|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)
|
بركة ..
والذين معه أشداء على ..
الشديدة ..
لماذا كل ( عوضات ) الديم مدوزنين بالـ ( كاف ) .. تفعيلة و قافية .
( - كافيةٌ - لم تدر ما الليل و السُرى / ولا انكشفت عن صفحتيها الستائرُ )
تأمل ذا .. يا رعاك الديم :
عوض كيته
عوض دوكة
عوض باكرين
عوض كباكا
وقيل .. عوض دكام
.. وكلهم صنيعة وحده ..
...........
عوض دوكة .. صديقي ورفيق العمر الجميل .
إن كان بي شوق لشيء ، فونسة معه .. تحت شجرتنا .. بيننا صحن الفول و كبابي الشاي .. و درره التي لا أمل و لا يُطرب و يُضحك إلاها ..
قال : ( منعم السمبرية .. إنسان سنجة ، يا عمدة عمل لينا فك الجذر .. زاتو بشير أب دقن محنتو محنة .. أسمع ، مشينا معاهو قعدة أصلية ، يا زول العود و الدلع .. السمبرية العفن قال هو بيجيب السنون لأنو ود النقاش للجبل الأصلي .. يا زول إتكبينا لقينا الشغل دوكو .. تجاكيك نايمه نوم ، أسمع ، و الأصليين يازوووول دكاترة و غنادلة . السمبرية اتمحن .. تقاطيم ربك .. طبعا ما تُنقُش للكبّات الكبروس و النقه الموت الأحمر .. أسمع ، شغاااااال قال هو الكنق قال .. كابا كوبانا و تقاطيم .. مافي كلام مع القيامات الرابطة و الرندوق الما ناقشو و السغافات الأصلية .. أسمع ، النقة كلها نوع تيشن .. وكب تقيل .. عِلِم موت . يازول أداها صننننننننه .. بعد مسافة ، خلاااااص السمبرية العفن المكنه ما شغاله معاهو .. داير يرندق و مافيييييي .. و السنه حصلت .. العيون يازول و المحن والراس برج الدلو .. أريل شام شروق ، أسمع ، أنا أكشِّف ليهو و منتظر الفقعه حقتو .. رفع راسو قال ليهم : هويييي يا ... فارات .
عاين المحنة دي
.........
عوض دوكة ..
سلام ليك .. وعليك
| |
 
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
يا بركوتة ،، سلام
نقشت نقة عماد الفوق دي وألا لا ؟؟ طبعاً ده شغل ( كرباوي ) وناس الديم كلهم ناقشينو ( على استعداد لترجمتها لمن اراد ) .
في مشاركاتي القادمة عن الديم إن شاء الله سأختصر الموضوع على البيوت الشهيرة والشخصيات الديامية التي أصبحت عامة ، ومؤثرة ومعروفة .
إخـــــلاص ( إخلاس ) !!!! إنت هبيشك ده ما عايز تخليه (البيباري الجداد بيوديه الكوشة ) والمواضيع دي اتفقنا أنه نقفلها ،، (هسي أكب المكنة كلها هنا ؟؟؟؟) .
سلام
صلاح عبدالله .
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
صلاح عبدالله
الكرباويات ناقشه حرف حرف ، نقطة نقطة
صحيح { أكوك } الكبير معلم لايشق له غبار
لكن لو إنحدرت جنوبآ
على نواحي السوق ، وتعتبر السوق مركز
وتقبل على كل الجهات { مروحة تربيزة }
حا تكتشف أنواع من الراندوق مذهلة
بدءآ من راندوق الفلاتة والنشالين والكداينة أو مادرجنا على تسميته
براندوق أسفل المدينة
ويضم المكنيكية والعجلاتية وأبناء الشمس
وصولآ لراندوق المثقفاتية
ومن بعض أوجهه { السربعة } و { التلبيس }
وفي هذه برعوا فطاحلة زي ناس محمود محمد مدني
و عوض جادين ومن لف لفهم
وأخطرهم على الاطلاق - والخطورة تكمن في الذكاء-
الراحل العزيز : عبدالعزيز حسن محجوب / عصفور
و عصفور تميز بإنفتاحه على كل الرندوقات - لو صح الجمع-
فعصفور غاص في أسفل المدينة وكان عندو رأي وسيم
بأن أسفل المدينة يعج بالمتع والملذات
ويذخر بناس على مستوى عالي جدآ من الجمال والذكاء
كما له باع طويل في السربعات أتقنها في معهد الموسيقى والمسرح
علاوة على إستعداده الفطري بإعتباره حلفاوي متمرد
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
العزيز أبوساندرا
حقيقة موضوع بالفعل قيم
وأخذني لأروع الايام
أيام لها لون وطعم ورائحة
ذكريات الديوم والمايقوما والسجانة
وأشكر كل من أدلى بدلو بهذا البوست القيم
ثم ....
لاحظت رغم انني من مواليد هذه المنطقة .. السجانة شارع النص الا ان الكثير من الاسماء لم تمر علي قبلا
ربما يكون تفاوت الاجيال هو السبب لانني لاحظت ان من ذكرهم الاخ مدثر تيف تيف معروفون لدي .
وايضا لي تعليق بسيط على ماقاله الاخ ابو ساندرا
| Quote: أما أحبابنا أولاد حى السجانة فلم يهتموا بكرة القدم كثيرا رغم ان لديهم رابطة عريقة وقديمة كرصيفاتها رابطة المايقوما ورابطة الديم ,انما دلفوا لضروب أخرى من الرياضة ,مثل الكرة الطائرة ..كرة السلة ..رفع الأثقال ..كمال الأجسام ..الملاكمة مستغلين ما وفره لهم مركز شباب السجانة من ميادين وموارد , وقد برعوا فى تلك المجالات جميعها ,وحصدوا البطولات على مستوى العاصمة فى مجال الكرة الطائرة |
انا اتفق معك فيما قلت عزيزي ولكن ......
نعم اهتم اولاد حي السجناة بمختلف الرياضات بما فيها كرة القدم
وهناك الكثير من النوادي في مختلف الدرجات بدءا من الصغير جدا والذي لم يستمر طويلا انتهاءا بالعريق جدا
مثل الكواكب والعلمين مثلا
وسمعت مؤخرا ان ميدان العلمين سيصبح استادا وبدأ فيه البناء فعليا
ثم ........ هناك ميزة في في منطقة الديوم الشرقية كلها لم يتم الترعض لها هنا بالشكل الكافي وهي مسألة الالقاب ....
فالناس في هذه المناطق يُعرفون بألقابهم لدرجة انني لا اعرف بعض الاسماء الا من خلال القابها
وأذكر ان الاخ هيثم ذكر اللاعب ( محمد صلاح ) وان لم تخني الذاكرة اعتقد بأنه يقصد ( عب الفول ) واتمنى ان يوضح لي ما اذا جانبني الصواب
اخيرا .......
اكرر شكري لكل من ساهم في هذا الصرح العظيم
ولي عودة انشالله
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الاخ أبوساندرا
كيف الحال
توضيح:
اولا اعتذر عن اقحام هذا الموضوع فى خيطك عن الديوم الشرقية، لقد حاولت مكاتبتك عن طريق الماسنجر
ولان الماسنجر لايتسع لاكثر من 40 كراكتر، فانه لن يفى بتوضيح الامر لذلك فضلت مكاتبتك
هنا.
الموضوع:
الامر يتعلق بمجموعة من الاشعار( النصوص)، كان الاستاذ المبدع المقيم مصطفى سيد احمد
قد استلمها منى فى موسكو، دفتر من القطع الكبير مايميذ شكله غلاف اسود اللون.
شهد الاخ معتصم الطاهر بانك كنت على صلة وثيقة بمصطفى، ارجوا ان تدلى بشهادتك اذا كنت
على علم بامر الدفتر، فانا اسعى للحصول على نسخة ممابه من نصوص
شكرا مقدما
عبدالغفار محمد سعيد
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
في هذه الايام الابريلية العبقة تفوح ذكري انتفاضة 6 ابريل العظيمة و التي كان للديم فيها القدح المعلي بالمظاهرات الليلية و المساهمات النققابية لابناء الديم الذين قادوا و نفذوا الدعوة للعصيان المدني فالتحية لهم دونما فرز و التحية لشهداء الديم الذين جادوا بالنفس والنفيس من اجل سزدان السلاو و الشموخ و العزة و عائد عائد يا ابريل.
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
يا عمدة
القوس أكوك ، قايلني ما عامل رجاء النقاش للمكنة البقبقت فوق
وطبعآ مافي لوم للبلوم ، فألأخو كان ناجركوك لمن الناس كان بتمشي كوباكوبانا وفلامنجو
كلهم بدون فرز ، ضباط بي نياشين وكداينة وكربشين وتجار سلاح مكندشين ، وعملاء أمن مندسين
ووزراء وسياسيين وركيبة وهتيفة وفنانين ضالعين ، كلهم ، كانوا هناك أصحاب واوات ومسنسنين
الرابط بينهم الليل والشجن
كانت الدنيا بخير
والناس بخير
بتقبل أخوك بعلاتو
وجرساتو
قبل ما يعمل برج الدلو
المهم ياعمدة
النقشة واصلة
عملت لينا الذكريات صادقة ومتينة
ورفعنا بكب تقيل في الجماعة الإتخرتو ، بابكر بدري ، ودقسوا
شوقار ومعلم نون عبرو الجسر وفاتو
ومحجوب ودالحرام مشغول بالمعايش والحافلة و العيال وكتر فردو ولفاتو
وفي البال
ساردينة ، و أبوالنج
وود مامون لمن يكون رافع نيكسون ، وبيعجبني فيهو إخلاصو في العمل
دلاني عليهو بطة
وبطة مابفك الجذرة بسهولة
لازم تعمل ليهو بنحاس سابير عشان يعمل ليك فيكي بلين
لقيتو ليك متكل جمب الباب ويتلفت ويتفلت مروحة تربيزة
قبل ما أصلوا إستغربت الحاج ده دي ما عوايدو
لمن قربت منو لقيتو عامل إبراهيم شداد
يازول رأس الخيمة لو كنت واقف جمب دكان مضوي حامد موسى بتنقشه
وقفت معاهو وسالمتو وطلبت منو يعمل عبدالستار
قال لي انا مضري عيشي ومبضع كان يجيني رزق ، يقوم يطلع لي عفريت
وقال لي شتت يللا بللا بركات بللا برا دوق ، ماتطير مني الحمام
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
[email protected]
Subject: الديوم الشرقية / حى الحجر
Date: Sat, 01 Apr 2006 14:08:19 +0400
اخى عبد الرحمن تحياتى لك ولجميع الاخوة الحريصين على المساهمة والتوثيق
فى هذا
البوست الرائع يماثل تماما روعة ابناء الديم ويحضرنى هنا تلك الاغنية التى
انتشرت بعد الانتخابات التى فاذ فيها نقد على مرشح
الجبهة الاسلامية ياسي عمر الامام حيث حاول الاسلاميون تقديم الرشوة
للديامة
وذلك ف شكل معلبات جبنة وساردين وغيرها..... وكانت الابيات المعبرة عن
شموخ
ابناء الديم واللتزامهم الصادق تجاه مرشحهم
ديامة...... ديل فاهمين
ماتغشوا بأسم ... الدين
لا...جبنة لآ...ساردين
وديل السقطو ياسى
يسى .......وانامالى
والديم نقد طوالى
لقد تكرمت زوجتى الاستاذة هدى عثمان شقيقة المبدع أحمد سيحة بتوضيح نقطة
مهمة
حول حى الحجر حيث أمتد بى الارتباط بالديم من القنا الى الحجر وزكرت بأن
تعداد
بيوت الحجر 92 منزل قام بتوزيعهم محمد توفيق ويسكن هذه البيوت نسة 60% من
ابناء
منطقة حلفاء والمحس والدناقلة والبقية يمثلون اعراق مختلفة يعبرون
جميعا عن المعنى الجميل للوحدة والتعايش والتداخل الاسرى ويعكس ذلك
التعاون
الذى يخدم الجميع فى مناسباتهم المختلفة واتباط ابناء الحى بفريق
الامل.....ونواصل
تحاياى لك دوما الرائع ابوسانرا ولجميع ابناء الديم وجيلى فى ديم
القناء
وحى الاستقلال
محمد سعيد / الامارات العربية المتحدة ... العين
_________________________________________________________________
شكرآ جزيلآ محمد سعيد مع رجاء المواصلة
والشكر موصول لحرمكم المصون الأخت هدى عثمان
وكل الحب والأشواق لأحمد عثمان { سيحة/ديم }
ولأولاد خالتها الشقيق على عوض { قريرة } وعمر عوض
نكرر ، ضرورة المواصلة
فالحديث عن الديم يحلو ويطول
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
سلامات يا فرد معليش اخزنا لينا خفسة وجينا تاني
وشائف البوست زاحي دسيس ولكن ما نسى باقي المناسط الاخرى
كاتنس الطاولة وابطال السودان واحسن لاعبين تنس انجبهم السودان
عاطف سنو المريخ واسامة المك الهلال والدرديري
وايضا الكرة الطائرة محمحد طه المحترف في عمان والفاتح الجهان وياسر التقل واقوي
وكرة اليد الورحوم عبد الرحمن ريحان ودامبه ناس نادي الربيع والديم وسط
وكرة السلة نايس سيف علي وخالد سعيد وخالد اللونق..الخ
ولنا عودة
تيف تيف
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)
|
سلام تيف تيف
حاتم محمد عثمان ( لوفاء
الفاتح أحمد المامؤن (الجعان
أدم إدريس اخ الكابتن عبد المجيد ادريس
محمد عبد الرحيم( السنجك
على احمد( كجور
عبد السلام احمد
حسين كمال
حسن يوسف(بسطة
عماد عبد الجليل(ودعيشه
محمد طه الامين وسليمان طه
ياسر الصادق(التقل
ومن المدربين
فيصل على
كمال عبد الرحمن
معاويه سلطان
زقلونه
مامؤن عثمان
وكبير المدربين الاستاذ مربى الاجيال على جبره
ديل ناس الطائره
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: احمد معتصم الطيب)
|
عبدالرحمن يا بركات .
تحياتي
كل ما ذكرته صحيح ، فأنا مقارنة بكم يا ديناصورات (جاركوك صغير) ولكن مصر على أنه لغة (جيلكم) تختلف عن لغة جيلنا (الرندوق) يعني كلامك ده (إنقرض) وعفى عليه الزمن (إختلاف أجيال) قلت لي كباكوبانا وفلامنجو ؟؟ شفت الفرق بين جيلنا وجيلكم ؟ . وبعدين إنت عايز تأكل زمنك وزمن غيرك ؟ . وبالمناسبة معظم الزوار والأعضاء هنا (ناقشين الرندوق) فما ترتاح شديد في النقة وتكبها كلها وبي ضبانتها . . (هابشني مالك؟ ) .. برضك فردتي.
الأخ محمد سعيد ، التحية لك ولحرمكم المصون وأبناءكم . آخر مرة قابلتك فيها كان في عرسك ، تصدق؟ وهدى (أختنا عديل) لأنها (أخت) إبنة خالتنا حرم علاء الدين من الله (شربكة مبالغة) ويكفي أنها أخت فردتي (سيحة) والذي كان بمثابة (أم العروس ) في زواجي العام الفائت ، والله لا جاب يوم شكرو هو وبقية (الفرد) وعلى رأسهم المرحوم (قاسم صديق) وحمودة وبقية العقد الفريد. بالمناسبة يا محمد أحضرت خالنا (سيد مكاوي) ومكث معي بالدوحة ثلاثة أشهر ثم غادر الاسبوع الماضي محملاً بأشواقنا الى الديم . التحية لك ولأختنا هدي ولأبناءكم ، وعبركم السلام الى صديقي وتوأم روحي علي فرحات ، وأخوته ، يحي وعبودي ، وبقية أخوته ووالدتهم .
مدثر ، نحن اتقابلنا قبل كده وألا شنو ، يا زول أنت قعد تتكلم عن فردي واولاد حلتي ، معقول اكون ما بعرفك ؟؟ ذكرت عبدالرحمن ريحان رحمه الله وهو أخي وصديقي منذ أيام نادي الربيع وقبلها، ولو كنت بتجي بينهم أكيد كنت قابلتني ، و حمودي برضو صديق عزيز.الفاتح الجعان ود حلتي بس أنا أكبر منه.
أحمد معتصم ، إذيك ، الناس الذين ذكرتهم أعرف أكثرهم وبعضهم لا أعرفه بحكم الاغتراب وفارق السن ، حاتم لوفا (إبن أخت اللاعب نادر عبدالحفيظ وبكري ) أظنه في السعودية ، آدم ومجيد أولاد حلتنا ، محمد عبدالرازق ( وليس عبدالرحيم ) السنجك برضو ود حلتنا وعانا هنا في الدوحة ، علي كجور ( الكارثة ) أبعدوه من الخرطوم الى القضارف ، عشان كوارثو البيسوي فيها دي ، ومنعوه من دخول الخرطوم (وهو فردة وأخ عزيز جداً ) حسين كمال حسين ، فيصل علي (جقجقون) وكمال عبدالرحمن ، أخواننا وأولاد حلتنا .أحمد يا خوي أنت منو ؟ وكيف أنا ما متذكرك ، ما دام بتعرف الناس ديل أكيد أنا بعرفك أو إنت بتعرفني . وفرصة سعيدة أن التقيناكم في هذا الوطن الصغير الجميل الذي جمعنا بكم، وهو وطن بكري أبوبكر ووطننا أيضاً ، فله الشكر.
تحياتي
صلاح عبدالله .
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: مدثر محمد ادم)
|
| Quote: مدثر ، نحن اتقابلنا قبل كده وألا شنو ، يا زول أنت قعد تتكلم عن فردي واولاد حلتي ، معقول اكون ما بعرفك ؟؟ ذكرت عبدالرحمن ريحان رحمه الله وهو أخي وصديقي منذ أيام نادي الربيع وقبلها، ولو كنت بتجي بينهم أكيد كنت قابلتني ، و حمودي برضو صديق عزيز.الفاتح الجعان ود حلتي بس أنا أكبر منه. |
الرائع صلاح سلامات
انا طوالي في حلتكم احنا جنبكم ناس تمساح حلت المجد
وحمودي مسكنا اداري في منتخب الرابطة
ومن زمن نادي الربيع
ناس استاذ احمد
وكجور
ونا فقيري
وارباب
استاذ مختار
ولاد لطفي ..الخ
مع شوقنا
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: احمد معتصم الطيب)
|
حي الزهور
فى موجهه شارع محمد نجيب شرقآوشمالآ حله الحجرفى المربوع ده يسكن الاستاذ المحامى مكى عثمان وابناءالاستاذ خالد وعثمان مكى
ونجد أسرة المرحوم أحمد وداعة الله ومنهم محمد وداعة او محمدبيجوونصر الدين ووداعة وعبد المنعم وعبد العزيز( النقر)وخالد والمرحوم عبد الرازق(تنبوش)
ثم اسرة حيدر بخيت. كابتن طيران وحيدوالباشمهندس ازهري وجمال حيدر
وأسرة عوض سعيد حسن وحسين وخالدوياسروفرح ومحمد أحمد
ونجد اسرة أحمد الخليفة. اسـامة.أمير.ياسر
ونجد اسرةالعم والخال الاستاذ طه ميرغني.
واسرةحسن سليم. رشاد ورامى
وال ظهران.عماد.عصام.هشام(كاوندا)
وال العم يحي محمود ابوالعلاء.ابراهيم. محمود.محمد.جمال.خالد.علاءوأحمد أبوحليب
واسرةعرديب.عبد المنعم عرديب.سيد أحمد عرديب
واسرة سيد أحمد. نزار.على.ترهاقاوديل الفنان عادل مسلم خالم
ويسكن الاستاذ الدكتور حسن أحمد النوش
والمنزل الملاصق كان يسكن فيه الفنان الكاشف
واولاد الاسطى العم ابراهيم وعثمان .احمدابراهيم(ديكو)خالدابراهيم اسامة وايمن عثمان
وتسكن أسرة نصر بري
ده مربوع واحـدبس الباقي خمسه مرابيع
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: احمد معتصم الطيب)
|
الاخوان عبد الرحمن بركات وابراهيم عدلان وجيع الاخوة المتداخلون سلااااااااااااام
موضوع شيق وجميل وطالما هو توثيقي اهة النقول
ميدان النجم الاحمر وخلوة الشيخ الطيب ؟؟؟؟!!!!!
ميدان النجم الاحمر الاصلي هو المكان الذي قامت فيهو خلوة المدعو الشيخ الطيب الحالية اي يقع شمال البواية المؤدية لميادين الكلية المهنية يعني شمال الخور مباشرة انشأت هذه الخلوة عن طريق السطو والتغول ايام عهد السفاح نميري حيث بدا المدعو الشيخ الطيب تساعده زبانية وامنجية عمر محمد الطيب بتخصيص قطعة صغيرة عند الركن الشمالي الغربي للميدان سرعان مااتسعت وسلبت كل مساحة الميدان وكانت المباني والاساسات والمواد تجهز في ظلام الليل ونفاجأ في صباح اليوم التالي بها وبضياع مساحات من ميدان الفريق وحرماننا من حقنا في ممارسة تماريننا وهواياتنا انتقلنا بعدها الي الميدان المخصص لمدرسة حي السجانة الجديدة مناصفة مع فريق جلاس .
نواصل
وليد شريف
| |
|
|
|
|
|
|
|
|
صلاح يا فردة دي الغربه وسلامات
شباب ماْشين كويس واصلو الايام دي مشغول حبة
لكن متابع شوية شوية كده بداخل معاكم
مع حبنا للديم
تيف تيف
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: احمد معتصم الطيب)
|
أبو ساندرا ..
معليش .. قلنا نوثق بشكل منهجي لكن لذيذ , بيشبه الديم . و أصريت إنت و صلاح عبدالله نتداخل كلنا . الظاهر الشباب عندهم راي تاني .. خلينا نحن العجايز نكشف بس , يمكن صحي دقسنا , و .. الفاره عدو نفسو .
أحمد يا ود أستاذي معتصم ..
قلت لي الأخ ..
أظني بكون العم .. صاح ؟؟
( في مقامات ما يكون اللجوء إلى استذكار ظاهرة الديناصورية أوجب , حتى لا تجير حقبة السوبرنوفا لصالح الوجود الجديد .. أو العصور الجليدية ) .
روق يا ولدنا ..
الكبه دي لعمك بركوته ..
يعني حقو براحه كده تروق اللعب معاي .
و يمكن عمك دقسه للطيش .. لكن اللعب الكبار ده خليهو لأعمامك ( الداقسين ).
بالنسبه ليك إنت إشكال تِك ..
ونسنا عن الجيران و كده ..
و معليش ..أمسحها في وشنا يا .. تفتيحه
بعدين إنتو بيتكم مش في حي الزهور ولا أنا لغط ؟؟
..............
بركة ياخ كده كويس ؟؟؟؟
جبت لينا الهوا !!!
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الاستاذ أبوسـاندرا الأخوة الديامة
تحية وإحـترام.
سـوف اتحدث لكم عن نادي أتحاد الديوم للكرة الطائرة .. مدام ناس الديم متابعين معنا البوست الجميل ده ونيابة عن ناس الديم اشـكر الأستاذ أبن الديم( الأصـلى )أبوسـاندرا وكل اأخوة اللذين شـاركو وسـاهمو
بدون فرزونيابة عن ابناء الديم آشـكركم جميعآ
لقدحقق نادي اتحاد الديوم للكرة الطائرة أنجازات وبطولات على سبيل المثال.
البطولة التى نظمتها ولايه الخرطوم فى عهد يوسـف عبد الفتاح وكانت الجائزةعبارة عن قطعة أرض للفريق البطل
وشاركت فى البطولة جميع فورق الدرجة الأولى مثل السجانة, النيل, الدفاع,
الزهرة,القادسية.اتحاد الديوم... ومن امدرمان المجد,الموردة.ومن الخرطوم بحري,شباب بحري والصافية
ولقد كانت المنافسة شرسة وقوية
ولقد بذلت إدارة نادي الاتحاد والمشجعين و اللعبين الغالى والنفيس لتحقيق النصر رغم الامكانيات البسيطة ولعب الانتماء للديم الدور الاكبر للتحقيق النصر
ولقد بذلت إدارة النادي بقيادة السيدا سامة يشير موسى وكل من السادة
دفع الله الامين سعد وفتاح عبدالله وعلى عبد الله وإسماعيل باب الله و جورج القبطي وفتحي الشايقي الوقت والمال ولهم كل الشكر والتقدير
المشجعين/بقيادة الهادى سكينةواخو ا نه ومنعم قرافى وحاتم بوكوومحمد يحي وعاطف هاشم وكل ابناء الديم الذين وقفو وكانوسندللفريق
والمدربين وعلى راسهم ابن الديم الغيور معاوية سـلطان الذى لعب دوالاداري
والمدرب في نفس الوقت .ومحى الدين (جملوص)وصالح عبدالله وهاشم (دقلوله)
والابطال اللعبين.كابتن الفريق عماد عبد الجليل (ودعيشه) حسن يوسف(بسطة)
محمدطه,ياسر الصادق(التقل)سيلمان طه,يوسف محمد أحمد.عز الدين ابوضراع,نصر الدين (ودابو)جعفر ابو الدهب,احمد معتصم.معاوية(كورته)
وتحقق الحلم نادي الاتحاد يقف شاهدآ على التضحيات التى بذلت من ابناء الديم الاوفياء النادي الوحيد الذي لم
ياتى هبه ولا بخطة سكنية ولا بتبرع بل بعزيمه ابناء الديم والتحية لكل من شارك فى هذه الاانجاز العظيم وسوف يظل شاهدآ على التضحيات وهى كثيرة
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
Date: Sun, 09 Apr 2006 14:51:40 +0400
أحبائى إبناء الديم أو الديامة كما يحلو للأخرين مناداتنا ... اسمحوا لى
ان
أوثق لشخص عزيز علينا جميعا
لم يسكن الديم ولكن عاش وتنفس وهام عشقا فى الديم ...انه الرائع الغائب
الحاضر
دوما فى دواخلنا
حسن عثمان نسال الله ان ينعم عليه بالرحمة والمغفرة
الزمان: ديسمبر شتاء تموت الحيتان فيه وهى تحتضن صغارها بحثا عن الدفء
والحرارة
المكان: النادى السودانى الشارقة تتزامن الاحداث مع حفل زواج واحتفالات
راس
السنة الميلادية
كنا مجموعة من السجانة ونمرة ثلاثة وأمدرمان ولكن يجمع بيننا عشق متجزر
فينا
للديم
قررنا ان نبداء احتفالنا من النادى السودانى وحضور حفل الزواج وكانت بداية
الحفل رتيبة تفتقد الحرارة
والضجيج وعنده همس فى أذنى حسن ( ياابو السعيد حا اجوط ليك الجماعة)
وتزامن ذلك
مع دخو العريس وبعض من اهله وتوجه حسن الى منتصف الساحة وكان يرتدى لبسة
كاملة
من الشموا تشبه تلك اللبسات التى تعودنا ان نشاهدها فى افلام الكاوبوى
وينتعل
بوت طويل واخذ يرقص كانه زوربا كان يرقص ليمتع نفسة دون ان يكون هناك اساس
بالاخرين أقتربت منه احدى الفتيات ولم يعرها اهتمام كان مستغرق تماما فى
رقصة
زوربا وكان صادقا عندما قال لى سوف اجوطها فقد الجميع يشعر بالرغبة فى
الاحتفال
مع العريس والمشاركة وشارك الجميع مع حسن فى اداء فاصل زوربا خاصة مجموعة
الديامة وعندما قررنا الانسحاب والتوجه لأحد الفنادق لأستكمال الليلة
احتفالا بقدوم العام الجديد وأذكر عندما عدنا ونسبة لضيق المكان وتعدد
الضيوف
طلب منى مفتاح السيارة
وأثر على نفسه ان يقضى باقى الليلة فى السيارة مفسحا المكان لصديق أخر
هكذا كان دوما حسن يؤثر على نفسه وقد كان حريصا على مواصلة اصدقائه واهلة
خاصة
عندما كان يزورنى فى العين كان يحرص على زيارت اهله واقاربة وكان يقول لى
اليوم
ساتغدى مع (الروس) وكان هذا لقب يطلقه على
اهله الشايقية اخى حسن ادعو الله مخلصا ان يتقبلك قبولا حسنا وان ينعم
عليك
برحمته ومغفرته
أدعو الجميع للمشاركة والتوثيق لابناء الديم الذين رحلوا عناء ولكن لازالو
يعيشون فى دواخلنا
اخى عبد الرحمن تحياتى لك دوما والتحايا موصولة للاسرة ولك من الاستاذه
هدى
الشكر يا صلاح عبدالله والف حمدالله على سلامة العزيز الخال سيد مكاوى
والف
سلامة للوالدة تاجة وتحياتنا لجميع الاسرة
نتطلع لمشاركاتك يا محمد
وتحايا لك وللأخت هدى
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الأعزاء جميعاً
تحياتي
شكراً للأخ العزيز محمد سعيد الذي فتح لنا أجمل وأعطر سيرة يمكن تناولها ، وهي سيرة أخي وصديقي ، وصديق الجميع الراحل المقيم المرحوم حسن عثمان الحسن ، ولا أدري من أين تبدأ سيرة هذا الشاب وأعتقد أن لدى الجميع ما يقوله في حق حسن ، كما أعتقد أن عبدالرحمن بركات وعماد عبدالله ومحمد سعيد ، والديامة ممن عاصروه في الديم ، وقبل اغترابه هم أفضل من يتناولوا سيرة حسن .
لم تمر إجازة من إجازاته قبل الحادث المشؤوم لم نلتقي فيها ، وحتي بعد الحادث لم أنقطع عنه في كل اجازاتي ، وكنا دائمي الاتصال .
في ليلة شتوية ، وفي بداية ثمانينيات القرن الماضي ، ذهبت وحسن وبسيارته الفولكسواجون الحمراء الى مدينة الشجرة ، لمناسبة زواج شقيقة الأخ علاء الدين من الله ، جلسنا أنا وحسن عثمان وبعض أفراد أسرتي في تربيزة واحدة في تلك المناسبة ، وكان البرد قارساً ، ( تونسنا ) كثيراً وحدثني عن حرصه على أن تكون لياقته البدنية مكتملة، وأنه حينما ( تفوته تقسيمة التمرين ) في الحلة يظل يركض حول الميدان (دون توقف) وحتى نهاية التمرين ، تحدث حسن كثيراً ( وباصرار ) عن اللياقة البدنية ، وكان ممتلئ شباباً وحيوية، ولم أكن أعلم أنها إجازته الأخيرة التي أراه فيها ماشياً على قدمين ، في تلك الليلة أصر حسن أن يخلع لي ( شرابه ) وأن ألبسه أنا ، وكان ينتعل ( بوتاً ) . هذا الشراب ما زال موجوداً معي منذ ذلك التاريخ وحتى الآن . وبعدمرور أكثر من عشرين عاماً ، وقبل سنوات قليلة ذكّرته بتلك الليلة ، وأخبرته أنني ما زلت احتفظ بذلك الشراب ، وتذكرها وقال لي ( مش الشراب الأبيض ؟ ) .
حينما رأيته بعدها على كرسي متحرك ، لم أتمالك نفسي من البكاء ، وأنا لا أصدق أن الجالس على هذا الكرسي هو حسن (زولي زاتو) ، معقول حسن قاعد ؟؟ أنظر اليه وأتخيل انه سيقف فجأة ( ويكون الموضوع كلو هزار ) . وجدته قوياً ضاحكاً مستهزئاً من إعاقته ، بل أنه كان يهون الأمر على كل من يزوره ، يا حسن من أين لك بكل هذه القوة والشجاعة ؟؟ الله يرحمك .
لم أجد شخصاً متصالحاً مع إعاقته مثل حسن عثمان ، لم أجد شخصاً أستطاع أن يقهر الإعاقة مثله لم أجد شخصاً يطوع الظروف مثله ، بل أنه ألّف كتاباً عنوانه ( تجربتي والإعاقة ) وذلك حتى يستفيد المعاقين من تجرته الفذة في قهر الإعاقة.
حسن ، لي معه الكثير من الذكريات ، ولكنها ليست أكثر من ذكريات عبدالرحمن وعماد ومحمد سعيد ، والكثيرين من الديامة ، أكتبوا عن هذا الديامي العريق ، الأصيل ، فأنه الأجدر والأحق بالتوثيق له .
تحياتي
صلاح عبدالله
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الديم الحي السكني والقبيلة الجديدة
القبيلة : يقال انها سُميت بهذا الاسم لتقابل الانساب فيها , ويُقال ايضاً ان من خصائص القبيلة وحدة الاصل والتاريخ والثقافة .
يمثل حي الديم بشكله الحالي اختراق للمفهوم التقليدي للقبيلة. فبالرغم من تعدد اعراق ساكنيه واختلاف الوانهم الا انهم استطاعوا ان يؤسسوا لانفسهم قبيلة جديدة تسعهم وتصوغ من اختلافاتهم العرقية والثقافية القديمة وحدة ثقافية جديدة كان حجر الزاوية فيها حراك اجتماعي تمثل في استيعاب هذا الحي لالاف المهاجرين من مختلف بقاع السودان منذ سنين طويلة . ووجود هذه الثقافات والانماط الحياتية المتعددة التي تتجاور وتختلط في سلوكها اليومي باسلوب تعايش رائع بين ثقافات مختلفة انتج ثقافة جديدة هي قوام ثقافة اهل الديم الحالية . فاصبح الشايقي الديامي مثلاً يجد من اسباب التفاهم بينه وبين جاره النوباوي اكثر من ما يجده مع اهل موطنه الاصلي بديار الشايقية وذلك لما انتجه التعايش المشترك من قيم ومفاهيم جديدة تختلف عن تلك التي تسود بديار الشايقية او اراضي النوبة .. وبتقادم الزمن نشأت اجيال جديدة انقطعت صلاتها بمواطن اجدادها الاولى واصبحوا لا يعرفون لانفسهم قبيلة او مكون ثقافي غير ما هو مستمد من هذا الحي الذي ولدوا وتربّوا فيه . فنجد الدنقلاوي الذي لم يرى دنقلا لا هو ولا والده حتى , ونجد النوباوي الذي انقطعت كل صلاته بجبال النوبة , ونجد التعايشي الذي لا يعرف شيء عن موطن اهله الاولين . ويتضح هذا الامتزاج الثقافي في ان كل اهل الديم وان اختلفت اصولهم العرقية الا انهم يمارسون حياتهم بطريقة متشابهة في المناسبات الاجتماعية المختلفة من خطوبة زواج وعزآءت موتى وغيرها . فنجد الحلفاوي الديامي يمارس طقوس زواجه بنفس الطريقة التي يمارسه بها الفوراوي الديامي وذلك لوحدة المكون الثقافي الذي يجمع بينهما .
اما اهم ما يميز الديامة عن كثير من خلق الله في بلادنا هو انهم تجاوزوا بفعل بصر التعايش وبصيرة العقل المتفتح مسألة الاستعلاء العرقي الكريهة . فنادراً ما نجد ديامي ولد وتربى في هذا الحي ويعتقد ان لون البشرة يصلح كاساس للتمايز بين البشر . فقد اكتشف الديامة بفعل التعايش وبفعل المجتمع المفتوح ان البشر جميعهم يتشابهون تحت جلودهم من حيث الخلق . وان كان هناك نموذج لسودان جديد يسع الجميع بمختلف اعراقهم ودياناتهم وثقافاتهم فليس كالديم نموذج لهذا السودان . نموذج يمارس فعاليته الوجودية بعيداً عن شعارات الساسة وآسار القبلية الضيقة والعنصرية البغيضة .
