|
|
|
 Re: تهنئة للمبدع عاطف انيس بقدوم (الفة) (Re: عبد المنعم ابراهيم الحاج)
|
يا عاطف ده شنو
داسيهو من اصحابك
والله متوكل مبارك ميت بالزعل
دي حقاره عديل
تماضر غيري الحروف وليس الشده فقط
فالام والاب بيعرفوا اللفه في الكلاكله اللفــــــــــــــــــه\
كدي جيب سفه
مرهف جاهز للعرس وبالتحديد بعد ما باعنا ابازر النضيف في رزاز وادها
لواصل ود مجدي بحر
ويا نضال فزع ومجدي ادم البت الرايحها ليكم انشاء الله تلقوها في الفه
صعب يا معتصم سيد احمد
وصعب يا مرهف يا الشربتها الكلوركس يوم الخميس الفات
رجاله ساكت
| |
 
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
مبروك وتاني كمان مبروك
اخونا عاطف دائما محظوظ الاول ( غاده) الحظ التاني( الفه) الثالث اني حاشرفه بحضور السمايه وحنحتفل ونغني للبنيه
بين الليله وبين يوم باكر
شتلة الفه و ومضة خاطر
بشيش بشيش يابتنا وتبقي فال للوطن ومعني للالفه لشعبنا من حلفا لنمولي
مبروك عاطف -غاده شكرا عصام الشريف للخبر السعيد
محمد ع الشريف
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
لاحولااا
أذن معتز وحسام وأحمد بقوا خيلالالان ( من خيول ياعاطف)
تهانينا ياعاطغ وغادة والفة لي يوم الدين
عقبال صداح عبيد الماشي يعرس كمان
شكراً كتة
كما أهدي لتهنئة ( جنة الاطفال بس ) للخالة علوية وللعم محمد موسي بالكلاكلة القبة ولمعاوية كرفس في بلاد الله الواسعة ول ..... بمحطة التكسير ( ود الباشا سابقاً) ( بس الفي بالي ياعاطف)
مليون تهنئة ياشباب
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
اعذرونى سادتى فقد كنا فى زيارة قصيرة للالفة..واسف على التاخير..وتقبلوا اعتذار انيس للمشغوليةفى اليومين الفاتو(وهو ناوى ليكم واحد واحد).
الجد فجراوى تسلم يا اصيل..ونتمنى دوام الافراح
العزيز ود الاشرف..تسلم يا راقى
محمد عبد الله شريف
عثمان فضل الله
الصاوى
ايهاب الطيب
الملا عمر
محمد صلاح
تشكروا ياا عزاء على المرور والتهنئة
سمير ميرغنى سائل عنك..وسلامى لهناء والوليدات
محى الدين ابكر..لكم اشتاقك يا صديق
عزو الطيب ..مبروك يا عريس وعقبال ما نسمع اخبار مفرحة عنك..ترقب ايميلك
خضر حسين..تشكر يا جميل
العزيز احمد عمر..جميل ان اسمع عنك بعد كل هذه السنوات ولاادرى ان كنت لا تزال فى هولندا اواين استقر بك المقام فى الدنيا الواسعة دى؟..ليك كمان سلام كتيير من هاجر وملاذ
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
لكن بالجد ما إلفة
الخلت الرائعيين الفوق ديل
كلهم إتلموا
بعد طول غياب وبعاد ...
أنا سعيد جداً لكما بنبن .. أنيس
________________
واضح يا أدروب وكتة
إنو الحكاية فيها حجز وكيمان كيمان
غايتو أنحنا بنتفرج ساكت
لكن لو عايزين واسطة مافي مشكلة
أصلو نحنا عندنا حق الفيتو
ماتقول كمان واصلين لا عند
عمك محمد موسي وخالتك علوية
وكمان أكلنا معاهم خروف الكرامة
_________
خضر حسين سلامات
.
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: معاوية كرفس)
|
الاعزاء الاليفين
كتة ...شكرا كتير على ايراد الخبر وربط الاصدقاء بنا والمتابعة
عبد المنعم
الف شكر على الشعور الجميل والشعر الاجمل
تماضر الوش الناضر
كالعادة مشاركتك ولا سبيطة عصافير
معروف سند... كدي خت الكورة واطة ..بس ما تلقي فرصة!!!!!!!!!
ورينا الخبر
الموصلي .. كيف يا حبيب ...(ايوة ) يلا علينا جاي
شنو من ديك وعيك
وهادي دخلة ل (girls party) النشوف بنلحقكم؟؟؟؟؟
اما حكاية الاسم دة بوريك ما اشركتك ليه
ساعوووووووووووووووود
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: معاوية كرفس)
|
يا الهى..اخرجت الارض اثقالها
ازييك يا كرفس يا لذيذ..
وزى ما قلت هى بالفعل الفة حقيقية..اصدقاء بعثرتهم الحياة..وها هى الالفة تجمعهم مرة اخرى..
اشتاقك كثيرا يا صديق..
لاعليك من (التكتل)الذى يقوده ادروب..وانت عارف نحن خلينا العقاب عليك ..وابقى (الف) عليهم..
لكن شايف المحسى باعك فى اول ملف..(وشوف حكمة الله بقى نسيبنا كمان)
تحياتى للجميع (الذين يحبوننا والذين لايفعلون)كما يقول الصديق على عجب..
