|
|
 الراجل يدخل البوست ده !!!!
|
ايوة
الراجل يدخل البوست ده !!!
لانو بوست للرجال ليس فقط بس عايزة اسأل فيهو الرجال فى المنبر بعض الاسئلة ..لكن ده مامعناه النسوان الفى المنبر مايدخلن لانو الشمار كتاااااااااال !!!
السؤال الاول :
اذا رشحت اى سودانية كاملة الاهلية نفسها فى الانتخابات القادمة عقب الثلاث سنوات الانتقاليةهل ستنتخبها رئيسا للبلد ؟!!!
زمنى فى الكافية نت انتهى بجيكم تانى يلا سلام !!!
|
|
 
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
عزيزتنا : شاعر الصد والجمال : نادية
دون أدنى شك .. حتى لو كانت ( غبشة )
طالما انها تملك مؤهلات القيادة وبها قدر
من الوعي يقودنا كلنا الى بر الامان دون
أن تغرق بنا في تفاهات السياسة التي لن
تكسو عريانا ولا تشبع جائعا ولا تشفي سقيما ..
فأنا من انصار حفيدات مهيرة أينما وسع لهن
المكان في زمان عجز في كثير من ( رجالاتنا
الميامين الاشاوس !!!!) عن الاخذ بيدنا
الى حيث نحلم ونبتغي ..
أها قولك شنو : راجل وللا ما راجل ؟؟..
لك معزتي والى كل حواء من بلادي انحناءاتي ..
خضرعطا المنان
[email protected]
| |
|
|
|
|
|
|
|
|
|
Re: الراجل يدخل البوست ده !!!! (Re: خضر عطا المنان)
|
العزيز الراقى بلاحدود وفواصل
عاشق مهيرة السودان ..خضر عطا المنان
| Quote: دون أدنى شك .. حتى لو كانت ( غبشة ) |
هى فى الاول طبعا حاتكون غبشة ..لكن بعد شوية ترطيبة وروقة كونها رئيسة الوضع حايختلف طبعا !!
Quote: طالما انها تملك مؤهلات القيادة وبها قدر
من الوعي يقودنا كلنا الى بر الامان دون
أن تغرق بنا في تفاهات السياسة التي لن
تكسو عريانا ولا تشبع جائعا ولا تشفي سقيما .. |
من الناحية دى اطمئن تماما طبعا
Quote: فأنا من انصار حفيدات مهيرة أينما وسع لهن
المكان في زمان عجز في كثير من ( رجالاتنا
الميامين الاشاوس !!!!) عن الاخذ بيدنا
الى حيث نحلم ونبتغي .. |
هذه قولة حق والله كتر خيرك اخو البنات
| Quote: أها قولك شنو : راجل وللا ما راجل ؟؟.. |
راجل ونص وخمسة طبعا ياخضر اخوى
| Quote: لك معزتي والى كل حواء من بلادي انحناءاتي .. |
ولك معزة كل حواء بلادى
| |
|
|
|
|
|
|
|
|
|
Re: الراجل يدخل البوست ده !!!! (Re: سجيمان)
|
من زمان كنت بتمني تكون علي راس البلد امراة
وبتمني تكون زي حبوبتي في الحزم وقول وعمل الحق والعدل والانجاز
(الله يرحمها ..كنا نسميها تاتشر)
مش جربنا كافة اشكال الرجال[
/B]
| |
|
|
|
|
|
|
|
|
|
Re: الراجل يدخل البوست ده !!!! (Re: أحمد علاء الدين)
|
الاكرم احمد علاء الدين
| Quote: أولا تحياتى و تقديرى للأخت و الزميلة نادية 000 ثانيا بالطبع نحن محتاجين و خاصة فى المرحلة القادمة لقيادة واعية تعى وتدرك متطلبات المرحلة الحرجة و ذلك بغض النظر انو القيادة دة نسائية أو رجالية 00 |
ده كلام موضوعى وجميل جدا ..بالفعل المرحلة القادمة من عمر البلاد هامة جدا وخطيرة
وفيها يكون السودان او لايكون !!
اعتقد انو البلد فى حاجة لدماء جديدة علها تخرجه من المأزق الحالى.
| Quote: ثالثا تجربتنا فى السودان تؤكد تماما على فشل القيادة (الرجالية) و خلينا نجرب كمان ولولشهور قيادة عازة 00 |
لكن منو البيقنع الديك!!
| Quote: ورابعا تعالى وجربى حظك فى الانتخابات ياناديةو أنا أضمن ليك فوز ساحق عند أهلك فى الدائرة الجغرافية 66 (السكوت والمحس ووادى حلفا ) |
شكرا على الثقة الغالية والله ..وكفاية على كلامك السمح ده
| Quote: وخامسا لك وللوالد الفاضل عثمان مختار كل التحايا و الاشواق 00والله المستعان |
الوالد بخير الحمد لله
ويبلغك خالص التحايا ايها الرجل النخيل فى شموخه واعتداده بنوبيته..
| |
|
|
|
|
|
|
|
|
|
Re: الراجل يدخل البوست ده !!!! (Re: Mamoun Ahmed)
|
الاكرم مامون احمد
Quote: من زمان كنت بتمني تكون علي راس البلد امراة
وبتمني تكون زي حبوبتي في الحزم وقول وعمل الحق والعدل والانجاز
(الله يرحمها ..كنا نسميها تاتشر) |
ياسلاااااام عليك يامامون والله وياسلام على حبوبتك ياخى ..والله انا برضو حبوبتى كنا مسمينها تاتشر وهى زاتها كانت معجبة بتتاشر جدا جدا
| Quote: مش جربنا كافة اشكال الرجال[ |
هو الرجال اشكال لكن يامامون؟!!
نورنا طيب كم شكل ؟!!!
| |
|
|
|
|
|
|
|
|
|
Re: الراجل يدخل البوست ده !!!! (Re: سجيمان)
|
سجيمان العزيز
Quote: غايتو لو اترشحتي انتي يا نادية
اديك صوتي وصوت الخلفو اهلي كلهم |
معنى كده انا ضمنت اصوات الرباطاب كلهم ..والله ماقصرت تب اخوى الدكتور الغالى عادل
| Quote: ونقول عاوزنك رئيس مدى الحياة...... بس ابقي عشرة علي الحنة |
هى لكن فى رئيس بيتحنن؟!!
صعبتها ياسى جى !!!
| |
|
|
|
|
|
|
|
|
|
Re: الراجل يدخل البوست ده !!!! (Re: Abureesh)
|
الاكرم ابو الريش
Quote: طـــوالى،
بس ما تكون من نوع الدايرة يتزوجـو فوقهـا تلاتة.. عشـان ما تجيب لينا تلات رئيسـات ظل. |
اول شئ الرئيسة المفروض تكون العصمة فى ايدها وتطلق راجلها طوالى لو عمل حاجة زى دى !!
بعدين هو الرئيسة بيتزوجوا فوقها كيف يعنى ؟!!!
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
الأستاذة / نادية
يخيل لي أن السؤال يدخل في دائرة (لو من الفئة 2) كما يقول معلمو اللغة الإنجليزية يعنى في حكم المستحيل!!! يعني حيطلعوا ليك ناس بنظريات وتشريعات ويمرقوا ليك المنسي الما بيخطر ببال بشر!!! و ما بعيد واحد يطلع مخطوطات قديمة زي مثلاً " سفر المآل في ولاية المرأة على الرجال" وووووووووووو !!!
لكن يا د. سجيمان إنت لابد من متين!!! إنت ياخي واضح إنك زول كنت تهوى تشرك للطير وتكج شركك حتى لو وانت نايم!!!
أنا كنت عايز أقول لنادية نفس كلامك دا..... شرط التصويت مشروط بترشيحها هي لو فعلاً كانت تعنى ما تقول!!! لكن ختفت الكلام من خشمي !! بس تعال يا سي جي رئيسة البلد حتلقى وكت للحنة وين!!!
خالد
| |
|
|
|
|
|
|
|
|
|
Re: الراجل يدخل البوست ده !!!! (Re: Al-Shaygi)
|
الاكرم احمد ود الشوايقة الغالى
Quote: زي ما لقى البشير وقت للعرس من أرملة الشهيد!!!!!!!!!!!!!!!!!!!
ولا دي ما فيها مساواة كمان .... |
يعنى عايزنى اخلى مصالح الشعب واقعد احاكى فى الرئيس السابق ولاشنو ؟
| |
|
|
|
|
|
|
|
|
|
Re: الراجل يدخل البوست ده !!!! (Re: خالد فضل)
|
الاكرم خالد فضل
| Quote: أنا كنت عايز أقول لنادية نفس كلامك دا..... شرط التصويت مشروط بترشيحها هي لو فعلاً كانت تعنى ما تقول!!! |
اولا شكرا على الثقة الغالية ..وبالجد انا اعنى تماما مااقول ..البلد دى ممكن تصلحها سيدة وكت الاسياد فشلوا عبر الحقب فى تعديل مايلها !!!
انا مابتكلم عن نفسى للترشيح لكن عايزة اشوفكم توافقوا ترشحو منو من حواء بلادى
| Quote: لكن ختفت الكلام من خشمي !! بس تعال يا سي جي رئيسة البلد حتلقى وكت للحنة وين!!! |
الرئيسة فعلا حاتكون مشغولة بامور البلاد والعباد ولكن هذا لايمنع اهتمامها بنفسها كسيدة ورئيسة دولة..
| |
|
|
|
|
|
|
|
|
|
Re: الراجل يدخل البوست ده !!!! (Re: المعتمد)
|
الحبيبة نادية،
كتبت مقالا قبل فترة بعنوان متى يا سيدي تفهم وطالبت فيه تشكيل الحكومة كلها من النساء..
حتى حكام الأقاليم والمحافظين..
وبالتأكيد رئيس الجمهورية.. وقلت في جزء منه:
لا بد من القول أن الرجل فشل فشلاً ذريعاً في حكم السودان بسبب الصراع التستستيروني فخاب في جميع العصور القوم الذين ولوه أمرهم. دعونا في عكس الريح نقدم طرحاً استثنائياً يمنح المرأة قيادة مسيرة البلاد لفترة انتقالية غير مشروطة. اقتراحي أن تصبح المرأة حاكمة و رئيسة للوزارة و وزيرة للخارجية و الداخلية و الشئون الإنسانية و الدفاع المشترك و المالية و الاقتصاد الحر و التربية و التعليم و البحث العلمي و السياحة و لتبقى حاكمة للولايات و محافظة للمدن. عندها سترون كيف سيحل السلام في الوطن و كيف ستخضر الأرض بالأشجار و الأزهار و الماء و الوجه الحسن. و كيف ستختفي الأوساخ من الطرق و ستصبح الأرصفة على جميع الشوارع منسقة تحمل كل لمسات الجمال و الأناقة و سينتحر الفساد و يهرب الظلم و الظلام. انظروا إلى سبأ، فبلقيس لم تكن نبية و لا رسولة. و انظروا إلى اسكندنافيا التي تحكمها النساء كيف كانت قبل حكمهن حين حصدتها الملاريا و كيف هي الآن تقهر الطبيعة القاسية و الموارد الضعيفة لتتحول لجنة على الأرض و لقوة اقتصادية ضاربة تصنع من الإبرة إلى الصاروخ.
امنحوا المرأة القوة والحب و الثقة، ستمنحكم وطناً بحجم الإخلاص، و فرحاً بنكهة الأمل و عافية بطعم الرحمة والأمان. و ستلهمكم و ستمجدكم و ستزرعكم نجوماً في سماء الإبداع.
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
الاخت نادية.
سلام.
معليش الدخلة الماضية لزوم المداعبة فقط.
خلينا فى المهم.
انا ما عندى مانع على ان تكون المرأة رئيس او يكون الرئيس من الجنوب او هدندوى او ايا كان ممن يحمل الجنسية السودانية فقط بشرط ان يكون هدفه هو خدمة الوطن والمواطنين وليس المتاجرة بقضاياهم.
بعدين هى المرة دايرة تبقى رئيس لى شنو ما كفاها مالكة قلوبنا ومتسيدة عليها عليك الله هسع نحن كان الواحد لقى امكانية انه يخلى الناس تتكسر فيه وتمش طوع امره كان قالوا تبقى رئيس الولايات المتحدة بترشح فيها.
من هسع ورينا رمزك شنو؟ الفانونس ولا النخلة (اكيد النخلة يا امرأة نخلة زى ما بيقول محى الدين الفاتح المبدع)
ولك الود
والف باقة ورد
| |
|
|
|
|
|
|
|
|
|
Re: الراجل يدخل البوست ده !!!! (Re: ودقاسم)
|
| Quote: وطالبت فيه تشكيل الحكومة كلها من النساء |
عيييييييييييييييييييك يا دكتور معز.......والله جنس جكس
نحن بس نتبطح فوق العناقريب و نصاقر التلفزيون الوزيرة قامت الوزيرة نامت......ونتفرج ساااااااكت
| |
|
|
|
|
|
|
|
|
|
Re: الراجل يدخل البوست ده !!!! (Re: سجيمان)
|
الأستاذة نادية
تحايا و سلام
السؤال فعلا مهم جدا و يحتاج إلى إجابة شافية من الكل.
المرأة في العصور القديمة نجحت في قيادة الممالك و الأمم .. و ليس شجرة الدر و بلقيس و كليوباترا و ملكات هنا و هناك .. كلهن ليس ببعيدات عن أذهاننا .. فقد نجحن نجاحا متفاوتا في القيادة و تسيير دفة الأمور ..
و من باب أولى أن تنجح الآن إمرأة بعد كل هذا الزخم من العلم و الثقافة و التجربة و الخبرة.
العقلية عندنا في العالم الثالث قد لا تقبل الفكرة لأسباب نعلمها كلنا و هي أسباب مرتبطة بالثقافة و الموروث.. و لكن عندنا في السودان بعد نجاح المرأة في كل المجالات إنتهاءاً بوظيفة الوزيرة هو دلالة على أننا نتقبل فكرة أن تكون رئيسة بصرف النظر عن إنتماءها السياسي .. نحن نقبلها بمقياس حدبها على مصلحة البلد و وضعها على رأس الأولويات .. و هذا هو المحك.
تسلمي
| |
|
|
|
|
|
|
|
|
|
Re: الراجل يدخل البوست ده !!!! (Re: ودقاسم)
|
العزيز ود قاسم
Quote: من هي ؟ ولأي خط سياسي تنتمي ؟ ما هو برنامجها ؟
أسئلة كثيرة تطرح نفسها ،،، |
هى امرأة نخلة من الشمال .. ابنوسة من الجنوب .. ظبية من الغرب .. جميلة من الشرق
هى مهيرة .. الكنداكة.. عزة .. رابحة الكنانية
هى امرأة سودانية
تنتمى للسودان
برنامجها السياسى.. الاصلاح اولا ..
الاصلاح فى كل المناحى التى خرّبتها يد اللامبالة فى بلادنا !!
ثق فى حواء السودانية اكثر من هذا .. فهى امرأة بالف الف امرأة ..!!
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
..
.
سلام يا نادية
والله خوف ساى تقومى تحسبي عدد الرجال فى البورد
قلنا نبقي ناس فزعة ونمدد قامتنا ..
من هى ؟؟
وما إنتمائاتها ؟؟
برنامجها ؟؟
قوميتها ووطنيتها وتاريخها ؟؟
لا مانع بتاتاً فقط وبشرط .. أن لا تكون من أحد الأسر مهما تفوقت
فأنا اكره حكم الأسرة المالكة اليزابيث وعلى من شاكلتهم .. واشباهم فى الوطن واليهم أعنى يا نادية وتعرفين كم بيت يود حكم السودان وهم يبيعون القضية والمبدأ
بل ومسانديهم فقط لاجل كرسي العرش !! وبين عشية وضحاها لاجل المصلحة ومصلحتهم فقط
وحتى لا نردد: تلك المهرة من ذاك الحصان ..
| Quote: للاسف الشديد لن ارشحها .. |
لماذا ؟؟ هل أوضحت أسباب إتفاق وخلاف فمنكم قد نستفيد يا ابو الدفاع ..
تحياتى
| |
|
|
|
|
|
|
|
|
|
Re: الراجل يدخل البوست ده !!!! (Re: سجيمان)
|
Quote: Quote: والله سؤال وجيه يا نادية ، بس خلينا اول النسمع شايفة الجماعة مركزين على الحنة !!
وبرضو لو معاها شوية دخان ..ما بطالة
انا شخصيا بشجع اللعبة الحلوة |
بدينا بالحنة ووصلنا الدخان
ياربي الجاي يكون شنو
يا سي جي
انتا داير تصل لي شنو؟؟؟؟؟؟
يا ربي دا يكون من شنو!!!!!!!!!
| |
|
|
|
|
|
|
|
|
|
Re: الراجل يدخل البوست ده !!!! (Re: Tabaldina)
|
سلام... وتحية...
اولا...
انا دخلت عشان اشوف الرجال الـ دخلوا قبلي!!! كام راخل
ثانيا...
اكثر الرجال... وبالتأكيد(السيدات الاوائل ) في النظم الحاكمة... وبعض السيدات .... يعرفون جيدا ان مقاليد الحكم بايدي ( الستات ) 0
والأفضل لكل (عاقلة) ان تعمل في ايصال زوجها الى ما هي تربوا اليه لتكون (هي) المعنية بمقولة وراء كل عظيم .. (سيدة)..
وتاملي.. في المقدمة .. سلام... وتحية..
على وزن (الحياة عقيدة وجهاد) ..
وأخيرا...
بهذه الاضافة والدخول الى البوست.. اثبت رجولتي .
| |
|
|
|
|
|
|
|
|
|
Re: الراجل يدخل البوست ده !!!! (Re: welyab)
|
نعم بدون تردد
العنصرية بغيضة ومرفوضة
وقد اقترحت ان تكون الهيئة القيادية للحزب الاتحادي الديمقراطي
في شكل جديد .. اتحادي ديمقراطي جديد
وان تتكون من :
ممثل لكافة اقاليم السودان ( مفتوحة المنافسة للجميع)
ممثل للمراة
ممثل خاص للشباب والطلاب
ممثل للمعاقين
كنت احلم ان تكون قيادة حزبي من اتناء الجنوب
وقد رشحت استاذة جامعية من جنوب السودان
وكنت احلم بتمثيل المعاقين
ولكنني سوف اواصل المسيرة والنضال
حتي اري الحلم واقعا
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
العزيزة نادية عثمان مختار لك من الود أجمله ...
و ... معاي ومعاي ... مصوبر بي لقاك والشوق ...
عساك بالخير ...
يا ستي ما عندك مشكلة لو عايزة تترشحي ... وأنا علي الحملة الإعلامية تبعك ... شو رايك ؟؟؟؟
صحي ستقوم الدنيا ولن تقعد ...
ــــــــــ
قبل فترة حضرت فيلماً أمريكياً لا أذكر إسمه الآن (الكبر دخل) تدور أحداثه حول صراع على منصب نائب الرئيس الأمريكي وكانت المرشحة إمرأة ... حوربت بعنف حتى لا تكون نائبة للرئيس وفي النهاية تنازلت للأسف ...
ـــــــــــــ
نحن معاك ...
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
حكمت مارغريت تاتشر بريطانيا عدداً من السنين بيد من حديد؟ كنت آراها تمشي مرفوعة الرأس شامخة بأنفها ومن حولها الحكام العرب أو غيرهم من رؤساء الدول أو الملوك أو السلاطين في ما يسمونه العالم الثالث، كانوا يسيرون خلفها منكسي الرؤوس أو بظهور محنية، أو بأنوف منكسرة، مستسلمين لقراراتها الاستعمارية الانكليزية.
ولماذا نذهب بعيداً الى ثاتشر، فها هي السيدة الأميركية كوندوليزا رايس تفعل ما فعلته ثاتشر وأكثر، وما فعلته مادلين أولبرايت، وما فعلته غولدا مائير، وما فعلته السيدة هيلاري كلينتون، وكانت زوجة رئيس الولايات المتحدة فقط، ولم تكن رئيسة الدولة.
وفي البلاد الإسلامية حكمت النساء في دول متعددة منها أندونيسيا والباكستان والفيليبين وبنغلاديش وسريلانكا وغيرها.
وفي بلادنا العربية تتمتع النساء من زوجات الرؤساء أو الملوك أو الأمراء بسلطات كبيرة، تتساوى أحياناً مع سلطات الرئيس أو الملك أو الأميرهذا نشهده كل يوم، يرفضون رفضاً قاطعاً تولي المرأة منصب رئيس الدولة، لماذا أيها السادة؟ يقولون: بسبب طبيعتها الفيزيولوجية وما تعانيه طوال فترة الحيض.
الحيض؟!
يا إلهي! هل منع الحيض مارغريت ثاتشر من عملها الرئاسي؟ هل يمنع الحيض عمل المرأة مثل الرجل من الشروق الى الغروب؟ هل منع الحيض الشابات الرياضيات في المسابقات الاولمبية من اللعب ومنافسة الرجال؟
من قال إن الحيض مرض يعطل المرأة عن العمل؟ بل إن الحمل والولادة نفسها لا تعطل النساء العاملات في الحقول والمصانع والمكاتب والسفارات العربية والاجنبية!
لا شك في أن كلمة «الحيض» تبدو شاذة بل مضحكة، حين تخرج من أفواه هؤلاء الرجال، خصوصاً أن غالبية النساء العاملات في حقل السياسة أو الانتخابات الرئاسية أو غير الرئاسية تجاوزن الخمسين عاماً من العمر، حيث لا حيض ولا يحزنون.
أما المضحك، أو الأكثر إضحاكاً، ألا تختلي بالرجل!
يا إلهي! كيف تصبح المرأة رئيسة للدولة ولا تختلي بالرجل؟! هل تتعامل مع النساء فقط؟ ألا يمكنها وهي رئيسة دولة أن تجلس مع رئيس الوزراء او مع مسؤول آخر تناقشه في أمر من الأمور؟!
شيء مضحك فعلاً.
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
دخلت البوست بعد أن توكلت على الله وتوكأت على عكازي المضبب متككاً سرواي الطويل مشنقاً طاقيتي ، وسبب دخولي ليس إثبات الثابت أو نفي النفي عملاً بالمثل القائل الفي بطنو حرقص بلاهو برقص ، وفي راوية أخرى بغني وبيرقص وهي أكثر خطورة وتدويلاً من الأولى ، فأن تكون راقصاً شئ وأن تكون راقصاً ومغنياً شئ تاني خالص.
الحكم في بلادنا لا ضير في أن تسودنا وتحكمنا وتسوسنا أمرأة و أن تكون حكومتنا كلها من الشريان إلى الشريان نسائية بشرط أن يكن نساء حسان جميلات فاتنات حتى إذا ما أخطأوا وفشلوا هنا أو هناك نجد لهم العذر من منطق حبيبك تأكل ليهو الظلط ، وأيضاً السمح سمح كان قام من النوم.
| |
|
|
|
|
|
|
|
|
|
Re: الراجل يدخل البوست ده !!!! (Re: almulaomar)
|
العزيزه نادية
المرة دي عاد لو بقت مرة صحي صحي بي حنتها ودخانها وراسها مليان تب ما عندنا مانع فقوها لكن لو بقت مرة مجندرة وراسها قرعة وما بنفرزها من اخيها عاد تب ما نسويها فوق راسنا في شان ما تخرب حريمنا
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
| Quote: اذا رشحت اى سودانية كاملة الاهلية نفسها فى الانتخابات القادمة عقب الثلاث سنوات الانتقاليةهل ستنتخبها رئيسا للبلد ؟!!! |
| Quote: وهنا تبدو للدين قضية! |
غايتو يا نادية أنا ما عارف لكن جني جاب المفيد .. وكلامو براهو حا يبقى محور للنقاش .. وانا برضو بقول للدين قضية .. كان ما الحديث كان زمان رشحتك بدون تردد
| |
|
|
|
|
|
|
|
|
|
Re: الراجل يدخل البوست ده !!!! (Re: نزار باشري ابراهيم)
|
نادية مساء الخير
انا دخلت
رايك شنو؟
وبعدين ان تتولى امراة منصب قيادى دى مش القضية
المهم هى قدراتها شنو؟
وثقتها فى نفسها بعد الله سبحانه وتعالى قدر شنو؟
وحتقرد تستحمل سفاهة السفهاء قدر شنو؟!
لاحظت فى نساء الاقاليم قوة الارادة
وهن فعلا فى نظرى زى (البرغى) ولا (الصامولة) البتساعد العجلة تدور فى السودان
لكين عشان قلة التعليم
وعشان ما عندهن وكتك للاضوء
مافى زول جايب خبرهن...
المهم انا برشح المرأة السودانية المجهولة..
القادرة على تحريك الحياة فى صمت
الى حين رحيلها.
وديل كتار يا نادية..
فتك بى عافية..
بالمناسبة ابوكى كيف هسع؟
سلام
نور بت تاور
| |
|
|
|
|
|
|
|
|
|
Re: الراجل يدخل البوست ده !!!! (Re: nour tawir)
|
نور بت عمى تاور الغالية
Quote: المهم انا برشح المرأة السودانية المجهولة..
القادرة على تحريك الحياة فى صمت
الى حين رحيلها. |
بدون ادنى مجاملة يانور انتى واحدة من النساء اذا رشحت نفسها فساكون اول من اعطيها صوتى لانك امراة قائدة بحق .. ومؤهلة لمنصب الرئيس..
| Quote: وديل كتار يا نادية.. |
وانتى واحدة منهم ياصديقتى الصبورة
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
Dear Nadia,
Thanks for arousing such a vital issue. Another post was discussing "Would you elect Dr. Garang if he runs for presidency?". I think both posts share an akin political and social core. Women and southerners suffer from political and social economic discrimination in Sudan. Before electing a southerner or woman for presidency other provisions must be made to accommodate for those progressive changes:
1- The constitution should not have any statement that prevent some citizens from being the president. i.e, the statement talking about the president of Sudan should be a muslim should be deleted if it ever existed.
2- Most of the current magistrate laws degrade women and give the prefernce to men such as in "Merath" and polygamy. Those laws must be canceled while keeping the core of religoin in the magistrate issues.
3- Lots of work should be exerted to modify the educational syllabuses at schools to account for tolerence, respect and diversification.
4- Despite many western countries have those laws in effect since relatively long times, but very few of them managed to have a minority or female leader. This should not deter us from understanding that the issue is a matter of time and evolution. The staus after severla decades will definately be in their favour.
Accept my deep respects.
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
ناديه يا .......سمحه وقمحيه
سلام وشوقيات جد كثر .... فى كل التيلفونات غير متوفره ....
كنا قاب قوسين او ادنى من زياره العم عثمان مختار ( عثمان البشرى مطر
محمد عكاشه قاسم وايضا زولا رابع ) ولكن عدم وجودك نهار الخميس هو ....
نقدر نقول السبب ....
عامه لو اترشحت زوله غبشاء او ست شاى او تشكيليه حاصوت ليها ... ولكن اى زوله
عندها عربيه او عندهم عماره فمعليش ما حاديها صوتى نهائى لانى بكره العربات والعمارات والمصانع والشركات وبحب الناس الغبش فقط
| |
|
|
|
|
|
|
|
|
|
Re: الراجل يدخل البوست ده !!!! (Re: قاسم المهداوى)
|
لكن ياندويا .. أي جزء من السودان ستترشح حواء القادمه بعد إنفاذ إعادة توزيع خارطة الشرق الأوسط الجديدة .. فهناك عدة سيناريوهات لتجزئة السودان .. لكن أهم سيناريو أتوقعه هو :
دولة الجنوب التي ستضم إلي شرق إفريقيا في إتحاد كونفدرالي
دولة دارفور الجدية صاحبة الموارد الواعدة .. وستكون وسيلة ضغط لليبيا الصغيرة جدا
دولة القرن الأفريقي .. حيث إقليم البجه وأرتيريا والصومال وجيبوتي
ثم الشمال العربي المسلم وتوحده المتوقع مع مصر الشقيقة
السؤال هو :
في أي دويلة تتوقعين ترشيح المرأة
تحياتي
| |
|
|
|
|
|
|
|
|
|
Re: الراجل يدخل البوست ده !!!! (Re: waleedi399)
|
سيناريو اول : فرفشه
انت ما تقولي عدييييل كده انك عايزة تترشحي بعد التلاته سنين
والله انا عن نفسي كان ممكن اديك صوتي
بس المشكله اني زاااتي حارشح روحي ..اها في الحاله دي
حاديك صوتي بس انت كمان تتديني صوتك
وما بنختلف...
سيناريو تاني : شوية جد
في البدايه وقبال ما ايدأ اتفلسف حاديك اجابه مباشره
اشان ماف زول يقول بلف وادور، والإجابه هي لأ ما كنت حاديك صوتي
او لاي امراة اخرى
اما السبب فهو كالآتي:
انا مقتنع قناعه كامله انو المراه عموما والمراه السودانيه خصوصا
لها القدرة على اداره دوله مثل السودان بكل تعقيداته السياسيه والجغرافيه
والعرقيه والدينيه..، لكن ليس بكل تعقيداته الاجتماعيه ..!!
ليست المشكله في وجود امراة سودانيه مؤهله ( ولا اقول ذات اهليه)،
فالسودان افرز الكثيرات من النساء اللاتي كن على قدر المسؤوليه
والقدره لادارة مؤسسات عجز الرجال عن ادارتها
المشكله في وجود الرجل القادر على تقبل وجود امرأة في سدة الحكم
وفي وجود الرجل القادر علي القيام بدوره ومسانده هذه المرأة بدلا من السعي
لوضع العراقيل امامها لاثبات فشلها المحتم ، وترسيخ دوره التاريخي كقائد ومسير للمرأه
(وتجربه تقبل الشمالي لوجود نائب رئيس من جنوب السودان ثم رئيسا عقب ثلاث سنوات
خير دليل على عقليه عنصريه تحتاج سنين طويله لتغييرها)
حقيقه لو نجحت امراة في الوصول للسلطه فلن تتمكن من القيام بعملها على اكمل وجه
لا لنقص فيها بل لانعدام تجاوب ومساندة الرجل لها
ما نحتاجه هو بدايه صحيحه لتوعيه شامله في مجتمعاتنا،في البيت والشارع والمؤسسات وانتهاءا بالسلطه،لتغيير نفسية الرجل تجاه تولي امرأة للمسؤوليه(ولا اقول السلطه)
سيناريو ثالث: فرفشه تاااااني..!!:
ممكن اديك صوتي بس بالمقابل تديني كم توكيل علي كم مليون
علي كم ( شنطه ) وزاريه لي ولي اقربائي..
قلتي شنوووو..؟!!
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
اذا رشحت اى سودانية كاملة الاهلية نفسها فى الانتخابات القادمة عقب الثلاث سنوات الانتقاليةهل ستنتخبها رئيسا للبلد ؟!!!
انا غايتو ما حصل رميت ورقة فى صندوق انتخابات .... نهائى ... كلو... كلو
والله جد ...
لكن فى دى ممكن اشوف الوضع كيف ... لكن لو جات بانقلاب تكون وهمة جديدة وشديدة ...
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
إذا سألتني أقول لك : ثقتي بنساء السودان أكبر من ثقتي برجالها . .
بالطبع هذا على العموم .. ولا أنكر دور الرجال الأفذاذ الذين أعطوا السودان الكثير
ولكن إذا كانت الأمور تقاس بنتائجها فالنتيجة التي أوصلنا إليها حكم الرجال كما ترين وأرى : واقع الحال الذي لا يسر عدوا ولا صديقا
ولكن أليست المرأة السودانية أيضا مسئولة عن هؤلاء الرجال . .
| |
|
|
|
|
|
|
|
|
|
Re: الراجل يدخل البوست ده !!!! (Re: محمد المبارك ابراهيم)
|
الأخت الأستاذة نادية عثمان
سلام من الخرطوم ليصلك بالقاهرة
حقيقة سأكون أكثر جدية في هذه المداخلة
لا أعتقد أن المرأة سيكتب لها النجاح إن هي خاضت الإنتخابات الرئاسية القادمة .. وذلك لعدة أسباب نذكر منها:
- لازالت ثقافة المرأة في هذا المجال القيادي بالذات تتمترس حول أن الشأن السياسي بصفة عامة هو كلام رجال وليس نساء
- لازالت المرة بالسودان تضع نفهسا في موضع الدونية ، أي أنها دون أن تشعر ومهما أوتيت من علم ومعرفية ، تعتقد إعتقادا جازما بأن الرجل هو حاميها في كل شيء - دعك عن مسألة إدارة بلد بحالها
- قد يكون دور المرأة التي ترتضيه دوما هو المشاركة والإسهام في منظمات المجتمع المدني من نقابات وهيئات وإتحادات .. وإلي حد ما أحزاب
- من تراث السودانيين أن المرأة غير مبادرة دوما- أي غير مقتحمة- في مجال العمل العام ، ويادوبك نضجت إقتحامات السيدة فاطمة أحمد إبراهيم في مجال الإتحاد النسائي السوداني ، بل فازت بدوائر الخريجين في إنتخابات عام 1965م عقب ثورة أكتوبر الشعبية ، إلا أن إنقلاب مايو قد عطل العمل النسائي الديمقراطي لمدة 15 عاما متواصلة .. ثم ذاب العمل النسائي المستقل وذهب مع الريح بسبب ضغوطات عهد الإنقاذ، وبالتالي لم تتوارث النساء الخبرات في هذا المجال .
- تعودت المرأة السودانية دوما أن يتم إختيارها بواسطة الرجال - أحزابا كانوا أم أوضاع شمولية - لكي تمثل المرأة في وزارة - غالبا الرعاية الإجتماعية- والتي تفشل فيها تماماً ، حيث لم نر لها حلولا لمشاكل المرأة المحتاجة وقضاياها الملحة ، سواء من الوزيرة سامية أم من رفيقتها في عهد مايو الدكتورة فاطمة عبدالمحمود
- إن ترشحت المراة لإنتخابات الرئاسة القادمة فإن معظم أصوات النساء ستذهب للرجل المرشح ، وتلك قضية أخري طويلة الشرح ولها مسبباتها السيكلوجية والسيسيولوجية والبيولجية أكثر من أي شيء آخر.
لكل تلك الأسباب مجتمعة فإن حظ المرأة في الفوز بالرئاسة يحتاج لتوفر ظروف موضوعية معينة ، لا أعتقد توفرها في الزمان القريب القادم .. بل ربما يحدث ذلك بعد عشرات السنين.
كل أملي أن لايؤخذ كلامي هذا وكأنه تهميش أو إستخفاف بعدم قدرات المراة في أي مجال ، بل هي مسببات موضوعية نرغب في تدارسها جيدا بماسردناه سابقا هنا ، وليس لأي سبب آخر، علما بأن المراة السودانية لو إنزاحت كل المعوقات المذكورة آنفا من طريقها .. ستحقق المستحيل
تحياتي
أبوالباشا- الخرطوم بحري
| |
|
|
|
|
|
|
|
|
|
Re: الراجل يدخل البوست ده !!!! (Re: Abulbasha)
|
والله يا نادية خميتينا ساكت بالبوست ده..!
غايتو لو مرتي دايرة تترشح ما عندي مانع.. بشرط ان تتنازل لي عن كل ايرادات الصناديق الشهرية التي تهتبلها مني كي تضمن صوتي في صندوق الانتخابات..
بعدين يا نادية مش المرا بتساوي نص راجل؟
طيب ليه يكون صوتا واحد صحيح؟
انا بعرف جنس رجال صوتم يساوي واحد في المية من النص الصحيح.
| |
|
|
|
|
|
|
|
|
|
Re: الراجل يدخل البوست ده !!!! (Re: Abulbasha)
|
الاخت العزيزة نادية
لك التحية
التجارب اثبتت ان النساء السودانيات ناجحات في امور القيادة
قديما و حديثا و قد اور عالم الاثار د. صلاح .... نحوا من مائة امراة حكمن
السودان قديما مثل شخيتو و غيرها في كتابه القيم الممتع نساء حكمن السودان
ارجو منك اقتنائه
و هولاء النساء كما اورد التاريخ كن ناجحات جدا و اثارهن موجود حتي الان في مناطق البجراوية و البركل و غيرها من مناطق الممالك النوبية القديمة
و مما سبق في البوست يتضح انهن حبوباتك لذلك انت مؤهلة تاريخيا لتكوني
رئيسة للسودان و ما حدث في هذا البوست يوضح بان لك شعبية مما يعني ايضا انك مؤهلة انيا ......
بس الشغلانة دايرة شوية فلنكوت ( ارجو ان يشرح ذلك الاخوان خاصة ناذر و الملك)
و بعدين لو عاوزة مدير مكتب او رئيس الحملة الانتخابية ........
نحن قادين و جاهزين..........والي
| |
|
|
|
|
|
|
|
|
|
Re: الراجل يدخل البوست ده !!!! (Re: محمد المبارك ابراهيم)
|
الاكرم محمد المبارك ابراهيم
مرورك الجذاب اسعدنى جدا
ومداخلتك الثرة محل افادة وترحيب لان اهم مايميزها الموضوعية ..
Quote: أول مرة أمر على بوست يخصك .. لكن ما أظن الواحد ح يفارق بوستاتك تانى ..
موضوعية من ناحية ... وجاذبية من التانية ...
أها.. انشاء الله الرجالة تطير .. |
واتمنى ان يدوم بيننا التواصل عبر هذا المنبر الوطن .. وانشاء الله الرجالة ماتطير يارجلا نبيلا جميلا اسلوبه ..
| |
|
|
|
|
|
|
|
|
 Re: الراجل يدخل البوست ده !!!! (Re: نادية عثمان)
|
كتب داوود ادم
Quote: وفي البلاد الإسلامية حكمت النساء في دول متعددة منها أندونيسيا والباكستان والفيليبين وبنغلاديش وسريلانكا وغيرها.
وفي بلادنا العربية تتمتع النساء من زوجات الرؤساء أو الملوك أو الأمراء بسلطات كبيرة، تتساوى أحياناً مع سلطات الرئيس أو الملك أو الأميرهذا نشهده كل يوم، يرفضون رفضاً قاطعاً تولي المرأة منصب رئيس الدولة، لماذا أيها السادة؟ يقولون: بسبب طبيعتها الفيزيولوجية وما تعانيه طوال فترة الحيض.
الحيض؟!
يا إلهي! هل منع الحيض مارغريت ثاتشر من عملها الرئاسي؟ هل يمنع الحيض عمل المرأة مثل الرجل من الشروق الى الغروب؟ هل منع الحيض الشابات الرياضيات في المسابقات الاولمبية من اللعب ومنافسة الرجال؟
من قال إن الحيض مرض يعطل المرأة عن العمل؟ بل إن الحمل والولادة نفسها لا تعطل النساء العاملات في الحقول والمصانع والمكاتب والسفارات العربية والاجنبية!
لا شك في أن كلمة «الحيض» تبدو شاذة بل مضحكة، حين تخرج من أفواه هؤلاء الرجال، خصوصاً أن غالبية النساء العاملات في حقل السياسة أو الانتخابات الرئاسية أو غير الرئاسية تجاوزن الخمسين عاماً من العمر، حيث لا حيض ولا يحزنون.
|
قال تعالى : ( يسئلونك عن المحيض قل هو أزى فأعتزلوا النساء ) صدق الله العظيم
المرأة فى فترة الحيض لا تصلى ولا تقضى ما فاتها من صلاة
اما فى الصيام فإن اتى اليها الدم وهي صائمة فلا تصوم بل تقضى ما فاتها من صوم
هذا وذاك يجعل للمرأة خصوصية فى العباداد اذا اتى لها ذا الدم بل والشريعة قد منعتها من تأدية بعض العبادات وهي حائض فما بالك بمشاكل الدولة والرعية وغيرها
والله ورسوله اعلم
| |
|
|
|
|
|
|
|
|
|
Re: الراجل يدخل البوست ده !!!! (Re: المكاشفي الخضر الطاهر)
|
الاكرم المكاشفى الخضر الطاهر
| Quote: هذا وذاك يجعل للمرأة خصوصية فى العباداد اذا اتى لها ذا الدم بل والشريعة قد منعتها من تأدية بعض العبادات وهي حائض فما بالك بمشاكل الدولة والرعية وغيرها |
غريبة !!!
والعلاقة شنو هسة ؟!!
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
بالتأكيد أنها الخطوة في المليون ميل هذا البوست .. نحيا ونشوف بعد ثلاث سنوات والترشيح متاح للجميع .. لا مقطوع ولا ممنوع .. بالإرادة الجماعية من خلال مساهمات كل فرد .. ليعلو صوت الوطن الواحد .. الحن مو الطارد .. كان د. قرنق موفقاً وهو يردد مش من يحكم السودان؟ .. كيف يحكم السودان؟ فظلم الحكم ياهو الظلم .. كان من راجل والله إمرأة .. وحميد يقول في السرة بت عوض الكريم:
ظلم الحكم ياهو الظلم .. كان من جوامع كان كنيس
وإذا كانت مواقف الناس في الواقع زي كلامن في البوست دا .. معناها نستعد فالحرية التي تفيض حتى تروي ظمأ السنين قادمة قادمة ..
محمد عبدالجليل
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
الكريمة نادية
ايوا عليك نور
طيب الكلام دا كلو مناتا المرأة لايمكن بأي حال من الأحوال ان تدير دولة لأنه يكون فى فترة من الفترات الدولة تحتاجها حوجة حساسة جدا بينما تكون هي فى اجازة صحية
وانا كنت فى يوم من الايام رئيس لبعض الاخوات فى العمل عندما يكون لها يوم صحي اتبرجل برجلة شديدة فى تسير المهام الاشرافية والتكليفات من الادارة
وأظن ان المعنى قد اتضح
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
مابينفع نجاوب على السؤال
| Quote: اذا رشحت اى سودانية كاملة الاهلية نفسها فى الانتخابات القادمة عقب الثلاث سنوات الانتقاليةهل ستنتخبها رئيسا للبلد ؟!!! |
كدي في الأول تترشح لرئاسة حزب بعدين حنصوت ليها لرئاسة البلد
| |
|
|
|
|
|
|
|
|
|
Re: الراجل يدخل البوست ده !!!! (Re: نادية عثمان)
|
الاستاذة والشاعرة المجيدة نادية
سلام كتير من ارض الكنانة التى حللت بها الاسبوع الماضى فى زيارة عمل قصيرة واعود غدا الى واشنطون. كويس حضرنا انتخابات مصر وان شاء الله نحضر انتخابك وانتخاب المرأة السودانية لتعود الكنداكات لحكم السودان من جديد.. كفاية هم وغم من عصلجة الرجال الفارغين..
الاخ محمد حامد الانصارى يبعث بتحياته اليك وتلفونه 0101996666 وكلانا نقيم الآن فى فندق سياج الهرم تلفون 3853005 او 3860112 توصيلة 325 (انا) ومحمد الانصارى فى 434.
ارجو من الاخوة مساعدتى فى توصيل نفس الرسالة للآخ عمر وبورداب ليبيا واخطاره بان محمد الانصارى وبعض ضيوفه سيشرفونهم فى ليبيا خلال الفترة من 11 الى 15 سبتمبر الحالى.
نسمع منك والاعتذار للآحباب على استعمال المنبر فى رسالة خاصة.
نورالدين منان
| |
|
|
|
|
|
|
|
|
|
Re: الراجل يدخل البوست ده !!!! (Re: Mannan)
|
الاستاذة نادية عثمان
يبدو ان العالم في خطوات جاده نحو اللطافة واصبح اللطف يتمثل في اشياء كثيرة حتي في الحرب ,واللطف سمة من سمات الانثي والانثي ضوء ونحن ما ذلنا في اول ساعات الليل؟فلم لا تزور اشعة ضؤ الانثي حكوماتنا المظلمة وقد عرفنا الانثي مديرا جيدا في المنزل والتربية بالاضافة انها اصبحت اكثر تسلحا بالعلم والمعرفة مما ذاد من قيمتها واثرها في إثراء الحياة بكل الوانها المختلفة .هنالك حكومات تدار بواسطة نساء لكن من خلف الكواليس ,
هنالك فرق ما بين الرجل والضكر ,فكلمة الرجولة تؤؤل الي المواقف الصامدة والانسانية الجريئة(تفسير تاريخي فقط) ولذلك هنالك كم هائل من الذكور (الضكور ) وقليل من الرجال كما ان هنالك نساء رجال بمواقفهن .
إنه صوتي أنا
(صوتو الي المرشحة مهيرة)
نحو حكومة ديقراطية تفضح وتعري كل الضكور ذوو المواقف المهزومة والضعيفة
| |
|
|
|
|
|
|
|
|
|
Re: الراجل يدخل البوست ده !!!! (Re: abraham deng)
|
الاخت العزيزة نادية
لك التحية
التجارب اثبتت ان النساء السودانيات ناجحات في امور القيادة
قديما و حديثا و قد اور عالم الاثار د. صلاح .... نحوا من مائة امراة حكمن
السودان قديما مثل شخيتو و غيرها في كتابه القيم الممتع نساء حكمن السودان
ارجو منك اقتنائه
و هولاء النساء كما اورد التاريخ كن ناجحات جدا و اثارهن موجود حتي الان في مناطق البجراوية و البركل و غيرها من مناطق الممالك النوبية القديمة
و مما سبق في البوست يتضح انهن حبوباتك لذلك انت مؤهلة تاريخيا لتكوني
رئيسة للسودان و ما حدث في هذا البوست يوضح بان لك شعبية مما يعني ايضا انك مؤهلة انيا ......
بس الشغلانة دايرة شوية فلنكوت ( ارجو ان يشرح ذلك الاخوان خاصة ناذر و الملك)
و بعدين لو عاوزة مدير مكتب او رئيس الحملة الانتخابية ........
نحن قادين و جاهزين..........والي
| |
|
|
|
|
|
|
|
|
|
Re: الراجل يدخل البوست ده !!!! (Re: Waly Eldin Elfakey)
|
العزيز والى الدين الفكى
Quote: و هولاء النساء كما اورد التاريخ كن ناجحات جدا و اثارهن موجود حتي الان في مناطق البجراوية و البركل و غيرها من مناطق الممالك النوبية القديمة
و مما سبق في البوست يتضح انهن حبوباتك لذلك انت مؤهلة تاريخيا لتكوني
رئيسة للسودان و ما حدث في هذا البوست يوضح بان لك شعبية مما يعني ايضا انك مؤهلة انيا ...... |
المرأة السودانية حفيدة مهيرة اثبتت نجاحها فى كل منصب وكل حقل عملت به وهى ليست اقل من ان تكون رئيسة للبلاد.. اى سودانية نوبية كانت او جنوبية او شرقاوية او نوباوية او من اى جهة فى البلد .. انت بس رشحها !!
Quote: بس الشغلانة دايرة شوية فلنكوت ( ارجو ان يشرح ذلك الاخوان خاصة ناذر و الملك)
و بعدين لو عاوزة مدير مكتب او رئيس الحملة الانتخابية ........
نحن قادين و جاهزين..........والي |
لا بديك وزارة الطاقة !!
فلنكوتوت دى يعنى شنو الملك ماورانى ؟!!
| |
|
|
|
|
|
|
|
|
|
Re: الراجل يدخل البوست ده !!!! (Re: abraham deng)
|
الاكرم ابراهام دينق
سعيدة جدا بمرورك الرائع الباهى
Quote: والله يا نادية بوستك ندخلها حتي لو كنا مطبلين للأعراس في القاهرة.
انت فكر. |
سلمت ايها النبيل ولك منى كل التقدير
وكن فى بوستاتى دوما فوجودك يبث الفرحة فى النفس ..
| |
|
|
|
|
|
|
| |
خضر عطا المنان
jini
merfi
Abureesh
سجيمان
Mamoun Ahmed
rani
salah elamin
خالد فضل
Al-Shaygi
المعتمد
Dr. Moiz Bakhiet
ودقاسم
ابو جهينة
Habib_bldo
عشة بت فاطنة
welyab
فخرالدين عوض حسن
عبد الله إبراهيم الطاهر
بلدى يا حبوب
Daoud Adam
7abib_alkul
waleedi399
نزار باشري ابراهيم
nour tawir
بدرالدين شنا
Ibrahim Malik
قاسم المهداوى
Abulbasha
محمد حامد جمعه
محمد المبارك ابراهيم
Waly Eldin Elfakey
Kostawi
Agab
المكاشفي الخضر الطاهر
Mohamed Abdelgaleel
Mannan
مجدي شبندر
معتصم دفع الله
فيس بوك
تويتر
انستقرام
يوتيوب
بنتيريست