بروف معز .. .. الفنانة شروق انسانة راقية اولا وفنانة يزيدها النقد تمكنا ومحاولات القاء الحجارة علي انه نقد يزيد من قامتها الفنية نتمني لها التقدم في دروب الفن الواسعة .. وشكرا لك
Quote: الفنانة شروق انسانة راقية اولا وفنانة يزيدها النقد تمكنا ومحاولات القاء الحجارة علي انه نقد يزيد من قامتها الفنية نتمني لها التقدم في دروب الفن الواسعة .. وشكرا لك
البروف معز : عاش من شافك وين ايامك ياخ .. ومن قبل ابو عركي سمعنا اراء لي اساتذة كبار وكان راينا انو الموضوع مجاملة ولمن اقول مجاملة ما شرط انو لازم من وراء المجاملة دي يكون في استفادة سواء مادية او تطبيلية لكن مرات نحن السودانيين عشان نحاول نقدم زول للاعلام بنحاول نديهو دعم وان كان لايستحقه في سبيل كدي خلوهو يمشي لي قادم وبعد داك نشوف.. شروق بتقدم اغاني محترمة ماف كلام ..الحان ما بقول كلها مية المية لكن فيها المقبول وفيها الضارب وبرضو ما اختلفنا .. لكن اهم ضلع عند شروق هو مفقود وهو ضلع الصوت !!! شروق صوتها كعععععب (من وجهة نظري) وده الضلع الاهم ودي النقطة اللي نحن مختلفين عليها .. لمن احمد المصطفى الله يرحمو كان بيغني ولقا القبول الكبييير ده السبب الريسي كانت نبرة صوته ولا اييي حاجة تانية فقط الصوت فالكلمات والالحان البيقدمها الراحل بسيييطة للحد البعيد : انتظرتو لما ما جا رحت زرتو ..يا حبايبي انتو جرتو كان عرفتو كااان عذرتو .. الحبييب مالو ما جا ..
الصوت ولا شي غير الصوت بيخلينا نقول شروق فنانة ..ضروق صوتها ما جميل وبتحاول بالقوة تجملو مع انو الصوت ده هبة ربانية زيو وزي العيون الكبار والشعر الطويل ..
الحبيب طارق انا اتخآرت بي جاي قلت اخلي البروف يناضل بي جاي وانا اناضل بي غادي ============================== شروق مغنية حقيقية شروق لم ولن ينقطع تعاوني معها لانني اعرف قوة العزيمة في دواخلها ومما يشجعني كثيرا هذا الاختلاف الكبير حولها فان الفنان حينما يكون الناس متجادلين حوله وحول فنه فان هذا يعني اهمية هذا الفنان ====================== شروق اطبعي كل ماكتب عنك بغير نية سليمة ضعيه علي الارض وقفي عليه فستطولين اكثر مما انت عليه احبك لله فالله ==================================== يابروف تحياتي وتلفوناتك انقطعت مما خشيت في السياسة شآنك في ذلك شآن الساسة ضحكه
(عدل بواسطة Elmosley on 05-04-2009, 00:38 AM) (عدل بواسطة Elmosley on 05-04-2009, 00:43 AM)
Quote: شروق مغنية حقيقية شروق لم ولن ينقطع تعاوني معها لانني اعرف قوة العزيمة في دواخلها ومما يشجعني كثيرا هذا الاختلاف الكبير حولها فان الفنان حينما يكون الناس متجادلين حوله وحول فنه فان هذا يعني اهمية هذا الفنان ====================== شروق اطبعي كل ماكتب عنك بغير نية سليمة ضعيه علي الارض وقفي عليه فستطولين اكثر مما انت عليه احبك لله فالله
الموصلي العظيم،
طالما في مسألة الفن والإبداع
يقف من هو مثلك خلف شروق
فلا خوف عليها
ولا هم يحزنون
Quote: يابروف تحياتي وتلفوناتك انقطعت مما خشيت في السياسة شآنك في ذلك شآن الساسة
الرسائل والمقالات و الآراء المنشورة في المنتدى بأسماء أصحابها أو بأسماء
مستعارة
لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
