|
مريم بنت الحسين ونادر يكشفان غمة الحزن بعرس هادئ
|
سيتم زواج أختي مريم بنت الحسين ونادر عباس بمشيئة الله يوم الجمعه الثانى عشر من أغسطس بمدينة المغتربين بالخرطزم بحرى.. ربنا يجعله زواجاً أنموذجاً.. ويملأ عليهما حياتهما محبة وأنس. وبيت مال وعيال .. والتهنئة موصولة لأسرتي العريس والعروس ولفرحتي بهذا الخبر السعيد لم استشر اي منهما في نشره !!!!
عماد بشرى
|
|
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: Imad Bushra Mohamed)
|
.. .
الف .. الف مبروك .. الف مبروك ..وأنا اقول الناس ديل مداخلاتهم مالها حميمية كدا !!
ولله قود لك يا نادر .. تهنئة صادقة من العمق ،، والله يا مريم سعداء بهذا الخبر الصاقعة ،، لكم جميعاً الفرح الخرافي وبيت مال وعيال ،، بس أن شاء الله صواني البشملي تمام ..الطريق الى نادر يبدا بالمندي
هارد لك لزول واحد .. وزول تاني .. ومنو تاني .. شايفين الخيل الحرة بتجي فى الللفة .. وفرس نادر عربية اصيلة وبغالكم دى .. ودوها جبال التبت .. بعدين فى زول بسأل انتو هنا .. ولا العرس مطرد ..
يا المهندس .. تروتسكي .. الملك .. ناذر .. السهر فى المغتربين يوم جمعة .. والدعوة غداء،، معتز اخطا لينا .. الجكيت ..عليك الله الدنيا حر ،،،
تحياتي ،،،
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: Imad Bushra Mohamed)
|
حليفتي الاستراتيجية مريمة بنت الحسين ايوووووووووووووووووووووووووووووووي نيابة عني وعن لنا بنت المهدي الف الف الف الف مبروك يا غالية عجبني ليك ويا نادر يا اخوي مريومة دي ابقى عليها عشرة فهي جوهرة مكنونة ...
الله يجمعكم على خير ويرزقكم الذرية الصالحة وتعيشوا ايامكم في سعادة متواصلة ...
دايرين صور العرس يا جماعة
الاخ عماد ... شكرا ليك على الخبر الجميل
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: Imad Bushra Mohamed)
|
الف الف مبرووك بت الحسين الف الف الف الف مبروووووووووووووك نادر
وان شاء الله بيت مال وعيال وان شاء الله حضور كان فيها طرب Quote: يا المهندس . تروتسكي .. الملك .. ناذر .. السهر فى المغتربين يوم جمعة .. والدعوة غداء،، معتز اخطا لينا .. الجكيت ..عليك الله الدنيا حر ،،، |
تبلدينا مالك ما جائب سيرتنا نحن وملاسى عشان اخر مره ركب العربيه مع ملاسى خليتك
لكن المره دىان شاء الله بشوف الملك والتحيات النواضر
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: smart_ana2001)
|
الإبنة العزيزة مريم لكم أفرحني وحركني هذا الخبر السعيد!! لك ولزوجك نادر أعذب الأمنيات بحياة سعيدة مديدة ملؤها الفكر الصافي والشعور العميق. والتهنئة ممدودة لوالدك، الأخ، والصديق، الدكتور، أحمد المصطفى حسين، ولوالدتك العزيزة، علوية حسن. ولأعمامك عبد المنعم، وحسين، وفيصل، وإسماعيل، ومتوكل. ولكل آل مصطفى الحسين وأصهارهم وأقربائهم برفاعة. والتهنئة موصولة لكل آل أبَّيَة برفاعة، ولكل أخوالك وخالاتك، وأهلهم وذويهم. والتهنئة للعريس نادر ولكل آله وذويه. نرجو أن تشركونا في حضور عقد القران بالصور الفوتغرافية لاحقا، إن أمكن. قلوبنا معكم في حي المغتربين ببحري في يوم الجمعة القادمة المشهود. "وبه انجمعنا يوم جمعة وصله وتفرقت أحزاننا أيدي سبأ"
والشكر لعماد بشرى بنشر هذا الخبر الذي جَمَّل وجه اليوم
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: نهال كرار)
|
ملـــــــــــــــــــــــــــــــــــيون مبروك والله صادق الدعوات لمريم ونادر بالتوفيق وان شاء الله بيت مال وعيال وسعاده وسرور الاتنين يستاهلو بعض ويستاهلو كل خير
يا عماد ياخي يعني الزول ما يسافر ولا شنو انا الخبر دا حاجزو لي زممممممممن وخاتي طوبه وكيس كمان ودافع عربون LoOOooOoOoOoOOOOOOOLZ لكن ولا يهمك المهم نفرح بيهم مره تانيه الف مبروك يا مريمو والف مبروك يا نادر ان شاء الله بس يكون بورداب الدوحه زادو واحد موش العكس
وعقبال تمبس انا ما عارف الجاب تمبس هنا شنو لكن بهدي ليهو الLOOOLZالفوق ديك
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: Imad Bushra Mohamed)
|
ألف مبروك للعرسان وإنشالله بيت مال وعيال ...
يا لؤي ...
ودي كاتبا كدة كبيييييييرة مالك يا مان أنا قرببببببتا إنتو بس ألحقونا بالدعوات
يا تبلدينا ..
جايين تب والله .. إصلو الايامات دي شغلنا كلو حضور أعراس وخوبات وسد مال وبما ان تروتسكي أظهر حسن سير وسلوك في عرس شقيقة لقمان حسن همام .. فأنا أقترح حضوره بالهيئة التي يريد
| |
|
|
|
|
|
|
Re: مريم بنت الحسين ونادر يكشفان غمة الحزن بعرس هادئ (Re: Imad Bushra Mohamed)
|
الأخ الصديق / عماد باشري جميع الزملاء في سودانيز أونلاين، هذا المجتمع العزيز علينا، الذين تحلقوا حولنا هنا أنا ومريم في هذه الأيام الخالدة ... الأخوة الجمهوريين في الصالون الكتابي جميعاً والذين حفونا بدعائهم الصادق وأمنياتهم الجميلة ... بمزيد من الغبطة والسرور ونحن مقبلين على زواجنا يوم الجمعة القادم إن شاء الله لا يسعنا إلا ننثر حولكم باقات الورد وعطر الفرح مع عميق امتناننا على صادق دعاكم راجين المولى عز وجل أن يحقق أمنيات الجميع ويملأ أيامنا كلها أفراحاً ...
مع عميق حبنا وتقديرنا ،،، نادر/ مريم
| |
|
|
|
|
|
|
|