|
|
 Re: وردي يغني للشاعرة أسماء الجنيد (Re: HOPEFUL)
|
سلام يا أهلنا ..
أولا لكم العتبى جميعا حتى ترضو لانقطاعي عنكم طيلة هذة ألمده .. وذلك نسبة للظروف القاسية اللومتنى معاكم ..
اخى العزيز سمابتيكو .. يا بطحاني من أهل الكرم
التحية ليك قدر جودك . والتحية ليك قدر المعاني النبيلة الساكناك. منذ أن عرفناك وأنت معطاء ودون مقابل .. ناكر للذات .. تعمل في الخفاء من اجل غيرك، صوتك مسموع من خلال يراعك المتميز .. ربنا يديك قدر ألجواك يا نبتة من عمق الوطن ..
العزيز نصار يا شامخ شموخ بلدي بكم انتم ومعكم كانت البداية وكنتم نعم الأخوان .. وقفتم وعبرتم عما يجول بخاطركم وأكثر .. شددتم من ا زرى .. سقيتم معي زرعي وكانت رعايتكم مخلصه كإخلاصكم المعهود.. ترعرع ونضج بنبعكم الصافي كصفاء نواياكم الطاهرة .. وكان القطف قطفكم فهنيئا لنا به جميعا تحت راية بلدي المعطاء ..
ادرووووب يا ولوووووف أنت بالكرم والجود موصو ووف .. وبالولف معروف .. التحية ليك قدر فرحتك المن عمق الجوف ..
بهديك فنجان جبنه بي هبها نه في قهوة تحت ضل قطيه .. مختوته في طبلية مضروبة بوهيه لبنيه وممسحة بي زيت عربيه
..مكشحه جمبك مويه مطره في شارع كسلا بالردمية ..دبايوا يا زول ..
منعم المرهف .. سلام يا شاعرنا العتيق .. يا طيب من اصل الطيبين .. حقيقة كانت أيام وليالي ملاح في غرف البال توك .. ليالي شعرية وأدبيه منارة بكلامكم وعباراتكم المن ريحة البلد ونفس الأهل .. وتلك ألليله في حضرة شاعرنا الحلنقى وأستاذنا وردى لن تنسى أبدا وحا تفضل منحوته في ذاكرتنا .. وأستاذنا وردى الله يطراه بالخير .في آخر لقاء به كان يذكر تلك ألليله ومعجب بها وبمن أداروها للغاية .. التحية ليك يا منعم ولكل من كان معنا في تلك ألليله وجزاكم الله ألف ألف خير ..
الجند ريه يا بت بلدي ألحنينه .. يديك ألف عافيه يا يمه ويديك قدر نيتك يا أم نيتة لبينه وصافية ..
إن شاء الله نفرح معاك في السمح الزى خصالك .. تسلمىى يا أحلا امانى يا سندسية..
المنصورى يستاهلك الخير يا يابا وبرية من ألعلقه .. يديك العافية يا شيخ المناصير .. ودعواتك بندورا بالكتير ..
كوستا يا ضل الأهل .. التحية ليك ولتعبيرك المكانتو أعلا من السحاب .. إن شاء ربنا يعلى مقامك ويطيب خاطرك يا أب خاطرا طيب ..
بدر الدين الحنين السمح مو شين .. أنا برضي شاعره بيك حنين ودميعاتك في طرف عينك .. بس ما تقوم هسه تنقطن لينا في الكلام ده وتمسحو قبال اصحابو ما يقروه لوووووووووووول .. بدر الدين التحية ليك غزيرة غزراة قصبنا وطااااااااااعمه أحلا من سكره ويديك العافية أبو ابواب ..
ألحبيبه الغالية بيان .. يا أصيله من بيت الكرم والضيفان .. يا بت أهل الخلاوى والقرآن ..
التحية ليك كيمان كيمان .. تغشاك وتشيل من نداك وتوزع للحبان .. شكرا كتير كتير وعرفان
تسلمي يا منبع الحنااااااان ..
الأخ إيهاب الطيب .. التحية ليك أنت يا رجل يا طيب .. وشكرا لي كلامك الطيب .. أتمنى ليك كل خير يا ود بلدي ..وكتر ألف خيرك على كل كلمه جميله كتبتها في حقي .أتمنى أن أكون عند حسن الظن دائما وربنا يوفقني .. دعواتكم هي سندي .. يديك العافية يا رب..
عشة بت امى فاطنة .. حباب اختى حباب ألقريبه المى بعيده .. تسلمي انتى يا رمز المرأة ألمكافحه .. يا صاحبة أنقى ضمير واكبر قلب .. وين المفاجأة يا عشة طال انتظارنا ليها .. تسلمي من تانى
تماضر يعظم شأنك ويعلا مكانك .. ويديك ألفى مرادك .. التحية ليك يا بت البلد قدر عز البلد .. وقدر طيبة البلد .. وأهل البلد .. ويحفظك من شر حاسد إذا حسد ..
هاله قوته شكرا على طلتك يا جميله .. والتحية من خلال طلتك لكل امرأة وكل سنه وانتى وهن جميعا بالف ألف خير .. شكرا حنينه يا هاله..
اخى وابن بلدي جمال عبد الرحمن ..
حبابك وحباب طلتك وجيتك يا ضى القبيلة الما بنطفي .. إن شاء الله تفرح بالسمح ونفرح معاك ..
ونفاخر بيك كل البلود يا دخرى الجدود ..
جمال شكرا خدار جروف... وتحية اكبر من كل الحروف ..
|
|
 
|
|
|
|
|
| العنوان |
الكاتب |
Date |
 وردي يغني للشاعرة أسماء الجنيد | sympatico | 12-24-03, 05:07 PM |
| Re: وردي يغني للشاعرة أسماء الجنيد | نصار | 12-24-03, 06:01 PM |
| Re: وردي يغني للشاعرة أسماء الجنيد | aosman | 12-24-03, 06:22 PM |
| Re: وردي يغني للشاعرة أسماء الجنيد | عبد المنعم سيد احمد | 12-24-03, 06:36 PM |
| Re: وردي يغني للشاعرة أسماء الجنيد | الجندرية | 12-24-03, 07:07 PM |
| Re: وردي يغني للشاعرة أسماء الجنيد | منصوري | 12-24-03, 11:13 PM |
| Re: وردي يغني للشاعرة أسماء الجنيد | KOSTA | 12-25-03, 01:25 PM |
| Re: وردي يغني للشاعرة أسماء الجنيد | بدرالدين شنا | 12-26-03, 04:47 AM |
| Re: وردي يغني للشاعرة أسماء الجنيد | bayan | 12-26-03, 05:17 AM |
| Re: وردي يغني للشاعرة أسماء الجنيد | Ehab Eltayeb | 12-26-03, 06:03 AM |
| Re: وردي يغني للشاعرة أسماء الجنيد | عشة بت فاطنة | 12-27-03, 08:48 AM |
| Re: وردي يغني للشاعرة أسماء الجنيد | Tumadir | 12-27-03, 11:58 AM |
| Re: وردي يغني للشاعرة أسماء الجنيد | عشة بت فاطنة | 12-29-03, 11:14 AM |
| Re: وردي يغني للشاعرة أسماء الجنيد | hala guta | 03-07-04, 03:07 PM |
| Re: وردي يغني للشاعرة أسماء الجنيد | HOPEFUL | 03-07-04, 03:24 PM |
| Re: وردي يغني للشاعرة أسماء الجنيد | soma | 03-08-04, 09:41 PM |
|
| |
فيس بوك
تويتر
انستقرام
يوتيوب
بنتيريست