|
|
 Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
العزيز جداً محسن خالد ...
لك من طيبات الأشياء أجملها ....
كان ذلك سؤالاً ينحت في سقف حلقومي ولم أستطع له رداً ولم أبثه كشكوى لك ... مرات مرات بحس بتوتر صوفي في كتاباتك ... عميق قد ما يكون ظاهر بفضائحية .... حتى قرأت في ردك لبشرى الفاضل ... والطرطشة والزهد قد يكونا إسمين لحالة واحدة في بعض التفسيرات ... وكنت دائماً أعتقد أنه إذا أراد شخص كتابة دراسة عن أي كاتب أو أديب سوداني فلابد أن يفرد فصلاً كاملاً عن علاقته بالتصوف ... أقد يعود ذلك لكون المتصوفة دائماً يعيشون حالة تسامي صوفي يعشقة الأدباء ... أم هو فقط لعلاقات أسرية يرتبط بها الأدباء ... أو تعود أصولهم لبيوتات متصوفة في السودان ... مثلما هو بالنسبة لـ محمد المهدي المجذوب ، والبروفسير عبد الله الطيب، الطيب صالح، الخ الخ الخ ... وهلمجرا أيضاً ... والغريبة أغلب الأدباء الذين يرتبطون بعلاقة أسرية بالتصوف متمردين حتى النخاع ....
وفي الصوفية (الطبقات) كأنه مجموع روايات كتب بلغة هي هجين مثلما يكتب الآن محسن خالد ... وود ضيف الله في زمانه فلته تحدث الضجيج ... وأنا من المغرمين بـ(صاحب الربابة) الشيخ إسماعيل بن الشيخ مكي الدقلاشي وفي قصته عبور نحو عوالم غير التي نعيش ... كأنك إبن فلته ... ومن إعجابي به كتبت قصيدة (حينما كان للكتابة طعم القرنفل)وأسميتها (عودة صاحب الربابة)"إلى الشيخ إسماعيل صاحب الربابة إبن الشيخ مكي الدقلاشي.." ومن أبياتها التي أذكر
النغمة عندك كانت سحراً
يتأتى من غيب الأشياء...
ويزاول فيهاعشقاً يتروى..
يا شيخ الربابة
والفرس الراقص
العالم يسقط
سراً...
جهراً...
عند حوافي الليل..
أسرج مهرتك البكر
دعها ترقص
في ساحات الوجع الضاري
وليُسمع صوت "الحرحر والأجراس"
قدمناك
صوتاً يأتي من جدل الأشياء
بديلاً..
دعنا يلهج فينا
لسان الحال...
الليلة يأتي إسماعيل...
أعدوا الساحة للرقص..
ولتأتي "تهجه" أو "هيبة"...
العشق الأبدي
يكمن في الذات العلوية...
الله..
يا درويش...
الناس البسطاء
ينتظرون العودة...
ـــــ وتلك أيام لها في النفس طعم خاص ....
المهم أيش علاقة محسن خالد بالتصوف؟، وغير ما قلت لبشرى هناك محطات في الحركة الصوفية شهدت فكر أتهم في حينه بكل سبة ... الحلاج نموذج ومحمود محمد طه كذلك وللمتصوفة في عالمهم ما لا يوجد في عالم الظاهر إعتماداً على فكر (الظاهر والباطن) أو (العلم اللدني والعلم الشريعي) هل تعتقد أن الفكر المصادم عند محسن خالد له علاقة بأفكار (الشطح) عند المتصوفة ...
ولك مني كل الأمنيات ...
| |
 
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: عبد الله إبراهيم الطاهر)
|
عبد الله إبراهيم الطاهر،..
يا عبد الله هوي إزيك، بعدين إنت مالك سمح وطاعم وكتّاب كدي، إنت عامل فيها محسن خالد وألا شنو؟
لو بنتحدث عن أجيال ماضية بتعميم، أنا رأيي إنو التصوف أغراهم بقص دروب الخيال والمعمّيات، إغواء المجهول والكشف، ولكن ذلك أعاقهم كفنانين حقيقيين، نجد أنَّ المواهب الشارطة في تلك الأجيال نادرة، إن لم تكن معدومة،..
وأي شاعر من أولئك الناس ليس بوسعه احتمال التناول له، أعني أعمالهم جوفاء ويادوب تشوّط في نجاح القافية، محمد المهدي المجذوب مثلاً، هو شاعر شهير، وهذا عمله (الشرافة والهجرة) أمامي، صدقني يا ود أبراهيم، الكتاب دا قريتو وراء وراء، وقريتو قدّام قدّام، والله بيت واحد يلصق في رأسي عشان أحفظو وأقراهو كنموذج ما لقيتو، اللهم إلا، ومع المناسبة والمجاملة:
الشمسُ تُشرقُ في السودان كاذبةً ............. وليس تُنبتُ غيرَ اليأس والعدم
أثارها الفجرُ فقَّاعاً أُكابده .................... كأساً تجفُّ وقَفْرَاً طامساً بدمي
لاحظ الشطر الأخير من البيت الثاني، قرَّب ينقلب شعر جد جد، شعر اللمحة التأملية أو الفكرية الغائرة في الوجود والاستقراء، الشعر اللابموت ولا بمسخ، شعر الإنشاء هادي طرفي منو ومن ناسو،..
طبعاً الطيب صالح لو قرأ كلامي دا بكجني لديمة، لأنه يقدّره بشكل عجيب، -لاحظ إنو الطيب صالح اللعبة دي واقعالو تمام التمام في كتاباتو هو- وأنا أقول يا زول أقرأ كتاب المجذوب دا سمح، الطيب صالح دا شديد أجيالهم دي كلها، لو ما عارف ليهو درب بمرق المركب، ما بقول كلامو دا،..
ولا دربي ودربك دا، مركبي في الطين والريط، الصيرو ملصّق عليهو تماثيل،..
وما تنسَ إنو الطيب صالح شبعان شعر إنجليزي زي العربي، ودا السبب الخلا شكسبير قاعد لا حدي هسي،..
أنا قبل كدا قلت إني التور الكبير في أدبيات الجنوبيين، لكن مرّات بخلي نوع التور دا وببقه تور حراتة عادي، معاكس، لأنو سيد الربابة دا فتني جداً، بس لامن لقيت الأمّة كلها قايمة فيهو، باستدخالات فنية، خصوصاً محمد عبد الحي، كان وصديقه علي المك شغوفان بهذا الرجل، قمت خليتو ليهم، وقلت أنجع لقصة تانية، مع إنهم حدقوهو بس، لكن ما عجنوهو العجن الكان ممكن يطقو ليهو ولد نجيض زي عاطف خيري، لو عمل ليهو منفستو زي بتاع الهمباتة،...
هذا الكتاب ليس معي الآن، ومن رأسي أتذكّر له:
يا دي العروس البكّاية
ربطوك بي رَزَّة وشاية
وأرجو أن لا أكون قد ذُهللت ذاكرتي، لأنني أحياناً أتذكّر تلطيش الكلام فقط، وأخوك طبعاً ختري ولسانو ماشي، بكايت الناقصة، واضحك يا سيدنا،..
عيني باردة علي شعرك،...
محسن خالد أبعد ما يكون عن التصوف، ليس لي منه إلا (هبشة المتصوفين -مهبوش)، ويُصادم لأنَّه لا يُؤمن إلا بسلطة ناجمة عن الفكر،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
يااااااا محسن
كم أنت صارخ وجميل
حينما التقينا " أحمد حنين، ود قاسم وأبوجهينة " وكنا نجلس على تربيزة واحدة في واجهة القاعة، نهاية الأسبوع الماضي في ندوة يتحدث فيها الصادق المهدي، سالني أحمد حنين : يا نصار قريت تيموليلت " لمحسن خالد " قلت له لا، كلما حاولت فتحها يرهقني تأخرها، فألعنها وأذهب، مع شغفي الكبير لها، فقد قرأت لمحسن من قبل، تحديدا في كيكا على ما أظن، فهددني احمد حنين قائلاً : مش ممكن، سأكتب بوستاً وأقول فيه أن نصار الحاج لم يقرأ تيموليلت وأيده ود قاسم أنها عمل رائع ومختلف وجدير بالقراءة ، ولم يكن من بد سوى احتمال بطئ تحميل الصفحات ، وجلست أنسخ على الورود وانتقل لفقرة أخرى لأنسخها، ولم اكمل ذلك حتى الآن وما زلت أنسخ، لكن تظل البهجة بهذه الكتابة / السيرة واحدة من الكمائن التي احبها، حالتك في الكتابة حالة باذخة وعظيمة، الاحداث تتحول عندك في حالة الكتابة إلى حياة تسير داخل السطور كأنها كائنات تمشي على تخوم النص ونلمسها، تعليقاتك، تقاطعاتك مع النص الأصلي، كلها تصب في بناء هامش روائي وسردي آخر يبشر بجدته وطزاجته ولغته العالية وشعرية طافحة جداً ببهائها تقود لغتك في كثير من المناطق ....
كان يجب أن اكمل القراءة وأغامر بعدها بالكتابة هنا، لكن لم يكن الصبر ممكنا، جئت لأقول أنى حزين جداً لم أقراك كل الوقت المضى من نشرك لهذه الرواية الرائعة حقاً ....
لكن سأقرأك الآن جيدا وبمحبة اكيدة ...
| |
|
|
|
|
|
|
|
|
 Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
الجنا اخونا محسن ود خالد
ازيك يا زول يارائع ،،
لقد ورطني الأخ الشاعر الرقيق نصار الحاج،، وفضح امري بانني اقرأ ابداعات
محسن خالد ولا اعلق ،، فقد كانت الدهشة تخرسني ،،، واخاف ان يفضحني عجز لغتي
عن التعبير ،، فأنا يا صديقي قارئ عادي ،، وليس ناقدا ،، ويكفي انني مستمتع
جدا بهذا الجنون الإبداعي ،، او الإبداع المجنون،،
ومرة مرة ،، تأخذني لغة اهلي ببربر ،، واقول والله الود دا ممسوخ ،،
والسواي مو حداث ،،، والفحل مو عواف ،،، لكنه في بين كل ذلك قد مثلنا خير تمثيل
وكان مبدعا دون شك ،،
ودحين يا اخوي اصحا معانا شوية ،، وبطل كسل ،، وواصل حكي
والجميع ،، في الإنتظار،،
تحياتي
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: ahmed haneen)
|
لسَّاها الجَرَّة معبيَّة بالجوان،..
nassar elhaj،...
تحياتي يا نصّار، وكل ما نقول خِلا (الكدمبس) تطلع من جهة الفضاء (النايس) على وزن المقابر (النايسة) جوَان،..
لقد حنَّنتني لتلك الجلسات، ولتلك الليالي، وللرفقة، من نظير رفقتك "ود قاسم" و"أحمد حنين" و"أبو جهينة" تحياتي للرفقة وليالي الرفقة والونس،..
أنا مثلك، أحب كتب السيرة، وأتآنس بها أكثر عندما تُمزج بلباقة الرواية –الفني- للخروج بها من نظام الكوريكليم فايتي ونظام المعايش،..
ها نحن فيها يا رجل، وتحياتي لك أمضاها،..
ahmed haneen،..
سلامي يا رجل، والجنا شيخ الحنين حبابك، وأتفضّل،..
يا صديقي ما نفعله هنا، نفعله من باب تتلِّب وبس، لسنا متحضّرين للكتابة الفارعة والمتميّزة إلا بمحبتنا لها، وها نحن نعوس،..
وشكراً لكلماتك النبّاشة،..
الحَدَّاث مو سواي؟ طيّب رأيك شنو في عنترة، كلام وضراع وألا أنا غلطان؟ طَرَفة بن العبد (الغلام القتيل) كلام وثبات وألا لا؟
الطيب ود ضحوية، طه الضرير، كلام ودَقْ للإنجليز وألا مو كدي؟
الفحل هو أخبر الذكور بالزريبة، فلا بد أنه عَوَّاف من باب العزل والتنقية، هذه من مذكرات "تيس"، يضحك صباحك
وكن بخير،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: samwal ebrahiem)
|
samwal ebrahiem،...
تحياتي يا رجل، وشكراً على مكالمتك،..
للإخوة أقول، هذا الرجل متخّصص في علم الفهرسة والمكتبات،..
أرجو من أصدقائي الكتَّاب مَدّه بمعلومات عنهم وعن مؤلفاتهم، لصالح بلد سخيف لدرجة أنَّه لا يمتلك مكتبة وطنية حتى تاريخ اليوم، يمتلك من الكُتَّاب الآلاف ومن المفكرين والمثقفين ما يكفي لإنجاز الخيلج من العدم، ويقصِّر عن بناء مكتبة وطنية واحدة تؤرّخ لأبنائه وثقافته، والله بعد دا، بعد 2005م أحسن تقعدوا من غيرها، لأنَّ أضعف البلدان الإفريقية أو العربية، تمتلك مكتبات وطنية بمتوسط أعمار يتراوح ما بين المائة والمائتين عام، والله سلامات يا عاصمة الثقافة والدلوكة،...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
العزيز جداً محسن خالد ...
سمح أنت وطاعم أنت يا ود يا ختري أنت ... ونحن شن جابنا ...
صحي التصوف وكتابات المتصوفة مغرية جداً ... وساهل شق الدرب فيها ... والمراكب المحملة بالعبيد جات وجاط فيها الود الرواسي ومصطفى سعيد عبد من عبيدنا أتاه الطيب صالح فرضاً لم ينجزه وهرب وكتين ظهور بندرشاه من معلبات الإستهلاك اليومي في العالم الثالثي ... وحياتك يا محسن أغلب المتربعين على عرش الأدب في السودان شايلين من مصطفى سعيد قشرته الخارجية وإن كان الرواي لم يفصح عن مكنوناته السرية جداً مثلما تفعل تيموليلت بذلك الولد الشقي محسن خالد ...
أتتفق معي أن الرهان على الفكر السوداني عبر قياداته يقود إلى طريق فيه الكثير من (الدقداق) والمطبات ؟؟؟، فكثير منهم ليس عنده ذلك العمق التحليلي ... فمثلاً محمد أحمد المحجوب صحيح كان مفوهاً ومتحدثاً لبغاً .. وله في السياسة باع حتى تم ترشيحه كأمين عام للأمم المتحدة في ستينات القرن الماضي ... ولكنه في الحديث عن أبعاد ومنطلقات الفكر السوداني ضعيف في التحليل وعمقه قريب من السطح ...
الموضوع الثاني أيها العزيز اللذيذ ...
ما يختص بموضوع samwal ebrahiem، وموضوع الببليوغرافيا ...
وإفتقار السودان لمكتبة وطنية ... عندي تجربة في عام 1996م وكنت أقوم بدراسة عن صحافة الأطفال في السودان ... وكنت أجد صعوبة في البحث والتنقيب في دار الوثائق وكنت أتساءل لماذا لا يوجد مكان أو كتاب فيه كل المعلومات الأساسية عن صحف الأطفال ... فأصدرت كتابي (صحافة الأطفال في السودان النشأة، التطور والمعوقات) في عام 1999م، ثم أنني لم أقتنع فوجدت أنك إذا أحتجت أن تعرف مثلاً الصحيفة الفلانية صدرت متين أو من هو رئيس تحريرها فلن تجد ما يعينك إلاّ أن تتوه كثيراً في ملفات دار الوثائق ... معلومة صغيرة تجعلك تتوكأ على عصا القرف ... المهم أصدرت كتابي الثاني (ببليوغرافيا الصحافة السودانية في قرن 1898م-1998م) وهو كتاب يحوي كل الصحف والمجلات والنشرات التي صدرت في السودان خلال مائة عام ... والمعلومات المعتمد فيه إسم الصحيفة، تارخ صدورها، دوريتها، رئيس تحريرها وصاحب إمتيازها، مدير تحريرها، سكرتير تحريرها، تخصصها، تاريخ توقفها والسبب في ذلك، أو بصورد أدق كافة المعلومات الرئيسية التي قد تحتاجها ولا تجدها بسهولة، وتم تقسيمه حسب التخصص الصحافة السياسية، الثقافية والأدبية، الأطفال، النسائية، الدينية، الإقليمية، المؤسسات، الرياضية، الفكاهية، .... الخ. وكان الهدف من ذلك هو توفير أكبر قدر ممكن من المعلومات في مكان واحد.
وما دفعني للإسترسال في الأمر أن ما قلته صحيح مائة بالمائة في أننا لا نهتم بالمعلومات بالمرة وليس لدينا مكتبة وطنية يعتد بها ... ولو داير ليك معلومة في أي حاجة فعليك أن تدور في شوارع الخرطوم وتنادي يا اللي شاف أو اللي يعرف المعلومة الفلانية يقولها لي .....
ونسبة لإهتمامي بهكذا أمر فإنني تحت أمر الأخ samwal ebrahiem، وأقول له إننا الآن نقوم بتجهيز معجم الصحافيين السودانيين وهو عمل يصب في نفس هذه الإهتمامات ...
وأتمنى أن يراسلني الأخ samwal ebrahiem، على إيميلي الخاص [email protected]
وعلى إستعداد بمده بما يحتاج .... وأنت أيضاً يا محسن أتمنى أن تراسلني على هذا الإيميل خاصة وأنني أرغب في إجراء حوار موسعك معك لصالح مجلة الخرطوم الجديدة ولديها موقع على النت يمكنك الرجوع إليه www.newkhartoum.net
ولك مني كل الأمنيات ...
ووالله سلامات يا عاصمة الثقافة والدلوكة،... زي ما قلته ...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: عبد الله إبراهيم الطاهر)
|
عبد الله إبراهيم الطاهر،..
يا سلام يا سلام، والله يا ود أبراهيم لي زمن ما في سوداني فَرَّحني زي ما فَرَّحتني إنت هسي بكتابينك ديل، (الببلوغرافيا) وجيت تب محل الزول البعرف كلامك البتسوي فيهو دا معناهو شنو، والناس ديل معظمن، يا قايلني كاتب كَتَّاب وبتاع سَكَر وبنات، يا مارقني سفيه، وما بعرفوا أنا معناي شنو حتى كان مت ليهم زي الخاتم دا، ما بعرفو أنا بحَرّر ليهم في شنو، وقاعد أشيل عيونن ديل وأجدعن ليهم في ياتو شوك لا بد منو، الكحل البسمّح جد جد حاااار،...
شوف يا آخوي، هسي دي تديني عنوان الدار الطلَّعت الكتب ديل، لأنهم ح يكونوا من أهم الكتب في مكتبتي، بالمناسبة نحن تاريخنا المعرفي والثقافي لوراء مطموس لدرجة الشك في وجوده،..
وما تسمع المحجوب وألا شيطان، بتاعين السياسة ديل أكبر جَهَلَة الله ابتلانا بيهم، وبتاعين الثقافة أجهل منهم كمان، والمبدعين جد جد منو؟
ياخي نحن ما عندنا أي حاجة ثقافية الناس عاملنها في تكامل وفي شكل مشروع، اللهم إلا المشروع الحضاري، الله يا ربي يحضنوا أبو القنفد، "جبل الهُرار الما بنطلع وبحر الزُراق الما بنقطع"، وما في أي كلام أحسن من دا،..
من أوَّل قنيطة حَكَمت، لآخر هُرار منهم، ما لاحظوا إنو البلد دي ما فيها مكتبة وطنية، هسي ضيوف الثقافة ديل بودوهم وين؟ حديقة الحيوانات؟ وألا يمشوا يشترولن همبوبة؟ دي أكبر خجلة راجياهم، الناس دي من تنزل في المطار الزي بيت الحَنَّاي داك، بقولوا آخوانا المكتبة الوطنية وين، زي ما قاعدين نعمل في أي بلد نمشيليها، ديل مثقفين ومعزومين لثقافة مش عرس، ديل مش سُيّاح،..
السموأل قال لي إنو سنة 1965م جابوا خبير بريطاني، دار الوثائق أو وزارة الثقافة، مش متأكد، إنت عارف الزول دا عمل شنو؟ ما اتكلّم معاهم ذاتو، قال ليهم أوَّل حاجة أعملوا مكتبة وطنية، وتاني تعالوا جيبوا الخبراء. ما الخبير دا ما ود خالتك ولا ود عمتك، يعني ما بعرفك، طيّب بعرفك كيف؟ من مكتبتك الوطنية،..
والأنكأ إنو واحد من بتوع الجبهة الإجرامية، بدون خجل أو بكامل الجهل بمعنى المكتبة الوطنية، بتلامض مع بعض المثقفين السودانيين وبقول، بمعنى أنه مسيخ: ومكتبة القبَّة الخضراء دي مالها، ما مكتبة وألا ما عاجباكم، أها من هني بجي كلام محسن خالد المابتدرو دا، نوع التافه والجاهل دا يسولوا شنو؟ يتكلموا معاه؟ يشرحولوا مكتبة وطنية يعني شنو؟ أبداً أبداً زي دا بمسكوهوا ينيكوهوا وبس،..
أنا كلام المكتبة الوطنية دا، بطلّع زيتي وديني جد جد، لأنو نحن بنكون زي البشر متين متين متين متين، لمتين نحن جهودنا بتضيع وأجيالنا بتضيع وتاريخنا وثقافتنا وكل شيء، وبرضو قاعدين نهذِّب في الكلام، الله ينعل دين أي كلام ما قليل أدب، ودين أي كلام رخيص وما عندو معنى،..
الكلام النار زي دا، عشان تنتبه، عشان تقيف، وتشوف بلدك ماشّه في ياتو دايهة،..
أسمع يا عبد الله، أُحيي كتابيك، أحيي رَفَّين كاملين في المكتبة الوطنية،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
عبد الله إبراهيم الطاهر،..
يا عبد الله، أُحيي كتابيك مرة تانية، أحيي رَفَّين كاملين في المكتبة الوطنية،..
معليش يا ود أبراهيم، بزعلة المكتبة الوطنية نسيت أقول ليك تلاتة حاجات مهمة،..
الأولى، إنو الأمريكان أوَّل ما دخلوا بغداد ضربوا المكتبة الوطنية، ضربوا روح الأمّة، حيث يمكنك قتل العدو بالفعل والتمادي في احتلاله، المثقفون العراقيون اتلملوا من كل مكان، وتحت القصف، يلقطوا في الورق ويبكوا،..
التانية، هسي أنا شَغَّال بحرّر في كتاب سري، لرجل غير سوداني عن السودان، مافي أي شيطان شافو، وكتاب قديييم، بعد ينجض ونقطعلو السلطة ليك نسخة هدية مني، كتاب جيبتو مارق من ضُلّمة الضُلّمة، وكتابي دا ذاتو رَف في المكتبة الوطنية،..
التالتة، مرحب بيك في أي حوار تشاء،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: samwal ebrahiem)
|
العزيز samwal ebrahiem
لك الود والأمنيات الحلوة ...
أحياناً كثيرة أعتقد أننا في السودان نتعامل مع المكتبة (المنزلية مثلاً) كديكور موجب وجوده للتباهي و(العنطزة) ... وكنت أتمناها (هذه العنطزة) في البلاد بعمومها عند المسئولين الرسميين (المكتبة الوطنية كديكور داخل البلد) ... نفتقر لثقافة التعامل مع المكتبات ... إذا كنا هكذا فكيف تريدنا أن نؤسس مكتبة وطنية ... يا زول دي بعتبروها أحلام ميتة ... وكيف تريدنا أن نهتم بالمعلومات ومذيعينا لا يعرفون إن كان الطيب صالح حي أم ميت، وسطحيون ... ولنا مذيعين في الخارج أثبتوا فشلهم وكانوا يعتقدون في الفضائيات ما وجدوا في الفضائية السودانية ... وفاقد الشئ لا يعطيه ... المهم ...
أشكرك من كل قلبي وأتمنى من كل السودانيين الذين يعيشون في الخارج وهم مبدعون والله من منابرهم أن يقدموا ما فيه فائدة لهذا البلد ... وما قمنا به هو خطوة فعلناها كي يمشي أكثر منها غيرنا ... وكنت أكره أننا إعتمادنا في تاريخنا على المصريين .. وعلى الأجانب ... أهم المصادر في تاريخ السودان لأقلام أجنبية (منذ الرحاله الأوائل ونعوم شقير وسلاطين وفلان وعلان وهلمجرا) .. ننتظر غيرنا ليكتب لنا وحينما ذهب المستعمر وحتى الآن نقول ليته بقي ليعلمنا كيف نحكم أنفسنا بأنفسنا .. وإذا أردت أن تقيم مطبعة في السودان فسيقال لك إعتمد على العمالة الأجنبية من الغفير إلى المدير تسلم ..
وإذا جئت وأنت صحافي ترغب في إجراء مقابلة مع أحد الوزراء أو الرئيس أو أحد نوابه فلن يفتح لك الباب أما إذا كنت أجنبياً فستفتح لك الأبواب دونما حاجة إلى طرقها ... وتظل عقدة الأجنبي اللعنة الأبدية التي أصابت هذا البلد من ساسه لراسه ... والله محن ... الله يصرف الأجانب ...
وحياتك عينيك تكرم أنت وهذا الـ محسن خالد لي يوم الدين ...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
العزيز محسن خالد ...
يقول السياسي البريطاني تشرشل: (The longer you can look backward, The fearther you can see forward)، (كلما أطلت بصرك إمعاناً في الماضي، كلما إزدادت بصيرتك خبرة بالمستقبل) ... وسياسيينا كانوا يهربون من حصة التاريخ ... والذين يكتبون التاريخ بالحبر السائل لا يعرفون أن ماء الحقيقة ستزيله في يوم ما ... وتنفضح عوراتهم ويبحثون عما يغطي سوءتهم ... ومنذ أن فتحنا أعيننا وجدناهم يدرسون في المدارس تاريخ واحد ومغالط في كل شئ ... وينتهي التاريخ عندنا في 1/1/1956م (وإن كان هو كذلك) ...
مكتبة القبة الخضراء يا حليلة ... قول ليهو هي ذاته ويتها؟ ... كانت زمان وإنتهت وفشلت مثلما كثير من الأشياء ... رغم أنها كانت عاجباهم ولكن ... البلد دي يا محسن ما عندها وجيع ... حديقة الحيوان؟؟؟ أتقول حديقة الحيوان؟، لك العتبى أخي محسن ... ويا حليل زمن حديقة الحيوان ...
بالمناسبة بلدنا دي فيها كسل غريب بيصيب الإنسان ولو هربت منه لنالك منه رزاز فينعسك ... أنجزت مشروع موسوعة عن جنوب السودان عام 2001م وفيها بعض نقص ... وحتى الآن في كل مرة أفتح هذا العمل وأنظر فيه ويصيبني الرزاز فأتكأ على جنبي وأتأوه وأنا نصف نائم في بلاد تحلم بكل شئ إلاّ أن تكون مثل كافة بلاد الله ... لك الله يا محسن خالد دعنا يلهج فينا لسان الحال ...
(بالمناسبة نحن تاريخنا المعرفي والثقافي لوراء مطموس لدرجة الشك في وجوده)، حدث ولا حرج في ذلك ... وكثيرون يطمسونه عن قصد .. مع سبق الإصرار والترصد من أجل شئ في النفس ... والحكاوي كثيرة الغريبة أنو بالمشافهة هناك الكثير من القصص التي لا تقال إلاّ سراً بين العارفين ببواطن الأمور وهم قلة وهم على حياء ... لا أعرف كيف ....
للحديث بقية ...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
| Quote: هاهنا وعلى حَلْقات سأكتب قصة أجمل امرأة وأجمل قصة عرفتها في حياتي) |
محسن خالد يا ابن الايـــــــــــــــــــــــــــــــــه!!!!!
انت عارف والله شاهد، متابعك بى نفس واحد من الجملة الفوق العملت ليها كوت ديك شايفها.
وكل يوم اقول ادخل احس ان نفسى مستكثراك علي ...واسف ان كانت حروفى
مثل حظى لاتعرف من معالمها الاما يهديك اياه حسن ظنك وقوة ادراكك،ولازلت
اعتذر فى انى سوف اجشمك الكثير فى قراءة تلك الجمل العرجاء والبداية
التى ينطق بها القلم فى مخاض متعثر.
محسن فى ديوان شعر لنجيب سرور اكيد قرأته اسمه ليس مما يقال فى هذا
المنبر حسب قوانين بكرى..والله لا احس اننى اريد ان ازيداى شى غير تلك
الك.........يات بتاعت نجيب سرور...يا دين الله سرد بطعم البهار يا ك نجيب،،،
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: Sabri Elshareef)
|
صديق الموج،..
يا سيدي سلام، وتحايا، ومتشكرين على الكلمات الحلوة،..
وأشوق من الريح سنواصل الحكي،..
قصدك كتاب عمّنا (نجيب سرور) (الكسرو أُمِّيات)،..
خلاص أكسروا أُمِّية هنا، وأنا عادي بحجيكم، إنت بس ما تحذف الراء والواو، كدا بتلم في زولنا الصعيدي طوالي،..
أها أبقه عافية، وخليك في الجوار،..
صبري الشريف،..
إزيّك يا صبري، والله حليل أيام مدني
كيفم سموأل وسبانا؟ أرجو أن يفتناني بمحبتهما من جديد، ربما نسيا
ناهد لم أعد أذكرها، كيتاً عليها، ودلّني على أخبار الصحابي،..
كاتبني على بريدي ما استطعت،..
وتحياتي لك، يا عزيز
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
Quote: في هذه اللحظة الأفتن من الوجود، ومعي الشاعرة الجزائرية الأجمل من النساء وأزقتهن بكل حواريها، لصق رائحتي وكرسيّ، راسمة شِعْرها، دواوينها غالية الحكمة، وصاعقة الجمال، "غجرية -جيتانا"، و"كأس سوداء"، و"روح النهرين"، لقد أحبّت تيموليلت، قلت لها سأرمي بك هنا يا "نصيرة محمدي"، وقالت لي ادفعني، منذ ميلادي وتشتاقني هاوية، منذ ميلادي وتناديني جذورُ في نوم الأرض،..
هي تبلغك سلامها، وكل أصدقائي هنا، وتسألني حينما مررنا بجوار صورة "تماضر شيخ الدين"، إيشتكون؟ حلوّة بزّاف،..
أقول لها هذه تماضر، أنا حبيتها بزّاف، تقول هي، كاتبة ياك؟...
أقول لها ممثلة ومخرجة،.. وكاتبة كمان،..
تحياتها لك ولتماضر، وللجميع،... |
خبرها عنى اننى احببت هذا الكاتب الذى عرفنا بك.. سحاقيته الجميلة وهذا "القوس اللعين"كما اسماه "آش" وكأن الكتابة-هناك- تجرى فى صنابير مياهه ويتعاطاها الناس مع رغيف الصباح..بزاف بزاف بزاف بزاف..ايضا.."آه كم احسدك يا محسن على هذا التمرد المتماسك" وصداقاتك الشهية..
ومجالسك تعمر بهم..
لها ولك ولبدرى الياس التحية..على جمال الكلام..وحوا والدة.
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
Quote: خلاص أكسروا أُمِّية هنا، وأنا عادي بحجيكم، إنت بس ما تحذف الراء والواو، كدا بتلم في زولنا الصعيدي طوالي،..
أها أبقه عافية، وخليك في الجوار، |
محسن السمح:حب وشوق بطول النيل او يزيد...نحن يادوب نكسر امية!!!!
نحن كسرنا امية...ومحونا امية بجلوسنا على ضفاف حروفك النشوانة.
هل من مزيد؟؟؟؟
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: صديق الموج)
|
Tumadir،..
العزيزة تماضر، تحياتي ومحبتي،..
لغزير الصدف، دخلت نصيرة من هنا، وارتفع البوست -وألا (البوس)، علي كيفك- بكلمتك من هناك،..
فهي تحيتها لك طازجة، الآن، ولبدري الياس، الولد المفارق وشريكي في محبة الموفَد جدي،..
كدا إنت وهي خالصين تحايا،..
الذي أريد تذكيرك به، من إصلاح الكتابة، وهو أنّ الأخطاء (قضاء وقدر)، فقد كتبت جملة للأخ أسامة الخواض، ويبدو أنني حذفت ما كتبت وتركت الجملة القديمة كما هي، لتصبح هكذا: (بوصفي شاهدٌ)، فقد كانت هناك جملة أخرى قبل شاهد، استعضت عنها بإدخال كلمة (بوصفي) دون أن أقوم بتغيير الإعراب لتصبح (بوصفي شاهداً)، أها دا ما قضاء وكمبيوتر؟
إنت قلتي قدر الهجمة، أتحداك لو عندك هجمة أكبر من دي، جريت أصححها وقلبي عليها دم دم، لقيت الهجمة الأكبر، (جني) عمل ليها كوتيشن بسرعة البرق، وخلاها ظاهرة وتلصف زي ضهر السحلية، عليك الله كان (جنّي) دا صاحبك، كلميهو يفكّنا من الهجمة دي، ويضحك نهارك،..
وتحياتي لك،..
صديق الموج،..
تحياتي يا نقي الروح،..
وجبنا الأجنات والشواكيش، عمَّا قريب بتسمع تل تل،..
أها أبقه طيّب ومتونِّس في الخربانة،..
محبتي
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
اما بخصوص التحية الطازجة فسأتعطر بها واخرج بها الى الشوارع مغفور لى..
اما بخصوص جنى وقولك:
(جنّي) دا صاحبك، كلميهو يفكّنا من الهجمة دي، ويضحك نهارك،..
فخليهو على..حيشيل الكلام المعدل ويعمل كوتيشن جديد بالتعديل على ضمانتى..
مش كده ياجنى انت صاحبى؟
واما انت..فما ألهبك "من لهلبة".. لك مودتى الصادقة
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: newbie)
|
Giwey ،...
لك المحبة وتحياتي لك،..
هذا المكان هو فردوسٌ بك وبالصحب،..
ما زلنا نحاننها كي تجود علينا بالخواتيم، وشكري لكلماتك الباسلات والمزهرة،..
وخليك في الجوار،..
newbie،...
سلام يا زول إنت يا سمح،..
أنا وحاتك مسيكين وغنماية ساي،..
لكن مرات بتشودد، وبقع لي في برسيم زول،..
أها يضحك صباحك،..
والمحبة المحبة ثمر القلوب، فِركة ستر الشين،...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
| Quote: والمحبة المحبة ثمر القلوب، فِركة ستر الشين،... ¡... |
محسن
هكذا نحن نسقط كل عبارات المؤطرة لشكل العلاقة الإنسانية مثل الأخ والصديق أو للصفة كالمبدع الأديب..إلخ، حين تضيق العبارة بالمعنى، فأكتب الإسم مجردا.....
غبت عنك، وعن تيموليتك، وصبيتي، لظروف العمل اللجامها ثقة أربابه، ولكن دعني أسرق لحظة،
أتمعن في بنياتك ديل، "وشوف العين ما كتل ليهو زووول"...بين وبينك مبتكر هذه العبارة كان شاف زي الصبايا وتيموليتك ورفيقاتها، كان قال جنس الكلام دا....يا أخوي أنا كفاي منها أن أتخذها قناع وقار، وعارفك إنت جاسر، وماك سائل في الوقار ولا التوقير...
بالمناسبة عجبني الشق الأول من العبارة التي رردت بها للزميل newbie، ولكن حكاية الفركة البتستر الشين دي يا زول أنا عديل مختلف معاك، وكان مغالطني أسأل شاعر "الطابق البوخة".
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: nadus2000)
|
نادوس،..
إزيّك يا أبا شَهْد،..
أها شايف سلبطة الصباح دا كيف؟ وكيفنَّها تحياتو؟
يا زول بنياتي ديل بدعن كتيرة، وما تنشده في الدنيا كتير، مافي أحلى من ونستن دي هنا،..
(المحبة ثمر القلوب، فِركة ستر الشين)،...
ما تفصل الجزء الأوَّل عن التاني، بتلقاها حلوة وماشة في خط مغازل ومستقيم،..
الفاصلة هنا حَقَّت شيل النفس، وتونين الكلام، ما حقّت جَبد المعاني التانية،..
الفركة.... أداة الستر= المغفرة، فتصبح الجملة:
المحبة هي المغفرة،...
ياخي كان في بت بتريدني في حلّتنا، بتغفر لي كيف ما أسوي،..
لولا أنَّها تُحب، لما سترت شَيْني لديها، وحمَّضت محبّتها لدى كل سوءاتي، فتراني بدون شين، محبتها غطّت الشين، فما بقي في نفسها تجاهي إلا الزين، الفي حقيقةً، والمتوقعاهو المحبّة،.. (حِب لتكن غفوراً)،..
ولو خانتني الكتابة في الجملة برضك ما مشكلة، أصلي أنا خاين الكتاب عمرها كلو، وياما شوّفتها درادر، أنا قسّيسها، وياما خليتها تعترف الخائنة،..
أنا قبل كدا اشتقت ليك يا نادوس، وكان غبتَ تاني وألا ما غبتَ، ح أكرّر شوقي ليك،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
محسن
أنا عارفك، مجضم الكتابة والصحبة الحلوة تب، وإختلافي معاك زاتو عاجبني، على الأقل يمكن التاريخ يذكر لي بأنو زول من قبيلة ساكت، إختلف مع النوبلي محسن خالد، بإعتبار ما أنت أهل له.
وكمان عجبني حومتك حول المعنى القاصدو أنا رغم إنو واصلك وفايت أضانك....."يا أخوي ما أحلى البتسترو الفركة وعمرها شفتها غتت له شين!!!!
أسمع ما تاخدلك خفسة للدوحة دي خلينا نتقص نظرية أستاذنا بشرى الفاضل عن العبقرية وصرة العين الشمال.
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: nadus2000)
|
نادوس،..
أمَّا إنك رجل حلو بصحيح، والزول الحلو ما بدورلو رفع ضو،..
وإنت من قبيلة ساكت لمنتهى الرقي والرفعة،..
المعنى واصلني طبعاً، وأنا جكيت منو، جكّتك لسلام تيموليلت لما تشوفها من بعيد،..
علي الدوحة قول لي متين بس، قبل كدا جيتها مَرَّتين وما نجّمتها سمح،..
أصلها من هنا، ياهو الكأس الأوَّل دا، في طيران الخليج، والمضيفات الحلوات يقطعوا عليك التاني بوصايا ربط الحزام،..
قول أجيك متين، عشان تتأكَّد من عيني صُرَّة المحن،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
لقد اتصلت بي التشكيلية المغربية "سمية"، ليلة أمس، تسألني: ما لقيتش غير هادي الممسوخة تسويها بطلة؟ ولَّت مشهورة هادي الملعونة،..
قلت لها، أنا أحببتها لإنسانيتها، إنها لا تبخل على الفقراء من حولها، ولا تكذب أبداً، والصدق دائماً يمثِّل لي أسطورة أُفتتن بها،..
أنا لم أكتب هذي القصة، وإنما الحياة سرقت فمي لتحكيها به،..
إنها تحية اليوبيل "الماسي" لقصة تيموليلت،..
أنا تلقيت على هذه القصة جائزة كبيرة جداً، أحد السودانيين بالسعودية له "لوري" ينقل به العفش الكرور والتراب، وبخط نَسْخ راقٍ لا يشبه اللوري وإنما روح صاحبه، كتب على ظهر اللوري: تيموليلت....
آخر افتتح مقصفاً، عنونه بـ: تيموليلت،..
القصة عملت ليها كرعين،..
تحية اليوبيل "الماسي" لصديقتي تيموليلت، وأنا موعود ببوسة أطول من النيل، على خد تيموليلت، مش فرحان شديييد، بل أنا بصدد التفاوض،..
في رواية إحداثيات الإنسان، يقول العجوز الإيطالي للرجل "الأميبي":
الشيطان لا يعرض على الإنسان الطمع، لأنَّه يعرف أنَّ الإنسان أطمع منه، بل المشاريع فقط،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: WadAker)
|
Alia awadelkareem،..
يا عالية، نحن همباتَة كتابة، وخايفين حرف الخلاء يتوِّكم،..
وخليك على القلب،..
WadAker،...
كي داير آصاحبي، اتوحشناك نحن يا...
بنات كازا متفلهمات، فيهن لؤم مدني ما،..
بنات الجبال أرقّ، (وبالسلامة يُمَّة وأنا أراني مشيت)، يغنن في الأعالي،..
يرشقننا بماء العين الواشل، أنا أضحك وأتابع دقة سيقانهن بانشداهة سوداني عادي، وصديقي التشكيلي "حسَّان" يصيح فيهن – ناظراً إلى أعلى-: ودين محمد آلشريفة تتفلاي؟.. ويضحك هو،..
يا حليلنا منها مغرب تيموليلت!
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: banadieha)
|
banadieha،...
يا زول ماك طيّب،..
أنا ومحبتك في عَكَّة شديدة، وعَوَّة،..
بس كيف نلم في مهلة وانسراحة؟ بعدين صاحبي عبد الله الشقليني وصّاني بالتحريص من السرقة، (البيت الصيني) إمكن أتفاسلبها، أتعلَّم فيها الفسالة، دي فيها ناس "ميمي، وساسا، وفيفيان"، وهلم حلاوة،...
أبقه طَيّب آخوي،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: عبد الله إبراهيم الطاهر)
|
الأخ محسن ترددت كثيرا من الدخول فى حواريك وزنقاتك....وأستمعت للجلبة والصخب التى أتانى صداها بعد أن إصتدم بهامات سوامق من جبال القراءة والكتابه....فقررت الدخول....لأنى درويش جلاب لدفيس نار القرأن وهبيلة بليلة الأربعاء....وقفت عند الباب وتبسملت بعد أن تحوقلت وقرأت الكرسى وخواتيم البقره.....فتراءت لى منزل أحرار...قرعت الباب فى وضح النهار لا طارقا فجاء من أخذنى بعد أسهب فى التعريف بالموقع على طريقة الدليل السياحى وشراح المتاحف والمزارات والبيانات ...ببيان وتبيان منيت نفسى تكراره عشرات المرات....تلمست كل التحف المعروضه وتلمست الأبعاد السباعية فيها....مشيت على إيقاعات تنبجس وتنبلج كالظلال على الأضواء المزركشة الخافضه والخافته.....من الحيطان المزدانه بفنون الأندلس وإبداعات المور.... وشاهدت كاحلام اليقظه حراك وعراك بين أشواق وعشاق فيا أيها المحسن أنت مجنون مسكون بفنون وفنون......
يحى عبدالكريم المحامى والأديب دفعنى اليك فها أنا زحفا اليك أتيت....وشاهدت وسمعت وتلمست خمس الكل....وسأحفظ البقره للأربعه أخماس المتبقيه....كل ما أستطيع أن أقوله إنى لا أستطيع أن أقول نفسى فأحتاج لدثار لأزمل.....
لك الود/منصور عبدالله
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: banadieha)
|
عبد الله إبراهيم الطاهر،..
يا سيدي سلام، وتيموليلت فوق النار،..
ذكّرتني، في انتظار البترول أحد النصوص المسرحية التي أعجبتني، يا ربي الكاتبو منو؟
وأبقه طيّب،..
munswor almophtah،..
تحياتي أوفاها وأنضرها،..
هاهنا بالفعل "بيت أحرار"، لكي ننصف الوصفة لا البيوت،..
هاهنا المقاعد من أبدان ومن قلوب،..
تجوّل من هنا وحتى آخر ذكرى، فأنت رجل ممن يتقنون تلمُّس معارض الروح، الروح الصادقة بيت أحرار،..
(إيقاعات تنبجس وتنبلج كالظلال على الأضواء المزركشة الخافضه والخافته) هذه بالضبط شوارع الروح، فما أجمل وصفك لها،..
تحياتي لك مرة ثانية،..
ويسمح صباحك
banadieha،..
تحياتي، وشكراً للفتة، وشكراً لصديقي القاص عثمان حامد سليمان على هذه الشهادة، التي نرجو أن نستحقها،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
الغائبان: سمبتيكو... بلَّة موسى...
مع مجهولية اختفاء الأوَّل، ومعلومية قضية الثاني،..
تحياتي لكما، وأنا رجل يحترم الغياب، وإن لي مشكلة معه من ناحية أخرى، من ناحية رائحة الناس في المكان، كان لكما عَبَقٌ ومزينة، فبالله عليكما نحن نتذكّر هذه المسألة،..
الناس في الغياب تُنادي فيمن يعرفونهم رائحتهم، الرائحة لعنة الارتباط،..
بعد سمبتيكو ماتت فكرة الفيديو والأغنية، أُفقرت هذه الناحية،..
بعد بَلَّة موسى، ستموت (النصيحة)، والطبج والطُبجية بلقوا اليوم المناسب لإقامة سوقهم،..
سمبتيكو عارف دربك وأنا في الأثر، قصَّاص،..
بلَّة موسى، هذا هو بريدي وأتمنى عليك تشريفي برسالة منك، ومنحي جائزة في هذا الصباح: [email protected]
فقط كونا بخير،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: برهان تاج الدين)
|
صاحب القلم المشدود وتر محسن
تحياتي
والله أنا مع إقتراح أخونا برهان، بأن يمشوا بوستين بشكل متواز parallel، فأنا كنت متابع معاك، وبعمل نسخ ولصق لتيموليت، وبعدين أصبحت أستمتع بالحوار والتداعي، الذي "يزح منها" ومن ثم يعود للتماس معها زي المشمع في بص المواصلات.
وحيث انني اعلم أنك تكتب هذه الرواية مباشرة من الراس للكي بورد، وأن مداخلاتنا تشتت أفكارك، وأنا على يقين بأنك ولأكثر من مرة جلست وقد إختمر برأسك بقية الحكي، ولكن مداخلة أحدنا تذهب بافكرة بعيدا، وتحتل مكانها، فتجد نقسك في حالة رد عليها.
عايزين تيمو...عايزين تيمو.
بعدين تيمولييتك دي أخت لوليتا واللا بت عمها؟؟؟
واصل إبداعك، والفي رأسك سوو
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: برهان تاج الدين)
|
صاحب القلم المشدود وتر محسن
تحياتي
والله أنا مع إقتراح أخونا برهان، بأن يمشوا بوستين بشكل متواز parallel، فأنا كنت متابع معاك، وبعمل نسخ ولصق لتيموليت، وبعدين أصبحت أستمتع بالحوار والتداعي، الذي "يزح منها" ومن ثم يعود للتماس معها زي المشمع في بص المواصلات.
وحيث انني اعلم أنك تكتب هذه الرواية مباشرة من الراس للكي بورد، وأن مداخلاتنا تشتت أفكارك، وأنا على يقين بأنك ولأكثر من مرة جلست وقد إختمر برأسك بقية الحكي، ولكن مداخلة أحدنا تذهب بافكرة بعيدا، وتحتل مكانها، فتجد نقسك في حالة رد عليها.
عايزين تيمو...عايزين تيمو.
بعدين تيمولييتك دي أخت لوليتا واللا بت عمها؟؟؟
واصل إبداعك، والفي رأسك سوو
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: nadus2000)
|
برهان تاج الدين،..
أريتك طيّب،..
(جدادة خلا فترت من النطيط فوق البوستات لتلملم حبات تيموليلت)،..
nadus2000،...
أريتك طيّب،..
(الذي "يزح منها" ومن ثم يعود للتماس معها زي المشمع في بص المواصلات)،..
يا برهان ويا نادوس، هسي إنتو الزول يضيع روحو ويكتب ليكم، وألا يمتّعها ويقعد يقرأ وبس،..
خلاص، صاحبنا منوت عمل لينا ديوان وألا ديوان دي ما حلوة، ريحتو رجال رجال، خلوها برندة نسوان، ريحتها محنّة وحليب حليب،..
لزوم الرجَّة والونسة وسمعت يا فلان وسمعتِ يا فلانة،..
أها تيموليلت ألَّتكم دي خليناها، الداير الونسة يجينا هناك، لكن أقولكيم حاجة أنا زول رأسي بكبر ولمن الناس يشكروني بهوش وبعرف أكتب، عشان كدي بحب النسوان لامن يزغردن، أيوي أيوي أيوي، أبشر، أبشر، أبشر، زولك يخلي ناس هريقليطس وهنري باربوس، بالهاري الليهراهم، ويبقه زول عنجاوي سااااكت، نوقّف الكلام هنا عشان ما نخيّب الهدرة، وكلامكم بسمعو تب،...
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
خلاص، صاحبنا منوت عمل لينا ديوان وألا ديوان دي ما حلوة، ريحتو رجال رجال، خلوها برندة نسوان، ريحتها محنّة وحليب حليب،..
لزوم الرجَّة والونسة وسمعت يا فلان وسمعتِ يا فلانة،..
هترشتك دى براها تعمل ليها Best seller
على العموم شكرا يا حبيب على الاستجابة
بعد دة ما دايرين و لا ضكر حايم بى جاى
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
خلاص، صاحبنا منوت عمل لينا ديوان وألا ديوان دي ما حلوة، ريحتو رجال رجال، خلوها برندة نسوان، ريحتها محنّة وحليب حليب،..
لزوم الرجَّة والونسة وسمعت يا فلان وسمعتِ يا فلانة،..
هترشتك دى براها تعمل ليها Best seller
على العموم شكرا يا حبيب على الاستجابة
بعد دة ما دايرين و لا ضكر حايم بى جاى
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: برهان تاج الدين)
|
تبتديهو الصباح وألا يبتديك؟ إنه السؤال! لو كنتَ ماهراً، فبالنوم تتفكّك من شرابيك اليوم الأمس، الوجود أزمته كلها تتجلَّى في ابتداء اليوم،..
خلي البنات ينعسو في قلبك يا منوت، خليهم ينعسو من زمان،..
لولي البنات بين رمشك ورمشك يا منوت،..
كان تحلمُن وإنت بتشوفن، كان تشوفن وإنت بتحلمُن،..
القلب سحَّارة البنات، حَرَاسة الرجال،..
فيه تُدّخر النساء ليوم الزينة "يوم فرعون"، وبه يُفلس الرجال كما أفلس "فان جوخ" و"سيرانو دي برجراك" شاعر فيكتور هوجو،..
كنتُ لأكون فيلسوفاً أو حكيماً، غير أني لستُ بحجم هذه الخيانة للقلب،..
يا منوت، الناس يفرحون بما تكتب، وأنت ما أحزنك! يا ريت تستحمّها من حزنك يا ابن أمي، رائحة حزنك لا تُطاق، وأريت النيل يكفي يحمّمك،..
يقولون "ندخل الحَرَاسة ونضرب القُرَّاصة"، يقولها الهمباتة في وش الإنجليزي الجافر دمو ومنقَّر،..
الخوف دخول حَرَاسة القلب، لا الإنجليزي
الخوف قَرُوض قُرّاصة إمرأة قديمة، لا قُرّاصة من رديء القمح
الليل أمسى وألبِل حرّرنو مشيهن
عَقَبَن موية.. والجبل أب قرود راجيهن
الخلاني فرض الخمسة ما أقضِّيهن
رزق الدنيا والمحن البصارع فيهن
وتسمع هاع هاع، هاع يا عير، صوت يقول به ابن منظور في حث (ألبِل)،..
يا منوت، أنا رجل ذو عاهةٍ معتبرة،..
(العاهة تستعير الألوهية من خالقها)
صاحب العاهة كل يوم يصعد على راس بيت عاهته، ويراقب الطيور والغمام،..
ينزعج من قبح عاهته، يتأمل جمال الآخرين انطلاقاً من عاهته،..
يصحو واقعيتها كل يوم، ويزدرد كوابيسها كل ليلة،..
يصحو وزبد كوابيسها في يده،..
يوماً بعد يوم، وتسرق العاهة الشخص من نفسه،..
تسبيحة بعد أخرى، يتقرّب لها الشخص بالتعبّد،..
يستبدل بها نفسه أوَّلاً، ويقايض بها إلاهه لاحقاً، فلا طريق آخر معه،..
(العاهة هي ما يتم من مقايضة بين إله ومتلقيها منه)
أنا يا منوت، سأقرِّب لك المسألة، أنا وإمرأة قبيحة من قريتي، لن يحاسبنا الله يوم القيامة إلا بإدخالنا الجنة،..
لقد ضلّ بنا حزن العاهة، ضللنا ولا يد لنا، أنا وهي محزونان،..
يا منوت، الناس حين شاؤوا رجم العاهرة، نادى فيهم المسيح أن لا..
ونادى في ربّه، سامحها يا إلهي فقد تعذّبت طويلاً...
ولكن من يدرك يا منوت، من له (ذكاء إدراكي)، ود شوراني ضارب العبقرية، وفارط الانتباه، ود شوراني مستبصر كبير:
جيت عارق الدكاكين البُناها زناكي
رَسَنك زَاعت الوِرْدان ودومك باكي
تفاح دُنقلا العَمَتْ السبيط متّاكي
ألذذ منو ريق سيد الذكا الإدراكي
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
محسن
زمان كنت بقول لنفسي إنو لمن أكبر (سوف أغدو أديباً)، ولكني كبرت وبقيت (قرّاي)، وزي ما قلت لتماضر قبل كدة كنت أدعي أني أعرف الشاعرات والشعراء في بلدي، وهسة انا طلعت زول ساكت ما بعرف غير أبكر آدم وود الملك والطيب صالح، والواحد كان ما جا أمريكا وبقي يقعد كتير قدام الكمبيوتر كان ما عرف محسن خالد، وبعدين عايز أقول ليك حاجة أنا مرضان قراية وحاولت أقرأ لأهلك المغاربة ديل وغلبني عديل، مشيت اشتريت ليك أي كتاب صادر من دار (توبقال) بعدين بصراحة في كتب ما فهمتها زي رسالة الدكتوراة بتاعت صاحبكم محمد بنيس، فقمت وأنا طالع من السودان شلت الكتب دي كلها وكانوا كتار وأهديتم لمحمد مدني (الحبشي)، المهم من اليوم داك بقيت أقرأ ليك الروايات بس يا عبد، لحدي ما وصلت لكتاباتك دي وخلتني ليك زي ما قال عادل إمام (فاغر الفهشة)، وقمت إتذكرت ليك المغاربة تاني وقلت ياريت لو خليت الكتب بتاعتم معاي.
علي العموم الكلام بتاعك دا (تريان ومندِّي)، ولا أقول ليك علي راي صديقي هاشم بدر الدين (دا كلام وَعِر)، وبالمناسبة دي (إنتو الكلام دا بتلقوهو وين، عليكم الله ورونا ما حنشيلو كلو حنخلي ليكم حبة، ما تبقو أنانيين، يعني شنو إنت وأبكر ومنوت وماركيز وكويلو وصنع الله براكم تغرفوا منو، شنو يا خوانا أدونا فَرَقَة معاكم.
الصادق
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: الصادق اسماعيل)
|
الصادق اسماعيل،..
يا سيدي إزيك ومرحبا،..
وكلامك دا ذو أزقّة، متشعّبة وحلوة وبتجر الكراع، بس الواحد خايف من برهان تاج الدين ونادوس، عاملين لي فيها شرطة بتاعة انضباط عام في المحل دا،..
لكن يا صديقي يبدو إنو البوست دا لي "حكمة"، كما يقول الناس حينما يتمحّنون ويوروح ليهم الدرب في الموية، أها يدخلوا الكراع بي حرّها في الموية، ويلقوا الموية ساقطة، خليهو الدرب الليروح،..
طبعاً هناك إشاعة كبيرة حول الكتابة المغربية، وهي أنَّ الذهنية المغربية ذهنية تصلح لكتابة البحوث والنقد، وإن هي مقصّرة في الإبداع كثيراً، وأنا شخصياً أوافق عليها، باستثناء أسماء قليلة جداً، وكلامي دا بقولوا عن دراية بأدب المغاربة، يعني ما فاتك كتير، أقراني أنا ومنوت صاحبي دا ومابتجيك عوجة... ودي قِرْقِرْ لذيذة معاك،..
بعدين يا صاحبي مافي أحلى من قراية الروايات تب، لأنها فيها معرفة ومابتقوليك دي معرفة، وفيها متعة ومش بشروط المسلسل، ياخي الروايات دي حلوة أكتر من البنات، وفيها الافتضاح الإنساني العادي واللذيذ، زي كلامك البتقولوا في الحمام إنت وبراك،..
يا سيدي تحياتي، وأبقه طيّب، ولو هاشم بدر الدين دا ياهو الزول الأدّ الترابي –أيام عِزّو- كم كَفْ في كندا، قوليهو سيد الكلام الوعر دا بسلّم عليك،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
مولاي محسن
قالت العرب الحديث ذو شجون، فمعليش عشان قصة الزقاقات دي، لكن والله العظيم يا محسن الكلام بتاعك عن قراية الروايات بيكون أحسن كلام أسمعو من مدة.
وعلي العموم يا سيدي شكراً ليك، ويمكن يوم نفتح لينا (بوست) حول الكتابات المغربية والأدب بتاعم وحتى قلة أدبم ذاتا لو في طريقة.
الصادق
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
يسد الشخص باب بيته وقلبه وينام،..
الخارج جارح، والناس جارحون، والحب الجارح، والصراع جارح، والتفاهة جارحة،..
ولكن الحُلُم من يسد بابه، كي يتم الانقطاع، وليربض الرجل كلبَ ظِلِّه ويهز ذنب عزلته؟
يُحكى أنّ كاتباً عبقرياً اسمه محسن خالد، يقال له هاهو الفحم الحجري، إنَّه الطاقة، فيضحك،..
هاهو الكيروسين، الطاقة، فيضحك ويضحك،...
إنها الكُهرباء.... ولا يردع سخريته شيء،..
يتحداهم محسن خالد المعتوه ذالكم، بأنَّه حين تجعلون الآلة تحلُم، فأنا سأُقرَّكم على كونكم قد بلغتم الطاقة التي لا تنفد،..
الحُلُم هو الطاقة الخالدة، فاحلموا هذا الصباح، بأنكم ما تشاؤون وتصروفوا وَفْق ذلك، فهاهنا طاقة مجانية وآبدة، هاهنا كيروسين البشري،..
أنا الآن أسكنُ في بيت عريض وله حديقة، أنا الآن بجاب مكتبتي، أنا أُفرِّغ نفسي من احتقانها وبؤسها بالحُلُم، الكتابة هي الحُلُم فاحلموا معي،..
تيموليلت هي الحُلُم من طين، فخذوا مخداتكم معي،..
املؤوا الروح ببترول الحُلُم، ودوّروا هذا الصباح، دَوِّروا،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
يااااااااااااااااااااااااه
يا محسن
الآن فقط، ، عرفت ماذا ضاع مني منذ أن وطئت قدماي هذه الأرض التي اغتصبها الخواجة من الهندي الأحمر وسيَّر قوافل صيد العبيد من أفريقيا لاستصلاح هذه الأرض وفِلاحتها، فنَمَت ثقافة أحفاده من هذه البذرة.
لتعيش هنا لابد أن تحقق ثروة
لتحقق ثروة لابد أن تَغتَصِب وتُسخِّر جهد غيرك
المهاجرون هنا يستعينون بالفايتمينات لمدهم بالطاقة
ولهم حُلم واحد كقناة التليفزيون يشاهدها كل الناس
حُلم كالأفيون
اللوتري، أو اليانصيب
أنا لا ألعب اللوتري..
إذاً أنا –هنا- لا أحلُم
فالواقع هنا ككفٍ ضخمة ارتطمت بخدَّك بسرعة تتجاوز المسموح به في الـ Highway.
الآن فقط، ، عرفت ماذا ضاع مني
القدرة على الحُلم
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
لا مِسَاس... لا مِسَاس،...
كلمة للأمل من جهة الغروب،..
كُرباجٌ تُساطُ به الصحراء والبريَّة،..
القرآن مبتكر هذه اللعبة قبل مدارس الوجود، قبل -كيغارد –سارتر- كامو- بونتي، في نفس العصر الذي ظهرت فيه مقولة "إنّ الإنسان اتفاق برجوازي"،.. فلا تمسسني لا تمسسني،..
أنت الغريب، خُذ مالي وابتعد، خذ ما تشاء وابتعد، ابتعد ابتعد،.. افعل ما تشاء ولكن فقط ابتعد،..
السامري كُتب عليه أن يمضِّي باقي عمره منادياً: لا مِساس... لا مِساس،..
ولكن من زواية العين الأخرى، إنها كلمة تُفتتح بها البريَّة وتراضُ بها العزلة حتى تصبح مسكينة وونَّاسة من جهة،..
كُلْ ما تشيل حنانك في اتجاه، يتلقَّاه فك البحر،..
فلا مِساس.... لا مِساس،.... وكن نجمة في رهاب السموات،...
لا تُطال، ولا تحنُّ إلى أحد،..
فما من أحد، ما من أحد،..
إنْ هم البشر إلا (اتفاق برجوازي)،...
فيا بعد اليوم.... لا مِساس.... لا مِساس،..
كي يصفو الحُلُم،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: صلاح الدين عبدالله محمد)
|
محسن ياخالد
من علمك ياسيدي كسير ركاب الناس .
أهي الغربة وحدها أم أن أمزجة السحاقيات تعرف كل ذلك
أندهش كل مرة ( ولا أفيق ) ولكأنني أحد صيادي هذا الذمان
ولا غزال . أدخل هنا ويقيني يامحسن بأنك مجنون في الوصف
فلا تترك قراؤك لحظة لمتعة التأمل وكيف التأمل ونحن من نعيش
اللحظة .
كان لي صديق لاذال البحث عنه مستمراً بين أبو جبيهة والعاهرة
التي ضيعت العديدين من الجميلين ( القاهرة أعني ) ومابين القوسين
ليس لك ياصديقي وأنما لصائدي الحروف والباحثين عن الاخلاق في دروب النت
أعود لهذا الصديق يدعي عيسي ناصر هو يعتقد بأنه اله ولارضائه أطلقنا ونحن
شرزمة من الناس الهلافيت لقب النبي عليه فسار فيه اللقب الا أن فاجأنا
في نهار أمدرماني بعدم رضائه من اللقب .
لعيسي هذا رؤية خاصة فهو لايجيد التملق والمدارة يسمي الاشياء بمسمياتها
أخجلنا ( ودخلنا في أضافرينا) مرات عديدة بتوكله علي اللفظ .
لا أدري لكنني أعتقد بأنه يحمل بعضاً من روحك الجميلة هذه .
تعرف يامحسن بأنني أقتفي أثر هذا البوست يومياً . أمد الصدق في حروفك
ونلتقي
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: خضر حسين خليل)
|
صلاح الدين عبد الله محمد،..
تحياتنا، تلقاك في تَرقّب الشبابيك،..
والبنات يمشوا ويجو من تحت، ناس تيمو وسيمو وسامية وخالدة ومنى،..
ويومي تَمَّه خلاص... جمايكا.... مشطوبة في الكراس... جمايكا
الزول حلو وحسّاس... جمايكا..... أريدو دون الناس... جمايكا
علبة الأناناس.......... جمايكا....
ويومي تَمَّه خلاص.... جمايكا
الشاغلني.. جمايكا، وبعربيتو وصّلني... جمايكا
يلا أوزن موجة الصباح دا علي كدا، وأقدل بالحُلُم...
خضر حسين خليل،...
يا سيدي إزيّك، وسلامي كمان لصاحبك عيسى ناصر،..
وأصبح يقال بدل: بين أب رَيّا والتريا،.. بين القاهرة واللوتري،..
وكلو ياهو الشجر وياهو الخلا، وياهو (أبو جبيهة) وإنت نازل لاحدي بطاين أب شَقَّة،..
أريتك متونّس بس، وأريتك طيّب،..
وأشكر لك وجودك الدائم هنا،..
وأنا يا خضر الأيامات دي فارقة معاي،..
بعد ما كتبت حاجة لتيموليلت، وقلت أجي أشاغل بيها الناس دي شوية، قاطعني الناشر وجاب لي كم عمل للسي خالد، قال تتراجع بأسرع ما يكون، أصحابي من الشوام، البثق في لغتن ومراجعتن مافيهم زول في متناول المناغمة، الناس أجّزت وطشّت علي بلودها، إلا أخوك –طبعا القاعدة إلا (أخاك) شايف جنس الوهم والمرض المأجّز فيهو أنا، عشان كدي بقيت أطلع من الدوام وروحي طالعة، وأدخل في المراجعات وروحي أطلع من "الزُهرة"،...
يات من ليل تملص فنيلتك، بعد تمصرها من حَرّ الشارع والزهج ومن ريحتك البايتة، وتخلّي رقبة القزازة قريييبة، من أجل المباوسَة، وتدخل في عوالم (إحداثيات الإنسان)، والله يا خضر الكتاب دا أنا عاجبني عجب،...
أها ما ونّستك؟..
أبقه عافية،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: banadieha)
|
banadieha،..
سلامي ومحبَّة،..
عارف؟ أنا من زمان هي لاخمة رأسي، لكن الآية الكريمة هي الخَلَّتني أرجعها لجذرها الصحيح، يقول تعالى، (لم يطمثهن قبلهم إنسٌ ولا جان)،..
ولَمَّا تحاول تجيب اسم الفاعل (الطامث)، وهي المرأة النازل بها دم التكوين، المعنى يذهب بعيداً، وإنْ عميقاً أيضاً، لأنَّ المرأة إن لم تُفتتح قبلك، فأنت خائض في سيرة الدم لا محالة، ولذلك تُسمَّى (الفلبين) عذراء الإسلام، لأنَّ الإسلام دخلها ودّياً، ودّياً حتى صارت عاصمتها (مانيلا) أي -في (أمان الله)،..
أمَّا (المطموث) –مفعول، فهي من باب النكتة تذهب بك مباشرة إلى اسم الآلة، وهي هنا (عضو الرجل) –المطموث،..
بالمناسبة زمان ما كنت قادر أشوف إنو (البورد) هولكم دا قاعد (شُلليات)، أها شُلّتكم البهناك دي بالذمة حلوة ولذيذ دمها،..
بس (تيموليلت) دي أحلى ما فيها إنها (جماهيرية)، وما خَلّت (جان) ما حضّرتو هنا،...
يلا يضحك صباحك يا زول فَنَّان إنت وصاحبي وصاحب تيموليلت،..
طَمَس معناها، بَعُد،... وانمحى،..
والعرب تقول لا أدري أين طَمَس، أي أين ذهب،..
أمَّا (المَطْمُوس) فمعناها الفصيح "الأعمى"، الذاهب البصر
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
يقول الشاعر العظيم (ريلكه):
كُلْ ما أستسلم له، يغتني ويهجرني،..
أنا أضرب بيته هذا بأنَّ الحُلُم هو الشيء الوحيد الذي نستسلم له، فلا يغتني ويهجرنا،...
احلموا احلموا، إنها دعوتي لكم في زفت هذه الأيام،...
الحُلُم لا يترك صاحبه يا ريلكه، الناس يفعلون، والأشياء تفعل، وحده الحُلُم لا يفعل،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
عزيزنا محسن
هنا، عند مُنحَدَرات التلال، أمام الغروب وفُوَّهَة الوقت،
قُرْبَ بساتين مقطوعةِ الظِّلِ،
نفعلُ ما يفعلُ السجناءُ،
ومايفعل العاطلون عن العمل:
نُرَبِّي الأملْ.