الحديث عن الديم يستدعي لذاكرتي صورة الديامي الذي لا احد يشبه الديم مثله , صديقي بشير احمد البشير الشيوعي المثقف الانسان
يحبه الجميع بلا استثناء , الاطفال يرون فيه اخ اكبر يعابثهم ويضحك معهم , الفتيات يرين فيه شقيق يعتمد عليه , كل نساء الحي يحببنه كما تحب الام ابنها البار .
مثقف يترجم كل خير يعرفه الى سلوك يحترم به الآخرين ويقضي به حوائجهم ويستحق به محبتهم عن جدارة .. له تحياتي ومحبتي .
تحياتي لابوساندرا وكل من مر من هنا
صلاح عبد الله تحياتي الحارة لك ولاهل بيتك وكل اقربائك الطيبين ( انا بعرفك كويس خالص )
احمد معتصم كيف الاحوال يا مان ان شاء الله تمام التمام . ( يعني نحنا عشان ما لعبنا في السجانة ولا اتحاد الديوم ما بتتذكرونا ولا شنو . انا وزهير ودياب وعز الدين كنا بنلعب في الدفاع بتاع الحلة الجديدة , اها انقر انا منو  )
مودتي واحترامي لكل من هم هنا وللحي الذي ولد فيه ابي وولدت فيه .
ديامي معتزل
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الغربة إنشاءالله تعقري لكن ما تعدمي المال الخضري (عشان
أهلنا بس) .. سمعت انو في ناس كاتبة عن الديم اها قعدت
ابحت وابحت لمن لقيت غرفة الديم ومن ديك وعيك .. الديم
دار التحالف وكتاب التصنيف .. اصحابي حمادة سلطان صديق
نوبة جكسا والهادي سكينة واسعد بحيري وناس التاج وجقدول
وود النحاس وعادل راستا وحيرو الله يرحمو وكوارع حاجة
آمنة وفول عبد السيد واستاذ محمد سليمان ومدرسة الديم
شرق 1 والراعي الصالح وترب بلاع وترعة العمارات ومرحبا
ونانا ونادي الربيع والمرحوم عبد الرحمن واحمد عالم
وتيكتيك وبشير ومبارك ابو سقرة وام فتفت في سوق الديم
ودكان محمد الوسخان والخزين والساحة الشعبية وفريق الامل
والزهرة ونقد ومدرسة الختمية والله بس جاتنا هلوسة
الملاريا نتذكر ليك هسا شنو ولا شنو ... ديامة كوتار في
البال توك لكن المشكلة كلو اندركفر انا هناك خاشي بي
عديل كدة .. غرد يا عزيز وليك عودة قريب
اشرف طه علي
مرحب بأخونا الصغير أشرف طه
صغير عشان أخوك الكبير كان دفعتي في الديم شرق 2
ولمن كنا في سنة تالتة كانت شبابيك الفصل فاتحة على شبابيك بيتكم
وكنا بنحسد أخوك على القرب ، خاصة وانا جاي من ماوراء السوق
نكرر الترحيب بك يا أشرف
ونعرف لك ماتقله هنا عن الديم والديامة وأولاد حي الزهور
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
اشرف طه !!!!!!!!!!!!!!!!
السمين اللعين ( ........ ومكان النقاط دي نبز كتير ما حا اقدر اقولو ليك هنا )
ان كان هذا المكان للحكي عن الديم واهله فهذا اللعين اشرف طه من اميز ساكني الديم واميز من سكنهم الديم . لا احد يستطيع ان يذكر ديم التعايشة واهله ويتجاوز اشرف طه بسخريته اللاذعة ونفسه الطيبة وامكانياته العجيبة في كسر الحواجز بينه والناس .
وعلى المستوى الشخصي ساظل احفظ لهذا اللعين ما حييت جميل انه ساهم ( حتة صغنونة كده ) في فتح عيوني لترى وعقلي ليفهم . . نجلس امام منزلهم ونضحك على لا شيء وبلا اي مناسبة يقول لي , اسمع محمد تخمة عندو كتاب خطير اسمو الحب في زمن الكوليرا , قول ليها اديني ليهو اقراهو , وما تكلمو اني انا وريتك . فاتعرّف على ماركيز لاول مرة في حياتي .. نتناول الفتة التي نجمع ( شيرنق ) خبزها كلُُ من منزل اهله , ونجلس على الارض قبالة منزلهم في ضل الصباح ونتحدث عن اغنيات مصطفى التي نحبها معاً , فيقول لي ان اغنية زهرة الصبّار كاتبها هو مظفر النواب , ومبارك ابو سقرة عندو ديوان حلو خالص لمظفر , شوفو لو يديك ليهو , فاكتشف ان مبارك ابو سقرة اكرم مما تصورت واكتشف ان مظفر اجمل مما ظننت .
اشرفطا كما كنت اقولها لك يا صاحبي , اتمنى انك مازلت تذكر تلك الفتة البائسة وتذكر اقيام الهارت باحقادها الحميمة وتأمرنا الخفي على حاتم بزة وما يتبعه من ابتسامات خبيثة متواطئة عندما يستبد به الغيظ .. نادي الحرية ومنيش عندما ( يأكل الدامة ) والجامبو وصلاح الدنقلاوي الذي لا يذكرك الا بخير , وسفنجاتك الواحدة لبنية وواحدة زرقا. عثمان فريني وعلاء بندق ووائل المرضي ووجدي وامير الحرامي ( بيع يا لطفي ) وعزو والتوم ( القاعد يعمل في شعرو زيت ملاح ) . اتمنى ان تكون خارطة ذاكرتك ما زالت تحتفظ بمكان لكل هذا يا صاحبي .
اغرب حاجة يا لعين انو صلاح الدنقلاوي ده بحبك خالص خالص مع انك ما بتستاهل
كل ما تجي سيرتك يقول لي ,, ما تشوف الزول السمين ده وضحكو الكتير , الزول ده راسو ملان بصورة اصلو ما تتخيلها .
لا اود ان احول هذا المكان الى ساحة لتبادل الرسائل الخاصة , لكن مرور اشرف طه يفتح للذاكرة نوافذ كانت مغلقة ويستدعي اريج حدائق الزمن الجميل.
احمد معتصم وصلاح عبد الله , ازيكم تاني .
مودتي واحترامي
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: وليد شريف)
|
الديامة
تحياتي
أشرف طه علي طه ، ذلك البدين البديع (الكارثة)...
كنت وشقيقي (وحيد عبدالله) نتسكع مساءً في واحدة من زياراتي لإمارة دبي الرائعة ، فدلفنا الى (ديسكو) أفريقي ، كان الجو مزيجاً من الدخان والموسيقي الصاخبة والوجوه الحسنة ، وروائح أخرى ، جميع السحنات والأشكال والجنسيات ، يتمايلون في نشوة وطرب .. لم نجد مكاناً نجلس فيه .. صلاح عبدالله .. صلاح عبدالله .. يا وحيد في زول بيناديني ، آي أنا سمعت زول بيكورك ليك ، ده أشرف طه يا صلاح أهو داك جايي علينا ، أشرف؟؟؟!!! هو أشرف هنا ؟؟ أشرف طه وين يا فارة , والجابك هنا شنو ؟؟ أنا شيخ الحلة دي يا صلاح ، إنت الجابك هنا شنو؟؟ سلام وأحضان , وأنا بين مصدق ومكذب ... حينما رأيته تراءت لي كل الذكريات وتداعت أحداث ، ومواقف ، وأسماء ، وشيطنة (مبالغة) وقلب لا يخشي في الشيطنة لومة لائم ، يا لذلك الزمن النضير ، الجامعة ، المدرجات ، (الكَسِر) الجكس النضيف (السجانة ,, بلد الخيانة- ويا سوسنة كلك سناء وفوقك سناء وعليك سناء يا فاتنة) ، الجيب الواحد ، ومساءات الديم الندية ..
يتعب الطلبة كثيراً في توفير احتياجاتهم (المسائية) ولكن في الديم توفير تلك الاحتياجات هي آخر ما يفكر فيه الديامي (التفتيحة) وأسألوا أشرف عن ذلك ....
(النقعة) التي ذكرها أشرف ، هو مكان أوجدته السيول والأمطار في العام 1988م وهو منزل تحول ما تبقى منه الى ملتقى مسائي لأولاد الحلة ، خالد سعيد صديقنا أطلق عليه إسم النقعة ، نجتمع فيه (النقعة) مساء ليبدأ السمر اليومي بالحديث عن (المحظور) والمسكوت عنه ، وهو دائماً عامر (بالاحتياجات المشروبة والمقرؤة و.... الأفيال التي تخصص فيها صديقنا عادل الميكانيكي سيد التقعة - الرجل الكارثة) وكان العود يسجل حضوراً دائماً ، ومصطفى سيدأحمد يُغيّب بشير عن وجوده بيننا وهو يحتضن العود ويترنم بإحدى أغنيات راحلنا المقيم ، وأظن أن روحه كانت تهيم هناك في (فريق السوق) ثم يمر العود يميناً .. وكان يتم في تلك الأمسيات (شغل) مرتب لم يتم الترتيب له ، ومنظم ، لم يتم الاتفاق عليه ، وتدور نقاشات مختلفة ، أدبية ، فكرية ، سياسية ، فنية ، إجتماعية ، وترتيبات (لغزوات) وبرامج الغد (علي كيفنا) نفعل ما نشاء في أي وقت نريد ، وتحت أي ظرف .. إشتهرت النقعة ، وكان الكثيرون يخشون الدخول اليها ، خوفاً من (الجماعة الممكن يجو متلبين في أي لحظة) خاصة وأن تلك الفترة كان بداية (التمكين) وكان زوار الليل يجدون الديم مرتعاً خصباً لمغامراتهم الليلية.. هذه الصورة البديعة أجزم أنها كانت متكررة في جميع أحياء وحلال الديم ، فقد كنا نطوف أرجاء الديم كله ، والله لا نشعر بأننا غادرنا (حلتنا) . . أين ذلك الزمن الجميل ؟ وأعرف أن كثير من الأنشطة والفعاليات والأحداث الكبيرة ، كانت بدايتها مثل هذه التجمعات العفوية , اليومية ، فهل تمدونا بنماذج أيها الديامة الرائعون ؟
يا سناء الروح ويا مدامها .. آآآآآآخ (القطر الشالك إنت يتكسر حتة حتة وين يا حبيبي ،ولو متّ ذنبي عليك) ثنائي النغم (يذكرونني بأشرف طه وحمادة سلطان) وما في واحد فيهم عايز يقتنع ويتنازل للتاني ،، أها لمن القطر شال البضاعة وقعدتوا إنتو الاتنين في (الصقيعة) .. يا أشرف ، لم يتبقى من المحاربين القدامي سوى حمادة سلطان ، والهادي سكينة ، وبشير ، والبقية ابتلعتهم المنافي ..
نادي الربيع ، إذا كان هناك من منفعة ، وعمل شبابي يحق لجميع الديامة أن يفخروا به ، فهو نادي الربيع .. أشرف قام بالتدريس فيه لبعض الوقت ،، التجربة جديرة بالتوثيق ، فهيا يا أشرف أحضن الكي بورد وأبدأ في التوثيق لهذا النادي الذي أصبح رمزاً ومعلماً لا يمكن تجاوزه. . وبعدين يا سمين يا مدردم ، أنا كرعيني مشققات ؟؟ أنا بلبس جزم ، مش زيك حايم بي سفنجة (كل فردة من بلد) .
شكراً أشرف فقد أعدت إلي بعضاً من روحي ..
عبدالمنعم .. لغاية الآن ما عرفتك (إظهر وبان عليك الأمان)..
تحياتي
صلاح عبدالله
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
يا منعم
كتبت ، عن كرم مبارك أبوسقرة
والنقول ليك
مبارك أبوسقرة قبيلة بحاله
مبارك دائمآ فاتح الأحضان
وفاتح الباب للماري والغاشاي
جمعتني به غربة كدرومية في ليبيا وكان أحد أهم من عدلوا مذاق الغربة الحامض
رجل ملمات
وفارس حوبات
مبارك له ذائقة تمام
يسمع الأغاني الخالدة
ويبلغ سقف المتعة مع مصطفى خصوصآ لو غنى { المساورة أمام الباب الثاني }
أو ماعرفت ب { في طريق الليل } رائعة مظفر النواب
لمبارك حبي وشوقي الكبير
وله عزائي في فقد أسرته الكبير ، الشقيق الدكتور /يحيي أبوسقرة رحمه الله
| |
|
|
|
|
|
|
|
|
 Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الديوم الشرقية -- شخصيات ساكنة في تلافيف الذاكرة -
******************************************
العزيز / ابوساندرة
كلما ظهر موضوع الديوم الشرقية على البورد ، اعجز عن المرور عليه مرور الكرام ..كيف لا وهو وليس فقط مهبط وعي لنا .. بل مسقط راسي ..وفيه دبت اقدامنا خطواطها الأولى ..رغم اننا غادرناه في مرحلة الصبا الى امتداد الصحافة شرق .. ومن ثم رحلت الى المغرب للدراسة والإقامة حاليا ..
سنوان طويلة مرت على مغادرتنا للديوم ولكن مازالت الذاكرة تختزن لحظات من الجمال توميض من حين لآخر .. وشخصيا ت لم تغادر الوجدان .. ابدأ بعمنا حجازي صاحب المكيرفونات وتجهيزات االأعراس والمناسبات .. وكنا نتسابق كصبية بين المحطة المسمية باسمه ومحطة حجازى الأخري وهى كانت لخياط ملابس افرنجي بارع عرف ايضا باسم حجازي ..
لن ننسى عبدالدايم بياع البطيخ والشمام بالقرب من دكان محي الدين الخياط .. ودكان الرشيد الشايقي ... وعبدالمحمود الاعب الفنان في فريق الطليعة قبل ان يذهب الى نادي الهلال وكلية الشرطة ..اما اجمل شخصية مازالت عالقة في الأذهان هي للمطرب الجميل الراحل زكي عبدالكريم حيث كنا نتسسلل برؤسنا عبر نافذة بيته وهو يؤدي بروفات اغنيته الشهيرة : المدلل كيف نسيارو .. تضوي تحت الثوب مسايرو....وكان زكي الجميل لايتوانى بعد أدى بروفته من الخروج للشارع ليلعب معنا نحن الصبية كرة دافوري .. وكنا نختمها بأمسية ل في بيت عمر قائد فرقة جاز الديوم الشرقية وهو يؤدي احد البروفات استعدادا لحفلة عرس .
اخي ابو ساندرة .. هذه خاطرة عن الديوم الشرقية الرائعة التي كانت بحق مهد النضال ومنطلق الثورات الشعبية في العاصمة ..
وسوف اواصل معك كلما عنت فكرة جديدة عن الديم اللذيذ.
ولك محبتي
اخوك - عمر عبدالسلام
الرباط - المغرب
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
أمد الله في أيام يحيي أبوسقرة
وإبتهال للمولى الكريم أن يتغمد الدكتور عزالدين ابوسقرة بواسع رحمته
عمر عبدالسلام
مرحب بيك
ونورت ديمنا البيت
من كلامك شكلك كده سكنت غرب محطة حجازي أو في بيوت الحجر ، يعني كده قرب ناس خواجة
ومنعم دهب
عبدالمحمود إبراهيم الزبير ، بتاع الطليعة والهلال لم يدخل كلية الشرطة
بل دخل الكلية الحربية وأتهم بالإشتراك في إنقلاب هاشم العطا وأحيل للإستيداع
واعيد للخدمة وواصل الترقي حتى رتبة اللواء وأحيل بعدها للمعاش ضمن كشوفات
الصالح العام عندما إرتكبت الجبهة الإسلامية خطيئة الصالح العام
نرجو تواجدك هنا ونتمنى ان تكتب لينا عن الطليعة وزكي عبدالكريم وولد أختو
تاج السر غلام الله { وشو} وعن جاز الديم والمرحوم الفنان عمر عبدو { كرتو}
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
عبدالرحمن
تحياتي
هناك فنانين سكنوا في الديم (وسكنهم الديم) ثم غادروه ، ومنهم الفنان أحمد فرح (سنة وزيادة) الذي توفي في ليبيا رحمه الله ، سكن في البيوت المقابلة لحي الزهور وخلف بيت ناس أستاذ محمد خير (حربش) وبربر ، وأظن الفنان زكي عبدالركيم برضو سكن في الديم (وهوحي يرزق أمد الله في عمره وليس كما ورد أعلاه) .كذلك عثمان حسين سكن في حي الزهور قبل أن يتنقل الى الخرطوم جنوب شمال محطة الغالي . والخالدي الذي ما زال يسكن في الديم في حلة ناس (السر وشو) ،والفنان أحمد شاويش الذي ترعرع في الديم ، وسكن أمدرمان بعد زواجه .. تاني في منو يا شباب (إيدكم معانا)..
تحياتي
صلاح عبدالله.
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
العزيز/ ابوساندرا
اشكرك على تصحيح المعلومة حول الاعب الموهوب عبدالمحمود .. فعلا دخل الكلية الحربية وليس كلية الشرطة ..والمعلومات الأخيرة عن حياته كنت اجهلها ..ونورتني مشكور ..انا صراحة سكنت في شارع الظلط في منطقة وسط بين محطتي الحجازيين يعني بين جامع الشايقية والتقاطع الذي يذهب بيك الى سوق الديم قرب منزل ناس طراوة لو تذكر وبالمناسبة ناس طراوة اخي الأكبر عبدالمنعم عبدالسلام صديق لهم وهو كان على تواصل مستمر وحتى اليوم مع حلتنا االقديمة في الديوم الشرقية لرغم اننا نسكن الصحافة منذ مطلع السبعينات .. اماناس خواجة ومنعم دهب اذكرهم ولكن المدة طالت والعتب على الذاكرة التي اصابها الإعياء ... وعائلتنا ايضا سكنت لمدة عام في منزل مجاور لبيت الفنان عمر عبده وهوفي الشارع المؤدي مباشرة لجامع الشايقية .. وفي هذه المرحلة كنا بقرب منزل الفنان الراحل زكي عبدالكريم
اشكرك مرةا اخرى ... ابوساندرا على معلوماتك التي ايقظت ذاكرتي من سباتها ...ولهذا اوعدك بكتابة ذكريات عن الديوم ايام زمان .....قريب توقع مني ذلك .. ولك محبيتي
اخوك -- عمر عبدالسلام
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: omer abdelsalam)
|
تحية لكل الديامة المتداخلون
الرائع احمد المعتصم مدام ما بديت بنادي اتحاد الديوم للكرة الطائرة
بلازم توصق لي نشاطات النادي الثقافية والسياسية وناس سومية نوبة ومها ومنى عبدالله
والرئس قصاري واحمد فضيل والرحراك الفي النادي احتفال اعيا الستقلال في 20020* او 2001
الحصل فها اعتقالات وعادل شرم طبعا حلت الاتحاد دي حلتي الثانية محل ميلادي في بيت جدنا
عبد السلام خير الله
وما نسى ناس الطائرة حسن بيستا وحسن لبعة وابو الدهب ويوسف قرادة وخالد رحمة
وابودراع واسهد ابو طويلة والاطرش اشرف تيرا
وميدان الهلال وثلاجة التلج ونوبت الختمية في بيت ناس نقد السنوية وناس حلت الشعراب
المناضل عمك ميغرني عطاء المنان وجمال عبد الرحمن والمرحوم الصديق زينة شباب الديم
محمد احمد المحجوب (محمد
| |
|
|
|
|
|
|
|
|
 Re: الديوم الشرقية :{ مهبط الوعي والفن وقلعة نضال ومرتع جمال } (Re: Salah Abdulla)
|
الأخ/ صلاح عبدالله
تحية عطرة من الرباط
اشكرك جا على ملاحظتك حول الفنان الجميل / زكي عبدالكريم ، امد الله في عمره ... لقد شكل في وعينا منذالصغر صورة فريدة وجميلة لفنان عرف بالتواضع ومشاركة اهل حيه بأريحية وكرم سوداني اصيل .. وكان يشارك الكبير والصغير في كل حزنه وفرحه ...حتى ظننا ان كل مطرب هو بهذه الروعة والإنسانية ، حتى اكتشفنا لاحقا ان الأمر ليس كذلك ...
تحياتي للأخي / ابوسانرا ( عبدالرحمن بركات ) .. وانا عند وعدي ..ساكتب لك لقطة طريفة عن فريق الطليعة مازالت محفورة في الذاكرة ..فترقبها .. بالمناسبة ابوساندرا ..اعتقد انني التقيت بك مرة اوعدة مرات في الديوم وتحديدا في منزلكم وكنت انا وقتها طالبا في مدرسة المقرن الثانوية في منتصف الثمانينات وآخرها .. ارجو ابو ساندرا ان تخربش ذاكرتك وحاول تصحيح هذه المعلومة لو سمحت ..اذكر اسما لعله يوغظ الذاكرة ( فرح جارالنبي )
ولكل اهل الديوم الشرقية معزتنا
اخوكم
عمر عبدالسلام
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
نحنا ديامة ياخ
عندما يفعل الديامي شيء يحتاج الى براعة خاصة , وعندما يحاول شخص ما ان ( يدقسو ) فيكتشف الديامي ( الفولة ) , وعندما يُسأل عن كيف ان يكون بارعاً هكذا .
عندها يجيب فتى الديم بملء الفم زهواً ويقول نحنا ديامة ياخ . يقولها وهو ينظر الى عيني مُحدثه مباشرة ليخبره انه يعني ما يقول . . فالديامي ينسب جُل معارفه الى هذا الحي باعتبار ان الانسان ابن بيئته .
هذه العبارة ( نحنا ديامة ياخ ) بالرغم من انها من العبارات المتداولة بكثرة بين ابناء الديم الا ان هذا التدوال يتم بلا اتفاق مسبق او تقليد للغير . فكل من يستعملها يعتقد انه مبتكرها وانها تبيان صادق لموقفه هو فقط , بل وينسى انه استعملها هو نفسه فيما سبق من مواقف مشابهة , ففي كل مرة يقولها يكون استعماله لها كتعبير لحظي وجملة توصيفية طازجة توضح الاساس المتين لكون انه ( تفتيحة ) . وذلك ما يجعلنا لا ننتبه لانفسنا ونحن نردد هذه العبارة , كما وان الديامة لا يستعملونها فيما بينهم لان استعمالها هنا يفقدها قدرتها على اضفاء نوع من التميز على قائلها , وهذا ما يجعل اهل الاحياء المجاورة للديم هم اكثر الناس انتباهاً لهذه العبارة لكثرة احتكاكهم بابناء الديم . وبالرغم من ان هذه العبارة تُعتبر من مأثورات الديم والديامة الا انني لم انتبه لها الا بعد ان سألني عنها احد الاصدقاء الذين يسكنون باحد المناطق المجاورة للديم وقال لي ( انتو الديامة لشنو لمن الواحد فيكم يعمل ليهو حاجة سمحة ويسألوهو عنها بيكون ردو,, نحنا ديامة ياخ ) . عندها فقط انتبهت الى انني سمعت هذه العبارة اكثر من مرة يرددها اهل قبيلتي الديامة وارددها انا نفسي في مواقف الزهو . وعندها ايضاً انتبهت الى ما تنطوي عليه هذه العبارة من دلالات اعتزاز يستوطن روح الديامي الذي يحوز على شرف الانتماء لهذا الحي . فهذه العبارة وان كانت في ظاهرها تنبئ عن انتماء الى جغرافيا معينة , الا انها حين تُقال يكون الهدف منها توصيف لمكونات ثقافية سلوكية لشخصية معينة هي شخصية قائلها ومدى التماهي بين الشخص المتكلم والمجتمع ( المفتح ) الذي ينتمي اليه .
وهناك ملاحظة اخرى يمكن ملاحظتها في عالم النت هذا , وهي مدى اعتزاز الديامة وافتخارهم بالانتماء لهذا الحي و الذي يتجلى في ما يستعملونه من اسماء حركية مستعارة , فنجد اسم ديم وديامي وودالديم وغيرها من الاسماء المستعارة التي تنبئ عن انتماء صاحب الاسم الى جغرافيا وروح الديم . ولا يجاريهم في هذا الا اهل امدرمان وعطبرة حيث تصادفنا اسماء كامدرماني وعطبراوي , ويعود ذلك في تقديري الى عراقة هذه الاماكن الثلاثة ( الديم وعطبرة وامدرمان ) واحتفاظ كل منها بثقافة خاصة تسم بها سلوك ساكنيها .
احمد معتصم زعلت مني موش ؟
انا كنت قاصد اني اساهر يا اخو لاني كنت متأكد انو لا انت ولا صلاح حا تعرفوني بالاسم ده .
انا وجدي عبد المنعم يا فاره
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
لووووووووول
يا ابو ساندرا, وانت لو عملو ليك تحليل حايطلع عندك عسل في الدم عديل كده , وفهم في الراس كمان .
طبعاً لو سألتك عن الاسم التالت ( فضل ) ده عرفتو كيف , حا تبتسم لي واحدة من ابتسامات الديامة البتفيض بالمكر الحميم وتقول لي ( نحنا ديامة ياخ ) . . وعندها سأرد عليك قائلاً , امّال انا جايي من الدروشاب
مودتي واحترامي يا حبوب
سأعود لاكتب قليلاً عن من يستحق الكثير , الراحل محمد ميريا ( محمد حامد )
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
يا باشا ..
الزول الإسمو وجدي عبد المنعم فضل ده لو تعرف زول أول حاجة صغيروني جدا .. و كان تشطيبة و ركب و عندو شعيرات سبيب كده و دايما ساكت و مقطم و عامل لبودي .. وطبعا الزول يا أبو ساندرا الزين سغيرون لمن غلط .. و ذهلت من اللغة الرفيعة و الراقية البيكتب بيها وجدي .. ( يا بركة إنت في عمر وجدي ده كنت بترعى الغنم في كوشة الجبل .. ولا بتصيد طير في مقابر فاروق , يا كمان بتلقط الشباشب في ميدان البقر ) .
فرحت فرح شديد شديد من زول فنطوط زي ده أفكارو مرتبة و لغتو سليمة و عندو عافية في راسو المدوقس داك .. والده هو المرحوم عبد المنعم فضل .. أحد جهابذة الديم و السكة حديد .. رجل برضو كان صموت و مبتسم دايما و كان فردة أصلية و صاحب قفشات ذكية جدا .. و هو يا أبوساندرا اخو الطاهر فضل في حلة التعاون . أما والدة وجدي - رحمها الله - فهي السيدة التي لم أر من هو أطيب و أرق و أكثر صبرا منها , ما ذكرتها الوالدة إلا و خنقتها العبرة , فقد كانت السيدة ( مريم ) إحدى النساء السودانيات ذوات الحضور المدهش , ودودة مع الكل و طيبة السيرة و السريرة .. ولها طاقة على أسر قلوب كل من عرفها لم تملكها - على الأقل في حلتنا - إلاها . رحمها الله .
وجدي فضل .. يا ولدي أنت تمتلك سحر في لغتك ووسامة في مفرداتك ..
يا مشطب يا أب ركب ..
يا ود الناس الطيبين
يديك العافية .
تحياتي لك و كامل إحترامي .. و سعيد بك .
عمك عماد عبدالله
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: Emad Abdulla)
|
يا عبد الرحمن بركات المرة الجاية ما بقول ليك سلم لي علي ام البنات ستك رشيدة بكلم محاسن خالتي وانت عارف الباقي براك .
[email protected] دة يا عبد الرحمن اديهو لاشرف طه السميييييييييييييييييييييين
تأسس فريق النجم الاحمر عام 1954 وهو من مؤسسي رابطة الديوم الشرقية اطلق عليه اسم النجم الاحمر تيمنا بفريق النجم الاحمر اليوغسلافي ( الرد ستار ) ابان زيارته للسودان في ذلك الوقت .....
من مؤسسي فريق النجم الاحمر محمد خواجة ومحمد حسين العوض .
شعار الفريق هو الاحمر والابيض .
الهدف الاساسي للفريق هو خدمة الحي حيث قام اعضاء الفريق بالعديد من النشاطات الاجتماعية والاقتصادية من اهمها بناء مجمع حي السجانة الجديدة التعاوني ( الجمعية التعاونية ) من اوائل المؤسسين المرحوم احمد محجوب وهاشم خواجة . حيث يوجد في دستور الجمعية فقرة قانونية عن اعطاء فريق النجم الاحمر قطعة ارض داخل المجمع لانشاء نادي خاص بالفريق وفاءاً بالوعد الذي قطعه المؤسسين لشباب الفريق السواعد التي قامت بالبناء ولكن يبدو ان روح الرأسمالية النتنة تدخلت حيث لا يملك النجم الاحمر سوي غرفة 3متر×3متر داخل حرم المجمع وهو مهدد بالطرد منها .
مشروع منتزه النجم الاحمر ماهو ولماذا فشل وكيف ؟؟؟؟؟؟
نواصل
وليد شريف
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
أهلآ يا وليد شريف
فرحت جدآ لمن تداخلت هنا ، وقلت يا مرحى وفد علينا إبن بيت من أهم بيوتات الديم
فأكتب ياوليد عن هذا البيت وأثره في الديم ، وماقدمه أخوالك للديم في كل المجالات
خاصة الرياضة والسياسة
بيت كان نزل للقادمين من أتبرة من زمن أبولكيلك وأحمد كنب
أكتب ياوليد وحا تكتشف إنو عندك مادة غنية جدآ
وأكتب عن النجم الأحمر
ونادي ناوا
وفول العم عشيري
وشاي أحمد العربي
أكتب عن الولد الفنان عزالدين عبدالرحمن محجوب { كرج }
اكتب عن إبراهيم صالح { كوريا} وأخوه كمال محجوب
يازول انت اكتب وبس شوف حاينفتح قدامك شنو
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
يا عمدة يا ود حلتنا
ملحوظة // اشير هنا الى انك ود حلتنا وذلك لممارسة شيء من ( البوبار ) , وللبوبار تفاصيل كثيرة ستأتي لاحقاً .
عندما قرأتك وانت تحكي عن يمه الزلال على صفحات هذا المكان توهجت ذاكرتي بمصابيح كثيرة فاضاءت اركان مظلمة . وفي هذه الاركان المنسية اكتشفت انني ما زلت احتفظ بأشياء واشياء .
صورة لك مرسومة بقلم رصاص معلقة في ( الفضية ) بمنزل ناس خالتي سكينة , اشكال سريالية يختلط فيها اللون الاحمر بالبرتقالي بالبني على جدران برندة ترتدي اللون الاخضر بنفس المنزل , انت من خلقها هناك , اللعب آنا النهار واطراف الليل برفقة وليد ونزار , النوم بمنزلكم اثناء المسلسل وبحث امي عني . .
.. ما عارف الحاجات دي كانت حاصلة بالجد ولا هو اختلاق من ذاكرة ماكرة .
اما البوبار وتفاصيله فهو انك يا عمدة بتكتب حلو وبترسم حلو وبتفكر حلو , واذا كنت بتغني يبقى اكيد انك برضو بتغني حلو , اها الانتساب لكل هذا بلا شك انه مدعاه لبوبار مستحَق وفشخرة تغيظ العِدا .
واما حديثك عن انني كتبت ( شيء كويس ) فبلا كذب اقول لك ان هذا مما يجعل ( جضوم ) الزهو فيني تنتفخ ( ايوه احسن نكون صريحين , ولا شنو ) . ولكن هذا لا ينسيني بديهية انني لم افعل أي شيء سوى نقل ما نعرفه كلنا كديامة الى صفحات هذا المكان , وكان من الممكن ان يقوم أي شخص آخر بالحديث عن هذه القيم والسلوكيات بافضل مما فعلت انا .
اسمعني يا عمدة ,, انت حا تنزل السودان متين ؟ لانو انا مبسوط بيك وعايز اقدم ليك هدية قيمة خالص خالص . هدية لا تُقدم الا لمن يعرف قيمة الاشياء الجيدة . بشير احمد البشير بتعرفو ؟؟ هذا الفتى هو كنز ذاك الحي الذي لا يُرى الا بعين البصيرة ولا يسلك درب وصاله الا العارفين بقيمة الانسان كتلة الخير النقية . اها الزول ده يا عمده مكسب لكل من يعرفه , فاهم وفنان وانسان حقيقي , يعني بشبهك يا مان .
لا ادري ما الذي دفعني لاقتراح هذا الاهداء العجيب , لكن ما اعرفه هو انكم لو التقيتم فحتماً ستصبحا اصدقاء .
نجي لنقطة ( عمك عماد ) وهذه اختلف معك حولها ولا احفظ لك منها الا جزئية ما للعم من احترام ( لك احترام العم والصديق والمبدع )
لكن يا عمدة انت ما زلت تحتفظ لي بصورة ذاك الصبي النحيف الهادئ لان هذا آخر عهدك بي , وحتماً لو ان ظروف الحياة سمحت بأن ظللنا نسكن بجواركم الطيب , عندها حتماً اننا كنا سنصبح اصدقاء او على الاقل كانت ستجمع بيننا معرفة جيدة . ففي اعتقادي ان هناك مرحلة معينة من العمر يصبح فيها الجميع ( قدر بعض ) بحيث لا يصبح العمر هو معيار التقارب او النفور , بل اتفاق الميول وتقارب وجهات النظر . وبشير هذا الذي حدثتك عنه قبل قليل , في فترة معينة لم اكن استطيع الجلوس معه او معاملته كنِد لفارق العمر . والان هو صديق اعتز بصداقته .
المهم يا زول شكراً لانك فتحت الباب لكل هذا
مودتي واحترامي .
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الاخوة الديامة الاعزاء لكم التحية و للجميع
الديم احساس لا يفارق من سكنه ولو قليلا الي الابد.
وين تجارب روابط الجامعات المختلفة رابطة طلاب جامعة الخرطوم
رابطة طلاب جامعة القاهرة الفرع ( الفراعة) ؟
مين من الديامة احتلوا مناصب قيادية؟ وين تجارب النوادي الكثيرة جدا
الموجودة في مناطق مختلفة من الديم ؟ مثلا نادي الديوم الشرقية منذ ان كان
بالقرب من الساحة ( كما اخبرونا)
ابو ساندرا و صلاح عبد الله احكوا لينا عن تجربة نادي الربيع الفريدة
مش صحيح مظفر النواب قعد مع الديامة في نادي الربيع ؟
تجربة الدروس التي كانت تقدم في النادي للطلاب ثم انتقلت الي دار
العمل الوطني نهاية بنادي كنار الي ايقافها بعد ما لا يقل من 20 سنة.
