|
Re: ما بين الكتيابي وراشد دياب وروضة الحاج.. (Re: abookyassarra)
|
الدكتور معز .. لك التحيه والاحترام لا ادرى من اين ابدأ للموضوع وقفة وتأمل .. ولكن سوف ابدأ بوقفة الشاعر الكتيابى الصلبه والمقدره تماما للكتيابى مواقف واضحه وصريحة. ولا يتأنى فى ان يطرحها للجميع بل يعتز بموقفه هذا.. التقيت شاعرنا بعد عودته من البحرين .. التقيته فى مسقط وكان لى الشرف ان اتحاور معه فى عدة مواضيع خاصه ببحر الشعر العميق وشاعرنا حفظه الله حقل اخضر على مد البصر .. لا تمل على الاطلاق من التأمل فى لغته المتفرده واسلوبه الخاص به ولو استمر الحوار لساعات طوال.. بل على العكس تماما تتمنى ان لا يتوقف عن الكلام .. وهذا ليس راى لوحدى وانما لكل من استمع والتقى بشاعرنا لاول مره ..خاصه الذين ساعدتهم الظروف لحضور ندوته .. نرجع لموضوعنا وعذرا للاطالة .. وقبل ما ابدا كلامى فى هذا الموضوع اعتذر بشدة للاستاذ الكتيابى لو تطاولت بعض الشىء وشرحت وجهة نظرى حسب معرفتى بالحقيقه .. وادرى ان شاعرنا ما محتاج لدفاع منى او اى شخص آخر ..بل المبادىء المتمسك بها هى التى تدافع وايضا هو شخصيا ..لكن الحقيقه لابد منها وعذرا مره اخرى ادرى تماما للكتيابى موقف واااااااضح وصريح ويختلف جملة وتفصيلا معهم.. وادرى انه لا ولن يتنازل عن موقفه مهما حصل وحصل معنا هذا لاول مره حين وجه زوجى الفاتح الجنيد الدعوة له للمشاركه فى مسقط قالها صريحه رغم العلاقه والصداقه الحميمه التى تربط بينهما ..لكن قالها بالحرف الواحد(0 لو المشاركه للجاليه تحيدا او لحفل خيرى او ما شابهه ذلك ما عندى اى مانع .. ممكن آخداجازه واجيكم لكن لو تحت راية الخرطوم عاصمة الثقافه اعذرونى )) واحترمنا رأيه ووقفته وانتظرنا حتى لبى لنا الدعوه بنفسه تحت احتفالات الجاليه السودانيه باليوبيل الذهبى لاستقلال السودان ... لكن وكما علمت منه شخصيا انه لم يأتى من الخرطوم للمشاركه وهو يعلم ان انعقاد الاسبوع سوف يكون تحت راية الخرطوم عاصمة الثقافة ..... يشارك كثيرا ولا يبخل ابدا بوقته وادبه وفكره .. والدليل انه حضر للبحرين ولم يتأخر لحظه.. رغم انه قطع جزء من اجازته وسط اهله ومعارفه بالوطن الحبيب بعد طول غياب .لكن لبى الدعوة من اجل السودان والسودانيين والجالية بالبحرين تحديدا. لكن فوجىء بعدم الوضوح معه من البداية ..ولو كان يدرى هذا لكان اعتذر من الخرطوم .. اقف احتراما وتقديرا لهذا الشامخ لمبادئه ووقفته الصلبه.. والتحيه لكل اهلنا فى البحرين ...
بالنسبه للاخت الشاعره روضه الحاج ... مع احترامى ليها ولحرية تصرفها لكن .......... حقيقى مثل هذا الموقف لا يمثل ابدا اى نوع من تحمل المسؤلية او الامومه لانه الامومه ما محتاجه اجيب طفلى معاى على خشبة المسرح وامام جمع غفير من الحضور ومنهم اشقاء عرب وكبار الشخصيات ..عشان اثبت للناس تمسكى بمبادىء الامومه والمسؤليه طلوع روضه الحاج خشبة المسرح ما للحظات لتحيى الجمهور وتنزل .. لكن عشان تقرأ لهم شعر .. والشعر احساس للقارىء والمتلقى وطريقة الالقاء وحدها دايره تركيز عشان الشاعر او القارىء ما يتعثر فى حروف الكلام . ويجوط الموسيقى وبالتالى يشتت خيال المستمعين والمركزين معاه .. لانه هو ما بقرأ فى خطاب ولا كلمه رسميه .. ده احساس ونفس انسان صادق.. يجب الاحترام له وللحضور .. ما ممكن تقول لى طفل يبكى ويقاطع امه اثناء الالقاء وبالتالى هى تستمع له وتحاول اسكاته متجاهله الحضور الموجود قدامها ولو لثوانى ونقول ده مسؤلية واحساس بالامومه!!!! ممكن تجيب طفلها معاها من السودان لانه نحن ما بنعرف ظروفها شنو ؟؟ لكن تحديدا طلوع خشبة المسرح امام كل هذه الجموع .. كان مافى ليه اى داعى .. ودى وجهة نظر ليس الا .... شكرى وتقديرى مره اخرى لك الاخ الدكتور معز .. والتحيه للشاعره روضه الحاج ..وربنا يخلى ليها اطفالها ويخليها ليهم ... لكم جميعا التحيه اسماء الجنيد .... مسقط
|
|
|
|
|
|
|
العنوان |
الكاتب |
Date |
ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:53 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:54 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:55 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:55 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:57 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:57 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-23-06, 04:59 PM |
Re: ما بين الكتيابي وراشد دياب وروضة الحاج.. | saif massad ali | 01-23-06, 05:04 PM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-24-06, 04:36 AM |
Re: ما بين الكتيابي وراشد دياب وروضة الحاج.. | abookyassarra | 01-23-06, 11:32 PM |
Re: ما بين الكتيابي وراشد دياب وروضة الحاج.. | soma | 01-24-06, 00:34 AM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-25-06, 05:22 AM |
Re: ما بين الكتيابي وراشد دياب وروضة الحاج.. | Dr. Moiz Bakhiet | 01-24-06, 08:42 PM |
|
|
|