|
|
 كسير تلج لي ناديه عثمان
|
منذ اليوم الاول الذي رايتك تبحثين عني في البورد
بدات افكر كيف لي ان اوفيكي حقك
حروفي تتجمع و تتلاصق ثم تفترق مجددا
و تقول بصوت مرتفع هذا لا يكفي
اعود مره اخري لاضمها فتبتعد و تقول لا يكفي
مددت يدي الي السماء محاولا صيد النجوم
لاهديكي اياها تباعدت النجوم خجلا
وقالت لا نقوي علي القمر
امسكت كأسي و حاولت ان اشربه
حتي ما بداخله تراجع
متعللا اني لم اوفيكي حقك
فهل لكي ان تقولي لي رضيت عنك لتعود الراحه لاجوائي ؟
اضناني البحث في القواميس لاجد ما اهديكي اياه
فهل لكي ان تقولي لي رضيت لتعود الراحه لاجوائي ؟
صنفره:
اوعك تركبيني حصين العصور الوسطي ديييييييييييك
شايف الركبو كلهم اتفنقلو 
|
|
 
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
هوى يا جنا انت
الكلام الكبار كبار ده جبتو من وين؟
انت كنت بتقرا من ورانا يا ولد و لا شنو؟
و الله كمان أسع حتخرب لينا سمعتنا
و حيقول الناس ديل بقوا مثقفاتيه
هووووووى يا نوبى سمعتنا و بنات حلتنا أووووووعك
ناصر البطل
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
البوست دا صااااااااااااقط كدة ما لو
الواحد تاني بلبس سيوتر ويجي ولا شنو يعني !!!!
بعدين تعال هنا يا روميو !!!!
إنتا صدقتا روحك ولا شنو كمان داير تغير تخصصك !!!
والكلاك السمح دا إتعلمتو وين !!!!!!
صنفرة :
أنا وناصر ما بنلقى لينا ربع لوح كدة يا روميو
ما برضو عملنا بوستات ورفعناها 
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
Quote: البوست دا صااااااااااااقط كدة ما لو
الواحد تاني بلبس سيوتر ويجي ولا شنو يعني !!!! |
ناذر عليك الله في سخان اكتر من كده ؟
ما شايف الدموع اللؤلؤ دي؟ 
Quote: بعدين تعال هنا يا روميو !!!!
إنتا صدقتا روحك ولا شنو كمان داير تغير تخصصك !!!
والكلاك السمح دا إتعلمتو وين !!!!!! |
في التابوت الرابع 
| Quote: أنا وناصر ما بنلقى لينا ربع لوح كدة يا روميو |
داير اجيب بوست السفه داك لكن ما لاقيو 
صنفره
| Quote: ما برضو عملنا بوستات ورفعناها |
بس خايف اتفنقل
| |
|
|
|
|
|
|
|
|
 Re: كسير تلج لي ناديه عثمان (Re: فيصل نوبي)
|
فيصل نوبى
امانة تلجك ما بتاع فنادق خمس نجوم ودقاق
وعبرك احى الزميلة نادية فهى اهلن لكل جميل... انداحت فى المنبر العام فكانت نجمته عبر العيد من البوستات بقلمها الذى يبحث عن الحقيقة فى بلاط السلطة الرابعة
ولا ننسى اجتماعيتهاالتى تكسب البرود مذاقا خاصا ونكهة ندووية
ولك احترامى
تحياتى
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
بلدي يا حبوب
مشكور علي الطله
Quote: انداحت فى المنبر العام فكانت نجمته عبر العيد من البوستات بقلمها الذى يبحث عن الحقيقة فى بلاط السلطة الرابعة
ولا ننسى اجتماعيتهاالتى تكسب البرود مذاقا خاصا ونكهة ندووية |
ده كثير تلج منافس ولا شنو 
صنفره
كدي نشوف ردود الفعل 
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
يا فيصل كامل
ولا
نور نوبي
انا جيت اكسر معاك التلج لندوية عشان تستاهل الكسير
كسير التلج طبعاً مش اي كسير
وكمان ما بنسى ليها انها في يوم كسرت معاي تلجي
وانا كنت قلت ليها يوم تلجك ما يجي واهو دا جاء .. لووووووول
بس بخلي ليها خمار تلج لليوم العالمي لتكسير التلج .. في المنبر
صنفــرة خفيفة يا نوبي،،،
انت ليك حصان طروادة بتاع ناذر خليفة النزلوه منو .. لووووووول
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
الوليد
هلا سمحت لي بقول الاخ العزيز ؟
| Quote: انت ليك حصان طروادة بتاع ناذر خليفة النزلوه منو .. لووووووول |
اذا امتطيته و ناديه تمسك بيدي فلها كل الثقه
سامتطيه مغمض العينين و الي اين تقودني لن اذهب
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
الشوق بحر
دَفَق شوقي البحر يا زول .. كِبِر واتعاظم الإحساس
كلامك لَيْ حلاة القول .. حروف يتغنُّوا بيها الناس
ده ريد اتجاوز المعقول .. واصبح في حياتي أساس
* * * *
لقيت فيك الحنان والريد .. والحِنِّيَّة من غير حد
بحبَّك همس ولمسة إيد .. بحر الشوق كتير المَد
هلاَّ الحب صباح العيد .. بريدك في الهِزَار والجد
* * * *
تعال ما تضيِّع الأيام .. بدورك مني دِيمَة قريب
بعيشك واقع الأحلام .. واضُمَّك في الحنايا حبيب
كفاية عليك شقا وآلام .. معاي تَلْقِى السعادة نصيب
| |
|
|
|
|
|
|
|
|
|
Re: كسير تلج لي ناديه عثمان (Re: نادية عثمان)
|
السبب الحمانى العيد هناك احضروا
درديق الشبيكى البنتو فى سدروا
.. بخاف اسال عليك الناس
وسر الريدة بينا يضيع
واخاف اكتر كمان ياغالى من ايديا انت تضيع \
واعيش بعدك حياتى عذاب
والله .. خلق وطلق
ودا الجننا جننى .. وخلانى اغنى خلانى .. ويعيش ابو عبيدة حسن .. وفريق هلال السودان .. والنجمة ام ضنب .. وانا كان مت اتكسر حتة حتة .. والشافو خلوا .. والداير يكوع فى التلج ببرد .. وقام .. سافر .. تاه .. وانا اخوك يا ام ضمير .. وقالو الدود قرقر حبس الدرب .. اها دا تلج .. ولا علج .. نكسر .. ولا ندفق .. الروب فى والحياة مليانة بى شوارع االظلط .. ادخل عشان تعرف الصاح من الغلط
شاك
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
ندويه
تمرغت في كلماتك كقطرات الندي علي ورد الياسمين
اذابتني و عذبتني و اسعدتني و رأيت كل العناوين
صارت ايامي تفتقد طلتك الصبوحه و حروفك نغم عيون
***** ***** ***** ***** *****
طلتك البهيه تسعد يومي و صباحي يبقي ليل مجنون
بشوف القمر في عز الصباح لما المح حرفك المفتون
***** ***** ***** ***** *****
تنزل مني دمعه و اغالب روحي في ريدك وقليبي يعشق
و دمي في العروق يرفض غير يتغني بي حبك و يعشق
يعشق ست الحروف عقد لولوي منضوم بورود تعبق
تهريجه:
ناديه هوي ، الحصين دي ما بقدر عليها خلي بالك مني ما اقع اتكسر ده لو ما اتكسرت لي هسي 
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
ندويه
ابت عيوني النوم
افتش طلتك البهيه
وقليبي متلهف
لي كلمه طيبه منك
عاد اسوي شنو ؟
يا ام البنيه ؟
البنيه دي
غير ما زادتك شباب
ما سوت شيْء
اها العيون دي اسوي ليها شنو
حاولت اصبرها بي حروف صغيره
و خيال شارد
و كلمات ما مترابطه
الا هي مابيه النوم
تستني طلتك يا ام البنيه
نوبي
تهريجه:
حتي دي ما لاقي لها طعم في غيابك
| |
|
|
|
|
|
|
|
|
|
Re: كسير تلج لي ناديه عثمان (Re: waleedi399)
|
فيصل اخوى يانوبى
انا داخلة هسع دوبى
ماقلعت لسع توبى
ولاشفت نانسى وروبى
سالمتو بس محبوبى
بى لون قميصو الطوبى
قال لى جعان ياندو
شيلى القروش وجيوبى
وسويلى فتة لذيذة
ومن لمحتك مشروبى
قت ليه خلاص يالغالى
وبستاذنك ياالنوبى !!!!
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
نادية
انسانة بأخلاق فارسات العصور التي مضت
بالجد والله 
لا بهمها ظلاميين ولا مستنيرين
بتحترم الكل
يعني يانادية انتي كسرت القاعدة في التعامل الراقي والجميل مع كل الأعضاء بدون تصنيف أو فرز
لك مني كل الود والتقدير والإحترام
وتحياتي لصاحب البوست الأخ فيصل
قلنا نجي نكسر تلج معاك
| |
|
|
|
|
|
|
|
|
|
Re: كسير تلج لي ناديه عثمان (Re: نادية عثمان)
|
نهال الضلامية العسسسسسسسل
يازولة مالك على عصور خلت شنو ؟!!
انتى عصرنا ده كعب للدرجة دى يعنى عشان بقينا نتمسح فى العصور الخلت ؟!!
بعدين انتى قصدك ياتو عصر .. الحجرى مثلا ؟!!
نهولة
احبك جدا والله
على كلامك الطيب الرائع فى شخصى الضعيف .. المسكيييييييييين
ويابت أمى الدنيا شن فيها ؟!!
اخرتها كوم تراااااااااب
وبث!!
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
| Quote: ليه فسرتيها كده ممكن افهم ؟ |
حتى انت يانوبى ؟!!
انا لافسرت ولاحاجة ياصديقى
كل الموضوع انى طوالى بقول ليك اخوى الصغير اخوى الصغير ..
وحبيت اعرف انا أكبر منك بى كم سنة ..
فيصل
زمااااااااااااااان
ماكنت بتطالبنى بى تفسير وكنا بنتكلم بعفوية جدا والبوست ده كان اكبر دليل على ذلك
ولا هسة اتغير شئ ياحبيب نور ؟!!
| |
|
|
|
|
|
|
|
|
|
Re: كسير تلج لي ناديه عثمان (Re: فيصل نوبي)
|
ندويه ما تفهميها غلط
بس الكلام في المبنر ده بقا بيتحسب
و انتي براكي قلتي كنا بنتكلم بي عفويه
و اخرتها كوم تراب ( مش ده العلمتيني ليو )
اختي الكبيره و تاج راسي كمان
و ربنا يعلم الفي قلبي ليكي
و لي كل الاخوان و الاخوات هنا
بس ما اكتر ولا اقل
| |
|
|
|
|
|
|
| |
فيصل نوبي
nasiradin
ناذر محمد الخليفة
بلدى يا حبوب
waleedi399
waleed500
فيس بوك
تويتر
انستقرام
يوتيوب
بنتيريست