العتاب الحنين .. وزغروووووووووووته من هنا لى هنااااااااااك عندكم.. طبعا العديله على اختك سوما .. وان شاء الله نحضر العرس عشان تكون عديله صوره وصوت تحياااتى للعروسه الاميره ولكم المنى يا احلا عرسان ..
| |
|
|
|
|
|
|
Re: مبروك انورKing يودع العزوبية (Re: soma)
|
والله ياها المحرية فيك يا سوما... انا غايتو قافل على الشبال والشبالات الكتيييييييييييييييرة....
الله يسلمك وما بين الاهل لوم... الاجازة الجاية ان شاء الله حضور...وكلمى بورداب عمان كلهم..خصوصاً الظريف فلاينغ...صاحب احساسى البحسو...وحالف ما بدسوا....
والله لينا عظيم الشرف يا سوما... وتقبلى تحياتنا واشواقنا...
سماح وأنور
| |
|
|
|
|
|
|
Re: مبروك انورKing يودع العزوبية (Re: hammama)
|
Congratulations brother Anwar and sister Samah.. Wo Rabana yetamim 3ala '7air..wo beet Mal wo 3eyal inshalah...3ogbal jamee3 al3azaba...Awalom ana...loool.... million mabrook....bro. Abualsaud
| |
|
|
|
|
|
|
Re: مبروك انورKing يودع العزوبية (Re: محمد سر الختم)
|
الحبيب محمد سر الختم... الله يبارك فييك وربنا يتمم على خير ان شاء الله...
اكيد من الحضور للمراسم...
قلت لى سليمان ناجى....أييييييييييييييييييييييييييييييييييييييك... يا زول اطرا ليك زولن بيعرس...
لك الودّ...
أنور وسماح...
| |
|
|
|
|
|
|
Re: أجمل التهاني للعزيز أنور كنج وعروسته سماح (Re: elhilayla)
|
انور كنج ...
اتلومت لوم الصفق في الشتاء!تكتب ويكتبوا ليك في المواصفات والجكس يقوم ويقع.. كتاب الله ما رافضنو الا الفيك اتسمحت قصدي اتعرفت! تمنياتي لك ولسماح بالسعاده والفرح يخريمه:انت يا اخوي العرس ده معزوم ليه السودان كله اوع يكن اون لاين ..فان ختيت النظام العام جاؤك بالهكر العام.. لك الود..غربه
| |
|
|
|
|
|
|
Re: أجمل التهاني للعزيز أنور كنج وعروسته سماح (Re: ghurba)
|
الحبيب غربة... لك الود! وبارك الله فييك... واكيد من الحضور للمراسم...والله القصة أقسام...واجمل قسمة هى السماح للقسمة بأخذ سماحها...
Quote: انت يا اخوي العرس ده معزوم ليه السودان كله اوع يكن اون لاين ..فان ختيت النظام العام جاؤك بالهكر العام.. |
موش السودان بس... وكمان الدول المجاورة...
والهكر ذاتم معزومين كمان...حبابهم عشرة...بلا كشرة...
لك الودّ ونؤكد حضوركم....
أنور وسماح...
| |
|
|
|
|
|
|
Re: مبروك انورKing يودع العزوبية (Re: أبو ساندرا)
|
الحبيب ود بركات...
الله يبارك فيك وعقبال ما نفرح جميعاً بكل الاحباب...
أتونست مع عمى حيدر فى الدوحة... وجد عجبتنى الدوحة...وناس الدوحة... الله يحفظهم...
بتعرف عم محمد الفاتح عبد الملك..موش كدا؟
أنور
| |
|
|
|
|
|
|
Re: مبروك انورKing يودع العزوبية (Re: Frankly)
|
أوووووووووووووووووووووووووووو... كمال الحبيب...
الله يبارك فيك وفى ايامك ان شاء الله... ومن جوة القلب بدعى ليك ربنا يرزقك ببنت الحلال...
بالله يا كمال انا عارفك زول عقد ساكت... ما تنسى تظبط الاجازة على مواعيد المراسم...
لك الود...
أنور
| |
|
|
|
|
|
|
Re: مبروك انورKing يودع العزوبية (Re: AnwarKing)
|
المسرحية خلاص اتلقت
حاسميها "متـــــــــــــــــــــــــــــكفى"
وهى تعالج موضوع الشيلة وهموم العريس "البوردابى" يعنى بعد ما يجيب سته سته وصفائح "دموية" بتاعات الجبنه والزيت والسمن....ومراح من الانعام ....ومزرعة الدواجن ....والخ
يقوم بالرد على تهانى البورداب واحد واحد ...حتى اذا كان له "كوم" كما تقول بيان مثل "كومك" يا انور
وده بيكون حواره مع وزير العريس بعد ان يعطيه الباسوورد ....ويحذره من "الهاكنج" "هاكن الشفافية دى"
-الجماعه ديل رديتو عليهم؟؟؟
-لا لسه بورداب الشرقية كتبوا خمستاشر مداخلة باقى لينا خمسة بعدين بنرد عليهم - لى حسه مارديتو على بورداب استراليا برضو؟؟؟ - ما تخاف يا عريس بنرد عليهم طول باللك ...امشى اتحنن
- الحنه هينة الكلام حنبكة البورداب ...اها وبورداب امريكا الامبريالية ديل نزلو ميديا بلير ولا كروت ساكت؟؟؟
-لالا بوداب ايوا نزلو غنية ...لكن منتظرين الكروت عشان نرد عليهم مره واحده....
_فى محسنات ؟؟
_ شايف فى زى نسعطاشر لوووووول وتلاته مميز وخمسة وردات وسته شفيف....واربعطاشر "الف مبروووووك"
وهكذا يمضى الحوار الى نهاية الفصل الاول
وتمضى الاحداث لغاية ما تحصل المفاجاة فى اخر الفصل التالت
ومع مدافع العقد ...تسمع زول يجى طاير من بعيد ونفسو قايم...
يكورك: البورد هكروه"
ددددنقققققققق
تنتهى المسرحية
وينتهى حبهما بالزواج
| |
|
|
|
|
|
|
Re: مبروك انورKing يودع العزوبية (Re: Adil Isaac)
|
الحبيب عادل اسحق...
لك الف مليون شكر وان شاء الله من الحاضرين للمراسم...
ما متابع وصلت وين فى بحثك؟؟؟
لو فى أى خدمة ممكن نقدمها... الرقبة سداده ...
لك الود وتقبل تحياتنا...
سماح وأنور...
| |
|
|
|
|
|
|
Re: مبروك انورKing يودع العزوبية (Re: hammama)
|
Quote: وده بيكون حواره مع وزير العريس بعد ان يعطيه الباسوورد ....ويحذره من "الهاكنج" "هاكن الشفافية دى"
|
ههههععععععععععععععععععععععععععععع....
والله دى قلبتى فيها هوبة يا تماضر... أريتنى دمى خفيف وعندى كوم زى كومك الهنا دا... كان "الفصل" الأول حا يكون أطالب بفصل العضوة علان لما كتبته من دون بيان..كلام واضح للعيان...
أما بخصوص ما ترتب على هذا...فنتوقع مباركة جديدة فى موضع المباركات ها هنااااااه (على وزن معتصماه برضو)...
تماضر...كدى جد جد... المتكفى دا فيهو صفائح جبنة برضو؟؟؟ ...
وواصلى معانا فى الترحيب بالقادمين الحتميين
أموت فى المطاعنات انا... لما فيها من خفة دم... وصعوبة للفهم....
أنور
| |
|
|
|
|
|
|
Re: مبروك انورKing يودع العزوبية (Re: hammama)
|
أنور كينج... زميل المنبر والمسنجر والصداقة الإلكترونية.. آلف كلمة مبروك.. ومن حسي.. انا من أهل العروس... جارتنا قريبة بي جاي ما زي ناس كده مجدوعين آخر الدنيا.. الله بسألك.. الجدعك في كوريا دي شنو! .....
السيرة جايانا هنا.. خلاص من حسي النخيط فستان الحفلة....
