كنا ونحن سغار بنلعب بكورة لستك بنية اللون ذات خطوط
وكان صاحب الكرة يوقفنا صفا طويلا قبل بداية اللعب ليفتش اظافرنا
فصاحب الاظافر الطويلة عندما يشووت الكورة تسقط على الارض لا حيلة لها ولا قوة على النقيز ...فظفر صاحبنا غالبا ما يشرط بطنها فيتحول اللعب الجميل الى شمطة بسبب ضفر ..
يعني اتخيلو بكري ده هو سيد الكورة وموقفنا صف طويل عشان يطلع الناس البشوتو ضفاري وبيخلو المنبر ما ينقز كويس يعني منفس
ويقوم يعاين لكراع اساسي ويقول ليهو سووري ما بتلعب معانا يقوم اساسي يمشي البيت ويجيب جزمة باتا قديمة وفردة واحدة يلبسا في كراعو اليمين ...يقوم بكري يقول ليهو والشمال دي ما بتشووت بيها يقوم اساسي يحلف بالتقطعو انو ما يشووت الكورة الا برجلو الفيها الباتايقوم بكري يقول ليهو ياحي انت ما تخليك زي تمبس ده ياخي ده حتى الكورة بيجيها مستحمي ومتريح .
يمشي قدام شوية يلقى يازول يازول كرعينو زي البرجل ولابس سروال اب تكة...يقول ليهو ما عندك شورت تلعب بيهو كورة يقوم يازول ينفخ جضيماتو ويقول والله ياهو الفضل كمان نلبس شورتات في اخر عمرنا...ياخي ردي الكورة دي خلينا نمعطا معط ...ابوالزمن الخلانا نلعب بالشورتات انا بالعراقي حقي ده بجرجر ليك ولادك ديل ارقدم سلطة فكونا ياخي
يمشي قدام شوية يلقى كبسيبة يضحك ...بدون ما يشعر بكري يقوم يلم الكورة عليهو ...انت يا كبسيبة ما عندك ضفور لكن لو جيت تلعب الكورة دي هيد وجلت من راسك وجات في خشمك ما سجما وسجم خشمي
بالله اي واحد ضفاري يمرق يجينا بي جاي
وحتى النواعم الشوتن ضفاري برضو يعملن صف بهناك
احسن ليكم قبل ما يبدا التفتيش
(عدل بواسطة garjah on 04-15-2004, 09:01 AM) (عدل بواسطة garjah on 04-15-2004, 09:07 AM)
هي الشوتة دي إسمها بوذذذ ولا ضفاري بعدين الناس الفي المنبر ديل بلعبو بأي حاجة رجلين،ريسين، صدور، أجنحة،أفخاذ يعني خلاص جات على سنوني. برضو بلعب بيهم. بس خليهم يبدو اللعب. وما حجي لابس فردة كدراة زي أساسي أنا عندي كبك خاتيهو لشيتن زي ده من زماااااااان لكن ما شنو كبك OREGINAL
04-17-2004, 08:00 AM
garjah
garjah
تاريخ التسجيل: 05-04-2002
مجموع المشاركات: 4702
قرجة الجميل.. أها يا قرجة وحراس المرمي يسووا شنو؟ مع ناس الشوت الضفاري ديل خاصة لو الكورة كورة شراب وجواها (كركعوبة) حقة دومة طبعا يا قرجة أخوك قديم قبل زمن المسلسلات زمن ناس (كعوت) أو قول شليل بي كلام البنادر.
04-17-2004, 08:11 AM
garjah
garjah
تاريخ التسجيل: 05-04-2002
مجموع المشاركات: 4702
كورة الشراب ام دومة المشكلة ليس في شرطها انما في الضفر المسكين مفكم من ضفر خرج محتجا على شوتة وهو العضو الوحيد اذا تالم لا يرضى غير مفارقة الجسم وتبدا رحلة طويلة من الالم ومتابعته الى ان يذهب
يازول انا هسع شوت الرجال الضفاري ده عندنا طبعا عاااادي
لكن في نواعم بيشوتن شووت ما حصل يعني بيلطشن الكورة دي او النضم ده لطش لامن يدخلنو في خاترو زاتوو
والله في واحدات يشوتن الشوتة لامن تستمخ وتعدل طاقيتك وتخت السافة وتمتم عافي منك بت عازة ...مرة ضكرانة
لينا فترة من الدافوري .. وعكساتك الحلوة دي.. غايتو اخوك حريف تصنيع حربييعني كورة الشراب . بيكون جواها حجر.. وفي ام الصلص والكم بلد ..إذا وقعت ليك واحده في ضهرك .. الا يركبو ليك اوكسجين صناعي تتخيل ياعمو من سنة..90 ما لعبت دافوري ..عليك الله دي حالة دي ؟؟
04-17-2004, 10:11 AM
THE RAIN
THE RAIN
تاريخ التسجيل: 06-20-2002
مجموع المشاركات: 2761
يعنى خلاص عاجبنا لعبك الناعم ده ، أنا يا سيدى شفت لعبك بى عينى ما كلمونى وشفت الشورت اللابسو بشبه العراقى وشفت الفنله مليانه عرق تقول نزلتها من حبل الغسيل مبلولة ولبستها ونحن بنشوت ضفارى لكن الحكمة بتجى قون
وهسع هاك الشوته دى ....
