نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ركن الدوبيت السودانى (Re: nazar hussien)
|
الغالى نزار حسين
قلت:
Quote: جمال الحنة من لون سيدها بظهر و النقش الدقاق طاعما... مبهّر
الخلانا مشدوهين نتاوق وعينا تسهر سماحة الجن تقول ودّوها بعشر |
وهاك منى قول:
ياود الكرام انا والله بيك فخورة
لابتهتك عروض لابتفضح المستورة
بتداوى الجروح وتجبّر المكسورة
مكة بلد رسولنا تملّى تمشى تزورا ..
| |
|
|
|
|
|
|
Re: ركن الدوبيت السودانى (Re: أحمد الشايقي)
|
سـلام يا أحباب حقيقة عجبني قطع ودقاسم وغلبني أقاوم سجن سجن غرامة غرامة
الحبيب ودقاسم قطعك الأخضر فوق الخدر دا رجعني عشرين ربيع لوراء في دامر المجزوب
وضواحيها وحفلات دارجعل والتي تتخلل فواصلها رميات من الدوبيت
واذكر رمية أولها
الـ يـابا البنات حد الله بينا وبينه
ورمية ثانية آخرها
العلماء الدرسوا العلم قالوا الدين غيرن مابيتم
وفي الحقيقة الرمية الأولى دي كنا نمر عليها مرور الكرام حتى قسمتنا جابتنالبلاد العم
سام فوجدناها حكمة فياودقاسم في البلد دي الزول العازب وما عنده Girlfriendلاتقعد
جواره بعمتك المدورة وإلا نصيبة إنحدفت عليك
وعلى ذكر الدامر وحنته وحفلاته التي كان يحيها الفنانون الشعبيون بالدلوكة والشتم
وطبعا البطان والشبال بشره فكان هناك الفنان الحاج أبوشيبة وعثمان بشير وإن أنسى
لاأنسى علي عبدالماجد الولهان الذي كان يغني ودمعه يجري على الشتم وهو يغني أغنيته
الشهيرة التى يقول في بعض مقاطعها
في الليل الهجع جاني طيف حبيبي ونوم عينيي نجع
والله يازميل
أحسب في النجوم الغاب والطلع في عذاب شديد وإزداد الوجع
والله يازميل نيران الغرام زايدة في ولع في جوفي الآلام وجني عاد رجع
والله يازميل صبح الصباح والوكت طلع والعليي ظهر للناس إنطبع
لا حكيم لي فاد لا طبيب نفع طبي أنا في الخضار والغفير منع
والله يازميل
دي إن بسمت تقول البرق الشلع والضمير محزوز زي جدي القلع
زي جوز رمان صدرك إنطبع والشباب في الكون لحسنك خضع
والباقي نسيته
| |
|
|
|
|
|
|
Re: ركن الدوبيت السودانى (Re: نادية عثمان)
|
الغالية بت الأجواد الموت دا عاد ما في منه مفر بس الواحد لو عاش حتى أربى وضحة
وأعلمهاوأزوجها وشاف جناها وقالوا ماأحلى من الجنى إلا جنى الجنى ولكن أعوذ بالله من
أرذل العمر
| |
|
|
|
|
|
|
Re: ركن الدوبيت السودانى (Re: أحمد الشايقي)
|
الاكرم احمد الشايقى
قلت:
Quote: فـوق شوفتنـا ديـك
جيب آنزار دوبيت
أنضـم سبحتــه,
أرويه زين, بيت بيت
مـن زي (حنّـتــه)
ال (كيــف) مرقـد السوميت,
حـالاً جــاز علي,
حـال (ال تقولّـك), أبيــت |
تعال يانزار رد على احمد الشايقى الليلة مزاجو عالى وكلامو زى كل يوم سمح بالحيل والله
استمروا ياشباب فااروع ان نحرض بعضنا على الابداع..!
