|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: مهلب خلف الله القريش)
|
دكتورنا الهمام .. تحية واحترام تعرف يا دكتور ، الواحد بقى يخاف من الدخول في بوستات زي دي .. لأنو ممكن يفهموك غلط .. المطربات السودانيات الشابات الظريفات الحليوات ديل ، ومعاهم أسرار بابكر أصواتهن فعلاً جميلة.. استغربت من بعض المشاركات هنا !! واضح أنو معظم من كتب منتقداً لا يرمى الى النقد الهادف !! شئ محزن . مشكلتنا الكبيرة في النقد ، يعني ممكن يجيك واحد يرمي ليك كلمتين يطمموا بطنك ، ويخلوك تكره حياتك ود النقد الهدام ، وفي نقد تاني بيصب في مصلحة الفنانة ، وده الممكن الواحد يتقبلو ويتعامل معاهو بي جدية ويستفيد منو .. حزنت لما قريت أنو شروق قررت الاعتزال (سودانياً) وفرحت جداً لما عدّلت عن قرارها .. تحية ليك ولشروق ولعافية ، ولكل مبدعات بلادي ..
دقة سريعة : أنا لو في محلك في ردود كده (بفطها) ما برد عليها ، بالعربي كده (بتجاهلها) ..
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Salah Abdulla)
|
Salah Abdulla
Quote: دكتورنا الهمام .. تحية واحترام تعرف يا دكتور ، الواحد بقى يخاف من الدخول في بوستات زي دي .. لأنو ممكن يفهموك غلط .. المطربات السودانيات الشابات الظريفات الحليوات ديل ، ومعاهم أسرار بابكر أصواتهن فعلاً جميلة.. استغربت من بعض المشاركات هنا !! واضح أنو معظم من كتب منتقداً لا يرمى الى النقد الهادف !! شئ محزن |
الحبيب صلاح عبد الله
تسلم يا زول يا جميل وواعي وفاهم
وشكراً لكلماتك النبيلة مثلك
لكن ما تستغرب من بعض المشاركات الهنا أبداً
دي ناس تعبانة جداً
بس وجودهم مهم في الجانب الدعائي
Quote: أنا لو في محلك في ردود كده (بفطها) ما برد عليها ، بالعربي كده (بتجاهلها) .. |
لا بالعكس يا صلاح
لما يكونوا ضيوفك من الواجب الرد عليهم بس باختصار شديد دون الدخول في تفاصيل معهم
لأنهم في الغالب منتظرين ردود أفعال
والإنسان لازم يكون حصيف وكمان يديهم درس في أدب المخاطبة والحوار..
تحياتي الحارة ليك يا صلاح
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: اسعد الريفى)
|
الصديق الغالي
والحبيب أسعد الريفي
زمن والله زمن
ويا حليلو الزمن الجميل يا اسعد..
بالله شوف حال الناس بقى كيف!!
وشوف نفوسها بقت كيف (وجه حزين)..
ده والله كلو من ناس السياسة ديل
لعنة الله عليهم
بقدر ما أفسدوا نفوس الناس وأخلاقها
قبل ما يفسدوا في الحكم..
Quote: قلت معز ده مالو .. و سمعتها بتغنى لصالح الضى .. قلت معز ليهو حق .. والله يا دكتور .. اعمل الدايرو .. البجى منك كله جميل و يعلم الله .. طول عمرك سمح و جميل لانك ابن الزمن الجميل .. |
تسلم انت يا زول يا رائع
وأصلو انا البسوي فيهو تب ما بخلي..
بس أعداء الجمال الشينين ديل ما عارفين ساكت..
الويل لهم
واللعنة عليهم أينما حلوا
في هذا البوست
ولاّ في اي مكان ..
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Dr. Moiz Bakhiet)
|
المبدع د.معز أولاً عذرا علي المداخلة لاني مقلة جدا في مساهماتي..لكن الموضوع بصراحة شدني وحسيت إني لازم أشارك فيهو برأيي المتواضع. رأيي هو إن المطربين الجدد لابد لهم من أناس يقودونهم في طريق الشهرة والنجاح وهو طريق وعر وانتم أدري بهذا ...وحتي لايصابوا بالغرور أو التخاذل يجب عليكم أن ترشدوهم إلي الطريق الصحيح وكيفيةإستخدام الشهرة بطريقة صحيحة تدفعهم إلي مزيد من النجاح ..هذا هو واجب المبدعين... وعذرا مرة أخري
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: نها محسن أبورأس)
|
استاذنا الدكتور الشاعر تحية واحترام تحياتنا واحترامنا للفنانة شروق وطبعا للجميلة المبدعة عافية الفنانتين اتمنى لهم مستقبل زاهر وانا حقيقي كمرأة سودانية فخوره بيهم وبتمنى يمشو خطوات واسعه نحو الفن الجميل والشهرة وجميل جدا كون شروق بتغني برا السودان وبتغني لهجات عربية ودي اجيال شابة من حقها تختلف في طريقة تفكيرا وحتى في مظهرها ودا تطور طبيعي والمؤسف يادكتور في ناس تقول ليك دي مابتمثل الفن السوداني خارج السودان طيب مين مثلو قبل كدا؟ ووين هو الفن السوداني في العالم العربي ؟ وماذا يعرفون عن فننا؟ السودان برغم تنوع ثقافاته والفن والفلكلور والحاجات الجميله المليان بيهاماقادر يطلع بره حدوده والاعلام أكيد له الدور الأكبر ويمكن الحكومات الاسلامية ومشاريعها ( الحضارية) أريــــــــــج الحــــاج أعتذر للكتابة باشتراك زوجي لتعطل اشتراكي ولكم مودتي
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: مجدي مسعد حنفي)
|
مجدي مسعد حنفي
Quote: الحبيب دكتور معز الله يديك العافيه ويزيدك شروق واشراق يابروف واصل المشوار فالطريق صعب وملئ بالحساد وانت قادر على الوقوف شامخا عكس الريح لتثبت للجميع انك صاحب رؤيا ثاقبه وفنان اصيل |
الغالي مجدي،
تسلم يا حبيب على هذه الكلمات النبيلة
وعلى هذا التشجيع والمؤاذرة العظيمة
صدقني يا مجدي أننا نملك من القوة ومن مقومات التحدي والنجاح ما سيذهلهم
وما بنتراجع وما بنساوم أبداً
محبتي واحترامي لك
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: معتصم ود الجمام)
|
الأخت العزيزة أريج الحاج، شكراً لهذا الإثراء
وهذه المداخلة القيمة
وشكراً لحضورك الأنيق..
Quote: والمؤسف يادكتور في ناس تقول ليك دي مابتمثل الفن السوداني خارج السودان طيب مين مثلو قبل كدا؟ ووين هو الفن السوداني في العالم العربي ؟ وماذا يعرفون عن فننا؟ السودان برغم تنوع ثقافاته والفن والفلكلور والحاجات الجميله المليان بيهاماقادر يطلع بره حدوده والاعلام أكيد له الدور الأكبر ويمكن الحكومات الاسلامية ومشاريعها ( الحضارية) |
ده الكلام يا أريج
لكن البقنع الديك منو..
عالم متخلفة بس
..
تحياتي للحبيب معتصم
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: نها محسن أبورأس)
|
نها محسن أبورأس
Quote: رأيي هو إن المطربين الجدد لابد لهم من أناس يقودونهم في طريق الشهرة والنجاح وهو طريق وعر وانتم أدري بهذا ...وحتي لايصابوا بالغرور أو التخاذل يجب عليكم أن ترشدوهم إلي الطريق الصحيح وكيفيةإستخدام الشهرة بطريقة صحيحة تدفعهم إلي مزيد من النجاح ..هذا هو واجب المبدعين... |
العزيزة جداً نهى محسن
ألف شكر على هذا الرأي السديد
والذي يتفهم تماماً الهدف من هذا البوست
وليس كما يفعل بعض المتخلفين هنا وهم لا يملكون أي رؤية سوى محاولة قذف الآخرين
تحياتي واحترامي لك
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Dr. Moiz Bakhiet)
|
البروف ود بحري الجميل...
عايز منك خدمة....
والله ما عايز روشتة لوجع رأس
ومخي وأعصابي الحمد لله شغالة تمام
رغما عن تشابك الخطوط في الزحام
ولفة الردمية مع المسئولية..
أوع تقول الزول ده لافي ليهو سيجارة قوية..
أو عنده أنبعاج في السريبليوم
أو الموتور نيرف عنده ضاربة
او الساينبس synaps بتاعتو شابكة
والخدمة يا بروف
تعمل لي رسالة في المسينجر
عشان لمن تكون الفنانة شروق في قناة من القنوات اشوفها
وأسمعها.. حاكم أنا مش بتاع قنوات...
لكن تستهويني طلعة السودانيين ونجاحاتهم
يعني يكون عندنا بروف زيك ما شاء الله اللهم صلي على محمد
وما في مانع يكون عندنا فنان يتاتي في أول عتبات النجومية والعالمية
دي شيء بخلي شعرة جلدك تكلّب حتي لو كنت متخصص في الديرماتولجي
ولا شنو يا بروف...
أها قربت أخلص السيجارة أقصد الرسالة...
بس يا بروف عليك الله ما تنسي تعمل لي مسينجر في الشروق بتاعي
وألف مليون سلام.. ليك في أرض المليون نخلة... عرفتوها؟؟؟
لا بس عرفنا بروف معز وأشراقته...
مع ألف تحية... (ود بحري )
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Dr. Moiz Bakhiet)
|
اخى الغزيز د. معز منذ صبانا .. و انت رغم مناكفتنا الكثيرة لك .. لديك اثنان .. متلازان ( و ليس متلازمة داون ) الحلم و الاصرار .. كان حلمك دائما يحتل مساحات اليقظة .. تغذيه بالاصرار و العزيمة .. و ما زالت . ترتاد افاق حلمك حتى تروضه و يصبح واقعا معاشا .. للاخرين بدأت لنا مع السراب .. الذى أصبح كل ما نعرفه و نلمسه الان .. حتى الريح .. جاهدت لتسير عكس اتجاهها .. تحولت هى .. لك دائما صادق مودتى و تقديرى ..
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Kamal Karrar)
|
اسعد الريفي
Quote: العزيز جدا كمال كرار بواسطة حبيبنا د. معز
اشرقت ايامك .. |
Kamal Karrar
Quote: أخي العزيز اسعد الريفي
بواسطة شروق ومنه للدكتورالبروف/ معزبخيت
ناحية روتانا.. بجوار مطعم ليالي النغم
شارع مراسي الشوق المتفرع من طريق الشرف الباذخ
يجدهم كلهم على ما أتمناه لهم من حب ومودة
قف. هنا تنهزم كل العواطف.. إلا عاطفةالحب |
يا لروعة التواصل عبر جسور المحبة
في دائرة الشوق ومواسم الفرح
أحبكم..
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Dr. Moiz Bakhiet)
|
إنت عارف يا بروف ...
Sorry
السلام عليكم أولا ..
بقيت مطمئن جدا على مسار الفن السوداني في المستقبل ...
لأنه وطن فيه هذا الإهتمام بالجيل الصاعد .. وأخص النساء ..
ما عليه خوف ..
مجموعة مميزة من المطبات الفنانات وبأصوات قمة في الجمال ..
شروق..عافية .. أسرار .. وغيرهن من الأصوات الجميلة التي دخلت
الساحة .. يتغنين بأجمل الكلمات وأروع الألحان .. مش ناس هشك بشك
ويجدون الإهتمام والرعاية الكريمة من الفنانين والشعراء الزيكم ..
أكيد حنكون راقدين قفأ ...
تسلم يا فنان وربنا يطول عمرك ...
شكرا بروف ..شكرا شروق . شكرا عافية حسن .. شكرا لكل هذا الجمال
في أصوات بنات بلدي ..
| |
|
|
|
|
|
|
Re: صور مبااااااااااالغة: شروق أبوالناس، عافية حسن، سلمى سيد و زوووووول كده.. (Re: Dr. Ahmed Amin)
|
الزول الجميل دكتور أحمد أمين،
سعيد بكلماتك المشرقة وبهذا الدفع ا لقوي
لأننا نحتاج للرائعين مثلك
وليس لأصحاب النفوس المريضة الذين ينظرون للأشياء بقصر نظر
ولا يفكرون الا بقلوبهم السقيمة ورؤاهم الضيقة
وفهمهم العقيم للأشياء
بل لا يكتفوا بالإساءات هنا والإتهامات بالنرجسية ومحبة الشو لضحالة رؤيتهم للأشياء
بل بعضهم يتعدى ذلك عبر اتصالات بالمبدعين وتحذيرهم من التعامل مع هذا وذاك
وهم لا يدرون أنهم بذلك يكشفون عوراتهم ويسخرون من أنفسهم أولاً وأخيراً
ولا حول ولا قوة الا بالله العلي العظيم
..
وتسلم يا زول يا رائع أبداً
| |
|
|
|
|
|
|
|