اتخيل نفسك واقف قون ، والكوره بلنتى والحايشوت أساسى وطبعا كرعيه حاله سعبة والكوره عاملها تمبس من الشرابات القديمة ومحشوه من الداخل بى حجر زنة واحد كيلو راح شايت الكوره ضفارى لمن اتشرطت والحجر جاك فى القون وطبعا الضحك حا يشرطك فى الحالة دى ، فى الحالة دى تعمل شنو ؟؟؟ تمسك الحجر ولا أحسن تمشى بيتكم من سكات؟؟؟؟؟
04-17-2004, 10:51 AM
Ahlalawad
Ahlalawad
تاريخ التسجيل: 02-05-2002
مجموع المشاركات: 2832
يا قرجة بعد كده ما نعلمها قسمة وكل واحد ياكل نارو يازول ..يازول ده باين عليهو بلعب حفيان وكرعيهو كلها مزلطة عشان كده وقعني معاهو في القسمة لحدي حسي لا شفنا ناعم لا كعك.
04-17-2004, 11:42 AM
على اسماعيل
على اسماعيل
تاريخ التسجيل: 03-25-2004
مجموع المشاركات: 1802
انا فى رائ الشوت الضفارى ده ما بنفع فى زمن العولمة ( ما احسن اى واحد فينا يجيب ليه قرجة و يقيف فى الصف واكيد الزى ده بختاروا فى الاول ) ولكم شكرى وتقديرى
04-17-2004, 04:50 PM
garjah
garjah
تاريخ التسجيل: 05-04-2002
مجموع المشاركات: 4702
ناس يازول ديل كان ماشافو العجاج لاوي الكورة ما تخش راسم
ابوذر صديقي
انا هسع مستغرب نحن زمان كيف الواحد لما ينجرح بكب في الجرح تراب
تتخيل تراب وتواصل كورتك زي الحلاوة لا تتنوس لا سعال ديكي
انت تسلم
يازول يازول
الا الواحد يشتغلك حتى تجي ....طبعا سعادتك من الذين سودنو لعبة كورة الشراب وسعادتك استلم الكابتنية من الخواجة سوكس جخسيا ...وعملت على نشر اللعبة في حواري امدرمان القديمة ويشهد لك الوسط الرياضي اسهامكم الثر في تاصيل اللعبة والانزلاق بها الى مهاوي الهزيمة في مباريات شهيرة مع فرق بحري العريقة ..
ابشر يازول ما تزوووغ
ابوحميد
كدي رووق تلعب اوت سايد كيفن يازول انت ان سايد وفي الانسايد كمان راس حربة وفي ريسين الحربة كمان هونري الفرنسي قال اهل العوض قال
يازول انت مما تعضي طرف العراقي بسنونك القون جاهو بلا
عافي منك ابزرد
اقعد عافية
الموج اخوي
ظاهر عليك زول سباحة ساااي من الموج دي ...لكن بس موجك ده كيفنو موجة اف ام والا موجة متوسطة ....واذا كان موج بحر ياتو بحر لانو موج هاواي ما زي موج الاطلنطي والاتنين بفرقن عن دميرتنا
تسلم يا غالي
علي اسماعيل
القرجة كانت زمان ...ده زمن تمشي فيهو جنب الحيط زي ما بقولو اخوانا المصريين ....واخوانا ناس التعليق الرياضي بيقولو للاعب البيضرب كتير لياقتو واقعة ...فدحين لو جيتنا بقرجة تبقى لياقتك واتة
تسلم يا غالي
كبسيبة
ناعم شنو مع الشنبات دي روووق
اقل شنب في الجماعة الفوق ديل يرك فوقو الصقر بارتياح شديد
قال ناعم قال
04-17-2004, 06:51 PM
على اسماعيل
على اسماعيل
تاريخ التسجيل: 03-25-2004
مجموع المشاركات: 1802
والله جلبت لينا البسمة اليومين مع سخانة المنبر اليومين ديل - يا اخوى الله يديك العافية ــ و اما انا قال ليك منو عندى لياقة (تحت الواته ذاتو ) لان جايب القرجه ليشنو - قرجه مقابل قرجة وانت اللتاكل نارك - مع حبى وتقديرى
04-17-2004, 09:31 PM
طيفور
طيفور
تاريخ التسجيل: 08-17-2002
مجموع المشاركات: 1666
يا قرجة ياخوي وحات الله شوت الضفاري مع النظام العالمي الجديد دا هييييين.. الدور والباقي في الناس الكرعينهم الاتنين لفت ديل الواحد فيهم فدر ما يشوت الكورة تقوم مصرجه.. اها زي ديل نسوي معام شنو؟؟
04-19-2004, 05:41 PM
garjah
garjah
تاريخ التسجيل: 05-04-2002
مجموع المشاركات: 4702
قرجه المختفي منذ زمن هلا ومرحبا وبركه الشفناك طيب فريق الدافوري للشوت الضفاري ازيكم وحبابكم ياشباب ماتتخلعوا انا ماجايه اشوت ضفاري لكن بس جيت اقول ليكم كتحتونا بالتراب هدوا اللعب شويه وياقرجه انت واقف حارس مرمي وبعد دا كلوا كتاحتك في السماء دا لعب دا ولا عاصفة الصحراء؟؟ لكم التحايا واتمني ان اراكم في دوري كاس العالم للشياب
04-20-2004, 04:16 PM
garjah
garjah
تاريخ التسجيل: 05-04-2002
مجموع المشاركات: 4702
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة