|
|
 مصر المأمنة!!
|
أول مشكلة انو محسن أحمد – مخرج العمل – اظهر ناس عقد الجلاد بنفس الطريقة
- التقليدية - التي اعتاد مخرجو الفوازير أن يظهروا بها النوبيين!!
|
|
 
|
|
|
|
|
|
|
|
Re: مصر المأمنة!! (Re: Hussein Mallasi)
|
فاتتنا يا ملاسي
طبعا تمبس ثقافته في الحتة دي محدودة ما نقدر نطلب منها ينزلها لينا
الا نصبر للــ youtube بعد كم يوم
ولا نزازي الشاشة
بس في ياتو قناة؟؟
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
قرابة العام ، يا حسين (ويا ناس) وأنا أسمع عن هذا العمل
وأقرأ عنه في الصحف والمجلات والأعمدة والمقالات ..
وقد إحتفى الإعلام هنا به جداً وتم خلق جو من الإستعداد لعمل
فني كبير وبإنتاج ضخم وبتجربة مشتركة بين مصر والسودان ؛
وتعال شوف !
عمل ركيك جداً ، وما فيهو أي روح .. وما بتفهم منه أي شي ،
ناس عقد الجلاد كانوا بايخين جداً في أناقتهم البتشبه أناقة
الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛
ده ما عمل فني على الإطلاق ؛ ممكن ينفع يكون دعاية للسياحة
الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد
والشكل ، حاجه كده ساكت ، وخلاص !
عمل زي ده كان ممكن يكون حي ، ويمور بالإيقاعات الطبول الصاحية
ويقدر يطلع شحنة الإيقاع الإفريقي مع حركة كاميرا طموحة وسريعة
تعمق من أثر الموسيقى ، بتتحرك من وجه لوجه ومن سحنه لسحنه ،
وعلى أجساد بترقص نوبه بالجد ، والأصوات يكون فيها النداء أعلى
وأقوى ولايف أكتر ..
العمل ده مشوه وبايخ ، وعامل زي بلونه منفسه !
وآللهم لا تؤاخذنا على أي حال من الأحوال ..
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
| Quote: حتى التصوير في الزريبة |
هو تصوير في زريبة عاوزو يطلع كيف يا حسين ؟
انت قايل الزريبة هوليود وللا بوليود 
________
قلنا ليكم الحال من بعضو ما عاوزين تسمعوا الكلام
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
Quote: عمل ركيك جداً ، وما فيهو أي روح .. وما بتفهم منه أي شي ،
ناس عقد الجلاد كانوا بايخين جداً في أناقتهم البتشبه أناقة
الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛
ده ما عمل فني على الإطلاق ؛ ممكن ينفع يكون دعاية للسياحة
الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد
والشكل ، حاجه كده ساكت ، وخلاص !
|
وشكرا طلال ...
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
اتفق معك تماما يا حسين وطلال وكذلك منعم
رغم اننى لم اشاهد العمل مكتملا فقد صادفت احدى المرات يقدمون عنه موجزا، إلا اننى لم اتقبله وواجده بعيدا عن الواقع السودانى ومدح رسول الله(صلى الله عليه وسلم).
وهكذا نحن دوما نقدم أنفسنا للآخرين بتصرف ، غير محمود، يأخذ السر الكامن فينا ويقدم غشاء منكمش بلا روح لا يعبر عن الحقيقة.... قناع مهترى لكثرة العبث به
عفوا
عمرو
| |
|
|
|
|
|
|
|
|
|
Re: مصر المأمنة!! (Re: AmroKamal)
|
اللجنة ياتا يا ملاسي ,,, ما سمعتك !!!!
أقترح على حفدة شيخنا البرعي أن يردوا عليهم بقصيدة
(مصر الملجنة) أو (مصر المهجنة) أو (مصر المكجنة) أو.....
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
Quote: عمل زي ده كان ممكن يكون حي ، ويمور بالإيقاعات الطبول الصاحية
ويقدر يطلع شحنة الإيقاع الإفريقي مع حركة كاميرا طموحة وسريعة
تعمق من أثر الموسيقى ، بتتحرك من وجه لوجه ومن سحنه لسحنه ،
وعلى أجساد بترقص نوبه بالجد ، والأصوات يكون فيها النداء أعلى
وأقوى ولايف أكتر .. |
طلال عفيفي
رحم الله شيخنا عبدالرحيم البرعي.
