|
الحنك البيش ..
|
كان مفروض أتصل عليك لكن موبايلي راح وفيهو كل الأرقام بما فيهم رقمك ..
|
|
|
|
|
|
|
|
Re: الحنك البيش .. (Re: tmbis)
|
ود الفاروق إزيك...
Quote: والله دخلت البطاقة في الصراف .. جاتني راجعة |
تمبس انت فى دى ولاّ يقول ليك جيب 100 ريال لحدى بكرة لأنى دخلت البطاقة والصراف قال لى (حــدِّث بياناتك)!!!!!
ده آخر إصدار للحنك البيش..
| |
|
|
|
|
|
|
Re: الحنك البيش .. (Re: عمر الفاروق)
|
يا زول إنتا رقمي دا مسحتو من موبايلك مالك !!!
الإجابة :
أبدا ما مسحتو والله .. موبايلي إتسرق والرقم كان في التلفون ما في الشريحة !!
| |
|
|
|
|
|
|
Re: الحنك البيش .. (Re: ناذر محمد الخليفة)
|
إنت عارف ؟؟؟ دى المرة التالتة نكون جاينكم يطلع لينا عارض
أول مرة لبست ومرقت خلااااص .. قابلوني ضيوف في الباب
المرة التانية من العصر جاي جاي والله فجأة جسمي ده كلو إتكسّر ولمّت فيني نزلة لا بسمع لا بشوف الغريبة معاها مغص
أمس ركبت ماشي عليكم العربية ضرب ليها لستك والله عذبتني لحدي مارجعتها بالونش
وكلو حنك بيش
| |
|
|
|
|
|
|
Re: الحنك البيش .. (Re: عمر الفاروق)
|
يا عمر ياخي كل سنة وانت طيب
انتو عارفين المشكلة وين؟!!
بقينا الواحد ما يفرق بين الصاح والحكنك شِدّة الناس ما بقت تكضِّب.. اقصد (تحنِّك)!!..
| |
|
|
|
|
|
|
Re: الحنك البيش .. (Re: عمر الفاروق)
|
تحياتي
يامتخبي ... حقوا تعرف إنو حنكك ده دقة قديمة .... على أي حال حاولت كم مرة ولم أجد رد ... وتهاني العيد كلفته بيها أخونا مصعب إوصله ليك ...
| |
|
|
|
|
|
|
Re: الحنك البيش .. (Re: عمر الفاروق)
|
والله انا مبسوط بسطة عشان البوست ده جاب لي أحلى ناس انا بحبهم في المنبر ده .. " حنك بيش شديد مش؟؟"
فيصل نوبي:
Quote: ود الفاروق
عمر ده حبيبنا خليك حنين عليو
( حنك بيش ) |
والله بيني وبينك الراجل يستاهل الحنية ...(بيش البيش )
| |
|
|
|
|
|
|
Re: الحنك البيش .. (Re: عمر الفاروق)
|
تمبس :
Quote: والله دخلت البطاقة في الصراف .. جاتني راجعة |
هاك الحنك ده كمان :
يا فردة بالله أدّي بتاع البقالة ده 100 ريال بديك ليها بعدين ..الجزلان في البيت .. حنك بيش ألف والمية ريال تاني إلا في الشاشة الغشاشة
| |
|
|
|
|
|
|
Re: الحنك البيش .. (Re: عمر الفاروق)
|
مكاشفينا الطاهر: كل سنة وإنت طيب ياخ (ده ما حنك بيش)..
Quote: بعدين انا ما فاهم حاجة ممكن تشرحوا لينا ولا نلم لم شوالاتنا دي ونقوم نفوت من هنا |
لالالالا خلي شوالاتك ومخلاياتك كلها بي هنا .. الموضوع الكلام المييت والأعذار الواهية .. أدينا حنك حنكين بيش كده !!!
| |
|
|
|
|
|
|
Re: الحنك البيش .. (Re: عمر الفاروق)
|
قال عنترة لعبلة: ولقد ذكرتك والرماح نواهل مني وبيض الهند تقطر من دمي فوددت تقبيل السيوف لأنها لمعت كبارق ثغرك المتبسم ردت عبلة: يا عنتر خلي الحنك البيش دا ..! العرس بتين؟
| |
|
|
|
|
|
|
Re: الحنك البيش .. (Re: عمر الفاروق)
|
ثابت (البطل).. صباحك زين ..
Quote: إنت عارف ؟؟؟ دى المرة التالتة نكون جاينكم يطلع لينا عارض |
ومرة كده بعد لبست خلاص وطلعت إتذكرت إنو عندنا زواج زميلنا في الريفيرا ..
| |
|
|
|
|
|
|
Re: الحنك البيش .. (Re: عمر الفاروق)
|
ود العقيد : وإنت طيب يا سيدي.. تعرف الحنك الصاح إنو الزول يحنكك لي درجة إنك تقتنع بي حنكو ده !!!!! وأجمل حاجة تكون عاااااااارفو هو بيحنكك لكن إنت ما قادر تقول أي شي..
| |
|
|
|
|
|
|
Re: الحنك البيش .. (Re: عمر الفاروق)
|
رسلت ليك مسج (والله).. ما وصلت؟؟ كيف؟؟ تكون الشبكة كعبة
انتي لو دايرة عيوني بديك ليها.. (في المشمش)
وين يا زول؟؟ والله الجري الما بخلص دا.. من الصباح تجي خاشي البيت الساعة 11 بليل..
اها العرس ميتن؟ قريييييييب (ويكون لا في الحرا لا في الطرا)
| |
|
|
|
|
|
|
Re: الحنك البيش .. (Re: عمر الفاروق)
|
حبيبنا الراقي يوسف أبو وجيدة التي لم توجد بعد ..
ياخ انا متوفر وزي الشي الكعب (حنك بيش)..
وينك يا راجل والله سائلين عليك (برضو بيش).. مصعب ما وصل لي أي شي.. وفي إنتظارك يا مان ..
| |
|
|
|
|
|
|
Re: الحنك البيش .. (Re: عمر الفاروق)
|
والله انا أول مرة أقعد مع بت في حياتي ..(زننننننننننننن).. قبلك ما حبيت وبعدك مستحيل أحب لي زولة تانية ..(الجااااااااااااااااااك)..
| |
|
|
|
|
|
|
Re: الحنك البيش .. (Re: الفاتح وديدي)
|
أيوة جيتكم .. أحمل الأشواق هدايا والمناديل والكتابات والأغاني ..
ده حنك بيش يا تجيب معاك هدوم وصابون Fa وسيجنال تو وفير أند لوفلي يا ما تجينا
| |
|
|
|
|
|
|
Re: الحنك البيش .. (Re: عمر الفاروق)
|
(بي زيارتك ييتنا نور) _ كو كو كو .. _ أيوة .. منو الفي الباب.. جايييييييييييين.. _ كو كو كو ((مرة تانية تتخللها صيحات شفع وحريم كتار وصوت باغة _ لكن ما حقت عسل _)) _ أهلاااااااااااااااااااااااااااان .. أهلن ..أهلن ..أهلن.. هلت البشاير وزغردت العصافير .. ما شاء الله ما شاء الله ماشاء الله .. الجابكم يجيب عقابكم .. لي جوة ياخوانا .. بسم الله ما شاء الله .. السكينة يا ولد..
| |
|
|
|
|
|
|
Re: الحنك البيش .. (Re: الفاتح وديدي)
|
عمر الفاروق حاولت أعيـــد عليك الا أنه الشبـــكة أيام العيد كانت مشغولة بالجــد0
حنك بيش ما عليـــك رسل لي سيرتك الذاتية تبغ خــدمات شئ ؟ تحياتي أخي عمـــر 0
| |
|
|
|
|
|
|
Re: الحنك البيش .. (Re: عمر الفاروق)
|
البوست دة ياعمر الفاروق زي جاني إحساس إنو حقي!! (ورنا بعد عبارته الأخيرة صوب ساعته بعد أن تحسسها في معصمه ثم أطلق العنان لفرسه مخلفاً غباراً كثيفاًقبل أن يلتفت للجمع: هذا البوست (بوصيكم عليه) تعهدوه بالرعاية والسقيا وامضوا في فضح أساليب حنك الأوباش البيش)!!
| |
|
|
|
|
|
|
Re: الحنك البيش .. (Re: عمر الفاروق)
|
[gree]قال ليك يا ود الفاروق في بت كدة يوميا بتطلع الساعة تمانية وتمش تقابل الحنان بتاعا والحنك مع ناس البيت شنو !! ماشة أحضر المسلسلة مع صحبتي .. يوم أخوها شك فيها وقام وشا وراها ولقى البت مشت الحدائق وقاعدة مع حبيبا هناك !!
طوالي الراجل تلب وعصر أختو ومعاها الحنان :
دا شنو يا بت !! الجابك عنا شنو !!
البت : ول ول ول ول لله مرقت عشان أحضر المسل .. سل ... لة !!
أخوها طاااااخ رصاها ليك كف وقال ليها :
طيب القاعدة معاهو دا فاروق الفيشاوي !!
| |
|
|
|
|
|
|
Re: الحنك البيش .. (Re: ناذر محمد الخليفة)
|
الولد نزل السودان بشنطة هاند باك نزل فى بيتهم بعد السلام قالت امه اجى ياولدى وين شنطك تصدقى يامى..جايب ليك 200 توب .وجايب 20 طاقة جلاليب تصورى يامى شمطة التياب راحت وشنطة الجلايب صادروها حتى المليات المطرزةنسيتها فى يت العذاب 21 ملياية..اسى بتصل عشان يشحنوها شحن جوى
| |
|
|
|
|
|
|
Re: الحنك البيش .. (Re: عمر الفاروق)
|
والله الواحد كان مفروض يجيب ليكم هدايا، لكين فكرت في السفر فجأة وما لقيت وكت اشتري حاجة............. (بيش).
يا زول هدايا شنو!! نحن عارفين ظروفكم وعايزين شوفتكم بس!! (أكثر بياشة)..
| |
|
|
|
|
|
|
Re: الحنك البيش .. (Re: عمر الفاروق)
|
تحية طيبة للجميع
عمر الفاروق .. بوستيك لذيذ جدا
هاك الاكتشاف ده ، تعالى نرمز لـ (الحنك البيش) باول حروف منها،
تبقى شنو ؟ طبعا (ال) دى للتعريف
الحنك البيش
يعنى حتى (الحب) طلع اختصار للـ (الحنك البيش) !
| |
|
|
|
|
|
|
Re: الحنك البيش .. (Re: محمد الامين احمد)
|
Quote: يعنى حتى (الحب) طلع اختصار للـ (الحنك البيش) ! |
بييييييييييييشك حنك !!!!!!!!!!!!!!!!!!!!!!!!
يا هناية والله إنتي أشطر من كده بي كتيييير بس الأستاذ قصدك (وهي تكون أبو البلادة زاااتا)
| |
|
|
|
|
|
|
Re: الحنك البيش .. (Re: عمر الفاروق)
|
العزيز عمر الفاروق تحياتي واشواقي لك ..
تعرف كنت عايز اجي اعيد معاكم...لكن دخلت الاقامة للتجديد قبل العيد باسبوعين ..والمعقب كل يوم يقول لي لي الليلة بكرة الليلة بكره لمن جاء العيد اها اضطرينا نعيد في البيت ...
وكلو حنك بيش ....
| |
|
|
|
|
|
|
Re: الحنك البيش .. (Re: ناذر محمد الخليفة)
|
ناذر يا حبيب:
Quote: صدق يا عمر الفاروق أنا جبت ليك علوبة في عرسك مخصوص !!
ضنفرة:
إنتا لسة عايش على الحنك البيش دا |
انا قلت أخليك إنت التعيش الوهمة .. لكن يا مان أبشرك بي حاجة : إمكن ده العرس الوحيد الحضرو علوبة وهو معزوم شدييييد لأنو بي إختصار شدييييييد كده في الحسبة هو خال المدام يعني يا ناذر في اليوم داك إنت الكنت علوبة وعثمان ضيق وعلوبة جا بي كرتو وبي حقو
تخريمة : انا قلت أخليك تصدق حنكك البيش ده !!!!
بالمناسبة : صوتك جميل بييييييييييييييييييييييييييييييييش ألف
| |
|
|
|
|
|
|
Re: الحنك البيش .. (Re: عمر الفاروق)
|
عمر!!!!!!!!!!!!!!!
Quote: إمكن ده العرس الوحيد الحضرو علوبة وهو معزوم شدييييد لأنو بي إختصار شدييييييد كده في الحسبة هو خال المدام
|
عااااااااااااااااااا رف ...
[صنفرة :
هو وراني اليوم داك !!!! لكن أنا ما صدقتو إلا هسي !!!
| |
|
|
|
|
|
|
Re: الحنك البيش .. (Re: ناذر محمد الخليفة)
|
Quote: فإننا سوف نسعى لتمتين هذه العلاقات في مرحلة السلام الجديدة فبلادنا تتطلع إلي مساندة المجتمع الدولي لتجاوز آثار الحرب ولإعادة البناء والإعمار وشراكة في الإستثمار فوعد بلادنا وعد كبير في شتي المجالات ، |
بوشكش
| |
|
|
|
|
|
|
Re: الحنك البيش .. (Re: عمر الفاروق)
|
Quote: يوم يكون الهلال لاعب انا بكون هلالابى عديــــــــــــــل كِده. |
بيش للطيش
فيصل نوبي ده قبل كده حير المنبر باسمه وتاني داير يحيرنا بالصورة ( دي مش صورة سعد الدين ولا انا عيوني كعبات )
وبرضو بيش
والتحية للفاروق وجميع المتداخلين
| |
|
|
|
|
|
|
Re: الحنك البيش .. (Re: عمر الفاروق)
|
والله يا عمر في حنك بيش إنت ما لاحظتا ليهو وكان مفروض تجيبو وش
متذكر البوست بتاعي بتاع قوائم الفصل الأنا كنت بجهز فيها وخاتيك في القائمة !! إنتا جيتني متجرس وقلت لي أنا بجيب ليك الهوا لأني كلو مرة بقول ليك حا يفصلوك ..
قمت قلت ايك يا عمر لو فصلوك أنا حرم بقيف من الكتابة معاك ما تمبت بومين قاموا فصلوك وأنا عملت فيها مجنون لا وقفت لا حاجة
صنفرة:
البوست إسمو بعد فصل جاد بسبب ياسر الشريف من سيبل رأسه من القائمة ادناه !!
أها عليك الله أمش أنكت كلامي دا من الإرشيف وجيبو لإنو بالجد كان حنك بيش بياشة ما عادية
| |
|
|
|
|
|
|
Re: الحنك البيش .. (Re: ناذر محمد الخليفة)
|
Quote: فيصل نوبي ده قبل كده حير المنبر باسمه وتاني داير يحيرنا بالصورة ( دي مش صورة سعد الدين ولا انا عيوني كعبات ) |
ود المايقوما
حرااااااااااااااااام عليك ما بتعرف ده منو ؟؟؟؟؟؟؟؟
حنكك بييييييييييييييييييييييييييش
| |
|
|
|
|
|
|
Re: الحنك البيش .. (Re: فيصل نوبي)
|
تعرف يا ناذر انا أول يوم جيت فيهو السعودية عشان أستلم شغلي قام المدير قال لي نحن وزعناك في منطقة إسمها (بيشة)!!!! قلت ليهو ما مشكلة بس عليك الله ورينا ليها وين بي الضبط موقعها بالنسبة للرياض ..وكان جمبو خريطة قام وراني ليها وطلعت جمب الحدود اليمنية السعودية !!!!!! قلت ليهو ياخ انا جاي من الخرطوم الما خمج ونظام مغترب وجاي أفتح لوني وأرطب وأجنصص تقوم توديني الحتة دي ؟؟؟ قال بيشة قال !!!!! أها عليك الله ماف علاقة بين (بيشة) و(بيش)؟؟؟؟؟
يا فيصل نوبي : دحين الفي الصورة ده مش وائل كفوري ؟؟؟؟
| |
|
|
|
|
|
|
Re: الحنك البيش .. (Re: عمر الفاروق)
|
والله يا شباب بي الجد طلعتوا حناكين شديييييييييييييييييييد وحيرتوني أنا زااااااتي في حنكي !!!! والعجب شيوخ الشباب زولنا الما ساكت وجهينتنا القاطع قول كل خطيب..
نوبي :
Quote: تعرف احمد الله ما طلع ( كمال الشناوي ) |
والله إنت زول رمممممممممممممممممة بالله ده كمال (الشيناوي)؟؟؟؟؟ طيب وييييييييين أمينة رزق؟؟؟؟
يا حافظ : ياخ إنت الأول في الحنك وطالما إنك ما بعندك كيبورد عربي مفروض تكتب كده (أعلانك هنا أليس كذلك يأ أنت؟؟ ولأ شنو ؟؟؟)
أستاذنا جلال:
Quote: الزوجة : مالك بتبحلق في البنية ديك كدي ؟ الزوج و قد فوجيء بأنه مراقب : لا .. بس شبهتها علي بت أختي .. الزوجة و هي تلبعه على ظهره : بت أختك بتاع قلبك .. شن جاب لي جاب .. بت أختك ال زى البعاتية ديك و دي مما عاينت ليها قعدت تبلع في ريقك يبلعك تمساح عشاري ..
فبهت الذي بحلق .. و جف ريقه |
. غايتو الزوج ده كان كنيتو أبو جهينة يكون ده بيش البيش
ود المايقوما : حنكك بقا سنيييييييييييييييين ..
زولنا الما ساكت : والله أجمل حاجة إنو ماف زول غيرك ناقش الوهمة دي !!! لكن تعرف البيش جدجد شنو ؟؟ " اليوم لا يوجد تنافس وكلنا فايزين "
يا واد أحمد
Quote: حنك مصري ،
سوداني دخل دكان واحد مصري ،
هو البيه سوداني ... أجدع ناس ..
لا أنا صومالي
رد المصري والنبي أجدع منهم ... |
| |
|
|
|
|
|
|
Re: الحنك البيش .. (Re: عمر الفاروق)
|
عمر الفاروق
Quote: بالله ده كمال (الشيناوي)؟؟؟؟؟ طيب وييييييييين أمينة رزق؟؟؟؟ |
مشت تخطط الميدان
حنك بيييييييييييييييييييييييييش البيش و (eggs)
| |
|
|
|
|
|
|
Re: الحنك البيش .. (Re: عمر الفاروق)
|
حنك بيش ألف :
كوكوكوكو !!!! كوكوكوكو !!!! كوكوكوكو!!!!! يدق الباب أكتر من مرة وشديييييييييييييد وفجأة يسمع صوت البت من ورى الباب: منو معاي !!!!بدق شديد كده مالك !!!!؟؟؟؟ تقوم إنت ترد بي خجل كده وبي صوت وااااااااااطي ده انا هناي ود ناس هني ..والله كنت قايلكم مافيشين !!!!! تقوم هي تقول ليك : أها وأسة لقيتني شنو ؟؟؟ تقوم غنت تقول ليها : فيشين !!!!
| |
|
|
|
|
|
|
Re: الحنك البيش .. (Re: عمر الفاروق)
|
تطلع موبايلك و تضرب
- الو .. يا احمد
- الو يا مرحب حافظ
- كيفك .. كل سنة و انت طيب .. وين انتو ياخ؟؟
- و الله نحن في الحاج يوسف .. مشينا نسلم على ناس عمك الطيب و نبارك ليهم العيد
- لا ياخ!! .. حظنا كعب شديد .. نحن هسة قدام بيتكم في الصحافة .. و دقينا الباب كم مرة ما في زول فتح لينا .. غايتو اعتبروها زيارة
و يتواصل الحوار بالموبايل في مواضيع تانية و انت راقد في بيتكم في الثورة الحارة التمنطاشر
| |
|
|
|
|
|
|
Re: الحنك البيش .. (Re: عمر الفاروق)
|
يجو يرحلوا في حلتكم جيران جدااااااااد ..ويكون عندهم بنات سمحات سماحة السنين .. تقوم إنت تمشي تعمل فيها عايز تنزل معاهم العفش أو تجي تضرب ليهم الجير !!!!!
بيااااااااااااااشة السنين ..
| |
|
|
|
|
|
|
Re: الحنك البيش .. (Re: عمر الفاروق)
|
السلام عليكم نسيتو الحنك البيش التاريخي ( آآآآخ ...تصدق....والله نسيتك عديل كده )
...... بس انا أحسن حنك ( ماعارف اقول عليهو شنو) عاجبني زمان لما كنا صغار ...كنا بنمشي نسرق المنقة من الجناين وكنا لما يقبضونا نعمل فيها مساكين عشان نخفف الدقة.. اها معانا واحد كدي .. يقبضوه عديل كده ..ويمسكوه من يدو ويسألو فيهو : يا ولد، تسرق المنقة مالك؟ والله ده ما أنا!!! يا ولد انت مجنون ؟ كيف يعني ما انت .. والله ده ما انا.. انت يا ولد مش ود حمد أحمد فضل المولى؟؟ آآآآي طيب ما لقيناك في الجنينة دي تسرق في المنقة ؟ لالالالا دا ما انا ويستمر الحوار اللاعقلاني هذا الى ما شاء الله .. .... هسع مش في كتيرين في البورد ده زي ( ود حمد احمد فضل المولى) ؟
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: الحنك البيش .. (Re: عمر الفاروق)
|
Quote: واحدة حلمانة مسطول ساكيها,قالت له ساكيني ليي؟ قال ليها ..ماعارف إنت الحلمانة. |
المسطول جا داخل علي مرتو وشايل في إيدو كديسة .. قام قال ليها عليك الله شوفي الغوريللا دي !!! المرا قالت ليهو : دي ما غوريللا دي كديسة !!! الراجل قال ليها انا ما قاعد أتكلم معاك قاعد أتكلم مع الكديسة !!!
بيييييييييييييييييييييييييييييييش
| |
|
|
|
|
|
|
Re: الحنك البيش .. (Re: عمر الفاروق)
|
الزوووووووووووووووووول:
Quote: اها معانا واحد كدي .. يقبضوه عديل كده ..ويمسكوه من يدو ويسألو فيهو : يا ولد، تسرق المنقة مالك؟ والله ده ما أنا!!! يا ولد انت مجنون ؟ كيف يعني ما انت .. والله ده ما انا.. انت يا ولد مش ود حمد أحمد فضل المولى؟؟ آآآآي طيب ما لقيناك في الجنينة دي تسرق في المنقة ؟ لالالالا دا ما انا ويستمر الحوار اللاعقلاني هذا الى ما شاء الله |
والبيش أكتر يقوم يسلبطا في زول تاني ويقول : لالالالالالا ده اللمين ود التاية ..انا كنت مافيش أمي رسلتني الطاحونة ..
ود المايقوما : أبو ذر الغفاري يا مااااااااااااااااااااااان ..
| |
|
|
|
|
|
|
Re: الحنك البيش .. (Re: عمر الفاروق)
|
أحمد الريح يا حبيب:
Quote: عمر الفاروق إزيك ياخ، أمبارح حاولت أضرب ليك لكن الخط ما جا معاي، اليومين دي الخطوط من أمريكا ما كويسة. |
بالله ده أنت ؟؟؟؟؟ أيوة فعلاً ظهر لي رقم غريب كده وما عرفتو من وين إحتمال يكون بس إنت ما كنت سامع الجرس !!!
Quote: معليش يا عمر، كنت عاوز أشارك في البوست بتاعك ده قبل يومين لكن الكمبيوتر بتاعي حصلت فيه مشكلة |
الغريبة انا برضو شايفك عامل كم مداخلة كده وقلت أعقب عليك بس إنشغلت ولي كم يوم ما دخلت النت !!! لكن بجي أرد عليك بي رواقة فالموضوع يستاهل التعليق عليه !!!!!!
تخريمة ( ما بيش) : في إجازتي بتاعت الزواج دي قابلت غاندي وأيمن عبد الباسط ومحمد عبد الرحمن وحاتم مطر والشباب حلوين وغاندي سألني من تلفونك وانا قلت ليهو انا زاااااااااتي ما لامي فيهو والزول ده شكلو مسحني عديل أيمن كاسر يدو في الكورة وعامل كم عملية كده ما نجحوا وزي ماشي كان المانيا ..
أها كيف البيش بتاع التلصق ده معاك ؟؟؟
| |
|
|
|
|
|
|
|