|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
العزيز المعز كل عام وانتم بخير وين وصلت حملتك الانتخابية(صباحات روعة)
دي ما بتفوزك حتى لو نزلت في العمارات شارع 61
النوايا الطيبة فقط لا تصنع دولة..لابد ان تكون شرير قليلا..
ابدا بمؤسسةمجتمع مدني الاسم ده(صباحات روعة) يصلح لمؤسسة انسانية(مؤسسة مجتمع مدني) تقدم خدمات مباشرة لانسان السودان المتعب .............. قلت امر عليك واعيد عليك وعلى الزوار ونتلاقي في اللفة(الثورةالبنفسجية2008) والخيل الحرة تظهر في اللفة
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
فخامة الريس الدكتور سلام فاهم كمان مجدول بروح الشعر وكلام الطب بإحساس إنسان ورقة فنان يمين صوتنا ليك عربون لبيوت شعر تلامس فيناشعور مدفون أتحفتنا بها في زمن مجنون ____________ يعني بالدراجي.. أنت تستاهل لأنك أولا شاعر مرهف يعني إنسان بمعني الكلمة والثانية لأنك إن شاء الله عالم في مجال تخصصك وأخيرا لأنك درست بعض المراحل في بحري
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Kamal Karrar)
|
الزول الجميل والمنور البورد والدنيا كلها كمال كرار
يعني الواحد سعيد بأنو تكون أول طلاتك هنا
وشكراً على الكلام الحلو زيك يا سيدي
Quote: لأنك درست بعض المراحل في بحري |
العاصمة المثلثة حقتي
أولاً أنا مولود في بيت المال أمدرمان
ودرست الإبتدائي في العزبة بحري
والمتوسط في بحري الأميرية
وكنت ساكن الخرطوم ودرست الثانوي في الخرطوم القديمة والجامعة في طب الخرطوم
والآن بيتنا في بحري
يعني انتمي لكل العاصمة المثلثة
شفت كيف..
تسلم يا حبيب وكمتر ألف ألف خيرك..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
د/ معز والله نقيف معاك طب؟ بس زى ما قلت أهم شىء حلة الملاح والعلاج والتعليم لأبناءنا والأمن للبلد/ ما تنول النزلو ديا أحسن منك انت زول أصيل وود بلد ورهيف الاحساس ونحن دايرين زول كدى؟ ما تسمع كلام/ناس عادل امين ديل واوع من المطبلاتية/ولا تنسى نحن مسلمين قصبا عن المهرجين ديل والمسيحين أخوانا لهم كل الود والأحترام؟ والله عارفك ما بتقصر ؟ بس بعدين يقوموا يقول لك النضال والشرفاء والمهمشين عارفهم ديل ما بفوتو علي فطنتك. صوتى مضمون يا زول يا كلك حلو/فنان وعالم وشاعر بالمناسبة والله انا بقرأ لك من زمنك الفى الجامعة انا وراءك كثير بس كنت أحب شعرك كثير.ربى يحفظك. خالد البدرى
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Badreldin)
|
Badreldin
Quote: بروف معز ما هو رايك تجاه الشريعة الاسلامية من حيث تطبيق حد السرقة والزنا وشرب الخمر الخ بعد ان عرفنا ان برنامجك يكفل حق الحياة الاشتراكية وحق الحرية الديمقراطية |
الحبيب بدر الدين، كما تعلم فإن السودان بلد متعدد العقائد والتقاليد والثقافات لذلك فلن أجعل من الديانات مصدراً للخلاف بل على العكس حيث يجب أن تكون مدعاة للوحدة والنماء والمحبة والسلام لذلك مهما كان رأيي في هذه الحدود فسأعمل على عدم تطبيقها في السودان، فلا الظروف جميعها ولا التشكيلة العقائدية لأهل السودان الواحد مناسبة لها.
وبعد أن تتحقق مبادئ العدل والمساواة والحرية والديمقراطية والرخاء للجميع على الشعب أن يختار ما يناسبه من قوانين مستمدة من أي مصدر أو مصادر يختارها لكنني لن أفرض قانوناً أو شريعة عليه.
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
Quote: Quote: يا دكتور انت دحين في الجامعة مش كنت اتحادي ديمقراطي ؟؟
|
NO FULL STOP كسره : كان بنزل فى ( اللسته !! ) التى كان يدعمها ( الإتجاه الإسلامى !!! ) برابطة طلاب كلية الطب !!! هذا منى للتنويه !!! عبدالماجد
|
.والله ده كلام بيحتاج فعلا ان يعلق الدكتور عليه..لاني والشهادة لله اسمع به لاول مرة ..
Quote: ](صباحات روعة) فقط ما هي الاليات التي بتم بها تنفيذ هذا البرنامج الرائع |
و ده كمان سؤال مهم جدا بيحتاج لتفصيل و شروحات ..لانه السياسة ما زي الشعر ..وياريتها كانت زيه!...ويا رب ما تكون تجربتك زي تجربة كيجاب...وبالتوفيق يا دكتور.
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Basheer abusalif)
|
الأخ الحبيب بشير،
والأحباب أحمد عبد الله وعبد الماجد،
أنا لم أكن حزبياً في يوم من الأيام ولم أكن منتمياً لأي اتجاه
نعم دعم الإتجاه الإسلامي قائمتنا ففزنا في المرة الأولى وخسرنا في الثانية لأنه كان دعماً شكلياً وفي الواقع أنهم لم يصوتوا لنا في المرة الثانية لأنهم بعد الدعم الأول أدركوا أننا لن نحقق لهم أي أجندة فخسرنا الإنتخابات في كلية الطب بخسارة أصوات الإسلاميين والمستقلين كذلك خاصة وأنه عندما وجدت قيادتهم (أي تنظيم الطلاب المستقلين) أن اتهامي بالإنتماء للإتجاه الإسلامي لن يصدقه أحد وغير واقعي قالوا أنني اتحاد اشتراكي (كرهتي في الدنيا) لمحاولة ابعاد الناخبين المحايدين وهم اصدقائي الحقيقيين عن قائمتي .
عموماً كانت تجربة مفيدة منحتني حصانة عظيمة أجني ثمارها الآن..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
بصراحة انا كنت متحمس اديك صوتي لحدي ما قريت الكلام الجابو عبدالماجد
Quote: كسره : كان بنزل فى ( اللسته !! ) التى كان يدعمها ( الإتجاه الإسلامى !!! ) برابطة طلاب كلية الطب !!! هذا منى للتنويه !!! |
انا بقت عندي حساسية ضد الاسلامودمويين ديل. جونا ببرنامج الاسلام هو الحل واوصلونا الى الحال الباها.
اتجاه اسلامي أأأأأأل
خليك واضح يا جميل انت منهم ولا لا ؟
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
البلد فعلا يابروف محتاجة ناس ذوي إحساس مرهف،،
أشياءنا الجميلة التي أضاعها السياسيون(عسكريون ومدنيون) لازم تعود،،
بس رجاءاً ما تخلي (صباحات روعة) تحرمنا روعة الصباح والأمسيات من الدرر الرصينة،،
أخاف عليك بموافقتي ، فإن كنت أعددت لنفسك عدتها لخوض هذا الغمار ، فلن نتركك وأنت تعدنا بكل هذا الأمل ،،
معاك + أسرة بها خمسة غيري ، صوت مضمون + إثنان سيكون بمقدروهما التصويت حالة الترشح بإذن الله،،
تحايانا ،،
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: غزلان إدريسي)
|
بروف / معز تحياتي وتقديري حكى لي أحد أصدقائي بأن زميلة لهم ترشحت لعضوية اللجنة التنفيذية للرابطة بتاعت الكلية التي كانوا يدرسون فيها و رغم علاقاتها الإجتماعية المتميزة مع جميع زملائها و زميلاتها ـ بمختلف ألوان طيفهم ـ و التي أعتقدت أنها سوف تضمن لها الفوز المؤزر ، إلا أنه و بعد التصويت السري و فرز الأصوات فوجئت تلك الزميلة بأنها لم تنل سوى صوتين فقط أحدهما ـ بالطبع ـ صوتها و الآخر لم تعرف من جاد عليها به ، و روي عنها أنها كانت تقول ( أنا ما مزعلني إني سقطت بس المزعلني جد جد إني ما عارفة الأداني صوتو دا منو )!!
عشان كدا أنا عايز أقول ليك يا بروف مع إحترامي لك و قناعتي ببرنامجك الإنتخابي إلا أنني لن أصوت لك ، لسببين الثاني منهما ( إني مقتنع قناعة تامة إنو أي زول يترشح مع ناس الحكومة ديل حتى لو أترشح براهو ـ الله و رقبتو ـ حيطلعوه التالت و مشترك كمان !! ) ..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: السر عبدالله)
|
الاستاذ والدكتور معز ..
صدقنى يا دكتور .. أمثالك لو رشحوا أنفسهم ..
شريطة أن تكون هنالك انتخابات نزيهة .. سيعطيك كل
انسان مؤمن بالحرية والديمقراطية صوته .. وهنا ستظهر
الحقائق .. ان كان بالفعل هناك شعب مازال يؤمن بالمبادىء
السامية ، أم ان عمليات غسيل الأمخاخ أصبحت هى المسيطرة فى جيل اليوم
وجيل الغد ..
ولكن مهما كان يازول .. صوتى لك من الآن يا دكتور ..
أخوك العجوز .. أرنست
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: خضر الطيب)
|
صباح الخير من النرويج الجميلة الى جيرانا زمان ناس السويد والخليج طبعا يادكتور ترشيحك لمنصب رئيس الجمهورية يمهد الطريق الى الديمقراطية الشئ التانى تحتاج الى اعادة صياغة فهم الشعب السودانى للموروث الثقافى للانتخابات نفسها لانو الناس حسب فهمها عندها تساؤلات شبه غبية اومحكومة بمنطلقات متعارف عليها فقط
1؟بالله ده دكتور المعز اتجاهو كان شنو فى الجامعة موقفو شنو فى قضية دافور والله ناس الحكومة حيشتروه غصبا عن جماهير المعز دكتور المعز يعتمد على علاقاته الشخصية والمغتربيين يثمنون التجربة مصاريف الحملة الدعائية على حساب جهاز المغتربيييين المرشح يؤمن بتعدد الزوجات المرشح له وجهات نظر فى اعادة صياغة صحة الانسان السودانى (الملاريا* المرشح قد اقام خارج القطر اكثر من نصف عمره سوف يكمل نصف عمره الباقى فى القصر اوالقيادة العامة او بناء قصر جديد بدعم خليجى طرح الموضوع الترشيح على سمو الشيخ حمد امير قطر
وللحديث بقيه والتحية للجميع وصوتى لك
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
الشاعر الرقيق د. معز
والله فرحتني جدا بهذا القرار الذي يخاف معظم الناس اتخاذه لأنهم عارفين شنو حيكون مصيرهم أحي فيك
هذه الشجاعة وأتنبأ للسودان بمستقبل حالم و أجواء شاعرية وللمرضى الذين يفوق عددهم الأصحاء
بصحة وعافية دائمة فمن لم يتعالج بالدواء سوف يتعالج بالشعر بس خوفي تنسى الشعر في زحمة
السياسة ... أصواتنا لك مقدما ودعمنا بلا حدود .
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Basheer abusalif)
|
Quote: Basheer abusalif Quote: (صباحات روعة) فقط ما هي الاليات التي بتم بها تنفيذ هذا البرنامج الرائع
سؤال اخونا ناصر موسي ليك يا بروف...وله الريس عايز يطنش مواطنينه من الان |
الحبيب بشير،
سؤال الأخ العزيز ناصر هو بلا شك سؤال محوري لا أتجاهله أبداً وكنت سأعقب لاحقاً
البرنامج وآلية تنفيذه ستكون عبر مشروع مارشال سوداني بحت لابد من أن يطرح للناخبين بعد استكمال المداولات حوله مع المختصين
صبرك علي شوية..
فهذا هو الإعلان الأول وكل في وقته ان شاء الله
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: doma)
|
سألت .. نفسي ...
عزيزي .. د. معز ..
كيف .. لشاعر .. وطبيب .. أو لطبيبٍ شاعر ..
ان يحكم .. دولة ..
(محمد إقبال) .. و(طاغور ).. كانوا .. رجال دولة .. وأيضاً( سنغور) ..
لكنها .. بالطبع .. لم تكن السودان ..
كما أنهم لم يكونوا أطباء ..
أن صح هذا الخبر ..
ربما لأول .. مرة ..
سنرى .. دولة رحيمة .. رحمة الأطباء ..
وحالمة .. كحلم الشعراء ..
ونقية نقاء .. الأدباء ..
أنها إذن .. ( دولة فاضلة ) ..
لا أصدق .. وجودها ..
رغم أنني .. أرهن لك صوتي ..
الآن ..
وبعد حين ..
محبتي يابروف ..
..
حسبك أنك رئيس دولة العلم والمبدعين ...
تحياتي لك وللأسرة ..
دم بخير
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: كمال علي الزين)
|
ماتنوي عمله يا بروف في اعماقنا يغلي عزيمة. سر في الدرب و عليك بالعقول و اهل العزيمة تشد بهم ازرك.
كل من يرى في الامر حلم هو شخص عالق بمسلمة متوالية العسكر وضعيف الديمقراطية، لا مستحيل تحت الشمس اوطان مختلفة في العالم الثالث تتمتع باستقرار و في طريق الرفاهيه .. هذا الوطن يحتاج عزائم وبرامج النجاح و المفكرون و المستشارون الحقيقيون موجودون و الفكر لا وطن له واصبح العالم قرية. وطن يحتاج النقلة القفزة الصدق ال لافساد، ليخرج من الجهل و الفقر و الانهزام و التخلف. ونحفظ التقدير لكل وطني عبر التاريخ حاول و لم ينجح. معك و معك يا بروف هيا افعلها..
د. شهاب الفاتح _ كوالالمبور.
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: نيازي عبدالله مرحوم احمد)
|
Quote: Basheer Quote: abusalif Quote: (صباحات روعة) فقط ما هي الاليات التي بتم بها تنفيذ هذا البرنامج الرائع
سؤال اخونا ناصر موسي ليك يا بروف...وله الريس عايز يطنش مواطنينه من الان
الحبيب بشير،
سؤال الأخ العزيز ناصر هو بلا شك سؤال محوري لا أتجاهله أبداً وكنت سأعقب لاحقاً
البرنامج وآلية تنفيذه ستكون عبر مشروع مارشال سوداني بحت لابد من أن يطرح للناخبين بعد استكمال المداولات حوله مع المختصين
صبرك علي شوية..
فهذا هو الإعلان الأول وكل في وقته ان شاء الله |
يا ريس نحن في انتظار الاليات ..... الاليات حا تكون في بوست لحالها ام ننتظر التفاصيل عنها هنا في نفس البوست . فمن حقك ان تاخذ الزمن الكافي للاجابة بعد عمل الدعاية اللازمة
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Nasser Mousa)
|
الحبيب ناصر موسى،
المرة دي لازم أرد عليك بسرعة لأني طولت عليك المرة الفاتت والسؤال مهم جداً
Quote: يا ريس نحن في انتظار الاليات ..... الاليات حا تكون في بوست لحالها ام ننتظر التفاصيل عنها هنا في نفس البوست . فمن حقك ان تاخذ الزمن الكافي للاجابة بعد عمل الدعاية اللازمة |
الآليات ستكون في بوست منفصل إن شاء الله في الوقت المناسب
لكن هذا لا يمنع من مناقشتها معك ومع المهتمين والمختصين قبل الإعلان عن تفاصيلها
وهو ما أقوم به الآن فعلياً..
مودتي واحترامي الكبير لك
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
بورف معز
جعل الله يومك كله روعه..
يعنى لغاية الان مافى اى معارضه ومنافستك حقيقى حا تكون صعبه خلاص .
بس عشان ما نقع فى حتت السكوت الجماعى ديك وتحقيقا لمبداء التنوع
سوف اقوم بترشيح نفسى ضدك حتى النخاع وبى كده تكون خسرت اصوات ناس السعوديه واوعك تجى تتحاوم بى هناك,لانها منطقه مقفوله ومش كده وبس حا اختو معاك قرض فى باقى منطقة الخليج..
.. .... ...... ....... ........ .........
سينزل البرنامج الانتخابى تباعا
الرمز الفيل
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
يازول مالك مكربها على روحك
البلد دى صعبة ورئاستها ما ساهلة
على الاقل الزول يكون بيعرف يجلد العناقريب ويبنى الصريف ويعرش القطية ويركب الحمير ويضبح الخرفان ويعمل المشلعيبات ويجلد الدلاليك
ويعزف الربابة ويدوبى مرات مرات ..ويستعمل السفروك ويتكلم الرندوك ..ويكسر الحطب ..ويدق الدهب ..وينسج الفراد ويكسر العمود "بتاع العباية" ويشيل الفاتحة ويعشى النسابة ويفتح السبلوقة ويميط الأذى عن الطريق ..ويرخى الحلة ويكفى الدلكة ..ويكوى ..ويفلى ..بتعرف تفلى؟
انت دكتور وشاعر ورقيق ..
حصل لاقتك فى السودان ده حاجة رقيقة ..؟ أى حاجة ؟؟ زول؟؟ مشهد؟؟ مبنى؟؟ فكرة؟؟ معاملة؟؟
على العموم وريناك ...لو مصر ...نأيدك ...."نسوى شنو؟"
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: mohamed elshiekh)
|
mohamed elshiekh
Quote: بورف معز
جعل الله يومك كله روعه..
يعنى لغاية الان مافى اى معارضه ومنافستك حقيقى حا تكون صعبه خلاص .
بس عشان ما نقع فى حتت السكوت الجماعى ديك وتحقيقا لمبداء التنوع
سوف اقوم بترشيح نفسى ضدك حتى النخاع وبى كده تكون خسرت اصوات ناس السعوديه واوعك تجى تتحاوم بى هناك,لانها منطقه مقفوله ومش كده وبس حا اختو معاك قرض فى باقى منطقة الخليج.. |
الجميل محمد الشبخ
رمز الفيل
مرحب بالتنافس الديمقراطي الحر
ومرحب بكل الأفيال..
وجعل الله كل أيامك روعة
وصباحات روعة
يااااااااااا
روعة..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: شهاب الفاتح عثمان)
|
الحبيب الغالي د. شهاب،
كلماتك هو وقود يحرك الصخر العصيا
نحو المبتغى النبيل
فالأمر ليس حلم
وكما تقول فالوطن يحتاج الى عزائم
Quote: وبرامج النجاح و المفكرون و المستشارون الحقيقيون موجودون و الفكر لا وطن له واصبح العالم قرية. وطن يحتاج النقلة القفزة الصدق ال لافساد، ليخرج من الجهل و الفقر و الانهزام و التخلف. |
هذا هو يا شهاب
وسنفعلها بإذن الله..
تحياتي ومحبتي واحترامي
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
يابروف ماتخليها مملكة
عااااامة الشعب أمراء
بس الملوك معروفين
Quote: ب= بيت (مسكن) للجميع |
حدد لينا البيت حايكون دا وين ؟! واوعااااك من جهات حلّق حوش الهسي دي
غايتو انا دايرة لي بيت في نص الخرطوم دي اقوم من النوم متأخرة وامشي الشغل كداري بالعصر امشي السينما ، واحضر المنتديات بمزاااااج المغربية، واتسوق بالليل ..
وكان ما كدا
ع= عدل وعربيـــــــة
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
Ahmed Abdallah
Quote: يا دكتور انت دحين في الجامعة مش كنت اتحادي ديمقراطي ؟؟ |
الحبيب أحمد عبد الله،
لا لم اكن اتحادياً
لكنني أحمل للإتحاديين حباً عظيماً
فالزعيم أزهري جدي من والدة أمي
ونفس الشيء بالنسبة للأنصار
فجدي من والد أمي هو الأمير عثمان أزرق صاحب الراية الزرقاء والذي استشهد في كرري..
إذن فإن دمي مزيج من الإتحادي والأمة ..
ثم..
معلومة هامة أخرى..
كان ابي من مؤسسي جبهة الدستور الإسلامي واول من دعى له من داخل البرلمان وكان ذلك قبل مولدي لكنه هجر منذ ذلك الوقت السياسة واستقال من التنظيم لاختلافه مع مجموعة المرحوم الرشيد الطاهر بكر لأن والدي كان يعتقد في الدعوة وليس في الإستيلاء على السلطة..
وفي الطرف الآخر كانت خالتي الغالية عزيزة مكي من اليسار وكذلك زوجها عليه رحمة الله أبو المعالي عبد الرحمن وهو بالمناسبة شقيق شيخ علي عبد الرحمن الزعيم الختمي..
خالتي عزيزة مكي متعها الله بالصحة كانت من مؤسسي الحركة النسوية ، ووالدتي كانت من الإسلاميات ومن مؤسسي الحركة الكشفية ورئيسة جمعية المرشدات في يوم من الأيام.. يعني كل الحركة السياسية كانت في حوش العائلة بمنزلنا المجاور لمنزل الزعيم الأزهري ببيت المال..
كما لا أنسى أن خالي عيسى مكي من مؤسسي ومن قيادات حركة الأخوان المسلمين جناح الشيخ صادق عبد الله عبد الماجد..
لكل ما ورد أعلاه تجدني هنا مزيجاً من كل ألوان الطيف السياسي في السودان فتعلمت معاني الحياد الا حين يخالف الحق..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
Quote: كان ابي من مؤسسي جبهة الدستور الإسلامي واول من دعى له من داخل البرلمان وكان ذلك قبل مولدي لكنه هجر منذ ذلك الوقت السياسة واستقال من التنظيم لاختلافه مع مجموعة المرحوم الرشيد الطاهر بكر لأن والدي كان يعتقد في الدعوة وليس في الإستيلاء على السلطة..
وفي الطرف الآخر كانت خالتي الغالية عزيزة مكي من اليسار وكذلك زوجها عليه رحمة الله أبو المعالي عبد الرحمن وهو بالمناسبة شقيق شيخ علي عبد الرحمن الزعيم الختمي..
خالتي عزيزة مكي متعها الله بالصحة كانت من مؤسسي الحركة النسوية ، ووالدتي كانت من الإسلاميات ومن مؤسسي الحركة الكشفية ورئيسة جمعية المرشدات في يوم من الأيام.. يعني كل الحركة السياسية كانت في حوش العائلة بمنزلنا المجاور لمنزل الزعيم الأزهري ببيت المال..
كما لا أنسى أن خالي عيسى مكي من مؤسسي ومن قيادات حركة الأخوان المسلمين جناح الشيخ صادق عبد الله عبد الماجد..
|
أخي معز ..
يكفينا فخرا انك سليل عائلة مكي عثمان أزرق .. العائلة التي كان لها دور سياسي واجتماعي وثقافي مشرق في تاريخ السودان ..
والاصل النقي .. التاريخ المشرف ..
سر ولك دعمنا اللامحدود .. فوالله اصابنا اليأس من قلة لا نعلم من أين أتو !؟!
واثق مكي
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Wathig Makki)
|
واثق مكي
Quote: أخي معز ..
يكفينا فخرا انك سليل عائلة مكي عثمان أزرق .. العائلة التي كان لها دور سياسي واجتماعي وثقافي مشرق في تاريخ السودان ..
والاصل النقي .. التاريخ المشرف ..
سر ولك دعمنا اللامحدود .. فوالله اصابنا اليأس من قلة لا نعلم من أين أتو !؟!
|
انه شرف ما بعده شرف الإنتماء لهذه الأسرة العظيمة يا واثق
وسيظل لها المجد بإذن الله..
صباحات روعة
مع صادق المحبة..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
ما دام جدك الامير عثمان ازرق وحارب فى معركة كررى فانت حفيد الابطال وجدير بانك تفوز .. لكن عاوز اقول ليك ان الشخص الوحيد الممكن ينافسك اذا نزل الانتخابات معاك هو الدكتور محمد يوسف ابوحريرة نصير الفقراء والمعدومين الذى صادم الحكومة التى كان يشترك فيها من اجل ان ياكل الفقراء اللحم كالاغنياء .. المهم حاول تقنع ابوحريرة ما ينزل الانتخابات وانت حتفوز فوز ساحق وحيكون فرق الاصوات بينك وبين الثانى مليون صوت
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: السر عبدالله)
|
السر عبدالله
Quote: ما دام جدك الامير عثمان ازرق وحارب فى معركة كررى فانت حفيد الابطال وجدير بانك تفوز .. لكن عاوز اقول ليك ان الشخص الوحيد الممكن ينافسك اذا نزل الانتخابات معاك هو الدكتور محمد يوسف ابوحريرة نصير الفقراء والمعدومين الذى صادم الحكومة التى كان يشترك فيها من اجل ان ياكل الفقراء اللحم كالاغنياء .. المهم حاول تقنع ابوحريرة ما ينزل الانتخابات وانت حتفوز فوز ساحق وحيكون فرق الاصوات بينك وبين الثانى مليون صوت |
والله يا السر أنا أتشرف كثيراً بانتمائي لدم رجال عظماء كالأمير عثمان أزرق
وأتمنى الفوز من أجل الفقراء والمحرومين الذين ناضل ويناضل من أجلهم الدكتور ابو حريرة..
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Dr. Moiz Bakhiet)
|
تعرف يا دكتور الحكاية دي فيها أمل... يعني ممكن تنافس بصورة جيدة.. وده بناءا على معطيات عملية جدا ومن الموقع ده ذاتو... الناس اللي شاركوا في البوست بالكتابة والرد عددهم 169 لحدي الآن... إذا اعتبرنا أن 80% منهم يدعمون "صباحات روعة يكون عندنا زي 135 شخصية داعمة أو مناصر... العشرين في المية الباقية كتيرة - لكن لا مانع نديها- لغير المتحمسين زي ناس تماضر..وديل ذاتهم (ومنهم تماضر أكيد) نحن ما ح نقنع منهم يعني فيهم أمل يدعمو البرنامج مع تشاؤمهم ...
كذلك فإن عدد زوار البوست لحدي اليوم هو 3018 زائر لو طبقنا عليهم نسبة 50% يكون عندك 1509 مناصر supporter بقى العدد الإجمالي هو 1644 خلينا نطلع منهم بخمسمائة ناشط فقط والباقي قاعدة جماهيرية ملتزمة بالبرنامج....والخمسين في المائة الباقية من الـ 3018 هي النوع البكون مجمج راسو وطلع.. يعني لا عارض ولا أيد.. ومنهم من فكر في إنو الدعو جرئية وحالمة أكثر من اللازم لكنه لا يستبعد حدوثها ونجاحها.. يعني بإختصار وعلى حسب الحسبه أعلاه عندك 1644 وعدد آخر غير معلوم من الـ 50% الثانية ، مناصرين لصباحات روعة.. ديل ممكن تسجل بيهم حزب سياسي وتكون منهم مكتب سياسي وتمارس بيهم حكم راشد... أظن الفكرة كده أصبحت worth it
ده طبعا لا يضمن لك الفوز لوحده أنا قصدي هذا كافي للبداية فقط.. يعني العدد المذكور لا بد من ان ينتشر بالبلاد للترويج لصباحات روعة.. لكن ده يتضمن أيضا على بعض التكاليف ياريس .. يعني الحكاية فيها ناشطين مغتربين عايزين يعملوا ليهم إعادة توطين..وووو الخ.. لأغراض العمل بالحزب الجديد.. بس كده انت ضمنت "لب ما بطال لحزب جديد يساعدك في الموضوع"
| |
|
|
|
|
|
|
Re: سأرشح نفسي لرئاسة الجمهورية: وهذا هو برنامجي الانتخابي.. (Re: Ahmed Yousif Abu Harira)
|
Ahmed Yousif Abu Harira
Quote: يعني العدد المذكور لا بد من ان ينتشر بالبلاد للترويج لصباحات روعة.. لكن ده يتضمن أيضا على بعض التكاليف ياريس .. يعني الحكاية فيها ناشطين مغتربين عايزين يعملوا ليهم إعادة توطين..وووو الخ.. لأغراض العمل بالحزب الجديد.. بس كده انت ضمنت "لب ما بطال لحزب جديد يساعدك في الموضوع" |
ابوحميد يا جميل
انت ح تكون على راس الحملة الإنتخابية
وستكلف بمهام اعادة التوطين
صباحات روعة ليك
يا رائع..
| |
|
|
|
|
|
|
|