|
Re: مــاســيــنــجــر عــلــى الــهــواء.. (Re: Raja)
|
بت العم رجاء
و اللهِ فعلاً ( قرمنا ) للماسنجر ، و القرم هو قمة الشوق ، و يبدو أن الريس بكري عندو أسباب وجيهه لحجب الماسنجر .. عموماً ، ربنا يعين . طبعاً يا بت العم ، اليومين دي كاتلنا السهر بفعاليات الكأس الأوربي ، و طبعاً الدنيا عندنا بتكون صباح عدييييييييييييل .
شكراً ليمونياً على هذا الماسنجر الهوائي .
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
Quote: - أسعد.. أخبارك شنو..؟ |
يسال منك الخير ونحن جميعا بخير وعافية
اود ان ارسل مسنجر للاخ معتصم "ســـــــــــــامو" :
اها عملتو شنو انت والشباب؟؟؟
يرجي تطميننا
ومسنجر تاني للفردة ابو الريش :[/B]
وينك نحن منتظرينك يا راجل فريقنا المسمي بفريق الظلاميين اتمرن وسخن لمن حرق وانتو ما جيتو :
D
ومسنجر تالت للمدير بكري :
شنو ما زلت تعمل بذلك المثل " دي بطينة ودي بعجينة"
شكرا للخدمات السياحية والمرجو ارسال الفاتورة للاخ اساسي ليدفع قيمة المسنجرات اعلاه
مع الشكر
| |
|
|
|
|
|
|
Re: مــاســيــنــجــر عــلــى الــهــواء.. (Re: مراويد)
|
أسعد.. بركة الظهرتا بخير..
لكن الماسينجرات ما عندك.. انتا وناس سامو وأبو الريش عايزين تعملو شنو بالضبط ..؟
مراويد.. ازيييييييييييك..
انحنا قلنا الموضوع ماسينجر مش شحتفة روح لحاجات مصر..
المحل اسمو "فرغلي" بتاع العصير.. وكان شفتا "شب" الفخفخينا بقى صغيروووووووني ما الكبير بتاع زمان .. ولا نحنا كبرنا ما عارف ..
عدوية جاب ولدو بقى يغني بدلو.. وآخر فيديو كليبات مع الحسان.. وعبلة كامل منورة مع زواجها بمحمود الجندي.. أها قصرتا معاك ..؟
باقي السلامات وصلو كلهم..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
Quote: وكان شفتا "شب" الفخفخينا بقى صغيروووووووني ما الكبير بتاع زمان |
الكبابى ياهن زاتن العتب على العيون، نضيضيراك الشفتهن ديل يخلن البرميل فنجان والفيل جعران
شكرا ليك على توصيل السلام، سعيد انا لانو المراسله بتاعتى جاده جدا
| |
|
|
|
|
|
|
Re: مــاســيــنــجــر عــلــى الــهــواء.. (Re: omer ibrahim)
|
غلطانه العوائل، البجيبا محل الرجال شنو؟؟ بالمناسبه ما نقترح لى بكرى نبنى حيطه فى البورد ونعمل حوش للحريم والعوائل وناس كلية الطب (تتذكر تشجيع الكوره فى الجامعه) والحوش التانى يقعدوا فيهو الرجال ناس اهل العوض وسجيمان وابوقوته والملا عمر اسامى تملا الخشم موش زى ناس طارق (ابوعبيده) وسنو و سنو،
| |
|
|
|
|
|
|
Re: مــاســيــنــجــر عــلــى الــهــواء.. (Re: مريم بنت الحسين)
|
مريوما الحبيبة..
ازييك - نص الليل كده - لووووووووووول طبعا عندي اليومين دي اجازة حلوة جات من غير ترتيب.. لغاية السبت ان شاء الله..
من ناحية تنفعي.. زماااان الناس البتفهم في النقد قالو ليك كده.. انحنا ناس بنعرف الحاجة البتريحنا وين وبنمشي.. وكلامك بجيبنا داخلين تووووش.. اها كده كويس..؟
ماسينجرك الجميل ده حأحفظوا ليك بعيد من برطمانات الشمار الحايم اليومين ديل..
عمر العريس..
