|
حكاية المرضي ود ستنا ... اهداء لعادل الامين و كل الاحرار ...
|
حكاية المرضي ود ستنا
اهدي هذه القصة اهداء خاص لصديقي الحبيب عادل الامين ولكل الاحرار
المرضي ود ستنا كان زول شاطر خلاص, بس كان بيحب السفاهة زي عيونو ... و كان طالب معانا في الجامعة ... و كانت امكانياتو المادية محدودة زيو و زي باقي الطلبة المعانا ... بس دايما كان بيربط اللهو بالجد و دا الكان بيميزو ....
تصدقو كان بيعمل شنو ... كان لمن تكون معاهو طرادة هي المبلغ المقطوع الكافي – حينذاك - لقضاء ليلة سمر لطيفة علي حسب ما كان يسمي هذه الاشياء, كان بيفتح أي مرجع من المراجع البيذاكر منها و يقوم بوضع الطرادة في نهاية الجزء الذي يود قراءته او مذاكرته ثم يبدأ القراية من بداية هذا الجزء و يمني النفس بسرعة الوصول لصفحة الطرادة و يستمر في الكسر بالمعدل الذي يمكنه من الوصول للطرادة باقصي سرعة ...
و عندما يصل للطرادة يكون قد انتهي بالتالي من ما اراد قراءته و استذكاره فينهض من فوره مهما كانت الساعة و ينطلق الي حيث مصارف المال ...
غادر المرضي ود ستنا البركس وركب البرنسة حتي وصل لغايته ... و هناك راي منزلا معلقة علي بابه لافتة مكتوب عليها بخط غير جميل الا انه واضح " منزل احرار " .... خيل للمرضي و علي حسب هواءه الباطني ان احرار هذه تعني ان يفعل سكان هذا المنزل ما يحلو لهم, يعني زي ما يقول ليك الواحد انا حر اعمل الدايرو انت مالك .... و لم يعلم المسكين ان احرار هذة تعني نفس المعني الوارد في المقولة المشهورة بان تجوع الحرة و لا تأكل ب .... الي اخره .....
اها اخونا المرضي لقي الباب متاكى ... قام دفرو و دخل ....... لقي الجماعة راقدين في الحوش ... فقال لهم بلهجة الواثق من نفسه و هو يتحسس جيبه حيث ترقد الطرادة في اطمئنان:
- الراقدين ليها شنو ... انا جيت
انزعجت علوية و سحبت الطرحة لتغطي بها راسها و صرخت بصوت منحبس سجمي بينما رفع صباح الخير راسه من العنقريب نصف رفعة و نظر الي المرضي بعين شبه مغمضة و قال ليهو:
- مرحب .... تعال .... ابقي داخل
ارتسمت ابتسامة انتصار علي الطرف الشمال لفم المرضي ..... و دخل ...
تاني يوم صحو الجماعة الصباح في الداخلية لقو اخونا المرضي نايم و مغطي راسو ببشكير علي غير العادة ... صحوهو ... قال ليهم:
- انا صاحي - طيب لو صاحي ما تقوم راقد مالك رد من وراء بشكيره - امشو انتو انا ما ماشي - الامتحان يا المرضي - ما مشكلة بجيب لي ميديكال ريبورت - يا زول صلي علي النبي و قوم - انتو مالكم انا داير املحق ... في زول فيكم عندو عندي حاجة ... يلا طشو من هنا - يا اخينا ما تشيل البشكير دا و تتكلم معانا زي الناس
لكين ما في فايدة لا المرضي داير يقوم و لا داير يشيل البشكير من وشو .... خلوهو جماعتو في الغرفة و هم في اشد حالات الاستغراب ....
ما ان خف وقع اقدامهم و تاكد المرضي من ابتعادهم حتي نهض و رفع البشكير من وجهه و جاب مرايتو المشقوقة و نظر فيها متحسرا و تحسس مكان شنبه الذي فقده الليلة الماضية.... و ردد بصوت حسير ...
انا كان مالي و مال الاحرار
ملاسى
|
|
|
|
|
|
|
العنوان |
الكاتب |
Date |
حكاية المرضي ود ستنا ... اهداء لعادل الامين و كل الاحرار ... | Hussein Mallasi | 01-01-04, 01:25 PM |
Re: حكاية المرضي ود ستنا ... اهداء لعادل الامين و كل الاحرار ... | ASAAD IBRAHIM | 01-01-04, 11:13 PM |
Re: حكاية المرضي ود ستنا ... اهداء لعادل الامين و كل الاحرار ... | ASAAD IBRAHIM | 01-02-04, 06:24 AM |
Re: حكاية المرضي ود ستنا ... اهداء لعادل الامين و كل الاحرار ... | bayan | 01-02-04, 06:27 AM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 01-02-04, 08:22 PM |
Re: حكاية المرضي ود ستنا ... اهداء لعادل الامين و كل الاحرار ... | Abdel Aati | 01-02-04, 08:36 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 01-04-04, 06:06 AM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 05-24-04, 04:41 PM |
Re: حكاية المرضي ود ستنا ... اهداء لعادل الامين و كل الاحرار ... | adil amin | 01-03-04, 01:48 PM |
Re: حكاية المرضي ود ستنا ... اهداء لعادل الامين و كل الاحرار ... | بلدى يا حبوب | 01-03-04, 06:20 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 01-04-04, 06:45 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 01-26-04, 03:45 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 05-23-04, 04:47 PM |
Re: حكاية المرضي ود ستنا ... اهداء لعادل الامين و كل الاحرار ... | omer almahi | 05-23-04, 06:02 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 05-25-04, 00:01 AM |
Re: حكاية المرضي ود ستنا ... اهداء لعادل الامين و كل الاحرار ... | Nagat Mohamed Ali | 05-23-04, 09:36 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 05-25-04, 05:58 PM |
Re: حكاية المرضي ود ستنا ... اهداء لعادل الامين و كل الاحرار ... | adil amin | 05-26-04, 04:01 PM |
Re: حكاية المرضي ود ستنا ... اهداء لعادل الامين و كل الاحرار ... | Hussein Mallasi | 05-27-04, 11:48 PM |
Re: حكاية المرضي ود ستنا ... اهداء لعادل الامين و كل الاحرار ... | mekki | 05-27-04, 12:37 PM |
|
|
|