نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: Badri)
|
الاكرم بدرى
Quote: معقولة بس يانادية ماعارفة موقعنا جغرافياً منك وين؟؟؟؟ |
يااخوى انت قاصد ياتو شرقية فى الشرقيات؟!!
فى شرقية فى المملكة العربية السعودية
وفى شرقية فى القاهرة!!
والاتنين اجدع ناس طبعا اها انت وين جغرافيا ؟!!
Quote: بالغتي لكن ... بالمناسبة نحن أقرب من جدة والرياض بس انتي قولي ياهادي ... |
ياهاااااااااااااااادى ..اها لو فى الشرقية حقتنا دى نجيكم ولاتجونا ؟!!
Quote: تحياتي يانادية ومعليش نسيت أبارك ليك في مداخلتي الفاتت نسبة لأستعجالي على العموم ألف مبروك |
الله يبارك فى عمرك ياغالى وتسلم كتير والله
Quote: أها بس ان شاء الله الثاني أجمل من الأول؟ بس ماتقولي الاتنين زي أولادي |
والله كلهم اولادى ..يعنى اتبرأ من جناى كيفن يابدرى؟!!
تسلم وخلينا على اتصال
سمح
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: ADIL FAIT)
|
الغالى عادل فايت
Quote: انت عاوزة تبيعي ديوانك في المنبر دا ولا شنو ؟
المنبر لو مابقى فيهو فايدة وفوائد لكل الاعضاء اخير عدمه !! على الاقل عشان راجلى مايقول لى انتى هسة مستفيدة شنو !!
انا هنا مستفيدة انى لاقيت ناس رائعين ورائعات واهل واحباب واصدقاء وكمان وزعت الكتاب شفت كم فايدة ؟!!
بالمناسبة سألت بعض الشباب عن نادية عثمان
اتخيلي لقيتك قاعدة ومتحكرة جواهم
فلك التحية وانت بتدفقي ايتها الرائعة |
ياسلام على البشارة الطيبة ياعادل
واتمنى اكون عند حسن ظن الجميع دوما وابدا
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: قرشـــو)
|
العزيز قرشو
يأخى هجمتنى وقلت ياحليلو قرشو عاد للتابوت وماحايقرأ الديوان!!
Quote: اطمئنى يا ستى صاحب التوابيت غادر لمدة اسبوع ولذا سابقى خارج التابوت مؤقتا.. |
ربنا يرجعوا بالسلامة يارب..لكن من غير توابيت طبعا ..!
Quote: وقضى الامر بمعنى اننى وجدت الأخ فيصل واتفقنا واذا ما هو انا حانوزع الكتب وبالمناسبة العدد قليل خالص خالص |
الحمد لله انك لقيت فيصل.. الولد ده عامل زى ود الموية مابتمسك..لكن هو انسان اكتر من رائع ياريت تتعرف عليهو والله
اما بالنسبة للكتب فهى فعلا قليلة جدا لكن اطمنوا الاستاذ صلاح غريبة جايكم حارسل معاه نسخ زيادة..ولو لقيت زول قبلو جاى برضو حاارسل معاه
وربنا يقدرنى على جزاكم ياشباب..
