ماذا يقول الجرس؟؟؟

ماذا يقول الجرس؟؟؟
. رن رن رن رن رن رن ماذا يقول الجرس؟؟ ماذا يقول الجرس؟؟ يقول يااولادى ياامل البلاد هيا الدروس مصلحة النفوس رن رن رن رن رن رن رنّ جرس التلفون فى بيتنا سهام:-الو .....:- ممكن أكلم سهام سهام:- اهلاً بيك معاك سهام ....:-إزيك يابت نابرى كيف حالك؟ سهام:-بخير الحمد لله ....:-كيفك وكيف بله وأختك سهام:-والله بخير كلنا ، بس ماعرفتك .....:-(تضحك)معقول ماعرفتينى ،كدى فكرى فى الصوت ده؟؟ سهام:- أبدا ماعرفتك (لكن بينى وبينكم شكيت) ....:-ياخى صوتى ده أى زل بعرفه من اول جمله سهام:-والله الصوتين اللى أنا متأكده منهم ،امى الله يديها العافيه وليلى المغربى الله يرحمها،غير كده الاصوات كلها بتتشابه عندى .....:-(تضحك) خلاص مابحرق رحك أكتر من كده ،أنا الافعى السامه سهام:-أوه أهلاً خير؟؟ والله ياسهام أنا لى زمن بفتش فى تلفونك ،وأمس فى زول قال لى بتلقيه فى بروفايل بله سهام:-(صمت) الافعى:-والله وجعنى الكلام الاتكتب فى الانترنت ده وجع ،ولما قريته قلت لاحوله ولاقوه إلا بالله وحسبى الله فيكم،الله الحلفاوى ده أدعى فيهو ليل ونهار سهام:-صحى؟كتر خيرك،طيب مالك ماكتبتى؟؟ الافعى:-(تتجاهل السؤال وتواصل)الله ينتقم منه قبال القانون سهام:-اّّّّّّّّّّّمين الافعى:-أها قريت أنه مشيتوا لى محامى ودايرين ترفعوا عليه دعوه؟؟ سهام:-ايوه صاح الافعى:-والله كان جعلتينى ليك صليحه أقول ليك ماتتعبى نفسك ولاتفكرى فى جرى المحامين ده لانه حبالهم طويله وصرفهم كتير والله يمصوا دمك والفى جيبك كلها تكمل سهام:-(صمت) الافعى :- هىّ يايمه هم كان بعرفوا سهام والله ماكانوا بفتحوا خشهم بى نص كلمه،هم بلحقوك المقطعين والله أمريكا دى دخلوها جعانين ومقطعين ولى هسه بى حالهم سهام:-هو الحلفاوى ده من أمريكا لكن؟؟؟ الافعى:-انت ياسهام ماعارفه أنه (هناى) راجلى ده هكر كبييييير ومجنن ناس البوردات ديل جن،ويوم قرا موضوع التافه ده طوالى دخل وفتش لامن عرفوا هو منو سهام:-يعنى هسه عارفوا؟؟ الافعى:-اى عارفه المقطع المابتنفع فيهو حسنه الافعى:- (تواصل)ده واحد كلب وخسيس ومابستاهل تضيعى فيهو قروشك ،قروشك بتنفعك كان رسلتيها لى أهلك وله شلتيها ومشيتى ليهم مع راجلك ده ساى شافوكم باركو ليكم عرسكم وسووا ليكم دييييك يالحفله ماأحسن من تدفعيها فى ناس مابستاهلوا؟؟ سهام:-والله الحمد لله أنا ماعندى مشكله فى مسألة القروش دى اهلى برسل ليهم والمشى ليهم قروشوا قاعده ،بكره كان دايرين بنسافر الافعى:-أنا قصدى أقول ليك أنه زول مابستاهل سهام:-على الاقل بستاهل الادب الافعى:-هىّ يايمه أنا بحدثونى بيك القروش أنت بتشحديها ؟ ماوارثاه أب عن جد سهام:- أها ماقلتى لى أحمد الحلفاوى ده مايكون بيبقى ليكم وله صاحبكم ؟؟ الافعى:- ( بسرعه و بأستنكار) برى يايمه ماببقى لينا سهام:-مايطلع صاحبكم لانه أنتم أصحابكم كتار الافعى:- (بخبث)يعنى أنتى ماعارفاهوا منو ياسهام؟ سهام:-عارفاه الافعى:-والله نحن الناس البنعرفهم ديل زاتنا بعد ده دايرين نعيد فيهم النظر سهام :- والله فكره، مالهم عايدين فيهم النظر لقيتوهم مابصوموا؟ الافعى:-والله الواحد فيهم قدر ماتسوى ليه وتقدريه وتحاولى تعملى منه بنى أدم تلقيه فى سجمه ،الواحد مابعرف يخسر ليه خمسه دولار يجامل بيها صاحبه ، رغم أنه أنا و (هناى) زوجى ده مابنقصر مع زول،حتى أهلى فى السودان البيمشى ليهم يكرموه ويضبحو ليه عديييل سهام:-الله يصلح الحال الافعى:- والله لو مصره على موضوع المحامى ده (هناى)زجى ممكن يساعدك فى (الاى بى )لانه عاااارفه وممكن يديك برنامج تعمليه وتعرفيهوا براك الافعى :- (بخباثه) وكان دايره بحنسه يوريك الزول منو سهام:- مابتقصرى لكن الموضوع ده أصبح مكلف بيه محامى مختص حايعرف كل حاجه بى طريقه قانونيه وأنا ماحأساعده بى أى حاجه الافعى:-ماله لو اديناه المعلومه جاهزه بوفر ليك سهام:-والله أنا مادايره اشغل نفسى بى موضوع فى يد زول مختص ومافاضيه ولاحتى دايره أتكلم عن المضوع ده تانى الافعى:-آى مشغوله بتكونى(وتصمت) الافعى :-اها خلينا من موضوع المغفل ده وقولى لى التوب الكٌنتى لابساه فى الحفله ده جبتيه من وين وبى كم عاد ماهرد كبد النسوان كلهن.....الخ الكلام أتحول لى مواضيع نسائيه بحته لدقايق ولما عرفت الافعى بعدم رغبتى فى مواصلة الحديث معاها أنهت المكالمه،بس مانست تعرض خدماتها لحدى أخر لحظه. ورن رن رنرن رن رن جرس نهايةالحصة ضرب قال تعالى( وأحل الله البيع وحرم الربا )صدق الله العظيم يبدوا ياجماعه أنه البيعه حاتحصل ، الافعى عايزه تبيع و تحل روحها لكن ماكنتى زكيه ياأفعى اضافه:- ياأفعى يومك الاتصلتى ولما رديت عليك ماقدرتى تتكلمى, طبعا أنا عرفتك دى أنتى وعلشان أهدئ أعصابك غنيت ليك ،بس ياخساره برضو ماقدرتى تتكلمى وقفلتى السكه أها الاغنيه أن شاء الله تكون عجبتك؟؟؟ (عدل بواسطة سهام نابرى on 12-13-2005, 08:48 PM)

العنوان	الكاتب	Date
ماذا يقول الجرس؟؟؟	سهام نابرى	12-13-05, 08:31 PM
Re: ماذا يقول الجرس؟؟؟	keiga2000	12-14-05, 00:23 AM
Re: ماذا يقول الجرس؟؟؟	سهام نابرى	12-14-05, 08:27 PM
Re: ماذا يقول الجرس؟؟؟	على محمد على بشير	12-15-05, 01:44 AM
Re: ماذا يقول الجرس؟؟؟	سهام نابرى	12-15-05, 01:01 PM
Re: ماذا يقول الجرس؟؟؟	Eng. Mohammed al sayed	12-15-05, 01:39 PM
Re: ماذا يقول الجرس؟؟؟	سهام نابرى	12-15-05, 01:44 PM
Re: ماذا يقول الجرس؟؟؟	سهام نابرى	12-16-05, 09:31 PM
Re: ماذا يقول الجرس؟؟؟	othman mohmmadien	12-17-05, 11:26 AM
Re: ماذا يقول الجرس؟؟؟	سهام نابرى	12-20-05, 10:20 PM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]