| |
|
|
|
|
|
|
Re: ركن الدوبيت السودانى (Re: نادية عثمان)
|
قالوا البت الفنجرية دنقلاوية القوام اهيف والعيون عسلية واللهيج باسم وحروفو ماسية والكلام في طبعو حب وشفافية الرقيق في طبعو بالدر مكسية بت الرجال حرم ماهي منسية وركنك يا نادية جميل مية بالمية ندوبي وينبح صوتنا صبح وعشية اخوك ود دنقلاوي وامو شايقية ومن جزيرة لبب واجدادو شريفية خناقي كارب وده طبع الخناقية والراس ما بحفى لازم عمة ولا طاقية
| |
|
|
|
|
|
|
Re: ركن الدوبيت السودانى (Re: ود الشيخ)
|
ود الشيخ الغالى
قلت:
Quote: قالوا البت الفنجرية دنقلاوية القوام اهيف والعيون عسلية واللهيج باسم وحروفو ماسية والكلام في طبعو حب وشفافية الرقيق في طبعو بالدر مكسية بت الرجال حرم ماهي منسية وركنك يا نادية جميل مية بالمية ندوبي وينبح صوتنا صبح وعشية اخوك ود دنقلاوي وامو شايقية ومن جزيرة لبب واجدادو شريفية خناقي كارب وده طبع الخناقية والراس ما بحفى لازم عمة ولا طاقية |
وهاك منى قول :
ود الشيخ حباب نخل الشمال العالى
يالاسد الجسور ماك السفيه متعالى
نظمك يالحنين بالحيل بيفرّح بالى
ساعة الجد تقيف مابتمشى وتقول مالى !!!
| |
|
|
|
|
|
|
Re: ركن الدوبيت السودانى (Re: نادية عثمان)
|
العزيزة نادية عثمان
الشاعــرة الأديبـة
الزينـة ضيّ البيت
الخايلـة الرزينـة
الضاويـة دون كبريـت
نسّـاجـة الحــروف
(رص) لا إبـار, لا خيــت
كــت ناكـر زمان
– في حضرتـك قـرّيــت
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: ود قاسم ربيت شابا وبعد الشيبة
شايفاك يالعوض فيك رجفة الحبّيبة !! |
نادية
ريدة البنات ما بتكبر عليها قلوب والريد ما جريمة عشان نسيبو نتوب الزول إن كبر ولبّسوهو التوب من تالاهو ديمة تهب عليّ هبوب
الشكر الجزيل لك أخي عبد الرحمن العجيل ...
| |
|
|
|
|
|
|
Re: ركن الدوبيت السودانى (Re: مجدي شبندر)
|
العزيز مجدى شبندر
Quote: جسمي انقسم وجروحو بانت بادية جابة الدكاترة إكشفو من الحضر والبادية بي المي الشديد شفت الخدود النادية شرد المرض مني حنب صيدلية نادية |
تبرى من المرض ياود بلادى الغالى
يالزول الجميل صاحب المقام العالى
جنا الامات اخوى الشوفتو تسعد بالى
حاشاك من غرور المفترى المتعالى
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: محمد صالح تود الهى ايكى سلميرو ياربينا ار سى هى شافة سكر كرى ؟!! |
ووو ناديه اسمان برو ارتي اكي سلميرن .. هال مندي? اي اون سكار كري ار اسل كري
يسأل منك الخير درة الشعبيه ليك مني السلام وألف ألف تحيه بجيكم صاد لي ونسه عصراويه وندوبي بي أروع لهجه نوبيه
| |
|
|
|
|
|
|
Re: ركن الدوبيت السودانى (Re: ودقاسم)
|
الغالى ود قاسم
Quote: ريدة البنات ما بتكبر عليها قلوب والريد ما جريمة عشان نسيبو نتوب الزول إن كبر ولبّسوهو التوب من تالاهو ديمة تهب عليّ هبوب |
وهاك منى قول
صدقت وليك بقول الحب حبيب الكل
الريدة الشديدة تقيك مرض السل
ود قاسم كلامك فيهو ريحة الفل
سلام يغشاك ارجع ياصديقنا وطل .!!
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: درب ادروب دوام ياوسلى فينا لهيب
اوشيك الجميل دبايوا زولى حبيب
الباب انفتح لو حتى جابلو دبيب
البكا والنواح تب مابكتل الديب !! |
يا ناديه الوطن ما ليهو اى مــــــــثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو المـــيل
| |
|
|
|
|
|
|
Re: ركن الدوبيت السودانى (Re: osly2)
|
Quote: محمد صالح تود
الهى ايكى سلميرو ياربينا
ار سى هى شافة سكر كرى |
يلا ندوبي بالرطانة....
كيرا مس كيسا سوكا مس كيسّي كيرا سوكّ اكا كونجا مس كيسّي
ار سي هي ايكي تود ماسّيه
تقول لي ايلامان قون هسي
وما تسعلوني من المعني....الكلام دا علي ما اعتقد فيه محسي ودنقلاوي وهدندوي....وعربي....
يا نادية بالمرة ما تدينا حصص رطانة....فانا عاشق للغات النوبية عموما....
| |
|
|
|
|
|
|
محمد ود مدوقه (Re: nazar hussien)
|
محمد ود مدوقه المن صغير تابي كانم سرو بي بطالي مو بتنبأ ربيع الفنجري فارقت عيل بالزيني بوم خبرا مهما جاني النوم غرز من عبني في دونكي الختيماي حصلت كعي مو ظرب صوت كتلت ود مدوقه وعقبت عطشاني إخوان فاطنه بركو وقبلو النيشاني وخلو الطير يحوم فوق الرمم شبعاني
| |
|
|
|
|
|
|
Re: محمد ود مدوقه (Re: Mohamed A. Salih)
|
عذرا يا زهرة نادية نفاج صغير لود العقيل اظنك من العكد.. موكدي..عشان الدلوكة والشتامة شفتهن حولين الدامر في الشعديناب والمسياب والفريع والبان جديد ..وفي اتبرا الفوق والبسلي عند التبارة وكمان اهلي الحنان العالياب والزيداب..حينما يحمي ايقاع الدلوكة وترتفع العصي فوق والعجاجة في السما..والسوط يقول وا غربتي.. تسلم اخوي وين ما تكون
وتسلم نادية ست الدارة الخلت قلوبنا عمارة بي ريده ..وحلات الشارة من دامرنا اصلها حنة فاز من دارة
| |
|
|
|
|
|
|
Re: محمد ود مدوقه (Re: انا بنت النيل)
|
بت النيل الغالية
Quote: وتسلم نادية ست الدارة الخلت قلوبنا عمارة بي ريده ..وحلات الشارة من دامرنا اصلها حنة فاز من دارة |
وهاك منى قول :
تسلمى ياحبيبة ومرى زى ماتريدى
البيت بيت ابوك يالطلتك يوم عيدى
عن قول الجمال حشاك مابتحيدى
ارقصى ياجميلة وزيدى نمك وعيدى
| |
|
|
|
|
|
|
Re: محمد ود مدوقه (Re: انا بنت النيل)
|
العزيزة بت العالياب العزاز بت النيل القومة ليك ولك العتبي حتى ترضي
على تأخير الرد.نعم ود عمك جعلي يحمدالله من الحديبة جنوب الدامر وطبعا
إنت عارفة وقع الدلوكة والشتم فينا زي وقع النحاس والجعلي الذي لا يتجاوب
معهن ماهو جعلي حر.
نحن الدامر كلما جاءت ذكرتها الواحد فينا يرجع وراء منذ سنون اللبن
وبالمناسبة لقد كان دفعتي من الدامر الثانوية وحتى الجامعة من العالياب
الأخوان محمد اليأس وأبراهيم العطا كنا زملاء دراسة لثمانية أعوام ولا أريد
أن أطيل ولكن طالما كنت تستمتعين بحفلات أهلك الجعليين هاك هذه الأغنية
لعلي بدالماجد والتي يقول فيها
أهله حموه المروق ........ ياناس الليلة غاب حتى الشروق
دا غاب وخلا الكون حزين.......أصله السماحة فراقها شين
الصابني منه منير الجبين........ يعلم بو الله رب العالمين
............ ياناس الليلة غاب حتى الشروق
مابننسى حبك لو في الظنون......نمشي لو محل ما يكون
داير أسمع النغم الحنون.....وأعرف كلامك بالعيون
........ياناس الليلة غاب حتى الشروق
دا أمانة ما ضايقيين لو ضيق.....لشوفته رابطين الطريق
لأنه نوارة الفريق..........الـ تحرق العالم حريق
......ياناس الليلة غاب حتى الشروق
دا الـ بق زي نور الصباح......ليه يكون مكتوم السراح
الـ شفنا مرة وتاني راح....أروحنا رايحة مع الرياح
ياناس الليلة غاب حتى الشروق
وطبعا الإيقاع يمثل الجانب الأهم
| |
|
|
|
|
|
|
Re: ركن الدوبيت السودانى (Re: nazar hussien)
|
نزار حسين الغالى
Quote: كيرا مس كيسا سوكا مس كيسّي كيرا سوكّ اكا كونجا مس كيسّي
ار سي هي ايكي تود ماسّيه
تقول لي ايلامان قون هسي
وما تسعلوني من المعني....الكلام دا علي ما اعتقد فيه محسي ودنقلاوي |
وهدندوي....وعربي....
