تموليلت: سيرة وحَجَر

Quote: لا يغرنه حلمنا ولا كرمنا، فغداً نحاسبه على القليل والكثير، والفتيل والقطمير

(عدل بواسطة محسن خالد on 04-27-2006, 03:40 AM)

Quote: إنه زمان الاحتياج إلى الحب،..

Quote: أظرف حاجة "عفراء الصادق" بت أخوي، بتقول لي: تعال ياعمو السودان، يمكن تلقى بت تحبها،..

Quote: لا مفر، الساقان لن تهربا بالكائن بعيداً عن عقله وقلبه وحدوسه لو قِدَرتَ تحب ربك، بعد ما تنفضو من الله بتاع الكتب الصفراء ديك، في رأيي إنو الله، الإله، هو تجربة جُوانية وشخصية جداً،... بي حب ربك، بتتخلّص من اليأس، والشعور بالعدم المهيمن، ودا شعور خاص بالأذكياء بس، والمتسائلين، أما أصحاب الجهالة ففي النعيم ينعمون بحموريتهم وتُقل دمهم،.. العذاب دا حق الناس الرهيفة وبتقدر تستشعر الحاجات وهي وين وين، وهي خام وقُبّال تتخلّق،.. كدا بتكون تحصلت على الحب العظيم: وهو التسامي فوق الآمال المتكسّرة ولو بقيت محظوظ ووقعت في بنية زي الوقعت في حظ الملوِّن العظيم "مودلياني"، اسمها "جان"، حاول تشوف الفيلم دا لو ما شفتو، هو مقتبس من قصة الفنان أماديو مودلياني الحقيقية،.. كانت بتحب زول الملوّن المجنون والفقير دا، وبعداك انتحرت لما هو مات، ومشت عديل لبيكاسو صاحبو، وقالت: هذه الليلة لمودلياني، ولحقت به في الآخرة،.. بيكاسو لما كان بحتضر آخر كلمة نطقها هي: مودليني،.. لو لقيت حب زي دا بتكون تحصلت علي الحب البساعدك تجتاز هُوَّة الوجود،.. "اللهو حيازة الأمل والرفقة المطلوبة"، من الإحداثيات: مدّي إلي مصيرك يا امرأة الليلة للعابرين بلا جسور ولنحزم عبورنا فكل ما أمامنا من المرحلة هاوية للعبور تخلط مصيرك بمصير كائن تاني عشان تقطعو الوحشة والعدم، ودي فكرتي حول الجنس، الأغبياء قالوا أنا كاتب جسد، بل هو كاتب يحاول أن يرد "ديكور الجسد وحركاتو"، إلى موطنها في بلاد الحنان، وإلى تكاتفها مع مصائر كائنات أخرى، لاجتياز هُوَّة العدم"،... بس ميزة الوجود غريبة، بتخليك تتعَرَّف علي الحب، وبتعاكسك في إنو تحوزو لما كنا في الجامعة، البنات البتحبو راقدااات، بس واقعك هو واقع طالب ولما تباصر الدنيا بهنا وبهنا، بتلقى روحك في بلاد تانية، وقادر تحوز الحب بمداخيلو المادية من شيلة وسيرة، بس وين "النونا" البتتحب؟ أظرف حاجة "عفراء الصادق" بت أخوي، بتقول لي: تعال ياعمو السودان، يمكن تلقى بت تحبها،.. أوكي، يعني هسع "يا فرفار" أستف شنطتي وأتوجّه المطار وأقول بسم الله نويتُ: الحب،.. وجود ظريف ياخي بشكل، لما تنبسط من أي فكرة بتتشعلق في الوجود بصورة سطحية ومضحكة ومباشرة، لأنو دي الأعماق بتنز نزيزها، المسألة دي بتلقاها في طربنا العميق لأغاني البنات، فكرة الإنسان يكورك بشكل واضح وصريح، بطن الأغنية ينقلب بيت بكاء، ما أسميته بالنداءات في تيموليلت،.. اللابسه جنزي، جنزي لبني.... جنزي لبني، وأنا بريد شباب ود مدني دنيا حلوة، أنا بريد شباب الدنيا،... اللابسة ساعة، ساعة لامعة، أنا بريد شباب الجامعة دا كلو ياهو كلامي الفوق دا، ممكن تقولوا مجنون، بس وحاة الله ياهو،... أنا بس ما فايق زي عمنا دي سوسير، عشان أجي أكوس ليكم العلامات والحدادات والمدادات، والبرمنديات –النفسية الفكرية- المدقوقة في كل نصوص أغاني البنات،.. شخصياً، في هذه الضروة الضارية من الوجود باقي علي محبة ربي الخاص،.. شوف الحديث دا، والله يخليك تبكي لامن بكاك ذاتو يبكي في صفحتك، شوف الله السمح دا، البقول لعبيدو بكل جمال وظرافة: لا تحاسبوني ولا أحاسبكم، أدخلوا ياهنديك الفردوس،.. (بينما النبي صلى الله عليه وسلم في الطواف إذ سمع أعرابيا يقول: يا كريم فقال النبي خلفه: يا كريم فمضى الأعرابي إلى جهة الميزاب وقال: يا كريم فقال النبي خلفه: يا كريم فالتفت الأعرابي إلى النبي وقال: يا صبيح الوجه، يا رشيق القد ، أتهزأ بي لكوني أعرابيا؟