بنت الحسين
| |
|
|
|
|
|
|
Re: مبروك انورKing يودع العزوبية (Re: مريم بنت الحسين)
|
Quote: الله بسألك.. الجدعك في كوريا دي شنو! ..... |
مريم ازيك والله عندي واحد صاحبي كلو مرة بسالني السؤال ده ، يقول لي انت انور ده الوصف ليهو درب كوريا ده منو ؟؟؟
اها نسمع معاك الاجابة
بالمناسبة انتي مختفية وين ؟؟
تحياتي لك ......
| |
|
|
|
|
|
|
Re: مبروك انورKing يودع العزوبية (Re: hammama)
|
محمد عبد الرحمن إزيك...
انا يا سيدي.. موجوده.. لكن ما موجوده... بتاوق وبفوت.. زمني بقى ممحوق... وكان ما أنور ده.. زاتو ما كنت دايره أكتب..
اها يا انور.. المسكك طريق كوريا دي شنو؟
بنت الحسين
| |
|
|
|
|
|
|
Re: مبروك انورKing يودع العزوبية (Re: مريم بنت الحسين)
|
الاحباء مريم بت الحسين ومحمد عبدالرحمن...
على قول إيمان أحمد...الزول لما يتكلم مع الاصدقاء...بيحس بالرحيل...
بس ان شاء الله الرحيل دا..يكون فى شكل سيرة الى الدوحة العامرة بوجودكم...
كوريا...وما أدراك ما كوريا...
أولاًَ كوريا دى بعرفها من انا صغير شديد... لانو فى بورتسودان حيينا (حى الشاطئ) مصنف تبع الديوم الجنوبية..التى تضم فيما تضم...كوريا بشقيها... كوريا مونج... وكوريا ثقافة...وان شاء الله سأوافيكم باسباب التسمية حالما أعرف ذلك...
أما كوريا ست الاسم...فعرفتها لأول مرة فى أغسطس 2002 وذلك حينما ذهبت ممثلاً لبلدى فى الأولمبياد الدولى للمعلوماتية... يمكنكم مراجعة اللقاء دا: http://www.ioi2002.or.kr/press/PressContents.asp?num=53
وعجبتنى البلد شديد... لما فيها من ترتيب... خضرة...جمال...تطور... ابتسامة... علم صاح... عدم تمييز... وكنت محتفى به... ومازلت... فى المطار كان مستنى أوتوبيس من ماركة دايو لاستقبال الوفد السودانى...الى هو انا فقلتا ليهم..اى نعم فاكيها فى روحى ملك...لكن ما قدر دا.. وركبت مع الوفد المصرى...
عشان كدا بقول عليها بلدى الثانى الأول... والله بلد رائع بمعنى الكلمة... بس عيبا...بعيدا...
وقالوا البعيد عن العين...بعيد عن الحاجب برضو...
أول أمبارح 16-9-2004 تميت سنة منذ وصولى الاخير لكوريا... مشيت فيهم السودان مرتين..المرة الاولى هروباً من التلج فى الشتاء (الما فى بيت أبوك بيخلعك)... والمرة التانية.... ودتنى القسمة... واموت فى المرة التانية دى مرتين...
وان شاء الله المرة الجاية..نكون خلصنا الماجستير دا...وبقينا سايرين عليكم غادى...
وبشوف الأوتوبيس الفاضى الخليتو المرة الفاتت داك...عشان ناس الدوحة وكدا...
على فكرة لو دايرين عربات كورية...أدونى خبر... شغالين وما ناسين المسئولية...
لكما الحب وابقوا قريبين فى السيتى سنتر ....
أنور
| |
|
|
|
|
|
|
Re: مبروك انورKing يودع العزوبية (Re: omar_ragab)
|
عمر رجب الانسان الجميل...
تسلم وتشكر ....
أحساس طبيعى وجميل...بس ياريت لو تسعفنا بى قصيدة..تعمق هذا الاحساس... يا شعراء بلادى الحبيبة...
أهو دا أنا وياها دى سماح... منتظرين القصائد والله....دايرين من الجديد...
لك الودّ يا عمر... وربنا يسعدنا جميعاً...
أنور
| |
|
|
|
|
|
|
Re: مبروك انورKing يودع العزوبية (Re: إسماعيل وراق)
|
الاخ العزيز إسماعيل وراق... لك الف مليون شكر يا حبيب... ومن هسع دى العزومة حتكون بوست كبيييييييييير ان شاء الله...
والبريد الالكترونى اساسى طبعاً... لكن مافى أى أعذار لعدم الحضور... وربنا يجمعنا لما فيه الخير ان شاء الله...
تقبل تحياتنا...
أنور وسماح...
| |
|
|
|
|
|
|
Re: مبروك انورKing يودع العزوبية (Re: hammama)
|
الأخ العزيز أنور كينغ لك كل التحايا و التباريك و رفرفت عليكم أجنحة السعادة أنت و صاحبة السمو و ربنا يتمم ليكم علي خير و يرزقكم بالخيرات دنيا و آخرة.
للتذكير فقط "علاء الدين موقع ريمادين للتجارة الإلكترونية"
| |
|
|
|
|
|
|
Re: مبروك انورKing يودع العزوبية (Re: صديق الموج)
|
الحبيب الصديق... صديق الموج... لك الف شكر وان شاء الله ربنا يحقق الامانى... بيت مال وعيال تمام شديد...
لكن الله يكفينا شر الباقى دا...
نضال وهلم جرا ديل... ما ناسهم... ولا ناسنا...
تسلم كتير يا (ابو كلام)...
تحياتنا...
أنور وسماح...
| |
|
|
|
|
|
|
Re: مبروك انورKing يودع العزوبية (Re: hammama)
|
صديقي العريس أخونا انور كينغ
الف مبروك وكل التهاني القلبية لك بالتوفيق وسداد الخطى في الحياة الزوجية وحياتك العملية ،، وربنا يتمم علي خير ،، وكل التهاني للاخت سماح وربنا يسعدكم
اخوك
شرووم
| |
|
|
|
|
|
|
Re: مبروك انورKing يودع العزوبية (Re: hammama)
|
العزيز انو كنغ والبرنسيسة سماح مادى القبيل راجنو نحنى يوم تبشر بيه غيمه والفرح يملئ المدينة والبيوتات الحزينة مليون مليون مليون مبروك يا انور وسماح وعقبال الكبيرة انشاءالله وربنا يتمم على خير ...... خالص حبى وتقديرى السمؤل
| |
|
|
|
|
|
|
Re: مبروك انورKing يودع العزوبية (Re: ميادة)
|
بلغتنا الجميلة اقول لك: بركة دوري دوري لوجو يا انور كينج تعرفو انا بعرفه من ايامه في السودان وكناعلى اتصال بالنت ولما سألته جاب اسمه من وين قال انه حفيد تهارقة وبيانخي فابهجني بالطبع. نحن عرفنا باحترام المرأة ويقيني ان العروسة سماح سوف تسعد في حياتها المقبلة. مبروك لكم الاثنين.. ماما سعاد
| |
|
|
|
|
|
|
Re: مبروك انورKing يودع العزوبية (Re: Suad I. Ahmed)
|
الخالة العزيزة سعاد...ماما سعاد... لينا عظيم الشرف بمباركتك والله... ونعم نحن احفاد تهارقة وبيانخي...والكلام دا بقولوا للكوريين هنا كمان...
ربنا يسعدنا جميعاً ان شاء الله وبنتكم سماح فى حدقات عيوني...
تقبلي شكرنا الخالص ودعوتنا لكم لحضور المراسم ان شاء الله...
سماح وأنور
| |
|
|
|
|
|
|
Re: مبروك انورKing يودع العزوبية (Re: ميادة)
|
العزيزة ست البنيــــــــــــــات ... ستهن لى حدهن... الله يبارك فيك...ولا تسقط المباركة بالتقادم يا ستي... لك الشكر وربنا يبعدنا من دلالات الصورة دى بس...
تقبلي شكرنا ودعوتنا لحضور المراسم فى العام القادم ان شاء الله...
أنور وسماح
| |
|
|
|
|
|
|
|