|
|
|
 Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
اواصل
تجربة شخصية
كنت يوما اغني لابني وهوابن عامين ذلك الوقت
النوم النوم
بكريك بالدوم
فاستوقفني قائلا "لا ماكدة قولي ..النوم النوم بكريك بالchips )
فضحكت وقلت في نفسي ربما هذه الاغاني بحوجة للتحديث ،بعدها قررت في اول مرسال من البلد ارسال كميات من الدوم .
وفتح هذا الموقف تساؤلات كثيييرة في البال
اغاني المهد هل فقدت معاصرتها خصوصا بعد خروج المستعمر وابطال الديجتال ورقائق البطاطس ؟؟؟؟
يتبع
الهام
| |
 
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
العزيزةإلهام،
أرجو المعذرة واسمحي لي بأن اقطع تتابع حلقاتك لأضيف لكِ بعضاً من أغاني المهد الفرنسية. فهذه فرصة اغتنمها لأشارك معك في موضوع شدّ ما جذبني. فكثيراً ما استمعت لهدهدات من ثقافات مختلفة، وغنيت هدهدات سودانية (ومن تأليفي) لتنويم بناتي، وفكرت كثيراً فيها كأول رصيد في تراث الفرد، وكجزءٍ من تراث الإنسانية المشترك، وإن تعددت لغات هذه الهدهدات وثقافاتها وألحانها. ولكن في نهاية المطاف هناك هذه الجوانب المشتركة بينها، انسيابها الهادىء (وأعتقد أن هناك استثناءات قليلة تتخذ فيها أغاني المهد شكلاً صاخباً وعنيفاً، مثل أغاني المهد في بعض المناطق الإسبانية، ويُقال أن في الكاميرون أغاني بمثل هذه القوة أيضاً)، تكرار لازماتها القصيرة، حملها في طياتها لملامح من بيئة الشعوب، وثقافاتها، وعاداتها.
وبهذه المشاركة تمنحيني أيضاً فرصةً أخرى لأمارس مهنتي/هوايتي المحببة، الترجمة.
وهاهي هدهدة أولى، اسمها "نُم يا حبيبي"، وبالفرنسية Dodo m'amour.
وكلمة "دو دو" تقابل عندنا "نو نو"، مشتقة من لفظة "نوم". تقول كلماتها:
نُمْ يا حبيبي على وسادة من مخمل
نُمْ كما شاء لك النوم
نُم يا حبيبي
ستأتي ماما لتهدهدك
نُم يا حبيبي
على وسادة من مخمل
نُمْ كما شاء لك النوم
نم يا حبيبي
وهذه أغنية مهد أخرى، اسمها دينغ دونغ (Ding dong)، وليس لعبارة دينغ دونغ معنىً تقول:
دينغ دونغ
دينغ دونغ دونغ
بابا في حقول الكرم
وماما في البيت
سيأتي إليك بفراشة
مخبأةٍ في إناءٍ قديم
دينغ دونغ
دينغ دونغ دونغ
وسأعود إليكِ بأغنية مهدٍ فرنسية أخرى قديمة من منطقة جبلية تتمنى فيها الجدة لحفيدتها أن تكبر لتتزوج رجلاً يتزعم الجبال والرعاة وحرّاس المراعي. ومثل هذه الأغنيات تحتل مكانها الآن في محلات بيع المنتجات الموسيقية ضمن أغاني التراث الشعبي، الفرنسي والعالمي، ففي أيامنا هذه التي تقف فيها رقائق البطاطس متحديةً الدوم، وتنسى فيها الأمهات الجديدات أغاني النوم، لا بد من حفظ هذا التراث عن طريق الوسائل المختلفة، من تسجيل وتصوير وتدوين.
وحتى أعود إليك بترجمةٍ لهذه الهدهدة، لكِ خالص الود.
نجاة
| |
|
|
|
|
|
|
|
|
 Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
العزيزة نجاة
يغمرني الان فرح طفولي بمقدمك هنا ،زيارتك لاتحتاج استئذان الدار دارك ....انتظرت مقدمك وثلة من الصديقات لنتبادل الخواطر عبر هذا الفضاءالسيبيري .
حقيقي اضفت اضافة قيمة لهذا الموضوع الذي لطالما همني كثيرآ...وقد اكدت بترجمتك للاغنيتين الفرنسيتين اكدت بعض الاشياء التي كنت احتاج لتاكيدها ،وهي ان اغاني المهد تتفق في بساطة الكلمة واللحن الدائري ، وما ادهشني حقا هو وجود اغاني مهد صاخبة كما ذكرتي ..اكيد لهم فلسفتهم او ربما هي البئة او الايقاع السائد في تلك المناطق (كالفلمنكو في اسبانيا )ارجو كتابة المزيد عن ذلك وفي انتظار ترجمتك الثالثة.
تذكرت اغنية فيروز
نامي نامي ياصغيرة
بكرة ابوك يبيع
غلة الليمون
ويجيبلك شال وتنورة
مع كل الحب لك وتحياتي لاسرتك
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Adil Osman)
|
الاخ العزيز عادل اولا اشكرك كتير لمداخلتك
حقيقي الان جيت قعدت امام الكي بورد وبعد ان كتب طه لك وللغاليات نجاة ورجاء ،ثم قررت ان اكتب لكم بدوري
سرحت بخيالي في هذه الغنوة من دارفور وذلك لانو للاسف كمبيوترنا تعبان ولم يتسني لي سماعها ..قلت سرحت بخييالي في ايقاع المردوم الضاج بالحياة الممتلئ حيوية وتخيلت اغنية هددة موقعة بهذا الايقاع الجميل ..اعتقد انها ستكون من اكثر الاشياء تفردا ومن اكثر اغاني الهدهدة تفردا.
ان المردوم والجراري كايقاعات سودانية تكثر من رتابة السلم الخماسي المسيطر علي اغنية الشمال والوسط .
رجاء حتي نصلح من حال الكمبيوتر اكتب لي اسم الغنية والفنان
دمت
الهام عبد الخالق
| |
|
|
|
|
|
|
|
|
 Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
العزيزة الهام وضيفتها الغالية نجاة وعادل..
سلااام..