والامنيات باللقاء فى الاوقات السعيدة قريبا..
عاصم
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: atif anees)
|
تهانينا االحارة للأعزاء عاطف وغادة...
تتربي في عزكم وتزيدكم الفة ..
شكراً كتة علي هذا الخبر الجميل ..
بعدين انت شريف دا جبته من وين ما تكتب لينا عاصم كتة عشان نعرفك..
تحياتي لهاجر ولملاذ لغاية ما نتلاقي.. قصدي في تلفون..
معتصم سيدأحمد دا بيغيظ فينا ولا شنو؟؟
يا كرفس اشتغل بمقولة "قدّم الكيشة وفوتو"
تحياتي لكل الأصدقاء .. أشتاقكم جميعاً
تهانينا مرة أخري للجميع مقدم "الفة"...
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: معاوية كرفس)
|
والله يا جماعة بدون مناسبة اتذكرت موقف على الرغم من الخلعه الدخلها فينا لكن لم يخلو من الطرافة
اذكر انو في وقت ما بين عامي 1997 و 1998 كنا طالعين من جامعة السودان القسم الغربي انا وعاطف وغادة وهيثم عمر والطيب شريف ...الخ ، واثناء عبور غاده الطريق بين الغربي وجامعة النيلين صدمتها عربية (بوكس)، طبعاً احنا اتخلعنا وجرينا عليهالقيناها وقعت على وشها وفي شوية دم نازل من خشمها، كلنا اتلمينا حوليها إلا عاطف !!!، جا عاين ليها ولما شاف الدم قبل ومشى علي سيد العربية الصدمتها وهو بقول (وينو .. وينو هو ؟) طبعا كان ناوي (يجقد) الراجل مع انو غادة اصيبت برضوض خفيفة ، الخسائر الحقيقية كانت في البوكس المسكين الاتدشدش حتة حتة
شفتو عليكم الله (الإلفة) دي كيف؟؟!!
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: atif anees)
|
انيس..هام وعاجل
تحرك اليكم منذ قليل (لواء المؤتلفة) بقيادة الجنرال وليد ياسين والكوماندور لمياء عبد الرؤوف..وكان قد سبقه بقليل فيلق (العزة لمن لا ْيْأتلف) بقيادة اشرف سعد وعصام الجاك..ونرجو منكم توخى الحذر فى ملاقاة الاعداء ..واتخاذ كل التدابير الامنية الممكنة..وقلوبنا معاكم ..حتى تنجلى الغمة..
خوفنا عليك يا الفة..
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: nashaat elemam)
|
يا انيس يا انيس يا ساده
بن بن ...
ملايين التباريك ( جمع باروكة ) ووووو الفة والله وحكاية تشغل اذهان العباد
تتربي في خالص ودكم
وطولتو قامة الحب سوا
انا عملتها اخيرا وبتاريخ 11 اغسطس تزوجت زواجا شديدا وعقبال البكاري ...
تحياتي والمدام * اعتزاز علي اهبة الشوق
وبامل سماع صوتكم قريبا
كل الرائعين اعلاه
حليلكم
صداح
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
الحلوين عاطف وغادة
والأحلى إلفة
واحد.. اتنين .. ثلاتة..
إبرتى الخياتة..
وإلفة الحلوة حلاتا
فيها أ
وفيها ل
وفيها ف
وفيها ت
وتاتا..
تاتا العتبة .. تاتا
************
وابتدا المشوار
ومشوار الحياة زفة
وجبدة طويلة من فرجينيا
حتى كلاكلة باللفة
وأحلى الصحبة فى الإلفة
وبين اتنين تكون إلفة
عاطف انيس + غادة
كنتو اتنين
بقيتو تلاتة بى إلفة
تهانينا وامانينا
ودعواتنا وغناوينا
لإلفتنا وإلفة كل من يهوى
فراشة صغيرة زى إلفة
طلت مرة بالصدفة
وركت فى القلوب تحفة
نحب إلفة
ونحب إلفة
نحب كل البحب إلفة
لكم
نورالدين منان واسماء عبدالحفيظ
واشنطن فى 15/8/2005
| |
|
|
|
|
|
|
|
|
|
Re: تهنئة للمبدع عاطف انيس بقدوم (الفة) (Re: Asim Sharief)
|
يا جماعة ازيكم
والله (الفة) دي لمت كترة ناس لاحولااااااااااااااااااا
لمن ما عارف ابدا من وين؟
يا احمد عمر انت ما عندك غير الحكوة دي؟؟؟؟؟؟
معتصم سيد احمد
كيف الاحوال؟
كرفس ...بي زيارتك بيتنا نور....
كتة (قرّط علي كدة) وكل سنة وانتو طيبين
صداح .... مبروووووووووووووووووووك ادونا التلفون
| |
|
|
|
|
|
|
| |
Asim Sharief
Tumadir
Marouf Sanad
Elmosley
معتصم ود الجمام
خدر
Kostawi
Adil Osman
osama elkhawad
atif anees
عمر ادريس محمد
محمد اشرف
عثمان فضل الله
elsawi
Ehab Eltayeb
gessan
almulaomar
خضر حسين خليل
معاوية كرفس
elmahasy
منعمشوف
nashaat elemam
Mannan
أبو ساندرا
Ahmed Elmardi
امبدويات
معتصم دفع الله
فيس بوك
تويتر
انستقرام
يوتيوب
بنتيريست