|
معنا لنجمل هذا البوست بلغة الشماسة
|
لغة الشماسـة أو (الرندوك) كما يحلو للبعض أن يسميها اصبحت منتشرة بل سائدة فى المجتمع السودانى حتى فى أوساط الطبقة المثقفة تجدهم فى بعض ألأحيان يتفوهون ببعض الكلمات , و احسب أن سبب انتشارها السريع يعود لسهولة تداول المصطلحات فتجد الشخص ينساق اليهادون ما يدرى رغم وجود بعض الكلمات التى يصعب فهمهامن أول وهله . هذه اللغة الخاصة و التى كانت منذو زمن قريب لغة تستعملها فئه معينة من ألمجتمع السودانى أصبحت اليوم هى لغة التخاطب بين الناس و لا أدرى قد تكون هى اللغة ألأم .... عما قريب . ألأظرف من ذلك يمكنك أن تستعمل هذه اللغة و تقول ما تود قوله خاصة أمام العجايذ دون تكبد مشاق أخذ الشخص بعيدا عن الناس , و ها نحن ألآن نستعملها بين ألأخوة العرب فى بلاد الغربة فهم دائما ما ينعتونا بأن اللهجة السودانية سريعة و غير مفهومة . و الجدير بالذكر أنها منتشرة بصورة خاصة عند الشباب فهى بالنسبة لهم لغة تواصل و يجدون المتعة فى التحدث بها فهى تضفى اريحية و مذاق خاص للونسة و كثيرا ما تسمعها فى ألأسواق و الجامعات و المدارس حتى داخل بيوت ألأفراح .... فالدعــوة لكم جميعالتذين هذا البوست بساهماتكم .
الفولانى
|
|
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
اساسي جاك طاير وفاكي الزراير , بس اديها صنة خلي صوت الفنان يصلنا , وثبت لي مكاني , وخليك تفتيحة وماسك مفاتيحها ما تملا لينا البوست دا كله ترنعي وحمام ميت , وشوف ليك كم بطة ولقت موية خليهم يتجدعوا في بوست الرندوك دا وابعدنا من الحسس المظلل ورافع القزاز
شوية كدا
| |
|
|
|
|
|
|
Re: معنا لنجمل هذا البوست بلغة الشماسة (Re: اساسي)
|
شنو يامان كشّف لى كويس ولله انت لو واقع من السماء انا دافرك أنا الضربته السماء بوهية ... انا الشافو خلو ... أنا الكيك ولله لو دقشتك اوفر ولله تقول دقشنى قندرانى وأنت لو داير دواس اتخارج معاى للخلا ... اوع تكب الذوقة
| |
|
|
|
|
|
|
Re: معنا لنجمل هذا البوست بلغة الشماسة (Re: أم سهى)
|
قلت لي تعال نتكي وندق الرندوك .. و نديها سفة دوغار .. أي و نلفها ... و نلفها مع أي فارة رزق حايمة الحفــــــلة .. أرح نكتلا .. و ندي الهجيج حقو ... و نلبد وراء ... أحي أنا من ورا .... ما هي لمن تكون بي كرتين بتخليك طاير و فاكي الزراير يا معلم ... آآآآآآآي الدقوس لا .. أوعك منو .... بوديك التوج و بركبك التونسية ... يا مان كدي البلوم ركّا ... خلينا نكب الحنك و السنة ناعمة ... آآي أموت أنا في الدباس لمن يكون لابس ..... ؟ أخ عوقتني أكحل الفارة الداقس .... آآآآآي عامل فيها جوكي ... آآآي ما ضرب الترطيبة لكن صدقني كديسة ...... يا مان كيف ؟ يا حنين كديسة .... هووووي أنا ماشي أكب الحنك ... البلوم نزل مكاسب أطنان يا مان ..... بالهناء ... أححححححححح أنا ..
شنو يا ..... فردة قلبي الشمال ... يا وجع كبدة كلوتي مالك يا مان ..ما تقعد تشتت لينا في حنكك البيش و مكنتك دي خالطة موية لا لا بس اللكومة أخخخخخخخخخخخخ انا
قوية لكن ... جنوبية دي ..... لا دي من الفاشر أحححححححح أي عسل النحل .... بالمناسبة النحل شنو اللامي في الربة دي آآآآي ديل كدايس آخر محطة دييينك ناس مُرة كيف كدي فكّي اللكومة أبيييييييييييييييييييت طيب عضّة أبييييييييييييت يا مان أنا بعد دة شتات خالي محطاط عشان الجولوك دة ما ينقرط لا لا ياخ جككي يا مان الزول دة بعد ده برفعني
" دي صورة بالكربون "
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
اوى آ دقوسات المالم الكبير جاكم بللاى اى فاره مبقدر علينا يتجارخ يأمل شتات آى... شغل بتاع جخانين ده ما ماانا انت يا فرده اندك شرتيت والا بتفاسه ساكت. تيب اتلع الموزه كده تمام, جكك يا جوك انت يا لابس اسفر فى الهر, ما تقولو نآمل تفتيهه مااندك رسيد تامل ترانزيت توالى
| |
|
|
|
|
|
|
Re: معنا لنجمل هذا البوست بلغة الشماسة (Re: Ahmed Al Bashir)
|
humida
ديشااااااااااك شنو يا دقسة أنت داخل شمال كده لكن اقول حاجة يا ترطيبة ولله انا هرشت منك عديييييييل خوفتا منك تودينى التوج .... لكن بعد شويه كده كحلت ليك لقيتك بتاع بلوم و دباس طبعا الفارات بتاعين الجكس ديل كلهم حنان بعنى قلبم خفيييف ذى طرقة الكسرة يعنى بالواضح كدا يا مان نقشته نومتك و لقيتك فارة رذق أأأأأى يلا شتت يا...
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
يا ماااااااااان .. انــا .. مقــطعا انــا .. منقـطا ستيري .. بيري شريط .. زائيري كريم .. باللام أم بدة .. العاشرة والخامسة .. قافلة والحاج يوسف وووين في الســـــــــــلك
الساحة الخدرا انا بخت طاقية دا ..في راس دا وسفنجة دا .. في كراع دا بنزين دا .. في عربية دا كسرة دي .. في ويكة دا والمابعرفك بجهلك
ابوي .. مسافر وامي خاشة صندوق صرفتها الخميس الجاي خالتي طلقوها لانها بتدوس المعجون من النص خالي كان نقيب شرطة .. حرس صيد رفدوه لانه سفف القرد وجاته نزلة وعمتي طلقوها .. لانها بتبزق كتير راجلها طلقها لانه عواف والعواف ربى عيالو والمابعرفك بجهلك
بالمناسبة حلتـــنا كلها ضربوها جير ابيض انقرو .. ليي لانهم جو من الحج
سوقت .. نوبيرا سوقت .. ركشة سوقت .. حافلة سوقت .. أمجاد سوقت .. روحي سوقت .. كمية من الحاجات دا كلو حق جيرانا والمابعرفك بجهلك
انـا .. السيك انـا .. الكييك ولو انتو شاطرين حلوا اللغز دا
جــــرو ان بقا دورمو
وبالمناسبة انا لُكو يوم بجيبوني في النقوات الضفائية في الرجيزة .. والدسوعية وفي الدوسان .. خلي بالك ما قنشتوا جاحة يبدو انكم بتشوفوا بس ولاية .. الترخوم لانه بثها .. محدود والمابعرفك بجهلك
وللذكري عندنا أوضتين .. خلف خلاف والصالون حنبنيهو فيما بعد اربع بناطلين دولاب خمسة ضلف بيتنا ملك .. ناصية حنبني دكان بعد اسبوع
انشـــــــاء الله تكونوا عرفتوا حاجة
| |
|
|
|
|
|
|
Re: معنا لنجمل هذا البوست بلغة الشماسة (Re: humida)
|
حميدة شوف يا فردة ما تعمل لينا انك تفتيحة وناقش اي حاجة انا خايفك تتطلع طرنقاشة ساكت تدق في الصفايح وصوتك رايح اللغز الجبتو دا نحن نحلوا بكراع واحدة وفردة شبشب
وبعدين نديك الجوكر بايظ ايه رايك يا ابوشباب الدو ولا التريس ما تعمل فيها مقددة وبتاع جكس وحركات والغاز،،والله هسع نقطع فيك لغز نخليك لآفي صينية ،، شتات يا فردة
| |
|
|
|
|
|
|
Re: معنا لنجمل هذا البوست بلغة الشماسة (Re: Ahmed Al Bashir)
|
المألم / أحمد البشير
كيفك يا فاره يا فرفاره يا للحم الجزاره انشالله مرطب ؟؟ شنو يا فرده يا منقرضة انا عازمك ترطيبه بس القعدة مكلفة شوتين عشان كدا املى جيبك شرتيت ولو ما عند جاذف من جلابية الجلك او من تحت مخدة الجلكينة اوووع يفوتك البلوم و الس.......... آآآآآى انشالله تكون قنشته الجاحه..
| |
|
|
|
|
|
|
Re: معنا لنجمل هذا البوست بلغة الشماسة (Re: PLAYER)
|
شبااااب زي المنقه شنو يا حبه عامل فيها بتاع جاكات وسطلي هووووي ما تخلونا تركب الظلط ونوريكم الغلط شنو ياااني جكس دي مابيعرف هنك بتاع انتو دي ولا شنو بعدين يا حميده الكلام ده انت جايبو من .... ما تلاوز ما في داعي نفتك اسلو نهن ديل داقين صيواناتنا ورامين طعميتنا بس قلنا الجماعه ديل ما ياكلونا حنك
والله يا عبد الله البوست منجم دوم وشجرة باسطه
وسلام بدون واسطه
واحده من الطرح زاريه
| |
|
|
|
|
|
|
Re: معنا لنجمل هذا البوست بلغة الشماسة (Re: ZARIA)
|
ألأستاذة / زارية
لك التحية يا أجمل بلوم البورد ,,, لكن حيرتينى عرييييييل كده و ما قايلك تفتيحة بالطريقة دى و ياسلام عليك يا زارية ذكرتينا الباسطة بالسمنة و لله مسختى علينا الغداء .
و شكــــرا على الأطلالــة
| |
|
|
|
|
|
|
Re: معنا لنجمل هذا البوست بلغة الشماسة (Re: PLAYER)
|
المعلمPLEYER
أولا شكـــرا على تسجيل اسمك فى دفتر الحضور و احسب انك من البورداب الذين اتابع كتاباتهم بشغف و لك التحية وانت تجمل البوست بقفشاتك الرائعة يارائع و انا فى اتنظار المزيد من الرنروك ....
| |
|
|
|
|
|
|
Re: معنا لنجمل هذا البوست بلغة الشماسة (Re: ود عقاب)
|
شايف البوست مشي قدام ولما الحمام لكن علي مين .. اساسي خرسانة بس ويا سيد البوست لو انت مفتح انا مولود في مستشفي العيون يا درفة اي شنكبة عنكبة عضلات دردقو راس صهريج شعر سلوك قميص زنكي زراير طبل وبزاغ موية نار ... يا زاريا
ما تفتيحة وكدا لكن ..؟
لقيتك كشافة بس
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
الاعزاء حنين - حميدة - عوض - اساسي- يا زول لكم التحية ماشاء الله كومنا كبر وبقت دار صباح ما شايلة الشماسة بقوا في شفوت دايرين ليهم برنامج خاص (خلينا نسميهو برنامج لم الجلاكيم) يا زول بالغت في كلمة صعاليك ياخي دي ثقافة شريحة لا يستهان بها ( لغة خاصة بتعمل على ترابط الجماعة) تقول ليهم كدة؟؟ نحن بنسوى في شنو؟ ما بندافع على الفرد ديل لكم التحية وخلونا نواصل
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
دقيقه دقيقه يا شباب
اظن انتو بتتكلمو بلغتين مختلفتين
لغة الشماشه و مثال لذلك كلام حميده و باقى الشباب و هى لغه متجدده دائما ,و يصعب متابعتها اذا فقد عنصر المتابعه اليومى ,,و لهذا السبب انا طلعت كيت فى كل الكلام الانكتب لبعدى الطويل.
اما اللغه التانيه فهى لغه ثابته,, قواعدها تغيير مواقع الحروف فى الكلمه....و برغم اننى لم اسمعها او اتكلمها منذ عشرات السنين الا اننى استطيع المخاطبه بها لعلمى بقواعدها الاساسيه
مثال
كتب الاخ بلير
Quote: لسوي لكامك ساح..اللوز دا طاقع اللكام من سارو |
وهو يقول
سلوى كلامك صاح..الزول ده قاطع الكلام من راسو
و انا اقول ليهو: نشو الكحايه...لك لوز يلوق اللكام اليادر يلوقو
الاخت ام سهى اخيرا اتلاقينا فى بوست. تحياتى للاسره الكريمه...خاصة الاخ ز (قريبتك عاملا لى نفسيات)
شكرا للاخ عبدالله على البوست
| |
|
|
|
|
|
|
Re: معنا لنجمل هذا البوست بلغة الشماسة (Re: Elnasri Amin)
|
اختنا ام سهى
تحياتى
انا فاكر انو الشماشة ديل صعاليك ، اوع اكون غلطان؟؟؟؟
على كل زى ما قلتى هم شريحة لا يستهان بها ، وظروفهم جعلتهم هايمين فى الأرض ، ارجو ان تعمل الدولة على توفير الحياة الكريمة لهم وتستفيد من طاقاتهم المهدورة فى شم البنزين واللف والدوران فى الفارغة
تحياتى مرة اخرى
| |
|
|
|
|
|
|
Re: معنا لنجمل هذا البوست بلغة الشماسة (Re: معتز تروتسكى)
|
Quote:
انا فاكر انو الشماشة ديل صعاليك ، اوع اكون غلطان؟؟؟؟
|
الجماعة ديل ما نفوا الكلام دا .. في معلقتهم الشهيرة ..
دشكة .. دشكة .. أووو دشكا دشكة .. دشكة .. أووو دشكا نحن ما صعاليك .. أووو ديشكا نتاوق بالشبابيك أووو ديشكا دشكة .. دشكة .. أووو دشكا
| |
|
|
|
|
|
|
Re: معنا لنجمل هذا البوست بلغة الشماسة (Re: humida)
|
هوي يا انتا خدم وعدم فهم كركدي وما عرفنا لي بستلة وحايمة في الحلة سمعتنا ومصاريف جامعتنا قرفة وعدم عرفة وما تخلونا نطلع الجامع ونسمع الما سامع وختو الكورة واطة ولا نمشي القضارف وربك عارف ولا الحكاية شنو وسبب واحد......... ولقيتوني كيف........
| |
|
|
|
|
|
|
Re: معنا لنجمل هذا البوست بلغة الشماسة (Re: humida)
|
هوي يا انتا خدم وعدم فهم كركدي وما عرفنا لي بستلة وحايمة في الحلة سمعتنا ومصاريف جامعتنا قرفة وعدم عرفة وما تخلونا نطلع الجامع ونسمع الما سامع وختو الكورة واطة ولا نمشي القضارف وربك عارف ولا الحكاية شنو وسبب واحد......... ولقيتوني كيف........
| |
|
|
|
|
|
|
Re: معنا لنجمل هذا البوست بلغة الشماسة (Re: امادو)
|
ألأخ / النصرى أمين
شكــــــــــرا للمداخلـــــة الظريفة امكن أنا زيك مطول من السودان لكن لا ذلت متذكر لغة هذه الشريحة المهمشة فى بلادى فهى فى اعتقادى لغة سهلة و بسيطة و كمان غير مكلفة . اما مرحلة شقلبة الحروف دى دى مرحلة متقدمة جدا من الخبرة فى جامعة الشماشة (advanc)... و أنا لا زلت منتظر المذيد منك .