في رأيي ان اغاني الهدهدة والحجوات هي أساس التكوين (السردي) - والله ما قايلة روحي حأستخدم الكلمة دي  - للأطفال.. حيث تتكون لديهم حصيلة جميلة من الكلمات والمواقف، وفي بعض الاحيان باللحن الذي تضيفه الحبوبة او الأم او الأب الذي يحكي الحجا..
لاحظت اننا عندما كنا صغارا كنا نتقبل الحجوة او الغنيوة كما هي.. وعندما نرددها بيننا وبين انفسنا لاحقا تستوقفنا كلمات نرجع لأهلنا لنعرف ماذا تعني الكلمة او المقصود بالموقف.. ولكن أجيال ما بعد الثمانينيات رأيتهم يقاطعونك مرارا بمقارنة ما تحكينه بما لديهم من أشياء امامهم يستخدمونها..
مثلا: حجوة "فاطنة السمحة".. هناك شجرة تتحدث، وكلب يتحدث.. نحن كنا نعرف ان هذه الأحاجي ليست حقيقية.. ولكن اطفال اليوم يقولون لك: كيف تتحدث الشجرة..؟ وكيف، وكيف..؟ مما يقطع الرواية وينقلها لشئ تحليلي وآراء فلسفية مبسطة لتقنعي هذا الطفل..
شخصيا تعتبر الحكم المستخرجة من الأحاجي مرجعا مهما لي.. وكل ما يمر بي موقف اربط بينه وبين موقف ما في حجوة ما..
ولغاية ما أرجع تاني.. أشارك بهذه الهدهدة:
يا عنزي يا ام قرين..
الًدي لي عتوتن زين..
العتوت شن سمًو
العتوت سمًو (فلان باسم من تغني له)..
يا (فلان) سل السيف..
ختو لي في الكتيف..
والكتيف درً الدم..
شالني بنات العم..
ختًني في الابريق..
والأبريق ملان حجبات..
أنط الشوك بلا نعلات..
الاقي القوم بلا سلحات..
بابور كوستي أم رقبة جات..
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Raja)
|
العزيزة رجاء اولا زيارتك عيد وبصدد الاحتفال بذلك الان ...
اتفق معك في كل ماذكرتيه وهي ان هذا الرصيد من الاغاني والحجوات استعير جملتك الصعبة دي (اساس التكوين السردي )ايضا هي تعمل
كموازن للمضمون الفني والاخلاقي والاجتماعي والنفسي للطفل هذا النسيج الحساس الذي تظهر عليه اقل المجهودات وياخذ منه اي نوع من عدم الانتباه فهو يمتص من بيئته ثم يقوم باعادة انتاج ماامتصه في اقريب فرصة (وفي هذا يمكن ان نفتح خيال)
انا اعتقد ان طفل يفتح عينيه واذنيه علي دندنات تحمل في طياتها كم من القيم الاخلاقية والقيم الجمالية حتما سيكون انسانا متوازنآويعيش
حالة هارموني مع محيطه .
الاغنية جميلة واضافة حقيقية لرصيدي من الدندنات
دمتي
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Raja)
|
الاخ/عصام
الاخت / امال / الصغير جعفر حتي لا نهضم حقه لانه مشارك في المساهمة
لكما مني التحية
و الله العظيم موضوعكم شيق و حميل و فيه راحة نفسية لا توصف بكلمات , و خاصة اننا نعاني من الدوران و لا ننام الا قليلا و اذا ما صحونا من الغفلة (النومة ) نجد العجب العجاب , نكرر شكري و تقديري لكما نظرا لمساهمتكما العظيمة , كما نشكر الاختين رجاء و نجاة , و يا ريت تواصلوا في هذا العمل لكي نعود الي الوراء قليلا الي عصر ما قبل الانفجارات من كل نوع و نأسف اذا كنت قد خرجت من الموضوع و كان بودي مشاركتكما بهدهدة و لكن و الله على مااقول شهيد اكاد ان انسي حتي جدي الرابع من جهة ابي و لا اعرف من جهة امي غير اسم والدها فالزمن (لحس و اكل) كل ما نعرف من قصص و احاجي و لا تقولا ان هذا الشخص (مخرف) فأنا في تسعينات القرن الماضي كنت في الجامعة (يعني ولد صغير في سنه ) و لكن هذه هي الحقيقة , حقيقة اندثار المعلومات و لكما من الشكر اجزله.
برير اسماعيل يوسف
المملكة المتحدة
03/06/2004
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: برير اسماعيل يوسف)
|
اعتذار و تنويه للمرة الثانية و لكن و الله العظيم (الواحد كترو)
طبعا بالامس كتبت الاخت / امال وهي الاخت الهام , و كتبت الاخ عصام وهو الاخ طه و اليوم دخلت لكي اجد شيء جديد في الموضوع فلاحظت هذا الخطأ, لذلك نكرر الاعتذار لكما , وهذا خير دليل على انه (الواحد طلق مبكرا) , الم اقل لكما بأن الزمن (لحس و اكل ) ما عندنا من معلومات , بل اصبحنا نقرأ شيء و نكتب شيءاخر و ربنا يكذب الشينة .
برير اسماعيل يوسف
المملكة المتحدة
04/07/ 2004
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: برير اسماعيل يوسف)
|
الاخ االعزيز برير اولا شكرا لمساهمتك واسفة لتاخري في الرد للمشغوليات .. لاداعي للاعتذار عن هذا الخطاء غير المقصود وانا منذ ان قرات مداخلتك احسست اني امام شخص يعمل بمبدأ ( المهم النية) وان الموضوع شد انتباهك بمحتواه بغض النظر عن كاتبه لذا التحية ليك ومافي مشكلة .
لكن برضو حاسة انو في شوية (جلا وطلقة )علي العموم انتظر منك محاولة لتذكر نغمة حتي من اغنية اطفال واعتبرها رياضة ذهنية ومحاولة للتركيز ::تحياتي مرة ثانية ودمت .
الهام عبد الخالق
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الاخت العزيزة الهام نشكرك على تقبل الاعتذار و طبعا تحليلك في محله فأنا شداني العنوان و دخلت و قرأت الهدهدات و بدلا من النوم بعد القراءة بدأت (الهضربة) و يبدو ان ترجمة الاخت نجاة محمد على هى سبب هذه الهضربة , لان هدهدات نجاة تنفع مع الفرانسيس هذا مع اشتركنا في الجوانب الانسانية , فما ينوم الفرنسيين و الفرنسيات يهضرب بالسودانيين و السودانيات و ليس لدي سند علمي لهذا التحليل غير ما لحق بي و علي الاخت نجاة افادتنا في هذا الخصوص , اي بمعني هل هذه الهدهدات الفرنسية الجبلية او غير الجبلية (رقدت /نومت) عزة/نوار/فاطمة؟ و على فكرة يا الهام انا احد طلاب الدكتورة نجاة محمد على في الجامعة و هذا خير دليل على (انو الواحد بدأ يطلق مبكرا)و لكن والله يا جماعة الحاصل لينا دا ما شيء هين يهد الجبال.
برير اسماعيل يوسف
المملكة التحدة
04/07/2004
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
العزيزة نجاة
شكرا علي لاضافات الثرة ،وقد اكسبت هذا البوست ابعادأرائعةوغنية .
الاغنية رائعة ..والترجمة جميلة ومتماسكة اعتقد ان هذا تراث جدير بالتعرف عليه وان الغوص في هذا النوع من الفن الذي يمكن ان نصفه بانه اختراع خالص للمرأةعبر العصور تماما كاحاجي الحبوبات ، الغوص فيه واستخراج درره جدير بان يلقي الضؤ علي حقب تاريخيةمختلفة من حياة المرأةلما يحمل من صور ومشاهد تصور نوع الانشطة التي كانت تقوم بها المرأة.. كذلك تعكس جوانب مهمة في البيئة التي خرجت منها الاغنيةونوع النشاط الانساني الممارس (كما في اغنيتك الاخيرة-الرعي بل حتي يمكن ان تحمل وصف لوضعية المرأة الام في هذه البيئات...اعتقد انه فن كسائر الفنون ويمكن ان يكون مفتاح لفهم الكثير من الاشياء .....تحياتي لعبدالله والبنات الرائعات كما قلتي التقيناانا وطه ب د/بولا في القاهرة بمعية محمد عبد الخالق شقيقي ونحن جزورنا من بلد واحد هو مدينة بربر شمال عطبرة ويصر محمد علي وصفنا ببقايا الحملةبااعتباران اهل بربر معظمهم حلب وحمر ولهم اصول اما تركية اومصرية تحياتي مرة ثانية ودمتي
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الاخت الهام
تحية واحترام
معليش ما قدرتو تسمعو الاغنية الساهمتا بيها معاكم فى هذا البوست اللطيف. فى الحقيقة هو مقطع من اغنية رائعة للمغنية السودانية/الاسبانية رشا شيخ الدين. الاغنية اسمها ( أمّى ) من البومها المعنون ( Let Me Be ) الذى صدر عام 2000. وتقول كلمات الاغنية والتى أعتقد أنها تحكى عن والدة رشا، وهى والدة زميلتنا فى البورد تماضر أيضآ:
يومن جديد ابتدا بدرى الصباح
ظاهر عليو حيكون يوم مليان كفاح
شاى الفطور، الشفّع والمدارس
الله يكبّرهم، يساعدونى شوية ارتاح
أنا عمرى ما اتمنيت أم غيرك انتى يا أمّى
عشان حبّك، حنانك، طبعك، شايلاهم فى دمّى
عركيّة فيك الخير والبركة
قوّة الشخصية، والعزيمة
انتى الناقص بتّمّى
نورو القمر هداهو ليك زمان
ليمون زرعتى، قام أخضر رويان
حتى الكديسة البتحوم على الجيران
جات تسكن معاك، لاقية فى ايديك حنان
كلام طبعآ جميل وحنين مثل الامهات. وأجمل لو سمعتوهو بصوت الدافئة رشا وصويحباتها الاسبانيات..
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Adil Osman)
|
العزيز برير تحية وسلام اشكرك علي التواصل وصدقني الحال من بعضو...
هذه المنافي لم تترك فينا طرف وما نجده من وقت هنا في البورد هو وقت للملمة اطراف الروح المبعثرة ...
اعتقد ان الفرق بين هدهدات الفرنسين وهدهداتنا هو السلم الموسيقي فنحن السودانين مشهورين بالسلم الخماسي وهو سلم في الغالب حزين طبع اغانينا بالشجن والحنين .
اتمني لوتمكنت نجاة من مدنا ببعض الالحان حتي تكون المقارنة واضحة .
اصر واؤكد حاول تتذكر ليك غنيوة او دندنة غنيها لنفسك قبل النوم حتي تحوط نفسك من هضربات بلاد الفرنجة .
ودمت
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الاخ العزيز عادل عثمان اشكرك كتير علي كلمات الاغنية التي لم اتصور انها لرشا شيخ الدين الانسانة الجسورة التي صدحت (بعذاري الحي ) (وكيف الحياة غير ليمك )درر الغناء السوداني في اعتي مسارح اوربا فقدمت صورة حقيقية لفننا السوداني ....انا ياعادل اتابع كل اخبارهاولدي البومين لها احدهما (سودانيات ) والاخر بصاحبة مجموعة من المغنين الافارقة ومعها شقيقها الوافر قدما اعمال بروعة النيل .
يمكن الان ان افتح خيال قد يكون اقرب للواقع...التحية والحب لكل الامهات في بكور السودان وهن يصارعن من اجل قفة الخضار او بالاصح كيس الخضار ان وجد .
تصبح علي وطن خالي من عنت العيش وعسف العسكر .
الهام عبد الخالق
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: الجندرية)
|
العزيزة ست الغاليين جندرية..اعـتــــــــــــذار طويل قرات مساهمتك الحنينةوداهمني الحنين تذكرت عطبرة بربر والدامر مدن حنينة ليس لديها خيار غير ان تنجب ناس حنينين ومسكونين بتلك الاصوات التي تاتي بعد ان يهجع كل الي مضجعه فيختلط صوت السواقي (التي كانت)بصوت دوبيت بعيد في القيف باحلام الصغار فتلهم النساءفيسرحن مع القمر واحلامهن وينتجن هذا الادب الرفيع في صمت ودون ان يجلسن في ساحة الديوان لرفع العقيرة بالغناء ...ليتهن فعلن ...
قلت في ان النساء يسربن احلامهن ورغباتهن وحتي وجع فقدهن لقريب بين اسطر القصيدة فتخرج لوحة عفوية شفافة ومعبرة..
جدة ابي (عليه وعليها الرحمة ) ولان ابي كان وحيدااي ليس له اخ ذكر كانت تنتظر ان ينجب ابي البنين فكان ان اطلت اختي الكبري وبعدها اختان تخيلي ان هذه المرأة المولودة في منتصف القرن التاسع عشر حولت حلمها الذي لم يتحقق لاغاني تمجد فيها كل من البنات (اخواتي علي حدة وتهدهدها بها وعندما اطلينا للعالم وجدت ان كل واحدة منهن تحفظ اغنيتها وتضيف اليها حسب تصورها لذاتها ....لااذكر منها الان شيئا
اليومين ديل محمد عبد الخالق دايما في بالي وهسس بهدي ليك هذا المقطع الشعري له
الخبر
تهشم اللبن المضروب
باصابع الجد المهجري الاول
المجفف بشمس القرن التاسع عشر
وانكسرت شعبة الديوان الكبير
حين اعلنت مريم الشجاعة
للعمامات المتطاولة ان حرير الحريم
العنكبوتي اكلته الارضة
سقطت عمامتان وانفتقت عباءة
قالت النسوة :مريم القاهر ..مريم الفاجرة
مريم العاهر كيف تجرؤ(بري يايمةنحن منها ).....
قطع لسانكن ..
مريم الان تفتح بابا لتدخل الشمس
انثي تبرجت دواخلها تعمي اعين الرجال
الجزازير عنكن
مريم الان تفتح بابا فأدخلوا شاهرين عيونكم.
وللقصيدة بداية ونهاية لم اكتبها
لك كل مودتي ودمت
الهام عبد الخالق
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
الاحبا طه والهام لكم التحيه وشكرا على البوست .
الاخ محجوب شريف عمل شغل جميل جداً فى شريط تبتبات فى سنه 1999 . وهو عباره عن اغانى الجهال وقد اشتركت فيه بنتاه مريم ومى ووالدتهم اميره الجزولى انه عمل رائع .
اغنيه النوم النوم كنت اغنيها الى ابنتى سابينا بدرى قبل حوالى 30 سنه وكانت تطلبها بالاسم ( نوم نوم ) . واذكر البيت الاول . النوم تعال بكريك بريال النوم تعال كسره بملاح . مقرات هى اكبر جزيره فى بلاد الرباطاب وكانت تعج بالتماسيح قديماً ولهذا سمى الرباطاب ب غنم التمساح لان التمساح كان يفتك بهم فى جزرهم الصغيره . نحن آل بدرى طردنا الجوع من جزيره مرو وهى مسقط رأس صلاح كرار او صلاح دولار رجل الانقاذ .
هنالك اغنيه اخرى غنيتها لكثير من اطفالى وهى
( امك راحت بيت مكه
تجيب ليك حته كعكه
والكعكه جوه الصندوق
والصندوق عاوز مفتاح
والمفتاح عند النجار
والنجار عاوز فلوس
والفلوس عند السلطان
والسلطان عاوز عروس
والعروس عاوزه المنديل
والمنديل عند الجهال
والجهال عاوزين لبن
واللبن عند البقر
والبقر عاوز حشيش
والحشيش تحت الجبل
والجبل عاوز مطر
يا ربنا هوى تجيب المطر )
اذكر فى احد ازمات الديمقراطيه الثانيه ايام الصادق وشبكتو ان كتب احد الصحفيين موضوعا بعنوان ( المفتاح عند النجار ) . والبعض يقول عندما يتأزم الشئ ( يا ربنا هوى تجيب المطر ) .
شكرا للبهجه التى ادخلتموها علينا .
شوقى ...
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: shawgi badri)
|
الاستاذ الانسان الرائع شوقي بدري التحيات الطيبات لك وشرفت هذا البوست بالزيارة ... اشكرك كثيرا علي مااغدقته من زكريات وحكي عن تفاصيل حميمة في زمن نحاول ان نضفي قليلا من الحلاوة علي ايقاعة الحنين بالغوص في الذاكرة عميقا وهدهدة المشاهد النائمة لتصحو ...
في مدن لاتزال تنام ...يوقد النساء والرجال الجميلين جمر الغناء لاطفالهم حتي يوازنو بالحلم عفن الواقع .ز ومااجمل حين يكون هذا الغناء من فم الاب كسرآ لرتابة السائد التحية لك وانت تغني لابنتك .
مااشرت له من استلاف بعض المقاطع من اغاني الهدهدة لتكون عناوين لمواضيع غاية في السخونة في زمن الازمات مثل (المفتاح عند النجار ) و(ياربنا هوي تجيب المطر ) هو استجارتنا واستعاراتنا التي تخفف من حدة الواقع فنلوذ باغاني زمن الصفو الذي نفتقد اوهي (لوماكضبت)
الباس الماساة لثوب الملهاة حتي تجد مكانها من ذهننا المحبط في زمن الاحباطات ....
اهدي لك هنا مقطع لاغنية من حجوة من منطقة التعايشة بدارفور تنادي فيها بطلة الحجوة اختها المفقودة (بنونة):
هاي بنونة
الحية امكي يابنونة
الميتة امي يابنونة
الناهض ابونا يابنونة
مشنكت ابونا يابنونة
اركبي المليس هناكي
او سوقي درنقل ليس معاكي
وهذه حجوة ممعنة في القدم ولكنها تعيد نفسها الان اتمني ان ترجع بنونة وان يرجع اطفال دارفور المشردين وان نعود نحن ونلتقي في الوطن .
اخبار عائلية :اليوم كان معنا في منزلنا بمسقط الاخت ابتسام مرتضي شوقي وابنتها لبني وهن يبعثن لك حار التحايا .
دمت
الهام عبد الخالق
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
الغالية نجاة والحلوات البنات (احلي الكائنات) والله افتقدك وغزوت احلام يقظتي انتي وعزة وغنمايتها هدية الجدة ومن اغاني اللولاي صرت ادقس بمزاج عز النهار ومع الشقي جعفر لااجد وقتا الابالمعافرة كي المس الكي بورد عموما ..مشتاقين .
اليوم كنت انا وطه بمعية احد اساطين (الكمان)في السودان وهو الان معنا في هذا المنفي (تخيلي انا وطه بناخد دروس جادة لتعلم العزف علي هذة الآلة الجميلة ) المهم تذكرت بوستي هذا ومجهوداتك القيمة فيه فابتدرته بسؤال حول اغنية المهد فاخبرني بعلومة ذهلت تماما عند سماعها وهي ان اغنية المهد في الادب الموسيقي الاوربي اسمها
(LULLA BUY ) واسمعني للتو مقطوعة لموتسارت واخري لبتهوفن وهي اغاني هدهدة متداولة في اوربا ووالCD الان بمعيتي انتظر الغوث حتي اسمعك لها ..واذا تاملت الاسم (لولا باي ) تجد انه بدون نقصان اومحاولة تصريف هو (اللولاي) وهو الاسم الشعبي لاغاني المهد في السودان .. في الذهن الان سؤال جد ملح وربما اجابات لاسئلة اخري كيف يتاتي لامراة في قرية اللعيكورة واخري في قرية علي ساحل النورماندي ان يبتدعن نفس الاسم وفي نفس الزمان لاغاني المهد ..ربما الموضوع يحتاج لبحث اعمق وتحليل شامل وملم المام تام بهذة الثقافات مجتمعة ...
في انتظار اي فرج لبث المقطوعات لكي التحية وكل الود الي ان التقيك.
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: لؤى)
|
الاخ العزيز لؤي سعيدة جدا بزيارتك واشكرك علي مجهودك مع هذا البوست وشكرا علي اللنك لكن صدقني ماعرفت امشي يمين ولاشمال فانا اعاني من كومبيوتر لايحتوي علي برنامج اللازم لتشغيل هذا اللنك حاولت ودخلت في متاهات ..اتمني ان اسمعه قريبا لكن تآمرت عليك والجندرية وعملت (داون لودنق) للوصلة الاخيرة لكن لسه ماشفت فيها حاجة ..اشكرك كتير
علي فكرة انا ايضا لدي اهتمامات موسيقية مجتهدة معاها وهي رحلة وقصة طويلة ربما في مقام اخر اخوض فيها ..اتمني ان اطلع علي اجزاء من تجريتك في هذا المجال ... وهل انت خريج معهد الموسيقي (يتخيل ايوة ؟؟)
دمت
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: الجندرية)
|
الاخ لوئ شكرا على الوصله الرائعه لقد امتلأت النفس شجناً وشوقاً الى الوطن .
بنت عمى الجندريه شكرا على الدقلشات والاغانى والتحيه لزوجكم المصون وكل التراث واهل التراث . بمناسبه الدقلشات ديه فى نكته قديمه فى امدرمان . واحد يمانى اتزوج سودانيه وكل ما الولد يبكى تنهزه وتغنى كدى كدى يا كدى كدى . كدى كدى يا كدى كدى . وفى غيباب الزوجه بكى الطفل فاخذه الوالد وبداء فى الغناء هكذا هكذا هكذا هكذا ..
ولكم التحيه ...
شوقى ....
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
شكراً لؤي على اللنك
وياشوقي في الاصدار الجديد النكتة بتتحكي عن يمنية شافتها جارتها السودانية بترقص ولدها
شكراً على البسمة يا شوقي ومنتظرين جيتك زي هلال العيد
الهام
الموسيقى الصعبة ديك
تعرفي مش زمان كان عندنا حصة اعمال
فيها شغل طين ولعب حر كدا
دي وحصة الفنون الجوه الفصل اتلغو
ليهم الله بس اطفال السودان
وباقي لي ما في حل غير المؤسسة التقليدية لتلقينهم ما تيسر
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الأخت العزيزة إلهام
وانا أسعدنى دخولى إلى هنا والتأرجح بسعادة بين الحروف والنغمات وكأنّى فى مهدى تحيطنى الملائكة . أسفت لكونك لم تستطيعين تشغيل الملف الصوتى والذى ربّما يعود لكونه مرفوع على فورمات الويندوز ميديا بلاير ، ولاأعلم إن كنتِ تستخدمينه أم تستخدمين الريال بلاير . لمساعدتك سأقوم هنا بإنزال الملف نفسه على فورمات أخرى ورفعه لموقع آخر حتّى يتثنَّى لكِ الإستماع إليه راجياً لكِ التوفيق .
متشوق لسماع قصّتك مع الموسيقى والتى فتحت عيونى عاشقاً لها . لست خرّيج معهد الموسيقى لكونى إخترت أن أكون هاوياً ، لكنّنى درست الموسيقى وأجيد العزف على الكيبورد وعلى الجيتار ، ولى علاقات واسعة جدّاً مع معظم الموسيقيين/ات والذين/اللائى أسعد لمعرفتهم/ن والذين إشتركت معهم/ن فى أعمال كثيرة .
أدناه تجديننى أضع لكِ الملف الصوتى على فورمات الريال بلاير وماعليكِ إلاّ الضغط على زر التشغيل للإستماع ، كذلك أضع لكِ لينك الحفظ المُحمّل على موقع آخر قد يسهل معه تشغيل الملف بعد حفظه فى جهازك ، وماعليكِ سوى الضغط على اللينك بزر الماوس اليمين ومن ثم إختيار حفظه مع ملفات الموسيقى فى جهازك .
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: لؤى)
|
الاعزاء طه والهام . لكم التحيه وشكرا على التواصل . وهذه عظمه هذا البورد .
الاخت ابتسام مرتضى شوقى وابنتها لبنى اللذين كانوا معكم قبل يومين يمثلون تلاحم امدرمان والسودان فقديماً كانت هنالك صداقه عميقه بين ابراهيم بدرى ومحمد صالح الشنقيطى ومحمد على شوقى ولقد التقت دماء هؤلاء الاسر الثلاثه متمثلين فى ابناء وبنات ابتسام لانها زوجه ابن عمتى مختار مجزوب مالك رحمه الله عليه ووالده ابتسام من آل الشنقيطى . انا قد سميت على جدها محمد على شوقى . لكم الشكر على هذا التواصل .
شوقى ...