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
منعم :
لايمكن الحديث عن الديم ، قلعة النضال ، دون ان ترد سيرة الشهيد علي فضل العطرة
والدروس التي قدمها في حياته عندما إنحاز للمسحوقين وإنسان الديم الذي فتح له قلبه وعقله قبل
ان يفتح عيادته
وذلك الدرس البليغ الذي قدمه بصموده وهو يهتف في وجه الجلادين
رجولة مو######## وبطولة فذة سما بهما للأعالي للعلى
وأنحط القتلة السفلة للحضيض
يللا نكتب عنو
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
تحية الديم العظيمة المعبقة بكل العشق وخالص الاحترام
فى البدء برحب بى كل الاقلام الجديدة (منعم..وليد الشريف)ومصحوبة بتسال حول وليد الشريف دا انا ما عرفتو
والمزعلنى اكتر انو بتكلم عن حتة هى جزء من قلبى وعقلى والنجم الاحمر ومحمد خواجة والمرحوم عبدالرحمن محجوب
وفرن الجمعية ومجمع العيادات والنوادى التى خلف الجمعية جلاس ناوا الكرو ومعليش دا الجادت بيهو الذاكرة الخربة
بعدين ياابو ساندرا انت طلعت زول كبير عديل كدة لانك قلتة الولد عزالدين عبدالرحمن
لانو عزو(كما يحلو لنا مناداتة بة) لو جا ماشى الواحد بيقيف ليهو طوالى
بعدين الجمعية التعاونية لحى السجانة هى من اقدم الجمعيات التعاونية على مستوى السودان واذكر ان الوالد رحمة اللة حدثنى عنها
كثيرا لكن الذاكرة مع الغربة ادت الى هرب الكثير من التفاصيل
واذكر فى شتاء 1998 اتى الى منزلنا رجل فى بداية الاربعينات وجلس لليلة واحدة حدثنا عن كيف بنيت الجمعية التعاونية لحى السجانة
الجديدة وبالعون الذاتى لابناء المنطقة وكانو يجتمعون كل يوم جمعة لبناء جزء منها
ولكن كعادتها الاشياء الجميلة لاتطول اذ عندما اتى الصباح رحل الرجل بلا عودة ولم ارة منذ ذلك اليوم
وعند الحديث عن حلة النجم الاحمر هناك شخصيات لازالت مرتبطة بالذهن
محمد شايقية ونزار فولة وطلال مجذوب شقيقة والدبشك المدرب
ومن المشجعين حاج على (جلحو) الذى فجعت بخبر وفاتة وبات الديم فى يوم وفاتة مشبعا بالحزن
واتسال عن غياب الكاتب ابراهيم عدلان واتمنى ان يكون المانع خيرا فى هذا التوقف
وعن شهيدنا على فضل لا يسعنى الا ان اترحم علية
واردد ما قالة الشاعر
دمك صعب ياعلى حزبك وراك صنديد
وعشقى دوما ما حييت لهذة البقعة الطاهرة من ارض الوطن
احمد حسبو
وطلبى الاخير هو مناداتى با ابنى احمد وليس الاخ احمد فلاخيرة تبعث فى كثيرا من الدفء
يا أحمد حسبو ، جاييك برواقة وأرجو أن يسبقني اليك إبراهيم عدلان ووليد شريف
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
بم الله الرحمن الرحيم
الاخ ابوساندرا
تحياتى ممزوجة بريحة زبالة مزقيه بمطرا شديد رمالو كم حيطه.
صدقدنى اذا قلت ليك سعدت كثيرا وانا اتابع توثيقك للديم و مداخلات الديامه التى اقيظت فينا ذكريات حبيبه للنفس
اود فقط ان اضيف نقاط لبعض المداخلات التى وردت:
1-من ديم التعائشه ذكر على نديم ولم يذكر العمده عمر كويس
2-ذكر بعض اصحاب الدكاكين والمحلات ونسى البعض ذى اتحاد الختميه والحوليه السنويه والتلاوه فى رمضان .وفول وسمك ربيع وعمك هارون وعمك الغالى االذى سميت المحطة باسمه وذكرت الديم شرق
والمربى الفاضل حسن العبيدوالاستاذ عبدالصادق رحمه الله واضيف الاساتذه الحاج وعزالدين ود ام صوت
واستاذ الحساب ميرغنى والاستاذ السنوسى وعمك ميرغنى الذى اشبعنا فول وطعميه وكذلك الخاله ام مرضه تبش بالشطه وحلويات وكذلك دكان شاشوق والعبيد وماننسا فول عمنا ابوشعر .
ومن الفنانين ايضا الفنان احمد شاويش الذى كانت بداياته عندما كانوا يسكنوا بمنزل عمك دوكه .ولاننسى العازف بدوى كابو رحمه الله.
وان شاء الله سوف امدك كلما اسعفتنى الذكرى بشىء
ولك شكرى وتقديرى ومن الموفقين ان شاء الله
ابراهيم شانقيره ------ ابوظبى
نرحب بالأخ إبراهيم أبوسقرة الذي سوف يرفد البوست بالمعلومات
والمداخلات القيمة
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
بسم الله الرحمن الرحيم
دعما للديم والديامه ولمجهودك المقدر معك انشاء الله
اضافة يذخرديم التائعشه بالعديد من الفنانين ذكرت لك بعضهم ولكن نسيت الفنان الكبير حسن ضرار رحمه الله الذى غنى بالاذاعة ولكنه توقف عن الغناء ولكن ارتباطه كان قويا بالفنانين وصالونه العامردائما ايامها يشهد.
وايضا لاننسى الكاتب الصحفى حسن موسى رحمه الله والفنان عيسى الحاج وابراهيم شاشه الذى تغنى باغنية الموزه حلاته. وبذكر الساحة الشعبية لابد ان ياتى ذكر الطاهر محشيه رحمه الله وعبد السلام الخفير وعمك يوسف الحلبى رحمهم الله وهؤلاء اعلام فى الساحة الشعبيه.
ولنا الا ننسى الحاجه نفسية بت ملكه رحمها الله والتى من منا لم ياكل من لقيماتها.
ودكتور الديم يعقوب ابشر والمساعد محمد ابراهيم زكريا ابو صوف رحمهم الله . اما العلم الذى كلنا نذكره ولااظن ان احدا منا قد نساه الحلبى لبيب بتاع الفراد وبشير العوير بتاع القش وموسى الجزار وآدم بوش وبله بتع المناقد ومحمد ساعه الدروش الذى ان سألته عن الزمن يجيبك وهو لايحمل ساعه .
وايضا لاننسى العم اسماعيل الغالى مؤسس جمعية ديم التعئشه الذى كان وحده يديرها بكل اعبائه
ولك شكرى
توقعنا مساهمات مقدرة من الأخ إبراهيم أبوسقرة
وياريت يلتقط الأخ مبارك أبوسقرة القفاز
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الرعد
---------------
الرعد المترعرع في الجزء الجنوبي من الديم
لم ينحصر معجبيه في تلك الرقعة التي تعج بالفطاحلة
ولكن كان له مشجعين في كل أحياء الديم
ورعد نهاية السبعينات الذي ضم مزمل دفع الله وعبدالحفيظ جادين
وميرغني ودالجاك والجوكر وعلي صباح والمصري و دكتور
وعبدالقادر إسحق المعلم وخال الموهوب شرف أحمد موسى { شرف النيل }
وحاج حسين وأغبش الأمين الساحر المبدع
ويقف من خلفهم الحارس البهلوان ممشوق القوام كافلي
تجاوزت شهرته الأفاق وكان يحضر تمارينه مشجعون من أم درمان وبحري
ناهيك عن أحياء الخرطوم الأخرى
تميز أداء الفرقة بين اللعب الرجولي العنيف وبين الحرفنة والإجادة
وكان السؤال الساسي من بنات مربعات اربعة وخمسة حيث نشأ الرعد
هو : اها غالبين كم ؟
أبدآ ما سألن : غالبين واللا مغلوبين
كان إنتصار الرعد أمر محتوم ومقرر
ومابيتغالطوا فيه إتنين
عندما تكون المباراة طرفاها الرعد والربيع
تمتليء الساحة الشعبية من الساعة تلاتة بل بعضهم يفوت أنباء الثالثة
لكي يتخذ مكانآ إستراتيجيآ يتيح له مشاهدة المبارة جيدآ
وحرصآ أن لاتفوته شاردة ولا واردة
والسبب هو تمتع فريق الربيع بذات مواصفات الرعد
اللعب الرجولي والحرفنة
كانت لقاءتهما حامية الوطيس وتكون عجاجتها قائمة
وتبلغ المبارة قمتها عندما يحكمها الحكم الصارم المرحوم الطاهر محشية
فمحشية كان منحاز للعب العنيف لذلك قلما يفسد متعة المبارة بكثرة الصفافير
بل لم يكن يصفر إطلاقآ إلى في حالة إصابة الهدف
كان محشية يستخدم يديه علامة : مافي حاجة إستمروا في اللعب
برغم القدرات الفذة ووجود عبدالعزيز وعبدالرحمن نمر كانت مهمة خط دفاع الربيع صعبة جدآ
فخط هجوم الرعد ذاخر بمهاجمين إقتحاميين بيتوجهوا نحو الدفاع عديييل
ولهم قدرة فذة على المراوغة
كان عادي جدآ ان يذهب خط هجوم الربيع في راحة طويلة
أو يضطر للعودة للخلف لمساعدة الدفاع
و نواصل
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
الاخ مدثر تيف تيف اخبارك والصحة مررت على بوستكم اللطيف بتاع الديم طبعا انا ديامى الهوى والاصدقاء
وقريت فى الديوم المتوسطه والخرطوم الجديدة ودى طبعا مدارس فيها الديامة اغلبية ومنهم تشبعنا بحب الديم والديامة ما دعانى للكاتبه انك ذكرت الاخ عادل الغالى وعادل الغالى صديق وزميل دراسه فى المتوسط والثانوى
وكنا فى نفس الفصل انقطعت عنى اخباره يا ريت تدينى خبرو وهو وين حاليا فى السودان ولا بره
تحياتى لك. وتزوده بيميلى
نزار حسن ادريس
الاخ نزار مرحب بيك في بيتك التاني
والاخ عادل موجود في السودان حانزل ليهو اميلك في البوست
ود الاميل يا ود الغالي[email protected]
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
العزيز /ابوساندرا وكل الديامة الحلوووووين
لكم التحية وبوست رائع ..
ياشباب بسال من صديقي : حاتم الجهيني من اولاد الديم الحلووووين( وشايقي من نوري ) كان مقيم معانا هنا في السعودية المنطقة الشرقية / الخبر ورجع السودان نهائي .. لو في واحد بيعرف الراجل دهـ يمدني بتلفون’ ضروري أو يراسلني في الماسنجر .
وتحياتي للجميع ..
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
عبدالرحمن ..
شغلتنا عن (أبانا) بعض الهموم اليومية والتي أنت أدرى بها .. ,اخجلني وأحزنني في آن كلامك هذا .
فلك وله العتبى حتى ( ترضيان ) .
فلنبدأ نوعاً آخر من التوثيق .. فهل أنتم جاهزون ؟؟؟
ماذا عن ( الحقب السياسية ، النضالية ) التي مرت على ديمنا ؟؟
أحداث ومواقف ، وأسماء ، وعمل ..
منذ ما قبل الاستقلال وحتى ( الآن ) ..
من يبدأ التوثيق ، حسب التسلسل الزمني ..
الأحزاب السياسية في مرحلة ما قبل الاستقلال في منطقة الديوم الشرقية ( القديمة والجديدة ) الأشخاص ( الديامة ) الذين ارتبطت أسمائهم بتنظيماتهم السياسية ، وكان لهم دور مقدرا في احداث نوع من التغيير ( أياً كان ) .. في الحقب التالية لمرحلة الاستقلال .. الستينات .. السبيعنات ( مايو ) وتحول العمل الى سري (اذا لم يكن في ذلك ما يضر بمصالح التنظيم السياسي المعني - السرية) ثم نتائج أعمال تلك الحقبة واثرها في انتفاضة مارس / ابريل .
ثم فترة الديمقراطية الثالثة ..
وأخيراً انقلاب يونيو 89 .
من ؟؟ عبدالرحمن ؟؟ هل سمعت يا عبدالرحمن ؟؟ كلهم ( الديامة ) قد اختاروك لهذه المهمة..
حسناً هو عبدالرحمن من سيبدأ لنا .. وهل هناك من سيفعل ذلك غيره ؟؟ فهو ( ديماً ) يمشي على قدمين ..
فلنرحب به جميعاً أيها الديامة ( الأعضاء والمتابعون المتصفحون ) ونرجو مساعدته في تكملة بعض المعلومات الناقصة ( ان وجدت ) ..
شكراً ..
صلاح عبدالله
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
Quote: من ؟؟ عبدالرحمن ؟؟ هل سمعت يا عبدالرحمن ؟؟ كلهم ( الديامة ) قد اختاروك لهذه المهمة..
حسناً هو عبدالرحمن من سيبدأ لنا .. وهل هناك من سيفعل ذلك غيره ؟؟ فهو ( ديماً ) يمشي على قدمين ..
فلنرحب به جميعاً أيها الديامة ( الأعضاء والمتابعون المتصفحون ) ونرجو مساعدته في تكملة بعض المعلومات الناقصة ( ان وجدت ) ..
شكراً ..
صلاح عبدالله |
يا صلاح عبدالله
شرفتني
عندما كلفتني
بمهمة توثيق نضالات الديم
و كلنا { ديمآ } يمشي على ساقين
أقبل التكليف / التشريف
بشرط
عونكم
عونك
وأخوك
ومنعم
وإبراهيم عدلان
وكل الديامة الذين كتبوا هنا
من أجل ديمنا الحبيب
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
To: [email protected]
Subject: الى العزيز صدقى كبلو
Date: Tue, 16 May 2006 12:05:50 +0400
اخى عبد الرحمن لك منى كل الود والتحايا وللاسرة الكريمة
اخى صدقى مااحوجنا فى هذا الزمن للتوثيق لتلك الفترة التى عانى
المناضلين
الشرفاء فيها من السفاح نميرى وعصابته ... ونرجوا ان يشارك كل الاخوان حتى
نزرع
فى ابنائنا وشباب هذا الجيل أدب الصدام والرفض ومعنى الصمود هذا التوثيق
حق
علينا لجميع الشرفاء ابناء الوطن الذين عانو فى البحريات وشالا وسواكن
والسرايا
كم كنا نعانى ونحن نتنسم اخباركم ومعاناتكم ....
كان هناك نفر عزيز من ابناء الديوم الشرقية المهندس عوض الصافى والساخر
الضاحك
دوما بد الدين عبد التام
واخى وصديقى الذى افتقدة جعفر عباس.... كنا ننتظر موعد خروجهم (ستة اشهر
وبعدها
عشرة ايام لزوم
التجديد ) وكم احتفلنا بهم وهم يعودون لنا باشعار العزيز محجوب وحكاوى
وهموم
المعتقل
اخى صدقى لك منى كل المودة والحب وامنياتى ان يعود لنا أبا مريم ومى معافى
_________________________________________________________________
Don't just search. Find. Check out the new MSN Search!
http://search.msn.com/
وننتهز السانحة وننشرها هنا لتحية
مناضلون من الديم :
حسن عثمان
عوض الصافي
دريسة
السر شبو
جعفر عباس
بدر الدين عبدالتام
واخرين
قد نكتب عن سيرتهم النضالية[/B
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
أبو ساندرا ..
تحياتي .
حسب ما تم الاتفاق عليه مؤخراً ، فالتركيز سوف يكون على التاريخ السياسي للديم ، وليس هناك من هو أفضل منك في ذلك ..
وكما أمرت أنت .. فسوف نحاول متابعتك وتذكيرك بما نعرفه ..
فهلاّ ابتدرت سردك يا صديقي ؟؟؟؟
وجدي ..
كيفك .. وشكراً على تذكيرك أبوساندرا وتحريضك له .. ورفعك للبوست .. تحياتي لجميع من معك .
تحياتي
صلاح عبدالله .
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
وذكرنى بايام الحياة الطلابية حينها والصراع مع السلطة وسلاحنا القوى جدا شعر محجوب شريف فقد كان بلسمنا عند المحن وكان ممنوع التداول ومن يلقيه يلقى به فى السجن وهو ماحدث لابوساندرا ورفاقة فى الديم عندما انفعلوا فى نادى القولد ومعهم امهاتنا واخواتنا وبنوت الديم وصاحوا ودغري
شيوعيون شيوعيون
بنادق وين
ومدافع وين
بتمنعنا العديل والزين
Quote: و`كرنى بايم الحياة الطلابية حينها والصراع مع السلطة وسلاحنا القوى جدا شعر محجوب شريف فقد كان بلسمنا عند المحن وكان ممنوع التداول ومن يلقية يلقى بة فى السجن وهو ماحدث لابوساندرا ورفاقة فى الديم عندما انفعلوا فى نادى القولد ومعهم امهاتنا واخواتنا وبنوت الديم وصاحوا ودغردن شيوعيون شيوعيون بنادق وين بتمنعنا العديل والدين وفى لحظات كانت شوارع ديم القنا تجوبها الكوامر
|
وفى لحظات كانت شوارع ديم القنا تجوبها الكوامر
نقلآ عن مداخلة ل رؤوف جميل كتبها في بوست مذكرات صدقي كبلو
نقلناها هنا بضبانتها وعملنا لها تعديل يعلوها صححنا فيه غلطات الكمبيوتر
وهو خير إستهلال يا صلاح لمواقف نضال في الديم وديامة مناضلين
منهن التي غادرتنا مأسوفآ عليها محاسن خواجة
والوعد رعد يا صلاح
زي مابيقول حين التوم الفنان التشكيلي
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
modathir ibrahim wrote:
iالرسالة أدناه وصلتني من الأخ مدثر الكعيك
له جزيل الشكر
وإعتذاري لعدم تمكنني من تعيلها بالتنسيق
حا أعلق عليها لاحقآ
وأبقى معنا ياكعيك
>
>
> ابو ساندرة
>
>
> تحية طيبة من ارض الديم الطيبة
> اخى اود ان اسطر
> لك كلمات تعبر عن مدى
> فخرنا بالديم وناسه واحيائه العريقة
> لك الشكر وانت تؤرخ عن تلك
> المنطقة المتفردة فى
> لونها وطعمها وذلك التنوع الناتج عنه
>
>
> ولد وبنت الديم
> .
> ابو
> ساندرة هناك فهم مغلوط عن
> الديامة يجب تصحيحه
>
> نحن لست حطب قيامة
> كمايحلو للبعض
>
> انما نحن نسيج اجتماعى لا
> مثيل له فى السودان
>
> عراقة واصالة
> وفكر ونؤمن بالمبادىْ
>
>
> اخوك
> مدثر الكعيك
>
>
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
ورسالة من عزيزنا محمد سعيد وشكري الجزيل له على حسن المتابعة والمواصلة
Date: Mon, 22 May 2006 10:10:41 +0400
اخى عبد الرحمن لك الود والتحايا وللاخ كبلو
الاخ نصر الدين مناضل جسور وكان متطوع و مشارك اصيل فى الدراسة المسائية
التى
كانت تنظم لإبنائنا الغبش فى نادى الصداقة بالديم مع مجموعة سبق ذكرها فى
بوست
الديوم الشرقية وكان منشد لجميع الاشعار التى يتم توصيلها للزملاء خاصة
تلك
التى كانت تتسرب من المعتقل وكان ينشد لنا ايضا قصيدة مشهورة عن القضية
الفلسطينية ونضال الشعب الفلسطينى للاسف لاتسعفنى الذاكرة لكلماتها الان
....
له كل التحايا والود.
اخى صدقى طالت الفترة ولكن لازلت اذكر وجودنا معا فى الشوؤن الاجتماعية
وبيننا
المبدع المناضل الجسور محمد حسن دوعالى( تم تامين الدكتور عبد الله على
ابراهيم
معه فى الحلة الجديدة وكن نناديه بالاستاذ وهو بيننا قمة فى التواضع
والاخلاق )
وكذلك العزيز المناضل موسى البتنونى وتاج الاصفياء عثمان سعد لهم جميع كل
الود
والتحايا
اخى صديق ضرار سلامى لك مع امنياتى بالصحة والعافية أعيد ذاكرتك الى
السبعينات ومنزل حى القنا
مع الاستاذ لطفى الخال العزيز له الرحمة والمغفرة لك منى كل التقدير
والاعزاز
على ماكنت تبديه من مشاعر طيبة تجاه اخوك الصغير وتجاه المرحوم الخال لطفى
عبد
الرحيم (مدرسة الخرطوم جنوب)
محمد سعيد .. العين الامارات العربية المتحدة
_________________________________________________________________
Express yourself instantly
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
اعود بعد غيبة قسرية و استسمح الديامة
معهد الكليات التكنلوجية او المعهد العالي للتربية الرياضية او الكلية المهنية العليا او جامعة السودان كلها اسم واحد لذلك الصرح العملاق الذي يحد الديم جنوبا و الذي نعتبرها جزء لا يتجزأ من الديم بينما يعتبرها الامتداديون جزء منهم باعتبار ان ( خور جانقي) هو الخط الرسمي للديم و يعتبرها ابناؤها منطقة وسطي تأخذ خير الحيين
علاقة الديامة بالكلية علاقة جوار حسن وجدنا فيه ضالتنا فان كنت تسعي للهدوء و كب العلم فعليك بالفصول الغربية التي تجاور معهد اللغة العربية لغير الناطقين بها بدسكاتها المريحة و كهربائها التي لا تنقطع ثم مبني المكتبةو ان كنت تبحث عن مكان للخلط ( الشاعري) فنجائل الكلية و حدئقها الغناء مكانك لكب المكنات و عزف الكمنجة اما اذا كنت تتسربل الهم الوطني فكافتريا نشاطها تيرموميتر للحالة العامة و اركان نقاشها فصل للدروس الديمقراطية و ان كنت من محبي الرياضة فمضمار ملعبها يمثل متسعا من المجاهدة و تربية النفس .
بين الحين و الآخر تنفحنا الكلية و مسرحها بالحفلات الساهرة التي طل من خلالها وردي و محمد الامين و مصطفي سيداحمد .
التحية للصديق محمد عوض امان اين ما كان فقد كان من قاطني ذلك الصرح
| |
|
|
|
|
|
|
|
|
|
Re: الديوم الشرقية :{ مهبط الوعي والفن وقلعة نضال ومرتع جمال } (Re: أبو ساندرا)
|
Subject: الحبيب بركات طولنا منكم
Date: Tue, 23 May 2006 00:01:08 +0200
الاخ ابو ساندرا لك التحية وللاسرة الكريمة والاخت شادية
عاوز اضيف لموضوع
الديم الحب الاول والاخير عارف يابو ساندرا ان شاء الله لو ربنا امد فى
الايام اكتب ليكم من الديم بجوار ناس عوض الصافى وجعفر عباس ومعتصم عباس
وسيف
ووتمبيسكو وال شبو وهاشم نقد وبقية افراد شلة ديم الاتحاد والربيع
والشمارات
الاصلية ونكت الديامة وسخريتهم من كل شيئ حتى بعضهم لقد قرات ان احد
الاخوان
تحدث عن نضال الاخوةالكبار مش كبار عمر ولكن فهم والله وهم اساتذة اجلاء
لنا
ولكل من عاصرهم سالتك بالله قعدة قدام البيت فى كرسى خيزران وجك مويه وشاى
واولاد الحلة الماشى يديك شمارة والجاى يديك عبارة ويكب النقة مش احسن من المسخرة
العايشين
فيها دى ربنا يتوب علينا ويرجعنا نربى اولادنا فى ديمهم انا متابع لبوست
الديم
والتوثيق لابطال الديم فى كل مناحى الحياة الاجتماعية والسياسية والرياضية
الديم مدرسة كبيرة وممكن يتعمل منها منهج اجتماعى وسياسى ورياضى ومهما كتب
الاخوة وكتب كل اهل الديم اعتقد انهم لن يعطوه حقه وكلما تتذكر من شخصياته
المتفردة تجد ان الذاكره تخونك لو رجعنا الى البوست كم شخصية متفردة
وتعتبر من
نجوم المجتمع ذكرتم حتى الان والبقية اكثر من الذين ذكرتم لهذا اختصر بان
الديم
مدرسه للاجيال كاى جامعة كل عام بخريجين جدد
ولكم منى كل الحب والتحايا
ولكل
الاصدقاء والاخوان الذين اثرو هذا البوست
ازهرى عباس صالح
مرحب بالحبيب أزهري عباس ودالديم النجيض
وأزهري عباس يا ديامة تاريخ تليد وقلم مجيد
لو سخى حا يكتب ليكم حكاوي وبلاوي
يللا يا أبوالزهور كرب الحكايات وكب النقة
| |
|
|
|
|
|
|
|
Emad Abdulla
أبو ساندرا
ابو تميم
A.Razek Althalib
abdelgafar.saeed
احمد معتصم الطيب
عشة بت فاطنة
خالد العبيد
طارق جبريل
omer abdelsalam
Isam Widaa
فيس بوك
تويتر
انستقرام
يوتيوب
بنتيريست