‎ والله لولا صباحة وجهك ورشاقة قدك لشكوتك إلى حبيبي محمد صلى الله عليه وسلم فتبسم النبي وقال: أما تعرف نبيك يا أخا العرب؟ قال الأعرابي : لا قال النبي : فما إيمانك به؟ قال : آمنت بنبوته ولم أره وصدقت برسالته ولم القه قال النبي: يا أعرابي، اعلم أني نبيك في الدنيا وشفيعك في الآخرة فأقبل الأعرابي يقبل يد النبي صلى الله عليه واله وسلم فقال النبي: مه يا أخا العرب لا تفعل بي كما تفعل الأعاجم بملوكها، فإن الله سبحانه وتعالى بعثني لا متكبراً ولا متجبراً، بل بعثني بالحق بشيراً ونذيراً فهبط جبريل على النبي وقال له: يا محمد. السلام يقرئك السلام ويخصك بالتحية، والإكرام، ويقول لك : قل للأعرابي: لا يغرنه حلمنا ولا كرمنا، فغداً نحاسبه على القليل والكثير، والفتيل والقطمير فقال الأعرابي: أو يحاسبني ربي يا رسول الله؟ قال : نعم يحاسبك إن شاء فقال الأعرابي: وعزته وجلاله، إن حاسبني لأحاسبنه فقال النبي صلى الله عليه واله وسلم: وعلى ماذا تحاسب ربك يا أخا العرب؟ قال الأعرابي: إن حاسبني ربي على ذنبي حاسبته على مغفرته، وإن حاسبني على معصيتي حاسبته على عفوه، وإن حاسبني على بخلي حاسبته على كرمه فبكى النبي حتى ابتلت لحيته فهبط جبريل على النبي وقال : يا محمد، السلام يقرئك السلام، ويقول لك : يا محمد قلل من بكائك فقد ألهيت حملة العرش عن تسبيحهم ، وقل لأخيك الأعرابي لا يحاسبنا ولا نحاسبه فإنه رفيقك في الجنة) يعني هسّع السلفيين ديل بجميع أشكالهم وطول لحاهم، دايرين يقنعوني إنو (الله دمو تقيل زيهم كدا؟) والله ياهو،.. شوف عبارة: السلام يقرئك السلام،.. ديني أنا، وديني أهو، دا ياهو الله ذاتو البعرفو، وغيرو حَرَّم ما يركب في رأسي ولا قلبي أيتها الله تاني، وغيرو من آلهة أعرض ما عندهم من نار يجهزوها ساي، أتلب ليهم فيها لا دفاتر ولا طاولات محاسبين، أطلع هدومي ويا نص الجمر جاك مُفكّر،..... ما عندي شك أبداً إنو مُوجد هذا الكون أخبر "أحد" بالكوميديا، بل وبالمرح، بمعنى fun طيّب العربي دا ما كان زول كوييس، ومعقووول، فشنو يجي جبريل ويقول للرسول بلّغ العربي الآتي: Quote: لا يغرنه حلمنا ولا كرمنا، فغداً نحاسبه على القليل والكثير، والفتيل والقطمير بسم الله، هو العربي دا سوى شنو هسّع، عشان يقولوا ليهو كدا، عارف الجملة دي معناها شنو؟ الله بكاوي في العربي دا بشاغل فيهو،... بهظّر معاهو عشان يصل معاهو لنقطة حساب شنو؟ بستفيد شنو أنا لو دخلتك الجنّة وألا النار، أنا مبدع: (بديعُ السماوات والأرض)،... والله أخبر أحد بالحنان والرحمة والعطف والإعذار،.. فتش رأسك من ذكريات بتلاقى ملايين الأحداث إنت كنت فيها مذنب أمام الناس، أمام الناس فحسب مش فعليلاً، ورطات رتّبها القدر بدقة، أو شِراك وقعت فيها، وفي الحقيقة ما كنتَ إنت مذنب أبداً، وما بعرف الحقيقة دي إلا الله الله أعلم "أحد" بالإعذار والأعذار وما يصيبنا من أمراض النفس وما يلحق بنا من اختلالات، ككائنات ضعيفة ومسكينة بتبكي بالليل،..

