|
الفطور الجماعي لبورداب الخرطوم
|
رمضان كريم.. وتصوموا وتفطروا علي خير.. والسنه الجاية شنو كدا ما عارف.. يا ناس الخرطوم ما تخجلوا.. يا ناس ما تتلموا يوم في فطور مع بعض.. اقلاها نتبادل التحايا والامنيات الجميلة لبعضينا.. وكمان نعرف المنتسبين الجدد.. يلا الباب مفتوح للمبادرات.. ايييييييي الفطور حا يكون في(مبادرة).. والفطور حايكون يوم (مبادرة).. الناس حا تفطر بي (مبادرة).. وشنو .. شنو.. شنو..
مع أكيد حبي وتقديري،،
عادل فايت
|
|
|
|
|
|
|
|
Re: الفطور الجماعي لبورداب الخرطوم (Re: أحمد الشايقي)
|
يا عادل إنت بالمناسبة ما عندك شغله تقضاها ،، بورداب الخرطوم ديل دورهم ميت إنت الوحيد ومعاك نجود ختو صينيتكم في شارع الظلط للغاشي والماشي وأنا من على البعد بشاطركم ،، قال بورداب الخرطوم قال ،، لو فيهم رقشة خليهم يتفاعلوا مع دعوتك لكن أجزم ولا واحد ما راح يعبرك .
| |
|
|
|
|
|
|
Re: الفطور الجماعي لبورداب الخرطوم (Re: أحمد الشايقي)
|
يا الشايقي .. كيفنك ورمضان كريم .. تصوم وتفطر علي خير
Quote: تصوموا وتفطروا على خير وتحياتي لبورداب الخرطوم اللطفاء جميعاً |
وشكرا ليك .. وان شاء الله بورداب الخرطوم يتلموا عشان نبلغهم تحياتك
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
ياعادل فايت ........
اول حاجة .... انت ما صايم لييييييييه ؟؟؟
بعدين ذى ما قال ملاسى قبل كدا نحن استنفدنا
كل تراخيص الخروج المقرره لنا هذا العام!!!!!!
اقول ليك حاجه نخليها جلسه رمضانيه بعد الفطور
لانو نادر قال ح يجيب كل المرطبات
والملك قال عليهو الشاى
ملاسى اذا قدر يستصدر رخصة فوق العاده
كالعاده عليه الكاميرا .......
ومنال محمد على بت الحركة الشعبيه !!!!!1
قااااعدة فى الخرطوم كل يوم تقول عايزه
تقابل الناس ....... اها عاد شوفو دى ح
تجيب شنو ؟؟؟؟؟؟؟؟؟؟
| |
|
|
|
|
|
|
Re: الفطور الجماعي لبورداب الخرطوم (Re: هميمة)
|
هميمه .. الهميممة رمضان كريم وتصومي وتفطري علي خير وان شاء الله السنه الجايه شنو كدا ما عارف..
Quote: اقول ليك حاجه نخليها جلسه رمضانيه بعد الفطور |
برضو كلام عقل .. المهم الناس تتلملم وتعرف خبر بعض وتتبادل التحايا والامنيات وتعرف الوافد الجديد .. لانو نادر قال ح يجيب كل المرطبات
Quote: والملك قال عليهو الشاى ملاسى اذا قدر يستصدر رخصة فوق العاده كالعاده عليه الكاميرا ....... ومنال محمد على بت الحركة الشعبيه !!!!!1 قااااعدة فى الخرطوم كل يوم تقول عايزه تقابل الناس ....... اها عاد شوفو دى ح |
ولانك انت هميمه وشكلك بتعرفي تفاصيل الناس أكتر مننا.. فرجاءا ان تتولي القصة دي وممكن يكون معاك سامي عبد الوهاب وآخرون وعلي أي حال أنا تلفوني 0912949692 للتنسيق
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
Quote: إنت بالمناسبة ما عندك شغله تقضاها ،، بورداب الخرطوم ديل دورهم ميت إنت الوحيد ومعاك نجود ختو صينيتكم في شارع الظلط للغاشي والماشي وأنا من على البعد بشاطركم ،، قال بورداب الخرطوم قال ،، لو فيهم رقشة خليهم يتفاعلوا مع دعوتك لكن أجزم ولا واحد ما راح يعبرك . |
أها يا ناس الخرطوم شوفو الاستفزاز دا حدوا وين .. ابو شيبه دا جا من الامارات عدا ليه اسبوعين طلع بي الانطباع دا .. يلا يا جماعة سو ليكم همه
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
عادل .... ....
صديقى
ازيك ورمضان كريم وكل عام وانت بخير
ما تتضايق بالجد الناس دى احتمال حست انو اتلاقت كتير (واستنفذوا كل التراخيص)
انا عن شخصى ما عندى مانع
بس الناس دى
محتاجة لى تحديد زمن (يعنى انت سيد الفكرة تحدد زمن ويستحب انو يكون فى اواخر الشهر
حتى يتسنى للكل المعرفة .....والزمن ........)
وتانى تعلنها فى البورد وبس ..... .....
لكن لو برايت الاقتراحات أسالنى انا أخيرا مودتى
| |
|
|
|
|
|
|
Re: الفطور الجماعي لبورداب الخرطوم (Re: محمد امين مبروك)
|
الملك .. وليد.. محمد الامين.. ايزابيلا .. كل الناس الحلوة إزيكم .. ورمضان كريم وتصوموا وتفطوروا علي خير.. واشاء الله السنه تعملوا الجايه شنو كدا ما عارف..
Quote: الفكره شكلها جابت حقها.. وبقي عندها رواد والله دا كلام جميل |
يلا فالنبدأ مناقشة التفاصيل
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: عبير خيرى)
|
البوست ده فيهو حركة جندر يا ربي مقصودة ولا جات كده
سلامات ناس عبير كل سنه وانت بخير
Quote: الجمعه يوم مناسب المكان اي مكان مناسب لكل الناس لظروف الموصلات ومتروك الخيار للبنات( سامعه يا هميمه) انا افضل حدائق الهلتون جوار الجبنه لانه محل مناسب للموصلات |
| |
|
|
|
|
|
|
Re: الفطور الجماعي لبورداب الخرطوم (Re: عبير خيرى)
|
يا عبير خيري كيفنك.. رمضان كريم .. والسنة الجاية انشاء الله شنو كدا ماعارف..
Quote: البوست ده فيهو حركة جندر يا ربي مقصودة ولا جات كده ؟ |
يا بت جندر شنو وبندر شنو انو أي حاجة عاوزين تعملوا منها قصة يا عبير؟ ثم تانياً انت هميمة دي ما عاجباك ولا شنو؟ هوي يا ناس بره بطلوا حركاتكم دي
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
.. . فطور يكون دجانجو وفى منتزة الرياض ..
ادفعوا شيرنغ ونلقط العصاير والمأكولات فى خطفة رجل عدا الشاي والقهوة .. لكن مسالة جيب عمود وشيل عصيدة وما تنسي ام جنقر .. دى صعبة ..
اقتراح تبلدى ...
تصوموا وتفطروا على خير .. موبايلي اتسرق يا حلوووين من يومين بتصل بناذر او الملك او عبير
سلام
| |
|
|
|
|
|
|
Re: الفطور الجماعي لبورداب الخرطوم (Re: Tabaldina)
|
أخوي Tabaldina .. كيفنك ورمضان كريم
Quote: فطور يكون دجانجو وفى منتزة الرياض ..
ادفعوا شيرنغ ونلقط العصاير والمأكولات فى خطفة رجل عدا الشاي والقهوة .. لكن مسالة جيب عمود وشيل عصيدة وما تنسي ام جنقر .. دى صعبة .. |
عليك الله بطل الهظار.. وخليك قدر القضية..
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
عادل فايت دعني احدثك عن افطار قبل سنين زمن البورد بورد قبل مايخلطوه بالفانتا والفيتا كان الحضور رائعا متالقا... تماضر شيخ الدين (امريكانية تفترش البرش بمنتزه الرياض) وفي المصلاية المقابلة لها جلس هاشم ودالمك والقدال... ودالديم ودالعجمي وشباب من المانيا للمنتزه بامسيكا فيصل 44 ودسلفاب وجمع فوق العادة كانت كذلك تلك الامسية الرائعة مازلت اذكرها........ .....كسرة.... حددو الزمان والمكان
| |
|
|
|
|
|
|
Re: الفطور الجماعي لبورداب الخرطوم (Re: شمهروش)
|
شمهروش .. كيفنك.. يا زول من الزمن السمح ازييييييييك.. رمضان كريم وإن شاء الله السنة الجايه تعمل شنو كدا ما عارف.. شكرا ليك وانت بتعكس شكل الافطار كيف وان شاء الله الكلام دا يستفز ناس فيتا وناس فانتا..