اعمل ليك زي الناس المجننكم..؟ اها ما بقيتو 3 ؟ طبعا ده السؤال الأزلي لأي عريس بعد داك حيقولو ليكم الوليد ولا البينية ما دايرين تاخووهم ..؟
لووووووول
تحياتي لفطومة السمحة..
| |
|
|
|
|
|
|
Re: مــاســيــنــجــر عــلــى الــهــواء.. (Re: مراويد)
|
مريومه ازيك انا عينى على بوستك عاوزه انداح فيهو وحقيقى حضرت الجزء بتاع تحويل اعمال يوسف السباعى الى افلام سينمائيه وجمعت الداتا لكن ما عاوزه ادخل فيهو الا تنتهى انت خلصى وبحكى ليك عن يوسف السباعى
انا كلامك بيعجبنى شديد
| |
|
|
|
|
|
|
Re: مــاســيــنــجــر عــلــى الــهــواء.. (Re: Rawia)
|
راوية.. انا كمان بعجبني كلامك يا ذوق...
انا موضوعي مع يوسف السباعي يمكن يجر.. غايته كان دايره نصيحتي.. الجزء بتاع الأفلام.. ختيه.. عشان انا والله لما أبدا أكتب ما بعرف زاتي دايره أكتب شنو.. عشان ما ألخبط ليك كلامك الموزون,, والداتا المرتبه.. إنت أجبريني على الترتيب.. وانا رهن إشارتك
بنت الحسين
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
ماسنجري يا رجاء لأخ عزيز بدون ذكر إسمو:
أخ "طيب" جداً، مسجل غياب منذ فترة طويلة. بوستاته كانت لها طعم خاص فإفتقدناها و إفتقدناه. كنت أعده ترمومتر لقياس حالة البورد. فوجوده بالنسبة لي "بشير" خير بإنعدال حالة البورد و عودة الطعامة إليه و غيابه نذير بحلول الكآبة والمساخة عليه. ولن أذكر إسمه.
| |
|
|
|
|
|
|
Re: مــاســيــنــجــر عــلــى الــهــواء.. (Re: Abureesh)
|
بامسيكا العزيز..
اها ماسينجرك وصل واتردا عليه كمان ..
الأيوبي خالد..
يااااااااه.. ليه الغيبة دي.. عاارفة حايم في أيوا .. لكن كان تطل.. وبرضي فاقدة أبو بشير.. اتمنى نشوفو. ويا ريت يرد كمان على الماسينجر ده..
أبو الريش صديقي..
أولا حمد لله على السلامة..
تانيا البوست ده ماسينجر وتخريمات بلاش ..
ما قلتا لي.. الماسينجر الليلة عندكم وصل كم ..؟
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
لا لا ما دايرين سيمستر semister في منتصف السبعينات كانت الهتافات تردد لا لا ما دايرين سيمستر ،، لا لا ما دايرين ماسينجر ،، والله تعرفي يا رجاء أنا قربت أعمل لي محبة ، في مدني شارع القبة ،، وكلو كان عن طريق الماسينجر ، ولما بكري وقف الماسينجر ، وقّف حالنا ، وحبيبتي قالت لا أرغب إلا في الحب الالكتروني، يعني جوابات تلفونات وصايا ما بنفع ،، جبت الإم إس إن ماسينجر msn قالت ما داير إلا ماسينجر سودانيز أون لاين ،، كلمت بكري ، ما اشتغل بي ،، قامت حبيبتي أدتني شاكوش ،،
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
هوي يا الناس القوق الذاذ ازيكم كلكم علكم طيبين في حيكم نشكركم علي ماسنجر شماركم وانا عندي شمار حار شديد وجديد خلوه سر ،، يمكن يجي واحد مضهب بي جاي يعمل فيها مقددة وناقش اي حاجة زي حكاية الضب السكران اتمطي وفرد عضلاتو وقال للحيوانات ( والله انا لو ما السكر ومبارات الجكس كان بقيت تمساح) ماسنجري الخاص للأخ الرائع بكري الجاك
يا اخوي خلاص بطل عسل ،، البورد يفتقدك
| |
|
|
|
|
|
|
ماسنجرات (Re: Raja)
|
فكرة جميلة يارجاء كيفك سلامى للحاجة وراية فى البلاد الطيرة عجمى هدى العباسى وين فلق الصباح سارة العباسى لسه زاهى فى خدرو ما تألم الا يوم كلمو
عبد الخالق السر من افضل كتاب البورد وين مختفى
| |
|
|
|
|
|
|
Re: ماسنجرات (Re: mohmmed said ahmed)
|
ود قاسم العزيز..
عاد كان بقيت انتا المقصود بالماسينجر بتاع الريدة القالو بين اتنين في البورد.. يبقى شيلة الماسينجر صحي خلا ..
غايتو الماسينجر لو رجع.. تاني ما بقبل منك أي رسالة فيها شبهة سياسة أوشغل ..
الحنين أحمد..
ده نقول عليهو شنو..؟
انتا حاسد بكري ولا بغران ..؟
محمد سيد أحمد يا عزيز..
بعد الصورة الوجيهة دي ما بنقدر نقول حاجة ..
عطبراوي صحي كتًاب.. لكنه إما كسلان.. أو زهجان من الحاصل..
وفي الاتنين غلطان.. لأنو الجمال يكسب..
تحاياك وصلت وزيادة..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
بامسيكا.. البنت دي ما قاعده تعاين لأي حته.. هي بس بتضحك.. وخجلانه من التصوير.. شايله في إيدها علبة كولا أكبر منها.. عشان كده ما ظاهره في الصورة.. وبعدين على قول ناس كده.. الشلاضيم بتخلي العيون دايره تتقفل.. ...
شكرا على التعليق الظريف...
ماسجنر.. عمو أبو الريش... والله ليك وحشه.. لعله المانع خير...
بنت الحسين
| |
|
|
|
|
|
|
Re: مــاســيــنــجــر عــلــى الــهــواء.. (Re: kamalabas)
|
العزيز كمال عباس..
اولا مرحب بيك في البوست..
تانيا الاحظ غياب من جهتكم.. خير ان شا الله..؟
راوية الحبيبة..
معاك ارسل مسينجر لمتولي الشريف.. وأتمنى له إقامة طيبة في مهجره الجديد.. كندا..
وبعد الاستقرار نعمل بوست معتبر للمناسبة.. هو الشريف شوية..؟
ومسينجر لقصي الياهو، وأبو مهيار وكل الغايبين من الحبايب..
| |
|
|
|
|
|
|
Re: مــاســيــنــجــر عــلــى الــهــواء.. (Re: إيمان أحمد)
|
حليم العزيز..
سلاااام..
عليك الله كما مشيت فرغلي وشفتا "شُب" عصير الفخفخينا.. وتعال قول لي مراويد اللسانو طويل ده..
الخوفة الشًوب بتاعكم يكون حجم عائلي، بمناسبة الافتتاح وكده ..
نصر الكوستاوي..
تسلم للمجهود.. الظاهر عندي مشكلة ما في الجهاز.. بكرة أشوفو في المكتب بمزااااااج.. وأدخل اكتب في البوستات المعنية..
الحبيبة ايمان..
اللللللليلة.. كل ده لي مراويد..؟ غايتو الله يستر وما يقبًل عليك ..
Quote: ملحوظة: عندنا إصلاحية صارمة القوانين للأحداث، والجرائم لا تسقط بالتقادم!!!!!!! |
حللللللوة.. أؤيد ..
| |
|
|
|
|
|
|
Re: مــاســيــنــجــر عــلــى الــهــواء.. (Re: إيمان أحمد)
|
ايمان انتى زعلتى ولا شنو يا دكتوره؟؟؟ ردك ده فيهو ريحة غضبه حقيقيه، لو فى احسن تقولى عديل عشان نتفاهم عن بعض الاشياء التى تبدو كانفلاتات هنا وهناك، استعين احيانا بالخيال و السخريه لتحمل قبح هذا العالم واحمل له المراه كى يري وجهه الحقيقي بما فيه فكرة الحيطه بامتدادتها الاجتماعيه والاخلاقيه والنوعيه، فى احيان اخرى قد تكون قليل من الركاكه ضرورى فى مواجهة ركاكات اكبر، بالطبع لا يخلو الامر من خسائر و خدوش للحساسيه هنا وهناك.
انحنا عمرنا كلو حنقيف فى الحيطه؟؟؟ حنهندها و نبينى محلها دكان ناصيه فى الحوش وميدان كوره و كوافير، شن قولك؟؟
الاصلاحيات خشيتا زمان و طلعتا ابوظ مما دخلت هل قراتى فارس الرمال لجورجى امادو؟؟
| |
|
|
|
|
|
|
Re: مــاســيــنــجــر عــلــى الــهــواء.. (Re: مراويد)
|
الأخ الكريم مراويد عذرا لو زعلتك كلماتي، بالتأكيد لم أقصد الإساءة فاسمح لي بالاعتذار. فقط عنيتها كمزحة امتدادا لفكرتك، وليتك قرأتها بروية. علي كل حال لك اعتذاري وما عاش اليزعل منك ولا يزعلك أفهم تماما إنك تحمل سيف الكلمة في وجه الكثير من الركاكة
إعتذاري لك يا رجاء، ولعاصم، وأبو ساندرا وكل من أصابته الكلمة بأذي (أفهم تماما ما عنيته بها، لكن ليس هذا مجال التوضيح) ربما يأتي يوما الوقت المناسب لذلك شكري واحترامي يا رجاء
إيمان
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
لكن يا رجاء لو الماسنجر سيد الاسم (يا حليلو) فى الشمارات كانت بتكون كدى....غايتو بورد بدون ماسنجر زى اكل الاسبتالية اه يا زمان الماسنجر..طبعا شمار كتير واقف للزول فى الحلق الله يعينا..ويا بكرى الفطامة صعبة شوف لينا طريقة فقد بلغ الشمار الزبى،،،، الله يصبرنا،،،
| |
|
|
|
|
|
|
Re: مــاســيــنــجــر عــلــى الــهــواء.. (Re: صديق الموج)
|
أبو جهينة وأخواتها يا غالي..
أهلييييييييييييين..
وليك وحشة آآآد كده..
قلت لي وحشك شنو..؟
Quote: أكل الفول الصباح من عربية يد في حى السيدة زينب مع الجرجير و البصل |
طبعا انا لما بشوف العربيات دي.. بستغرب على الناس المشنكتين يأكلو حوليها .. ونفسي أعرف بيعيشو بعد الأكلة دي ولا لأ ..
صديق الموج العزيز..
سلاااامات كتيراااات..
انتا بس أبدأ في شمارك هنا لغاية ما يرجع التاني ..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
Quote: غايتو الماسينجر لو رجع.. تاني ما بقبل منك أي رسالة فيها شبهة سياسة أوشغل .. |
رجاء وها تسوي شنو في ما سينجراتنا الزمان ؟؟ شيلي شيلتك أحسن ، وبلاش تكبي الزوغة .. إنتي عارفة أنا بفتح بوست في الهينة والقاسية ،،
فوزية ما تصدقي ، أنا والله بهظر مع رجاء ..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
ماسنجر لي إيمان أحمد.. مرحب مراحب.. سلامك وصل .. مسؤول التشريفات بلغني ليهو.. كنت بجهّز لزيارة باول.. قشيت حوش القصر.. واستحميت.. واتمسحت.. وسرحته شعيراتي.. وقشرتها على الأخير.. يمكن الزول يناسب جورج بوش وكده.. اها ياختي جابو لي خبر عنان قالوا جاي كمان... لقيت ليك الموضوع خرب.. ...
ماسنجر للمتجرسين من ثقالتي في "البحث عن جسد"... ما تنسوا انا رئيس جمهورية في إيدي مصلحة الضرائب.. أخير تقروا ساكتين...
ماسنجر لرجاء... والله انا بموت فيك يا رجوية...
بنت الحسين
| |
|
|
|
|
|
|
Re: مــاســيــنــجــر عــلــى الــهــواء.. (Re: طيفور)
|
عبدالرحيم العزيز..
رسلت ليك ايميل حسب رسالتك يومداك..
وحضرت ولم أجدكم في مسينجر الهوت ميل الليلة حسب رسالتك ..
ارجو ان ترد على ايميلي.. لأعطيك رقمي..
طيفور الحنين..
سلااااااااام..
