نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: دعوة لمشاركة الجميع،، تخيلوا سيناريو ما بعد السلام القادم (Re: ahmed haneen)
|
هناك مشكلة رئيسية لا بد من النظر اليها باهتمام والتعليق عليها...
أقصد ضعف الكادر البشري بقناة السودان الفضائية (اسمها كدة صح؟؟) سواء الفني أو الإداري.
ما معقول أبدا ألا تتمكن وزارة الأعلام العريقة من تجديد شبابها بالإذاعيين الأكفاء ذوي الأداء والصوت المميز...
وكمان اصلو ما معقول أن نضطر إلى متابعة إعلان يتحدث مذيعه بسرعة 167كلمة في الثانية كانو ساكيو كلب سعران لدرجة انك إذا مالابس نضارة الشوف ما بتقدر تفهم الإعلان دة لشنو بالضبط...
دة طبعا غير الطرب الأصيل والناس الصوتها زي...البلابل الغنّاء، والادهى والامر انو يجيك واحد يقول ليك هواتفنا على الشاشة ولغاية ما ينتهي الإعلان لا تظهر هواتفنا ولا يحزنون!!!
ياناس كم إدارة تعاقبت على هذا الجهاز منذ زمن والى يومنا هذا، ألم يلاحظ مدير واحد من المديرين المية الجو ديل المأساة الاسمها تلفزيون السودان ولا سمعو رأي الناس!!!
ما لاحظو إنو الصورة في العرض أقل كفاءة منها في اية شاشة عربية أخرى (ما اسوأ منها من ناحية الصورة إلا قناة ارتريا)؟؟؟
ما لاحظو انو برامجهم مكررة، لا وكمان يمشو ينكتو البرامج القديمة عشان يعيدوها تاني!!!
وضيوفهم محددين، مثال لذلك برنامج أسماء في حياتنا وعمر الجزولي الكره الكابلي ومصطفي ابو شرف الدنيا!!!
واستدويوهاتهم التي لا تخلو من كآبة وبدائية، يعني ما صدقنا حلونا من الأقلام جونا لسعف النخيل!!!
لابد أنهم جميعاً لاحظوا، ولكن ماذا فعلوا؟؟؟
أن مشكلة كادر التصوير بجانب كادر الإخراج تشكلان معاً جانباً مهماً من محنة الكادر البشري في قناتنا، دة طبعا بلاضافة لبعض الضيوف، اذ تجد احيانا ضيفا ينكرش زي العضتو نملة ريش أو يتثاءب كانو قارصاهو تسي تسي!!!
ترى كيف يتركونهم هكذا يسرحون في أجسادهم يمينا وشمالا دون أن يشترط عليهم مخرج أو أي من الواقفين خلف الكاميرات طريقة أفضل للجلوس أو ينبههم لذلك!!!
والله حرام عليكم فضحتونا أمام العولمة!!!
بالرغم من كل هذه المواقف –الغير مخجلة- أراني لا أمِل من الضغط على رقم واحد في جهاز الريموت كنترول والساعة اتخلعني البت ذات الصوت الحلم..
تيــــــــــــقا * * * تيـــــــــــــــقا...
خزانات تيـــــــــــــــــــــــــــــقا... تيـــــــــــــــــــــــــــــــــــــــقا...
ملحوظة: المطة دي طبعا لزوم الطرب 
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست