بالصور: شروق تتألق في احتفال البحرين وتوقيع رائع للألبوم الجديد (عافية المطر)..

مرحبا Guest
اخر زيارك لك: 03-28-2024, 09:41 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة الشاعر د.معز عمر بخيت(Dr. Moiz Bakhiet)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-12-2007, 11:38 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: nazar hussien)

    نزار العزيز
    دحين ياخوي انا عارفك فنان ومحامي فنان
    سيستمر هذا الضخ الى اخر نفس
    لك الود
                  

03-13-2007, 06:30 AM

الصادق خليفة
<aالصادق خليفة
تاريخ التسجيل: 12-13-2003
مجموع المشاركات: 2351

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Elmosley)

    د. معز
    تحية

    هل ما زلت على الوعد؟
                  

03-13-2007, 07:33 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: الصادق خليفة)

    Quote: سيستمر هذا الضخ الى اخر نفس
    لك الود


    ان شاء الله نفسك يطول بالعافية...

    لانو ابداعك مضمون...بي علمك...وتواضعك...


    انا ماشي السودان شهر سبعة ان شاء الله...وعايز اشيل معاي لحن لعافية حسن...وانا لا اعرفها بس سمعتها
    وعاجبني صوتها...جدا...وهي بدت صاح...عايزنك تصحح الصاح زاتو...وانا عارفك يا ابو هديل ومحمود..
    صاحب عطاء لا محدود...ويمكنك ان تلحن لها اغنية في خمس دقائق...ستبقي لخمسة قرون او تزيد
                  

03-20-2007, 04:42 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: الصادق خليفة)

    الحبيب الصادق خليفة

    لقد أوفيت بالوعد

    واخبرني عند الوصول

    تحياتي الحارة لك
                  

03-18-2007, 11:41 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Alsa7afa_30)

    الرجل الجميل الصحافة

    التحية ليك والود العميق وصادق المحبة

    ان شاء الله تسمع اغلعمل كامل عما قريب
                  

03-13-2007, 08:22 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    بروف معز والموسيقار الموصلي:
    عارف مداخلتي حا تقووم العجاج ولا اقول ستفسد البوست ..
    استمعت للألبوم وكل الشكر للبروف معز للوفاء بالوعد وهذه شيم الرجال وصفات المؤمن (والله بقت خطبة جمعة بس )
    أولاً وقبل كل شئ يا بروف ويا موصلي لازلت عن رأيي فصوت شروق يحتاج للكثير والكثيييييييير جداً حتى يجد الفرصة لدخول قلوب الجماهير..
    توقعت ان يظهر صوت شروق مغايراً بفضل الأستديو والمؤثرات الصوتية وتوقعت لمحات جمالية في صوتها ولكن للأسف فصوت شروق ظهر عادياً جداً في معظم فترات الشريط ولازالت شروق تتعب جداً في (العالي)..
    لاحظت شئ غريب في التسجيل وهو ان شروق أكثرت من (أخد النفس) لبداية المقطع مما جعله واضحاً جداً في التسجيل وهذا مؤشر لضيق نفس شروق ومحدوديته ..
    ولكن ..
    أقولها وبكل صراحة هذا الشريط من أميز الأشرطة في الجانب الموسيقي وواضح جداً أنه متعوب عليه وبدرجة عالية من الأهتمام الموسيقي وشغل النوتة ظااااااهر والتزام الالات بالمهام الموكلة لها واضح جداً ..
    واحقاقاً للحق فقد تفوقت النصوص على نفسها وايضاً وإحقاقاً للحق فقد كانت أغنيات البروف معز قمة في الابداع لحناً وكلماتاً واداء موسيقي..
    أغنية " الغيم " يا بروف راقية راقية راقية بكل المعنى ولحنها جميل يدخل القلب وبسرعة شديدة وفيه اللمسة السودانية الخالصة ..
    أما " عافية المطر" فبكل صراحة كانت مثلث متساوي الساقين (الكلمات واللحن الموسيقي) ولكن يبدو ان الضلع الثالث فشل في تحويله لمثلث متساوي الاضلاع..!!!
    سنحاول ان نجد للفنانة شروق العذر في انها أول تجربة لها في دخول الاستديوهات " فالرهبة " كانت واضحة جداً في الاداء ..
    وسنقول لشروق أن لها أجر المحاولة في هذه المرحلة تحديداً ..
    والشئ الذي يحسب لشروق في هذا الشريط هو دخولها للوسط الفني بأعمالها الخاصة وهذا يعتبر تحدي كبير جداً بالرغم من المخاطر التي ستواجه هكذا تجربة فكل الشريط أعمال خاصة ما عدا أغنية " عيش معاي الحب " ..
    والمعروف أن اي فنان دوماً يحاول دخول الوسط الفني بأغاني الغير المسموعة والمهضومة ومن ثم يبدأ في طرح نفسه وأغانيه الخاصة " محمود وفرفور مثالاً " ..
    ولكن البداية بالاعمال الخاصة سلاح ذو حدين وإن كانت في حد ذاتها محمدة وشئ إيجابي..
    الملاحظ في الكاسيت هو التنوع في الالحان والايقاعات فكل أغنية لها إيقاع مغاير للأغنيات الاخرى وكل لحن يختلف اختلاف كامل عن باقي الالحان ..
    ولكن لفت نظري يا استاذ الموصلي شئ لا أدري هل هو إيجابي أم سلبي (وإن كان في مجمله قد يكون إيجابياً ) .
    فدون أن أقرأ إسم الملحن إستطعت تمييز الأغاني التي قمت أنت بتلحينها وتوزيعها وربما هنا تكم الإيجابية في كون أن لك بصمة صارت واضحة في الأغاني ..
    ولكن السلبية قد تكمن في أن هذا التميز ربما خهو مؤشر لتشابه الالحان التي تقدمها .. بينما تكمن سلبية التوزيع في مواصلتك لإخفاء صوت ( الإيقاع ) وتحديداً البنقز وإن كنت هذه المرة ومن الواضح أنك تعاملت مع صوت " الدونب " بصورة تذكرني بأمريكا اللاتينية والتانقو والسامبا تحديداً..

    على كل كانت هذه مجرد ملاحظات بعد سماع الكاسيت بتأني وإن لم يكن كافياً ..
    تخريمة :
    أغنية عافية المطر أغنية كل ما أسمعها أجد نفسي أسمعها بصوت الفنانة ماجدة الرومي فهي في مقام " أبحث عني " و " كلمات " وليتك يا بروف تتشجع وتطرح لها هكذا اعمال انت والموصلي فهذه الاغنية تشبهها كثيراً جداً..
    حاول يا بروف وحا تنجح وحا تدعي لي
                  

03-13-2007, 09:11 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: عمر الفاروق)

    Quote: بروف معز والموسيقار الموصلي:
    عارف مداخلتي حا تقووم العجاج ولا اقول ستفسد البوست ..
    استمعت للألبوم وكل الشكر للبروف معز للوفاء بالوعد وهذه شيم الرجال وصفات المؤمن (والله بقت خطبة جمعة بس )
    أولاً وقبل كل شئ يا بروف ويا موصلي لازلت عن رأيي فصوت شروق يحتاج للكثير والكثيييييييير جداً حتى يجد الفرصة لدخول قلوب الجماهير..
    توقعت ان يظهر صوت شروق مغايراً بفضل الأستديو والمؤثرات الصوتية وتوقعت لمحات جمالية في صوتها ولكن للأسف فصوت شروق ظهر عادياً جداً في معظم فترات الشريط ولازالت شروق تتعب جداً في (العالي)..
    لاحظت شئ غريب في التسجيل وهو ان شروق أكثرت من (أخد النفس) لبداية المقطع مما جعله واضحاً جداً في التسجيل وهذا مؤشر لضيق نفس شروق ومحدوديته ..
    ولكن ..
    أقولها وبكل صراحة هذا الشريط من أميز الأشرطة في الجانب الموسيقي وواضح جداً أنه متعوب عليه وبدرجة عالية من الأهتمام الموسيقي وشغل النوتة ظااااااهر والتزام الالات بالمهام الموكلة لها واضح جداً ..
    واحقاقاً للحق فقد تفوقت النصوص على نفسها وايضاً وإحقاقاً للحق فقد كانت أغنيات البروف معز قمة في الابداع لحناً وكلماتاً واداء موسيقي..
    أغنية " الغيم " يا بروف راقية راقية راقية بكل المعنى ولحنها جميل يدخل القلب وبسرعة شديدة وفيه اللمسة السودانية الخالصة ..
    أما " عافية المطر" فبكل صراحة كانت مثلث متساوي الساقين (الكلمات واللحن الموسيقي) ولكن يبدو ان الضلع الثالث فشل في تحويله لمثلث متساوي الاضلاع..!!!
    سنحاول ان نجد للفنانة شروق العذر في انها أول تجربة لها في دخول الاستديوهات " فالرهبة " كانت واضحة جداً في الاداء ..
    وسنقول لشروق أن لها أجر المحاولة في هذه المرحلة تحديداً ..
    والشئ الذي يحسب لشروق في هذا الشريط هو دخولها للوسط الفني بأعمالها الخاصة وهذا يعتبر تحدي كبير جداً بالرغم من المخاطر التي ستواجه هكذا تجربة فكل الشريط أعمال خاصة ما عدا أغنية " عيش معاي الحب " ..
    والمعروف أن اي فنان دوماً يحاول دخول الوسط الفني بأغاني الغير المسموعة والمهضومة ومن ثم يبدأ في طرح نفسه وأغانيه الخاصة " محمود وفرفور مثالاً " ..
    ولكن البداية بالاعمال الخاصة سلاح ذو حدين وإن كانت في حد ذاتها محمدة وشئ إيجابي..
    الملاحظ في الكاسيت هو التنوع في الالحان والايقاعات فكل أغنية لها إيقاع مغاير للأغنيات الاخرى وكل لحن يختلف اختلاف كامل عن باقي الالحان ..
    ولكن لفت نظري يا استاذ الموصلي شئ لا أدري هل هو إيجابي أم سلبي (وإن كان في مجمله قد يكون إيجابياً ) .
    فدون أن أقرأ إسم الملحن إستطعت تمييز الأغاني التي قمت أنت بتلحينها وتوزيعها وربما هنا تكم الإيجابية في كون أن لك بصمة صارت واضحة في الأغاني ..
    ولكن السلبية قد تكمن في أن هذا التميز ربما خهو مؤشر لتشابه الالحان التي تقدمها .. بينما تكمن سلبية التوزيع في مواصلتك لإخفاء صوت ( الإيقاع ) وتحديداً البنقز وإن كنت هذه المرة ومن الواضح أنك تعاملت مع صوت " الدونب " بصورة تذكرني بأمريكا اللاتينية والتانقو والسامبا تحديداً..

    على كل كانت هذه مجرد ملاحظات بعد سماع الكاسيت بتأني وإن لم يكن كافياً ..
    تخريمة :
    أغنية عافية المطر أغنية كل ما أسمعها أجد نفسي أسمعها بصوت الفنانة ماجدة الرومي فهي في مقام " أبحث عني " و " كلمات " وليتك يا بروف تتشجع وتطرح لها هكذا اعمال انت والموصلي فهذه الاغنية تشبهها كثيراً جداً..
    حاول يا بروف وحا تنجح وحا تدعي لي


    كلماتك دي يا عمر ذكرتني نكتة الجعلي والشايقي...

    كانوا متغالطين ..الجعلي عندو رأي مسبق في ان الشايقي لا يستحمل الجلد...

    شافو زول راكز لي الجلد في مركز شرطة...الجعلي طوالي قال ليه هيع عفيت منك آ الجعلي
    الشايقي قال ليه يا زول الزول دا اخوي لزم ما جعلي== شايقي...
    قال ليه ارح نمشي نسألو؟ سألوه طلع شايقي: الجعلي ...زعل وقبل عليهم الاتنين
    وقال ليهم...يبقالي الصوت دا ما صوت عنج صوت دلاقين ساكت...يا اما كمان اخوك دا ود حرام
    عديل كدة....

    ولأنك قدمت وجهة نظرك عن شروق...فيبقي لابد لك ان تساندها...والمسألة نفسية يا عمر
    ورأيك حا يكون مفيد جدا لشروق....فاذا اتفقنا نحن جميعا حولها...لاصبحنا ذمرة من الكاذبين
    والمطبلين...فانا شخصيا ما كانت تعجبني واعجبتني صوتا واداء وتوزيعا ولحنا وموسيقي
    بعد الحفل الاخير...فهي تؤدي باحترافية وثقة...واحساس عالي...والنقطة المهمة التي اشرت لها
    يا عمر انني واغلب الحضور استمتعوا لغنائها الخاص اكثر من الاغنيات المرددة اصلا...وانت تعرف دائما
    الاغاني الجديدة تحتاج بعض الوقت لتسكن مواطن الطرب عندك وعندي...

    ان استمرت بنفس هذا النهج يا عمر فسيكون لها شأن كبير...برغم ما تقوله عن صوتها...
                  

03-13-2007, 09:24 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: nazar hussien)

    نزار باشا :
    تحياتي..

    Quote: عمر انني واغلب الحضور استمتعوا لغنائها الخاص اكثر من الاغنيات المرددة اصلا...وانت تعرف دائما
    الاغاني الجديدة تحتاج بعض الوقت لتسكن مواطن الطرب عندك وعندي...

    ان استمرت بنفس هذا النهج يا عمر فسيكون لها شأن كبير...برغم ما تقوله عن صوتها...


    كلامك ده انا خايفو يرجعنا لنقطة البداية التي اثرناها هنا ..
    وبيقى السؤال :
    هل كل من يغني ويمتلك أغاني خاصة فهذا يصلح أن يكون فناناً ويدخل قلوب الجماهير؟؟؟
    يعني يا نزار لو قام البروف باهدائي اعمال شعرية وقمت انا قلت للاستاذ الموصلي يلحنها لي فهل هذا يعني إنني فنان سادخل قلوب الجماهير..
    لو جاوبت على سؤالي التحت ده وبي كل صراحة ودون تغليف فنحن حا نمشي في الطريق الصاح :
    أيهما في رأيك يمكن ان نطلق عليه فنان ويمكن ان يدخل قلوب الجماهير؟؟؟
    واحد صوتو جميل جدا جدا جدا ولكن يتغنى باغاني الاخرين !!!!
    وواحد تاني صوتو ما جميل وبيغني أغانيهو الخاصة فقط !!!!!
    طبعا يا نزار ما عايزك تديني الاجابة المنمقة ديك بتاعت والله يا عمر طبعا لو جمع ما بين جمال الصوت ولاغاني الخاصة فهو الافضل !!!
    انا عايز في حالة الفنانة شروق تحديداً ..
                  

03-13-2007, 10:16 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: عمر الفاروق)

    Quote: واحد صوتو جميل جدا جدا جدا ولكن يتغنى باغاني الاخرين !!!!
    وواحد تاني صوتو ما جميل وبيغني أغانيهو الخاصة فقط !!!!!
    طبعا يا نزار ما عايزك تديني الاجابة المنمقة ديك بتاعت والله يا عمر طبعا لو جمع ما بين جمال الصوت ولاغاني الخاصة فهو الافضل !!!
    انا عايز في حالة الفنانة شروق تحديداً ..


    وبدون تنميق يا عمر...

    اولا: معيار جمال الصوت...له مقاييس فنية...لا انا ولا انت بقادرين علي الفتوي فيه
    بوضوح...ويبقي اننا نعتمد علي اذاننا...فما نستقبحه لا نسمعه...

    واذا سألتك ايهما اجمل صوت عبدالحليم حافظ, عبدالوهاب , اصالة نصري..ام ماجدة الرومي

    اما في حالة شروق...فانا اطربني غناءها الخاص جدا جدا...ولم اكن وحدي...يا عمر...
    فالطرب والنشوة لا تقبل المجاملة اطلاقا...اما من البداية الحفلة تعجبك وتواصل تكملا
    او تمشي تفتش باقي خميسك وين هذا هو انا...

    فالزول الصوتو جميل ويردد اغاني الآخرين حكمة الله لا اسمعه...وبالتالي تجدني لا اسمع
    فرفور الا في اغانيه...وكذلك محمود...لانهم بصراحة شديدة جدا لن يؤدوا هذه الاغنيات
    اجمل من اداء اصحابها لها مهما بالغوا في الاداء...

    وأديك مثال: اسمع محمد ميرغني في انا الاشواق واسمعها عند محمود مش صوتو حلو؟

    اسمع نادر خضر في اغاني صلاح مصطفي واسمع صلاح مصطفي؟

    اسمع حتي النعام آدم في اغانيه واسمع حنان النيل تغني له...


    الاثتثناء الوحيد علي كل ذلك هو بادي محمد الطيب...ربنا يرحمه
                  

03-13-2007, 10:34 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: عمر الفاروق)

    عمر أعتقد ماكتبته هنا خطوة ايجابية في طريق تفهمك لماهية شروق
    1-انك حمدت لها انها بدات باعمالها الخاصة
    2-حتي نقدك لها أوضح أنك
    ==================================================
    لاحظت شئ غريب في التسجيل وهو ان شروق أكثرت من (أخد النفس) لبداية المقطع مما جعله واضحاً جداً في التسجيل وهذا مؤشر لضيق نفس شروق ومحدوديته
    ======= هذا من صميم الاداء ومشكلة الغنا عندنا هو عدم النفس=====
    ============================================================================================
    فيما يخص التشابه او ماترونه تشابه ربما يكون نفس الفنان
    ولكنني اعتقد أن مشكلة معظم السودانيين هو خلطهم بين اللغة الهارمونية والمصاحبة الكاونتلابوينتية
    وعدم تمييزهم لتلك اللغة ممايجعلها تتشابه عندهم
    =====================================================================================
    لي عودة لمشارتك القيمة
    تحياتي
                  

03-14-2007, 02:28 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Elmosley)

    الحبيب عمر ماقلت ليك دايما بتثير مواضيع غاية في الحيوية
    تعرف موضوع النفس الاثرتو ده ريحني جدا
    تعرف ان ثالثة الاثافي في موسيقانا وغنانا هو عدم الاهتمام بالنفس والتنفس
    مثله مثل الحاجات الاخري
    عاين للنوت الموسيقية تلقي اي نوته عنها سكته وده ياهو النفس ذاتو
    المشكلة التانيه عدم وجود الداينميكية في غنانا وعزفنا يعني القوه التي نبدا بها تستمر في آغلب الحالات حتي النهاية

    واه لو سمعت نفس وتنهدات جينفر هدسون في
    I'm telling you
    يديك العافيه ياصديقي
                  

03-20-2007, 02:41 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: عمر الفاروق)

    الجميل عمر الفاروق

    تسلم حبيبنا على كل شي والله

    وان شاء الله كل كلمة كتبتها الناس تستفيد منها

    بالرغم من انو انا جداً معجب بصوت شروق

    وبفتكر انو من أعظم وأجمل الأصوات السمعتها دون شك
                  

03-13-2007, 10:26 PM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    أزيك يا بروف يا جميل دائماً بوستيك مليان بالجمال
    والمرة دي مشرق عديل كده
    معليش جاي غشوة كده وماشي أسلم على باقي الجيران وأجيك
    وسلامي لكل الحلوين الفوق
    شروق دي عايزه ليها قعدة
                  

03-14-2007, 03:07 PM

ناصر الحاج
<aناصر الحاج
تاريخ التسجيل: 11-07-2005
مجموع المشاركات: 326

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: كبسيبة)

    حقيقي عمل جميل و متقن و فيه كل ما ينقص موسيقانا لتنافس . خبرة الموصلي ، قدارت صوتية كبيرة لشروق ، مهارة العازفين المؤديين للعمل ، كلمات جميلة!! .. تجعل الاغنية تنافس في الفضائيات وسط المغنيين العرب.
    اما اغاني الرطانة .. او اغاني الدليب او المردوم او ايقاع الهدندوة .. او اغاني الدينكا و النوبة .. او ايقاع التعايشة او اغاني البنات .. الحان الوازا الساحرة و غيرها .. لو وجدت نفس المجهود من موسيقيينا سننافس عالميا .. الاوربيين يتلهفون وراء كنسرتات الفرق الموسيقية من مالي و السنغال و موريتانيا .. حضرت بعضها !! ..اشبه بموسيقانا و منفذه بالآت تقليدية !!.. الحان (البنتاتونك) الساحرة بالنسبه لهم! .. تشعرهم بمحدودية موسيقاهم و ثراء الموسيقي الافريقية !.. الكثير من الموسيقيين الاوروبيين يتعلمون الان العزف علي الآلات الشعبية الافريقية و يشاركوا في فرق افريقية تاركين كل ما اكتسبت ايديهم من مهارة في العزف علي الجيتار او الساكسفون او البيانو او غيره .. قال لي احدهم في مرة .. هذه هي موسيقي المستقبل.

    التحية و التقدير لكل القائمين علي هذا العمل
    ودي
                  

03-15-2007, 01:04 AM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: ناصر الحاج)

    للحق نحتاج لرجال من امثال البروف وامثال دكتور متوكل وامثال صلاح محمد ابراهيم
    لتكون عندهم الشجاعة والكرم والايمان بدور الفن
    وحينها فان كل موهب ابنائناالمميزة ستخرج الى حيز الوجود لتعلن عن سودان لا يقارن
    محبتي
                  

03-21-2007, 04:51 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: ناصر الحاج)

    الحبيب ناصر الحاج

    شكراً مضمخاً بالزهاء والندى

    على كلماتك المشرقة

    وإحساسك النبيل

    كل الحب والإحترام
                  

03-15-2007, 00:40 AM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: كبسيبة)

    عريس البورد مرحبتين حبابك
                  

03-20-2007, 07:31 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: كبسيبة)

    الحبيب كبسيبة
    Quote: شروق دي عايزه ليها قعدة

    دي عاوزة صحو على نار انتظار

    بين نخيل بلادي

    وعافية المطر..

    لك الحب كله ولهف الإنتظار
                  

03-14-2007, 09:21 PM

أحمد طراوه
<aأحمد طراوه
تاريخ التسجيل: 12-25-2006
مجموع المشاركات: 4206

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    " اما اغاني الرطانة .. او اغاني الدليب او المردوم او ايقاع الهدندوة .. او اغاني الدينكا و النوبة .. او ايقاع التعايشة او اغاني البنات .. الحان الوازا الساحرة و غيرها .. لو وجدت نفس المجهود من موسيقيينا سننافس عالميا " ... اقتباس من كلام ناصر الحاج ..

    بحق ، فالغناء في السودانى قائم علي ما لا يقل عن 10 ايقاعات من سامبا و رمبا غنى بيها الكاشف بعد ان استمدها من النوبة و الكيتا بتاعت الطريقة الاحمدية ، و فالس غنى بيه حسن عطية و ريجى لحن بيه شرحبيل الليل الهادى ، و عشرة بلدى لُحنت به عروس الروض يا ذات الجناح في الفيرشن السوداني ، ثم نقرزان قديم بشقيه الخفيف و التقيل اتغنت بيه العشرين اغنية الاولي و نجده اوضح ما يكون جمالا و قدرة ايقاعية في اسطوانة الفاضل احمد (لي في المسالمة غزال) ناهيك عن الكمبا، و المردوم و الدليب و التم تم بكافة اشتقاقاته .. و فعلا لمن تسمع لحن اغنية الراحل مصطفى سيد احمد (مطر عز الحريق) بيتاكد ليك قول الراحل جمعة جابر و ملاحظتو الحصيفة بان الوزن الموسيقى للدليب يستعصى علي التصنيف و يحمل امكانيات ضخمة لتوطين الميلوديا .. اضف الي ان طمبرة ناس الوسط التي طلعت من حنجرة ناس عبد الغفار و ناس حماد ابو كُدر و ود راس البيت ايام غناء الرميات ، هي كلها تجميع مُكثف و معدل للهسيس و الجراري و الكرير و الجابودى و جملة الايقاعات الصوتية المنتشرة في ارجاء هذا الوطن بالغ التنوع و التلاوين .. وقد لاحظت ان مدرسة الغناء المصرى بكل زخمها الشرقي/الاروبي قد استندت اطلاقا علي ايقاع العشرة بلدى فقط وليس غيره باشتقاقاته و تعديلاته المختلفة .. مثلا خد حليم و هو يغنى علي حسب وداد القلب يا ابوى ، او الهوى هواى ، او قارئة الفنجان ، او الست ام كلثوم وهى تغنى الحب كله ، او انت عمرى ، كله غناء لم يخرج عن الاوزان الايقاعية للعشرة بلدى باشتقاقاته التقيلة و الخفيفة

    .. و هذه حقيقة يا ناصر ، و حتى ان لم ننافس فالمهم اننا حنضع مساهمتنا و نطرح خصائصنا علي صعيد قلوبال .. و لاحظت ذلك في تجربة الراحل حمزة علاء الدين مع مجتمع الفن و الموسيقى الامريكى و جاء ذلك اوضح ما يكون في مقال ( الإيولوجي ) اللي كتبه السفير الاديب عبد المجيد علي حسن في تذكر و انصاف صديقه الراحل علاء الدين

    .. و امامنا الان تجربة هذا البناء المُجِد يوسف الموصلي the developer و القادم عفوا و اقتدار من اوساط الشعب و امة الكادحين ! شوف يا اخوى يوسف انا لا اعرف نوتة و لا متخصص مقامات , وحتى معنى الكاونتر بوينت ما وقع لي كويس الا يوم زيارتكم الاخيرة لينا عند اقبال و عمرابي .. لكن عاوز اقول ليك الاتي : بالاستماع لهذا الجزء اليسير من غناء هذه المبدعة شروق التى تفيض بالرومانس و ارهاصات النجاح الواعد ، فقد تاكد لي انا احمد طراوه الذي لا يدعى علما و لا معرفة موسيقة اكثر من معرفة التذوق الفني ، اكرر يا موصلي بانك و في هذا الزمن اليباب زمن التراجع و المحنة ، بانك قادر علي الاسهام الجاد في الخروج بالغناء السودانى الي دروب جديدة تنبعث فيها اجمل خصائصه ، و يتصل فيها ماضيه التليد بمستقبله الواعد . . . و لا ابالغ ان قلت لك ان هنالك امكانية لمدرسة غنائية ثالثة كتطور موضعى لسودان لابد ان ينصلح حاله عاجلا ام آجلا ، و كتطور لكل ما تراكم من ميلودى و ليّرك منذ ان التقى ابراهيم العبادى و من باب الصدفة بذلك الشاب اليافع راعى غنم ناس امدرمان القديمة الحاج محمد احمد سرور و هو يردد علي طريقة مزامير النبى الراعى داؤد عليه السلام ، رميات محمد ود الفكى و مرجان سيد النقرزان .. دمت يا موصلي .. ثنائى و اصل اليك و الي اخى معز عمر بخيت في سعيه الحثيث المستمر لاخراج الجمال من طوطم زمان الفرقة و التبريح و الفشل الذى عم القرى و الحضر ..
                  

03-15-2007, 01:29 AM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: أحمد طراوه)

    دكتور طراوة
    شديد اعتزازي بمقالك هذا
    لانه يعبر عن رأي باحث في تراثنا له عمق تراثي مشهود له
    صدقني أن اضع كل كلمة اشادة هنا في مكان يذكرني بالوفاء السوداني
    واضع كل كلمة ناقدة في موضع النقد الذاتي لتكون النتيجة ايجابية
    بيد ان الطريقان يمنحاني القوة والعزيمة للتمسك بالعطاء المستمر
    وحتى آخر رمق
    لك من الود هميمه

    (عدل بواسطة Elmosley on 03-15-2007, 04:38 AM)

                  

03-16-2007, 05:37 AM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Elmosley)

    بجيك ياطراوه بي هناك
                  

03-15-2007, 02:49 AM

ناصر الحاج
<aناصر الحاج
تاريخ التسجيل: 11-07-2005
مجموع المشاركات: 326

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: أحمد طراوه)

    Quote: اكرر يا موصلي بانك و في هذا الزمن اليباب زمن التراجع و المحنة ، بانك قادر علي الاسهام الجاد في الخروج بالغناء السودانى الي دروب جديدة تنبعث فيها اجمل خصائصه ، و يتصل فيها ماضيه التليد بمستقبله الواعد

    الاخ د/ طراوة لك التحية. اتفق معك
    خالص ودي
                  

03-15-2007, 05:41 AM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: ناصر الحاج)