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
مساء الخير استاذه ناديه
من الدوحه أمسي على العقد الفريد في القاهرة والخرطوم والخليج وكل الأحبة في أرض الله الواسعه ،، بالأمس أرسلت مساهمتي لكن يبدو أنها ضاعت في الطريق ،، عليه اليوم أجدد بأن هالة العظمة التي تكسو أعمالك الشعرية والتي نتمنى أن تزيح عنا عناء الغربة هي نتاج طبيعي لعظمة الرجل الذي وقف بجانبك له مني التحية وأكرر استعدادنا في دوحة السودانيين المميزين ،، شعراء ،، أدباء ،، فنانين ،، ورجال صحافة وإعلام ،، وجالية تميزت وتفردت وشالت الكاس في كل مناحي الحياة ،، من هذا المنطلق أرجو أن يكون لنا نصيب في إصدارك الجديدليكون لنا شرف التوزيع في قطر. ولمزيد من التعاون ولابراز الجدية عنوان في البروفايل
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: عبدالرحمن عبدالله أبوشيبة)
|
ابو شيبة العزيز
Quote: تحياتي لك وللرائع زوجك "" كما وراء كل عظيم إمرأة عظيمة ،، كذلك وراء كل عظيمة رجل عظيم "" أراك توزعين اهتماماتك صوب القاهرة والخرطوم والسعودية فهل لساكني قطر نصيب في ذلك ؟ أرجو أن يكون لنا شرف الشراء والتوزيع في دوحة العرب والجالية السودانية المتميزة بشخوصها العظماء فنانين وأدباء وقراء، فإن راق لك ذلك فنحن رهن الإشارة |
زوجى يقرئك السلام وشكرا لحديثك الطيب عنه ..وهو بحق رجل نبيل عظيم ..كريم
اما بالنسبة للدوحة فتخيل ان لى اثنين اشقائى اولاد امى وابوى هناك !!
وبرضو مافى غير نسخة كتاب وااااحدة عند معتصم الطاهر البوردابى المشهور بتعرفو موش؟!!
لكن اوعدك قريب جدا بتكون عندكم نقطة توزيع
سمح
العزيز عبد الرحمن عبد الله ابو شيبة
اها دى المداخلة بتاعة امبارح والرد عليها .. وتسلم تانى على الاهتمام ياغالى
وربنا يقدرنى على جزاك ياابو الشباب وقريبا جدا حارسل ليكم الديوان فى الدوحة
سمح
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: luai)
|
العزيز لؤى
Quote: اولا معذرة لاني لم ادخل هذا البوست الا متاخرا ..بالرغم من اني احد بورداب السعودية ... |
بالغت عديل يالؤى ..لكن مسامحك ياولدنا
Quote: ثانيا ساتصل بمعتصم رغم اني خارج الرياض - لشراء نسخة من الكتاب |
عافاك مابتقصر ياود القبائل والله
Quote: ثالثا لديك قصيدة جميلة سبق ولحنها الاستاذ الموصلي في هذا البورد اتمنى ان تكون في الديوان ...والا .... |
لا خلاص ضمن ان تشترى تب يالؤى ..القصيدة دى فى الديوان وملحنة كمان
Quote: برضوا حاشتري الكتاب ... |
ياسلام عليك يارائع..يقصر الملح !!
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
مساء الخير استاذه ناديه
من الدوحه أمسي على العقد الفريد في القاهرة والخرطوم والخليج وكل الأحبة في أرض الله الواسعه ،، بالأمس أرسلت مساهمتي لكن يبدو أنها ضاعت في الطريق ،، عليه اليوم أجدد بأن هالة العظمة التي تكسو أعمالك الشعرية والتي نتمنى أن تزيح عنا عناء الغربة هي نتاج طبيعي لعظمة الرجل الذي وقف بجانبك له مني التحية وأكرر استعدادنا في دوحة السودانيين المميزين ،، شعراء ،، أدباء ،، فنانين ،، ورجال صحافة وإعلام ،، وجالية تميزت وتفردت وشالت الكاس في كل مناحي الحياة ،، من هذا المنطلق أرجو أن يكون لنا نصيب في إصدارك الجديدليكون لنا شرف التوزيع في قطر. ولمزيد من التعاون ولابراز الجدية عنوان في البروفايل
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: عبدالرحمن عبدالله أبوشيبة)
|
هذا النص الذى شرفنى بتلحينه الرائع يوسف الموصلى ..وسيشرفنى بغنائه الرائع ابو عركى البخيت هو احد قصائد الديوان (ميلاد عصيب لرجل ما ) وفى بوست اخر ستجدونه ملحن ومغنى بصوت الرائع الموصلى..ليتكم تسمعونه ..فهو يحكى وجع الكثرين منا ..
وهذا هو النص كاملا:
جفل الرعــد
كلمات الأستاذة نادية عثمان..
الحان الموسيقار يوسف الموصلى
جفل الرعد خايف البروق
وبكى السحاب وِكْتين هطل مطراً دقاق ريحة الحراز أحلف واقول إنو القليب قبلك بتول خالي الوفاض ما ضاق طعم راحة العشق والنوم خزاز نفَّاج فَتَح جُوَّاي وكوَّة نور يبُق يضوي المكان زي كهربة مدناً بيوتها من القزاز * * * * حُبَّك بصيص خيط الأمل.. ومعنى الهروب من جُوَّة جوف الانشطار لمَّا النفوس تَعْزِف نَشَاز خيل الأماني الطار.. وشال سرجو المُطَرَّز بالوعود لعن المنافي.. وعاد خواتيمو الدموع مَدْقُوقَه فوق ورق الجواز عاد من مَشاتي الغُرْبَة والوجع الخبيث لَمْلَم بواقي كرامتو من رُصُف الحَضَارات المُزَّيَفَة والمُعَطَّرة زيت وجاز * * * * حُطَّ الرِّحال أفتح شبابيك سِكَّتَك .. أجْهِض وداع أدِّي القطار حق اللجؤ .. وأرفع شراع الانحياز هو البستحق أنك تعود .. وتزهر حقول الحب عهود تروي الأرض صحَّة وسلام .. لقمة ووئام .. رِفْريف حمام نسمة خريف ورَشَاش رزاز * * * * وطن المساجد والخلاوي والدراويش والكنائس والمعابد وثبات عقائد باقية ضد الاهتزاز عِشقَك سما بالروح سبح فوق للسَّما .. زيك محال تلد الشموس يا المشرئب عالي الرؤوس ليك الولاء تعظيم قسم .. ويمين غِلاظ أنفة وإباء عِزَّة وشموخ والكبرياء .. حبَّك حقيقة زي الحياة يا مِحْوَر الكون البيدور .. وثبات نقاط الارتكاز * * * * فوق للجبال سودانا عاش.. سَلَّة غلال ورُطب لُذَاذ ليهو العُلا والانحناء والانحياز وطن الجدود ليهو الخلود .. حبُّو الحياة وموتو المجاز ليهو العُلا والانحناء والانحياز حبُّو الحياة وموتو المجاز !!
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: Badri)
|
العزيز بدرى
Quote: نادية معتصم قال لي ما تشتري ... نسختك عندي وانا قلت ليهو يامعتصم اييي انتا صحبي واي حاجة لكن برضو مابقبل منك هدية ملفوحة وقلت أكلمك عشان تحاسبيهو أول حاجة على النسخة بتاعتي ... |
شوف يافردة هو كلمنى وقال لى انك دفعت فى النسخة مائة دولار بس ..وانا ماصدقتو ..قلت ليهو افووووووو..
بدرى اخوك يانادية اقل من خمسمائة دولار مابدفع ..صاح ولاماصاح؟!!
Quote: وبعدين في كلام قال حيقولو ليك بعدين أوع تصدقيهو . |
انا مصدقاك انت بس يالبدرى العزيز ..
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
Quote: معتصم العزيز
ياخى انت مابتعرف شغل السوق ؟!!
الزبون دائما على حق !! |
غايتو يا نادية صحبة كلف زي ما بيقول صديقي عمر الفاروق .. زي ناس بدري ديل يحنكوك يأكلو حقك أوانطة ساي .. شغل عصابة ورباطية .. نحن المساكين ديل نضيع ساي معاهم ..
أها .. من هنا صدر البيان التالي وتحت توقيعي ومسؤليتي .. في اليوم وتاريخه .. تم تكليف الصديق بدري بتوزيع النسخة في منطقة الشرقية الدمام .. والني للنار ما تقوم تنط يا بدري وتكب الزوغة أنا عارفكم عالم جبانات .. ملح مافي يا فردة يلا همتك معانا ..
بينا تليفون يا مان ..
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
Quote: بدرى اخوك يانادية اقل من خمسمائة دولار مابدفع ..صاح ولاماصاح؟!!
|
Quote: صاح بدرى رجل المهمات النبيلة
وتب مابقصر معانا
|
Quote: زي ناس بدري ديل يحنكوك يأكلو حقك أوانطة ساي .. شغل عصابة ورباطية .. نحن المساكين ديل نضيع ساي معاهم ..
|
والله كلام !!!!!!!!
Quote: تم تكليف الصديق بدري بتوزيع النسخة في منطقة الشرقية الدمام .. والني للنار ما تقوم تنط يا بدري وتكب الزوغة أنا عارفكم عالم جبانات .. ملح مافي يا فردة يلا همتك معانا ..
|
معتصم أسي أنا من ماجيت من السودان مش بقول ليك عربيتي عطلانة وما قادر أجيكم الرياض وما قادر أصلحها ياخي اللبيب زاتو فهم واشتكى طيب ياخي ما تنجض شوية ولز لأخوك قدر الكاتباهو نادية فوق دا عشان خاطر الشوفة بس ... كتيرة على شوفتي يا معتصم؟؟؟
تخريمة جادة شديد... مافي زول غيرك يرتبو معاهو الموضوع دا يا معتصم؟؟؟
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: Badri)
|
Quote: معتصم أسي أنا من ماجيت من السودان مش بقول ليك عربيتي عطلانة وما قادر أجيكم الرياض وما قادر أصلحها ياخي اللبيب زاتو فهم واشتكى طيب ياخي ما تنجض شوية ولز لأخوك قدر الكاتباهو نادية فوق دا عشان خاطر الشوفة بس ... كتيرة على شوفتي يا معتصم؟؟؟ |
البدرى اخوى
الله يعين الجميع انشاء الله
معتصم لاقينى اون لاين لوضع مزيد من الاجراءات والترتيبات اللازمة فى الوقت الراهن !!!!
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: Tabaldina)
|
تبلدينا الغالى
فرحاااااااااااااااااااانة عشان مريت بى الشارع ده انت ياغالى ..
Quote: تتصوري رغم ان الملك دا عامل لي وجع وش !! ورغم دا نسختى ما اداني ليها .. |
الملك قال انتو المطنشين ومادايرين تشتروا .. اها شن قولك ؟!!!
Quote: ورغم انو دومه فى طريقها للمطار بس برضو طلبت نسخة بس بوين مع شركة التوزيع التعبانة دى .. وحقك على وعليهو ،،، |
باين على حظى وحش اوى .. ناذر برضو شايل الكتب ومكسل يوزعها وطبعا قرأ النسخة ملح !!!
Quote: كن افرش بيها فى سوق الله اكبر ولا اطرد لى كم زول كدا وافترش شارع الجمهورية . |
لا ...... فى شارع المعونة جنب المؤسسة فى ست شاى سمححححححة كده ..وعندها لقيمات حلووووو
اها اقعد جنبها وقول ليها من طرف ندو !!
وبيع ليها برضو لانها مثقفة جدا
سمح
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: نادية عثمان)
|
.. .
Quote: تبلدينا الغالى
فرحاااااااااااااااااااانة عشان مريت بى الشارع ده انت ياغالى .. |
أنا كان الدرب رايح لي وما لقيت البقودني ... تسلمي دوماً ،
Quote: الملك قال انتو المطنشين ومادايرين تشتروا .. اها شن قولك ؟!!! |
والله صديقي الملك لم يصدق ... اها انا نسختى ونسخة ماما دومه وكمان كم نسخة عشان الدولارات القالها معتصم دى ولسع ناوى اوزع ..
Quote: باين على حظى وحش اوى .. |
معقولة بس !! ديل نحنا الحظنا كدقيق فوق شوك نثروه ثم قالوا لحفاة يوم ريح اجمعوه
Quote: لا ...... فى شارع المعونة جنب المؤسسة فى ست شاى سمححححححة كده ..وعندها لقيمات حلووووو اها اقعد جنبها وقول ليها من طرف ندو !! |
عارفة انا بموووووت فى شباب بحري .. بس بالجد ما حصل قعدت مع طيبة الذكر ست الشاي فقط ايام السفر فى السووق الشعبي وتكون الدنيا شتاء وبص الساعة سبعة ونص داك .. بس لانها مثقفة جدا ..عشان خاطر عيون حلووووين .. اجرب ما برضو دى عيون ندو ..