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
وعشان نكون جادين.. ولتلخيص البوست... وعشان الفكرة تنجض.. نقول الاقتراحات دي: 1- اقتراح بيقول مسألة تلاقي الناس في وجبة فطور رمضان فيها صعوبة، وعلية يمكن ان يكون التلاقي بعد الفطور.. وفي الحته دي أنا بقترح ان يكون اليوم هو يوم الجمعة الموافق 18/ رمضان، عند الساعة الثامنة مساء، بحدائق الرياض، جوار شنو كدا ما عارف.. 2- اقتراح بيقول يكون التلاقي لحظة وجبة الافطار.. وهنا برضو أنا بقترح أن يكون الافطار يوم الجمعة وبنفس التفاصيل السابقة.
مع أكيد حبي وتقديري،،،
عادل فايت
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
والله ياعادل كلامك سمح ودى حاجه كويسة انو الناس تتعارف مع بعضها بس المشكلة فى الزينا البكونو ساكنين اخر الدنيا بعد الفطور يصلو كيف
انا مأييده كلامك بس لو ماجيت اعزرنى برسل ليك صحن قراصة بى تقلية
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
يا ود يا عادل
لسه محلك سر ؟؟؟؟؟
الجمعة دى ذكرتنى واحد لافىىىى بسال يا خوانا وين حدايق 6 ابريل ؟؟
وين حدايق 6 ابريل ؟؟؟ قابلو مسطول قال ليه لكن ما قالو ليك سنة كم ؟؟
اها يا فايت كلام رجال ( شايفه ان اتحسبت من العزابه ) !!!
يوم الجمعة الجايه مناسب .......
الساعة 8 مساءا ... نشرب بيبسى وبزيانوس ومويه من هناك !!!
اى واحد يجى خفيف ...
بس يا ريت لو ناذر يجى شايل العود عشان يكفينا شر مناقشة
مواضييع البورد .....
| |
|
|
|
|
|
|
Re: الفطور الجماعي لبورداب الخرطوم (Re: ADIL FAIT)
|
.. .
Quote: وعشان نكون جادين.. ولتلخيص البوست... وعشان الفكرة تنجض.. نقول الاقتراحات دي: 1- اقتراح بيقول مسألة تلاقي الناس في وجبة فطور رمضان فيها صعوبة، وعلية يمكن ان يكون التلاقي بعد الفطور.. وفي الحته دي أنا بقترح ان يكون اليوم هو يوم الجمعة الموافق 18/ رمضان، عند الساعة الثامنة مساء، بحدائق الرياض، جوار شنو كدا ما عارف.. 2- اقتراح بيقول يكون التلاقي لحظة وجبة الافطار.. وهنا برضو أنا بقترح أن يكون الافطار يوم الجمعة وبنفس التفاصيل السابقة.
مع أكيد حبي وتقديري،،،
عادل فايت |
سلام يا عادل ،،، انا والله يا اخوي جادي ودا ما كلام هظار .. فطور ديجانغو ( معليش للمصطلح الجامعي ) .. يعنى الماكولات والمشروبات ما من البيوت نتشترى المأكولات وسلطات الخضار والفواكه من دليشوش / مؤمن / الجواد / هافانا ..(سندوتشات/سامبكسة/بيتزا* الخ (مجموعة محددة) المشروبات من غازية او مياه او عصائر من اقرب سوبر ماركت قرب المنتزه ( سعودى مثلاً) ( مجموعة محددة) الفرشات والسجادات .. الخ ( مجموعتين بيكونوا فى ضهرية العربات ) الشاى والقهوة .. تحضر من البيوت وبرضو من طرفين اوأربعة والناس تتلاقي الساعة 6:15 قبل الافطار بربع ساعة.. بمنتزه الرياض البوابة الشرقية مثلاً الشيرنغ يحدد هنا ويجمع من اقرب الاشخاص ومن يستطيع يكمل ويستلم حقو ناشف فى المنتزه.
دراسة جدوى سبق ان نفذت خلال يومين من مجموعتنا كلفت الفرد 15 الف لعدد 15 شخص والاكل لمن فضل ودفق .. اقتراحك رقم (1) مستحيل لانو الناس بعد ما تفطر ما بالسهولة تقدر تجي وتصلكم بعد الساعة 10 بعد التراويح عشان يلموا فى بعض بعد ساعة ويرجعوا الساعة 12 ليلا والجمعة مرفوضة مع دوام السبت الساعة 9 دا لينا ولا اعلم عن ناس 7:30 الاقتراح التاني نقاطه ذكرتها ..
وووبس،،،
| |
|
|
|
|
|
|
|