|
|
|
 Re: نادية.. منصور.. ود عقيد.. بخاري.. ود رملية.. نصار.. نوبي.. صديق.. (هذا كتابي) (Re: A.Razek Althalib)
|
الأخ/ نشأت ، تحية وأحترام
يااخى جزاك الله الف خير شلت من صدرى عناء كبير جدا.
أولا صراحة انا جاى من(ألأوف لاين) عشان (أطلع معاك الخلاء) عديييل لأنك شملتنا كلنا وبدون فرز.
الشئ التانى انت كنت مدور فى امرأة وهى دكتورة بيان وانا جنى وجن الزول البواصل دواس مع أمراة مهما غلطت.
والجماعة ديل ود الشيخ ود بيان رغم أختلافاتنا وتوجهتنا الفكريه لكن شايلنى فوق راسهم حقيقة، وبيننا كثير من الأحترام.
لكن صراحة جيت لقيتك رغم أى شئ بتكتب كلامك بى شعر جميل، وانا الزول كان غلطان ومكرب شغلتو بحترمو، جنى وجن الزول الجائط الأمور ساكت.
فهسه أنت ريحتنى بى تصرفك ده وما فى شئ اقول ليك غير كتر خيرك، رغم انى ما بحب أدخل فى بوستات ذى دى.
| |
 
|
|
|
|
|
|
|
 Re: نادية.. منصور.. ود عقيد.. بخاري.. ود رملية.. نصار.. نوبي.. صديق.. (هذا كتابي) (Re: نادية عثمان)
|
نشات ود الأمام بالشعر الجميل أشجينا
من قولة فلان قال وفلان سوا خلينا
أهلنا من زمان نكروها لينا الشينة
وأياكا من تالهم نحن في رجاك تهدينا
ناس الأوف حبايبنا وزملاء عزاز علينا
غلطاتم بترجع كان قصر الزمن وحيينا
وليك عليّ تشوف خوتهم حلوة وزينة
ود الشيخ وبيان ووليد وعمرنا هسع يجينا
شكراً كتير ليك الشكر كيمان
وأياهو الغضب البولد الأحزان
من الشهر الفضيل الأكرم الأنسان
تجيك دعواتنابالتوفيق وتفارق الأشجان
| |
|
|
|
|
|
|
|
|
|
Re: نادية.. منصور.. ود عقيد.. بخاري.. ود رملية.. نصار.. نوبي.. صديق.. (هذا كتابي) (Re: نادية عثمان)
|
جزاك الله كل خير اخى نشأت
فالمسلم من سلم المسلمون من لسانه ويده
بِسْمِ اللّهِ الرَّحْمَنِ الرَّحِيمِ
قَدْ أَفْلَحَ الْمُؤْمِنُونَ (1)
الَّذِينَ هُمْ فِي صَلَاتِهِمْ خَاشِعُونَ (2)
وَالَّذِينَ هُمْ عَنِ اللَّغْوِ مُعْرِضُونَ (3)
وَالَّذِينَ هُمْ لِلزَّكَاةِ فَاعِلُونَ (4)
وَالَّذِينَ هُمْ لِفُرُوجِهِمْ حَافِظُونَ (5)
إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ (6)
فَمَنِ ابْتَغَى وَرَاء ذَلِكَ فَأُوْلَئِكَ هُمُ الْعَادُونَ (7)
وَالَّذِينَ هُمْ لِأَمَانَاتِهِمْ وَعَهْدِهِمْ رَاعُونَ (
وَالَّذِينَ هُمْ عَلَى صَلَوَاتِهِمْ يُحَافِظُونَ (9)
أُوْلَئِكَ هُمُ الْوَارِثُونَ (10)
الَّذِينَ يَرِثُونَ الْفِرْدَوْسَ هُمْ فِيهَا خَالِدُونَ (11)
سوره المؤمنون
وفى امان الله
لا اله ا الله
| |
|
|
|
|
|
|
|
|
|
Re: نادية.. منصور.. ود عقيد.. بخاري.. ود رملية.. نصار.. نوبي.. صديق.. (هذا كتابي) (Re: munswor almophtah)
|
الأخ العزيز جدا نشأت الامام
تحياتي ,,الحمد لله الذي هداك للصلح والحمد لله الذي هداك للصفح..في هذا الشهر الكريم
أخي لقد عرفتك أصيلا نبيلا ..ولقد عرفتك كريما لذلك وقفت الى جانبك في المرة السابقة وأحررت لك مقالي ونوالي ..وكما يقولون "على حس الغنيمة رهنت وإدينت"
أما وقد تعافيتم الآن فلا نملك نحن الا ان نقول لكم وفقكم الله..كما أعتذر أنا عن بعض مما ورد مني في حق الأخوة بالأوف لاين..
وشكرا نشأت فقد أحييت سنة حسنة في يهذا الشهر الكريم..وقد كنت سباقا
,,,,,,,,,,,,,,,,,
وعفا الله عما سلف
| |
|
|
|
|
|
|
|
|
|
Re: نادية.. منصور.. ود عقيد.. بخاري.. ود رملية.. نصار.. نوبي.. صديق.. (هذا كتابي) (Re: kamalabas)
|
سلامات
وعوافي
اخي الذي في دمي ..
نشات .. (تفسح) ياحبيب في براح الروح فما فتأت مواقفك تشتري لك في نفسي (علب)الود اللطيف ..
عرفتك وقضينا اخصب فترات العمر معا .. كنت ذلك الجميل الهميم (اخو الاخوان) ...وساظل اعتز بصداقتك لما رايته فيك من كريم الخصال ... الرجل الذي (داس) علي احلامه من اجل الاخرين والصديق النبيل الهاش الباش الطيب القلب..
واليوم لم يخب ظني فيك يا نشات ولن يخب ..
فتقبل ياصديقي الذي احب وسيم معزتي وجليل احترامي لك ..
وللزملاء الذين اختلفت معهم كثير احترامي ومودتي لهم واتمني ان تصفو الاجواء بينكم جميعا ..
ثم تخريمة:
د.بيان هل هي د. نجاة الاستاذة الجامعية في ماليزيا؟
ان كانت هي فوالله يانشات هذه الانسان برغم اختلافي معها في طريقة ادارتها لخلافتها مع الاخر (اي خلاف) الا انها زولة صنديدة وبتقول الفي قلبا طوالي ومابتغتغت كلاما وهذا والله لن تجده في غيرهاوفوق ذلك هي صاحبة مواقف مشهودة في هذا المنبر ..
ومن هنا ابلغها شديد سلامي واشواقي وانشاء الله يا د.بيان تكوني والعيال وابوهم في اتم الصحة والعافية وابقي اطرينا شوية ...
علي العموم ياسيدي شكرا كونك منحت نظرتي لك بعدا اضافيا ولونا براقا يمازج الوانك البهية المنتشرة في اركان الروح والقلب ..
كن بخير ياحبيبي العزيز ..
| |
|
|
|
|
|
|
| |
nashaat elemam
وليد محمد المبارك
سجيمان
A.Razek Althalib
saif massad ali
Sidig Rahama Elnour
bint_alahfad
فيصل نوبي
munswor almophtah
بخاري بشير
Marouf Sanad
عبد الله عقيد
نصار
حسن البشاري
kamalabas
ودرملية
فيس بوك
تويتر
انستقرام
يوتيوب
بنتيريست