وينك يا راجل..؟
غايتو زول أخدر ده عرفتو عديييل ..
| |
|
|
|
|
|
|
Re: مــاســيــنــجــر عــلــى الــهــواء.. (Re: abdelrahim abayazid)
|
هدية مهترشة للاخت رجاء
بالحب بالجمال مداخلاتنا ليك مفروشة بالريد بالإحترام قلوبنا ليك معروشة في السمح فى الشين ديمة باسمة بشوشة للجو النتن قارورة عطر مرشوشة الكرهوك كذبوا وشهاداتهم مغشوشة مصابين بالحسد ودواخلهم مخروشة نفوسهم بالجد ضعيفة وبالحقد مدروشة ماني شاعر يا رجاء وحروفي ماها منقوشة كلمات طلعت مني ليك منسابة ما مبروشة
لك الود
| |
|
|
|
|
|
|
Re: مــاســيــنــجــر عــلــى الــهــواء.. (Re: omer almahi)
|
تحياتي واشواقي للوالدة الكريمة وللوالد الكريم ولكل اشقائي كما ابعث بتحياتي الى رومانة السارة الصادق وزوحتة عسل تبلدينا بناديها الخواض تاج 25 سودانية 2000 و...........
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
Re: مــاســيــنــجــر عــلــى الــهــواء.. (Re: Frankly)
|
عمر الماحي يا عزيز..
تسلم.. يعجبني هذا اللون من الأشعار.. أو قل الدوبيت..
لما بكري يرجع لينا محل الامضاءات حأخليهو توقيعي ..
العزيز كمال فرانكلي..
تحياتي معاك للوالد والوالدة..
بالمناسبة انتا وين ..؟
وكمان لكل أصحابك الذكرتهم هنا..
كل يوم بتوقعك ترسل لي مسينجر صحي صحي ..
| |
|
|
|
|
|
|
Re: مــاســيــنــجــر عــلــى الــهــواء.. (Re: Teeta)
|
هل اتاك حديث الشوق ؟ اذاً ما بالك لا تطعمه بعض اناشيدك يا مراويد ؟ كيفك ؟ تعرف استمتع هذه الايام بشكل خاص ب ( كتاب اللاطمأنينه ) للشاعر المحترم و المجنون علي طريقة المتمرّد ( جان جينيه ) في تجواله المرهق في صحاري الانسان و و حدائق الروح حين تلوذ بالاسئله ذات يتم . تعرف هذا المحترف اغاظتنا فينا قال : ( حيث استحالة الكلام هي امكانيته الوحيدة ، و حيث الاستحالة نفسها هي الطريقة الوحيدة التي تجعل النشيد ممكناً ) تعرف و علي هامش النص ، في الصفحة المرعبة تلك ( 392) قال : ( الانسان الكامل لدي الوثني تمثّل في كمال الانسان الموجود بالفعل ، الانسان الكامل لدي المسيحي تجسّد في كمال الانسان الذي لا وجود له ، الانسان الكامل لدي البوذي هو عدم كمال وجود الانسان . الطبيعة هي الفرق بين الروح و الله . كل ما يعرضه الانسان او يعبر عنه هو بمثابة ملاحظة علي هامش نص الكون الخامد . من المعني العام للملاحظة ، نستخرج المعني المفترض للنص ، و لكن الشك يظل قائماً ، فالمعاني المحتملة كثيرة جداً . ) . تعرف كتبت قصديتين كونيّتين ، و ما استغرب لجرأته في مشاغلتي هو ذلك الحنين الدائم للحبيبة منذ اشواقٍ كثيره و اكثر . تعرف اهلاً و اعضّك في الانف علي هيئة كلام سرّي و نضيف لابس نشيد بمبي و بحندّك قلبي كل ما شاف غناك لامع هنا. طيّب كفاك و سلام حتي مطلع الامر
| |
|
|
|
|
|
|
Re: مــاســيــنــجــر عــلــى الــهــواء.. (Re: عاصم الحزين)
|
الحبيبة أم آلاء..
مرحب بيك انتي.. وملاحظة غيابك في الفترة قبل الفاتت.. ارجو ان يكون خير.. وألا يتكرر..
ودمتي يا غالية..
الغالي عاصم..
ويييييييييينك يا عزيز..
