يا كرادفة انها كردفان فهبو

Quote: اخى وصديقى العزيز / اباذر التحايا النواضر Quote: فضلت اشوف و اتذكر كلب سعران ***** يًربًطوا فيه يتفكي و يعضي في شفع الجيران واحد من ظرفاء كردفان نسخ هذه الهدية الجميلة و اتى بها وقراها للحضور ولكن فى نهاية القراءة علق وسألنى يا على اسماعين انت اخونا اباذر ده لى كم سنه ما جاء لكردفان فقمت سألته ليه يا عبدالرحيم ؟ قال لى هو ماسمع انو الكلاب بقت تعضى (silent) صامت او ولا رسلوا العضة مسج ؟ فقلت ليهو ليه ؟ قال لى عشان الصينيين البحفرو ديل ما يسمعوهم حفاظا على النسل قبل الانقراض - قالوا نتعلم من الديناصورات - عموما عزيزى هدية مقبولة ونسأل الله لك ولكردفان كل التقدم والازدهار خالص التحايا

LOOOOOOOOOOOOOOOOOOOOOOOOOOOL

اباذر الشباب شايلين حسك والجرسه حاصله
هاهاهااهااهاهااهااهاها
اطنبج ليك الواطه مع اهلك ديل وافتنك..
اسمعع (ياعلى)(اباذر) ده قال ينزلو ليهو الكلمات دى ..
الزول ده شكلو ماسك عراقيهو بى سنونو وباقى زول شكل ساى ..
ولا جارى من كلب جد جد
بينى بينك الكلب فى بلدنا ديك مع الرمله مابتشاف يكون منبطح ليك ولونو زى لون الرمله تعفصوا الا تعرف شى..(بتخيل فى منظرك اباذر معقوله ياكلونيل..)

شوف جرستو ..بينى بينك مابراهو لكن نتحجج بيهو. .
بى هناك برضو كيسته بيها (البحيراوى)..
يا كرادفة انها كردفان فهبو

غبر الاثير(صديق عباس)

عبر الاثير بكتب سطور لى ست هواى (كردفان) وارسلها
تلقاها من مخلص عزيز تنزل دموعها تبللها
تقراها لى اخر حرف تبداها تانى من اولها
وكتين تشوف كيفين مقاسى الغربه كيف بستحملها
عبر الاثـــــــــــير..
*****
كيف حالى انا
فى الغربه فى البلد البعيد
واليوم يمر زى السنه
يطوينى ليه ليل العذاب
ليل الضنى احزانى تتمد سحاب
اهاتو مغلوب احضنه
عبر الاثـــــــــــير..
*****
يا الله لمتني للبلد ارجع واشوف نور الامل
انا فى ابتسامتو بعيش عمر همساتو تسينى الحصل
فى حسنو بيغيب الخيال فى عيونو فى الخد و الخصل
يا الله طال صبرى وشقيت لمتين اعود لمتين اصل
عبر الاثـــــــــــير..
*****
عبر الاثير بكتب سطور لى ست هواى (كردفان) وارسلها
تلقاها من مخلص عزيز تنزل دموعها تبللها
تقراها لى اخر حرف تبداها تانى من اولها
وكتين تشوف كيفين مقاسى الغربه كيف بستحملها
عبر الاثـــــــــــير..
*****