|
|
 ثلاثة شينات وقفن امام ايمان صالح وحلن دون زواجها
|
الاخت ايمان صالح كانت تعد العدة للعودة الي ارض الوطن بحثا عن شريك حياتها ,فظنت الاخت ايمان بأ مسألة الزواج مسألة هينة تتم بين ليلة وضحاها, جهزت الاخت ايمان من الشينات الاربعة شين واحدة فقط فالزواج يحتاج عندنا في السودان للاتي
شبكة+شنطة+شيلة+شهر عسل فمن الشينات الاربعة لم تجهز الاخت ايمان الا شينا واحده , اصطدمت الاخت ايمان بالواقع فاختارت الهروب من المنبر, فاي زوج تختاره لن يتنازل عن واحدة من الاربعة شينات , ما عارف اخوانا العجائز لو بيتنازلوا عن حقوقهم المحفوظة في الزواج
علي ايمان ان تتجه غربا مثل الاخرين فهنالك تتلاشي كل الشينات , ويصبح الامر يسير جدا شاهدين وماذون دولة <ليس من الجامع او الكنيسة لان الدولة لا تعترف بزواجهم> وحفلة غداء بسيطة
علي ايمان صالح العودة العام القادم , ولكن تجربها مفيدة جدا لتعرف كيف يعاني الرجال من هذه الشينات الشينة
|
|
 
|
|
|
|
|
|
|
|
Re: ثلاثة شينات وقفن امام ايمان صالح وحلن دون زواجها (Re: saif massad ali)
|
كيفك سيف
Quote: شبكة+شنطة+شيلة+شهر عسل فمن الشينات الاربعة لم تجهز الاخت ايمان الا شينا واحده , اصطدمت الاخت ايمان بالواقع فاختارت الهروب من المنبر, فاي زوج تختاره لن يتنازل عن واحدة من الاربعة شينات , ما عارف اخوانا العجائز لو بيتنازلوا عن حقوقهم المحفوظة في الزواج
علي ايمان ان تتجه غربا مثل الاخرين فهنالك تتلاشي كل الشينات , ويصبح الامر يسير جدا شاهدين وماذون دولة <ليس من الجامع او الكنيسة لان الدولة لا تعترف بزواجهم> وحفلة غداء بسيطة |
انا لدى اقتراح يريحها من التعقيدات والزوقات وممكن نبسط ليها معادلة الشينات ونقلبها بحروف تانية "يعنى وصفة عكرابية ماتخرش الميه" بعدها تجد نفسها ببركة الشيخ ود عكر فى بيت العدل والوصفه تحمل اسم فهد يعنى....... فندق +هديمات + دهيبات = فهد
وبعد داك تووووووووووووووش تلقى نفسها اخر انبساط
| |
|
|
|
|
|
|
|
|
|
Re: ثلاثة شينات وقفن امام ايمان صالح وحلن دون زواجها (Re: بلدى يا حبوب)
|
يا ود المساعد
العروسة دي شردت وين
على درب الشينات ممكن تكون ارسلت ليك تلغراف الشينات الثلاثة بتاع نميري
قالو النميري لما خرج في رحلته الأخيرة للبيت البيض
في الطريق ارسل برقية للسيد/ أبو القاسم محمد ابراهيم
ش. ش. ش.
بعدين الجماعة بتاعين الشفرة اتحيرو في الشينات دي وقالوا دي ما يفك طلاسمها إلا واحد صاحبنا بن سطلة
المهم ما طولة في مشوارهم فهو يعيش أجواءه حول بيوت الأشباح
فوجدوه هائما قرب أقربها
فسألوه
قال ليهم هينة دي
معناها
شيل شيلتك أنا شردت
اوعك تكون العروسة أسرت ليك بمثل هذا التلغراف
فراح هيامك نحو شهر العسل
ياعريس ياعريس
يا
| |
|
|
|
|
|
|
|
|
 Re: ثلاثة شينات وقفن امام ايمان صالح وحلن دون زواجها (Re: نادية عثمان)
|
سيف مساعد لو ما لقيتلك واحدة تانسبك تعال عندي حلاوية ( عرض خاص ) عشانك بس ما أعمل حسابك ! العرض ساري لغاية ما ينصلح حال سوق أم دفسو في السودان .. شروطنا طبعاً جديدة كلها :
الفحص المسبق - شهادة لمن يهمه الأمر - شهادة إثبات نسب - شهادة عدم إنتماء للأحزاب الصفراء أو حزب لا للسلطة - شهادة حسن سير وسلوك سارية المفعول -
المرفقات : اثنين شهود عدول .
وتفضل خذ العروس غير مأسوف على بنتنا .مع الثلامة
| |
|
|
|
|
|
|
| |
saif massad ali
بلدى يا حبوب
المسافر
عبدالرحمن الحلاوي
فيس بوك
تويتر
انستقرام
يوتيوب
بنتيريست