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: shawgi badri)
|
الاخت الجندريه ... احسن من حسه تكلمى الراجل انتو ناس رفاعه بتضبحوا جمال , عملتيها لى غداء بس . أقلها جضع وتنى برضو ما بطال بس يكون سخى . وان كان انا ما باكل لحم لانو داخل فى نزر ما آكل لحم الا بعد ما الانقاذ تنتهى . مين عارف يمكن قبل ما اجيكم تكون الانقاذ انتهت واول شيه تكون معاكم . 16 سنه ما عضيت لى شيه .
محمد صالح عبد اللطيف وقيع الله بحكى قال عندكم سراً ليكم من رفاعه فى الاربعينات اتزوج انجليزيه . وجوهو ناس رفاعه نزلوا عندو فى الخرطوم وكل شويه يسألوهوا يا زول انت مبسوط . مرتاح . ما ناقصك شئ . والجواب مرتاح وما ناقصنى اى شئ . فى الآخر وهم ماشين على المحطه رددوا السؤال , الراجل فكر شويه كده وقال ليهم ما ناقصنى اى حاجه لكن بس نفسى اكد لى عضم .
لكم التحيه ...
الاخ لوئ ... انت الظاهر عليك بتؤمن بالمثل البقول الاشافى ما بتلاقى . السويد دى بى طولها ده حنتلاقا . اقله بسبب المحاسبه . العميد بى دقنه الذى المقشاشه دى سويتو اخوك وانا عم شوقى اه. بنتلاقا وانا بشوف الظلم ده حدو وين .
لك التحيه ...
شوقى ...
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: shawgi badri)
|
Quote: الاخ لوئ ... انت الظاهر عليك بتؤمن بالمثل البقول الاشافى ما بتلاقى . السويد دى بى طولها ده حنتلاقا . اقله بسبب المحاسبه . العميد بى دقنه الذى المقشاشه دى سويتو اخوك وانا عم شوقى اه. بنتلاقا وانا بشوف الظلم ده حدو وين .
لك التحيه ...
شوقى ... |
(( الأخ )) شوقى ، تحايا وأشواق ، (( اها كده كيف ؟؟ )) ..
(( العم )) العميد وكما تعلم ، يتفنّن فى إظهار شبابه بشتّى السبل وذلك رغم غزارة اللحية (( وكبر السن ))  .
أمّا انت (( أخى )) فكل رواياتك وقصصك من عصور المهديّة القدية ، يعنى بصراحة كده انت محتاج ليك سكرتير يراجع ليك كتاباتك دى قبل نشرها ، لأنها فيها ظلم شديد لحقيقة شبابك والذى لاخلاف عليه . (( شفت الدبلوماسيّة دى ؟؟ ))
لك كل الحُب والإحترام
وبنتلاقى
الأخت إلهام ، تحيّة ووُد واحترام .
أعذرينى على هذه التخريمات 
لكِ إحترامى ومودّتى
لؤى
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: لؤى)
|
إلهام الحبيبة
بوست شحمان زي مابقول منعمشوف.
إستمتعت كتير بالهدهدة والحكي من كل المشاركين/ات.
طبعا أغاني الهدهدة ساكنة فينا كلنا.
تصوري لما يغلبني النوم، بغني لي روحي زي ما كانت
أمي بتغني لينا زمان... فأخلد لنوم عميق!
وتحضرني في هذه اللحظة بالذات دندناتك التي كانت
تخفف عنا الكثير يا حبيبة!
شكرا
إيمان
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: إيمان أحمد)
|
الصديقة الغاليةايمان افتقدك بشدة وافتقد ايامنا الزمان التي صارت هي تبدو ايضاكاحاجي الحبوبات في جمالها والسحر القاعد يظلل سيرتها ونحن بنحكيها.....
غني ياايمان ودندني فهذه الدندنات تدوزننا وتجعل احتمال المحيط ممكنا ..احتاج ان اعرف اخبارك بلتفصيل وصدقيني افتقدتك قبل فترة في البورد وافتقدت بوستاتك وكنت علي وشك ان انادي عليك ببوست ...وين مشيتي ؟؟؟
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: لؤى)
|
إلهام الحبيبة
بوست شحمان زي مابقول منعمشوف.
إستمتعت كتير بالهدهدة والحكي من كل المشاركين/ات.
طبعا أغاني الهدهدة ساكنة فينا كلنا.
تصوري لما يغلبني النوم، بغني لي روحي زي ما كانت
أمي بتغني لينا زمان... فأخلد لنوم عميق!
وتحضرني في هذه اللحظة بالذات دندناتك التي كانت
تخفف عنا الكثير يا حبيبة!
شكرا
إيمان
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: shawgi badri)
|
شوقي ود العم
تستاهل ينحروا ليك الدُرر والله
وكان للراجل مو داير لو حديث
الكرم حقو حرس وورث
جعلياً من جبل ام علي يده سهل وبحر
وحاشاه ما بوصوه ابو يسار
والابل راااقد عندنا تعال وربنا يقدرنا نكرم وفادتك
ذكرتني ابوي الله يرحمه
كان يصر عند حضور اي ضيف من زملاء / ات الدراسة
على ان تكون كبد الابل حاضرة
يقول لينا هسي صاحبكم ولا صحابتكم دي تقول مشيت لرفاعة وما ضقت كبدة الابل ؟
ربك بس يقشع البلا
عشان تحقق نزرك ونكد العضم معاك ونمرح في كبد الابل
والله اشتقنا لجيتك زيادة
ربنا يوصلك بالسلامة
الهام عفواً على التخريمات
وبرجع لموضوع البوست
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: shawgi badri)
|
الاستاذ العزيز شوقي كل الشكر ليك ...امس كنت اريد ان اسالك عن حكاية النذر دي لكن قلت اخليها تجي براها لكن (صلعة وعدم اكل لحم) كتيرة ..وبيني وبينك والله المفروض نحن حدادنا ماينتهي عشان نظل باستمرار نبدع وسائل المقاومة ونتذكر في الغبن الواقع علي اهلنا ....التحية ليك وللشعب السوداني .....
السيدة ابتسام ربطها باسرة طه نسب وهي ان ابن عمت طه وهو ابن المرحوم احمد الطيب عبد الحفيظ متزوج من لبني مختار (كاكوم) وبالامس القريب رزقا ببنت امورة .....
