|
|
 سجيمان أبشر نجم الحظ لقاك عيش بين السرور وأتمتع بصفاك
|
إبن أبو هشيم والذى غيبه الموت قبل أشهر عديدة بعد صراع طويل مع المرض الفنان الراحل المقيم علية رحمة الله أحمد عمر الرباطابي الإنسان الجميل بفنه وبرسالته الرائعه والتي بدأت بالربوع ثم ختمت بماهو أجمل من ذلك بكثير ومع هذا العطاء الثر لم ينل الرجل حظا من الشهرة اللهم إلا قصيدته الجميله والتى ترنمت بها عقد الجلاد ويطربنا بها راديو أمدرمان أمسية كل جمعه
هنا سنوثق لأحمد عمر الرباطابي
ونهدي هذا العمل إلى صديقنا د/ سجيمان
وسأهديكم اليوم كلمات إحدى أغانيه
المذود نارى كلمات وألحان وأداء أحمد عمر الرباطابي
ديمة ذيد في ريدك
وربنا يدنى بعيدك
معدوم فى زمان نذيدك
وزى ود الارايل جيدك
المذود نارى وين نلقاك تانى
ألوان الورود في خديدك
يالنمت وجدعت وريدك
حالة جميله والله يذيدك
ويا طرفي الفقدت غميضك
قلبي أنا من زمان بنريدك
وحياة روحي وحياة ريدك
أيام الله كلها عيدك
ويا طبيبى شفائى في إيدك
ليه مجافيني قلبى أسرتو ليه من بدري
ما أنذرتو أباني النوم علي جسرتو
ريدك كامله ما فسرته
يالمذود نارى وين نلقاك تانى
وين عطفك على يا غالي
يا مجافينى وشاغل بالي
أصحبنى السهاد طوالى
نجوم الليل بعرفن حالي
محبوبى الدوام بطراك
ويالشاغلنى إنت براك
كلما أتوب وأقول أنساك
أناأوجد قلبى شايلو معاك
شوفتك يا ملاكى وروحى
تشفيى أنا وتبري جروحي
وحبك يا بلابل دوحي
دة شى مكتوب على في لوحى
يالمذود نارى وين نلقاك تانى
ولنا عودة لنواصل روائع أحمد عمر في المرة القادمه ترقبوا يالقمرى المظلل بورق الأراك قولى حبيبى متين أراك
يتبع
|
|
 
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
ما زلنا نواصل مسيرة التوثيق للراحل المقيم أحمد عمر الرباطابي
القمري المظلل بورق الأراك
القمري المظلل بورق الأراك
روح لحبيبى وقولو متين أراك
يالمقرون حاجبك ناصب لى شراك
بيعك في المحاسن والأرواح شراك
يا شاغل بالي وحائس أنا بوراك
سيب النوم ورجع قلبى الطاش وراك
يالدر المنظم عقدك والفك
والعناب مكنتل لخضرة شفاك
عيد النظرة داوى الجرح الماخفاك
الصد والتذلل والهجران كفاك
يالظبيه الموكل وسارح بهواك
عندك جوز قنابل بس غير هداك
الصدر المقبقب يالضامر حشاك
من ميلة ضميرك فرع البان شكاك
بسهم الرشارش جوة جروحى شاك
أصلك لودار أعمارنا الله نشأك
يالفرع المفرهد فى روضة نداك
شعرك ليلو ولع ولع نور هداك
ليه ما تشيل قلبي وروحى تروح فداك
الردف المرجح يلعب بحداك
يا جدى السمائم ظل الغيم رعاك
راتع فى الخمائل وقانص ما كفاك
لماساة قلوبنا مالشى الدعاك ؟
أرجع من هزارك وجيب قلبي المعاك
شائل فكري حائر فى النور معاك
من بهجه محاسنك أتامل هواك
عبد الحافظ أبشر نجم الحظ لقاك
عيش بين السرور وإتمتع فى صفاك
وللحديث بقيه
يتبع
_________________
موعدنا غدا فوق تلك الربى لا زال يا وطنى للحديث بقيه
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
الأخ نذار
السلام عليكم ورحمة الله وبركاته
طبعا المرحوم أحمد عمر الرباطابي من أميز الفنانين وقد كادت او اصبحت أغنية الربوع وحتى قبل أن يغنيها عقد الجلاد كالنشيد الوطني لمختلف اهل الريف السوداني لا يملون تكرارها..
ولكننا نعرف عنه القليل وشىء جميل أن تحاول التوثيق له وأتمنى لك التوفيق رغم صعوبة المهمة فهو اى المرحوم أحمد عمر الرباطابي مقل جدا في ظهوره بوسائل الأعلام .
أذكر من أغانيه الجميلة والتي تتميز بالوصف الرباطابي المحكم والجميل
يا حسود قول هو الله أحد
عودا كرباج ناظر العمد
*****
تللت إيدا وبارت الصف
لي مسامير كرعي رجف
الشتيلة أم شيلاً ردف
سيدا فسلاً قاطع الطرف
صاقع القمري بالحجر كف
ولا اذكر الباقي ويا ريت لو امكن ايراد النص كاملا
ولك جزيل شكري
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
أهلا أخي
الزول
لاتزال ضاحية أم مردي بريف أبو هشيم الرباطاب يلفها الحزن ويخيم عليها السكون كلما أتت سيرة وذكري الراحل المقيم أحمد عمر الرباطابي والذى عطر سماء تلك المناطق والديار بأغنياتة الشجيه ومواقفه الرائعه والتي باتت مضرب مثل للكثيرين من أبناء منطقة الرباطاب يستشهدون بها دائما فقد عرف عن الرجل ذكائة الشديد وحضورة الدائم وأتسم بروح الدعابة والطرافة
ولعل الراحل المقيم من أشهر فناني منطقة الرباطاب والذين هم يحصون علي أطراف أصابع اليد الواحدة
ولا أكذبك القول صديقي إذ أني بدات اشك كثيرا في أن ما يسمي بلعنة الفراعنة قد أصابت قبيلة الفنانين في بادية الرباطاب الجميلة فقد رحل أحمد عمر قبل عام تقريبا وسبقه الفنان الشاب فنان منطقة كرقس فتح الرحمن الوقيع والذي سنتحدث عنه لاحقا وهو الذي شدا باغنيات جميله من كلمات السر الماحي شاعر الرباطاب وابن منطقة ندي , ثم فنان ثالث وآخر وليس أخير غيبه الموت أيضا قبل أسابيع وهو الذىت كان يعتبر خليفة ود الوقيع في منطقة كرقس وامكى لكن الموت عاجله هو الأخر وهو الفنان ود الأمير علية رحمة الله لايزال تلفزيون السودان يستدعي اغنيته بين حين وآخر كلما كان الحديث عن الرباطاب رائعة السر الماحي ( سرحن بي عيونك وياما كتير سرحن منهن أستحينا وابن يستحن)
رحل كل هؤلاء لتخلو ساحة الرباطاب إلا قليلا من الذين اسماهم احمد عمر بالهواة
وعودا علي سيرة الرجل والذى اتسم بكثرة انتاجة الفني والذى لم يج طريقه للتوثيق والتسجيل عبر الاذاعه اللهم إلا اغنيه الربوع والقمرى المظلل بورق الاراك ومع هذا فقد اكتسب احمد عمنر خصوصيته فى ألاداء والاجادة إذ أنه لم يعرف عنه أنه قلد أحدا ومعظم أغنياته من تاليفه وألحانه
عموما ورغم بعدى عن الديار إلا أنى ساحاول جاهدا التوثيق له هنا ويرجى علي كل من يعلم شيئا عن احمد عمر إفادتنا به
ختاما أخى الزول وبالنسبه للأغنية التي ذكرت جزء منها مثلك أحفظ بعضا منهاولكن ثق تماما انك ستجدها مكتمله في هذا البوست يوما ما
| |
|
|
|
|
|
|
|
|
 Re: سجيمان أبشر نجم الحظ لقاك عيش بين السرور وأتمتع بصفاك (Re: سجيمان)
|
الله ليل الليل ليلي انا
ياجنا الليل ليلي انا
.....
يا حسود قول هو الله أحد
عودا كرباج ناظر العمد
.......
تللت إيدا وبارت الصف
لي مسامير كرعي رجف
...........
الشتيلة أم شيلاً ردف
سيدا فسلاً قاطع الطرف
صاقع القمري بالحجر كف
..............
نزار بالله تم دي
الحبيب الشغل العقول
النغني عليهو ونقول
وين يا راقي ؟ منك طولنا طول
****
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
المتاكي العمار فوق قيف
شايل الندي ايام صيف
قولو لي كيف؟
لمن يجيهو خريف
شايله نداها يانعه لطيفة
والورتابة ماها رهيفة
قولو لي كيف ؟
لمن يجيهو خريف
أم كوديبة ارضك عافية
شوفتك لي هبوب الغافية
ساقيك نيلا مويتو صافية
والحاسداك قلوبا جافية
ممنوعة ومقفل بابة
ما عرضوها لسبابة
من أرض الشمال تيرابة
خلق وإتقلد ورتابة
خطير النظرة ما بيرضابة
والناس قالو بأسبابة
مافي مثيلة في وادينا
بس شبه الارايل عينه
قولو لي كيف ؟
لمن يجيهو خريف
صدفة لطيفة وإتلاقينا
ثوب الحشمة لساقينا
بسماتة زى بروق االعينة
وحاجبها دورو البارينا
محبوبة كلما جينا
أمك ما بترحب بينا
قولو لي كيف ؟
لمن يجيهو خريف
متفاهمين علي البينا
بس ربك يهون لينا
حتى البادية بعربانة
زيها اصلو ما لاقانا
بالسكة الحديد واللورى
من حلفا القديم للحوري
أسمحك أقدمك بدورى
للعبادي يحكي شعوري
قولو لي كيف ؟
لمن يجيها خريف
المتاكيه العمار فوق قيف
شايل الندي ايام صيف
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
الهالكني تقديرو
الهالكني تقديرو
فى الكون ما بشوف غيرو
جمالك غلب أوصافي
ولونك يا ملاك صافي
لكن يا روحي لا تجافي
وشوفك للفؤاد شافي
يا قمري البغني عليك
ويا سمري البطرب بيك
يا روحي بس راجيك
وأنظر لجمال خديك
عيونك زى عيون الصيد
خدودك طبعو فوقها الريد
إنت الفي الفؤاد وحيد
شوفتك يوم هناي وعيد
طبعك يا ملاك هادي
ووصفك حير الشادي
ساكن في قري وبوادي
قريب لسنجة بغادي
شايل برقو عبادي
ظبيا يرعي في وادي
الروح دائما عليه بتنادي
يفر يشرد مني لغادي
مابقدر أخليهو
حياتي ومتيم بيهو
الهالكني تقدير
وفى الكون ما بشوف غيرو
طبعك يا ملاك هادي
وصفك حير الشادي
يتبع
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
المشتول في رمالو
فرحان والجم دنالو
حاجرنو علينا مالو
المزروع في الجزائر
مخزون وما شافو زائر
غفيرك براقو جائر
يشيل الليل والهجائر
وردك النوارو شائل
مناى شوفتك ام ضفائر
يالسمحة يا بت القبائل
حليل قعدات العصائر
المهذبة بت القبائل
حليل قعدات العصائر
يالزارعنو الاشاول
عليهو الناس ما بتقاول
الشربان بالجداول
بقيت انا اسباب هذاول
المزروع في جروفو
مانعين الناس تشوفو
ما بنقدر علي وقوفو
قال زعلان من ولوفو
يالمحجور في الزرائب
حراسو كبير وشائب
بندور شوفة الحبائب
إما غريبه وعجائب
المشتول في رمالو
حاجرنو علينا مالو
يتبع
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
الاخ نزار
الفنان الراحل أحمد عمر الرباطابي
فنان متميز وأعماله الرائعة جديرة بالتوثيق
بالإضافة لفنه الراقي الجميل يتمتع بخفة الظل التي غالباً ما تلازم أهلنا الرباطاب
قابلته في منزل خالي صدفة بالخرطوم
وأيامها كانت فرقة عقد الجلاد بدأت تؤدي رائعته أم در يا ربوع سودانا
قال جايي يشيل الكرج من ناس عقد الجلاد 
رحمة الله رحمة واسعة
وتشكر على التوثيق
خالد
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
أهلا أخي
خالد أحمد عمر
نعم أحمد عمر الرباطابي فنان متميز ومتمكن من فنه إذ أنه يصيغ كلمات أغنياته وألحانه معتمدا علي نفسه ولو تتبعت معظم أغانيه لوجدتها زاخرة بالبيان والبلاغة فالرجل إشتهر بالفصاحة وعرف بالذكاء الشديد والحضور الجميل وخفة الظل الرائعه والتي جسدتها كثير من المواقف التي يحكيها عنه اهله
صحيح أنه وفي مطلع التسعينات عندما ذهب الي الخرطوم ليقاضي عقد الجلاد حين شدت بالربوع دون إستئذانه كان يرد على من يسالة بانه ذاهب لكي يجلب كرجه وهذا إن دل إنما يدل علي خفة ظله
شكرا ليك اخي خالد علي مداخلتك الجميله وساواصل مسيرة التوثيق لهذا الرجل إن شاء الله
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
النادر جمالو
الراسي ورزين
ليه ناسينى مالو
مفتون بغرامو
ولطافة قوامو
ومجروح بساهمو
من شعرة منامو
النور في إبتسامو
والنار واللهيب
لو ردد كلامو
الفي خدودو ناعس
وأنا أبكي وأغني
بأشواقي حبيبي
الحجبوه عني
بنيران العذاب الماسامحني
هن أخذن حقوقن وسكتن حاصرني
حلفني وعاهدنى أن لا يرحمني
عطفك يا ملاك عليا ويا كبدي حني
النادر جمالو
الراسي ورزين
بس ناسيني مالو
شكيت للنجوم
وما ردت علي
وباآلام حبيبي
الماهميها بي
طول الليل أنين
قلقان ناري حيه
فرحان العذول
وراضى النوح ليا
حبك ما بسيبو
مهما يقولو فيا
عمري وهبتو ليك
وفداك الروح هدية
النادر جمالو
الراسي ورزين
بس ناسيني مالو
يتبع
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
ارجوك يا جميل
أرجوك يا جميل يا اخينا
يا الباسم الرميل
يا قمري الزمان
يا شبيه الغزال
أسرع لي تعال
يالمثلك محال
أسرع لي تعال
قبال الروح تفوت
معشوقك يموت
ألهمني الصمود
شوفتك لي بفوت
سحر الناس ضياءك
قمرا في سماءك
يالخلقوك ملاك
هلكني الريد هلاك
تائه ما عليك
باشواقي ليك
يا جاهل صغير
أنا في حبك اسير
ورينى المصير
قبال ما أغير
يا أخينا
أرجوك يا جميل
يا الباسم الرميل
يتبع
| |
|
|
|
|
|
|
|
|
|
Re: سجيمان أبشر نجم الحظ لقاك عيش بين السرور وأتمتع بصفاك (Re: نزار باشري ابراهيم)
|
الليله الليله
الحبيب سافر غير وعود
يا أيام متين يعود
الحبيب سافر من غير وداع
خلاني أنا في نزاع
لو طول ما رجع
أنا مصيري الضياع
حبيبي الشالو القطر
بعدك أنا في خطر
قاطع مني الخبر
دموعي تسيل كالمطر
يالفراقك علي صعيب
كيف تنساني وتغيب
راجيك أنا في لهيب
غير شوفتك ما بطيب
مرسالك ما جاني صاد
يا حبيبي أضناني البعاد
لو عدت اكون سعيد
لانك عندي الوحيد
بوجودك أفراح وعيد
نقضي أيامنا من جديد
الحبيب سافر لن يعود
لو جيت يتم هناي
يا حبيبى وتكون معاي
الحبيب سافر لن يعود
يا ايام متين يعود
احمد عمر الرباطابي
| |
|
|
|
|
|
|
| |
نزار باشري ابراهيم
سجيمان
الزوول
Sidig Rahama Elnour
فيس بوك
تويتر
انستقرام
يوتيوب
بنتيريست