|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
ألأخ أحمد حنين
سلامات:
Quote: من اجل القصاص من جميع القتلة
وايضا لا تنسي حادثة قتل الطلبة بمعسكر العيلفون ،،،
وشهداء الشرق |
يجب أن لا ننسى أي شئ فلندون هنا كل الجرائم و من إرتكبوها توطئة للمحاسبة و الملاحقة، المجتمع الدولي أصبح لا يغادر كبيرة و لا صغيرة إلا أحصاها.
بإنتظار محمد حامد جمعة.
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
اخي مرتضى .. تحيات زاكيات.. مطلبك من جمعة يعمل على اثارة دوره الفقاعي في حكومة الانقاذ كصبي الكبار كبار .. ويظهره كبطل وحامي ظهر واي مداخلة له تعليه درجة في سلم الكبار كبار فهم لم يعتادوا على حماية ظهورهم - حتى داخل بيوتهم - .. دعنا نتمسك به في البورد كنموزج صحفي في الانقاذ (يغرف) بلا وعي من (بلاعة) و ضحالة الانقاذ و(يكشح) في حوش بكري ، (جمعة) يا (مرتضى) لا يملك قرار قلمه فمن اللامنطق ان ينكر عاقل المجازر الدافورية ويتصدى لاي قطرة دم تنزف بكذبة او بكذبة (ايضاََ) . الرجل يا صديقي ينطبق عليه المثل القائل (الضرب على الميت ممنوع) .. فهو كمبعوث في مهمة عنوانها تشويش الحقائق . دعنا نستمتع به كجاسوس مكشوف المهام .. فلا اظنه يحتمل وضعيته كبطل .. وهو ليس الا بـ ..طل .
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
مرتضى جعفر التحية والمجد
سنصلبهم عريا بالمسامير على بوابة التاريخ ثم نعبي الزاكرة في النسيان
صدقني عني لن ادع دم الشهداء ودم شهداء العيلفون(وكما يقول المصريين وبالقانون)
اما في بخصوص قضية عبد المنعم رحمة اليك التفاصيل الاتية
هئية الاتهام من المحامين:- 1. صالح محمود 2. عمر سرالختم سكنجو 3.سهير محمد عبد الله 4.يحيى مهدي 5. هنادي فضل 6.صالح سعيد وبداءنا باجراءات التحري وساوفيك التفاصيل وعد مكرر لن يهداء لي بال الابعد محاكمة القتلة ولو دخلوا في بطون امهاتهم
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: hanadi yousif)
|
الأخت هنادي يوسف
تحياتي و أشكرك على المعلومات بخصوص البدء في إجراءات محاسبة قتلة الشهيد عبد المنعم رحمة، أرغب في أن يغير الحزب الشيوعي من تفكيره فيما يتعلق بمسألة المحاسبة و ليت الحزب يقوم بتشجيع كافة اسر الشهداء برفع قضايا جنائية ضد القتلة المجرمين و يقدم لهم المساعدة اللازمة من خدمات إتهام مجانية بتوجيه صريح لفرع الحزب وسط المحامين بالترافع نيابة عن أسر الشهداء و دون أتعاب. لن تجدي شيئا العقلية القديمة في التعامل مع مبدا المحاسبة بمحاسبة النظام ككل. بمثل هذا الإجراء يمكن أن نستأصل عملية التعذيب من ثقافة العمل السياسي في السودان. ما رأيك في هذا الإقتراح
سقط سهوا اسم الشهيد الأستاذ أمين بدوي
محمد حامد جمعة ما زلنا في إنتظار رأيك
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: عاصم محمد شريف)
|
عزيزنا عاصم شريف
أشكرك على المرور و قد أقتبسنا منك اللينك و قلنانوجه الموضوع وجهة تانية.
جمعة شايفو آونلاين لكن عامل أضان الحامل طرشا، لكن الزوغة شينا و الشينة منكورة. ما ورانا حاجة نفضل منتظرينو الباقي لي القاعدين منتظرينو كتار بالحيل، و إنتظارنا قصاد إنتظارهم شنو ديل إنتظرو ستااااااااااااااااااااااشر سنة
دماء الشهداء لن تضيع هدرا يا محمد حامد
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
جنابو الأمنجي
Quote: اها يا مناضلين خلاص عاملين فيها ( فالحين ) قبضنا ... الظلامى ... كتال الكتلا .. |
نضالنا ده ما تحاول تستخف بيو و اسأل منو نافع و عبد الغفار الشريف و الطيب سيخة و حيطان كوبر و كل بيوت الأشباح. لكن إنتا العامل فيها (فالح) ما تقولنا الما قلناهو أنحنا ما قلنا إنك كتال كتلا.. بس طلبنا رأيك في الموضوع و إنت عمال تتزاوغ بي جاي و بي جاي، و الزوغة شينا..يا مان..ولا شنو
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: محمد حامد جمعه)
|
الأمنجي جمعة
Quote: دا قولو لناسك السادين الطرقات والمنافذ قدام القصر الجمهورى انا هين |
ياخي جماعتنا السادين الطرقات ديل قولنا ليهم، قالوا نسأل الأمنجية العاملين فيها كايسين حوار هنا في سودانيزآونلاين و دايرين يشتغلوا بسياسية ال washing hands و يوهمونا إنو ما كانوش جزء من ماكينة القمع و التقتيل و التشريد و بقوا ناس حوار ودي و ديمقراطي، إنتو بجيكم نوم ولا شايلنو سقد و عشان برضو كمان فرقة قيام ليل .... أه لكن إنتو قيام الليل ده ما ناسو خالينو للدايرين الأخرة إنتو دايرين حقكم هنا في الدنيا و شيلتو خلاص عربات و فيلل و حج لزوم النضافة و .... و ........
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
Quote: والله يا جماعة ارفعوا لينا كمان ناسنا السودانيين العاديين الضباط الذين قتلوا بواسطة الشيوعين
شهداء قصر الضيافة فيما عُرف " ب مجزرة قصر الضيافة
في يونيو 1971 |
طيب وقتين ديل ناسك قلبك ده نابض مالو و ناكرها الكلام ده قدام بشاشا في بوست الأخ حميدة ليه، حركات أمنجية جايين يعملوا مثقفاتية كمان....يلا يا بشاشا أمانة ما وقع راجل قلبو نابض كمان...يلا بلاش لمة
بعدين هو يوليو بالمناسبة.... بعدين نزلي ليهم بوست براك في واحد مانعك عشان لو فتحتي بوست تسمعي المفروض يتقال ليك و من هنا ربنا يمرقك سليمة بركة الصيام و القيام.. جزاك الله خير
جمعة ما تفرح و تعملا سبة زوغة نحنا منتظرين رأيك ياخ... تعظيم سلام للأمنجية على الحضور في العشر الأواخر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
الأمنجي جمعة
أها الكتاحة واضح إنها كسحت يا مان، إنت قفلتا عليها تبشتن لينا القعده و توقف النضمي، أها يا مان نحن في الإنتظار الجو راق تاني و بقينا برانا رأس. باص ياخي أخجل لا زال الليل طفلا يحبو
السلام أمانة لا تنسى... أنا سمعتا إنو عبد الغفار الشريف فقد عقلو الكلام ده صاح و لو صاح تفتكر ليه... إنت زول مفتح و جاغما كمان...
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
عزيزي مرتضي تحياتي الحارة
لاأدري أنا أيضاً لماذا لايتم مطاردة هؤلاء القتلة وتقديمهم لمحاكم عادلة أضيف أن الشهيد محمد عبد السلام المتهمون الاساسيون في أغتياله لاذالوا طلقاء ( وهم الزبير بشير طه / عبد الغفار الشريف/ الطالب عمار باشري( صاحب الساق الخشبية) وأيضاً المعتوه رمضان موسي فرار ( أشيع أنه قتل في الجنوب)
وفي أنتظار سعادتوا ليدلو بدلوه هنا
خضر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: خضر حسين خليل)
|
عزيزي خضر
تشكر على المرور
Quote: ( وهم الزبير بشير طه / عبد الغفار الشريف/ الطالب عمار باشري( صاحب الساق الخشبية) وأيضاً المعتوه رمضان موسي فرار ( أشيع أنه قتل في الجنوب) |
لا بد من ملاحقة القتلة أعلاه و إضافتهم إلى القائمة التي تحوي فيصل حسن عمر و عبدالحفيظ أحمد البشير و فتح قضايا جنائية بحقهم... إلى حين التعرف على بقية القتلة لعقد الشهداء النضيد..زعلي فضل و عبد المنعم سلمان و كلهم
Quote: وفي أنتظار سعادتوا ليدلو بدلوه هنا |
نحنا كلنا في الإنتظار، غايتو شايف سعادتو آونلاين أكيد جاي يدينو رايو، بعد الزواغانات الظاهر أخد التعليمات يقول شنو.. بس عندو هواية كده بيمارسا طوالي بتاعت يفتح بوست و بعداك يقوم صوف زي الخاطف ليو خطفة... يا شاب أركز وقت الجري لسة ما جاء لمان يجي...
ملحوظة:
سعادتو مطلوب للإفادة حول حادثة الزنا بتاعت الوزير و نائب الوالي نهار رمضان...أوع الوزير يكون جرح صيامو و بس، و طلع من الوعاء الجامع و كده
منظرين
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
مرتضى .. تحياتي ..
مش قلت ليك فايدة مافي ، الزول ده - الله يكرم السامعين - زي حُمار الرملة ، من القيفة لي الانداية لو اتعارض شوك في السكة ، القدم تدبرً حالا . مافي اجتهاد يا مرتضى . مهمة موضوعة بحزافيرا تتنفذ . يااا حبدااا لو علي عثمان محمد قرف فتح النت وشافني رافس الناس ولطف . من لا يملك قرار قلمه يا مرتضى لا يملك ضميره . حتى القلم اعرج ويادوبو فاكي الخط ، ياااااا سجم خشم الصحافة ..تسطيح ولزاجات في الطرح والتحليل ، صعلكة الكيزان المن ركن النقاش ديك للصحافة والوزارة والولاية ،، يا حليلك يابلد ،، اتخيل معاي البلد راكزا وكل حاجة في حتتا والصحافة بي شخصيتا ديك اتخيل بس وين (جمعة) كان يكون .. اتخيل وما تسرف .. تصحى تلاقيهو صحفي (جمعة) ما عندو قُدرة علي التحليل والطرح والنقاش والدفاع . (جمعة) زي جينير لاعب النهضة مدني الاروش في الميدان مهمتو يجوط خطة التيم التاني . يا دوووب يرمي كلمتين تلاتة ويوريك غبار رجلينو سؤال لـ(حمعة) . هل انت -أصلا- دارفوري المنبت؟ وااا خجلتي واا حَمَار وشي لو كانت الاجابة نعم
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: طارق اسماعيل)
|
الغريبة يا مرتضى جعفر كل زول جاب القائمة بتاعتو وقلتو ليعه فوق ... ومقبول وشهداء وريني بس القائمة بتاعتي دي الفيها عمي والشهداء المعاهو ليه اترفضت ولم تعامل بالمساواة مع الشهيدة التاية وغيرها من شهداء الوطن. عارف يا مرتضي مافي شئ ضيع السودان دا الا الرؤية بالعين العوراء للاشياء فنعتبر ما فعلناه مبرر وما فعله الآخرين غير مبرر عندي كلهم شهداء فهل عندكم كذلك؟ وانتو ما بتفرقوا من ناس الجبهة كتير انتو سبقتوهم بعمل انقلاب عسكري وهم لحقوكم (دي درون مع ناس الجبهة زي ما بيقولوا ناس الكورة) فانتم أول من جاب جهاز في هذا المجال ( واخص ما يتعلق بالاعتقالات وكتم الحريات وعدم حرية التنظيم السياسي والاحزاب السياسية ...الخ)ما شردتو الصادق المهدي والاحزاب اليمينية من البلد!!!. بل وحتي اليسار الاخر. الامن في السودان ودربتوهم في روسيا بواسطة المخابرات الروسيةوهم تبعوكم(دي درون) ولا زالت خبراتكم هي المنبع والمصدر المعرفي لاي حكومة تجي في هذا المجال . الشيوعيين هم أول من اذخل العنف والتصفيات الجسدية ( دي درون) والشئ البعرفوا الشيوعية ما فيها ديمقراطية ما معانا يا مع التانين ...وطاخ نعمل بك ما نشاء .. ام ان النظريه تطورت في غياب الدب الروسي وهيمنه الليبرالية والرأسماليةفاصبحت الشيوعية مسخا جديداً. دا كله ما دايرة فيه رد بس قلتوا ساكت كدا لانه جيلنا دا ما شاف الشيوعيين وهم في الحكم كيفن بيتفنجروا علي الناس. ويستخدموا الرصاص.
وعلشان ما اطلع من موضوعي يا بتاعين حقوق الانسان وروني محامين امشي ليهم يوروني اعمل شنو ولا وروني انتو حسب خبراتكم. وماتقول لي افتحي البوست بتاعك ولا كدا البوست داير ليه قعدة في الارشيف بدار الوثائق وانا مافي السودان. لكن الشئ الرجعني انو اي زول جاب اسماء الشهداء العندوا ورحبوا بيه الا شهداء مجزرة قصر الضيافة وود نوباوي والجزيرة أبا. لو ما شهداء قول لي علشان نفهم.
آسفة لو الكتاحة تسببت في ضبابية الرؤيةعندك .. ودا لانك احتفيت بخروجي من البوست ايما احتفاء وقلت الكتاحة مشت.
ومن هنا بنادي اولاد هؤلاء الشهداء لرفع تظلماتهم اصغرهم الان عمره 34 سنة , وبالمناسبة ما نسو وعلاقاتهم بيعض قوية وحافظين تارخ بعض العرس والولدو ليه والمات ...فهم يتواصلون منذ ذلك المصاب رغم عدم وجود النت وندرة التلفونات في ذلك الزمان الماضي الله لا عادو.
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: القلب النابض)
|
القلب النابض
الكلام دا من ياتو مصدر ومن ياتو وثيقة اتحداك وتحدى كل مصادرك ان يكن للحزب الشيوعي السوداني يد في بيت الضيافة او ود نوباوي ارجعي لوثائيقك او ثائقك وعرف اي طيارة ومن وين جات ضربت الجزيرة ابا انتي اركان نقاش الكيزان دي ( يا شيوعين كتلتو ناس الجزيرة ) انتي ابوك الختمي ما كلمك انا ابوي برضو ختمي وجدي لي مهدية يعني ياكوزة بطلي .... الحزب الشيوعي ما بخاف من تاريخه ولديه وثائق والفترة مقيمة ونازلة في الميدان ولو عندك اسم شيوعي قتل قدميه لمحاكمة ونحنا عندنا اسماء الناس القتلوا ناسنا وبينا المحاكم
كلامك كلام الطيرفي الباقير ولي عودة
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
الأخت هنادي
أشكر لك الحضور و تكفلك بالرد على القلب النابض
الأخ خضر حسين خليل العزيز
Quote: بصفتك محسوباً علي الاجهزة الاعلامية ولصحافة الجبهة الاسلامية ( الصفراء) مارأيك عزيزي في هذه الجرائم . |
أضف للإجهزة اللي عندك الأجهزة الأمنية سيئة السمعة و السيرة و السريرة، و أسأل بكل أسماء الله الحسنى و الصفات الواردة بحق الأمنجي جمعة رايه.
مرتضى جعفر
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: عبدالماجد فرح يوسف)
|
محمد حامد جمعة..... في الحقيقة قلت أسألك من رأيك، برضُه، في الآتي (مع العلم بأن هذا الآتي هو الجزء الأول) بوصفك شغال في أمن نظام الجبهة:
Quote: أدخلت الجبهة الإسلامية أساليب اكثر تطورا وبصورة حديثة في انتزاع الاعتراف أو المعلومة كالصعقة الكهربائية حيث يتعرض المعتقل لجهاز مصمم خصيصا لتفريغ شحناته الكهربية التي تؤثر على المعتقل لدرجة انه يفقد وعيه أو يحدث له شلل مؤقت في كل أجزاء جسمه ، بالإضافة إلى أساليب التعليق على سقف الحجرة بواسطة المروحة التي تظل دائرة بكامل قوتها ، أو اسلوب تعليق المعتقل على حديد أبواب الزنزانة المعرضة لأشعة الشمس بحيث لا يستطيع المعتقل المقيد من يديه احتمال حديد أبواب الزنزانة الساخن عندما تشتد حرارة الشمس |
الكلام دا يا تور بقر الجواميس أورده شاهد عيان تعرض لتعذيب وحشي على أيدي كلاب أمنكم وهو الراحل الرجل الصنديد والمناضل الفذ على الماحي السخي. في انتظارك....
ع ع
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Adil Ali)
|
محمد حامد جمعة....لم يصلني منك رد على استفساري في المداخلة الفاتت رغم إنني طلبت منك ذلك منذ ليل أمس.... عارفك بتكون مشغول لأن العمل في مجال الإعلام، وخاصة أجهزة الإعلام المعنية في الأساس بالدعاية السياسية والتضليل الجماعي مثل SMC، تأخذ معظم وقت الواحد، وكمان زيادة على كده شغلك بتاع الأمن. غايتو يا زول إن شاء الله العمل دا كله في "ميزان حسناتك". في الحقيقة كنت منتظر رأيك في الكلام الكتبتو ليك امس حول أساليب التعذيب التي مارستها أجهزة أمن نظام الجبهة ضد المعتقلين ولا أزال في انتظارك، وداك كان الجزء الأول وفيما يلي الجزء التاني:
Quote: هناك اسلوب تعليق المعتقل من أرجله على مروحة الغرفة كالشاة لحظة سلخها ثم تدار المروحة ببطء أحيانا وبشدة أحايين أخرى ! أو أن يجبر المعتقل على الاستلقاء على سرير من حديد خالي من الفراش ويتم تقييد أرجله وأياديه ثم يغذى السرير بشحنات كهربائية يتلقى المعتقل ضرباتها بعنف حتى يغمى عليه ، وما إلى ذلك من انتزاع أظافر الأصابع بواسطة آلات معينة أو اللجوء إلى الخصي وكي أطراف الأرجل وهما مقيدتان . ثم أشكال الاعتداء الجنسي على المعتقل بواسطة جنود أو رجال أمن أفظاظ (قضية محمد أحمد الريح) دربوا خصيصا على مثل هذا النوع من الاعتداء وضرب أي معتقل بغض النظر عن عمره وصحته ويتم التركيز مناطق حساسة في الجسم كالمثانة ومناطق الجهاز التناسلي والرأس والرقبة وعلى الوجه وبقية المناطق الأخرى الضعيفة في الجسم. |
الكلام دا يا محمد حامد جمعة جزء من شهادة الراحل على الماحي السخي..... وهذا التعذيب كان يمارس في بيوت الأشباح والمعتقلات السرية الأخرى التي أقامتها أجهزة أمن الجبهة. برضُه منتظرك.... وبعدين ياخي عيب تمشى تتحاوم في البوستات التانية والناس منتظرين منك ردود وتعليقات.
| |
|
|
|
|
|
|
Re: محمد حامد جمعة .... دع دارفور جانبا ما رأيك في هذا؟ (Re: Murtada Gafar)
|
محمد حامد جمعة... شايفك رفعت البوست دون الإدلاء بأي تعليق. ياخي هذا البوست يحمل إسمك، مش عيب عليك هذا الصمت المطبق والناس طالبين منك الإدلاء بتعليق أو رأي في شيء يعتبر من صميم عملك وأكل عيشك؟ طيب يا محمد حامد جمعة... أدينا رأيك في الآتي (الجزء الثالث):
Quote: إجبار المعتقل على أداء أشكال عنيفة من الرياضة لمدة ساعات طويلة أو إجبار على رفع يديه لمدة طويلة قد تصل إلى اكثر من ثمان ساعات ويعاقب بالضرب عليها بعنف في أي لحظة يحاول فيها المعتقل إنزال يديه للراحة ولو لقليل ! هذا خلافا للشتائم والإساءات البذيئة للمعتقل ولكافة أفراد آسرته ومعارفه ، هذا فضلا على التهديد المستمر باغتصابه أو اغتصاب أحد أفراد الأسرة أمام عينيه وفي بعض الحالات يتم هذا بالفعل كما حدث للعميد محمد احمد الريح. |
مرة أخرى..... في انتظارك!
| |
|
|
|
|
|
|
|