    انت نقي الدواخل
                  

03-21-2007, 11:00 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: أحمد طراوه)

    الدكتور الحبيب احمد طراوة،

    لك الشكر الجزيل على هذا المقال السامق

    ولك الود وعظيم الإحترام
                  

03-15-2007, 01:39 PM

khalid abuahmed
<akhalid abuahmed
تاريخ التسجيل: 10-25-2005
مجموع المشاركات: 3123

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    الاخ المعز
    شكرا جزيلا على ما اتحته لنا من جو ومن اريحية في ذلك اليوم الجميل، الحفل كان أكثر من رائع ولا يمكن ان يوصف بالكلمات، والذين لم يحضروا الحفلة ضاعت عليهم أشياء كثيرة لأني اعتبر أن هذا الحفل تاريخي بكل ما تحمل الكلمة من معنى، لأنه أرخ لعهد جديد للأغنية السودانية من البحرين، وقبل يومين أتصلت بالاخ العزيز الموسيقار البحريني خليفة زيمان لكي ما أهديه نسخة من الالبوم لكي يبدي فيه رأيه من وجهة نظر بحرينية متخصصة.
    الاخت العزيزة منى خوجلي
    كيفك.. طبعا بنات حامد معنا في البحرين وقد زينوا لنا غربتنا بحلو معشرهن، الاخت شادية كانت طريحة الفراش قبل الحفلة بيومين أجريت لها عملية جراحية وأخرجوا من بطنها طن من الاسمنت والحجارة (حصوة) والحمدلله هي بخير الآن وطبعا الاخت سمية كانت معها في البيت استقبالا للضيوف والمتحمدلين السلامة..

    والاخت شادية تغيرك السلام..
    وكذلك نجلاء هارون..
                  

03-16-2007, 07:46 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: khalid abuahmed)

    حبيبنا البروف ياخي في ناس كتيرين هنا مارديت عليهم
    ودي مامن عادتك
    عهدنا فيك الديناميكية والنشاط
    الظاهر سحروك

    (عدل بواسطة Elmosley on 03-16-2007, 07:47 PM)

                  

03-17-2007, 00:37 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Elmosley)

    ..بعدين الزول الابس الجاكت الكبدية دة منو؟؟
    شبهتو على زول مزعج كدة زمان اسمه ( جيم قرين) , عليك الله يا معز أسالو
    جاتنى خلعة لمن شفت الصورة.
                  

03-17-2007, 02:18 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Elmosley)

    يا موصلي

    لو شفت حالي

    احننك والله

    أنا من سنغافورا للكويت للإمارات

    وماشي لندن كمان

    والله ووالله ما لاقي وقت انوم

    ده غير مشكلة عكس الريح بس دي خلاص تقريباً اتحلت

    وجاي أرد واحد واحد بكل تأكيد
                  

03-17-2007, 03:37 PM

Elmosley
<aElmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    مبروك حل المشكلة
    ولي قدام

    (عدل بواسطة Elmosley on 03-18-2007, 05:07 AM)

                  

03-16-2007, 08:20 PM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    حفلة بايخة
    ولا سمحة و لا شتين
                  

03-17-2007, 02:21 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 9044

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Tagelsir Elmelik)

    تجو

    بجيك راجع

    لكن عليك الله شفت الوجاهة دي كيف

    وين أيام جيم قرين ياخ

    بس الحفلة

    عجوة معطونة في عسل..

    أحبك وأحب ترينداد زاتها..
                  

03-17-2007, 02:59 AM

Tagelsir Elmelik
<aTagelsir Elmelik
تاريخ التسجيل: 11-25-2004
مجموع المشاركات: 4028

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    ترينيداد ..دى عجوة معطونة فى منقة بى لبن و حبة تسالى
    لينا بى حالك..نحنا من الحصاحيصا للمناقل للمحيريبة
    شوفو لينا حاجة فى سنغافورة دى انشاء الله كفتيرة شاى و لا ترمس كبكبى
                  

03-20-2007, 10:27 AM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 29251

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بالصور: شروق تتألق في احتفال البحرين وتوقيع رائع للألبوم الجديد (عافية المطر).. (Re: Dr. Moiz Bakhiet)

    ++
                  


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de