|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: بلدى يا حبوب)
|
كل عام وأنت وأسرتك الكريمة بألف خير
ونسأل الله أن تعود للسودان عافيته بعيدا عن قاتليه وناهبيه
ومغتصبي نسائه ومذلي شرفائه ومشردي الغر الميامين من أبنائه
وأن يشمل القصاص العادل كل من قتل ونهب وسرق واغتصب وشرد وعذب
وأن يأخذ السودان مكانه الجدير به بين أمم الأرض معززا مكرما محترما
محبوبا وأن ينعم اهله بالوحدة والحرية والديمقراطية والعزة والكرامة
والتنمية المستدامة والرفاه وأن يعم الحب والأمن والطمأنينة والعدل
والمساواة كل أبنائه في كل ربوعه ونجوعه.
وكل عام والسودان وأنتم جميعكم بألف ألف خير.....
\ with my deep love and respect
your brother mustafa
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
دكتور معز صباحك خير
انت عارف نحن فقدنا الامل في انفسنا كسودانيين ان نصبح قادة
صالحين فنحن كافراد ومواطنين نعتبر رقم واحد مقارنة بالشعوب الاخرى
اما سلوكنا كاصحاب سلطة افسد خلق الله على الارض... كل التجارب السابقة
توضح ان السوداني قبل استلام مقاليد السلطة عفيف وطاهر ونبيل واخو
اخوان لكن مجرد ان يجلس علي كرسيها يتعفرت ويعمل السبعة وزمتها
ويضرب بمن اتوا به عرض الحائط ودا كلو بسبب بطانة السوء التي
تتحلق حوله وتزين له كل قبيح وتحلل له كل حرام وتورطه لاذنيه
وبعد ذلك تلبسه خاتم في اصابعها الملوثة....... لذلك لن نثق في
احد ابدا الا بضمانات ومواثيق دونها حبل المشنقة للخائن هذه المواثيق
لا دخل للامم المتحدة بها انها مواثيق بين الناخب والمنتخب والحساب ولد.
عموما لك التحية وكل انتخابات نزيهة وانت فايز
ودهاشم
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Yassir Tayfour)
|
Quote: يازول مالك مكربها على روحك
البلد دى صعبة ورئاستها ما ساهلة
على الاقل الزول يكون بيعرف يجلد العناقريب ويبنى الصريف ويعرش القطية ويركب الحمير ويضبح الخرفان ويعمل المشلعيبات ويجلد الدلاليك
ويعزف الربابة ويدوبى مرات مرات ..ويستعمل السفروك ويتكلم الرندوك ..ويكسر الحطب ..ويدق الدهب ..وينسج الفراد ويكسر العمود "بتاع العباية" ويشيل الفاتحة ويعشى النسابة ويفتح السبلوقة ويميط الأذى عن الطريق ..ويرخى الحلة ويكفى الدلكة ..ويكوى ..ويفلى ..بتعرف تفلى؟
|
يا تماضر...
جلدنا عناقريب وبنينا وعرشنا واستحمرنا وضبحنا...ودقينا ربابة ..وزنابير مع البهائم... وأخر النهاية...جرينا خلينا دا كلو علي قفانا...
هسي لما جانا زول رقيق مستكترة علينا الرقة...
نحن معاك يا دكتور...وكان بتعرف تجلد عناقريب كلمنا من هسي...عشان نوريك كيف تعمل فورمات لاطراف الاصابع...عشان تجيك حساسية من الاشميق...اللي هو البصنعو منو حبال العناقريب
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: nazar hussien)
|
Quote: ديل ممكن تسجل بيهم حزب سياسي وتكون منهم مكتب سياسي وتمارس بيهم حكم راشد... أظن الفكرة كده أصبحت worth it
|
worth it
ونص وخمسة يا ابوحريرة...لو الدكتور نفذ لينا الصاد بس من برنامجو...والباحات الروعة...الباقية بنتمها برانا....هسي عليك الله زول يكون....خالي ملاريا وقحة...ونزلة...واسهال وبلهارسيا...ووجع عيون...ومغص...ووجع مصارين...ووجع كلوة...وما خايف من سرطان...وما عندو غسيل...ولا عندو زول خايف من علاجو...وما عندو...فشل كلوي...ولا عندو زول راقد بي فشل كلوي...وكان مرض ...ضامن علاجو...
باقي ليك دا ما حا تكون باحاتو روعة برااااها كدي!
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: nazar hussien)
|
سيدى الرئيس / سلام
بدون مجمامله:
1/ أنا كنت سعيد عندما حضرت لمنزلك العامر بالبحرين برفقه صديقى
د. عاصم ،،، وسعادتى تكمن باننى بمنزل الشاعر د. معز الذى أقراء
له منذ المتوسطه ...
2/ حقيقه أنا كنت استغرب بعدم أهتمامك السياسى أو لم أقراء لك شئ فيه
مغزى سياسى واضح ،،، لذلك أنا سعيد الان بعنوان هذا البوست حتى ولو كان
كذبه ابريل ،،، لاننى أعتقد بأن أنسان مثلك جدير بأن تكون له وجهه نظر
بمصير شعب السودان الضائع .
3/ لذلك بالرغم من انتمائى السياسى تأكد بأن يكون صوتى لك بل سوف أكون
عمل مساعد لاقناع أخرين ان استدعى الامر بالرغم من أننى متفائل بأن
يكون لنا نفس الانتماء ( يارب ) ،، لكننى ارى فى عينيك كثير من التحفظ!
سيدى الرئيس ناسف لللاطاله ،،، الى الامام
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: هاشم نوريت)
|
معليش يا اخوانا
كدي النرد على حبيبنا هاشم ده وارجع ليكم
دبايوا يا هاشم..
Quote: يبدو اننا سنشاهد بعد كيجاب دكتور معز |
لا أنا كيجاب ولا الظروف هي ظروف ترشح كيجاب
ولا برنامجي هو برنامجه
وان شاء الله ما تشوف كيجاب تاني..
Quote: عليك ان تعلم بان قواعد اللعبة الرئاسية تختلف عن ما تريد الارتكاز عليه |
لنا أجر المحاولة الشريفة والنبيلة
وأنا لن أرتكر على غير ما أود الإرتكاز عليه (صباحات روعة)
Quote: برنامج انتخابى فيه سباحة فى الخيال اكثر من العلمية |
هل صحة وبيت وأكل وأمان وحرية وتعليم ورفاهية ووحدة وعدل وتنمية
ديل عدم علمية وسباحة في الخيال؟؟؟
يمكنك عزيزي أن تسأل عن المنهج لتطبيق صباحات روعة ويمكن بعد ذلك أن تدرسه وتصفه بما تجده مناسب
أما أن تصف شعارات البرنامج بعدم العلمية وهي شعارات تطبق في دولة مثل التي تعيش بها
وهي دولة علم في المقام الأول يا هاشم فهو قطعاً غير مناسب..
صدقني ايقاف الفساد فقط كافي بتحقيق الرخاء لكل القارة مش السودان بس..
Quote: وانت رجل صادق وصاحب خبرات |
حبيبي انت..
آميييييييييييييين يارب العالمين
Quote: تتجه نحو المشاريع الاجتماعية الخيرية وان تدخل قلوب كل السودانيين لان عظماء العالم خلدوا انفسهم من خلال الابتكار والعطاء ومسح دموع الغلابة |
هذا أمر حميد وجميل ولا يتعارض مع الترشيح في كل الأحوال بل عند الفوز ان شاء الله سيكون العطاء أشمل وأكبر وأعظم
Quote: تجربة محكوم عليها بالفشل وتدخل ضمن قائمة من خدموا الجبهة |
ما سبب حكمك على التجربة بالفشل ولماذا التشاؤم والإستسلام؟
(يقولون) أنها ستكون انتخابات نزيهة وبمراقبة دولية والله أعلم.. ولسوف نرى..
لكن كيف لترشيحي أن يخدم الجبهة وهو محكوم عليه بالفشل في نظرك؟؟
لك الشكر هاشم على مداخلتك القيمة
مع حبي واحترامي
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: كمال مبارك)
|
الحبيب كمال مبارك،
تشرفت كثيراً بزيارتك لنا في البحرين وسعدت بك ايما سعادة
ليس هنا انسان لا يتعاطى السياسة
لكن المفهوم السائد ان السياسة مكر ودهاء ولعبة كبرى تجعل الأنقياء يبتعدون عنها
فالسياسة هي حصافة وأمانة ومسئولية وليس كما يفعل السياسيون وما يأتون به من ألاعيب والتفاف حول الأشياء يجعل السياسة ممارسة سيئة في كل العالم
لكن لا بد وان يأتي الوقت للعمل النظيف ولمزيد من الشفافية والوضوح وتقديم الخير للآخرين والإهتمام بالمغلوبين كما فعلت شعوب أخرى فتقدمت كثيرا..
لك الشكر العظيم على الثقة الغالية وتسلم يا حبيب
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: nazar hussien)
|
nazar hussien
Quote: ونص وخمسة يا ابوحريرة...لو الدكتور نفذ لينا الصاد بس من برنامجو...والباحات الروعة...الباقية بنتمها برانا....هسي عليك الله زول يكون....خالي ملاريا وقحة...ونزلة...واسهال وبلهارسيا...ووجع عيون...ومغص...ووجع مصارين...ووجع كلوة...وما خايف من سرطان...وما عندو غسيل...ولا عندو زول خايف من علاجو...وما عندو...فشل كلوي...ولا عندو زول راقد بي فشل كلوي...وكان مرض ...ضامن علاجو...
باقي ليك دا ما حا تكون باحاتو روعة برااااها كدي! |
عارف يا نزار
لو زول قال ليك ربنا يديك الصحة
يكون ما خلى ليك شي
لأنو الصحة هي اساس كل حاجة
عشان كدة لو البرنامج حقق صاد= صحة بس
حتصبح كل الصباحات روعة
خليك هنا بالله يا نزار وما تبتعد..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: nazar hussien)
|
nazar hussien
Quote: نحن معاك يا دكتور...وكان بتعرف تجلد عناقريب كلمنا من هسي...عشان نوريك كيف تعمل فورمات لاطراف الاصابع...عشان تجيك حساسية من الاشميق...اللي هو البصنعو منو حبال العناقريب |
الحبيب نزار،
سنجلد عناقريب الوطن
بحبال النهضة
عبر صباحات روعة
ص= صحة للجميع ب= بيت للجميع ا= أكل للجميع ح= حرية للجميع ت= تعليك للجميع
ر= رفاهية و= وحدة ع= عدل ة= تنمية
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Yassir Tayfour)
|
Yassir Tayfour
Quote: يا بروف يا روعة وين"كنس آثار الجبهة الإسلامية" فى برنامجك الإنتخابى؟؟؟ |
الغالي ياسر طيفور
سيتفرغ صباحات روعة لتحقيق:
صحة للجميع
بيت للجميع
أكل للجميع
حرية للجميع
أمان للجميع
تعليم للجميع
رفاهية - وحدة - عدل - تنمية (للجميع)
وبهذا نمحو كل آثار الجبهة وآثار الظلم الذي وقع على الشعب السوداني منذ الإستقلال وقبله..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
بالروح بالدم نفديك يا بروف
بالدم بالروح نفديك يا زعيم
بالروح بالدم نفديم يا معز
بالدم بالروح نفديك يا ريّس
على شرط يا بروف تديني واحدة من وزارتين الأولى مستحدثة وهي وزارة شؤون المغتربين عشان خاطر المغتربين الغلابة يا او وزارة الشباب والرياضة وبرضو عشان خاطر المشجعين الغلابة والاتنين مطولين من الفرح .
يا زول بدون ما تكريني بي وزارة (فصوتي وصوت جل عائلتي لك) الا من أبى منهم واستعصى .. ولا اعتقد ان منهم من هو على تلك الشاكلة .
ويكفيني ان اكون صديق الريس
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: امير عوض الجمري)
|
والله يا دكتور معز نحن قايلنك بتهظر ساكت لكن ما دام انت جاد فى الموضوع فانى انصحك بالاتى: اولا لازم انت تكون عايش داخل السودان لانك اذا انت مغترب فالشعب السودانى حيقول بانك عايش خارج السودان وما عندك خبر بالحاصل جوه شنو ثانيا ان تجوب القرى والمدن والفيافى ولقاء المواطنين فى ندوات سياسية مفتوحة واذا عاوزنا نساعدك فى الحملة الانتخحابية فنحن ما عندنا مانع نجيك فى السودان ونساعدك فى الحملة ثالثا ان يكون انتماءك الحزبى واضح .. يا اسود... يا ابيض .. فالسودانيون لا يحبون اللون الوسط .. يعنى اذا انت يسارى قول انا يسارى واذا انت اشتراكى قول انا اشتراكى واذا انت جبهجى قول انا جبهجى رابعا اذا انت فعلا مستعد تنفذ برنامجك الانتخابى المعلن هنا فى الموقع فانى سوف اعطيك صوتى بكل تاكيد ولكن ارجو الا ينافسك الرجل الوطنى ابو حريرة لانه بكل تاكيد سيكتسح الانتخابات اذا فعل ذلك لان الرجل ما زال يحظى باحترام السواد الاعظم من الشعب السودانى
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: السر عبدالله)
|
الغالي السر عبد الله
Quote: اولا لازم انت تكون عايش داخل السودان لانك اذا انت مغترب فالشعب السودانى حيقول بانك عايش خارج السودان وما عندك خبر بالحاصل جوه شنو |
تواصلي مع الشعب السوداني لم ينقطع وكثير من القادة كانوا خارج الحدود الجغرافية وغيروا خارطة السياسة في بلادهم وعادوا على رؤوس الأشهاد
لكنها نصيحة غالية لا بد من اعتبارها بجدّية
Quote: ثانيا ان تجوب القرى والمدن والفيافى ولقاء المواطنين فى ندوات سياسية مفتوحة واذا عاوزنا نساعدك فى الحملة الانتخحابية فنحن ما عندنا مانع نجيك فى السودان ونساعدك فى الحملة |
ح يحصل عما قريب باذن الله
Quote: ثالثا ان يكون انتماءك الحزبى واضح .. يا اسود... يا ابيض .. فالسودانيون لا يحبون اللون الوسط .. يعنى اذا انت يسارى قول انا يسارى واذا انت اشتراكى قول انا اشتراكى واذا انت جبهجى قول انا جبهجى |
حزبي هو صباحات روعة وهو شفاف بلون الروح وناصع البياض كقلب الشعب وشديد السواد على الفساد وهو ليس بالوسط او عديم اللون..
Quote: رابعا اذا انت فعلا مستعد تنفذ برنامجك الانتخابى المعلن هنا فى الموقع فانى سوف اعطيك صوتى بكل تاكيد ولكن ارجو الا ينافسك الرجل الوطنى ابو حريرة لانه بكل تاكيد سيكتسح الانتخابات اذا فعل ذلك لان الرجل ما زال يحظى باحترام السواد الاعظم من الشعب السودانى |
ابو حريرة لهو الاحترام كله ويدي في يده ضد الفساد من اي موقع
تحياتي الحارة لك يا زول يا رائع وصادق محبتي وشكري الجزيل
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: alsngaq)
|
السنجك الغالي
وين انت يا حبيب ياخي
مشتاقين والله
Quote: تعرف السودان فعلا محتاج لطراز جديد وانيق
نميري البشير شغل اهل العوض دا حقيقة ديسكستنغ لابعد الحدود
معز فى رئاسة الجمهورية
رشا سالم فى وزارة الصحة
وااوو
ايه العز والهنا دا
ان الله جميلا ويحب الجمال ونحن شعب فى حاجة للجمال |
أخجلتم تواضعنا والله
بس قول لي رشا استعدي..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
زمان لمّا "عقيدالخيل" جاب شهادة من النقل المكانيكى إنو "عقيد الخيل فنّان أحسن من وردى" قبلناها لأنها شهادة موثقة، ووردى ما بقدر ينقضا!
هسى انت حاتغنعنا كيف بإنو "صباحات روعة أحسن من سفينة الإنقاذ" حاتجيب شهاد من نقابة الممرضين؟ وبعدين على التروس دة ود عمتك ولاّ لأ (هسى دة تجيب لى شهادة من وين؟)
____________________________________________________________ انا طبعا كنت قايل "عقيدالخيل" ببيع براويز، يوم قلت : كدى النشوف بتاع البراويز دة بنبح مالو؟ طبعاً اتفاجأت بانو ما ببيع براويز، وكل الإطارات دى عبارة عن شهادات مبروزة:
"تشهد الإدارة الهندسية بشركة ماسبيو للأسمنت بأن: عقيدالخيل، فنّان أحسن من البلابل وهذا منّا للإعتماد!
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
adil amin
Quote: النوايا الطيبة فقط لا تصنع دولة..لابد ان تكون شرير قليلا..
ابدا بمؤسسةمجتمع مدني الاسم ده(صباحات روعة) يصلح لمؤسسة انسانية(مؤسسة مجتمع مدني) تقدم خدمات مباشرة لانسان السودان المتعب |
حبيبنا الجميل عادل أمين
كل سنة وانت بألف خير
وبصراحة ما في حل للسودان غير صباحات روعة
هذا برنامج دولة مكتمل وليس مؤسسة مجتمع مدني حالمة
هذا برنامج قيادي مؤهل ومدروس
وما تشوفني كدة
ح أكون (شرير) جداً في تطبيقو عبر قتل الفساد وبتره نهائياً
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
Quote: ح أكون (شرير) جداً في تطبيقو عبر قتل الفساد وبتره نهائياً |
العزيز المعز كل سنة وانت طيب فعلا نحن عايزين جراحة دقيقة للتخلص من الوعي الذى ينتج هذا الفساد وهو انفلونزا الطيور/الاخوان المسلمين وجمهورية العاصمة المثلثة وده عايز فضائية حرة مستقلة ان شاء الله من البحرين ذاتا يدونا ثلاث او اربع ساعات كده نكلم اهلنا ثقافيا بالاصلو في الجوف اندفن لا بتنسي ولابتمحي ولابنتهي منو الحريق ........ حاول تغزو فضائية البحرين ثقافيا وانت متمرس في العمل الاعلامي الجاد والجيد(والاستشارة دي ب100 دولار والحساب يجمع) ............. اذا عايز مشروعك الانساني ده يصبح حقيقية اعملني وزير النفط لاني ليس لي زيل اخفيه بكيس امريكي*
وعندى مشروع تنموي جبار في وداي المقدم عرضتو هنا اكثر من مرة
مقطع لمظفر النواب
وفوق من اجل(صباحات الروعة)
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: adil amin)
|
Quote: وبصراحة ما في حل للسودان غير صباحات روعة
هذا برنامج دولة مكتمل وليس مؤسسة مجتمع مدني حالمة
هذا برنامج قيادي مؤهل ومدروس
وما تشوفني كدة
ح أكون (شرير) جداً في تطبيقو عبر قتل الفساد وبتره نهائياً |
ما قلنا ليكم: صباحات روعة دة بدّى ملامح لى سفينة الإنقاذ!
فى "صباحات روعة" دى، بناكل مما نزرع؟
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: raheel)
|
Quote: هو قبل كدة "كيجاب" فاز(?)، والشعب السودانى دا ما مضمون ممكن ينزل لى مستوى أقل ويفوِّزك! |
(علامة الاستفهام دي من عندي)
عشان نعرف نتفاهم يا تبارك....بس عليك الله حدد لينا...
( بصفتي أحد افراد الشعب السوداني )
ما هو المستوي الاقل المطلوب النزول اليه ليفوز دكتور معز....؟
اعتبرني واحد من الما مضمونين وجاوبني بمنتهي الصراحة
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: تبارك شيخ الدين جبريل)
|
Quote:
Quote: عشان نعرف نتفاهم يا تبارك....بس عليك الله حدد لينا...
( بصفتي أحد افراد الشعب السوداني )
ما هو المستوي الاقل المطلوب النزول اليه ليفوز دكتور معز....؟
اعتبرني واحد من الما مضمونين وجاوبني بمنتهي الصراحة
الليق ... الليق ... |
والله أكرمتنا كرم ما بعدو يا تبارك....تتبارك ان شاء الله....
الليق...
أفضل لينا من دافوري الحواري...لأنو حواري زاتو بقت مافي...
وكورة شراب مافي....والاردية ممنوعة...ومساحة فاضية في نص الحلة مافي...
بس قرط لينا علي الليق دا وانا أضمن ليك الفوز
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: nazar hussien)
|
البروف أبو الشباب المعز ... تحياتى ماذا بخصوص وزارة الثقافة والاعلام؟؟؟ وماذا عن ابراز الوجه الحقيقى للسودان أمام الوطن العربى؟؟ ماهو دورك تجاه المبدعيين السودانيين بمختلف أطيافهم؟؟؟ ماهو دورك تجاه العقول المهاجرة؟؟ ماهى احتياطاتك القانونية والدفاعية فى حال وقوع حالات التزوير وممارسة القمع فى الانتخابات؟ ما هو دورك فى ملفات الفساد الادارى ؟ كيف سيكون تعاملك مع الاسلاميين ( الجبهة) هل ستحاسب الذين سرقوا الشعب السودانى علانية؟ ماذا عن ملف حلايب؟ ماهو دورك تجاه الشرطة الشعبية والدفاع الشعبى؟ ماهو دورك تجاه الوظائف وكيفية معالجة البطالة؟ ما هو دورك تجاه جميع مستشفيات السودان؟ ماهو دورك تجاه الآلاف الذين يموتون بسبب الملاريا؟؟؟
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dina Faisal)
|
Quote: وما تنسى بعدين تعمل لينا مجالس شعر زي حقت امراء المؤمنين زمان
وتجزل لنا فيها العطاء |
ما دام فيها اجزال عطاء يا دينا( والله تجزل لنا العطاء دي حلوة حلا)
اسمحي لي يا أميرة المؤمنين ان أغني هذا الصوت الجديد عسي ولعل ان يجزل لي في العطاء باقي انا زول محمول خلاص.
كل صبحا جديد بسمع بديع في غناك من شدة فهم والله أم نعيم قابلاك
أحكي لي الصريح والشيء العلي مطاوعاك خلني ها النغني والضايقو أضوقو معاك
(الحاردلو)
| |
|
|
|
|
|
|
|