الحبيب الصادق يؤسس حركة"غوروا"السودانية على غرار"كفاية" المصرية و"أرحلوا"اليمنية

Quote: اما اذا كان الحبيب الامام الصادق المهدي... وقبل ان نتفق او نختلف معه ارجوا ان يعطينا كشف حساب بانجازاته واخفاقاته في الفترة التي حكم فيها السودان

Quote: الصادق عبدالماجد

تحياتي
وبالمناسبة
هو ما الصادق عبدالله عبدالماجد ،ما تجيبو للراجل الكلام!!!!

Quote: الحبيب تولوس اذا قالوا كفايه هناك مع تعدد الحكام في ثورة يوليو فماذا يقولون هنا مع الحكام الافذاذ الذين ولدوا ليصيروا حكاماً الذين حكموا ثم تكرروا ثم حكموا ولايزالون وفي نيتهم حكومة، ولكنهم والحق يقال انجزوا الكثير من المصطلحات في الحياة السياسية السودانية، السندكالية، والجهاد المدني، وتهتدون، وتفلحون، وهلمجرا .

Quote: لو كان اللي في بالك كان سماها: تغورون! جني

لان "غورانهم"كسب
محبتي

Quote: ما ضربنا لخمة يالنا وقلنا الحبيب الصادق دا ياهو عمنا الصادق سيد الاسم واحترنا كيف "يشف" من كراس غيره والحمد لله طلع الصادق عبدالماجد..ما الامام الصادق.

اثرى القاموس السياسي بمئات المصطلحات
غايتو الامام لو وصل الحد الله قال بي قولهم
لانو ح تكون الحركة بتاعتنا"جاهدوا و انكربو"ل"تؤدبوا"

Quote: الديمقراطية والحرية وصناديق الاقتراح هى نور ونار اما ان نقبلها جملة او.........

Quote: الغالية لنا تحياتي نحن الأسبق، وأصحاب ريادة في هذا المجال، وأعيدك إلى هتاف الشارع ضد سيء الذكر النميري "إستقيل يا ثقيل"، بس أولاد بمبة دي جديدة عليهم.

Quote: الاستاذة لنا Quote: ولا يصروهم فى بقج الى ما وراء الحدود؟؟ ( برضو انتُ بتعرفوا الصر والبقج)!!!!!!!!!!!!!! ليس استهزاءً ولكن اعجبتني العبارة

Quote: الرائعة لنا ولـ(سوانا) انا مبسوط من روحك الرياضية والـ"Image" فعلاً معبر عن هذه الروح بس الحبيب الكبير ماخد مواقف كتيرة ما مفهمومة ..وهسي عليك التحالف بتاع (النسابة) الدخلوا فيهو المساكين الفصلوا منهم اربعة لزوموا شنو ؟؟ الحبيب دا ما كان يصبر بدل المعارضة المجانية التي وفرها للمؤتمر وشريكو الجاي.. غايتو شفقة ما شفتها (دُتٌ) وزي ما قال هو لن يشارك في موقع لم ينتخب له (دت) - اهو خت نفسو في الموقع المعارض من غير انتخاب .. سأعود للمزيد بعد شوية

نان لاكين يا عادل وكت الحزب بمؤسساته قرر المشاركة مع من اسميتهم "النسابة" برضو دايرين تختوها في الامام؟؟؟
بالمناسبة:
المساكين الاربعة الفصلهم منو؟؟؟