إن شا الله طيب.. ونريد الاطمئنان على الصحة والأسرة.. تحياتي ليهم زول زول ولإسلام صاحبك..
| |
|
|
|
|
|
|
Re: مــاســيــنــجــر عــلــى الــهــواء.. (Re: Teeta)
|
ماسنجر رقم واحد
سلام وتحيات واشواق كتتاااااااااار لكل الاعزاءوالعزيزات وحنين من هنا لي اخر نقطه يتواجد فيهااي بوردابي
مانسجر رقم 2
العزيزه رجاء لك الشوق كميات انت بالزات كنتا محتاج اكتب ليك مسنجر ضروري المهم وعد حا يصلك بطريقه ما و شكرا على هذه المساحه المسنجريه بس استحمليني لانو انا مسانجراتي كتيييييييييره بسبب طول الغياب رغم التواجد
ماسنجر رقم 3
العزيز الغالي احمد سعيد (قرنفل) لك الود موصول بطول خط رحلاتك البطوطيه وانت يا ملك المسنجر شي قليل في حقك وانتظر مني تلفون تاخر كثيرا وكثيرا وكل التباريك بمناسبه لم الشمل وبعد دا تفكر جادي في الخطط السابقه الموعودين بيها ةشكرا على الخيانات التقيله ان شاء الله تكون استمتعتا حد التشبع
ماسنجر رقم 4
راويه العزيزه الاغنيه عجيبه سمعتها 1430 مره و قديت بيها ابو الساء كايس للبوست ما لاقيهو
ماسنجر رقم 5
الغالي تمبسبعد السلامات والتحايا والاشواق كايس ليك بي شده اظهر ف يالمسنجر عليك الله ضروري تمنيت انك تكرمنا بالزياره والله انا ما كنتا جايب خبر بالموضوع الا قريت الكلام بعد فوات الاوان خساره والله والجايات اكتر من الرايحات طبعا كلام ابو ساندرا بكون جننك هسه loOooOoOoOoOoOoOOOoOoOoOoLZ
ماسنجر رقم 6 بت قضيم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماسنجر رقم 7 بلقيس ملكه سبا وين الحي بيك !!!!!!!!!!
ماسنجر رقم 8 الشريف متولي في انتظار اخبارك المقطوعه طمنا عليك يا شريف
ماسنجر رقم 9 مريم بت الحسين الباذنجان بيحرقوهو ولا بحمروهو
ماسنجر رقم 10 .... ولا خلاص كفايه لانو لو ما وقفتا هسه ما بقيف تاني
شكرا تاني يا رجويه على المساحه دي
| |
|
|
|
|
|
|
Re: مــاســيــنــجــر عــلــى الــهــواء.. (Re: smilewomen)
|
الحبيبة سمايل وومان..
سلام وتحية..
أها دي وصفة عمل الكشري..
المقادير:
رز - مكرونة - عدس أبو جبة (العدس الأسود) - حمًص (كبكابيه) - طماطم -زيت - ثوم - خل. (المقادير حسب الكمية المطلوبة).
الطريقة:
- يسلق الرز والمكرونة والعدس والحمًص - كل على حدة -
- لعمل (الدقًة) وهي صلصة الكشري.. يوضع قليل من الزيت على النار، ويضاف اليه الثوم ويقلب حتى يصفر لونه ويضاف ماء وملح وكمون وقرن فلفل أخضر وشطة حمرا وتقطع الطماطم مكعبات صغيرة وتضاف الي الخليط.. (يبقى زي السخينة عندنا كده) ..
التقديم:
يوضع الرز، ثم المكرونة والحمًص والعدس وتصب فيهم الدقًة..
وبالهنا والشفا..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
الأخوات والأخوه راوية ورجاء وكمال عباس وايهاب يسأل منكم الخير ووصلنا بخير كمال وايهاب سوف اكتب لكم بالتفصيل عن طريق الأيميل ماسنجر الى خريجى وطلبة الهند لماذا الغياب عن بوست التواصل
ماسنجر الى بورداب الرياض اين الأخوه اسماعيل وراق, بن بن, الصادق خليفة, المأمون خضر
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
رجاء فكرة خطيرة وتحايل ذكي وفعلآ كنت محتاج لعدد من الماسينجرات ، حا أنزل منها ، والباقي محاكاة للفقيد العزيز ماسينجر البورد
ماسينجر إلى عادل عبدالعاطي : كيفك ، توقع إتصال هام اليوم من الإستاذ معاوية الزبير زميل المنبر الحر ومدير تحرير في قناة الجزيرة ، بتوصية منا
ماسينجر غلى ماهيتاب : لسه مزنوقة في الإمتحانات ، راجعي إيميلك وردي ، وأقرصي أمك في أي حتة عشان تصحى معانا، يا بت إمتحانات ولا حبكانات!
مسينجر إلى صديق الموج :{ ده خيالي } صاحبك { ال########} ده أحسن يعمل حسابو ويبطل { العلقنه} البيعمل فيها دي ، المرة الجاية ما بي تحت { بالمسينجر} حا أشوتو ليك عديل وبي فوق ،على رؤس الاشهاد ، بس إنت قنطرو لي ،لو ما إرعوى
مسينجر إلى علاء سنهوري: وبعدين معاك ، لا رسالة منك ولا بوستآ يطمئن ،، أريتك تبقى طيب إنت أنا البي كلو هين ،،ياااخ سمعتو ولا شفتو
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
كبسيبتي العزيزة ( خاص جداً)
فلتعلمي إني عشقت هذا المنبر لأجلك عندما آتي ولا أجد اسمك بين الأسماء أكون ميتاً فأنا دائماً في شوق إليك أشتاق إليك ..شوق المغيب لقمره المنير. حبك يتغلغل في أوصالي و يتأصل في أعماقي مع كل فجر جديد. يسافر إليك على أجنحة النسيم العليل , يقبل وجنتيك بلطف رقيق و حنو رهيف. أنا هنا في غربتي بعيدة المسافات أشعر بقربك و أحس بدفئك الحميم. أراك أمامي كلما استيقظ صباحي من جديد و كلما نام ليلي و غاب في الأفق البعيد. أحبك .. أحبك .. يا أمسي و حاضري و مسقبلي الرغيد. سأحطم المسافات و سأغتال الآنات والآهات لأعود إليك من غربة الآلام و السجن الرهيب لأرتمي في أحضانك كطفل شريد لأسمع نغمات صوتك العذب و أنجو من صمت مقيت لأكحل عيناي برؤية وجهك الجميل البريء فأنا أحبك بكل ما يحمل الحب من معنى ليتك كبسيبتي تحسين بي
راسليني عبر المسنجر
| |
|
|
|
|
|
|
Re: مــاســيــنــجــر عــلــى الــهــواء.. (Re: ازرق)
|
كبسيبة الوسيم..
عاد كبسيبتك كما ردت على الكلام السمح ده تكون اتلومت غايتو ..
آآدي قعدة في انتظار الرد ..
العزيز أزرق..
سلام وتحية..
العباسي التي أحملها في إسمي هي لقب اكتسبه جدي لأبي محمد الأمين الذي كان أستاذا في الأزهر ثم أندونيسيا.. وهي تعريف أكثر به..
للأسف لا تربطنا صلة بالشاعر الكبير محمد سعيد العباسي الذي نشرف بالانتماء لأمثاله ونسله..
هم من السروراب.. ونحن من المحمية غرب..
ويسرني معرفتك ان كنت من أسرة الشاعر الكريم.. فقد تكونت لنا وعلى مدار السنوات صداقات بهذه الأسرة بسبب الإسم..
ودمت..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
الاحت رجاء شكرا على الفكره الظريفه دى بمناسبة القاهره. واحد من الناس البسال عن اخبارهم هو الاستاذ الرائع سامى سالم. اين هو الان؟ و بعدين احملك السلام امانه لعمنا على التوم و الواحد بالجد متلوم معاه. احوك احمد عبد الرحمن البشير
| |
|
|
|
|
|
|
Re: مــاســيــنــجــر عــلــى الــهــواء.. (Re: Ahmed Al Bashir)
|
العزيز أحمد البشير..
سلام وتحية..
الزميل سامي سالم غادر القاهرة منذ 5 سنوات تقريبا.. وهو يعيش الآن في كندا.. ويمكن يحيي فضل الله او اي زميل آخر في كندا يفيد بمكانه بالتحديد..
وسلام العم علي وصله..
ودمت..
بهاء..
سلام يا خصمنا الكروي يوم الأربع..
أرسلت لك بالفعل الآن..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
بيت العباسى الحبيبة كما عاهدناك شجرة الضل ورح الكل عزيزتى رجاء اتمنى التوصل معك هذا من اصلك ضرورى يارجوية زيارتنا فى الامارات كمان على حسابى كلام رجال انت على العين و الراس اود منك طلب رقمك التلفون على الايميل [email protected] ودامت المحبة والاخاء بيننا يارجوية طبعا الماسينجر على الهواء مباشر تحياتى لرواية وكل العقد الفريد
بت القبايل
| |
|
|
|
|
|
|
Re: مــاســيــنــجــر عــلــى الــهــواء.. (Re: abdalla BABIKER)
|
رجاء العزيزه شكرا على التضامن المسنجري مساءتك كما تشتهي
ماسنجر رقم 10
العزيز الشريف نحن في الانتظار
ماسنجر رقم 11
بت قضيم تاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ماسنجر رقم 12
الشفيف الباسم مامون خضر وين الحي بيك اخباركم مقطوعه
ماسنجر رقم 13
الابنوسي تبلدي نشتـــــــــــــــــــــاقك و نسال عنك
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
الاخت الكريمة رجاء تحية طيبة
اشكرك على سؤالك عن الغائبين وكل الاحباء الذين انزوا بعيدا عن البورد كل بسببه,, كما اشكرك على وجه الخصوص على تلطفك بالسؤال عنى فى ذلك البوست ...وكتر خيرك بتفقدى الناس ,,كنت بالامس فى مجلس ضم الدكتور الباقر الذى ذكرك بكل الخير ويقريك السلام,,اما الغياب الطوعى من هذه المدينة(البورد)فسببه هذه الدنيا التى ليس لها اول ولا آخر وكلما اشرع فى الكتابة يداهمنى الوقت و تأسرنى الاولويات ولكنى على موعد مع اجازة طويلة ستتوزع بين كندا والسودان و البورد ... مع ذلك اكتب القليل هنا وهناك واقرا ماتيسر فى هذا البورد بين الحين والاخر لتقر عينى بمساهمات ابناء الوطن فى السمح والشين......تحياتى لكل الذين كانوا لطفاء مثلك فسالوا وتفقدوا الغياب واخص منهم عمر الماحى وسيف الدين ود الجريف واخرين فى القلب
لك الودوللجميع الا حترام والتقدير
| |
|
|
|
|
|
|
Re: مــاســيــنــجــر عــلــى الــهــواء.. (Re: د.كرار التهامي)
|
الفاضل د. كرار التهامي..
ألف حمد لله على سلامة طلتك..
وحقيقة افتقدنا وجودك معنا.. ولم يكن السؤال عنك في ذلك البوست إلا أضعف الإيمان، مثلما يقولون، مع التمنيات لك بإجازة هانئة مع مواصلة الطلة علينا من حين قريب لآخر أقرب..
تحياتي عبرك للدكتور الباقر..
ودام الود..
| |
|
|
|
|
|
|
Re: مــاســيــنــجــر عــلــى الــهــواء.. (Re: Raja)
|
رجاء العزيزة ، أخوك لا شراني ولا شرامي ، مسالم وحنين ، لكن بالطبع لم يفوتك القصد ، فالماسينجى عج بهذا النوع من الحدة او ما سميتيها الشرانية ،ووردت فيه لغة وعبارات غير مقبولة في سياق التعامل مع الناس ، يمكن ان نتعاطاها ضمن رؤية إبداعية ، نص روائي مثلآ ، وعن نفسي التي لا أرغب في تزكيتها ، تجنبت هذه الطريقة وتنكبت ذاك الطريق المعفر بما يزكم الأنوف ، فعفوآ وعذرآ للعبارتين المشطوبة والأنكى منها التي لم تشطب ، وعذرآ للصديق ، صديق الموج الذي أعرف موقفه من { الدقداق} أي الماسينجر
العزيز ايهاب مثلكأسال عن البوست المفقود ، وياريت بت الحسين ترفعو لينا
يا رجاء شكرآ على التحايا وماهيتاب طالعة لتوها من الإمتحانات ولكنها عالقة مع كورس سوداتل ، ومثلك ننتظرها بشوق السنين وأعرف ان لديها الكثير المفيد
| |
|
|
|
|
|
|
|