Quote: بسم الله، هو العربي دا سوى شنو هسّع، عشان يقولوا ليهو كدا، عارف الجملة دي معناها شنو؟ الله بكاوي في العربي دا بشاغل فيهو،... بهظّر معاهو عشان يصل معاهو لنقطة حساب شنو؟ بستفيد شنو أنا لو دخلتك الجنّة وألا النار، أنا مبدع: (بديعُ السماوات والأرض)،...

Quote: يمكنكم مراسلة الناشر على هذا الايميل

Quote: ما يبدو أنَّه يلعب الدور الأكثر حسماً في التفرقة بين إنشتاين وأبله القرية هو عدد الوصلات العصبية بين النيورونات

Quote: حسك عينك تتعتر بي في حلم واللا في رؤيا مهببة من الآتك

Quote: آخرة المفكّرين والثوّار مكانٌ لحسن التهندم،..

Quote: ME: Khalid, Muhsin, 1973- TI: al-Hayah al-sirriyah lil-ashya : riwayah / Muhsin Khalid IM: al-Qahirah : al-Sharikah al-Alamiyah lil-Tibaah wa-al-Nashr, 2003 CO: 168 p. ; 20 cm CALL: PJ7942.H355.H29 2003 MAIN V/C: *lC087835775

(عدل بواسطة Imad Khalifa on 05-11-2006, 03:27 AM)

Quote: محسن خالد.. لقيت روايتك "الحياة السرية للأشياء" ضمن المقتنيات الحديثة لمكتبة جامعة باركلى__ كاليفورنيا. وهى من أميز الجامعات في أمريكا وفى العالم. فخور أنا بك يا ود خالد. تمشى من حتتك دى تشوفلك حجبات تلبسها عشان العين والحسد. Khalid, Muhsin, 1973- al-Hayah al-sirriyah lil-ashya : riwayah / Muhsin Khalid. al-Qahirah : al-Sharikah al-Alamiyah lil-Tibaah wa-al-Nashr, 2003. Main Stack PJ7942.H355H29 2003 University of California, Berkley

Quote: أما الأعجب من ذلك فهو كلام الترابي الأخير،