))))))))))))))))))))))))))))))))))))))))))))))))))))))))))))))
=الصورة للشيخ البرعي اثناء محادثات نيفاشا.=
| |
|
|
|
|
|
|
|
|
|
Re: مصر المأمنة!! (Re: salah elamin)
|
يمكن عشان دى مصر مبارك!
لو عملو ايام مصر ناصر!
كان حيكون آخر حلاوة!
حبايبنا اللى اخدو حلايبنا!
ديل مفروض تعملوا ليهم مصر المستنكحة!
جنى
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
الصحيح يا حسين (المؤمَّنة) ... طبعاً في الأحوال العادية الواحد بيفوّت .. لأنو حتى السطر ده أكيد فيهو أخطاء .... بس حسين ما كان حيفوتها لي زول ...... مش؟ حتقول الكليب مكتوب كدة؟ البوست بتاعك دة إنتقادي .... صحح عنوانه أولاً.
بس
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
والله انا من يوم شفت المصاورة قاعدين في الخرتوم وعايزين يعملوا اعمال فنية قلت اصلوا ما قاعد نريدم وكان اسوأ يوم كان اللقاء في التلفزيون السوداني جايبين فنانيين مصريين عشان يعملوا حاجة فنية مشتركة في عمل فني قلت اكيد جايين يخروبا لينا الذوق السوداني.
وهذا ما حصل فاللحن الجميل لمدحة مصر المؤمنة قد طار من من نافوخنا يعني ما ممكن نستمع للفنانين المصرين باللحن الهزيل الذي ما ان تسمعه تشعر بغثيان. وبالرغم من الجواني الفنية الا ان هذا اللحن قد فقد طعمه واطنه لن يجد الترويج كعمل فني في السودان.
الله يجازي الكان سبب استجلاب السلم السباعي الغير مستساغ في السودان. ومزيدا من الانحلال الفني وفقدان الذوق الرفيع.
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
الاخ ملاسي
.....
العمل لايشبه العمل الذي كتبه الشيخ البرعي
......
ولايشبه سودانيتنا في شي..
.....
الموسيقي.. الايقاع..اللحن..الكلمات..
....
والتصوير..
ممكن يكون رسّخ لصورة الاسلام التي يبثونها في أعمالهم الدرامية..
.....
أبو الريش :
بدون زعل .. النص الاصلي الذي كتبه الشيخ البرعي هو(المأمنة)
... وليس المؤمنة!!
وملاسي جاب النص الاصلي الذي كتب وروّج له بس
...
سأعود
غلامابي
| |
|
|
|
|
|
|
|
|
|
Re: مصر المأمنة!! (Re: محمد غلامابي)
|
تعرف يا غلامابي ذكرني كليب مصر المأمنة ببعض السودانيين الذين ما أن
يلتقوا بمصري- حتى و إن كان مبلط قيشاني - إلا يحاولون التحدث بلهجته!!
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
مقارنة بالإنتاج السوداني ....
تلفزيون السودان الممسوخ ....
قناة النيل الازرق التائهة ....
هارمونى او الجعيلي وسلسلة الفشل العريض .....
والمتاح في انتاج الاعمال الفنية .....
نضع مصر المأمنة في خانة العمل الجيد جدا....
(وجهة نظرى الخاصة)
فماذا قدمتم كسودانيين للعالم منذ ان تعلمتوا .... ت تصوير .. أ انتاج ... أ اخراج .........
صفر كبير ياالسنى .....
وصفر اكبر ياطلال ......
معقولة من الستينيات ( كم وخمسين سنة) .. ماقدرين تنتجوا انتاج ينافس فنياً ...
او خليك من ينافس دى كتيرة ....
مقبول فنياً فقط .....
ولمن نجيب محسن احمد ... ولا على الحجار ... عشان نأكد فشل المنظراتية المن سنة ستين
تشبكونا ياملاسي ....(دى مابتشبهنا .... ودى ماعاداتنا... ودى مااخلاقنا ... والجرسة تقوم)
| |
|
|
|
|
|
|
|
|
|
Re: مصر المأمنة!! (Re: kato)
|
معقول يا كاتو بعد القروش الكباها عز الدين دي كلها يطلع العمل
أشبه باستعراض افريكانا بتاع أحمد حلمي و شيرين في فيلم ميدو مشاكل!!
_____
هو وكت قدر يجيب محسن و الحجار و باقي الهيصة
دي كلها؛ مالو غلبو يطلع حاجة زي الناس.
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
الأخ غلامابي ..
Quote: أبو الريش :
بدون زعل .. |
وحاتك ما زعلان .. بس مستغرب الزول يقول حاجة في بوست يوصفوهو بالجاهل.
يا زول رمضان كريم ....... سلام
| |
|
|
|
|
|
|
|
|
|
Re: مصر المأمنة!! (Re: Emad Abdulla)
|
ثم تانياً .. ماهي الضرورة الفنية التي استدعت وجود إيهاب توفيق
و سحر عبد الله* بجانب شرحبيل؛ عقد الجلاد و الحجار؟!
_____
* بفرض انو اسمها سحر عبد الله.
| |
|
|
|
|
|
|
|
|
 Re: مصر المأمنة!! (Re: Hussein Mallasi)
|
سلام للجميع..
النص كما هو معروف لأبونا الشيخ البرعي..
وهو يعبر عن ذات صوفية خاص به، لكنها تعبر من الناحية الاخري
عن الذات السودانية التي عرفت أول ماعرفت التدين الصوفي، المخلوط بالمعتقدات
والاراء في المشايخ والاقطاب، وهو ميزة صوفية معروفة ليس في السودان فحسب، بل في مختلف الاقطار العربية غير السلفية..
لكن ماميز هذا النص بالذات، هو البراعة في الوصف، والحساب عند الشيخ البرعي، فهو يعدد بالرقم أربعة تداخلات رقمية لايمكن لك تصورها أبداً، هذا بخلاف ذكر الاماكن والمشايخ بمصر، بما يجهله المصريون انفسهم.. وأنا هنا لا أنادي بأن يقدم العمل بالكامل لضرورات عديدة، لكن الا يري معي البعض أن النص أُجتز بشكل مخل؟!!..
....
الموسيقي
بما أنني لست بموسيقي، لكنني ألحظ جهد واضح لشريف شرحبيل، غير أن ذلك لايعفيه من التنازل كلية عن اللحن السوداني، والسسلم الخماسي، دون أية مؤامة مع السباعي، مما أفقد النص الروح السوداني.. وإذا سأل سائل عن الروح المصري، فإن وجوده لايعني غياب للروح السوداني الموسيقي بشكل سافر..
.....
الاداء
المغنين المصريين سيطروا علي الاداء بشكل مخل، وجعل الاستاذ شرحبيل يظهر مرتين أو ثلاثة بشكل خاطف.. اما عقد الجلاد فقد كانوا كمبارس بكل أسف، لم يراعوا لتأريخهم، ولا أدري لماذا رضوا بهذا الدور القزم، والباشمهندس الخير أكثر معرفة مني بما عناه الاخ طلال عفيفي هنا عن الايقاعات التي كان يمكن ان يجيدون فيها أكثر..
....
الاخراج..
جيد، لكنه صوّر السودانيين كأوباش، تماماَ مثل المسلمين الاوائل قبل الدعوة يخرجون لأستقبال الدعاة الجدد بفرح همجي، وأوضاع غاية في الازدراء، والقبح والفوضي، وهي صورة لطالما روج لها الاخوة المصريون في أعمالهم الدرامية المختلفة عن الاسلام في الجزيرة العربية قبل ظهور محمد(ص)، وهو مايعيدونه هنا بشكل مختلف قليلاً..
.....
برضو سأعود
| |
|
|
|
|
|
|
|
|
|
Re: مصر المأمنة!! (Re: محمد غلامابي)
|
أتمنى انو البوست دا ما يزعل ناس عقد الجلاد؛ عقد الجلاد التي شكلت
وجدان معظمنا – من خمسين و لي تحت – عشان كدا الواحد ما رضا
ليهم المظهر الظهرتم بيهو سودانيز ساوند!
_____
و لو ناس سودانيز ساوند
دايرين يزعلوا .. اليزعلوا.
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
الاخ حسين ولد المخرج الراحل الفذ ابراهيم ملاسي
اصلو ذى كلامك ده با بخش في الراس
انت اصلا بتكره ناس عقدالجلاد لاسباب ايدولجية
وهؤلاء الشباب محترفين واعمالهم بهرت الناس ,ويحترمهم قطاع عريض من الشعب السوداني وهنا في اليمن لانها اصلا يفترض ان تقدم للخارج..لانها بتنقل التراث السوداني المحلي الي العالم..ويقدمون ثقافة السودان الجديد بحترامهم لاغاني الهامش...
وطبعا في حفنة من العاطلين عن المواهب من اصحاب الذوق الفاسد الذى اتلف حسهم اغاني شنان وندى القلعة وشعر روضة الحاج الجهادي .. قاعدين في /الخرطوم/كابول الجديدة او شلعوها الكيزان وسودان العزة للتبخيس والشناف
ورونا انتو قدمتو شنو للسودان غير نقتكم في سودانيز او لاين دي
بعدين مصر دي فايتاكم في هذا المجال(السينما) ب100 سنة ضوئية ومافي طريقة نلحقم الا بالاعمال المشتركة اسوة بدول الخليج وايضا هناك مسسلسل عثمان دقنة ايضا عمل مشترك وجيد
..........
وتصدق يا ملاسي اقوى مرافعة سودانية معاصرة تصف بؤسكم في كل المجالات هي اغنية عوض دكام لطه سليمان..وانا بفكر اعملا فديو كليب والخلفية لها صورة الناس المشتركين في سودانيز او لاين مع مونتاج لى جبرونا في ضواحي ام درمان مع شعار فضائية السودان(قانون العقوبات السوداني) وده كلو مع دقن كبيرة محننة لشخص مجهول الهوية من اللذين يصبغون شعورهم.....
واهم مقطع
شوفو درامتنا
شينة شاشتنا
شوفو ناس كايرو
وشوفو ناس الشام
كلام يا عوض دكام
...........
ابعد من مصر ومن عقدالجلاد خليك مع الشيوعيين بس
ومصر وعقد الجلاد ديل شعر ما عندك ليه رقبة..
وشعر ما عندك ليه قعر قصوووو
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
الأخ / حسين تحية طيبه ورمضان كريم
سوف احتفظ بوجهة نظرى كامله بعد المشاهدة والأستماع لأداء تلك (الأنشوده) الدينيه حيا مساء اليوم بساقية (عبدالمنعم الصاوى) بالزمالك، الا اذا تعارض ذالأمر مع لقاء الهلال بالمجد السورى والأهلى بالزمالك، يعنى رغم انه المظهر الخارجى لهذه الأنشوده تبدو عليه العلميه الا أن عزالدين لم يراع أختيار يوم مناسب لعرض ذلك العمل، فمباراة الأهلى والزمالك سوف تحرم الكثيرين من مشاهدة العرض.
شاركت فى اول ندوة قدمت فى مصر عن هذه "الأنشوده" ولاحظت أن جميع المشاركين يتحدثون عنها باعتبارها "اغنية سودانيه"، ولم يصحح تلك المساله لا عزالدين أو شرحبيل أحمد أو حتى ناس عقد الجلاد.
فصحتت الأمر مندهشا وقلت هى (انشوده) أو (مدحه) وهذا جانب (تطريبى) يختلف عن الغناء السودانى حتى لو تشابه معه فى بعض الجوانب.
يعنى الأنشوده أو المدحه يمكن أن يكون لحنها مشابه للحن أغنية لكن الجو (الروحى) والأحساس الذى الذى تؤدى به يختلف تماما عن الأحساس بالأغنية العاديه .. وصلتنا معلومه مؤسفه للغايه تقول أن بروفات هذه الأنشوده كانت تؤدى فى جو لا يتناسب مع أدب (المدائح) أو الأناشيد الدينيه .. يعنى فى جو نزعت عنه البركه (ولا داعى للتفاصيل) !!
