|
|
 Re: لا بد من النظر في مناهج الدين (Re: Yasir Elsharif)
|
العزيز/ياسر والمتداخلون
تم تناول هذا الموضوع في برنامج الاتجاه المعاكس الذي استضيف فيه الدكتور سيد القمني ادناه جزء من حديث الدكتور القمني والرابط للاطلاع والاستماع للحلقة لمن يود
وليتواصل النقاش
سيد القمني: حتسمع ولا ما تسمعش.. منهج التوحيد المقرر على ثاني متوسط في السعودية صفحة 105.
سيد القمني: السعودية.. ابغض في الله.
سيد القمني: في السعودية.. ابغض في الله، المخالفين والمعرضين عن أوامر الدين الصحيحة، طب بس استنى معاي شوف بقى إيه الدين الصحيح، هوه ما يقصدش الدين الصحيح الإسلام كده في المطلق لا لأن هو متصور صاحب الكلام ده وصاحب المذهب إن هو الإسلام الصحيح، وأي إسلام ثاني غلط، لأنه يجي يقول إيه بقى في كتاب التوحيد أولى ثانوي صفحة 12 وثانية ثانوي صفة 37 الفِرق المخالفة من جهمية ومعتزلة - أنا راجل معتزل - وأشاعرة وصوفية قلدوا من قبلهم من أئمة الضلال فضلّوا وانحرفوا وهي فرق ضالة، وبعدين يضيف فرقة غريبة جداً هي همّ هي السنة الأشاعرة والماتريدية مثلاً، وبعدين ييجي مهاجم كل المسلمين كل الفرق الإسلامية إحنا في مصر مثلاً بنحب النبي عليه الصلاة والسلام وآل البيت ونحب نحتفل إيه بمولد النبي وده حاجة شعبية الناس بتستناها من السنة للسنة علشان تعيش هذه السعادة، الاحتفال بمناسبة- ده كتاب التوحيد صفحة.. بتاع ثالثة ثانوي صفحة 126- الاحتفال بمناسبة المولد النبوي تشبُّه بالنصارى، في إيه؟ طب إحنا النصارى في بلدنا ناس طيبين وحلوين وزي الفل وكانوا بيموتوا معنا في القتال وشهداء وآخر حلاوة مالهم النصارى؟ يعني شُق البلد نصفين مثلاً بالكلام اللي زي ده، يحتفل به جهلة المسلمين، أنا يعني ما بحتفلش عادة، إنما مين اللي بيحتفل بقى.. والعلماء المضلون الأكالون دول بقى هيبقوا مين؟ مين العلماء اللي بيحتفلوا بمولد النبي؟ علماء الأزهر. سامع يا أزهر؟ أهو علماء الأزهر، همّ دول وبعدين كل اللي شاغل المنهج انتصار السنة على مذهب ابن عبد الوهاب، هوه الصح.. الشيعة غلط والمعتزلة كفار والأشاعرة مارقين والعالم ده كله لازم يدّبح، وتقول لي ما.. طبعاً كراهية يقول لي ابغض في الله إزاي؟ أنا أعرف إن ربنا ده حب، محبة في الله آه هو بالمناسبة عنده فرصة إنك تحب الله، في كتاب التوحيد بتاع ثالثة ثانوي صفحة 41، عايز تحب الله؟ أقول لك محبة الله لها علامات منها العزة على المخالفين والكافرين وأن يظهروا لهم الغلظة والشدة، يعني عايز تحب ربنا اكره خلقه، طيب ده كلام يدّرس وتقولي ما.. وبنسأل الإرهاب جه منين؟ ماهو الإرهاب أهه، الأضرحة و.. طب في ناس بس.. كمّل إدي الأستاذ كمال فرصة أنا معايا كلام كثير.
دافع الدكتور القمني عن ضرورة تغيير المناهج ومايز بينها والخط الامريكي موضحا ان امريكا هي التي وقفت خلف الموجة المنادية باسلمة العلوم وتمكين الصحوة الاسلامية واورد شهادة فهمي الهويدي حيث ذكر
فيصل القاسم: لكن كيف ترد على دين يدعون إلى أسلمة المعرفة والعلوم في هذا الوقت كي تتماشى مع ديننا؟
سيد القمني: أولا بمناسبة الأسلمة كده من.. يعني إيه هذه فكرة الأسلمة هي اللي عملتها أميركا، وأميركا هي اللي عاملة النهضة أو ما يسمى الصحوة الإسلامية وعندي شهادة.
فيصل القاسم: ما يسمى؟
سيد القمني: أينعم ما يسمى وعندي شهادة للأستاذ فهمي هويدي وهو رجل معتدل وكاتب محترم بيقول فيها إيه؟ بعد وكالة المخابرات الأميركية ما كشفت اللي صرفته على المجاهدين واللي صرفته على الندوات الإسلامية وعلى العلوم الإسلامية وبيتهمونا إحنا بأميركا دي حاجة تموت يا عم فيصل تقهر.
سيد القمني: واخد بالك إزاي أهو إن وكالة المخابرات الأميركية قد مولت في عام 1987 لوحده أكثر من 120 ندوة علمية عن الصحوة الإسلامية وقد أثار
سيد القمني: هي كلمتين وقد أثار لي ذلك مشكلة شخصية، لأني شاركت في أكثر من 15 ندوة تحت هذا العنوان وكانت لي في بعضها أبحاث وبكل أسف يقول وكما لو كان يعترف بشيء مر هه، لا أعرف إلى أين تسربت ولأي هدف وظفت كتابه المفترون اللي كاتبه علينا إحنا المفترين إحنا العلمانيين كويس وبيعترف هو فيه بالكلام ده وإحنا اللي خاينين.
http://www.aljazeera.net/programs/op_direction/articles/2004/2/2-21-1.htm
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست