|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الرجل السودانى هل يتكبر ..ام يستحى من أن يقول لمن يهفو لها قلبه ..أحبك ..أريدك ..أعشقك؟!!! (Re: نادية عثمان)
|
نادية الفراشة الجميلة..
بوستك جميل جدا.. وتاسرنى كلماتك الشاعرية..وقوة حجتك
انا اعتقد انو لان البيئة السودانية جافة ومتصحرة الناس برضو كدا
ما رومانسين.. الغريبة عقلية الرجل السودانى عقلية عملية..
ذى واحدة لو سألت زوجها انت اصلو ما بتقولى انك بتحبنى
يرد بكل مساخة: لو ما بحبك المقعدنى شنو هنا..ولسان حاله بيقول
اجابرنى على السجم دا شنو...
طبعا النساء الاحتياجات العاطفية حقتهم مختلفة من امرأة لاخرى
...واحدة بتحتاج انه الرجل ياكد انه بيحبها واحدة لا..
وكذلك الرجل السودانى ممكن فى اى صراع بين الحب والواجب
طوالى ينتصر الواجب ذى مسرحيات عصر النهضة...
مرة فى مسرحية المدرسة المختلطة فى حوار واحد قال للتانى: ابدا شوفتا سودانى عرس حبيبتو؟
على بساطة هذا الحوار دارت فى ذاكرتى عشرات القصص الفاشلة لصراع الواجب والحب
وينتصر الواجب الذى غالبا ما تكون رفض الاسرة او عايزنو يعرس فلانة..
عشان كدا كثيرا من الزيجات بتكون خالية من الحب,, عشان كدا الراجل ما بيكرر انه بيحب زوجته لانه اصلا بيفرق بين الحب والزواج...
اتمنى كلامى يكون مفهوم..
محبتى لك
| |
 
|
|
|
|
|
|
|
|
Re: الرجل السودانى هل يتكبر ..ام يستحى من أن يقول لمن يهفو لها قلبه ..أحبك ..أريدك ..أعشقك؟!!! (Re: bayan)
|
الغالية العزيزة د. بيان
خلينى اول حاجة اقول ليك حاجة :
انا والله بحبك
وبحترمك
وبتدهشنى كتاباتك الرائعة جدا
ثم والله انى سعيدة جدا بمرورك من على هذا البوست ياراقية
وقد قلتى :
مرة فى مسرحية المدرسة المختلطة فى حوار واحد قال للتانى: ابدا شوفتا سودانى عرس حبيبتو؟
على بساطة هذا الحوار دارت فى ذاكرتى عشرات القصص الفاشلة لصراع الواجب والحب
وينتصر الواجب الذى غالبا ما تكون رفض الاسرة او عايزنو يعرس فلانة..
عشان كدا كثيرا من الزيجات بتكون خالية من الحب,, عشان كدا الراجل ما بيكرر انه بيحب زوجته لانه اصلا بيفرق بين الحب والزواج...
اتمنى كلامى يكون مفهوم..
اولا كلامك مفهوم جدا يادكتورة
ووالله حكاية السودانية المابيتزوج حبيبتو دى ضحكتنى جدا ..واعلم انها صادقة وليس فى السودان فحسب ..!
لكن يادكتورة يعنى فى رايك الواقع ده ماممكن يتغير ؟
يعنى الرجل السودانى ..وكذلك المرأة السودانية ماممكن يجئ عليهم يوم يعتمدوا كلمة الحب بند اساسى فى اجندة حياتهم اليومية ..بشرط ان لاتكون مسيخة ومن اللسان فقط؟!!
ياخى والله انا ماعارفة لكن بحلم انو يجئ يوم الاقى البيت السودانى الزوجة والزوج والاخ والاخت والابنة والاب والام كلهم ينادوا بعضهم يالحبيب ويالحبيبة !!
ولا ده بكون مستحيل ياد. بيان ؟
| |
|
|
|
|
|
|
|
|
|
Re: الرجل السودانى هل يتكبر ..ام يستحى من أن يقول لمن يهفو لها قلبه ..أحبك ..أريدك ..أعشقك؟!!! (Re: نادية عثمان)
|
ابوى عثمان مختار
احبك يابا ..اطال الله وبارك لنا فى عمرك
امى الغالية ..احبك يمة وانت هناك تحت شجرة الاراك فى فراديس الرب ترقدين فى أمان!
اشقائى وشقيقاتى من محمد وحتى أمير ومن سامية وحتى صبوحة ..احبكم جدا
اصدقائى وصديقاتى الاوفياء الذين يعرفون مامعنى الصداقة بحق ..احبكم جدا فانتم اخوة لى لم تلدكم أمى !!
أهل هذا المنبر الوطن من امينه العام وحتى اخر مشترك احبكم ..واتمنى لكم ان تنعموا بمنحة الرب لعباده الاوفياء ..هذا الكائن اللامرئى المسمى (الحب)!!
| |
|
|
|
|
|
|
|
|
|
Re: الرجل السودانى هل يتكبر ..ام يستحى من أن يقول لمن يهفو لها قلبه ..أحبك ..أريدك ..أعشقك؟!!! (Re: نادية عثمان)
|
عن الأصمعي أنه قال, بينما كنت أسير في ألبادية اذ مررت بحجر منحوت عليه،
أيا معشر العشاق بالله خبروا اذا حل عشق بالفتي ماذا يصنع؟
فكتبت تحته،
يداري هواه ثم يكتم سره ويخشي من كل الأمور ويخضع؛
وفي اليوم الذي يليه وجت،
فكيف يداري هواه والهوي قاتل الفتي وفي كل يوم قلبه يتقطع
فكتبت تحته،
فان لم يجد بد لكتمان سره فليس له سوي الموت ينفعه
وفي اليوم الذي يليه وجدت شابا قد كتب بعد مماته،
سمعنا وأطعنا ثم متنا، فبلغوا سلامنا الي من كان بالوصل يمنع
هنيئا لارباب النعيم نعيمهم وبالعاشق المسكين ما يتجرع.
فقلت لا حول ولا قوة الابالله، وقمت بتغسيله ودفنته.
لك الود.
| |
|
|
|
|
|
|
| |
bayan
فيس بوك
تويتر
انستقرام
يوتيوب
بنتيريست