|
|
 أعتذار للأخت الجبهجية الدكتورة أماني السني....
|
فى معرض بوستى التحليلى انا متفق مع الهكر : قراءة واقعية... كان الثابت عندى ان لا احد فوق الشبهات طالما ان له مصلحة فى استمرار ما يجرى...
من ضمن من ذكرت اسمائهم الاخت الدكتورة الجبهجية امانى السني...
اعلم تمام العلم ان الاخت الجبهجية أماني السني ليست بهكر تقنياً... لذلك أعتذر لها...
وكان الاتهام مبنى على ان حزبها سياسيا سيستفيد من الهاء الناس عما يجرى فى دارفور...
انا من مشجعى المشاركة النسائية السودانية فى الانترنت...وهذا التشجيع غير معرّف بال (المعارضة أو الحكومة) وانما تشجيع على الاطلاق...
كما اننى لست من مشجعى القوارير... انما النساء...
الاخت اماني... لم يفت على اننى قد تجاوزت حدودى معك فى الاستخفاف بالحوار فى هذا البوست :
صور نمطية تشكل عن المسلمين و العرب في الغرب
وانما قصدت ان اريك جانب مهم من ادبيات هذا البورد...يمارس جهارا نهاراً على الاخوات هنا تحت انظار الجميع... وخصوصاً الاخت رودا....
ولم يسرنى بطبيعة الحال انه لا احد قد أثنانى عما افعل...وذلك لانك فقط جبهجية أو كوزة...وهذا التشفى يا دكتورة امانى هو واحد من مصائبنا التى تقتل الحرية كل يوم مليون مرّة...
أكرر اعتذارى الشديد لك كأخت سودانية ودكتورة ننتظر منها يد العون لما يجرى لاهلنا فى دارفور...
أرجو منك قبول أعتذارى...
وارجو منك مواصلة الحوار...فالجبهجية اثبتوا انهم #1 لحدى الآن..ما دايرين نفقدهم فى البورد دا...
ومرّة أخرى...طز فى كل الاحزاب السودانية...فانا لست مغفل نافع...ولن أكون...
أنور دفع الله...
|
|
 
|
|
|
|
|
|
|
 Re: أعتذار للأخت الجبهجية الدكتورة أماني السني.... (Re: حبيب نورة)
|
والله يا حبيب نورة...
شايل هم من أسع للجرى والسخافة البتحصل هناك دى...
المرة الفاتت فى شارع الجمهورية سرقوا شنطتى من العربية...
انا قاعد فى كوريا دى...الدولة ذات التوجه الحضاري... بخلى الموبايل والمحفظة وأى حاجة وامشى والباب مفتوح...
غايتو حاجاتك لو شالم زول يكون شمار منو ساكت بس...
لكن سرقة مافى... الله كريم بس...
ياخى قبل شوية مشيت لمدير الداخلية اقول ليهو انا مسافر بكرة...قال لى ادينى رقم حسابك فى البنك..قلتا الغنماية دى جنت ولا هكروها يا ربى...
طلع داير يرجع لى قروش الايام الما حا اكون قاعدها هنا دى....
قلتا ليهو والله لو شفتا ناس المرور فى السودان...تموت مغسة سسسسسسسسسسااااكت...
الله كريم يا حبيب نورة...
أنور
| |
|
|
|
|
|
|
| |
AnwarKing
حبيب نورة
...
Ridhaa
محمد عبدالرحمن
فيس بوك
تويتر
انستقرام
يوتيوب
بنتيريست