|
|
 من هم انصار الدين يا اسماعيل وراق ولنا مهدي ود العمدة ؟
|
انصار الدين هم جمهرة من اتم البيعة لله ورسوله علي < يد الامام محمد احمد المهدي >. وبذلوا نفوسهم ونفيسهم <في شأن الله> واتخذوا الجهاد مبدا, والاستشهاد وسيلة , والقتال اسلوبا لتصحيح مسار الدين وحرية المواطنين.فأثابهم الله فتح الخرطوم واعادة الاستقلال.فكانت دعوة الامام عقيدة ,حرية استقلال ,مجمع ثالوث المطالب الانسانية.حيث لبي الثورة المهدية اهل العقيدة , وعشاق الحرية ,وطلاب الاستقلال . فانتصرت بقوة ايمانها هازمة اغني الجيوش , وامضي الاسلحة في ذالك الزمان وتسارع الناس كلهم في الاستجابة للثورة المهدية , وطاروا اليها ذرافات ووحدانا و ورجالا وعلي كل ضامر يطبقون افاق السموات والارض بشعار الثورة <الله اكبر ولله الحمد>, ويرددون اهازيج النضال بعصماوات الاناشيد,<الحرب صبر واللقاء ثبات والموت في شأن الاله حياة>.
وعند انتصار الدعوة بثورتها,وبلوغ اهدافها وغايتها واستشهد باعثها وقائد نصرها ورمز معناها الامام محمد احمد المهدي, ولم يمضي علي الفتح الا ستة اشهر.وحيث قامت الدولة المهدية بعده بقيادة <عبد الله التعايشي> الذي ادارها ثلاثة عشر عامارغم تربصات الخارج وردود فعل الداخل,مما يحدق بدولة ناشئة في اخريات القرن التاسع عشر .قرن الهياج الاستعماري واقتدار القوي المستهينة بضعاف العالم ومتخلفية.ولم تكن دولة المهدية المحاطة بسوار خانق من المستعمرات الاستيطانية , ما عدا فرجة الحبشة المحتجزة بالصوماليات ,ولم تكن تمثل حرية فحسب ولا استقلالا فحسب , ولكنها كانت تمثل بالاضافة الي تحرير الموطن واستقلالية القرار عقيدة ذات مضاء يتجاوب مع اصداءها ملايين البشر في الجوار والملة الاسلامية عموما. خطر علي الاستعمار يغري الجوار بالتحرر , ويولعه بالاستقلال ,وينعش ملة الاسلام في كل مكان في العالم .وفي اعماقها يعيش الانتظار طويل ,انتظار المهدي , انتظار المجدد ,انتظار المجتهد الموعود,ليملأ الارض كلها عدلا بعد ان ملأت جورا.وكان هذا أخوف مايخشاه الاستعمار .واسرع مايوقظ في ذاكرته صورالتليد المجيد. الامبراطورية الاسلامية وهي تشرق من <جبال البرانس >,و<صلاح الدين > والقدس والميعاد.ان هذا الروح لايعرف موتا فهو يبتاع خلودا من ميادين الممات
من اخر الكلم للشريف زين سوف اوصل النت بس قطع
(عدل بواسطة saif massad ali on 11-17-2005, 01:06 PM)
|
|
 
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
ليس معني موت رجل اوربا المريض في الاستانة هو موت لما كانت تمثله الخلافة العثمانية .وها هو ينبعث من مكان اكثر حساسية , واسرع استجابة . ويشكل بديلا فتيا لما اعترته الشيخوخة في ضفاف الدردنيل وفي موقعة كرري الفاصلة .قضي السلاح المتطور علي الانسان , ولم يقضي علي الايمان, وخلجت النيران من شجاعة الشجعان , وسالت اودية بقدرها من نزيف عشرين الفا تروي الاض بما يشبعها الي الابد , بتالحرية زالاستقلال والعقيدة . ماتتالدولة ولم تمت الدعوة,فظل الاستعمار يتوجس منها خيفة طوال مكثة في ارضها وخرج منها وهو خائفا يترقب . وصدق الامام عبد الرحمن المهدي , فما كان لهذا التراث ان يضمه حزب , ولم يكن لدعوة الجموع ان تشملها طائفة , وما كان لها ان تستاثر بها قبيلة , او تخص بها اسرة او يرثها بيت او تتمذهب لها شيعة دون الناس اجمعين, فالخلافة الاولي نافية لقواعد الارث , منزهة الدعوة عن حياة الميراث ,ومفرزات الصراع بين الخلافة والاشراف ونتائجه تؤصل ماهية التراث. قاداتها ومجاهدوها وشهداؤها بين الجيلين جيل ماسة وجيل سرغام بكرري في كل ملاحم نضالها,ومواقع انتصارها شرقا وغربا , شمالا وجنوبا , كلها ايات دالة علي علي ان الثورة المهدية تراث للسودان وطنا , وللسودانيين حرية واستقلالا وتاريخا
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: lana mahdi)
|
وما اعتري الدولة المهدية مما يحسب عليه من ردود الافعال ,والافعال الداخلية والخارجية , مما ينطلي علي اي دولة ناشئة في ذالك الزمان من ذلك القرن ,لاينقص من جوهر الدعوة ,ولا يقلل من قيمة الثورة المهدية . فهي ثورة السودان كله , ومفجرها صوفي عبقري مزج بين التوكل والجهاد , فحقق معجزة ادارت راس العالم اجمع واربكت تفكيره ,وارسي بناء الاستقلال الثاني علي قواعد الاستقلال الاول في دولة سنار الفدرالية , واسس مركزية قوية في بقعة امدرمان المباركة وطهر البلاد من رجس الاستعمار التركي المختلط. الامام الشهيد مثلا للعفة والزهد والورع والتقوي , جمع بين الحقيقة والشريعة . غاص في بحور التصوف حتي وهبت له قدرة التوفيق بين التوكل علي الله في السلوك الصوفي , وبين الجهاد في سبيل الله علي سلوك انصار الدين , فتمازجا في قلبه , واصطفياه للامامة. برع في القيادة والتخطيط الحربي ونبع من فيض علمه بحر من الاعلام والاتصال , تفرعت من سيول غامرة , فغطت كل الانحاء بمنشورات متتابعة سرعان ما تجد الاستجابة والترحيب والقبول . وبرزت قوته في استراتيجية المواقع والاشخاص والقوات , ونجح في حركات التاكتيك المنسجم مع الاستراتيجية , كما تجلي ذلك في فاتحة المعارك الجزيرة ابا قبل الهجرة , وفي موقعة شيكان , وفي حصار الخرطوم حتي سقوطها ,وبعد نظرة في احداث الثورة العرابية ,وحرصه علي الابقاء علي حياة غردون ليفادي به احمد عرابي . خمس اعوام هزم فيهن امبراطورية الشمس الدائمة , وخلافة الاستانة وخديوية مصر التركية , كان يرتدي الجبة المرقعة , ويتمنطق بالكرابة ويقضي ليلة في الصلاة تاليا اوساجدا . يتعبد كان مركزا للاستقطاب الجاذب بالحب , الامر بالطاعة , المنتصر بسيف العود
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
كان اخر مناظر الانطباع في ذهن الامام عبد الرحمن المهدي وهو يغادر بالشكابة الخليفة شريف ثان خلفاء المهدي وقائد ثورة الاشراف التصحيحية , منظر بيوت القرية وهي تحترق , واهلها يسفطون صرعي بهجمة مفاجئة من كتيبة بريطانية , حرصت علي ابادة الحياة والاحياء لكي لا تترك فرصة التجمع حول الخليفة شريف . كان الامام عبد الرحمن في سن الطفولة ولكن مجزرة الشكابة انطبقت في ذاكرته بعمق الاثر الذي لايمحي . النار الدمار الدماء , والصرعي والابادة ,وصفوف الشهداء مقبلين لايعرفون الادبار , تتهاوي صفوفهم وهم يطاردون الموت المذعور , وهو يستتر خلف ستار كثيف من مدافع مكسيم الحاصدة .وكان لله في هذا الموقع اعلان شانه واجلال جلاله من جموع الانصار والعزل تحترق اجسامهم ولا يحترق ايمانهم . ويقرضون الله قرضا حسنا يضاعفه لهم كوعده الحق بانهم احياء عند ربهم يرزقون
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هشام مدنى)
|
كان للامام عبد الرحمن ايضا نصيب من الشأن من هذا الموقع ومن هذا الانطباع شان يكبر معه وهو يدرج في مراحل صباه وشبابه وينمو ويتضح في داخل قلبه وذاكرته بذات القوة التي كانت تكسوه مهابة مهيبة , وهيبة آسرة , وشخصية مؤثرة وصبرا جميلا ,تغالبه الابتسامة الودودة التي يستقبل بها كل الناس ويودعهم بها . كان مرآة كونا تتلاقح فيه احداث ماضي واوضاع الحاضر واماني المستقبل . كان يمشي وخطوة كهصور ذي لبد,يطأ الثري مترفقا واثقا وكأنه ركب من الفرسان , او جحفل من فيالق التاريخ واساريرة المطمئنة المطمئنة لاتفصح عن عظيم المسئوليات التي يحملها جلد. لايضيق به ولاينؤ تحت ثقلة مسؤلية الاسرة , ومسؤلية الدعوة , ومسؤلية الدولة ,ومسؤلية الاحتلال .عظائم ذات اثقال تميد بحملها اهل العزائم . حمل الامام عبد الرحمن بعزمة مجموعة اكبر من الحزب , واوسع من الطائفة مثل سيرته العامرة , وشخصيته الآسرة التي هي اكبر من كل شئ. وعندما اقتضت الحركة الوطنية قيام الاحزاب ,ونشأ حزب الامة داعيا السودان للسودانيين كانت قيادته من الاستقلاليين بمختلف انواعهم , وليس غريبا ان يحظي برعاية الانصار ودعمهم . فمن من اخذ الاستقلال؟ وليس غريبا ان ينعم برضي الامام عبد الرحمن وغبطته , فهو يخفف عنه حمل اثنين من مسؤليات اربع ظل يحملها بجدارة الاقوياء الواثقين نصف قرن من زمان الحاسبين مسؤلية الدولة ومسؤلية الاحتلال
سوف اواصل الي ان اثبت ان حزب الامة ليست طائفي
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هاشم نوريت)
|
الحبيب هاشم نوريت
آفة التاريخ هم من يقرأونه بأمزجتهم
مثلك
Quote: والطائفية لا اشك فى انها تستغل البسطاء وتدعى بانها
تضمن لهم الاخرة فى مقابل الولاء الاعمى والسودان لن يتقدم قيد انملة ان لم يتخلص
من الطائفية البغيضة التى تحول الشباب الفاعل الى شباب بدون طموح او انتماء حقيقى
للوطن فقط هم يتحركون باشارة من السيد. |
أدينا نماذج
ما ح أقبل لو قلتا لي "سمعتا"
انتهى عهد الكلام ال"مسموع"و"المنقول"
قول لي"شفتا"واحكي
محبتي
لنا
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: lana mahdi)
|
لنا مهدى
دبايتو
اشكرك على افة التاريخ المثلى ومن مثل الطائفية ؟
انا كتبت عن اشياء عشتها ورايتها وانت كانصارية لماذا انصارية؟
وهل تؤمنين بان محمد احمد هو المهدى؟
واليس المهدى بولى؟
وهل الولى طبيب او فران اليس القربى من الولى يضمن الاخرة عند فهم اتباعه؟
اسالى نفسك ستغنينى تعب البحث.
يا لنا الحكاية بسيطة جدا وان جلست مع نفسك ساعة صفاء ستخلعين ثوب الطائفية
ووهم الاولياء عند البعض وطبعا اعدت اليك السهم حتى لا تغالطينى بان هذا خطاء
وذلك صحيح واكرر السودان لن يتقدم دون ان يدحر الطائفية البغيضة التى اوصلتنا
الى ما نحن فيه الان.
مع خالص ودى لشخصك وعظيم بغضى للطائفية قاتلت اهلى البسطاء .
| |
|
|
|
|
|
|
|
|
|
هاشم نوريت عرّف الطائفية من فضلك: (Re: هاشم نوريت)
|
الحبيب هاشم نوريت
أرجو أن تعرّف لي الطائفية:ماذا تعني و ماذا يعني مصطلحها؟
تعريف محدد و علمي
وبعدها سأحذو تعريفك حذو النعل بالنعل
ولو انطبق على حزب الأمة
فلك مني اعتذار كبيـــــــــــــــــــــــــــــر
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هاشم نوريت)
|
اخي هاشم نوريت
دبايوا
يا اخوي حزب الامة ما حزب طائفي وليس لدينا طوائف في السودان.
تعريف الطائفيه هي مجموعة من الناس له اتجاه في معتقد يميزه عن الاخرين يقاتل باسمه ويموت من اجله.
ماذا يميز حزب الامة عن بقية الناس في السودان , هل قاتل اهل حزب الامة من اجل السودان ام من اجل الصادق او الامام المهدي
اخي هاشم اليد التي زورت تاريخ السودان هي نفس اليد التي كتبت انو قبايل البجة لم تدخل المهدية الا حبا في الغنيمة ومواصلة اعمال السلب والنهب ومتخذة من الجبال اوكارا لها, شوف كيف زور قتال عثمان دقنة وجيشه
تركيبة الاحزاب عندنا غير طائفية.
كثير من الطرق الصوفية في السودان مناصرة لحزب الامة , واطلاق المصطلح علي الصوفية خاطئ وليس الطريق كالطائفة
بس بجيك راجع لانو انا في الطريق
| |
|
|
|
|
|
|
|
|
|
الله اكبر ولله الحمد (Re: saif massad ali)
|
بسم الله الرحمن الرحيم
الله اكبر ولله الحمد
قال الرئيس الصادق وهو في عنفوان شبابه -معرفا نفسه- :
انا انصاري مسلم عربي افريقي تقدمي غير ملحد.
اليوم حزب الأمه هو حزب الجامعات والشباب والخريجين هو حزب المرأه هو حزب الطلائع.
شكرا لكلمة الحق.
شرقاوي
| |
|
|
|
|
|
|
|
|
 Re: الله اكبر ولله الحمد (Re: saif massad ali)
|
| Quote: انصار الدين هم جمهرة من اتم البيعة لله ورسوله علي < يد الامام محمد احمد المهدي >. وبذلوا نفوسهم ونفيسهم <في شأن الله> واتخذوا الجهاد مبدا, والاستشهاد وسيلة , والقتال اسلوبا لتصحيح مسار الدين وحرية المواطنين.فأثابهم الله فتح الخرطوم واعادة الاستقلال.فكانت دعوة الامام عقيدة ,حرية استقلال ,مجمع ثالوث المطالب الانسانية.حيث لبي الثورة المهدية اهل العقيدة , وعشاق الحرية ,وطلاب الاستقلال . فانتصرت بقوة ايمانها هازمة اغني الجيوش , وامضي الاسلحة في ذالك الزمان وتسارع الناس كلهم في الاستجابة للثورة المهدية , وطاروا اليها ذرافات ووحدانا و ورجالا وعلي كل ضامر يطبقون افاق السموات والارض بشعار الثورة <الله اكبر ولله الحمد>, ويرددون اهازيج النضال بعصماوات الاناشيد,<الحرب صبر واللقاء ثبات والموت في شأن الاله حياة>. |
أحب هذا الامام, ليتنا نكنب عنه بعيداً عن التاريخ الي كتبه المستشرقون الذين كتبو عن المجاهدين واتباع الامام المهدي بانهم "الدراويش" , ووصفوهم بالغباء والارهاب . نريد جيلا يكتب هن هذا الامام المجدد في زمانه. وكم حاولت ان اتصور شكل تاريخ السودان بدون الثورة المهدية التي حفظت بيضة الدين فوجته سيكون قاتماً ومخيفاً. ولا تهم بعض الشوائب وفهم الاتباع , فلا توجد ثورة بلا أخطاء. رحم الله الامام المهدي المجاهد.
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
السلام عليكم ورحمة الله
طبعا هسى بتكونوا قلتوا العياذ بالله الزول ده الجابه هنا هسى شنو
حقيقة انا متابع البوست ده لسببين
السبب الاول: انو فيهو كثير من الاقوال عن التاريخ (وكمية من الكلام الما صاح) يعنى بمعنى اوضع انو الزول الجاب منو سيف مساعد الكلام ده بيكتب عن تاريخ السودان على هواه ..
السبب التانى انو سيف مساعد بيجيب الكلام البكتب فيهو ده من وين ؟؟.. وكلنا نعرف من هو سيف مساعد وكيف يكتب والارشيف مليان بنوع الكلام البكتبه سيف مساعد ..
وكده شوفوا العينه ده من كتابات سيف مساعد !!
Quote: الشقيق هشام مدني
نعم ليس لدينا طوائف كما في لبنان, الذين يطلقون الطائفة علينا هم اعداء الديمقراطية , وسوف نصل لهذه النطقة في كتابة الشريف زين |
هنا سيف مساعد بيقول الكلام التحته خط ده وبدون خجل ..!
Quote: اخي هاشم نوريت
دبايوا
يا اخوي حزب الامة ما حزب طائفي وليس لدينا طوائف في السودان. |
وهنا بالفم الملين بينفى وجود الطؤائف فى السودان الغلبان ..!
Quote: تعريف الطائفيه هي مجموعة من الناس له اتجاه في معتقد يميزه عن الاخرين يقاتل باسمه ويموت من اجله.
ماذا يميز حزب الامة عن بقية الناس في السودان , هل قاتل اهل حزب الامة من اجل السودان ام من اجل الصادق او الامام المهدي |
وهنا مولانا سيف مساعد قدم Presentation شامل كامل عن مفهوم الطائفية (الله اكبر) ..
| Quote: اخي هاشم اليد التي زورت تاريخ السودان هي نفس اليد التي كتبت انو قبايل البجة لم تدخل المهدية الا حبا في الغنيمة ومواصلة اعمال السلب والنهب ومتخذة من الجبال اوكارا لها, شوف كيف زور قتال عثمان دقنة وجيشه |
وهنا باين انو مولانا زعل وبكل بساطه اتهم قبيلة كامله بانهم ناصروا المهدية بس عشان يسرقوا .. والبجا هنا طلعوا حرامية واستغللاليين ومصلحجية كمان .. (ولم يكبر احدا هنا فى وجه سيف مساعد ويقول ليهو كلامك ده غلط !!!) وعادى ..
Quote: تركيبة الاحزاب عندنا غير طائفية.
كثير من الطرق الصوفية في السودان مناصرة لحزب الامة , واطلاق المصطلح علي الصوفية خاطئ وليس الطريق كالطائفة
|
وباين هنا سيف مساعد كان فى معمل كيميا وكده لانو اكتشف تركيبة خطيرة جدا وهى تركيبة الحزبين الما طائفيييييين ..والتركيبة الاكتشفه سيف هنا للاحزاب العندهم هى (H2o) ..
| Quote: فلا توجد ثورة بلا أخطاء |
لكن الكلام ده كلام زول بيعرف وحقانى وعجبنى
وفى ملاحظة اخيرة (صغيرونه)
شايف هنا فى كلام عن الصوفيه وعن علاقة الصوفية (بالحزبيييييييين الكبيريييييييييين)
وده بقى بنجيها كده برواقه ..
| Quote: سوف اواصل الي ان اثبت ان حزب الامة ليست طائفي |
وحاظل متابع حتى يثبت لنا مولانا سيف مساعد
الريح كودى
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: الريح كودى)
|
Quote: لنا مهدى
دبايتو
الطائفية كانت تعرف بانها مجموعة على مذهب واحد تاتمر بامر شيخها.
ولكن الطائفية السياسية فى زمننا هذا تعتمد اعتمادا رئيسا على طائفتها المذهبية
وهى السواد الاعظم من تكوينها البنيوى ولكن الطائفيين للتخلص من التهم ادخلوا
على طائفتهم اناسا من مذاهب واثنيات اخرى كديكور ولكن فى الحاليتين الطائفية
يقودها ذلك الشيخ ومن بعده احفاده لان الاكثرية تعتقد فيه بانه مقرب عند الله .
وايضا قيادة الطائفة لا يمكن ان يصل اليها الا ابناء واحفاد ذلك الشيخ وان نزلوا
ويكون دور الاخرين نؤيد ونبارك وتقبيل الايادى ولكن الطائفية تسترضى البعض ان كالشيوخ
والامراء وتخصهم بعطايا ومزايا لا تقدم للعامة.
اذا الطائفية تستخدم المقدس لتحقيق امرا دنيويا لا صلة له بالدين ودائما الطائفية
تنمو فى بيئية يقل فيها العلم وهى تعمل بكل السبل لهدم دور العلم والتحصيل لانهما
اعداءها وبوجودها تنحسر الطائفية وفى حالة حزب الامة قولى لى هل انت كانصارية
تحلمى يوما ما بان تصلى الى المكتب السياسى لحزب الامة ان قلت لى نعم ستضحكينى
كثيرا .
ويكفى ان مكتب حزب الامة من الصادق واسرته وسيكون المكتب هكذا ومهما بلغ عضو حزب
الامة من العلم والتقدم دوره لن يتعدى دور اى عضو وايضا اعضاء الاتحادى الديمقراطى
واما المقربون يقبضون المقابل ولا يقرب الشيخ الطائفى الا من يعمل على استغلال البسطاء
ودونك عندما القت طائرات النميرى المنشورات فى الجزيرة اباء قيل الامام قلب القنابل
ورق اليست هذه قمة استغلال جهل البسطاء لامر دنيوى باسم المقدس وطبعا كان المراد
من المقولة اثبات ولاية الامام.
انظرى الى اهلى البجا كيف حولتهم الطائفية الى هياكل وابعدتهم عن التعليم بحجج
كثيرة يالنا انتم لم ولن تعرفوا سوء الطائفية والجمرة بتحرق الواطيها. |
الشيخ هاشم نوريت يأتي بتعريف جديد للطائفية مما يستوجب إضافته وعلى وجه السرعة في قواميس علم السياسة والإجتماع..
لا أود الخوض في عكننة تعريف الطائفية أم أن حزب الأمة طائفي أو خلافه ولكن سوف أعلق على بعض فقر معلومات أخونا نوريت وهي:
Quote: ويكفى ان مكتب حزب الامة من الصادق واسرته وسيكون المكتب هكذا ومهما بلغ عضو حزب
الامة من العلم والتقدم دوره لن يتعدى دور اى عضو |
معلومة خاطئة، إن كنت جاهل بالشئ يا نوريت أسأل فستجد الإجابة عند أهل الإختصاص..
وسؤالي لك من هو من آل الصادق رئيس للمكتب السياسي، ومن هو من آل الصادق نائب لرئيس المكتب السياسي أو مقرر للمكتب أو عضو للجنة من لجان المكتب.. أثبت لنا يا نوريت بالإسم فلا مجال للتزوير والتسويف.
Quote: وفى حالة حزب الامة قولى لى هل انت كانصارية
تحلمى يوما ما بان تصلى الى المكتب السياسى لحزب الامة ان قلت لى نعم ستضحكينى
كثيرا . |
نوريت يسأل الأخت لنا سؤال غريب..
أخي نوريت أنت بعيد بملايين السنوات الضوئية عن حزب الأمة بل أنت خارج نطاق التغطية كلياً...
المكتب السياسي لحزب الأمة يتكون من 100 عضو هل كل المائة عضو من آل الصادق أو حتى آل المهدي...
منتظر الإجابة... ربما نجد عندك الخبر اليقين.
| |
|
|
|
|
|
|
|
|
|
أضحك الله سنك يا نوريت (Re: إسماعيل وراق)
|
Quote: وفى حالة حزب الامة قولى لى هل انت كانصارية
تحلمى يوما ما بان تصلى الى المكتب السياسى لحزب الامة ان قلت لى نعم ستضحكينى
كثيرا . |
انتا عارف يا هاشم
انا كنتا بناقشك و انا واضعة في ذهني انك عارف الحقائق و بتكابر سياسياً
وسرعان ما تبين لي انك فعلا ما عارف
إذن من واجبي أن أعرّفك
سأعود
محبتي
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: إسماعيل وراق)
|
الامير وراق
دبايوا
ارجو ان تاتى بتعريف دقيق ينجى حزب الامة الطائفى من الطائفية.
Quote: ويكفى ان مكتب حزب الامة من الصادق واسرته وسيكون المكتب هكذا ومهما بلغ عضو حزب
الامة من العلم والتقدم دوره لن يتعدى دور اى عضو
|
اعتقد من يكابر هو من ينكر سطلة العائلة المالك لاحفاد المهدى على حزب الامة بالله عليك
قل لى خمسة من المكتب التنفيذى لحزب الامة الرئيس الصادق والمراة لزوجته والشاب
لابنه وما ادرى مواقع بناته الدكاترة وطبعا نائب الرئيس هذه مثل نيابة الجنوبى فى
حكومات المركز مجرد تمامة لا لون له ولا طعم ولادور وكيف يكون لمحب(..) فى وجود سيده
ومتى عقدتم ورشة لا تاخذ بورقة الصادق كمفكر وتجاوز بقية الاوراق ومتى استشار الصادق
اعضاء مكتبه فى شان الرجل يحك راسه ويقرر ويتبعة القوم.
اسماعيل لا تحدثنى عن شى وهمى تحدث عن واقع ونحن نشاهد كل ما يجرى ولا ادعى باننى
اعلم بواطن الامور ولكن منذ ان يقر انسان كرمه الله بان له سيد فلا ترجو منه خيرا
لانه تنازل عن حقوقه طواعية.
Quote: نوريت يسأل الأخت لنا سؤال غريب..
أخي نوريت أنت بعيد بملايين السنوات الضوئية عن حزب الأمة بل أنت خارج نطاق التغطية كلياً...
المكتب السياسي لحزب الأمة يتكون من 100 عضو هل كل المائة عضو من آل الصادق أو حتى آل المهدي...
منتظر الإجابة... ربما نجد عندك الخبر اليقين. |
الحمد لله الذى ابعدنى عن نطاق تغطية الطائفية بملايين السنين الضوءية واسال الله
ان يوسع البون بين وبينها وهذه مكرمة من عندالله الواحد الاحد.
وشهادتك اعتز بها وهى دليل عافية البعد عن الطائفية لاننى انسان اكرمنى الله بالعقل
ولا يمكن ان اتنازل عن عقلى وقلبى وكامل اهليتى واركض خلف انسان مثلى واقول له سيدى
واى نعمة ان يعيش الانسان حرا عابد لله تعالى على علم ويسير على طريق هدى المصطفى
عليه الصلاة والسلام.
واعيد السؤال عليك نفس السؤال لعلى اجد عندك الجواب الشافى.
Quote: وفى حالة حزب الامة قول لى هل انت كانصارى
تحلم يوما ما بان تصل الى المكتب السياسى كقيادى او قل رئيسا لحزب
الامة القومى؟. |
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هاشم نوريت)
|
الحبيب نوريت
سلام وتحية
| Quote: ارجو ان تاتى بتعريف دقيق ينجى حزب الامة الطائفى من الطائفية. |
يا أخي دا سؤال غريب جداً... أنا سألتك سؤال وكنت أتوقع منك إجابة مباشرة تقوم ترد الإجابة سؤال... فأنت المطالب بأن تعطي تعريف للطائفية بشكلها العلمي المعروف ومن ثم نزن بما أتيت به على حزب الأمة..
كلامك هذا
Quote: ويكفى ان مكتب حزب الامة من الصادق واسرته وسيكون المكتب هكذا ومهما بلغ عضو حزب
الامة من العلم والتقدم دوره لن يتعدى دور اى عضو |
يناقض هذا..
Quote: وفى حالة حزب الامة قول لى هل انت كانصارى
تحلم يوما ما بان تصل الى المكتب السياسى كقيادى او قل رئيسا لحزب
الامة القومى؟. |
وللأجابة على سؤالك، يمكن أن أصل للمكتب السياسي وأيه المانع، المكتب السياسي الآن مكون من مائة عضو رئيسه مولانا حامد محمد حامد رجل أغبش ليس له صلة بآل المهدي، نائبه حماد تاور من جنوب كردفان وليس له صلة بآل المهدي، مقرر المكتب السياسي المهندس الطاهر حربي من النيل الأبيض وليس له علاقة بآل المهدي..
وأزيدك من الشعر بيت لا يوجد أحد أبناء الصادق يتقلد منصب في المكتب السياسي، وإذا كان لديك معلومة فآت بها.
وأزيدك كمان من الشعر بيتين، نسبة المرأة 25% في كل مؤسسات الحزب بما فيها المكتب السياسي وهذا ما لايوجد في أي تنظيم في السودان وأتحدى بأن تذكر لي تنظيم واحد.
Quote: اعتقد من يكابر هو من ينكر سطلة العائلة المالك لاحفاد المهدى على حزب الامة بالله عليك
قل لى خمسة من المكتب التنفيذى لحزب الامة الرئيس الصادق والمراة لزوجته والشاب
لابنه وما ادرى مواقع بناته الدكاترة وطبعا نائب الرئيس هذه مثل نيابة الجنوبى فى
حكومات المركز مجرد تمامة لا لون له ولا طعم ولادور وكيف يكون لمحب(..) فى وجود سيده
ومتى عقدتم ورشة لا تاخذ بورقة الصادق كمفكر وتجاوز بقية الاوراق ومتى استشار الصادق
اعضاء مكتبه فى شان الرجل يحك راسه ويقرر ويتبعة القوم. |
نعم سأذكر لك خمسة من حزب الأمة في المكتب التنفيذي.. واساساً المكتب التنفيذي يتكون من أربع أمانات
رئيس المكتب التنفيذي الدكتور عبد النبي علي أحمد ...
مساعد الامين العام للمال محمد عبد الله الدومة
مساعد الامين العام للتنظيم إسماعيل آدم علي
مساعد الآمين العام للإتصال مريم الصادق
مساعد الأمين الرابع هو الفاضل حمد دياب.
Quote: اسماعيل لا تحدثنى عن شى وهمى تحدث عن واقع ونحن نشاهد كل ما يجرى ولا ادعى باننى
اعلم بواطن الامور ولكن منذ ان يقر انسان كرمه الله بان له سيد فلا ترجو منه خيرا
لانه تنازل عن حقوقه طواعية |
.
هذا كلام غير صحيح، ولأنك بعيد عن ما يجري داخل أروقة حزب الأمة فلك العذر بأن تقول مثل هذا الحديث... ألم أقل لك أنت بعيد بمئآت السنوات الضوئية.
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: الريح كودى)
|
الريح كوديQuote:
السبب الاول: انو فيهو كثير من الاقوال عن التاريخ (وكمية من الكلام الما صاح) يعنى بمعنى اوضع انو الزول الجاب منو سيف مساعد الكلام ده بيكتب عن تاريخ السودان على هواه .. |
ممكن توضح لي الهوي هنا وين الامام عسكر في الجزيرة ابا وهزم الجيوش الغازية
وانتصرت عزيمة الشعب السوداني الكلام ده جرحك ولا شنوQuote:
العمي يا الريح كودي انا ما كتبت المصدر هنا كبر النظارة ,شوف فوق كتبت من اخر الكلم للشريف زين وقدمت اعتذار لانو النت قطع , وطن نفسك الكلام التحت ده كتبه في بوست سابق خالد الريح اخوك انو يمكن يشرني في حبل سودانيز اون لاين
السبب التانى انو سيف مساعد بيجيب الكلام البكتب فيهو ده من وين ؟؟.. وكلنا نعرف من هو سيف مساعد وكيف يكتب والارشيف مليان بنوع الكلام البكتبه سيف مساعد .. |
Quote:
وهنا باين انو مولانا زعل وبكل بساطه اتهم قبيلة كامله بانهم ناصروا المهدية بس عشان يسرقوا .. والبجا هنا طلعوا حرامية واستغللاليين ومصلحجية كمان .. (ولم يكبر احدا هنا فى وجه سيف مساعد ويقول ليهو كلامك ده غلط !!!) وعادى .. |
هذا الكلام مكتوب في كتاب تاريخ السودان الحديث مندور المهدي وليس كلامي , دقق النظر شويه الظاهر العيون فيها غشاوة
Quote:
وباين هنا سيف مساعد كان فى معمل كيميا وكده لانو اكتشف تركيبة خطيرة جدا وهى تركيبة الحزبين الما طائفيييييين ..والتركيبة الاكتشفه سيف هنا للاحزاب العندهم هى (H2o) ..
|
لالا الكمياء دي انا ما بعرفها عربية ولي شاحنة ابن وافصح
نقول اعوذ بالله منك ليش ما انت براك بتتعوذ من رقبتك يكفي
| |
|
|
|
|
|
|
|
|
|
الحبيب الريح (Re: saif massad ali)
|
الحبيب الريح كودي
غريب أن تأتي بكلام لود العمدة من بوست آخر لهذا البوست
وليس لود العمدة ولا مداخلة واحدة هنا
أرجو ألا تذهب بك رغبتك في إفساد البوست بعيداً
فقد بدأتها بالاستخفاف بكاتبه
تحياتي
| |
|
|
|
|
|
|
|
|
|
Re: الحبيب الريح (Re: lana mahdi)
|
Quote: وبنسال عن ود العمده شايفه مسجل غياب .. مع انو سيف مساعد معنون البوست ده باسمه
يكون ود العمده قاد انقسام وانتو ما عارفين (يعنى بقى ما حزب امة ولا انصارى ولا شنو)
يارب يكون خير .. |
الحبيب الريح
سلام وتحية
ود العمدة بخير، ويبدو أنه مشغول، وحتماً سيعود.،
أتفق مع الأخت لنا بإتيانك لمادة لا علاقة لها بالبوست فالمادة المطروحة واضحة، ومرحباً بمشاركتك متى ما كانت موضوعية.
| |
|
|
|
|
|
|
|
|
|
Re: الحبيب الريح (Re: إسماعيل وراق)
|
الاخ اسماعيل
سلام واحترام
هذه هى المرة الاولى على ما اظن ان نتداخل سويا
لك الشكر على رد تسالى عن الاخ ود العمده
وحمدلله انه بخير
الشكر مرة اخرى
الريح كودى
| |
|
|
|
|
|
|
|
|
|
Re: الحبيب الريح (Re: lana mahdi)
|
الاخت المحترمة لنا
سلام
كتبت:
Quote: الحبيب الريح كودي
غريب أن تأتي بكلام لود العمدة من بوست آخر لهذا البوست
وليس لود العمدة ولا مداخلة واحدة هنا
أرجو ألا تذهب بك رغبتك في إفساد البوست بعيداً
فقد بدأتها بالاستخفاف بكاتبه
تحياتي |
صدقينى لست هنا لافسد شياءا
ولم استخف بصاحب البوست كما قلتى .. ما قلته عن سيف مساعد هنا حقيقة ويمكننى اثباتها لك اذا احببتى ..
قلت ما اراه كغيرى وانت .. مثلا فى اعتقادك انت ان حزب الامة من افضل الاحزاب فى السودان .. انا فى اعتقادى ان حزب الامة هو احد كوارث السودان (فلكلانا وجهات نظر مختلفة بالطبع .. فلا ضرر هنا)
وسالت عن مصدر هذه الكتابة .. ومنتظر الرد على سوالى ..؟؟؟؟؟؟؟؟؟؟؟؟؟؟
لقد احضرت مداخلة لو العمده هنا لكى يراها .. واعتقد اننى لم ارتكب جريمة لكى اكتب مداخلة لود العمدة فى بوست مختلف .. واعتقد ايضا ان اسم ود العمدة ورد فى عنوان البوست .. اذن هنا رسالة موجهة لود العمده ..
ولنكون اكثر موضوعية فسوف اسحب هذه المدخلة حتى يحضر ود العمده ..
فقط اريد رايك فيما كتبه سيف مساعد هنا .. !!
| Quote: اخي هاشم اليد التي زورت تاريخ السودان هي نفس اليد التي كتبت انو قبايل البجة لم تدخل المهدية الا حبا في الغنيمة ومواصلة اعمال السلب والنهب ومتخذة من الجبال اوكارا لها, شوف كيف زور قتال عثمان دقنة وجيشه |
لك كل الاحترام والتقدير
الريح كودى
| |
|
|
|
|
|
|
|
|
|
Re: الحبيب الريح (Re: الريح كودى)
|
| Quote: واعتقد اننى لم ارتكب جريمة لكى اكتب مداخلة لود العمدة فى بوست مختلف |
أخي الحبيب الريح
حاشا لله لم ترتكب جريمة و لكني لم أفهم سبب اتيانك بمداخلة العمدة لذلك سألتك.
سالتني عن رايي في ما كتبه سيف مساعد هنا:
| Quote: فقط اريد رايك فيما كتبه سيف مساعد هنا .. !! |
Quote: | Quote: اخي هاشم اليد التي زورت تاريخ السودان هي نفس اليد التي كتبت انو قبايل البجة لم تدخل المهدية الا حبا في الغنيمة ومواصلة اعمال السلب والنهب ومتخذة من الجبال اوكارا لها, شوف كيف زور قتال عثمان دقنة وجيشه |
لو دققت في عبارات سيف أعلاه لوجدته يقصد ان جزء من تزوير تاريخ السودان هو ان بعض الايدي كتبت أن قبايل البجة لم تدخل المهدية الا حبا في الغنيمة ومواصلة اعمال السلب والنهب ومتخذة من الجبال اوكارا لها،بدليل انه اضاف مخاطبا الحبيب نوريت:| Quote: شوف كيف زور قتال عثمان دقنة وجيشه |
يعني هذا ليس رأي سيف في قتال قبائل البجة مع المهدية و انخراطها في الدعوة و الجهاد،بل أراد أن يضرب مثلا لنوريت اننا لو سكتنا عن تزوير التاريخ الذي تم تزويره كثيراً فان التزوير طال ايضا تاريخ البجة.
أرجوك راجع كلام سيف و عباراته ثانياً.
محبتي
لنا
| |
|
|
|
|
|
|
|
|
|
Re: الحبيب الريح (Re: lana mahdi)
|
الاخت العزيزة لنا
سلام
كتبت:
Quote: يعني هذا ليس رأي سيف في قتال قبائل البجة مع المهدية و انخراطها في الدعوة و الجهاد،بل أراد أن يضرب مثلا لنوريت اننا لو سكتنا عن تزوير التاريخ الذي تم تزويره كثيراً فان التزوير طال ايضا تاريخ البجة.
أرجوك راجع كلام سيف و عباراته ثانياً.
محبتي
لنا |
لقد كتب سيف مساعد كلامه اعلاه لسبب هجومه الاخ نوريت على بعض ما جاء فى هذه الكتابة التى لم يوضح مصدرها حتى الان.. ما عنيته هنا عندما ياتى احدا باتهامات تجاه قبيلة او جهه محدده لها تاريخها فى الوقوف وراء الثورة المهدية ودعمها .. كنت اتوقع توضيحا اكثر من اناس مثلكم(عضوية حزب الامة) هم المسئولين كل المسئولية لتصحيح مثل هذه الاخطا.. وهذه هى المرة الاولى فى حياتى اسمع بمثل هذا الاتهام والتشكيك فى زمة البجا (واقصد هنا فكرة التزوير.. التى تحدث عنها سيف مساعد)
ماذلت اتوقع من عضوية حزب الامة توضيح اكثر بهذا الشان حتى لاياتى اخر بنفس الاتهام (وسمح القول فى خشيم سيدو)
لك الشكر التوضيح
لك الاحترام والتقدير
الريح كودى
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
ألأخ الريح كودي
أتابع من مدة معظم مداخلاتك وردودك للاخ سيف مساعد وغالبيتها من باب السجال الشخصي وتبخييس ألآخر ,, كل المتداخلون هناقصدهم الحقيقة والنقاش المنهجي من أجل الاستفادة حتى ولو أختلفت ألأتجاهات ....
أملي أن أسمع منك ما فيه فائدة للقراء وأن تدحض الحجة بالتي هي أقوى واذا كان قصدك غير ذلك فأرجواأن لاتفسد علينا متعة الاستفادة
تقبل تحياتي
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: Ahmed Abdallah)
|
الاخ Ahmed Abdallah
سلام
كتبت:
| Quote: أتابع من مدة معظم مداخلاتك وردودك للاخ سيف مساعد وغالبيتها من باب السجال الشخصي وتبخييس ألآخر ,, كل المتداخلون هناقصدهم الحقيقة والنقاش المنهجي من أجل الاستفادة حتى ولو أختلفت ألأتجاهات |
اذا كنت ترى اى مشكلة فى مداخلتى لسيف مساعد فارجو ان تشير اليها .. لقد طالبت بمصدر هذه المعلومات التى ياتى بها سيف مساعد هنا ..
لك الشكر والاحترام
الريح كودى
| |
|
|
|
|
|
|
|
|
 Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
الأنصار جسم كبير ومن الصعب تجاوزه والدليل انتخابات 1985 بعد 16 سنة من حكم نميري الذي الغى فيه نظام الإدارة الأهلية ووضع فيه من القوانين ما تزيل جبالاً من الجليد ولكنه كان ( فورة لبن ) وكذلك البشير والتواءته المتنوعة وسيظل الأنصار على بيعة الأمام المهدي إلى أن تقوم الساعة ومن ليس في ذمته بيعة مات ميتة جاهلية .
والله أكبر ولله الحمد .. نصرة الدين لا يختص بها نفر من الناس بل كل مسلم راع ومسئول عما استرعاه الله
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هاشم نوريت)
|
اما الطائفة في الاصطلاح المحلي , فهي ظاهرة وافدة غير حقيقة . لاتدل علي معني ذي اثر واقعي ,وكأثر الطائفة في الهند ,طوف من الناس له منحي في معتقد يميزه عن الاخرين , ويعزله عنهم في خاصة سلوكه العام . يمارسه سياسيا واجتماعيا .ويهاجم باسمه ويدافع عنه حتي يموت ,فاندياح مسمي الطوايف الدينية علي الطرق الصوفية اصطلاح خاطئ لا يدل عليها تماما , ولا ينعتها مطابقة . وقد علق هذا المسمي الخاطي بفئتين في السودان ولم يتجاوزهما الي عديد من الطرق الصوفية التي يعج بها السودان , ويجد السودانيون في ظلالها راحة وروحا واطمئنان . يطلقونه فيما يطلقون علي كيان الانصار وفي حين ان من ماثورات السيد الامام عبد الرحمن المهدي امام الانصار قوله الخالد < لاشيع ولا طوائف ولا احزاب وطننا السودان> وثانية الاطلاق الخاطئ علي الطريقة الختمية . ولم يقل بذالك مؤسسها في السودان السيد محمد عثمان الميرغني الختم مؤسس الطريقة , الذي زخرت مؤلفاته العديدة بما اثري العالم الصوفي بحصيلة وافرة من المعارف والعلوم , من تفسير القرأن وعلوم التوحيد والفقه والسيرة وانبوية وراتب الاسس التربوية في الاذكار والسلوك الصوفي . متواكبا مع الطرق الصوفية الكبري في السودان ,كالادراسية والقادرية والسمانية والشاذلية والاحمدية والتجانية والرفاعية والعزمية.
(عدل بواسطة saif massad ali on 11-20-2005, 02:59 AM)
(عدل بواسطة saif massad ali on 11-20-2005, 05:58 AM)
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
ان الصاق تهمة الطائفية ببعض الاحزاب السياسية قذيفة صوتية يطلقها اعداء الديمقراطية والتعددية علي شاكلة القذيفة الصوتية التي يطلقها من يزعمون ان العلم مناقض للدين ,وان العلمانية كفر بالايمان ان الحضارة رجس من عمل الشيطان . ولم تعد قذائف الصوت والدخان يخيفان الانسان في السودان ولا غير السودان .فهو يبتلي بصواريخ الاضواء الملونة ويتخذ من اشكالها مهرجانا سماويا في اعيادة الوطنية ومناسباته الدينية , وعلي الاحزاب كلها ان ترتقي الي حيث الانسان .متجاوزة الفواصل العسكرية والمدنية التي ذهبت به بعيدا ,وقذفت بها ابعد منه , فاخذت تزحف بما تبقي لها من قوة الاندفاع القديم , وتبتلع لقيمات بقين من زادها العتيق وتجتر خليطا من امجادها التاريخية
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
الحبيب سيف مساعد
والاحباب المشاركون في البوست
سلام
وتشكر يا سيف على فتح نافذة حوار لتصحيح الكثير من المفاهيم المغلوطة التي جاء بها من لهم ثار مع انصار الله احباب الامام المهدي عليه السلام , امثال - المزيون - سلاطين
والغريب ان البعض وبدون خجلة يستنجد بكتابات سلاطين باعتبار انها التاريخ الناصع متعمدا الهروب من حقيقة الدوافع الحقيقية التي جعلت من سلاطين اشهر مزور في التاريخ .
الحبيب جدا الريح كودي
سلام
والف شكر على السؤال وهذا انما يدل على اصالة روحك السودانوية , ويؤكد على ان اختلاف الاراء لا يفسد ودا اتمناه , عموما يا سيدي انا بخير والحمد لله فقط هي ضغوط عمل - وجيب - فقط حالة دون لقاءكم والاحباب بالمنبر , طبعا يادوب اخوك دخل المنبر ووجد البوست وللاسف لم اجد مداخلتى التي قمت بنقلها , واشتدت سعادتي لاهتمامك الكبير بما يكتب في المنبر من اراء وده شي مشجع لاستمرار الحوار معك
الف الف الف شكر مجدد وثق باحترامي الكبير لك ولما تكتب
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
وتأسست الجبهة الوطنية الثانية برئاسة الامام الهادي آخذه طبيعة البيئة , وثورية المقر , وروح التاريخ . حيث اعلن الامام الجهاد المسلح رائدا للمقاومة الشعبية , وافتتح الامام رحاب الاستشهاد بنفسه ليكون معلما ومعلما للصدق والاخلاص والتضحية .واستن الهجرة موصيا بها للاعداد والعودة الحميد ووضع بذلك والي الابد المقاييس الفاصلة بين الرجال واشباه الرجال . وحدد الي الابد الفروق الشاسعة بين شرف الافعال , وسقط المقال ,وعبثية الافتعال . ولا زال هذا القانون الصارم فارضا نوعية المقبل من عمر الزمان . وهكذا يتنزل الامة من عالم الروح الي دنيا الحياة , كلما المت بامتهم داهية ,او اصابت بلادهم مصيبة . ليشاركوا مواطنيهم دفع الاذي واقصاء البلوي .ثم يعودون الي عليائهم او شهداء عند ربهم , تاركين دنيا السياسة للسياسيين ليهندسوا تصاريف الحياة مع رصفائهم من الاحزاب والجماعات . ومعالم لا يحيد الحق عنها ولا يمضي بغير منارها ابدا سبيل ترك الامام الهادي مرتقي صعبا , وقمة منعية للامامة في الدين والزعامة , في الدولةوالقيادة , وفي الجهاد . كانما يحصنها بعد استشهاده , لتكن العزائم علي قدر عزمها وتكن التضحية علي قدر رسوخها وتكن امة عندم تلم الملمات بالامم وتكن شعبا عندما يحار الافراد وتحبط الهمم . وتكن روحا عندما .يصبح الاحياء كالرمم وتكون مثالا ساطعا عندما تحدق بالناس الظلم . وتكون عفة عندما تهتك الاخلاق والقيم . هذه مواقف التاريخ العصيبة الصعبة ,التي تقتضي ضرورة الجمع لها والتجمع لصرعها بمقياييس الوحدة الوطنية , وليس من مفرداتها ما يسمي طائفة , لا وجود لها في النسيج السوداني .
سيظل انصار الدين بخير طالما ان الدين الحق بخير , وطالما ان الاستقلال بخير . وستظل الاحزاب بخير طالما اشتملت بالكيان السوداني الذي لحمته القبائل , وسداه الطرق الصوفيه الحقيقية , وحافظت علي تطوير قوامه بالتعمق في فهمه , والادراك الواعي لمكوناته وطاقاته , ولكي لا تمزقه فتصبح عاريه ولكي لاتفقده فتصبح كحصاد الهشيم.
هذا هو التاريخ الناصع لانصار الدين , وهاهو المهدي يلبس المرقع ويحمل مسبحته وابريقه ويحرر السودان, وها هم احفاده بذلوا النفس والنفيس من بعده للحفاظ علي وحدة واستقلال السودان
ولالالالا لتزوير التاريخ . انقضي عهد الكذب
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
أخي العزيز هاشم نوريت
أكن لك تقديرا خاصا ومحبة. وأتابع هذا البوست، داعيا الأخ سيف ليواصل الكتابة. ولاحظت في مداخلى لك أنك كتبت الآتي:
الم تسمع بقوات حزب الامة التى دخلت مؤخر من الاراضى المحرر بعد اتفاق جيبوتى
الذى وقعه ابن عم الصادق دون ان يستشير اميا واحدا كعهد الاسياد؟
يارجل راجع تاريخ حزب الامة ستعرف الكثير المثير.
يمكننا أن نختلف كمنتمين لقوى سياسية مختلفة. ويمكننا أن ننظر للتاريخ والحاضر بأشكال مختلفة. لكن - أعتقد - أنه من غير المقبول وصف ملايين من البشر تتفق أو تختلف معهم بـ"الأمية". هذا توصيف غير موفق على الاطلاق، وفيه انتقاص من قدرنا كلنا كأعضاء في حزب الأمة. وهذا الأمر درج عليه الإسلاميون على وجه الخصوص حين فجروا في الخصومة، واضطررنا وقتذاك في الجامعات - لو تذكر يا إسماعيل وراق - للتصدي لهم بقوة ردعتهم عن المضي في اتجاه تسفيه الخصوم والزراية بهم.
وأنت هنا يا عزيزي تحط من شأن آلاف بل ملايين الشرفاء من أبناء هذا الوطن بقولك [الذى وقعه ابن عم الصادق دون ان يستشير اميا واحدا كعهد الاسياد؟]. نحن يا عزيزي هاشم، ولدنا أحرارا، ولم ننحن طيلة تاريخنا لغير الله، ولم نطأطيء رؤوسنا، ولم ندخر وسعا في مقارعة الجلادين سودانيين كانوا أو بريطانيين. وإن كان بعضنا لا يعرف القراءة والكتابة - طبقا لوصفك المعمم - فهذا عائد إلى ظروف شتى، لكن هذا الحزب به بروفسيرات ودكاترة عشرات الآلاف من خريجي الجامعات. ويكفي أننا الأقوى في الجامعات السودانية منذ منتصف التسعينات وإلى الآن !!. والأميون من آبائنا وأعمامنا وعماتنا وخالاتنا في طول الوطن وعرضه هم تيجان على رؤوسنا. فرجاء عزيزي، وباسم الوطن والمحبة والصداقة، دعنا نركز على المناحي الفكرية والسياسية ونترك التعريض بالآخرين والحط من قدرهم.
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: هاشم نوريت)
|
الأخ هاشم
الشائع عندنا في السودان أن يقال منتم لحزب الأمة أو عضو في حزب الأمة أو عضوية أو أعضاء حزب الأمة، لكن (أمي) و(أميين) لها معنى محدد متصل بالأمية. وللأسف فقد ساد هذا التعبير الدخيل على أدبيات السياسة السودانية وأعرافها عن طريق الإسلاميين. لكي يكون الحوار قائما بين أطراف تكن احتراما لبعضها بعضا، لابد من تأسيس لغة حوار مترفعة عن مثل هذه المفردات.
وصدقني يا عزيزي، أنا لا أتظاهر بفهمي لهذا المصطلح بغير معناه. الذين استعملوا مثل هذه المفردة، كانوا لوحدهم في السودان من لجأ إليها للحط من شأن الحزب. وليس في ذكري لحملة الشهادات العليا في الحزب أي قدر من التباهي، وإنما هي حقائق ناتجة عن كون هذا الحزب هو ماعون يتسع لملايين السودانيين، ومن الطبيعي أن يكون فيه متعلمون وأميون. وللعلم فقط، أنا لا تعنيني شهادات أعضاء الحزب بقدرما تعنيني مواقفهم ووعيهم السياسي. فكم من بروفسير ارتمى في أحضان الديكتاتورية، وكم من رجل بسيط وأمي قاومها بكل ما يملك، ولمثل هؤلاء احترامي واعتزازي.
المراد يا عزيزي، أن هذا هو شعبنا الحبيب. علماء وجهلاء. تحتويهم أحزاب سياسية كبرت أم صغرت، هي التي تشكل تجربتنا، وندفعها من جانبنا للأمام، من خلال الحوار، والوعي، والاصلاح.
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
الحبيبة الغالية مريوم
الف مرحبا بأسئلتك كلها
الحبيب هاشم
لطالما نعتنا هنا ب"الأميين" التي ظاهرها نسب إلى أمة و باطنها تقليل من شأن منسوبي حزب الأمة رغم أن النبي كان أميا.
وطالما أكدت إنك تقصد النسب ف"جات سليمة"
النسب إلى مكة مثلاً مكي
ذرة/ذري
درة/دري
القاعدة تقول تحذف التاء المربوطة وتضاف ياء النسب.
و"الله أعلم"
وين المصححين و بتاعين اللغة و النحو و الصرف و البلاغة الانتشروا مؤخراً في المنبر؟؟؟
طالما أنا من ال"ناطقين بغيرها" فشهادتي على الحركرك هنا
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: lana mahdi)
|
| Quote: عارفين يا لنا ووراق وود العمده... انا لي زمن عايزه أكتب بوست أسألكم فيه أسئلة مشابهه لدي.. والغريبة كنت ناوية الليله أكتبه لحدي ما صادفني البوست ده قبل شويه بس...حأتابع لو لقيت ضالتي يبقى خير وبكره.. لو ما لقيتها، انتظروا البوست بتاعي |
الأخت بت الحسين
سلام وتحية.،
إن لم تجدي ضالتك في بوست الأخ سيف فمرحباً بكل سؤال، فنحن قوم كتابنا معلوم ومنشور ومرجعيتنا الفكرية والسياسية واضحة وجلية..
مرحباً بك في كل الأوقات.
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: saif massad ali)
|
أنا طبعا كتبته تعليقي داك قبل ما أتم قراءة البوست وكان عندي أمل أجد كل أجوبتي.. بس لقيت إنه الاتجاه يختلف تماماً عم أريد أن أستفسر عنه منكم يا وراق ولنا وود العمدة ونسيت أضيف الأستاذ خالد عويس كمان..
جزء كبير من تساؤلاتي يدور حول هذه العبارة.. وانا أعرف ان السيد محمد أحمد المهدي متصوّف وهو شيء لا يخف على الناس.. لكني أريد أن أسير في اتجاه آخر.. توقعوا البوست..
| Quote: فهي ثورة السودان كله , ومفجرها صوفي عبقري مزج بين التوكل والجهاد , فحقق معجزة ادارت راس العالم اجمع واربكت تفكيره |
الأخ سيف.. تحياتي واحترامي
بنت الحسين
| |
|
|
|
|
|
|
|
|
|
Re: من هم انصار الدين يا اسماعيل وراق ولنا مهدي ود العمدة ؟ (Re: مريم بنت الحسين)
|
الاخت الفاضلة المهندسة مريم بنت الدكتور حسين
نرحب باسئلتك وآرائك واستفساراتك الخاصة منها والمتعلقة بالفكرتين الجمهورية والمهدية ونرحب بكل متداخل ومتحاور فالمعرفة غايتنا والحوار وسيلتنا والحكمة ضالة المؤمن اينما وجدها فهو اولى بتناولها , ولا باس من يكن بوستا منفصلا او متداخلا فمثلك يحفز على التواصل الف مرحبا بك وبنا في بوستك  
الحبيب الريح كودي
Quote: الاخت العزيزة لنا
سلام
كتبت:
Quote: يعني هذا ليس رأي سيف في قتال قبائل البجة مع المهدية و انخراطها في الدعوة و الجهاد،بل أراد أن يضرب مثلا لنوريت اننا لو سكتنا عن تزوير التاريخ الذي تم تزويره كثيراً فان التزوير طال ايضا تاريخ البجة.
أرجوك راجع كلام سيف و عباراته ثانياً.
محبتي
لنا
لقد كتب سيف مساعد كلامه اعلاه لسبب هجومه الاخ نوريت على بعض ما جاء فى هذه الكتابة التى لم يوضح مصدرها حتى الان.. ما عنيته هنا عندما ياتى احدا باتهامات تجاه قبيلة او جهه محدده لها تاريخها فى الوقوف وراء الثورة المهدية ودعمها .. كنت اتوقع توضيحا اكثر من اناس مثلكم(عضوية حزب الامة) هم المسئولين كل المسئولية لتصحيح مثل هذه الاخطا.. وهذه هى المرة الاولى فى حياتى اسمع بمثل هذا الاتهام والتشكيك فى زمة البجا (واقصد هنا فكرة التزوير.. التى تحدث عنها سيف مساعد)
ماذلت اتوقع من عضوية حزب الامة توضيح اكثر بهذا الشان حتى لاياتى اخر بنفس الاتهام (وسمح القول فى خشيم سيدو)
لك الشكر التوضيح
لك الاحترام والتقدير
الريح كودى
|
اتمنى لك التوفيق في قراءة ومراجعة مداخلاتك والاخرين جيدا , واذا تسرعت في الرد يوما فلا باس من المراجعة والرجوع الى الحق فضيلة
تحياتي لك
| |
|
|
|
|
|
|
| |
saif massad ali
lana mahdi
إسماعيل وراق
هاشم نوريت
القلب النابض
الريح كودى
Ahmed Abdallah
عبدالرحمن الحلاوي
مريم بنت الحسين
فيس بوك
تويتر
انستقرام
يوتيوب
بنتيريست