|
د.بشار، محمدين م اسحق ، بقال ... وجميع الغرابة الفي المنبر
|
سوال طرحتو لكل واحد فيكم في بوست خاص بيهو وما جاوبتوني ، قلت اجمعكم هنا عشان توروني حاجة مغلباني عديل يا جماعة العنصرية القاصدينها هي شنو؟؟ ممكن تعرفوها لي تعريف دقيق... يعني زي ما قلت زمان لما تكون السخرية من مساخة الرباطاب ودين الحلفاوين وحماقة الجعلية ودغالة الشوايقة دي بتكون متاحة؟؟ يعني حلال؟ ما عنصرية لما اقول ليك يا شايقي يا دغيل (او ترفض الرد علي شخص لمجرد انك عرفت قبيلتو.. دا ما تمييز عنصري..)ولا يا حلفاوي يا ما عندك دين؟؟ دي ما عنصرية ....
ولا لمن شريط محمد موسي بتاع النكات يتباع سريع ويخلص من السوق.. دا ما بكون استهتار بي مشاعر ادروب ولا اهل العوض ؟؟؟؟ ونكتة اهل العوض البتقرقرو فيها لغاية هسي دي .. شنو؟؟ ما عنصرية؟؟؟؟
يا ريت لو تشرحو لي معني عنصرية البتكونو قاصدينها ... او يا ريت لو تتعاملو معانا بدون ترسبات وبدون تحميل الكلام اكثر مما لا يحتمل
|
|
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
يامحمد العنصرية زى الجمال نسبية اذا كان مقصود بيها اللون اسى ناذر دا اسود منو فى البورد دا لكن لانه ولد جلابة العنصرية ياحمودى فى اسمك دا اسى لو انا قلت همودى وانت ضحكت على انت تكون عنصرى... لكن بالانقليزى hamooodi الخواجات ما بضحكو ليه ..من هنا تبداء العنصرية تانى فى عنصرية لو انت سكنت فى بيت طوب وانا فى بيت قش دى عنصرية ولو انت تمسحت بكريم وانا بفازلين وشال التراب دى عنصرية خلاص ولا ازيدك
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
جلابى ..جاية من جلب يجلب وهو جالب اطلقت على الشمالين الذين يحملون الامتعة والابضعة ويبعونها فى بلاد عنصر وياخذون بدلها الفواكه والصمغ وبعض جلود الخراف والابل..يعنى رجل تفتيحة اها منهم من طابت جلستوه وعمل دكان هناك والدكان بقى مؤسسة والمؤسسة شركة تزوج من بنات البلد المجلوب لها البضاعة...او ارسل لاسرته جاءت هناك.. فاستقر واقر ..مصار يطلق عليه الجلابى... وفى دار جلاب...الشمال...من اتى من الشرق يقال له شراقى ومن اتى من الشمال يقال له شمالى ومن اتى من الجنوب يقال له جنوبى ومن اتى من جبال النوبة يقال له نوباوى ومن اتى من الجزيرة يقال له اهل عوض شفت العنصرية دى كيف نحن بدل يقال لنا جزيراب بقو يقلولو لينا اهل عوض والله الكلمة دى بتزعلنى شديد...زى كلمة الدروب لما يقولها للشراقى حتى للحظة كلامى دا مافيه زعلى ياحمودى لكن سعالى ليك البجى من الغرب بقولو ليه شنو؟؟؟؟؟؟؟؟ وفتك عافية
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
بعدين دقيقة ما تمسكو لينا في قصة التهميش دي كتير كدا الشمالية المتهمينها زورا دي كدي زوروها كدي امشو يوم الشمالية وشوفو المعاناه علي اصولا
ولو المشكلة في انو الحكام شماليين برضو الغرابة كان ساهمو في الحكم مثلا عندكم علي الحاج دا عمل ليكم شنو؟؟ ما اهو لما كان في الحكم عمل القصر العشوائي بتاعو وفتح ليكم زي ما ناسنا فاتحين لينا يا جماعة افتكر انو احنا القاعدين هنا او المواطنين العاديين مكتويين بي نفس النار فمافي داعي انكم تحملونا كلام ساي وزي ما بقولو عينك في الفيل تكاتل في ضلو... عارفين اس المشكلة وين فخلو المواطن دا في حالو
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: معتز تروتسكى)
|
معتز تروتسكي
انت الاحسن لك تحترم نفسك فاهم.
Quote: يامره ماتحترمى نفسك |
انا ببقى لك ولا بعرفك عشان سيدتك تزيل حواجز وجاي تناديني بيا مره.
د. بشار خريج من جامعة الخرطوم
انت خريج من وين؟؟؟؟؟؟؟؟؟
واسال شلتك بتاعت السعوديه قل ليهم د. بشار شغال شنو؟؟؟؟؟؟؟
واذا ما مقيمين معاه في نفس المدينه ينخمدوا ويسكتوا
وماعايزين معاكم معارك فاضيه في الفاضي والمليان.
والله ماشفته رجال ماعندهم شغله زي بعض ناس المنبر ديل.
تراجي.
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: هاشم نوريت)
|
اخى /محمد
اولا رمضان كريم ثانيا الاسئله البتقول فيها دى هم ذاتهم البيطلقوها على انفسهم ويقولوا جلابى وجنجويج ومصطلحات تانيه
ياخى اخد الموضوع من اخرة الجماعه ديل ينقسموا الى قسمين وهم كلهم اولاد دارفور 1/جزء يحس ان هناك قضيه فى دارفور(وهم غير ابناء الزغاوة)يهمهم امن وتنميه ومصلحه دارفور وكيفيه الوصول لذلك 2/ جزء ثانى يرى ان مصلحته الشخصيه فى تاجيج هذه المصطلحات وتكبير الكوم والعمل على كسب قاعدةعريضه وسط المنظمات الداعمه ليملاؤا جيوبهم وهولائى ينتشرون عبر المنتديات وهم اساس البلاء على دارفور نفسها فى المقام الاول .
لذا تجد البعض يتعاطف معهم مبدئيا وويندفع بنشر اقاويل او صور ومتابعه كل ماينشر عن دارفور وينقلونه بغض النظر عن صحته ام لا , وهو يصب فى مصلحه هذه الفئه وتصمت عند النشر
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: محمد الامين محمد)
|
الأخ احمد محمد سلالالالالالالالالالالامات..وتحايا.. فى (واحد) كتب..واحد بس
Quote: في اختلاف بين ناس الغرب والغرابه الموجدين في المنبر انا ود غرب ليس في نفسي شئي المشكله في النظام الحاكم ناس الغرب هم الذين شكلوا تاريخ السودان الحديث |
برافو اهو اخونا محمد الأمين (دة) يا بو حميد..يادوبو اول زول يجى يخت المنشار فى العقدة عديل..!! ياخى الحصل حصل .. واذا ما مقتنع نقول ليك .. فى مشكلة حقيقية سواء عبر عنهاهؤلاء فى المنبر او اولئك فى الميدان..وعجلة التأريخ السودانى الحديث الداير تنومنا بيها دى ان لم تكن ستتدهسنا بها كغرابة ( لن تعود الى الوراء).. ودارفور الآن باقية فى رقبتها.. بما اصابها على مر السنين .. نعم بالصوت العالى هناك مشكلة والانظمة الحاكمة المتعاقبة اخطأت ولم تقدر لا دارفور ولا كردفان ولا شرق السودان ولا ريف السودان كله حق قدره .. كان الحكام يأتون من ذات الأماكن او تنحدر اصولهم عنها ..وعندما يصبحون فى الحكم ينسون القضية ..فضلا عن الحكام من غير هذه المناطق الذين لم يضيرهم شىء ان الريف تحضر ام لا ولذلك اصبح من حق الدارفوريين ان يعبروا ويطالبوا ويشجبوا ويدينوا كل اخطاء السياسة وخطيئات الناس الياهم .. تماما ذى ما ناس محمدين وبشار وتراجى عاملين بالظبط. ومن حقهم كذلك ان يقاطعوا المنبر احتجاجا على العنصرية الزائدة ..ومن حقهم ان ..وان..وان يناقشوا الأبعاد الفكرية والأيديولوجية والنفسية التى شكلت لفظة وصورة ابن الغرب فى ذهنية الجلابى .. ذلك الرجل المتحضر والمرأة (........) زى ما قال منعم سليمان ..والله ليه حق ..ومليون حق! لكن انت عارف المشكلة وين ؟ المشكلة هسى بقت فى الذى دة..اي ناس اخوى الكاشف ديل .. آآآى .. محمد الأمين طبعا.. قال فى فرق قال .. وقال هو غرابى قال!
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
ابوقوته ... اتخيل لي بقولو عليهو غرابي زي شمالي وجنوبي...
Quote: احمد محمد دبايوا العنصرية شى بغيض وكما هو معلوم البعض يرى انه افضل نسليا من الاخرين وهذا الامر ينقص من قدره لا قدر الاخرين ومحاربة العنصرية عند البعض لا يكون بعنصرية مضادة وايضا الحساسية الزائدة قد تكون فى كثير من الاحيان سبب التعارك. |
الاستاذ هاشم دبايوا كيتوا ايتانينا انا ما بحاول احارب عنصريتهم بي عنصرية مضادة بقدر ما داير احدد مفاهيم الناس تتعامل بيها يعني ما ينفع يبقو زي اليهود حرقونا حرقونا واحنا زاتنا محروقين
Quote: واتمنى ان نتخلص من مرحلة تجريم وشيطة الاخر . |
المرحلة دي ما فهمتا والله
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: محمد الامين محمد)
|
ابو حميد ازيك اخليك مع النقه دى لمن اجيك صادى 1
Quote: خالص التحايا الجميع ذكرت سابقا من مجمل بعض التصرفات السلوكيه بالفهم الخاطئ لجندر هناك من يتحس من الاتيان بالاسماء الحقيقه لتفاصيل من جندر وغيرها ياتى السؤال لما يكون قبل البعض للمنطق والاخر لا؟؟!! هل يمكن ان نطلق على هذه العقلبيه بصفة (ذهان الاضطهاد) اى بمعنى (المعقدون) كمثل لهذا الفهم الادلال بكلمة غرابى سبب المشكله هنا اذا يطرح السؤال نفسه هل نخاف من قول كلمة غرابي؟؟؟؟؟ ..
Quote: Quote: تعودنا دوماً وفي كثير من جلسات النقاش وفي الونسات الجانبية وفي أثناء أوقات الفراغ خصوصاً أيام الجامعة لتوطيد المعارف أكثر وأكثر .. وبكل تأكيد لا يتم ذلك إلا عن طريق الخوض في الأجناس .. إنت من وين ؟؟؟ إنتي جنسك شنو ؟؟؟ إنتوا قبيلتكم إسمها شنو ؟؟؟
عندما تكون من شرق السودان تقول انا بجاوي أو هدندوي او او .. وعندما تكون شمالي تقول انا رباطابي شايقي حلفاوي ... وعندما تكون من الوسط تحدد حلاوي رفاعي وووو وعندما تكون جنوبي تقول دينكا شلك ونوير .. وعندما تكون كردفاني تقولها صراحة .. دوماً ماأجد مشكلة في هؤلاء الذين يأتون من دارفور لا تجدهم يفتخرون بجنسهم وحتي لايودون التطرق لموضوع الأجناس في حين أن القبائل التي في الغرب قبائل كبري وعريقة فقبيلة الزغاوة قبيلة كبيرة بل ومعظم الرأس ماليين منها وكذلك الحكوميين .. قبيلة الفور كذلك قبيلة كبري ويوجد البرقو وغيرهم .. ومنذ صغرنا زرع فينا أبناء دارفور ألا نقول لهم " غرابة " وكأنها شتيمة !!! في حين أننا نقول فلان جنوبي وفلان من الشرق وفلان جعلي لكنه محرم علينا أن نجهر بقول هناي ده " غرابي "... هل كلمة غرابي تعتبر شتيمة ؟؟؟؟؟؟؟؟؟؟؟؟؟؟؟؟؟؟؟؟؟؟؟ هل هي كلمة عنصرية ؟؟؟؟؟؟؟؟؟؟؟؟؟؟؟؟؟؟ ولماذا عندما نود أن نقول مثل هذه الكلمة نقولها وكأننا نرتكب جرم فمنا من يخفض صوته عند قولها ومنا من يغمز للأخر عندما تأتي الونسة عن الغرابة فيقول لك (إنت ما عارف هناي ده غرابي ولا شنو ؟؟) في حين أننا نجهر بكل الإتجاهات وبالحس العالي فلان شمالي وفلان جنوبي ؟؟؟؟؟
للدرجة التي جعلت الناس يجعلون لها مصطلحاً حتي لا يجهروا بها فتراهم يقولون لك أن فلان ألماني وحينها يقصدون غرابي !!!!! لماذا عندما نود أن نتحدث عن الغرب تجد في كلامنا التحفظ بل ونبدأ بالمقدمات فنقول والله نحن لنا أصدقاء من الغرب ومن دارفور ونحن نحب أهل دارفور ونحن ونحن ونحن ومن ثم بعد هذه المقدمات تري الواحد منا يجئ بالقول الذي يود طرحه عن دارفور ؟؟؟ هل أبناء دارفور لا يحبون أن ينسبوا للغرب؟؟؟ هل يعتبرون كلمة (غرابي) عنصرية ؟؟؟؟؟؟ هل هي فعلاً كلمة مسيئة ؟؟؟؟؟؟؟؟ انا شخصياً أري أن الموضوع لا يتعدي سوي الحديث عن الإتجاهات ولكن عقدة نفسية زرعها الجيل السابق في جيلنا الحالي من أبناء الغرب فأقنعوهم بأنها كلمة إساءة حتي أصبحوا يحاسبوننا عليها بل ويترصدونها لنا !!!! أتعجب جداً عندما يكون الحديث عن أبنا كردفان فبالرغم من أنه (الغرب) أيضاً إلا أن الموضوع يكون أقل حساسية بل تأخذ راحتك تماماً وأنت تتحدث إلي الكردفاني دون حواجز ودون تستر ودون إنتقاء عبارات خوفاً من أن تزل لسانك فيحاسبك عليها ..وأذهب أبعد من ذلك وأقول أني أعرف أناس كثيرون من أبناء الجعليين الذين هاجروا وإستقروا في الأبيض وعندما يأتي تعريفهم تجده ينسب نفسه إلي الأبيض وكردفان ويوقل ليك هي المنشأ وهي الأصل انا لا أعرف شي عن شندي !!!! منقـــــــــــــــــــول http://www.sudaneseonline.com/viewtopic.php?t=655&highlight= .. |
*بهذا الفهم ورغم ايمانى بان السؤال عن القبيله فى حد ذاته ليست غاليه لعملية التواصل بل هو وسيلة ما تعارف عليها اهل السودان لمجتمعنا القلبى الشديد.. ايمانى ايضا بانه يمكن الاستفاده من هذا الارث الثقافى فى شى افضل من العلاقات البشريه ببعضها لكن فى نفس الوقت لايمكننا ان نُعدل هذا المفهوم.. لذا مادام هو اصبح واقع مفروض يتفبله البعض والبعض لا.. كوجة نظر منى لااعتقد بان ان الذين يقطنون غربا (الغرابه).. ينقصهم شى من مال ومناطق ملئية بالماء والخضره والمعادن وووووو ولو قلنا بان الامر يتعدى كونه التحدث باللهجات المحليه(التى تسب حرج للكثيرين) هذا ليس فيه شى من الاحراج بقدر ان يكون مفخره.. ففى الشرق لديهم لغه خاصه واهل الجنوب وكذلك الشمال ويفاخرون بها ويسعون الى تطويرها وحتى بالنسبه لشخصى لازلت اعض نواجز الما لاننى لااعرف شيئا عن لغة اجداى من والدتى (النوبه).. اذا هل عقدت الدونيه التى نجح البعض فى زرعها من خلال الشكل التكوينى ؟؟
لانو انا مؤمن بان عملية نظافة الجروح بقدر سخونتها فى النهاية حنصل للجسم السليم. ماذكر فيهو كتير من الحقيقه اذا ما الحل؟؟ هل عملية الزواج او المصاهره هى حل لما يحدث من اشكات بهذا الحجم..؟؟ لااعتقد وهذا مادعنى الى التفكير فى مايتداول من نكات او قفشات او او ...
لدعم النقاش:- ذهان الاضطهاد يتضمن .. الغيره الشديده؛ والشك فى الاخرين واهدافهم؛ وتفسير مايفعله الغير من وجهة نظر شخصيه بحته دون محاولة من صدق النتائج التى يهديه اليه التفكير؛ لايتحمل نقاشا جدالا؛ وتنظم افكاره سلسله منطقية يخدع بها نفسه وغيره كما يمتاز بالميل الشديد للانتقام؛ ايضا يميل صاحبه عادة الى الى المباهاة والمفاخره؛ الجمود والتزمت والحساسية الزائدة رغبته فى الانتقام وحب العظمه وقد يجتاحه موجات من الهياج والاضطراب والغضب والنشوه ممايشبه اعراض التجلى.. ايضا تعتريه حالات من الضيق والكرب والحزن لان هذه الاعراض تتعبر ثانويه للاعراض الاوليه –اعراض الاوهام الفكريه.... ووووو الخ
وفى محاولة للرجوع لمحاولة تفكيك ومعرفة الاسباب ؛ وكما ذُكر سابقا(انا شخصياً أري أن الموضوع لا يتعدي سوي الحديث عن الإتجاهات ولكن عقدة نفسية زرعها الجيل السابق في جيلنا الحالي من أبناء الغرب فأقنعوهم بأنها كلمة إساءة حتي أصبحوا يحاسبوننا عليها بل ويترصدونها لنا !!!! ) كما هى كلمة اهل العوض.. وغيرها من مما يتم داولها فالموضع اكبر من ان يُحصر فى غالب اتجاه معين هذه المكله فى اغلب السودان.. نتيجة للاستعلاءات والمفاهيم الخاطئه.. لذا تناول المورثات فى شكل نكته سلاح ذو حدين .. بتلكم العبارات التى تفريخها وتتداولها دون الانتباه لها من العامه كثير من الاشياء السخنه التى يجب تناولها وطرحها لكى نصل الى حقيقتها لذا ذكرت بان كثير من المورثات لابد من ردايكاليتها.. ساعود لمزيد من لمحاولات نقاش هذه المسئلة ..وكيفية الوصول الى بعض الحلول حشفا وسوء كيل يا ابناء دارفور !
|
..
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: معتز تروتسكى)
|
2
Quote: التعايش السلمى فى الواقع السودانى:- التعايش السلمى تعبير سياسى ظهر بعد نهاية الحرب العالمية الثانيه وظهور الكتلتين الشرقية والغربيه؛ وقد ظهرت فكرة التعايش السلمى داخل المعسكرين ومن خارجهما للدعوة الى تعيش سلمى بينهما لتفادى الحرب الذريه ووو الخ من الكوارث التى سوف تنجم من جراء ذلك.. نجد ان فكرة التعايش السلمى تدخل فى اطار التقدم الذى ينقل المجتمع البشرى من مستوى اعلى من حيث الثقافه والقدرة الانتاجيه والسيطره على الطبيعه من خلال تداخل البشر بينهم ... فى مجتمعنا نجد بان الوضع يختلف قليلا للوضع المقلوب الذى قامت على اساسه الدوله السودانيه وداخل النسيج الاجتماعى .. فعملية العنصريه والاضطهاد هى ليس من اصل تركيب الانسان السودانى فقط بل هى موجوده فى كل النفس البشريه ؛وعملية التميز العرقى كسلوك لن تنتهى ولم تنتهى اذا الا يوجد حل؟ بالتاكيد يوجد حل... تصبح عملية القبول الضمنى للاجناس داخل السودان او العالم الخارجى توقف على المؤثر المُؤثر اى من الذى تُطلق منه والذى يتقلبها.. الذى ينضح بالعبارت العنصريه ويشعر بتميزه على اساس العرقى واصبح كسلوك عام هذا يعبر عن نفسيه مريضه بحته .. اذا ما هو الحد الادنى لوقف هذا السلوك ؟ هل العقاب واقصى حدود العقاب (كالاعدام مثلا) حل مجدى لزوال تلك المفاهيم؟ بالتاكيد لا .. وهذا مايثبت بان هذا السلوك سلوك فطرى كمية التامى فيه تكشف عن نفسيه مريضه فعملية مكافحة التميز غير موجوده فى السودان كسلوك حققيى بل هو سلوك مزعوم ليس الا.. وليس ايضا بالاندماج العرقى (كالزواج ) يزيل هذه المشكله بل هو قمة الكارثه بافتراض ان هناك نوع البشريه وجنس ارقى من حيث النشؤ والتطور.. فلاتبارح العقده مكانها للجانبين.. ويبقى حل من ضمن الحلول الجزئيه اقلاها ان يكون الاحترام متوفر بين الناس والقناعة و عملية اختيار ان لاتكون على اساس عرقى وهذا غير متوفر الان فى الدوله ؛كما ان انه يتوجب قبل الولوج الى هذه المرحله من الاحترام المتبادل يجب على جهاز الدوله ان يكون محايدا ... وان تتم ادانه هذا السلوك عل مستوى الفعل وتدريجيا حتى يتم ادخال واقتران مصطلح (العيب او الخجل) لمن يقم بهذا التميز.. تتطلب عملية معالجة تلك الاشكاليه للوصول الى (التعايش السملى احقيقى) سلوكا وفعلا ..شى من الحيطه والحذر كما يجب مداهمة كل الابواب المغلقه بنوع من النبش الذى لايفتت الجسد.. لان الوضع السودانى ليس بالسؤ الذى كانت عليه دول مثل (الولايات المتحده-جنوب افريقيه).. لكن ايضا لانستطيع ان نقول ان المشكله انتهت فقط مايميز هنا وهناك عملية العداله فى الدوله ولكن تزال عملية التميز بين الانسان العادى لان هذا السلوك سلوك فطرى بحت ملصوق فى النفس البشريه .. يلجا اليه ضعاف النفوس (فنجد عندما يتساوى الجميع فى كل شى من حيث اللون والماده الفكريه والماديه وعندما يتصدم شخصان بتلك الاوصاف يلجا الاقوى الى اقرب شى يميزه عن الاخر ربما يكون شهاده علميه او مال وجاه).. كذلك من متردفات التعايش السلمى نجد (العنصريه المضاده).. وهذا ليس بالسلوب الناجع لحل تلك الازمه بل يزيدها تطورا وتازما.. وتنشا تلك احيانا بفكرة اخذ الحق باليد عن طريق من حركات وثورات ووو الخ.. فالمؤتمرات لن تحل هذا الاشكال .. مايحل هذا الاشكال هو ثورة علمية بعيدا عن الكارزم.. فاكبر المشاكل التى تاتى من هذا الباب هم المتعلمون الذين يستقلون البسطاء لتمرير خطاباتهم.. فبدلا من تجرعهم مر ما تلقوه لكى ينشا من بعدهم على ارضيه شبه نضيفه نجد هذا لايحدث.. فيقوم هؤلاء المتعلمون بتفريغ ايدلوجيتهم ومصالحهم تجاه المواطنين البسطاء بدلا من ضبط النفس وولوج كل الابواب ثم بعدها يكون مايكون... فالعقد الاجتماعى الذى يكون اتفاق يفترض تخلى الناس عن حالة الفوضى ليكونوا المجتمع الذى يعيشون فيه يطلب كثير من التضحيات دون زيف من خلال ثورة اجتماعية.. مشكلة التعايش السلمى داخل الوطن اهم مشكله واكثرها ارقا لكثيرين وكثير جدا من المشاكل تقف عليها.. بعض الضؤ لهذه المشكله فليس باليد الواحد يتم التصفيق ولكن بجمع كل الاكف ليكون التصفيق دون نشاذ.. نخلص إلي أن الهوية لا يمكن بأي حال من الأحوال نتيجة عوامل عرقية ودينية وثقافية يصطفيها المرء من بين مكوناته الشخصية من منظور ذاتي ضيق بل كينونة تولدت عبر التراكم التاريخي عن طريق التمازج و التزاوج بين أهل السودان عبر القرون المختلفة حتى اليوم. أذن الحديث عن دين بعينه أو عرق أو ثقافة كي تفعل فعلها في عملية الهوية لا محل له من الإعراب في الواقع السوداني. و علي السياسيين و المثقفين وصناع القرار التعامل مع هذا الواقع وفق شروطه و معطياته هو كواقع و التعلم من دروس الماضي وأخذ العبر و إدراك أن اللهث وراء الشعارات الجوفاء و العبارات الرنانة و الخطب العصماء و الحماس الزائد و الغرور لا تجدي نفعاً بل أن المتضرر أولاً و المكتوي بنارها صاحبها قبل غيره. و أقول لكل ذو قلب رحيم و ألقى السمع وهو شهيد كفانا حربا وعذابا و تشردا ، و أنه قد آن الأوان لنا كسودانيين أن نعيش كغيرنا من البشر في سلام ووئام و نعمل علي إعادة البسمة إلي أفواه الغلابة و أن السودان و أهله أمانة في الأعناق يجب وضعها في حد قات العيون. معاً من أجل سودان جديد ولابد من حركة رادكاليه لتغير شكل المفاهيم العقيمة التى لاتؤخر ولاتقدم00 ان كنتم ترغبون جميعا00 وحين يغادر الجميع 00 ساملا قلبى بالوطن00 بالصغار بقومة العمال دغش ........الخ
كتمـــــــة ومــــــطر (حميد)
أملي قلبك بالوطن ... بالصُّغارْ قومة العمال دَغَش ... بالنّضارْ المزارعية الغُبُش .. بالجنود الوين تخش ؟؟ في سبيلك كالنهارْ بالمداد الما بيغُش .. بي وتر جاء من الجحيمْ أملي قلبك بالنسيمْ ملِّي بالطير الرطنْ طالما العالم قديم ... ينكسر ريح ... المحنْ خلِّي بالِك مستقيم دغري وإن مال الزمنْ راحل الليل البهيم والبصيرات ما عِمَنْ الظروف الليلي أبن ... روقي لا خوف لا حزنْ باكر التِّقْيات تنورق ... وتنملي الضرعات لبنْ أبقي زي ما هي القماري .. ما بتدور عن سكنْ ببصاره تلد صغاره .. لا مضادات لا حقنْ لا قياصر لا طواريء .. وعمره حسها ما انسجنْ يا هشاب كل الحنين ... كلما طقّاهو همْ لا في آهة ولا أنين ... لا بيروع ليحو دمْ من مرارات السنين .... من عصارات الألمْ بيمرق الشوق الدفين .. بي كعنكيل العشمْ احكي ليك يا طيبة حكوة ذات زمان من ضيق وقسوة وكل يوم من بارحو اسوأ !!! والمراحات قاطي قطْ فجأة في قلب السماء ... غيمة غيمتين .. غيم ربطْ كتمة حتى الطين عِرِقْ والشجر قرّب يَبِقْ إلا يا طيبة الخَلِقْ ... من بدل تفرح تَنِقْ الشِّكايات ...و السّخَطْ .. لا السِّحاب داير يَصُبْ لا الهبوب دارت تَهُبْ نسمة نسمة آ رب نقط من شمالك من جنوبكْ الهبوب يا رب هبوبكْ من شروقك من غروبكْ من تحت من فوق هبوبكْ كتمة كتمة معاها ضيقة نسمة يا رب الخليقة سكت الأطفال دقيقة نبكي خُشّع .. حول في حول ... ظاهر الحال ماهو مخفي ....... وفالنا فيك ما فيهو قول يا المبرِّد والمدفِّي .. نسمة يا رب الفصولْ نسمة كل راس ساعة تكفي ....... نسمة واحدة لألفِ زولْ ينطلي الجو بالَحمَارْ فجأة من حر لي غبارْ الطشاشات الدّوارْ السبابات النِّقارْ نقة الضيق تنطلقْ قلنا فاقت باتت أزحمْ ... الغبار من كتمة أرحمْ ... أرحم الحر البيلحم ... لا ده لا ده ولا فَرِقْ طيبة تمِّي الحكوة قولي الصّبرُ خلقوهو هولي ده الزمن يقسى ويَرِقْ .. وانتي يا كتمه تطولي اليطول بال الخلق .. طَرِّقْ الغنوات يا زولي وتم نشيدك في الحلقْ عدّ فات الريح شَرِقْ من بعد جاب السِّحاب من بعد قشّ التراب ... مشّط القش والشجرْ رجّع الطير للوكرْ ها البرق شال البرق .. الرعد ريحة الدعاش عاش بريق القبلي عاشْ ابشروا بالخير نقطت أي والله المطر !!!
ماشين فى السكه نمد..
حشفا وسوء كيل يا ابناء دارفور !
.. |
..
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: معتز تروتسكى)
|
3
Quote: النعريه كسلوك لاينتهى يا ابنا دافور فلما كل هذا الحشف وسوء كيل يا ابناء دارفور ! اهى عقدة الدونيه ام هى العنصريه المضاده ام ماذا؟؟؟!!!! والذى نفسة بغير جمال لايرى فى الوجود شيئا جميلا..
Quote: Quote: خلق مدرب منتخب اسبانيا لويس اراجونيس مشكلة جديده في سجل مشاكله مع اللاعبين بعد وصفه لمهاجم ارسنا و منتخب اسبانيا بال(غجري). اراجونيس كان يحاول توضيح تعليقاته التي اثارت الغضب عندما وصف المهاجم الفرنسي تييري هنري بأوصاف ناقصة عرقياً ، و يواجه المدرب الان اجراءاً تأديبيا من الاتحاد الاسباني لتصريحه المستفز لانجلترا قبل لقاء منتخبي اسبانيا و انجلترا ، حيث ادان اراجونيس تاريخ انجلترا الاستعماري . و من المنتظر ان يواجه اراجونيس المشاكل الان مرة اخرى بعد وصفه لرييس بالغجري ، و لكن اراجونيس دافع عن نفسه قائلا: " رييس عرقياً غجري ، أنا لدي الكثير من الأصدقاء الغجر و السود ، انا اعتبر نفسي مواطن في هذا العالم و لا اهتم للون بشرتهم ، كل ما فعلته هو أنني قلت له ان الغجري افضل من الأسود" وواصل اراجونيس حديثه لصحيفة الموندو قائلا: " اشعر و كأنني ضحية قتل ، كل ما فعلته هو تحفيز رييس في مقارنته مع هنري و أن اجعله يعتقد انه الأفضل ، أنا لم أستعمل التعبير(أسود) بأي معنى عنصري ، لن أنسى هذا الحادث ، كل اقسام الرياضة في الصحف الرياضية اعدمتني و انا لن أنسى ذلك خصوصاً أن عائلتي عاشت وقتاً مزعجاً لهذا السبب " المدرب المخضرم متأكد من انه سيواجه ادانة واسعة من الممكن ان تهدد موقعه كمدرب لمنتخب اسبانيا . |
اين انتم من وحلم العالم ناس تنسالم .. والبني آدم صافي النية |
4
Quote: عملية تذويب الفورارق بيت الطبقات:- مادامت هناك طبقات فى المجتمع فانه تكون الفوراق بين هذه الطبقات . وهذه الفوارق الطبيقيه اما اقتصاديه او سياسيه او فكريه او او.. من الناحية الواقيعه لايمكن القاء جميع هذه الفوارق الطبقية بقرار بين يوم وليلة ؛وانما يتم تذوبيها هذه الفوارق من خلال عملية تارريسخة شاملة.. وهذا ما عنيته بان الموضع بقدر سهولته بقدر مايكون صعب فقط عامل الزمن والحكمه هما الفيصل لكن امكانية ازلالة تلك الفوارق لايمنك يا ابنا درافور .. وحتى لايختلط المعنى لك ابناء دارفور بالتاكيد هذا البوست لغرض معين ولاشخاص بيعينهم.. فعذرا ان التبس على البعض صيغة الجمع..
وماشين فى السكة نمد... |
حشفا وسوء كيل يا ابناء دارفور !
..
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: معتز تروتسكى)
|
العزيز تروتكسي
تحايا عطرة.
للتوضيح و الاضافة : النسب الجهوي السوداني ليست لديها مردود عنصري إلا في حال تناولها في سياق خصص لذلك.و هي تكاد تكون مقاربة للفظ الماني .
المصطلحات العنصرية الواضحة : و هي ذات الدلالة العنصرية المؤدجلة كلفظ نازي، و تقاربها في السوداني لفظ جنجويد و جلابي( في ظل بعض السياقات).
اما المسألة الاخري المرتبطة بها في مصطلحي Egocentrism,Ethnocentrism فهي بحاجة للتعريف المعرفي الذي يمكنني ان ادلي به لاحقا.
دمت شامخا شموخ سميك.
