اهداء لشباب كسلا صديق رحمه ،، تولوس ،، خالد احمد عمر .. وكل الاعزاء في هذه المساحة وفي هذا البوست ملحوظة: عذرا يا شباب بوست كسلا ماشاء الله وصل الصفحة التانية وخفت ملف الفيديو يعرقل فتح الصفحات.. لكم حبي .. ولكسلا الوريفة.. اهـــداء خاص .. لصديقي ( دافي )..
صفوت الجيلي
06-29-2005, 01:56 AM
خدر
خدر
تاريخ التسجيل: 02-07-2005
مجموع المشاركات: 13188
التحية ليك ياتمبس وانت تدلس الرتابة وتقدح زناد الجمال بهذا الآلق .... تسلم يا تمبوس على هديتك الجميلة ، ويسلم صفوت الجيلي بهذا الغناء الجميل بالمناسبة يا تمبس لمن أكون عاوز أعمل تحميل لفيديو فبتجيني رسالة أنو (You have no access) .... وبعدين ياخي أكتب لي الكود بتاع الفيديو وبتاع الريل بلي على عنواني [email protected] أخوك طاشوشي في الحاجات دي ...
خدر خلاس خلي المخالفة بتاعت السرعة الزائدة لصفوت عشان خاطر الوغد دكين وعشان خاطر كسلا وعشان خاطرنا ترجع
صديق النور القاضي النصراني الثقيل برم شنبو و قال لي غرامه 250 يورو قلت ليه ميتيت ميتين انت قايلني خايف منكـ تمبس شايف الولد الفنان ده وقع في شباكـ السوق و العدادات ياخي قول ليهو علي لساني انت بديت بدايه خطيره و نحن هنا احتفينا بيها جدا و افردنا ليها بوست صعد لي التانيه و ماشي علي التالته بخطي ثابته ما عشان كتبو خدر عشان غنيتو انت .. ربنا يحفظكـ و يخلي لينا صوتكـ الوسيم ده الاورغن حبايلو كتيره و الاغاني ماركة (الجب جب) دي بتسرق الفنان من جواكـ ,, ودي حرفنه اساطين سوق الكاسيت الايام دي يسكوكـ (جبجبة) لمن يكملوكـ و يختوكـ تيمة مستهلكه و يشوفو مبدع اخر و الغرض الربح طبعا
غني لينا البتحسو انت غني لينا افراحكـ و احزانكـ و ايقاعكـ الخاص و نحن في انتظاركـ
والله ياخدر كان عندي تسجيلات قديمة لصفوت ده من برنامج اصوات وانامل تسجيلات كويسه وشغل عود من البيعجبكـ وفي كمان من نجوم الغد أول ما ظهر لكن ما اظن اقدر اديكـ ليها ... بالنسبة للمحكمة بتاعتكـ دي انا بتفق معاكـ طبعا ومرات زاتو الاولاد الجداد ديل بيبتدو بداية كويسه بعد شوية بجبجبو ويزيدو السرعه وشغل الاورغن زي ما عارفو عامل زي المسجل الحاجاتو جوه بايظه تشغل فيهو شريط كويس بعد شوية ينخنخ وياكلو ليكـ
بيني بينك يا خدر مرات ما قاعد تجبجب؟؟
بعدين والله ياخدر انا اتذكرت لي حاجه من زمان عايز اقوله ليكـ وكل مرة بنسي تتذكر آخر مرة لاقيتك في عمارة ( المحتالين ) في السوق العربي وكان معاي سمؤل طه الوكت داكـ الدنيا كانت بي خيره والشعر خنفس فارجو ان تنال هذه الملاحظة كريم عنايتكم مع ملاحظة اني ما سالتك من عدم التواجد في تلكـ المساحة وحايم حفيان ما يفتح مجال لكثير من الاحتمالات من ضمنها انكـ كنت امبراطور الطابق التاني مع ناس ( دبيليب ) وإذا حبيت المزيد من التفاصيل عن ( الشيك ) ( اللبسوهو ) لي في الطابق داكـ انا جاهز بس يكون في علمكـ اني ما عافي ليهم لحدي الآن
العزيز الصاحب تمبس كما ذكرت الود صفوت صوتو حلو وندي..
ايضا كما ذكرت تمبس من باب التغير او الجبجبه كما نسميه عندنا فالايقاع الامهري اغلبه على هذا الرتم
Quote: بيني بينك يا خدر مرات ما قاعد تجبجب؟؟
باهو زاتو اليوم جبا..اها عموما جيد.. ايضا عجبنى المقطع فى كلام الاغنيه البقول (لكسلا الوريفه والقاش ليك ركن) ما ماتاكد منها صاح ..لانو لو بنفس الصيغه عجبتنى بالجد عبارة (القاش ليك ركن) ايضا فى عبارات تانى فى صيغ القصيده حلوه.. بالشوق بالتقيل عينيى دمعت....
الشى تانى كل اغانى كسلا حلوه من التاج مكى (كسلا) ونزار الماحى (كسلا كلمات مختلفه) ترباس(هلا كسلا) ووووو واخرا ولي اخيرا صفوت
تشكر تمبس يا زارع الفرح ربك يدك العافية كمان وكمان نحن المنبر ده بالجد لو فى زول بخش الجنه بتكون انت والشله تسلم انت وهم..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة