رد عليكم: (الرجل الكلوروفيل) الجنس فوق وتحت الطبيعي

Quote: وما حبيت وقفتك تطول علي بابي، ليك وللجميع السلام والتحية والحب ويضحك نهاركم

Quote: قالت : محسن معانا في لندن . في سري قلت ( محمد معاكم ما يغشاكم ) .. و تاني في سري التاني حسدتها . قلت : اها .. قالت : أها شنو ؟؟ سكتت , و سرحت فيك تتاوق جوه لهاتها , قمت إتحنفشت حنفيشة صاحبك النقيب أب سريراً بارد داك , و ما لقيت مسدس يليق صوته بالجقليب . قالت : غايتوووو ( و هي تحب : غايتو دي , و تجرهاااااا ) عليهو حالة , قلنا ليهو يجي معانا المهرجان بتاع الكاريبي ( و عوجت لسانها بكلام خواجات ) .. قام محسن قال لينا : ما فيهو غير ......... و ........... ( و ضحكت متكيفة من خدر تورو فيها جنك المتربص , تاني قبضتك بتتاوق جوه لهاتها ) و تاني كبست ليك و استغفرت . في سري قلت : شكيتك على الله يا البساسق مباري الكلام الكلام الكلام البيمرق حكي و ضللة و غابات شموس من الإِستواء للكاريبي للأطلسي , و ما يخاف الله في خصر الكون الضامر و عريان بيتضارى .. من بوابات الكيب تاون شاكيك , و لي دقات البيق بن . قالت لما لقتني حمبكت : كيتاً فيك ح أقرا ليهو اللسه ما قريتو , و ح أقابله و اناقشه ( و حاة سيدي الحسن البنية غشيمة ) .. رميت طوبتها و جريت بطانيتي علي ( إن كترن عليك الهموم , إتدمدم و نوم ) كل سنة و إنت طيب يا محسن .. و كل سنة مبارياك محبة الناس وين ما قبلت . إفتقدناك , إفتقدناك .. يا قول تيسير : منو السرق باسوورد محسن و زين بيهو راس السنة ؟

Quote: تسلم يا الزعيم التَّلْفَى ساعة العترة يا ضُل الجبل.. يا الري نهار الخترة عادة المدَّة عندّك وفيها إيدك تترى زي صَفَق اللّراك الشمَّ زيفة النترة مع إنّي جيت –هسّع- بهدف تصحيح لأغلاط هنا، لكن يبدو إنو سحب الكُراع في الدارة بتم شوية شوية، لامن تقع "الخوتا". الخوتا Jota رقصة إسبانية، حرف (الـJ) يُنطق (خَاءٌ) في اللغة الأسبانية، وهي رقصة قديمة مثل الدبكة السورية، تتلوَّن وتتعَدَّد باختلاف الجغرافيا المؤدّية لها، على عكس الرقص السوداني الذي لا تُمَثِّله رقصة واحدة تُؤدَّى بتلوين جغرافي سودانوي. فرقص الشمال منمازٌ عن الغرب، ورقصهما معاً لم يندغم في رقص الشرق والجنوب بما يكفي لابتداع رقصة شمولية. عارف يا متوكّل، لما ناس السودان ديل يعرفوا يرقصوا رقصة واحدة، مشاكلهم كلها بتتحل، في أحزاب "دين"، وواحدات "يسار" كأنّه الدين، وكدا كدا كدا،.. (الكداءات دي) من باب الملل وليس الانزلاق مع التفاصيل، وكلها بُندق في بحر خليك وخلّيني والناس البلحقونا في السكة، ننفخ في هااادا الفلوت، حزب المزّيكا طيّب يا متوكّل؟ ديمة أريتك بَهي وموزون العزيز محسن عوداً حميداً مستطاب يا اخي والله إنت الإبداع راكبك من راسك لكرعيك حتى ردودك لا تقل روعة عن رواياتك أكره أن أمدح شخصاً في وجهه لكنك أجبرتني على ذلك لأنني لا يمكن أن أرحب بيك واطلع حاف كده فلا يستوي الذين يبدعون مع الذين يُتعِِبون ولا أجد كلمات ألومك بها على الغياب سوى أنني لم أسمع أن الشمس أضربت يوماً عن الإشراق مرحباً بك وبعودة حرفك البهي

Quote: تصدّق يا عماد حكايتك دي ما عرفتها ياتها فيهن، لكن يا زول القلب قلب أمّات وما بفرز في الجنى،

Quote: عارف؟ أتذكّر هذه النقطة منذ حوارنا أيام الإنسان المجرّي، وأعرف أنني تغافلتُ عن كثير، وتحاملت عليك في قليل، اليوم وأنا أنظر للعالم الغربي، وهو يخذل قضايا الإنسان المسكين لدرجة يحنن الطير في غرب السودان، أعود وأتأكّد، من كون الغربيين لا يريدون من حكومة الخرطوم سوى سهم في مكيدة، وكل ما في الأمر هَرْشِك.. هَرْشِك في العَلَن، بس عشان تدنقر حكومة الخرطوم أكثر، تأكله في سِرِيها وحنانها وتقضفو بحلقها، لتنفض حضارة الغرب بعد ذلك يدها من أمر دارفور كلّه، كأنّ شيئاً لم يكن، كانّ لاموتَ هناك ولا دمار، ولا إنسان يقف على تخوم الزوال، لزمن طويل اعتقدتُ بأنني شخص لا يفهم في السياسة كوعه من بوعه، ولكن الأمور الآن أصبحت أغبى من غبائي السياسي، بكثير،..

Quote: صدقت يا محسن هذا رأى أيضا و قد كتبت قبل عدة شهور بوستاحول هذا الموضع أعتقد أن الغرب متواطئ مع حكومة الخرطوم و أن هناك مياه كثيرة تجرى تحت الجسور لا نعلم عنها شيئا من شدة غضبى فى بعض الأحيان أعزو الأمر للون وأتأمل مليا أحداث مناطق أخرى ناسها بيض و كيف إنحلت واقول منعول أبوك دنيا بت الكلب. إنسان دارفور يقف وحده الآن ولا حامى له من الموت أو التشرد إلا قليل من حظ يتناقص مع الأيام.

Quote: عزيزى محسن خالد شهدت كتابة أطلس ضد الجغرافيا (بأضانى) وهأنت تكتب من منافي الغربة الرجل الكلوروفيل وأنا أفكر فى كتابة أول الرجال الرجل الكلور(فووووول)!! (د. معاوية عمر)