انور
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
الاخ الغرابي محمدين ايدام
Quote: ياخى الحصل حصل .. واذا ما مقتنع نقول ليك .. فى مشكلة حقيقية سواء عبر عنهاهؤلاء فى المنبر او اولئك فى الميدان..وعجلة التأريخ السودانى الحديث الداير تنومنا بيها دى ان لم تكن ستتدهسنا بها كغرابة ( لن تعود الى الوراء).. |
يا اخوي انا ما داير انومك بي حاجة و لاداير ادهسك داير بس اطلع من جنزير دبابتك الما بفرز مواطن شمالي من رئيس حكومة شمالي..
Quote: نعم بالصوت العالى هناك مشكلة والانظمة الحاكمة المتعاقبة اخطأت ولم تقدر لا دارفور ولا كردفان ولا شرق السودان ولا ريف السودان كله حق قدره .. كان الحكام يأتون من ذات الأماكن او تنحدر اصولهم عنها ..وعندما يصبحون فى الحكم ينسون القضية ..فضلا عن الحكام من غير هذه المناطق الذين لم يضيرهم شىء ان الريف تحضر ام لا ولذلك اصبح من حق الدارفوريين ان يعبروا ويطالبوا ويشجبوا ويدينوا كل اخطاء السياسة وخطيئات الناس الياهم |
بس لو اتفقنا انو من ضمن الانظمة الحاكمة دي كان في ابناء الغرب برضو (محمد الامين خليفة - ابراهيم نايل ايدام - علي الحاج) كمثال ما اتخيل لي ديل دناقلة ولا شوايقة وهم برضو ما قدرو دارفور ولا كردفان ولا شرق ولا شمال.. يبقي اعتقونا من نظرية الاستعلاء والتهميش المدخلينا فينا دي كمواطنين.. ودي ظاهرة اكتر في كلامك التحتو خط
Quote: ومن حقهم كذلك ان يقاطعوا المنبر احتجاجا على العنصرية الزائدة ..ومن حقهم ان ..وان..وان يناقشوا الأبعاد الفكرية والأيديولوجية والنفسية التى شكلت لفظة وصورة ابن الغرب فى ذهنية الجلابى .. ذلك الرجل المتحضر والمرأة (........) زى ما قال منعم سليمان ..والله ليه حق ..ومليون حق! |
بس ما عارف محمد سليمان دا قال شنو؟؟ يا ريت لو توريني عشان اقدر افهم كلامك... اما مقاطعتكم للمنبر لاجل العنصرية الزائدة .. ف دا كان هدف البوست دا عشان نوجد تعريف مناسب لمفردة عنصرية .. بعد دا نشوفها زايدة ولا ناقصة
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
محمد سليمان.. اذا دا كان ردك علي الاسئلة الفي البورد دا فاسمح لي انو اقول ليك انك جاهل وحاقد وعنصري... جاهل: لانك اصلا ما بتعرفني قبل كدا عشان تجمعني مع السرقو البترول في صف واحد ودا في حد زاتو جبن وتكاسل عن البحث عن حقيقة من سرقوك وقتلوك وبتحاول تتكي بس علي انو كلهم.. ودا كلام ما بجي وحاقد: لانك ما داير تقتنع انو في ناس شماليين ممكن يكون ما عندهم ذنب في العملتو الحكومات وداير تاخدهم بي جريرة الجكومات كلها... ولو ادوك كبريت بتولع فيهم كلم بنفس المنطق بتاع النقطة السابقة وعنصري: لانك اول ما عرفت انو انا شمالي ما اديت نفسك فرصة حتي تعرف انو انا شايت علي وين... شمالي = جلابي = حكومة = الناس مظلومه = حريقة فيهم
| |
|
|
|
|
|
|
Re: د.بشار، محمدين م اسحق ، بقال ... وجميع الغرابة الفي المنبر (Re: Ahmed Mohammed Osman)
|
محمد سليمان ازيك المهمشين ديل زى منو يعنى ؟ شايفك مرة قلت على الحاج مهمش عليك الله فى استهبال و استعباط اكتر من كدة ؟ خليك من اى حاجة .. فى ذمتك دى كرش مهمشين ؟ ولا المهمشين عندكم ساكنين قصور ؟ بعدين شايفك الايام دى رابط كفاحك مع الجنوبيين و شغالين اخر دهنسة و كسير تلج .. لو كان التاريخ يمحى بهذه السذاجة يا محمد سليمان .. لتغير كله . اها عاد اركز .. الجماعة ديل قطع شك بلاقوك فى لاهاى .انت و خليل (معليش سحبنا دكتور المرة دى .. شايف الشهادات ذاتها بقت ضاربة ) بعدين انت البخليك تقدم للوظيفة شنو عشان يسالوك من قبيلتك ؟ ما كان توسط اى واحد من غرابة الشعبى يشغلك محل ما داير .. و لا كان تنعصر على واحد من مليونيرات الزغاوة المالين الخرطوم .. يمسكك شغل فى عفراء ولا سد مروى حاجة غريبة ياخى
| |
|
|
|
|
|
|
|