Quote: طبعاً الاربعة فصلهم ثنائي الدبيبات (علي ومحمد) أفسر ولىّ كدة(كفاية) والداير اقولو ان الناس كانو خاتين امل كبير جداً في السيد الصادق المهدي -هذه المرة أمل بجد- ان يقود مسيرة (التثوير الديمقراطي) - معليش المصطلح منجور- للمرحلة القادمة , لانه الوحيد الذي تؤهله خبراته لهذا المنصب وعلى ما أظن انه من مواليد 1936 وأول منصب شغله رئيس حزب منشق وعمرو كان زي قريب 30 ستة مش كدا؟ ثم شغل منصب رئيس وزراء وعمرو 30 سنة ثم زعيم معارضة كبير - اعتقد في السبعينيات من القرن الماضي - وقرب ينزل بالطيارة عام 1976 ليستلم البلد - الا ان الدوائر كانت ملغمة مما عادت الطيارة سالمة ثم تاني بقى مسؤول كبير في الاتحاد الاشتراكي ونميري قرّب يعينو رئيس وزراء - الا ان الشفقة والمكابرة حالت دون ذلك - الكلام دا سيصدر في تفاصيل كتاب سيحوي اسرار مدمرة - واظن الحاجة دي كانت بعد 1977 ثم اشتغل رئيس وزراء بعد 1986 لحدى الدبابات ما غفلت الناس الكانو في العرس ومشت القيادة العامة ودا اظنو كان في 1989 ثم بعد داك عمل في وظيفة مفاوض غير مرغوب فيه - لانه لا يمتلك سلطة- ثم اوعز الى ابن عمه بالدعوة لانشاء تجمع للمعارضة برة السودان . ثم ذهب مهتديا الى اسمرا في نهاية 1996 وبعد داك جاء موسم الامطار الغزيرة على الحكومة وانهمر الرصاص عليها من الجنوب والشرق وسقطت حاميات كثيرة في الشرق المجاور لي اسمرا ثم بعد داك لاقى الحبيب النسيب بالقرب من منتجع البجع بسويسرا في مايو 1999. واظن في الوقت داك تم الاتفاق على التنظيم الذي أعلن الاسبوع الماضي , يا لطول الحمل 7 سنوات بالضبط . ثم ان الغيرة شالت الجماعة بتاعين الرئيس ورسلوا للزول(مبارك) عديلوا (غازي) وبعد داك حصل اتفاق جبيوتي 26 نوفمبر 1999 ثم قام جا البلد شايل ورقة(الخطوبة) بتاعت جيبوتي وقايلها قسيمة زواج الا انه فوجئ بالطلبات غير المتوقعة من أهل العروس - حتى حدثت الشمطة الكبيرة داخل البيت - شمطة قادنها النسوان وقالن - برى ولدنا قاعد 13 سنة صابر يخش على واحدة عزبة وشمولية وعينها واحدة جزمنا بي المهدي ما بندورها ولا بنخش عليها واكان على الخطوبة بتاعت برة ديك - الزواج قسمة ونصيب - والكلام دا طبعاً زعل بالحيل السيد مبارك باعتبارو الفتح الموضوع في باريس مع غازي قبل قراءة الفاتحة في جبيوتي وقال ليهم - اسمع يا أخ (على السليقة) - اسمعن يا نسوان - اسمعو يا جماعة انتو يا عوجاء ومدبدبين (ارجو فك الشفرة) - انا ما شافع عشان تطلعوني صغير مع الجماعة الاديناهم كلمة , والموضوع دا ليه سنتين ونص تجو هسه تقولوا البت شينة وعزبة !! شوفوا يا الصادق ويا الحاضرين الموضوع دا تم , تم ما تم انا بعرسها..وبعد دا خوة فرتق , برا حزب برا مبادئ برا كلام فارغ ..انتو في الاول قبلتوا ليه ؟ والصادق طبعاً غلبوا البقولو عينو في العرس والجرتق والحلالة وكد الا ايده ممسوكات .. خسوساً من النسوان ..باقي هن حمقيات وابوهن طرد التركي والانجليزي بركتو ما بتطرد المساخيت ديل ..؟ المهم انو ود الفاضل لم بعض الجماعة بتاعين الجبجبةوعمل ليهم قيدومة في سوبا ونفذ تصميموا ودخل على العزبة شهر ( ودا نفس الشهر الفي سنة 1998 شوه فيه سمعتها وقال فيها ما قال. والصادق كان زعلان الا ما قادر يقول ولمن سألوه قال ليهم انا نصحت ود عمي وقلت ليهو (الضبيحة جاية ما في داعي تأكل من الفطيس).. ولفت الايام ودارت وانقلبت ام العزبة على مبارك ومرقتو نصت نهار بي شنطتو الدخل بيها.. ليه ؟, لانو قال ماشي اتفسح في امريكا والجماعة بعد الكلام قالو الصادق دا نبي عدييل كدا كيف عرف انو الزول دا بنطرد بعد سنتين وشوية ولسه ما شاف منها جنا!!! المهم انو الناس اقتنعت انو الصادق دا زول ما هين وأهو استفاد من (الخبرات التراكمية) - لسباق عسكر وحرامية وبعد دا حيغير التكتيك وسيلعبها بأسلوب (السراميك) يعني الواحد ما يسعى للحاجة بل يملس ليها الارضية بعد داك هي براها بتجي منزلقة .. لكن صاحبنا طلع في البلكونة وقال بصوت عال حكومة مافي دت ..مشاركة مافي دت..ثنائية كعبة دت ..شمولية ماتت دت .. وتحالف جديد بدل قديم يسحق الجوز دت فهل يتصور احد بعد هذه الخبرات الطويلة يبيع الصادق (الذبيحة) بفطيسة كافوري ...؟ = اعتذار= بمثل روحك الرياضية اعتذر عن اي تخريمه -بالمناسبة- لبنى يوسف بتسلم عليك وقالت ليك الانقطاعة كعبة دت

و خالص تحياتي للحبيبة جدا لبنى و مشتاقين ليها جدا جدا

Quote: قال محمد الحسن سالم حميد في قصيدة عـم عبد الرحيم حيكومات تجـي وحيكومات (تغــور) بالطبع لا مانع من تأسيس الحركــة بأي أسم يروق للسيد الصادق لكنني أرى أنه لا بــد للاحتفاظ بالشاعــر بالحق في السبق للمصطلح وتحياتي

Quote: الأخت الغالية لنا مهدي والله أنا كنت مفكر في كلمة "شتّتوا" لكن "غوروا الصادق عبد الله عبد الماجد ما بطالة بس خايف الحبر يوسف نور الدائم يصر على "شتّتوا" عندها سأطالبه بتعويض بسيط كرسي في اي حكومة قادمة تحياتي المناضل فرانكلي أوي

يمكن ليتر أون يكون في تحالفات و اندماجات و هلم جرا
بعدين يا فرانكلي باخوي مناضل الهناانتا
مستهل حياتك النضالية بطلب كرسي حكومة؟؟
عاااااااااافية منك

Quote: Quote: غايتو الامام لو وصل الحد الله قال بي قولهم الله يديهوا العافية باقي هو راجلن ماهل وبالو طويل زى نبى الله ايوب وشعارو لابد من صنعاء ولو طال السفر! ونحن صنعاء حقتوا دا طرفنا منها! جني

كدي ارجى صنعاء دي يمكن ما تندم

Quote: يبقى نحنا فعلا امة وسط