هناك مبررات سمعتها قد تبدو مقبوله ومقنعة لمشاركة الأخوان المصريين فى هذه الأنشوده أو فى مسلسل عثمان دقنه، لكن تلك المشاركه كان بالأمكان وضعها فى اطار لا يفسد جوهر تلك الأعمال!!
وأخيرا:-
الكلمه الصحيحه (المأمنه) وليس (المؤمنه).. والله أعلم !!!
| |
|
|
|
|
|
|
|
|
|
Re: مصر المأمنة!! (Re: تاج السر حسن)
|
| Quote: الكلمه الصحيحه (المأمنه) وليس (المؤمنه).. والله أعلم !!! |
الأخ تاج السر الحسن ...
أتقبل التصحيح .. وأقبله إذا أقنعني .. وأشكرك في كل الأحوال. ولكن ما لا أقبله الإساءة.
أتت الإساءة من شخص أترفع عن القول بأنه مدّعي
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
استاذ/ ملاسي
افطار شهئ
Quote: أول مشكلة انو محسن أحمد – مخرج العمل – اظهر ناس عقد الجلاد بنفس الطريقة
- التقليدية - التي اعتاد مخرجو الفوازير أن يظهروا بها النوبيين!! |
شوف يااخوي انا عاوز اقول حاجة وبعدين انشاء الله يعلقوا لي المشانق : انا والله المصريين ديل لو نقلوا مدينة الاعلام بتاعتم والاهرامات للخرطوم ماحيجي يوم اصدق انهم بيتعاملوا معانا بالنواية الحسنة او بي اخوي واخوك ... عشان كده الخوف بكرة يقول ليك القصيدة دي من كلمات الابنودي ولا البارودي لمن كان يخدم في الجيش بالسودان كتبه والسودانيين استغلوها....!.
انا ده زحني منهم بعيد ... انشاء الله ترسل ليهم معتز القريش .
تحياتي
هارون دياب
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
اعجبنتي كثيرا مدحة الشيخ البرعي عليه رحمة الله عندما سمعتها بصوت واداء مداحيين سودانيين ..اعجبت بمقدرة الشيخ في وصف اماكن لم يكن قد راها (فلقد قرات انه قال المدحة وهو لم يزر مصر بعد) ومقدرته في حساب او تعداد لاشياء ومعالم .. وانزعجت جدا وانا اري هذا المسخ اداء وتصويير لنفس المدحة .. المدائح النبوية في السشودان الحالي والسودان الماضي حتي المحيط ارث له قواعده ومقاماته واسلوب اداء لا يمكن خلطه او تلوينه بالوان اخري .. لا يعني ان المرحوم الشيخ قد مدح مصر ان يحول مدحه الي مسخ مصري .. المداح السودانيين مدحو ارض الحجاز كثيرا فهل يعني ان تحول مدايحهم الي عمل تلفزيوني سعودي سوداني ...
عموما لم افهم المعني والمدلول من هذا الانتاج المسخ الساذج الاعداد الذي يفتقد حرفيه وذكاء مصور ومخرج ومعد واكيد منتج ...
متي نتبه الي اننا في السودان لنا لونا مميزا سودانيا في الشكل والمعني والمقام والارث يجب ان نفتخر بعه ونترجم ذلك الفخر الي حرص عليه يحميه من التشويه ونطوره وفق معينات الحياة الحالية وامكاناتها ...
رحم الله الشيخ البرعي ورحمنا من فعل هؤلاء صانعي المسخ من كل شئ جميل ...
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
....
كنت قد قلت لأبو الريش
إنو الاسم الصحيح هو(المأمنة).. لا(المؤمنة)
كما كتبها البرعي..
وأستجاب الرجل مشكوراً لمنطق الحقيقة
فكبر أكثر في نظري
ولا أري أي مبرر مطلقاً للكلمات النارية لملاسي
....
كسرة
سمة الحوار القبول بالحقائق لا القفز فوقها
وأبو الريش عمل بذلك
فماذا يضير الاخ ملاسي؟؟!!
إني أستغرب!!
....
