قتلناك يا آخر الانبياء !!!!!!!!

Quote: انا يا استاذ ما عارفه تلت التلاته كم البركه فيك انت مش عارفه كفايه ما ياك في النهايه سوداني وبتشرفني وبتحل لي المعضله. ما تفتكر لما كتبت لك اوع تفتكر نفسك عربي دي ما عشان انت تمبس ولا غازي عتباني انا اي سوداني بيفتكر نفسه عربي بضحك عليه وبفتكره ساذج. وجودك انت وغيرك في السعوديه يفترض يكون وضح لكم الرؤيه انه ماذا يعتقد العرب الحقيقيين عننا نحن السودانيين. ثانيا هنالك تعريفان للشمال الشمال السياسي وهو ما يطلقه الجنوبين على بقية اهل السودان والشمال الجغرافي وهو ما صار يعرف في المنبر بالشمال فسألتك الا تنصب نفسك مدافعا عن الشمال؟؟؟؟؟؟؟ نرجع للكمبيوتر وعلم الحاسوب ليه الفضل في حاجات كثيره وليه عيوب من عيوبه خلانا نطلع على القرف الى طافحه بيه نفوس البعض من عباقرة دارسي الحاسوب كان الله في عوننا. تخريمه : الصوره وجيهه بس القجه دي كان قصرتها حتكون اشيك مجرد وجهة نظر,اتمني ان يرتقي مستوي الحوار وكفاك توزيع صكوك الغفران من المناضل ومن غير المناضل احنا غايتوا ما عارفين انه في مناضلين في السعوديه عموما كنا بنسميهم مغتربين وبيجعوا السودان كل سنه او غيره وما عندهم مشاكل مع الحكومه, الا في الضرائب بيحبوا يبقوا معارضه قله منهم من امثال د.بشرى الفاضل فصلول للصالح العام وهم فعلا مناضلين. ولا تنسي , ان تصبر نفسك وتخلي بالك من نفسك فالغربه صعبه وفقد قرن لاي سوداني وطني صعب, ربنا يصبر الجميع, بقية اتهاماتك بجيها في ظرف ثاني, الان ليس وقتها.