شكرا مرة تانية
ولك مودتي وتقديري
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: tariq)
|
الاخ الفاضل طارق لك كل الشكر علي المرور من هنا وحانتقابل في بوستات قادمة اكيد ....وصدقني اي عمل كتابي هنا في هذا البورد لايكون جميلا الابمساهمة الاخرين فيه واضفاء شيء من روحهم وتجربتهم اليه وهذا ماتم هنا ..... كنت اتمني ان نوثق لاغنية المهد من كل بقاع الوطن الحبيب وانا شخصيا سمعت اغاني بلهجات سودانية مختلفةجميعها الحان حنينة ومعبرةوبسيطة واكيد ياطارق هناك البعض منها عالق بذاكرتك المهم لوما غنيتو هنا ارجو ان يكون هذا البوست دفع به الي جزء قريب من ذاكرتك ليكون صديق لك خصوصا اذا كنت في غربة ...رد الله غربتنا جميعا ..
شكرا ليك
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
الاخت الهام تحياتي و احترامي
لي اسبوعين شايف البوست دا ؛ و اسرع الخطى عند المرور بجانبه
ظننا مني انه للاخ طه؛ و ان به الكثير من السياسة و خنق فطس و كدا ..
اقترح ان تقومي بتعديل اسمك لالهام/ طه حتى يمكننا التمييز و الدخول باطمئنان
تحياتي للابن جعفر و الاسرة الكريمة؛ و شكرا على هذا البوست الجميل؛ الذي سأعود
لقراءته بتمعن اكثر
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Hussein Mallasi)
|
الاخ حسين ملاسي شكرا ليك علي الطلة غايتو اذا في دشمان ممكن يبدا بعنوان زي عنوان البوست دة ...دة مايكون دشمان دة ممكن نسميه (اجتياح اواندياح الرومانسية السياسية) اواي شيء من النوع دة..شكرا ليك للزيارة واتمني ان تتحفنا ببعض الدندنات التي مازلت تذكرها من الحبوبات والعمات والخالات ....وبالمناسبة في البوست دة لحدي هسي مافي اب قال انو كان بينوم اولادو بالهدهدات غير استاذنا شوقي بدري واتمني ان تصبح هذه الهدهدات يوما ما ثقافة ابوية كما هي الان ثقافة امومية لانو دة معناها في حاجات كتيرة اتغيرت ...شفت السياسة دي مباريانا مباريانا مافي حل .....
وشكرا ليك ...
نجاة شكرا تاني وحاجيك بالمزيد
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
إلهام وضيوفها
دي محاولة تانية لإضافة موسيقى الهدهدة التي غنتها الجنيات للملكة تاتيانا في حلم ليلة صيف.
تقول كلمات الهدهدة (lullaby)
'You spotted snakes with double tongue,
Thorny hedgehogs, be not seen;
Newts and blind-worms do no wrong,
Come not near our Fairy Queen.
Philomel, with melody,
Sing in our sweet lullaby ,
Lulla, lulla, lullaby; lulla, lulla, lullaby;
Never harm, nor spell, nor charm,
Come our lovely lady nigh;
So good night with lullaby.'
http://theatrechevrollier.free.fr/songe/13-fees-bercent_m.html#bas
إنشاء الله المرة دي المحاولة تنجح.
ويا برير إسماعيل مالك ما لبيت طلب إلهام ورجعت بأغنية؟
في انتظار عودتك وعودة ملاسي بأغنية من الأغنيات النام بيها وهو طفل أو بنوِّم بيها أولاده، لكم خالص مودتي.
نجاة
نجحت. اضغطوا على المايكرفون الأصفر للاستماع
(عدل بواسطة Nagat Mohamed Ali on 07-20-2004, 01:11 AM)
(عدل بواسطة Nagat Mohamed Ali on 07-20-2004, 01:15 AM)
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
يانجاة ياخي انت الحاجات دي بتجيبيها من وين ...انا اتعقدت عديل اولا في فنيات انا لسه ماعارفاها تانيا غالبا التوصيلات دي مابتفنح معاي .زالمهم انا في تحدي لسه لقهر هذه التكنولوجيا ..تعرفي (اللينك ) الاول فتح معاي والموسيقي فعلا كانت خرافية ..بس كان في صور طيارات كدة مشتتة جبت جعفوري يسمع معاي قام شبك بس في صور الطيارات ومن يومها (ماما بس افتحي الطيارات ) جننتني جن خصوصا مع مجابدة الوقت البمشي بوين ماعارفة؟؟ التحية ليك ياجميلة وتحياتي لعبدالله والبنات .ياخي عايزة ايميلك.
وشكرا الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
كيفك يا إلهام
حاولي اللينك الثاني (في مداخلتي بتاريخ17-07-2004, 06:56)
فيهو هدهدات فرنسية ومن دول أخرى (الهند، اليابان...وغيرها)،
بعضها مصحوب بتسجيل موسيقي والبعض فيهو نص الهدهدات بس.
إذا ما كان ممكن تسمعي، أنسخي عنوان الموقع، وألصقيه لفتح صفحة جديدة، إمكن تقدري تسمعي حاجة. أفعلي الشئ نفسه بالنسبة لموقع الهدهدات الفيها الطيارات، وأفتحي الموقع في صفحة منفصلة، حتلقي مجموعة من الهدهدات الحلوة ومعاها صور أحلى من صور الطيارات.
شكراً على كلماتك الطيبة. وحاشوف طريقة أرسل ليك بيها إيميلي.
تحياتي للأخ طه ولجعفر.
كل مودتي
نجاة
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Nagat Mohamed Ali)
|
الاخت الهام
تحياتي
يندر ان اقوم بمهمة تنويم الاطفال؛ و ان "اضطررت" لها؛ فللاسف لا اجد في ذهني أي
شيء عالق من ايام الطفولة لترديده لهم؛ الا من اغنية سمعتها و انا كبير في برنامج افتح ياسمسم
يؤديها صلاح ابن البادية .
فأبدأ في ترديدها لهم :
طيري طيارة طيري
طيري نحو السودان
طيري و معي اصحابي
طيري و معي .........
ثم اقوم بترديد اسماء ابنائي واحداً تلو الاخر بعد اعادة المقطع الاول مرة تلو الاخرى؛
ثم يقوم كل واحد فيهم بأضافة من يريد من اصدقائه للطيارة و بنفس اللحن؛
ثم نبدأ باضافة ناس "بو" و "لالا" و" وينكي وينكي" و "ديبياسى" ....
فالحمد الله الطيارة كبيرة و تسع الجميع ....
ثم اغط بعدها في نوم عميق؛ فيذهبون بعد ذلك لوالدتهم ..... لتنويمها
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Hussein Mallasi)
|
الغالية نجاة شكرا لك للمجهود ...واتمني ان يصحو(ديك البطانة)وهو الفاضل كمبيوترنا حتي يتسني لي سماع هذة الاغاني شكرا ليك تاني .
الاخ الفاضل ملاسي شكرا للمساهمة وهذا ياخي مجهود كبير (اغنية صلاح ابن الباديةفي افتح ياسمسم) وعموما انه زمن العولمة زكرت في بداية هذا البوست ان الاطفال صاروا لايقبلون بالمسلمات بل يحدثون في هذا التراث بطريقتهم الخاصة..وماعلينا الاان نجاري تيار الحداثة والاجرفنا الطوفان الالكتروني مع ابطال الديجتال .لالا_بووه_تينكي وينكي وديبياسي هذه شخصيات لامفر لنا من ادراجها في لائحة المسافرين نحو السودانبل وايضا (الكادين للدوم ) حتي ينوم الاطفال .
دمت وشكرا علي المساهمة
الهام
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الأخت إلهام:
لك عاطر التحايا علي هذا البوست التحفه ..الذي حلق بنا في سماوات الطفوله.. وايامها الجميله
وان كان بعضها يأتي كالأطياف بذاكرة قلقة.. وبعضها يأتي كأنه حدث البارحه[ بيضاء كذا الحليب ]...
وكنت قد قرأته منذ أول يوم انزلته فيه ولكني لم أتمكن من المشاركه ساعتها ..واليوم وجدته عامرا ..ومزدانا بالأضافات الثره التي قدمتها الأستاذه نجاة.. ثم مداخلات الجندريه الرائعه.. واشراقات الأستاذ شوقي بدري ..وبقية المشاركين..
فلكي ..ولهم ..التحية ..
ولامهاتنا اللاتي أرضعننا حنان الأمومة..واكسير الحياة..ومعاني الحب.. والوان الجمال..
وحتما لي عوده..
مع تحياتي,,
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: Ehab Eltayeb)
|
الأخت إلهام:
لك عاطر التحايا علي هذا البوست التحفه ..الذي حلق بنا في سماوات الطفوله.. وايامها الجميله
وان كان بعضها يأتي كالأطياف بذاكرة قلقة.. وبعضها يأتي كأنه حدث البارحه[ بيضاء كذا الحليب ]...
وكنت قد قرأته منذ أول يوم انزلته فيه ولكني لم أتمكن من المشاركه ساعتها ..واليوم وجدته عامرا ..ومزدانا بالأضافات الثره التي قدمتها الأستاذه نجاة.. ثم مداخلات الجندريه الرائعه.. واشراقات الأستاذ شوقي بدري ..وبقية المشاركين..
فلكي ..ولهم ..التحية ..
ولامهاتنا اللاتي أرضعننا حنان الأمومة..واكسير الحياة..ومعاني الحب.. والوان الجمال..
وحتما لي عوده..
مع تحياتي,,
| |
|
|
|
|
|
|
|
|
|
Re: النوم .النوم بكريك بالدوم ..... اغاني المهد وسحر الغفو. (Re: TahaElham)
|
الهام عبد الخالق
تحياتي
يعني فتحتي البوست ده ومشيتي وين
بوست جميل وممتع وحقيقي جداااا
الاضافات جميله كمان
والهدهده اجمل
سبقني شوقي بدري في ذكر محجوب شريف والتبتبات
تجربه محجوب شريف مميزه جدااا
اتمني انو تستمتعي بسماعها يوما ما ان شاء الله انتي وجعفر الصغير
من اجمل الحاجات الاتعملت للاطفال في السودان
فيها قيم جميله شديد ومحفزه للاطفال والموسيقي مميزه
برضو في تجربه مختلفه من جمعيه حمايه البيئه لكنها اناشيد اكثر منها تبتبات
وبرضو لا تخلو من جمال وابداع ..اتمني اقدر انزل منها نماذج يوما ما
تبتبات محجوب شريف حقيقي آسراني
وهي كما اسماها تبتبات اغنيات امنيات للاولاد والبنات
اكتر واحده حافظاها وبريدها وبلولي بيها
احمد جا
احمد جا
يكتب اسمو يتهجا
ما قصر معاي في البيت
ولا خلانا نترجا
فالح ربنا يخليه
ومن شر الكضب نجا
ابوي انا جدكم رباه
زمانك كبرو وحجا
زمانك كبرو وحجا
وزمانك سنه 2000 كده اول ما سمعتها واسرتني كنا متوقعين اول
طفل في بيتنا اها كنت كل يوم اتصل اول زول يرفع السماعه
اقول ليهو اها احمد جا؟؟يقولو لي لسه
ويوما ما رفعو لي السماعه وقبل ما اتكلم قالو لي احمد جا
وكان ما عندهم اي حل غير انو يسموهو احمد
ونام زي نوم الهنا باحمد جا دي
وطبعا اجمل حاجه تهدهد ليك شافع وتقوم تنوم قبالو
من الشريط برضو
واحد اتنين تلاته
البنريدو تاتا
البرنده فاتا
فيهو شبه ابوهو
امو بس حياتها
القمرا بتريدو
والقمريه ذتهــــــــا
ينجح في دروسو
وتلقي شريك حياتها
واحد اتنين
تلاته
اها من اجمل التبتبات البتبكي برضو
بحاول اكتبها
الهام تعالي يااخ
عشان خاطر جعفر الصغيروني ده والاجيال
| |
|
|
|
|
|
|
| |
Nagat Mohamed Ali
Adil Osman
Raja
برير اسماعيل يوسف
الجندرية
shawgi badri
لؤى
إيمان أحمد
tariq
Hussein Mallasi
Ehab Eltayeb
توما
فيس بوك
تويتر
انستقرام
يوتيوب
بنتيريست