ودام الحوار والود
غلامابي
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
| Quote: وكت ما بيكلف قروش .. ما تتأدب يا خوي!! |
عجبي ..... إنت حتى لما يتوفر مجاناً ما عايزو؟
Quote: Quote: ولا أري أي مبرر مطلقاً للكلمات النارية لملاسي
و أنا أرى انها مبررة تماماً. |
شفتوا العالم فوق كل ذي علم ده؟ ... لموا آراءكم عليكم .. ما دام هو (بيرى)
| |
|
|
|
|
|
|
|
|
|
Re: مصر المأمنة!! (Re: محمد أبوالعزائم أبوالريش)
|
شوف يا ابو الريش .. قلة ادب ما عايزين؛
اتيت متقعراً متعطراً و مصححاً بأن الصحيح هو المؤمنة و عامل فيها
الود ما عايز تفوت .. طلعت ما عارف حاجة و فات عليك عدم التفويت!!
______
تاني مرة لمن تحب تتعطر و تتقعر و تصحح .. اتعلم الصاح في الأول!
| |
|
|
|
|
|
|
|
|
|
Re: مصر المأمنة!! (Re: محمد أبوالعزائم أبوالريش)
|
العزيز حسين ملاسي
رمضان كريم
في ظني أن المؤمنة أصح من المأمنة لأن القاعدة في كتابة الهمزة إذا توسطت الكلمة أن ننظر لحركتها وحركة ما قبلهافتكتب الهمزةعلى حركة الأقوى منهما، والضمة أقوى من الفتحة. والكسرة أقوى من الضمة ومثال ذلك كثير: بؤساء، مؤامرة، مؤاكلة، مؤذن، تؤدة.
وهناك طريقة سريعة جداً في معرفة رسم الهمزة المتوسطة، وهي أن تسهل الهمزة وتنظر إلى أي حرف تحولت: مثلا عندما تسهل الهمزة في بئر، تتحول إلى بير، وفي بؤس تتحول إلى بوس، وفي مؤذن تتحول إلى موذن، وفي مؤمنة تتحول إلى مومنة.
لك جزيل شكري.
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
العزيز ملاسي
| Quote: يعني الفي المدحة كلو صاح و بقت على الاسم |
مشكلتي مع المدحة أكبر من الموسيقى والأداء المصري أو السوداني ... لذلك أثرت أن لا أعلق ـ في ذلك ـ بشيء.
| |
|
|
|
|
|
|
|
|
|
Re: مصر المأمنة!! (Re: نزار محمد عثمان)
|
رمضان كريم يا حسين و ضيوفك كمان ..
و حقيقة أنا شاهدت العمل و ذهلت ..
لأني بعد ما سمعته من جعجعة و شاهدته من دعايه إعلامية للعمل ..
توقعت أن يكون عملاً ( هـ يكسر الدنيا )
لكن يبدو أنه ( كسر خواطرنا ) ..
وخلى خشومنا ملح .. ملح ..ملح ..
و رأيي رأي مشاهد عادي جداً يرى
أن ..
هذا العمل إساءة لمدائح الشيخ البرعي ..
و إساءة للفنانين السودانيين بشكل عام حتى و إن كان الأستاذ / شرحبيل مشاركاً شبه فاعل فيه و إن شاركت عقد الجلاد كورساً لإيهاب توفيق و الحجار ..
لم أستسغ أداء المصريين لهذه المدحة ..
و كان أداء أقل ما يوصف بأنه متكلف ..
و ذكرني هذا الأداء بأبيخ فيلم في حياتي و مماتي و حتى يوم الدين إسمه ( رحلة عيون ) مصري .. سوداني .. الفاضل سعيد و صلاح بن البادية قادلين بالمايوهات في أسكندرية .. فرحنا ليهم كتييير ..
الفيلم دا لحدي يوم الليلة مضرسني ..
يا جماعة أرحمونا من هذا الإستنكاح البايخ ..
نعم السودان و مصر جيران و تاريخ و جغرافيا و نيل و حاجات و شنو شنو ..
لكن الحقيقة أن مصر و السودان ستين ألف حتة في حاجات كتيرة ..
عشان في حاجات إسمها الخصوصية الخصوصية الخصوصي ياااااااااااااااااااااااه ..
أفهمو
و ريحونا ..
خلونا قرايب و حلوين ..
بس أي زول يكون في علبو ..
..
بالمناسبة الزول بتاع سودانيز ساوند دا كان كويس جداً الحصل ليهو شنو ؟؟
| |
|
|
|
|
|
|
|
|
|
Re: مصر المأمنة!! (Re: نزار محمد عثمان)
|
سلام يا أهلنا و رمضان كريم
ما أظن طريقة الكتابة و الاختلاف حول مؤمنة ام مأمنة يستاهل الشخصنة دي
لأنه كــلكم صاح و ما ننسى انو القصيدة بالدارجة!
الفصيح : مؤمنة كما وضح الاخ الفاضل د.نزار اعلاه
الدارجي: مأمنة لأن المداحين نـطقوا الميم بالفتح..
و قد ذكر بعضهم أن الشيخ البرعي رحمه الله قد كتبها كذلك.
و العمل المشترك بييييض شديد.. خربوا لينا المدحة!
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
والله فات علينا نشوفها...وانتظرتها في دريم حسب كلام ملاسي لكن ما بثوها...حننتظرها غايتو عشان نشوف بتاع سودانيز ساوند دة لما كان فرحان وبنطط في سهرة النيل الازرق ..ليه حق ولا لأ
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
تصوم وتفطر على خير ياملاسي
الصاح مؤمنة وليس مأمنة
والصاح التانى المفروض تنتقد بموضوعية الكلمة اللحن الأداء الاخراج التصوير ووووووو
ده طبعا لو انت متخصص فيهن
والصاح التالت لو مابتعرف الصاح التانى تسكت وتسمع بس
وماتبخس حاجات الناس بلا فهم عشان مابتذوق اللونية السريالية المنبثقة من الموسيقى التصويرية ..
واركب اعلى مافى خيلك ..
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
صلاح عووضة مرة قام اتشوبر وانتقدالمدحة دى
القيامة قامت وقربو يعلنو فيه الجهاد
هسة لوسمعها بعد مااتمصرنت حينتقد الازهر ذاتو ...
نوع الشغل ده ومعاهو مسلسل عثمان دقنة
بغض النظر عن الأخطاء الفنية الفيهو بيشير ليك بصورة واضحةالى ( الرق النفسي ) المصاب بيهو بعض مثقفينا
دقنة شنوومدحة شنو ياملاسي
المشكلة أكبر من كدة
ده اسمو ( الاحساس بالدونية )
أو الكارهين ذاتهم على رأى بشاشا
والله يكون فى العون
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
وكمان شوف العوارة دى ..
تتعدد المناسبات ولكن ( الاحساس بالدونية ) واحد
لاحظ الارتباك والارتياح والحرص على توثيق المشهد في وشوش بلدنا
ودى حالتها ليلى علوى ..ماعارف لوكانت نانسي عجرم احتمال كان أجرو ليهاالفضائيات عشان تبثهاعلى الهواء مباشرة
لامن مابتكون عارف قيمة نفسك وارثك وثقافتك
مش المدحة هى البتتشوه
لا ... نفسك ذاتها بتتشوه ومابتكون عندها قيمة عن الاخرين
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
تعرف يا الطاهر .. أنا منتظر تعليق طارق الشريف ؛
الطاهر و نسرين نمر؛ نشأت الإمام و طلال مدثر على العمل دا.
_____
سيد أحمد خليفة لو داير يشكرو اليشكرو
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
يا تاج السر .. شلك كدا بعت ساقية الصاوي مقابل حضور المباريات!
_____
كان أحسن ياخي لو فاز الزمالك؛ أقلو الأهلي
يتضعضع معنوياً قبل لقاء الاتحاد الليبي.
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
شكلك يا ملاسي.. إنت مشيت شفت مصر المأمنة تاني ولا شنو ؟
عارفك حتديني في رأسي .. وحتقول ده جابوا من وبن ؟ .. لكن الغلط غلط
عليك الله بتعني شنو يا حسين .. أول مره تلاقيني..
رمضان كريم يا ملاسي..
| |
|
|
|
|
|
|
|
|
|
Re: مصر المأمنة!! (Re: محمد نور أحمد)
|
عارف يا محمد نور، أنا كنت عايز أسأل كمان من حاجة تانية .. لكن سكت لما قهموني وهرشوني وقالوا لي (إنت ولد قليل أدب).