الرسول فوقك تترجم لى الدوبيت عشان اقطع ليك واحد زيو ..!
| |
|
|
|
|
|
|
Re: ركن الدوبيت السودانى (Re: osly2)
|
Quote: يا ناديه الوطن ما ليهو اى مثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو الميل |
ديل خلو الوطن ينزف جريح وعليل نهبو البلد ووقعو في الخصوم تنكيل بي اسم الجهاد خلو الامهات في عويل سواتهم لا شفنا في القرآن ولا الانجيل
| |
|
|
|
|
|
|
Re: ركن الدوبيت السودانى (Re: osly2)
|
اوسلى الغالى
Quote: يا ناديه الوطن ما ليهو اى مــــــــثيل بس حكم القدر حكموهو ناس زى ديل ناس ادروب اسود حارسين جبل توتيل وباقى الناس اكيد باكر بعدلو المـــيل |
وهاك قولى :
يااوسلى الوطن ولد السماحو عديل
محروس بالآله نائم فى حضن النيل
اوشيك العزيز زول وطنى جد ونبيل
حاشاه مو عميل لازول اضينة عويل !!
| |
|
|
|
|
|
|
Re: ركن الدوبيت السودانى (Re: نادية عثمان)
|
آآنزار إن قلـت:- احجبا من عيون الناس وكاتل في البتاوق والبعاين والبناتل
سماحة الخلقة خلت قلبي حاتل يفج في ضلوعي بين مكتول وكاتل
كدي شــوف دي,
طـلاب غـيّــهــن,
حظّـي المعـتــر حاتل
كل ما عشـقـت زيــن
عرضن عليّ تلاتـل
فرع (الحـنّـه) مشكـار ال (زّرع) والشـاتـل
مـال زي بان وفــاق
بي عوده فتـل الفاتـل
وتحياتي
| |
|
|
|
|
|
|
Re: ركن الدوبيت السودانى (Re: نادية عثمان)
|
يا نادية اختي والله انا زاتي ما عارف معناه...
كلام لقطتو لقيط....الجزء الاول محسي وهو جزء من اغنية سمرة البغنيها وردي ومن بعده ساورا...والتاني دنقلاوي سمعته من صديقة ايام الجامعة سنة عشرين والتالت هدندوي سمعته من جدي سنة سته... ومعناه
امشي هسي العرب صاحين
اخوي احمد انت قلت كلام جنب خلاص...دا ما بنقدر نجاريه الا نتفرج ساكت كدي شوف كلامك دا تاني.... طـلاب غـيّــهــن,حظّـي المعـتــر حاتل
كل ما عشـقـت زيــن عرضن عليّ تلاتـل
فرع (الحـنّـه) مشكـار ال (زّرع) والشـاتـل
مـال زي بان وفــاق بي عوده فتـل الفاتـل
اها نفتل معاك
شخلوبا يميل بي سبيطو تالا الساحل ادعش نفسي بي مسك اب كريق الواحل
كل ما اقول اتوب شوق عشقو يصبح راحل فارم كبدتي وفات القلب بي مراحل
| |
|
|
|
|
|
|
Re: ركن الدوبيت السودانى (Re: نادية عثمان)
|
العزيزة نادية عثمان , وكانت نمّـتك
أحمد ياأخوى فى الغربة اتهديت
بنسج فى المواجع تعلا بيت فوق بيت
للشينة القبيحة انا ياما اتحديت
وفى المنبر لقيتكم ياملوك دوبيت !!
وبالمنى الطيب هاكم نمّــوا معاي:
تبراكي المواجـــع
ديمــة رايقـة بال
ماهـل حالك, يقدل
بالسـّمـح والفــال
ضــي وجهـك يفوق
شلع البروق في النّـال
يشتاق لك دعـاش,
الدُكّــن, البــلال
وتحياتي
| |
|
|
|
|
|
|
Re: ركن الدوبيت السودانى (Re: نادية عثمان)
|
اللونية دي ما شايفها !
الليلة الصعيد جاب ريحة الفريك و اللوبة طرّانا الأهل والجبنة في الراكوبة كان ما ود البشير والليد بقت مغصوبة كان زرت البلد وقلبت فيهو الهوبة **************** عند قومة الفجر هبت علي نسمات من غرب الجزيرة وترعة التومات جفّفها البشير شتت عربها شتات ضيع قوت بلادنا وسواهو تلفونات ****************** يا العركي العزيز عبد الله ود الريح ود قاسم بعيد في غربة نادى وصيّح شوف ود البشيرعشعش فسادو وفوّح شوفولنا البديل كان حكمو يمشي يروح ********** شوف ود البشير الليلة جاب بترول غنولو وعرض ، بي شعبو مو مشغول هلل بالكضب ، حرّم علينا القول وتركيع العباد في حكمو ليه أصول
| |
|
|
|
|
|
|
Re: ركن الدوبيت السودانى (Re: Omayma Alfargony)
|
اميمة الغالية نورتى البيت انتى والفرجونى العملاق ياست الناس
Quote: القمرى البنوح وحزنو من احزانى
قوقايو البجرح بالحروف اوزانى
الشوق للوطن متل الشدر هزانى
يبسنى ومتل حز الزرار حزانى |
وهاك منى قول :
الغربة وشتاتها نحل روحيتى أزانى
هاجت فينى زكرى وأيغظت أشجانى
النوم يأأميمة حلف عديل وابانى
وحاتك لا تغيبى تعالى تانى عشانى !!
| |
|
|
|
|
|
|
Re: ركن الدوبيت السودانى (Re: ودقاسم)
|
ود قاسمنا الزين
Quote: الليلة الصعيد جاب ريحة الفريك و اللوبة طرّانا الأهل والجبنة في الراكوبة كان ما ود البشير والليد بقت مغصوبة كان زرت البلد وقلبت فيهو الهوبة |
وهاك منى قول :
ماملك البشير لاعيسى لاعلوبة
للكل البلد بقرة وضروعها حلوبة
نعشقها بالسمح ونعشق شناتها عيوبها
صورتها زينة ضمة عديلة او مقلوبة !!
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: العربى الشقيق مامدّ ايدو اليكم |
العروبه ....
زعمانا العرب للامريكان باعوكي زرعوك بالفتن وللكرامه سلبوكي هانوكي اليهود وبالفليت لطشوكي حليلك يا العروبه المتي وما دفنوكي
| |
|
|
|
|
|
|
Re: ركن الدوبيت السودانى (Re: Mohamed A. Salih)
|
Quote: زعمانا العرب للامريكان باعوكي زرعوك بالفتن وللكرامه سلبوكي هانوكي اليهود وبالفليت لطشوكي حليلك يا العروبه المتي وما دفنوكي |
وهاك منى قول:
اتفقوا العرب على انو مايتفقوا
الوطن الممزّق مين بلتّق فتقوا
لو اتكاتفتوا حتما خير كتير راح تلقوا
ولو درتو الشتات فى النار يمين تتحرقوا !!
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: ود عمى الحبيب مابلقى زيو محال أبو بتى وأبوى وعمى واخوى والخال سندى الفى الشديدة بيستر الاحوال محمد لى تعيش يازينى سمح الفأل |
طبعا محمد دا انا.. بلمن??
صحيح والله يا بنيه وراكي رجال ود عمك جمل شيلك الموهو دجال ساعة الحاره تلقيهو اسدا جال في دروب الحياة تب ما خلالو مجال
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: أبو ايمان بشوش دائما ضحوك باسم جمّعنا القدراللدروب راسم عشنا سوة الهموم وللقمة بنقاسم محمد لى ضهر ساعة القضا الحاسم!! |
ابو ايمان شن اسمو كدي النقول عاصم ود الشايقي برضو وليدنا وزول فاهم ان كان ساده تسعي وان كان لبن مافي تفاهم العندو الضهر ما بنصرب في بطنو بي زول غاشم
يلا خيرو اسلمنكو
| |
|
|
|
|
|
|
Re: ركن الدوبيت السودانى (Re: نادية عثمان)
|
Quote: محمد صالح مالك داير تجيب لى الكتاحة والشبك ياتود؟ يااخوى ابو ايمان ده ياهو محمد ابو بتى زاتو والزول الشايقى داك زول صحبتى الدنقلاوية !! وقع ليك ولااعيدو ليك؟!!! |
ههههههههههه Sorry والله انا افتكرت ود الشايقي زوجك اتاري هو مهمد .. اكن الموصلي انقي تودكي ويتمي..
| |
|
|
|
|
|
|
Re: ركن الدوبيت السودانى (Re: munswor almophtah)
|
مادايرالك الميته ام تراب شح.. دايرالك يوم لقاك بدماك تتوشح... الميت مسولب والعجاج يكتح.... الخيل عركسن ماقالن عدادن كم... انا فرتاك حافلن ملاى سروجن دم.... هلا ...هلا.. انا تمساح فداسى الكسرو مابتجبر...
| |
|
|
|
|
|
|
Re: ركن الدوبيت السودانى (Re: نادية عثمان)
|
الاستاذة الموقرة نادية عثمان
فليكن هــذا النداء للاستاذ محمد عبد القادر سبيل
لتعمير البوسـت
سـالم ود سبيل ماك البســف التابــة
أبواتـك تلوب الحار جمــر تقابــة
كان مطـر الرشـأش حـجـر دروب الغابة
نارك تضوي من فوق سـنـجة للشكـابـة
وخالص تحياتي
| |
|
|
|
|
|
|
|