يأخذني الشعر دوماً إلي عوالم غريبة، وجميلة، حينما قرأتُ المقطع أعلاه لدوريش لأول مرة، أحسستُ أني وصلت إلي حافة الزمان والمكان، حيث لا ألم ولا فرح، حيث تتزامن كل المشاعر والأحاسيس، أكاد اُمسِك بها بيديّ، أتحسسها، ليس كما أتحسس خروف العيد، ولكن برهبة المراهقة الأولي حينما مَست شفتاي خدها لأول مرة، وهذا ما حدث لي حينما قرأت هذا البوست لأول مرة أعادني إلي تلك الحدود مرة أخري، قبلها كنت أظن أن الشعر وحده هو الذي يوصلني إلى هناك، ولكني أكتشف الآن أن الرواية أيضاً يمكن أن تجعلني أعيش على تلك الحافة مرة أخري.
ولكني لا أستطيع لك شكراً الآن فأنا في موقف (الحافة) وهو لو تعلم يا محسن موقف عظيم.
صادق
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: Tara)
|
الصادق إسماعيل،..
تحياتي، الشعر هو الحكمة الغالية، والجمال الأبدي، الرواح في الروح والنور،..
لا تذهب من تلك الحافة، من هناك تمر الطيور في فاره جمالها، وتحليقها البعيد، استبقِ الأيام لديك يا رجل،..
قيل إنَّك ممن يحفظون الروايات عن ظهر قلب، نحيي فيك تلك العبقرية،..
لقد كان لي صديق اسمه (عبد الله الشريقاوي) كنّا نجلس في ظلال الشجر، بالنشيشيبة، ويقرأ علينا هو من رأسه كل مجموعة "حكاية البنت التي طارت عصافيرها"، عن ظهر حب وقلب،..
كان يُقيم جارك، في الحافة نفسها، تلك حافة تُحسد عليها يا رجل،..
Tara،..
تحية رحبة،..
تجوّلي ما شئتِ يا سيدتي، وغنّي براك وكما تهوى روحك في هذا المكان،..
هذا المكان للتمشّي، فتمشّي بعيداً في أزقّة الحُلُم،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: الصادق اسماعيل)
|
الصادق إسماعيل،..
سلام ومراحب،..
هَيْ لكن تلقاني وين، في النشيشيبة، وألا ألقاك، كترة بنات وكترة شجر، والسفاهة كمان كانت كتيرة، وكمان في ليها شباب ومروّة، ودا كلام روائي،..
فوالله زي ما قلت علي مسكين، كنت النوع البتمضمض بكتاب، ويتوضأ بركن، ومعارفي في الدنيا ما زالت شوية، غايتو الناس بقولوا عندي نفسيات، وأنا بقول البتصاحَب منهم شويييية،...
وعليك المحبّة سلّم لي علي صاحبتك (كلثم فضل)، كما أُدلّعها، وهي كتابتها البتكتبها زي: ياسلاااام دي ذاتها، مافي بت بتعرف تكتبها،..
طيّب الكتاب أنا أوصفو ليك كيف، ماعارفك إنت وين، في الإمارات موجود، أنا آخر مَرّة شفتها نُسخ منو في (All Prints)، ممكن تشوفها في النت، وهم بدلوك، الطابعو منو ما بعرفو/ برضو شفتها نسخة منو مختلفة عند (مكي أبو قرجة) وما بعرفو جايبها من وين،..
تحياتي،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
| Quote: أنا؟؟ الكاتب محسن خالد، بتعمل لي تلفون وتقول لي تعال السودان بنعلّقك في شجرة، هلا هلا آود "أم كنفوس"،.. |
يا فنان
حُرَّاس النوايا لحقوك؟
يعني إنت يعلقوك في شجرة و ابو القاسم يحيى عبد المولى يصدروا ليهو ديوانو "قمر اشرق مرة ثم خبأ" من منبر الخرطوم عاصمة الثقافة العربية؟؟؟؟؟؟
نسأل الله السلامة
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محمد السر)
|
الغريبة يا ود السر إنو النضم بدأ بدعوة مبجَّلة لمحاضرة، الخرطوم المتقنّعة بالثقافة في عام الرمادة، وبقول لي إنت أحسن من فلان وفرجكان،...
فلان وفرجكان لو بدخّلوا إيدن معاك في قدح واحد، أنا أحسن من ربَّهم،..
هو بالله كلام الصادق الرضي دا بصحّو، أنا قلت صاحبي ود الرضي دا داير يزاحمنا في الروايات وألا شنو؟
شوف الأذى كمان، الخطاب الرسمي، البعنون كلّ الكتب الصادرة، شوفوا مكتوب كيف:
وماواكب.............
ذلك حفر وبحث.........
على انتاج غذاؤنا.......
حضارة تالدة،...
الفكر السوراني،... "والله فعلاً الفكر السوراني!"،..
ما عندهم زول بفك الخط يعني؟ لا قريحة لا فطرة لا ذوق لا سليقة لا دين،..
ناهيك عن محفوظية الكلام، واهتراء المفردات وانحطاطها، الخطاب التافه، في كتابته وفي معناه، وأهدافه، ومجمل عبثيته وصَغَاره،..
هسي أنا يا ود أم كنفوس لو بقيت حق بيع وشراء، بتقدر تشتريني،..
ربما أكون أتفه مغترب فيما أناله، ولكن هاهنا في قلبي، الكرامة، من حيث لم تخطر على قلب مفكّر أو رسول،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: الصادق اسماعيل)
|
صاحبي الروائي خالد،..
المحبّات مشرعة يا صديقي كمراكب الكوشيين العظيمة،..
لقد مضتْ بي تركيبة سؤالك، إلى ذكرى عاصفة وحميمة، كنت أنا وكان كل صباح، في إيدي اليسرى "حبيبتي السالفة حسناء"، وفي إيدي اليمنى "ما الذي يحدث في هاملت؟"، كتاب جون دوفر العبقري، والذي أعدّه أجمل ما قرأت في الحوامة حول كتابة شكسبير.
كُنّا نذهب لعين أسردون، فيُخبئنا الكتاب عن الهم اليومي، وعن إزعاج أم حسناء، ويخبئنا الشجر الكابي عن الطفيليين،..
لا شيء يحدث الآن يا صديقي، ما معهم من شيء يمكنهم أن يحدثوه، فقط أبناء "أم كنفوس" يشاغبون ونشاغب،..
شكراً علي رحمة السؤال عني،..
وربما نتشاوف قريباً،..
الصادق إسماعيل،..
إزيك يا زول حلو وصاحبي إنت،..
عليك الله آود إسماعيل آخوي هو نوعي دا كان داير يخاف، يلقالو خوف وين يخاف بيهو، أنا معلّم الله في الخوف والفسالة والكضب مَرّة واحدة،..
أها أبقه عافية،..
وشكراً علي رحمة السؤال عني،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
ليرى اللهُ كم هي الأرواح غالية مهما كان تجريبه عليها،..
لقد تأملتُ نفس الإنسان في ابتدائها، في الطفل،..
الأنانية، الظلم، الإزعاج، الغرور،..
الطفل افتضاح لما تنطوي عليه روح الشخص الراشد،..
الطفل يأكل حلوة أخاه دون أن يهتز له رمش أو أن يتأثّر،..
الطفل من سن 2 إلى 5 سنين، مخلوق شَرِه، أناني، تافه ويمكن الحقد عليه،..
الإنسان يبدأ جماله من الـ6 إلى الثالثة عشر، حيث تتنزل الحساسية، ويصبح الإنسان طريق توقه لأن يكون ملاكاً،..
العطاء والخجل الغزير والحب الملغز والتنازل عن كل شيء في سبيل المديح، والجمال، من الـ6 إلى الـ13 أجمل عمر يكون فيه الإنسان،..
بعد ذلك يبدأ الوعي بالغيرة، بالمخاصمة، بالمبارزة من جديد، بالتنافس، بالكينونة،..
من هنا يختار الشخص طريق رشاده، أو طريق دناءته،..
من هنا يمكن الحكم بشكل جوهري، أي طفل فاز بروحنا؟ ذلك الأناني والمختال، أم الذي يُعطي دون أن يعرف قيمةً للأشياء،..
| |
|
|
|
|
|
|
|
|
 Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
عزيزي السي خالد
تجدني منجرفاً مع تيموليلت "الليلتك" ومتحرقاً للتتمة، مما يجعلني امر "مرور الكرام" فوق التعليقات والتخريمات بين كل جزئين
احييك وبشدة، واشم في كتاباتك جرأة الطيب صالح وغزارة المعين الأدبي وغنى البيئة التي أعطتك كل هذا ليخرج الكلام سلساً سلسبيلا,,وكأني بك تحكي لنا شفاهة وليس الكترونيا
اعزك شدييييد وأتمنى الا ينقطع عطاءك
وسلمت،،
جمال كرار - السودان
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: بدري الياس)
|
حَبَابك، يا ود الياس،..
وأنا مغصت الزول داك دايرة تشقني كَرْ، لأنو عامل فيها قرن كبير، ولأنو بيني وبينو الهُوَّة وأم جنحين، غير كدي كان يمين الله أشققو سرحات، وناس تيموليلت وسيمو ديل، حلاة الجن دي، دايرة تكتل القلب وتنسيهو الرجالة،..
بالمناسبة يا بدري تيموليلت دي شعيتة خلاص، ما تفتكرها حلاوة وبس، مَرَّة أنا وهي جايين من السينما والظاهر السكرة ربطت معانا شوية، أها بواليس المغرب زي بواليس السودان، بتاعين ابتزاز وحقارات من أجل الغمتة والقروش طبعاً، زولك جاني عديل، طبعاً افتكرها عاهرة، وافتكرني المتعاهر معاها، لأنو السَكَر في المغرب مافيهو حاجة، سألني أنا من الجواز، قلت ليهو داير بي شنو الجواز،..
آلشريف أحسن تهدرو مزيان،..
سألته تيموليلت: يهدر مزيان وألا ندورو معاك؟
زولك ابتسم، اللتبغي إنت آلشريفة، را إنت عارفة كل شيء،..
زولك لسه فاتح خشمو مستنينا ندور معاهو، يعني نغمّتو، تلف تيموليلت لي ورا وتنيشو كَف أب فرطاقة، أنا بقيت في الحجازة، والله نعيطو عليك، واك واك واك، والعوّة وقفت قرون بقر، لكن تيموليلت مالية يدها من المكان، وأنا الغريب دا ماني هيّن،..
أها بمناسبة التكاسي، في واحد سيد تكسي زهجان جداً، وركب معاهو واحد من النوع النبّاص وثرثار، كل ما يمشي شبحتين، يتفرّج في راحات الدنيا ويقول لبتاع التكسي، عليك الله هسي الواحد لو كان أبوهو دكتور وأمو دكتورة ما كان جا دكتور زيهن وارتاح في الدنيا دي،..
بتاع التكسي يسوي أوووف، وساكت ملالة،..
يمشو شبحتين النباص يمل في مقعدو ويقولو، عليك الله هسي الواحد لو كان أبوهو مهندس وأمو مهندسة ما كان جا مهندس زيهن وارتاح في الدنيا دي،..
وبتاع التاكسي من حموهو يطقطق حطب في بطن لهبة،..
عليك الله هسي الواحد لو كان أبوهو بروفيسور وأمو بروفيسورة ما كان جا أستاذ جامعي زيهن وارتاح في الدنيا دي،..
طيييييييييييط، دَق، دي فرملة، الزول قفلها معاهو وشَكّاها فرملة في نص الشارع، بعداك لَفّ بجسمو كلو علي الزول،..
أسمع يا دين الحجر إنت، أها لو كان أبوك لوطي وأمك شرموطة، كان جيت شنو وارتحت وريحتنا؟
وييييين نلقاها زي دي يا صاحبي، ولا في الحلم، كدا الواحد ببقى والي عدييل وألا محافظ،..
مع الاعتذار للشباب والشابات، عن اللغة، الكلام دا موجّه لزول بعينو، قال بجيبني من الإمارات زي ما جاب عبد العزيز خالد، في قيد، دايرين ندوّرو زيادة عشان هو زول مهم، ومسعوول كبير، دايرين نشوف من هو المهم، المفكّر والكاتب محسن خالد وألا ود أم كنفوس،....
(رواية تيموليلت، مغزاها العميق هو تحرير الفكر، وليس الجسد فحسب، من لم يستطع أن يستنبط ذلك من النص، يمكنه أن يقرأها مَرَّة ثانية. تحرير الفكر هو الطريق الوحيد أمام الإنسان ليُعَمّر الأرض، وليحترم حُريّة أخيه الإنسان).
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: شرير والبرتقاله)
|
شرير والبرتقالة،..
ومساءاتك كمان،..
احيا الأزمنة كما تود، دائماً دع هذا قانونك،..
شكراً لمحبتك،..
وهانحن من وراء الأيكونات و-الأيوكونيات كلها نستمد العافية من الشدر، هناك في إحداثيات الإنسان شخصية اسمها بشرى محمود تقول: كالأشجار أُبَدِّلُ أنفاسي ضد الليل ولا أنكسر،..
ليكن قانون الأشجار قانوننا، هذا هو اللؤم الأخضر، بيفاعته وخضرته،
ومحبتي،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
الأديب محسن
قرأتك والانبهار يحول بيني وبين الغوص.. او لربما كان يغرقني حد الطفو.. وعجبت كيف لم أقرأ لك من قبل وأنت على كل هذا الحضور الباذخ.. وفي مداخلات الاخوة الاعزاء بالبورد لمحت عدداً اخراً من الكتابات لك.. وددت بشدة لو اجده..
لك الكتابة... ولنا الزهو بما نقرأ لك
nashaat elemam
الأخ nashaat elemam، تحياتي وسلامي،..
شكراً جزيلاً على هذه المودة، ونبادلك إياها، كما هي متعتنا بكتابة من كتب معنا في هذه اللمحة من الوجود، التي أرى أنّها لن تعبر على تاريخ الكتابة السوداني هوناً، بل هي ثورة ابتذرتها ومعي الصحب هنا، فإلى أحلام أرحب،..
لنا الكتابة جميعاً، والزهو بينا بالتساوي،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
تُرى هل هي العقلية السودانية عقلية، أم هي حمأة أخرى وعليا من وتيرة العواطف الخاضعة والتافهة؟
إنها ليست عقلية، بل هي ما تزال تخلُّقات هلامية، ورخوة كمحار البحر، تملؤها الانحيازات الصغيرة، التي تُعرقل طريقها نحو أن تكون عقلية معرفية أو مبدعة، أو حتى عادلة في المجال الاجتماعي،..
كما تشتهي الاعتراف المجتمعي الذي هو دونها، الذي هو تحتها، الذي هو يجب أن يكون حذاءها، تشتهي الاعتراف المجتمعي بكل قوتها وبانصياع كامل له،..
مثلاً، لنقل إنني كنت أراقب الأمور في قريتي المسيكتاب، يأتي فلان الفلاني المغترب والأستاذ الجامعي في إحدى دول الخليج،..
الناس يكونون في النادي، أو لدى مجالس خاصة يتخذونها في الأمسيات،..
فتجد أنَّ الجهلاء من حوله، يديرون كل شيء، وهو يعدو بكل طاقته كي يرضيهم في كل شيء، الصاح والغلط يحددونه هم، الرجالة يحددونها هم، الكرم يحددونه هم، الأخلاق يحددونها هم، هم الله عدييييل،..
- أسمع يا ود أحمد أخوي، ياخي إنت ما راجل متعلم وفاهم، ما عيب عليك يا ولدي تالتة البكا الناس يجوا يكوسوك بكان بكان ما يخبروك،..
ويشرع هو الأستاذ المتعلم، في التزلّف والتقرّب كي يرضى عنه ذاك الشخص،..
لا أنا والله ... كنت... في الحقيقة... البنية كانت عيانة وديناها الدكتور،..
- البنية ما تلفها أمها في فركة وتوديها الدكتور، يعني إنت يا ود أحمد أخوي، بقيتلي في مشهاد النسوان، ومشهاد الرجال بهنا تخليهو أعوج،..
ويستمر الأستاذ الجامعي في ركضه، خلف القيم والصياغات للمجتمع، التي أعدَّها نفس هذا الرجل الجاهل الذي يحادثه،..
لماذا؟ خوف القيمية نفسها، وحذر الأعراف نفسها، وحفاظاً على قيمته التي يمنحها له الجهلاء، يخاف اللغط من نوع هذا،..
هازول ود أحمد دا هو تريان علم، لكن زول طرمبروشة ساي، بناتو البقن فتوات ديل ما بلبسن توب، الله يخربو الباطل، والله بتو الكبيرة أم عيناً بيضا دي، أمس واقفة في الشارع منفسة تاكل في الإسكريم والناس مارقين من صلاة العصر،..
هو تريان علم، وهم تريانين جهل، وبعد ذلك يصيغون له المجتمع والقيمية الخاصة بوجوده، والأدهى أنَّه أستاذ جامعي، أستاذ جامعي يقر القيمية لمجتمع جاهل كما هي، هذا إن لم يكن مؤمناً بها هو نفسه، مثله مثل الجاهل، وتجد في مكتبته نيتشه وماركس وسارتر ولودفيك فتكنشتاين، وعمانويل سويندبرغ ومحمود محمد طه، وكامو وكارل بوبر وشومسكي،..
وهو نفسه عقلية ملتبسة، حين يدور الحوار، ويدخلونه فيه،..
هسي عليك الله يا ود أحمد كلام الخبير الجابوهو ناس اللجنة دا، "أم رهو" ما أفهم منو؟ يعني كلام علي ود أعمك ما إخير منو، الناس ديل متخمخمين من الخرطوم دايرين يورونا زراعة البطاطس، بنيّات وعوَّان، ميك ميك.. ميك ميك.. يخفجوا في الخضار التعبانين فيهو الناس،...
والله ياخي أقول ليك شنو... إنتو ناس بتزرعو عمركم كلو بتعرفو البسوهو من البخلوهو...
شايف؟ هو لن يناصر كلية الزراعة، ولا تلك البعثة بخبيرها، أبداً، هو بروفيسور ولن يقف مع العلم، وما الذي يخيفه؟ لأنَّ،... (ميك ميك.. ميك ميك..) المقالة هذه أضحكت الجميع، يخافهم أن يخترعوا له ميك ميك خاصة به، إذن سيتفادى ذلك،..
محسن خالد لن تُخيفه أي ميك ميك تافهة،...
هووي يا ناس أنا الله ما خلقني عشان أكتب ليكم قصص ساي وونسة ساي، خلو بالكم، أنا الله خلقني عشان عديييل أعمل ليكم وظائف لعقلياتكم العاطلة، أوديها تج تج تج تقعد فوق "عَرْشها"، وكل عقليات الجهل تنزل جب جب chup chup في حُفَرها،..
أنا هنا أُحيي صديقي القاص "عثمان حامد"، هو رجل عمره فوق الخمسين عاماً، ولكنه طوال هذا العمر لم يسمح للسذَّج بأن يصيغوا له ولو "قطميراً" من حياته الذهنية والنفسية والاجتماعية، لأكثر من 50 عاماً بقي عقله حُرَّاً وصاحياً لكل استلاب يمكن أن يتعرّض له الشخص، في مجتمع يستعمر القيمية فيه الجهلاء، كالمجتمع السوداني،..
| |
|
|
|
|
|
|
|
|
|
Re: تيموليلت: المغربية السحاقية، الفاتنة وصيّادة الفتيات (Re: محسن خالد)
|
الحبيب العزيز والغالي ... المحسن الخالد ...
لك من الود أجمله ...
عساك بالخيرات ...
ولو أن صياغة القيمية منهج متكامل في ذاته بين كثير من موجبات تحقق الحال كي يكون نوع من التوازن بين متطلببات الحال ومنتجاته في الفكر والثقافة والحضارة بالعموم إلاً أن التحولات صعبة لن يقدر عليها ذلك البروفيسور الأستاذ الجامعي الذي يعرف متى يكون الحال متوافقاً مع الرؤية الحقيقية للأشياء وفق نظرة تشكل الأسس وبراعتها في صياغة القيم العامة وبفهم الـ تج تج تج إلى العرش، لوحده سيخسر أمام الأخرين وأهالي قريته الذين ينزلون منزل الـ جب جب جب، ونظرتهم للآخرين هي تفعيل الـ ميك ميك ميك ميك ....
إن الحاجة في مثل هذه الحالات هي للـ تج تج تج إذا كانت ثورة تقلب أسافل (المدينة) أعالي ... وتعيد تأسيس الأشياء وفقاً لرؤية قطاع كبير من المفكرين والمثقفين على وجوب شرط أن يكونوا خرجوا من بطن ذلك النسيج (الواقع) أو (الحال) الذي لا يورد الحديث عن (سيرته) ذلك المحسن خالد ...
المشوار ألسي خالد طويل وبدور ليهو صبر طويييل عشان تجيك البتدورها في القلب الحي وجوه الجوه يا أخوي ... قول لي منو القدم شئ مختلف وخلوهو الناس ... بيتمنع وبيحارب أكان محمود محمد طه والا محسن خالد هسي ما قالوا ليك ولداً سجمان ورمدان وبتدور تجيب لك شيتن كتر ؟؟؟، النصيحة الما بتندار بتولع في عيون الجابها تتشتت رماد وضو القمرة هداااك كضاب اليقول غير الشايفنو ... وحياتك الدنيا مقلوبة والناس ما جايبة خبر ... يا أخوي خليهم الناس الرسموا القيمية ... الجيل الجاييك ده منبت الصلة حتى بالذي ننعق بالضد منه ... أرجا الراجيك يا ود خالد فشفاشك ما يتقطع بالمغسة ... جاييك جيل ضايع ودران بالمرة ... حتى المريوق منو بالمعرفة قليل وما بالحيل عليها ...
ده الودار الكبير يا ود خالد ... الفاتو قالو قولهم لكن الكلام على الجايين ما معروف مراكبهم بتودي لي وين ... ولو جات الدميرة بيشوفوك طشاش ... والعين محل ما تقبل تبقى محنة وزايلة بلا راس خيت ...
ما ني بدور أثبط عزمك يا (ثوراتي) لكن الحتي دي الكلام فيها بمغس ... ضياع في ضياع ودار في ودار ...
الله يديك العافي آ ولدي ...
سلام من هني لا عندك ...
| |
|
|
|
|
|
|
| |
عبد الله إبراهيم الطاهر
محسن خالد
nassar elhaj
ahmed haneen
samwal ebrahiem
صديق الموج
Tumadir
Giwey
nadus2000
banadieha
munswor almophtah
برهان تاج الدين
الصادق اسماعيل
صلاح الدين عبدالله محمد
خضر حسين خليل
peace builder
فيس بوك
تويتر
انستقرام
يوتيوب
بنتيريست