|
Re: دى كديستكم....؟؟؟! (Re: mekki)
|
مكى سلامات يا رجل الناس بتعمل ساتر لما تشوف بوست منك, خلى عنوانو يكون كدة، البوست الفات كان ممتع وكنت عاوز اجادعك فيهو لكن راحت فى الركب. اها نجى لى كديستكم دى، اتخيل لى لو التيمين كانو كدايس و لا فيران و صارقيل صدقنى حيلعبو احسن من الجنائز المسماة لعيبة فى السودان ديل، اخر كورة حضرتها كانت سودان/نيجيريا تصفيات كاس العالم الفات وبعد ما ضللنى واحد صاحبنا هنا بانو ده تيم تمام واولاد لعابين والكلام اياه، بعد الماتش قلت لصاحبى ده انو اذا حريص على صداقتنا وعلى صحتى تانى ما يجيب لى سيرة كورة سودانية، و هو التزم لكن تاثرت علاقتنا بفعل تلك الازمة. معانا زول تانى قال ليه اكتر من 15 سنة ما شاهد لا كورة سودانية لا افريقية لا اسيوية لا عربية عدا الفرق البتصل كاس العالم بكون مجبور، وعندو نظرية انو لما تتفرج فى كاس العالم وكاس الامم الاوروبية و ابطال الكؤوس و الدورى الايطالى والاسبانى والانجليزى والهولندى و بعد ده تجى تتفرج كورة سودانية زى الواحد الاكل فى مطعم خمسة نجوم فى باريس و جا اكل تحلية "خراء".....
بس ارحمونا من غاغتكم انت وتمبس والا حنطالب تخفس بكم الارض حفاظا على صحتنا البدنية والنفسية و الكديسة ما حقتنا انحنا
تحايا و اعزاز
|
|
|
|
|
|