الملك دا يجيب لي نسختى الليلة شيكاتنا نزلت البنك.
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: قرشـــو)
|
قرشو الراجل الهميم جدا
تسلم وشكرى ماليهو حدود ياود القبائل
Quote: الولد اخيرا وفى بوعده وجاب سبعة نسخ فقط |
وود الموية ده لميت فيهو كيف بالله ؟!!!
Quote: طبعا اتوزعت
هل من مزيد ؟؟؟؟؟
فى رجاك .... |
ماشاء الله عينى باردة على الهمة والنشاط ياقرشو
اها وعايزاك انت شخصيا بعد ماتقرأ النسخة حقتك تجيب لينا اجمل قصيدة عجبتك وليه ؟؟
سمح
اها بالنسبة للمزيد فهناك مجموعة فى الرياض لكن البجيبها ليكم منو ؟!!
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: seham_musa)
|
العزيزة نادية
علمنا من مصادر موثوقة أن عدد (5) نسخ وصلت الرياض
عن طريق الاخ صلاح غريبة - الرياض
لكن الفيك اتعرفت ما نحن كنا متبرعين بالتوزيع
على الاقل في مكتبة السفارة،، واذا ما اتخارجت
في الف مورد ومورد،، لكن جدعنه كدا لازال العرض قائم
ودي كان في اول مداخلة لما قلت ليك لو اثنين نتلتهم
ولو ثلاثة نربعهم ولو اربعة نخمسهم وانت قلتي لي خمس وكان اخر نفس
Quote: لا خمسة !!
اها بس بكرة تجى تقول لى استلمت ..تاخير مامعانا ..سمح ! |
عليه تقرر الاتي،،
1- حصر العدد المطلوب الكلي في الرياض للتغطية العامة..
2- عرض الامر على اصحاب الرغبة في الحصول على النسخة
3- وعرض الامر على مكتبة السفارة السودانية اذا رغبوا في المساهمة
وشكراً ..
أهـا لقـيتني كـيـف؟؟؟؟؟؟؟؟؟
| |
|
|
|
|
|
|
Re: بيان هام ..بورداب السودان والسعودية والقاهرة وماجاورها ..اجمعوا هنا بالله !!!! (Re: waleedi399)
|
الغالى وليد 399
Quote: علمنا من مصادر موثوقة أن عدد (5) نسخ وصلت الرياض
عن طريق الاخ صلاح غريبة - الرياض |
اولا مصدرك مضروب ساى لان النسخ مع الاستاذ صلاح غريبة اكتر من خمسة وعشرين موش خمسة بس !!
لكن Quote: الفيك اتعرفت ما نحن كنا متبرعين بالتوزيع
على الاقل في مكتبة السفارة،، واذا ما اتخارجت
في الف مورد ومورد،، لكن جدعنه كدا لازال العرض قائم
ودي كان في اول مداخلة لما قلت ليك لو اثنين نتلتهم
ولو ثلاثة نربعهم ولو اربعة نخمسهم وانت قلتي لي خمس وكان اخر نفس |
اها شفت طلع لااخر نفس ولاحاجة وظلمتنى ساى !!!!
Quote: عليه تقرر الاتي،،
1- حصر العدد المطلوب الكلي في الرياض للتغطية العامة..
2- عرض الامر على اصحاب الرغبة في الحصول على النسخة
3- وعرض الامر على مكتبة السفارة السودانية اذا رغبوا في المساهمة
وشكراً ..
|
علم وينفذ فورااااااا
Quote: أهـا لقـيتني كـيـف؟؟؟؟؟؟؟؟؟ |
خترى شديييييييييييييد
الصلاة على النبى والله
| |
|
|
|
|
|
|
|