وتسلم
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
المالم قولانى
عازمنى ترتيبه وانت ما اندك شرتيت ده ما شغل بتاع فارات زاتو آى.. الوادح ما فادح بس خليك تفتيهه وما تجيبو ناس الوهمات بتاعك ده اسهى للون يا ساهبى بأدين انهن جازفنا شرتيت من دقوسات الترمبه بغادى انت عارف نظام المالم ترتيبو فى السلك و جازه هارق تش الجكس كله هقو ومافى فاره يقدر يشكل اليهو ختوره شتات يا وهم
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
أوائل سبعينات القرن المنصرم ، أطلق الشاعر أبو جقادو ( مؤسس الراندوك ) قصيدته الشهيرة قائلا ً :
أزهري ناوي السفر .. و نميري هجزت القتر .. عيونك ، عيونك بيدا زي قتن توكر .. و هواجبك تهجز المتر .. و خدودك ، خدودك همرا زي التماتمايه .. و بنتلونك زنكي ، و زرايرو تبل ...
* إن ظاهرة ( الراندوك ) المنتشرة بتنامي نواحي ديار السودان ، ليست عديمة الجذور ، بل هي تعبير حقيقي لواقع المجتمع الذي تعيش و تزدهر فيه . و الراندوك ظاهرةٌ لغوية عالمية أو فلنقل ( عولمية ) ، و تتم دراستها في حقل علم اللغة الإجتماعي كرافد من روافد التطور اللغوي و الذي بالضرورة يكون تابعاً بل مؤثراً في الحراك الإجتماعي لمجتمع اللغة . لذا وجب النظر إليها كأداةٍ للتواصل الاجتماعي في تجلياته الثقافية و الاقتصادية بل حتى العقلية و النفسيه .
شكراً أخي الفولاني على فتح هذه الكوة من إشاع اللغة في تغيرها و تطورها محتكمة للضرورة الاجتماعيه .
و نواصل ..
زيت يا مان ؟ أتوقع أن تقول لي : فليت يا فرده !!!
منوت المنتشي ...
| |
|
|
|
|
|
|
Re: معنا لنجمل هذا البوست بلغة الشماسة (Re: حبيب نورة)
|
شنو ياااا ... السوبت دا لكو بنالطين بس رطح ماف لخيتونادكا زي التايوقه في الساج أساسي مااالك معي شعان كستنا ليك والله الركب يايات والعيون خترات بس ما تباصي الأستوب بتاع ناس نهن والله نداوس معاك ودشمان سااااي إلا يهلك فلم هندي بس وبتل أصلي وماتأمل كفيف وتفتيهه
ونتلاقى في الرمله الدقاقه
وبرضو يا أبد الله
كعك ناااعم وسلام طاااعم
| |
|
|
|
|
|
|
Re: معنا لنجمل هذا البوست بلغة الشماسة (Re: منوت)
|
ألأخ / منوت
اللغة الرندوكية موجودة فى كل دول العالم و عادة تجدها
منتشر فى اوساط الطبقات الفقيرة و المتوسطة الدخل ولك
هذا المثال أغانى (rab) التى ظهرت فى القرن الماضى فى
امريكا هى فى ألأساس كلمات بسيطة مستوحاه من الشارع
ألأمريكى و خاصة السود و ها هى ألآن اغانى الراب تحتل
المراكز ألأولى فى كل المنافسات .... و ما ذكرته لك هو
تعضيض لما ذكرت أنت ,,,, ولك الشكر
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
يا تبش الحنك بتاعكم مر و خلى النمتى كلو فحط، كل تبشه جايى بالرهوه بتاعتو وكابسين الكلنكات مفكات. والتبشه لو نفضتوا صنقعه لى منقعه كنجال ما عندو و داير يلاوز فى النمتى، المقاس ما مقاسك والكراس حارسو الفاس ارعى بعيد بى السفنجات ديل، و لا نطلع ليكم الرتاين بره.
| |
|
|
|
|
|
|
Re: معنا لنجمل هذا البوست بلغة الشماسة (Re: مراويد)
|
ألأســــتاذ / مراويد
ديشأأأأأأأأك و لله ما قايلك بتاع ردندوك با لطريقة دى
ياخى أنت منقطا و مقدده عديييييل كدا بصراحه كدا أنا
اكتشفت انو كل البورداب شماشــة لآبسين عباءة المثقفين
و لكنى سعدت كثيرا باطلالـــتك فى هذا البوست
| |
|
|
|
|
|
|
Re: معنا لنجمل هذا البوست بلغة الشماسة (Re: عوض الله الفولانى)
|
شوف يا مراويد ماتعمل فيها ناقش لو انت مبني التجارة نحن الطيارة زاتو بعدين حقو الواحد فيكم ما يرمي الكلام دون شرتيتة ولازم الشيلنق يكون معروف وكان انت ضارب السماء نحن ضربنا النجوم منكير وظاهر عليك يا مراويد قاطع وش ولا سلك ابنص في حتة تانية عشان كدا يا تفتيحة انا بقولك دستور خلي الطبق مستور يلا اركب الزلط واوعي من الغلط والله نكب فيك بونية يذيعوك يوم القيامة غايب يلا شتت
| |
|
|
|
|
|
|
Re: معنا لنجمل هذا البوست بلغة الشماسة (Re: ahmed haneen)
|
الجميلين جدا هنا والشوق الجاري عليكم جميل جدا جدا جدا هذا التعاطي مع ثقافة اصيلة جدا في مجتمعنا رغم التجاهل التام لها في السائد من خطاب المثقفين اعترف اني لم افهم الكثير من المفردات لكني قطعا استمعت بهلا جدا اسمحوا لي حميدة ...مبالغة الحتة بتاعت المابعرفك بجهلك ... لو ممكن تكملها زارية .... ماعرفتك خالص خالص . نقل عن أحدي القصائد الحلمنتيشية لمنّ تضحكي في نُكته
التقول لبعوني بي شنطة
وأكب فوق العصير شطّة
وأقرطع ما أسيب نُقطة
وأقول "يا سلام عصير لُقطة"
وإنتِ تقولي"بالغت وشربت الشطّة يا إنتَ"
مالها الشطّة، ما شربات عصير كُفته
عصير جركان من الدُكّان
يترشّه في صحن فتّة
ما مهم شرابي الشطة
والمهم الكلمة "بالغت "
و "شربت الشطّة يا إنتَ
والريد نيلين
| |
|
|
|
|
|
|
Re: معنا لنجمل هذا البوست بلغة الشماسة (Re: زوربا)
|
زوربا
شـــوقنا بحـــر و دموعـــنا مطـــر آآآآآآى
السنـــقة فى ألرنـــــقة........
و العملـــية فى النملـــية.......
و ألأكـــسى فى ألتاكـــسى .......
و ألفنلـــة فى الفيـــــلا .....
و شكـــــرا على القصيدة الحلمنتيشية
| |
|
|
|
|
|
|
Re: معنا لنجمل هذا البوست بلغة الشماسة (Re: معتز تروتسكى)
|
ألأخ / عصـــام الدين
أولا أهلا وسهلا بك فى هذا البورد و يسعدنى كثيرا أن تكون
أول مشاركة لك فى هذا البورد تكون عبر هذا البوست وهــذا
شرف كبير بالنسبة لى و فعلا كنت اضافة حقيقية ادعو ان تطيب
لك ألأقامة بيننا ,,,,,,, و لك الشكر
| |
|
|
|
|
|
|
|