بصراحة التحتهم خط ديل ما عرفتهم شنو .... يكونوا شتيمة؟
Quote: اتيت متقعراً متعطراً و مصححاً بأن الصحيح هو المؤمنة و عامل فيها
الود ما عايز تفوت .. طلعت ما عارف حاجة و فات عليك عدم التفويت!!
______
تاني مرة لمن تحب تتعطر و تتقعر و تصحح .. اتعلم الصاح في الأول! |
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
Quote:
عارف يا محمد نور، أنا كنت عايز أسأل كمان من حاجة تانية .. لكن سكت لما قهموني وهرشوني وقالوا لي (إنت ولد قليل أدب). |
أبو الريش .. باركها يا أخوي .. زي ما إنت شايف في تحالف إستراتيجي في طريقه إلى التدشين بيني والسيد/ ملاسي .. فبالله ما تعكر صفو الأجواء التاريخية دي .. آكله في حنانك وخلي البوست يمشي.
رمضان كريم يا أبو الريش.
| |
|
|
|
|
|
|
|
|
|
Re: مصر المأمنة!! (Re: محمد نور أحمد)
|
محمد نور
يا زول ما عندك مشكلة ....
ومن ناحية البوست ... ما توصي حريص ... أنا ما بعمل شئ غير إني أرفعو.
بس حرقني سؤال ممكن؟
الموضوع تحالف إستراتيجي .. والا تطبيع .. والا هدنة، لأنو الأسماء دي بتعمل لي تشويش، خاصة إنو أخوك فهمو في السياسة والكورة مش ولا بد.
رمضان كريم
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
ياااا ملاسى
سلام ورمضان كريم
انت مش قالو الشواطين دى فى رمضان بربطوها ؟؟؟؟
دخلت بعد طول غياب لاجد ...... ؟
بس حبيت انبهك انو الفرقة دى ما اجنبية ،، دى فرقة هجين (ما بعرف اجيب الوشوش )
لذلك تم حظر النشر والتعليق بشانها ،، كلمممتك انت قايل نفسك هبانى
انت على مرمى حجر ،، امتثل ولا تتفاصح
ــــــــــــــــــــــــــــ
اوع تقول لى انتى فاكينك ليه !!!!
| |
|
|
|
|
|
|
|
|
|
Re: مصر المأمنة!! (Re: دينا خالد)
|
| Quote: الموضوع تحالف إستراتيجي .. والا تطبيع .. والا هدنة، لأنو الأسماء دي بتعمل لي تشويش، خاصة إنو أخوك فهمو في السياسة والكورة مش ولا بد. |
لقد سألت عن عظيم يا أبوالريش .. لكن إنت حبيبنا برضو .. نوعية ملاسي ده تدخل معاه في التحالف البرضيه هو .. لكن تأكد مهزلة "أوزوندام" الحنك بيها كيكي ما تبقى علينا، ولا تطبيع ود جبرالله الجايب ليه الهواء مع السودان الجديد .. أطمئن يا صاحب
| |
|
|
|
|
|
|
|
|
|
Re: مصر المأمنة!! (Re: Hussein Mallasi)
|
| Quote: نوعية ملاسي ده تدخل معاه في التحالف البرضيه هو |
أها والحكاية دي بتعملوها كيف؟ بتخلوها تنجض براها كده؟ والا بتتجرسوا وبتطلبوا منو تفصيل تحالف؟ .... يعني لو نورتنا الواحد يعمل حساب المستقبل
| |
|
|
|
|
|
|
| |
Hussein Mallasi
اساسي
طلال عفيفي
عبد المنعم سليمان
هاشم أحمد خلف الله
Saber Abdelhadi
AmroKamal
salah elamin
jini
محمد سنى دفع الله
mamkouna
محمد أبوالعزائم أبوالريش
Zomrawi Alweli
نجوان
Emad Abdulla
عاصم ابوبكر حامد
إيمان أحمد
adil amin
haroon diyab
abubakr
قاسم المهداوى
نزار محمد عثمان
عصام دهب
saadeldin abdelrahman
الطاهر ساتي
محمد نور أحمد
دينا خالد
فيس بوك
تويتر
انستقرام
يوتيوب
بنتيريست